NOURRITURE

substantif féminin

[T-L : norreture ; GD : norriture ; GDC : norriture ; DECT : norreture ; FEW (VII, 253b) : nutritura ; TLF (XII, 267a) : nourriture]

A. -Fait de nourrir ; ce qui nourrit, aliment, nourriture.

Avec ce pris dou tout la cure De li amenistrer pasture, De baillier par condition De certeinne proportion, A point et ordeneement, Ne trop ne po, rieugleement, Une fois plus, une autre meins, Et tout passer par mi mes mains. Mais de piessa l'avoie apris, Se ne pooie estre sourpris. Et il [l'épervier] de sa propre nature Se metoit a sa norriture Si a point que riens n'i failloit. (Mach., D. Aler., a.1349, 276)

...j'y vi des oiseaus faitis, Grans et moiens et de petis, Trés tous gentis oiseaus de proie - Et c'estoit ce que je queroie - Et s'oy tenir parlement Moult bel et assentiement, Comment on les devoit tenir, Porter, garder et maintenir, Et norriture admenistrer, Duire, mettre a point et moustrer Chascun endroit lui son mestier, Selonc ce qu'on en a mestier, S'i prenoie moult d'esbanoy. (Mach., D. Aler., a.1349, 293)

Il me souvint que, quant j'avoie Mon alerion, je vëoie Que moult trés volentiers prenoit Verdieres, quant a point venoit, Et les prenoit de sa nature, Pour deintier a sa norriture. (Mach., D. Aler., a.1349, 395)

...l'espoux vray de sainté amoureuse, Qu'elle [Marie] baisa et coucha par grant cure Entre ses braz, donnant li norreture Du vierge lait dont parla Isaye (Mir. Theod., 1357, 130)

...le landemain, elle estant aus champs et soyant de l'erbe pour la nourreture de ses bestes, recordant de la visitacion faite par elle audit de Ruilly, fist environ soy un cerne d'un baston que elle tenoit (Reg. crim. Chât., II, 1389-1392, 293)

En laquele chambre lui fu apportée sadite fille par la nourrice demourant à Garches oultre Saint-Clod, mardi derrenierement passé ot VIIJ jours, disant qu'elle ne la vouloit plus nourrir, et lui demanda XXIIIJ sols qui encores lui estoient deuz à cause de ladite nourriture. (Reg. crim. Chât., II, 1389-1392, 531)

Pour ce ne se doit desperer Nulle fille de povreté, Car on dit que boneureté N'est pas en souëf nourreture (Gris., 1395, 40)

LA MARQUISE [au sergent] . ...Je te prie, se bonnement Faire se puet sanz prejudice, Que l'enfant, qui vient de nourryce, Et sa chair tendre en nourreture Garder vueilles de mort obscure D'oyseaux et de bestes sauvaiges (Gris., 1395, 66)

...nous véons es cloz et champs Les nouveaulx grains, et nouveaulx fruiz, Corrompus, gastez et destruiz Par l'air infect, ou mauvaiz vent, Qui telement les va grevant, Dont maint homme prent nourreture, En très grant grief de sa nature. (La Haye, P. peste, 1426, 56)

De prince [François Villon] n'a ung denier empruncté, Fors de vous seul, vostre humble creature. De six escuz que luy avés presté, Lesquelx il mist pieça en nourriture, Tout se paiera ensemble, c'est droiture (Villon, Poèmes variés R.H., c.1456-1463, 50)

Élevage.

Pasnage à leurs pors de leur noureture, par païant I d. pour porc à la saint Andrieu et obole à la Chandeleur pour recours (Hector De Chartres, Cout. R., 1398-1408, 15)

Item, ont franc pasnage pour les pors de leur noureture sans nombre, hors deffens. (Hector De Chartres, Cout. R., 1398-1408, 176)

B. -Par métonymie.

1.Bétail.

