METS

substantif masculin

[T-L : mes4 ; GD : mes3 ; GDC : mes1 ; AND : mes2 ; DECT : mes4 ; FEW (VI-2, 175a) : missus ; TLF (XI, 752b) : mets]

A. -Aliment élaboré entrant dans la composition d'un repas, plat, mets.

Et se aucuns du païs feist une grande feste et donnast a menger, se il ne feist un mes de ces serpens, il sembleroit bien qu'il n'eust rien fait. (Jean Le Long, Voy. Odoric A.M., 1351, 37)

...Ne de mes amis approuchier Ne quier par congnoissance mais, Ne menger delicieux mès, Fors pain et yaue (Mir. parr., 1356, 11)

Ça, mon seigneur, venez seoir (...) : Vez ci table et mès appresté, Sire, pour vous. (Mir. Oton, c.1370, 362)

'Alons, alons disner (...)' Si s'assist à table li dis messires Jehans Chandos et tout li aultre, et mengièrent leur premier mès. Ensi qu'il estoient ja servi dou secont et l'avoient ahers, messires Jehans Chandos (...) leva la tieste (...) et dist une parolle qui fu volentiers oye. (Froiss., Chron. L., VII, c.1375-1400, 178)

...et lors apporta on mès a si grant planté que c'estoit merveilles a regarder. (Arras, c.1392-1393, 30)

Et la fu la feste grant, et y ot de moult nobles mès servis cellui jour (Arras, c.1392-1393, 32)

...la roine (...) sist a table solempnement (...) La furent assis a tables tous chevaliers et esquiers de Hainnau qui partir voloient, et servi de tous més grandement et largement (Froiss., Chron. D., p.1400, 98)

La peut on veoir de l'estat grant noblece de bien servir de grant fuisson de més et d'entremés (Froiss., Chron. D., p.1400, 116)

Servis fumes de plusieurs mets Delicieux et d'entremés Beaulx et plaisans (Chr. Piz., M.F., I, 1400-1403, 39)

Et, selon l'art de Médicine, Tout homme aiant foible poictrine, Mal estomac ou dolent cuer, Doit mains user de tel liqueur, Et n'est pas, sachiez à entendre, Que les metz soient à restraindre Au vin aigre tant seulement Qui de roisin prent naissement, Ançoiz vault et proffitte ades Le vin des pommes de grenades (La Haye, P. peste, 1426, 126)

Quand est à parler des grans estas qui y furent fais sans nombre en divers mès de boires et de mengiers très plantiveusement, par l'espace de huit jours ou environ, ilz seroient trop longz à déclairer. (Monstrelet, Chron. D.-A., t.4, c.1444-1453, 371)

Dont, pour abregier, la furent de bons vins et viandes, de mez et d'entremez tres largement servis (La Sale, J.S., 1456, 133)

Pour vin que ayent prins au matin les grommetz, Ne quelque oudeur qu'ilz ayent voulu eslire, Ne pour dormir tant qu'il prannent leurs metz, Ne pour soleil qui puisse(nt) sur eux luyre, Ne pour beaux motz qu'ilz puissent aux saintz dire, N'en espargnez plus ne foible ne fort, Car il convient tout homme desconfire Se humains ne font envers Dieu leur accord. (Cene dieux, c.1492, 139)

Par carrefours, tables rondes propices, Combles de vins, d'ypocras et d'espices, De coriandes et d'autres nouveaulx metz (La Vigne, V.N., p.1495, 191)

B. -Par extension. Ce que l'on sert, que l'on propose.

1.Ce qui est mis sur la table, même si ce n'est pas pour être mangé.

...le premier mez que on porta fut une hure [de] sangler plainte et plainne d'estoupes, en ung grant plat, entour duquel y avoit bien XXXII banières, tant des armes du Roy, comme des autres seigneurs du pays. Et adonc l'on boutta le feu dedens lesdictes estoupes ; sy fut faicte grant joye par toutte la salle, de tous ceulx qui estoient layens. (Escouchy, Chron. B., t.1, c.1453-1460, 181)

2.Portion, ration.

