SALUT

substantif masculin

[T-L : salu ; GD : salut ; GDC : salu ; DECT : salu ; FEW (XI, 126a) : salus ; TLF (XV, 26a) : salut]

A. -[En lien avec sauver]

1.[Latinisme] Bon état physique et moral, bonne santé.

Item, pour quoy et a quelle fin, si comme pour cause de salu ou de santé. (Oresme, E.A., c.1370, 181)

Et pour ce, nul ne doit cuider que il soit ainsi comme l'en disoit selon une ancienne fable, c'est a savoir que le ciel, pour le salut et soustenement de lui, a mestier d'un geant appellé Athlas. (Oresme, C.M., c.1377, 300)

[À propos d'une chose]

...et met ou secont chapitre comment le aer de occident est plus benigne et plus convenable au salu de nature humainne que n'est celui d'orient. (Oresme, C.M., c.1377, 350)

MÉDECINE Guérison.

Des acues maladies, generalment les pronosticacions ne sont pas certainement ne de salut ne de mort. (Saint-gille, A.Y., 1362-1365, 60)

...signes de salut ou de mort (Saint-gille, Comment. A.Y. L., 1362-1365, 334)

Remarque : Percef. III, R., t.1, c.1450 [c.1340], 113 (ainchois sommes humbles et doulces damoiselles desirant singulierement vostre salut) ; éd. : 'guérison' ; mais on peut y voir plutôt le sens infra 2.

2.Fait d'échapper à un danger et de se maintenir ainsi dans un état satisfaisant, voire prospère.

a)[À propos d'une pers.]

Si leur a dit que il cuidoit pour certain que sa demeure de la journee d'ier avoit esté ordenee par la pourveance dez dieux pour le salu de luy et de eulz (Bers., I, 1, c.1354-1359, 51.3, 85)

Mais neentmoins, l'en puet bien et doit taire verité pour le salu de son amy. (Oresme, E.A.C., c.1370, 113)

La Court vaca pour occasion des processions generales à l'eglise Sainte-Katherine pour le salut et bonne prosperité du Roy et de ce royaume. (Fauq., I, 1417-1420, 207)

[À propos d'une collectivité]

Sur quoy Dieu vueille pourveoir, ainsi que il scet estre besoing pour la conservacion et salut de ce royaume, des subgiez et bien vueillans d'icellui. (Fauq., I, 1417-1420, 188)

Pourquoy ledit excellent Roy, Considérant forment en soy, Comme Prince trez crestien, Le salut commun et le bien, Fist compiler, pour le voir dire, Examiner et puiz escrire Par notables Phisiciens, Expers en l'art et anciens, Une certaine et vraie doctrine [contre la peste] (La Haye, P. peste, 1426, 12)

...affin de traicter ce qu'il seroit possible au salut et utilité de l'Église universal. (Chart. J., Chron. Ch. VII, V., t.2, c.1437-1464, 50)

Et pour ce, ce que nous en avons fait est pour le commun prouffit et salut de nostredit royaume. (La Sale, Salade, c.1442-1444, 208)

Port de salut

Car je suis au port de salu, Ce m'est vis, quant je vous regarde. Si met dou tout en vostre garde Cuer, corps, ame ; car il n'est lieus Ou mettre les peüsse mieus, Pour mon temps user liement. (Mach., R. Fort., c.1341, 85)

Et l'ordenance dou pourpris Ou je me tenoie pour pris, Se n'estoie a port de salu Par le lion qui m'ot valu, Et la vertu de la nacelle. (Mach., D. Lyon, 1342, 187)

Et la nacelette petite, Qui aus loiaus amans pourfite Et au port de salu les meinne, Sans mal, sans peril et sans peinne, Firent faire aussi sans delay, Tout einsi com devisé l'ay. (Mach., D. Lyon, 1342, 221)

...De draps d'or et d'avoir de pois A chargié, passé a trois mois, Une barge qu'il vous envoie ; Diex a port de salut l'avoie ! (Mir. march. juif, c.1377, 200)

b)[À propos d'une chose] Ce qui sauve qqn (ou une collectivité).

Par quoy toutes nations, tous royaulmes qui se sentoient par aultruy opprimez recourroient au senat comme a leur salut, ainsi que font les maronniers qui en tempeste de la mer quierent le port (Fillastre, Traité Conseil H., c.1472-1473, 227)

c)Par extension. Sauvegarde de qqc..

Pour certain, il vaut mieulx et convient, par aventure, aucune fois pour le salu de verité destruire les opinions de ses familiers et amis, et dire autrement que euls, et ce appartient mesmement aus philosophes. (Oresme, E.A., c.1370, 113)

Mais elles different ; car injustice particuliere est vers honeur ou pecunes ou salu de corps, ou se nous avion un nom qui compreïst toutes teles choses, nous dirion que elle est vers cela. (Oresme, E.A., c.1370, 281)

La est, dit il, le salu de la chose publique (Fillastre, Traité Conseil H., c.1472-1473, 146)

3.En particulier. Fait d'échapper à la damnation, d'être sauvé de l'état de péché.