Folle garce sans demorance, Va-t-en garder ta nourriture (Myst. siège Orléans H., c.1480-1500, 433)

Les Granges sont au seigneur de Millan, Car c'est ung lieu plaisant et delectable, Duquel saichez que tousjours d'an en an Ung bien en sort qui est innumerable. C'est seulement ung lieu pour nourritures Et pour garder bestes de toute sorte, Dont le seigneur en a de grans droictures Une foys l'an, de ce qu'on en raporte. (La Vigne, V.N., p.1495, 185)

2.Enfant (qu'on a élevé).

Tout est trouvé en l'escripture, Que de la vierge la norriture Doit mourir a tresgrant vilté. (Myst. Pass. Amb. R., c.1474-1500, 61)

Ce n'est [l. m'est] ung trespiteux effroy. Adieu, adieu, ma norriture ! (Pass. Auv., 1477, 232)

...et la damme paraillement l'ambrace et le baise de son cousté et luy dist : 'Mon seigneur et ma noureture, benoiste soit l'eure que je vous trouvay oncques !' Et l'enffant Charles si estoit fort esbahy quant il vit ceste maniere de faire, et dist a la damme : 'Ma damme, pour quoy me faictes vous ainsi ? Ne suys ge pas voustre filz...' (Charles de Hongrie C., c.1495-1498, 15)

LA MERE. Ma doulce fille chiere et tendre, Mon enffant et ma nourriture, Vous me faictes tout le cueur fendre De vostre tresgriefve adventure. (La Vigne, S.M., 1496, 452)

Lignée, famille.

Je reçus ceste lettre cy Droit en la ville de Crecy ; La fu le duc de Normandie, Mon droit signeur, quoi que nuls die, Car fais fui de sa nourreture Et sui sa droite creature. (Mach., Voir, 1364, 320)

Sa contenance [de Fortune] en vertu pas ne dure, Car c'est tous vens, ne riens qu'elle figure Ne puet estre fors de fausse figure ; Et li siens sont toudis en aventure De trebuchier ; car, par droite nature, La desloyal renoïe, parjure, Fausse, traïtre, perverse et mere sure Oint et puis point de si mortel pointure Que ceaus qui sont fait de sa norriture En traïson met à desconfiture. (Mach., Motés, 1377, 497)

NOÉ. (...) Dieu quil cy grant bonté m'a faicte Que moy et toute noricture As garder de mort obscure Dedans ung petit esdiffice, A toy veul faire sacriffice De cest aignel qu'est beste monde, Car tu es repareur du monde, Sur cest hautel que j'ediffie. (Pass. Semur D.M., c.1420 [1488], 29)

Estre nourriture de qqn. Être un enfant élevé par qqn, avoir été élevé par qqn.

...estoit ycestui [messire Guy, seigneur de Roye, élu chevalier de la Toison d'or] norriture du bon chevalier messire Jehan de Lucembourg, fait de sa main (Chastell., Chron. IV, D., c.1461-1472, 283)

Estre de la nourriture de qqn. Appartenir à la maison de qqn.

Et savoit le gentil homme parler alleman (...). Si estoit non de la nourriture du daulphin mes du mareschal de Bourgoingne (Chastell., Chron. IV, D., c.1461-1472, 257)

C. -Par métaphore. au figuré.

1.[P. métaph. ou dans un cont. métaph.]

Mais il y a chose qui m'est trop dure ; Car long seray de vo douce figure, Helas ! dolens, et n'aray creature Qui me conforte Ne qui me doint joieuse norriture Ne repaisse d'amoureuse pasture Ne qui sache la tres douce pointure Que mes cuers porte. (Mach., Compl., 1340-1377, 259)

Nompourquant c'est chose certeinne Qu'en ce feu n'a doleur ne peinne Uns cuers qu'est de bonne nature, Eins y prent douce norriture Et s'i delite en tel maniere Com li poissons en la riviere. (Mach., R. Fort., c.1341, 69)