GABRIEL. Frére, soies joians et liez : Tu avras compaignon ennuit. Pour ce t'envoie Dieu de fruit Et de prouvende double mès. (Mir. enf. diable, c.1339, 35)

3.Redevance due pour un mariage.

Et ceux qui se marient ont chacun une charettée de boys, et pour [ce], doivent au sergent un mes. Item, ilz [doivent avoir] vollée et perches par païant chacun XII d. par an au verdier. (Hector De Chartres, Cout. R., 1398-1408, 41)

4.Tout ce que l'on sert, tout ce que l'on propose.

Mets de nouvelles

L'ABBEESSE. (...) Quelz est des nouvelles le mais Que m'apportez ? LE PREMIER CLERC. Biau, dame, quant bien vous portez : Je ne say que vous die plus. Mon seigneur l'evesque salus Assez de foiz, sachiez, vous mande... (Mir. abbeesse, 1340, 82)

Faire à qqn un mets de grant douleur

...saint Perre (...) en lieu de joie et de deduit M'a fait de grant doleur un mais, Car il m'a dit qu'a touzjours mais Me seront les portes fermées Des cieulx (Mir. pape, 1346, 373)

Locution figurée. Pour tous mets. Pour tout potage, en définitive.

Mais il se convient entremectre De l'ensevelir pour tous mets, Puis en la terre le remectre Et prier pour luy desormais. (La Vigne, S.M., 1496, 574)

Jeter un mets entredeux. Susciter un motif de discorde.

[C'est FLATTERIE qui parle] Et fais ung grant ris d'ostellier Se je vois qu'il y ait esbat, Se d'avanture sort debat Ou discors, certes, ung ou deux. Je vous gette ung metz entredeux, Ce croy je, que vault bien son pris. (Pouvre peuple H., c.1450-1492, 166)

Servir qqn de tel mets. Voir servir

Car longuement, com douce mere et tendre, De ses dous biens au mieus qu'elle a peü, Ne je n'ay pas encor aperceü, Pour nul meschief que j'aie receü, Que tout adès Elle ne m'ait com amie esté près Et qu'el ne m'ait servi de tous mes mès, De plours devant et de souspirs après. C'est ma viande ; Mes appetis plus ne vuet ne demande, Ne, par m'ame, riens n'est a quoy je tende Fors seulement a ce que mes cuers fende. (Mach., J. R. Beh., c.1340, 86)

Et quant Amours t'a mis en sente De sa bonne grace esperer, Tu ne te dois pas desperer Pour un petit de mesprison, Car mauvaistié ne traïson N'i ot, quant a la verité, Fors paour, honte et nisseté Avec Amours qui s'i mesla, Quant servis fus de ce mès la Qui te mist en cuer l'apostume Dont ta douceur en amer tume. (Mach., R. Fort., c.1341, 60)

LE ROY DE TURQUIE. (...) je sui celui (...) Qui te pense en ma merci mettre (...). L'EMPEREUR. Tu saras avant de quelx mès Je sers ceulx a qui me combaz. (Mir. fille roy, c.1379, 76)

Jouer à qqn un sale tour.

Nous as tu servy d'un tel mes Soubz couleur de parlementer, Par ton voloir faulx et mauvais En trayson voulu traicter ? (Myst. siège Orléans H., c.1480-1500, 275)

S'i retournent et nous guaingons, Destruiz seront a tousjours mes ; Plus puissance sur nous n'aront Et desconfiz seront desormais. Que serviz les avons d'un mes Qui pain et potaige a valu ; S'il ont encor ung entremes, Il aront tous cuyt et mollu. (Myst. siège Orléans H., c.1480-1500, 550)

5.Par métaphore. [À propos d'une pers.]

[À propos d'un nouveau-né confié par la Vierge à un ermite]

Mi ange, porter vueil ce mais A un hermite mien ami Qui est ou bois de Saint Remi, Qui du garder bien ara soing. (Mir. abbeesse, 1340, 88)

[À propos d'Ignace, condamné au supplice]

L'EMPERÉRE. (...) Alez le sanz arrestoison Cy amener. PREMIER SERGENT. Je ne say conment demener Il se pense dès ores mais. Gamache, alons querre ce mais Nous deux, amis. (Mir. st Ign., 1366, 108)