Joie, plaisence et douce norriture, Vie d'onnour prennent maint en amer ; Et pluseurs sont qui n'i ont fors pointure, Ardour, dolour, plour, tristece et amer. (Mach., R. Fort., c.1341, 71)

...Humble vierge, porte de paradis, Par qui paix est empetrée touz diz, Et dont nous vient substance et norreture (Mir. ev. arced., c.1341, 145)

Car juenesse pleure et se rit Tout d'une cause et en un point. Pour ce couvient baillier a point A juenesse sa norriture De douce amoureuse peuture. Or feroit il bon savoir l'eure Que juenesse rit et se pleure ; Amant le puelent bien prouver. (Mach., D. Aler., a.1349, 252)

Tant est doulce nourreture D'amer Dieu et son gré faire Qu'en ce ne peut nulz meffaire. (...) Tant est doulce nourreture ; C'est vie a l'ame et pasture (Mir. st Sev., 1362, 203)

...je ne vous sai ne puis mercyer assez de la grant honneur, de la grant joie et du parfait bien que vous me faites par vos douces escriptures ; quar, par m'ame, je pren joie, plaisance et douce nourreture au lire, quar je les lis si souvent que la douce saveur en demeure en mon cuer a toutes heures. (Mach., Voir, 1364, 148)

Et quant je ne vous puis veoir, et il me souvient - et souvenra - de la tresdouce et sade nourriture dont vos nobles cuers m'a franchement et doucement repeu (Mach., Voir, 1364, 308)

...ceste vierge joieuse : Car faite est puis benoist pour abuvrer Touz ses subgiz d'yaue delicieuse, (...) Vergier en qui prise est leur norreture (Mir. Berthe, c.1373, 255)

De desconfort, de martyre amoureus, De griés soupirs, d'une crueuse ardure, De pleins, de plours, d'un mal tres dolereus Pleins et peüs de triste nourriture, Vuis et geüns d'amoureuse pasture, Vit en morant, dame, li cuers de mi En desirant vostre douce merci. (Mach., Bal., 1377, 542)

La loyauté, où mes cuers se norrist, Et vraie amour qui est ma norriture, C'est ce pour quoy mes cuers en joie vit Et qu'il est pleins de gaie envoiseüre. (Mach., L. dames, 1377, 40)

Se vostre dolour est dure, Dous amis, à endurer, Sachiés que ma norriture Est de pleindre et de plourer. Einsi ne puis plus durer, Ains desir que morte soie, S'ainsi est que ne vous voie. (Mach., L. dames, 1377, 41)

O tresredoutable et perilleuse acoustumance de voluptez et d'aises, o envieillie et enracinee norreture de pompes et de delices... (Chart., Q. inv., 1422, 14)

Considerée ta personne, Qui es une jeune pucelle, à qui Dieu force et povoir donne D'estre le champion et celle Qui donne à France la mamelle De paix et doulce norriture... (Chr. Piz., J. d'Arc, 1429, 32)

2.Au figuré.

a)Éducation.

Il n'est beste, tant soit sauvage, Qui l'aroit en son juene eage Si la vosist aprevisier, Que son fier corage brisier Ne li feïst et sa nature Un po muër par norriture, Commant c'on die le contraire. Mais je le sçay par l'exemplaire De ce lion que j'ai norri : Qu'aussi tost com je li sourri Ou que mon regart li envoy, Tantost a moy venir le voy. (Mach., D. Lyon, 1342, 225)

Pour che, de la nourreture trop lasse des enfans dist Quintilian : 'A ma volenté que ne perdissiens pas les meurs de noz enfans !' (Daudin, De la erudition H., c.1360-1380, 164)

Au contraire dist Seneque ou livre des Meurs : 'Education ou nourriture et discipline', c'est a dire education disciplinee fait les meurs, et che saveure chaschun qu'il a aprins (Daudin, De la erudition H., c.1360-1380, 164)

Et puis deskenderons à nostre mateire principaul, ch'est alle loy et aux constummes de paiis de nostre douche noureture, dont ilh est chi devant parleit, en parseverant nostre oevre jusque al fien, se Dieu le vuet consentir. (Hemricourt, Patron Temp. B., c.1360-1399, 83)

Et pour ce, selon ce pourroit aucun diviser et separer d'ensemble amistié de lignage et amistié de nourreture ou de ceuls qui sont nourris ensemble. (Oresme, E.A., c.1370, 440)

Et amistié de nourreture vient de habiter et mangier ou jesir ensemble. (Oresme, E.A.C., c.1370, 440)

Et ce leur vient de bonne nature de leur pere et de leur mere et de bonne engendreüre et de bonne norriture et de bonne naissance et en bonnes constellations et signes du ciel, et cela est en homme et en toutes autres bestes. (Gast. Phébus, Livre chasse T., 1387-1389, 62)

Tel est mal condicionné Et a vices habandonné, Qui le tient plus par nourriture Qu'il ne fait de droite nature (Chr. Piz., M.F., II, 1400-1403, 52)

Mais, aux femmelles, par grant cure, Elles [les Amazones] donnoient nourriture. (Chr. Piz., M.F., III, 1400-1403, 10)

Et honneste nourreture, Par nature, Fait bon cuer amesurer Et tout meffait forjurer, Et jurer De garder en son endroit A chascun son loyal droit (Chart., B. Nobles, c.1424, 398)

Et qui fist ce, fors la confidence de nature et l'esperance de honneste nourreture et sainte doctrine des bons parens ? (Chart., L. Esp., c.1429-1430, 68)

Et qui vouldroit parler des enfans procreez et nourris, je faitz juge toute bonne crestienté que l'estat de mariage indivis et uny entre deux persones est duysible et consonant a vraye amour, loyalle engendrure, utile a songneuse nourriture, et necessaire a bonne doctrine dez enfans (Chart., L. Esp., c.1429-1430, 130)

Là a yl pris sa nourriture d'enfance ou gyron de dame Clio (Robertet, Oeuvres Z., c.1450-1500, 132)

Mais quant en ung prince la vertu et bonnes condicions precèdent les vices, il est digne de grand louenge, veu qu'ilz sont plus enclins a toutes choses voluntaires que autres hommes, tant pour la nourriture et petit chastoy qu'ilz ont eu en leurs jeunesses que pour ce que, venans en l'aage d'homme, la pluspart des gens taschent à leur complaire et à leurs complexions et condicions. (Comm., I, 1489-1491, 1)

Nourriture vainc et passe nature. L'éducation l'emporte sur le naturel.

Et se j'avoie L'amour de li mieus que le ne soloie, Ne say je pas, se je m'i fieroie. Certes nennil ! Pourquoy ? Je n'oseroie. Car nourreture, Si com on dit, veint et passe nature, Et toudis va, s'il ne se desnature, Li leus au bois ; c'est la verité pure. (Mach., J. R. Beh., c.1340, 95)

Estre de la nourriture de qqn. Appartenir à la maison, à l'entourage de qqn.

...j'ay congneu gens en ce royaulme aussi dignes de conduyre ung grand accord que nulz aultres que j'aye congneuz en ce monde, et par especial de la nourriture de nostre Roy (Comm., Mém. B., 1489-1491, 209)

b)Fait d'entretenir qqc..

...et si est il [le mal] entrez ausi en moi de ma malveise nature, mes de riens tant come de mon malveis attret et la orde norture qe j'ai fait de delit de vils pecchés en mon coer (Henri Lanc., Seyntz medicines A., 1354, 84-85)

Et la bonne ame est noureture De joie et de perfection Et a tous jours affection, Ensi que dient li acteur (Froiss., Joli buiss. F., 1373, 229)

Ce qui alimente, qui entretient qqc..

Refus qui d'espoir osté M'a la norriture, Et Dangiers qui despité M'a sans cause et si grevé Qu'il m'a par desdaing mené À desconfiture. (Mach., Motés, 1377, 512)