Et, comme dit Tulle : 'qui clot ses oreilles a verité, par especial de ses amis, il est a delaissier comme celuy auquel on ne attent salut ne amendement'. (Gers., Noël, p.1404, 310)

Maiz la perfection et salut de l'omme procede dez meritez humains et despent de grace divine. (Chart., L. Esp., c.1429-1430, 150)

...par celle pitouse voulunpté que le benoist Filz de Dieu eust de vouloir mourir pour le salut du monde, Dieu le Pere lui donna ce mandement de mourir (Crap., Cur Deus, De arrha B.H., c.1450-1460, 177)

Dieu parfera ce qu'il a encommencié de l'omme, c'est le salut de l'omme (Crap., Cur Deus, De arrha B.H., c.1450-1460, 205)

Laquelle chouse ce elle est vraye, il seroit advis que Dieu fut contrains, par neccessité de eviter le inconvenient, qu'il procuroit le salut de l'umain lignage. (Crap., Cur Deus, De arrha B.H., c.1450-1460, 210)

Or pren garde comme tu peulx presumer de ton salut sans humilite et sans crainte de dieu. (Cib., p.1451, 199)

...et de ses forfaiz fist penitance, telle et si austere, que plusieurs esperent de son salut. (Simon De Phares, Astrol., c.1494-1498, f° 44 r°)

L'ABBÉ. (...) Mes bons freres, Dieu vous begnye Et vous doinct bien perseverer En amour et concorde unye, Pour nostre salut procurer ! (La Vigne, S.M., 1496, 360)

Ville de Bordeaulx, où il fist son testament, daté du XIIIIe jour dudit moys, dont la teneur s'ensuit : 'Ou nom du Pere et du Filz et du Saint-Esperit, amen. Charles, filz et frere du roy de France, duc de Guienne, conte de Saintonge et seigneur de La Rochelle, bien souvenans de nostre salut et sains de pensée, jaçoit ce que de corps soyons fort malades, pensant tousjours à la parolle de Nostre Seigneur disant au roy Ezechie : Dispose de ta maison, car demain tu mourras...' (Le Clerc, Interp. Roye, c.1502, 281)

Salut de l'ame / des ames

A Dieu, qui vous vueille enseignier A faire le salut des ames De vous [abbeesse] et de toutes les dames Qui sont soubz vous ! (Mir. abbeesse, 1340, 83)

Car, aprés la foy catholique, en quoy il est souffisanment instruit, et de laquelle il est soubz Dieu, aprés le pape, principal deffenseur, il ne pourroit meilleurs choses savoir ne plus profitables pour lui et pour son royaume, et aveques ce pour le salu de l'ame. (Oresme, E.A., c.1370, 98)

Pour le salut de l'ame de qqn

Et lors elle qui parle lui respondi que contre le salut de son arme ne vouldroit-elle aucune chose faire ou dire. (Reg. crim. Chât., II, 1389-1392, 290)

Et savez comment il a premierement souffert la crueuse mort pour nous racheter des paines d'enfer. Dont, veu qu'il nous a fait ceste grace, nous ne devons pas ressoingnier la mort ou l'adventure qu'il lui plaira a nous donner, pour soustenir les sains sacremens qu'il nous a administrez pour le salut de noz ames... (Arras, c.1392-1393, 108)

...lequel [maistre Nicole de Savigny] avoit laissié grant chevance, tant en meubles que en heritages, dont il avoit disposé d'une partie pour le salut et remede de son ame, en son testament qui avoit esté perdu ou recelé (Fauq., II, 1421-1430, 285)

...il leur vouloit dire aucunes choses necessaires pour le salut de leurs ames. (C.n.n., c.1456-1467, 513)

Estat de salut

Autres questions se pourroient multiplier et faire plus haultes, c'est assavoir de la procession du Saint Esperit et de l'erreur des grecs et assavoir se les grés sont en estat de salut, et se on puet oïr leur service, et participer avec eulx ? (Gers., Pent., p.1389, 84)

Voie de salut

Et la Sainte Escripture dit que la voie de perdicion est lee et la voie de salu est estroite, etc. (Oresme, E.A.C., c.1370, 361)

...en ton franc arbitre d'eslire le bien ou le mal, d'aller la voye de perdition ou de salut... (Chastell., Temple Boc. B., 1463-1464, 189)

Faire le salut de son ame

D'or en avant me doy prouver De faire le salut de m'ame, Car je pensse que homs ne fame N'y mettra plus enpeschement. (Vie st Fiacre B.C.P., c.1380-1400, 26)

[Dieu est le salut]

Sires Dieu, mon Salut... (Gast. Phébus, Livre oraisons T., c.1380-1383, 49)

B. -[En lien avec saluer]

1.[Formule pour souhaiter à qqn la prospérité]

[Formule qu'emploient le roi, les princes, les évêques... en écrivant à certains grands personnages] Salut / salut et dilection

A noz amez et feaulz tresoriers a Paris salut et dilection (Phil. Vi Valois, Lettres closes C., 1332, 46)

Philippe, filz de Roy de France, duc de Bourgoigne, comte de Flandre, d'Artoiz et de Bourgoigne palatin, seigneur de Salins et de Malines, aux presidens et autres gens tenens le Parlement de monseigneur le Roy à Paris, salut et dilection. (Baye, I, 1400-1410, 35)

Grégoire, évesque, serf des serfz de Dieu, à mes filz de l'Université et de l'Estude de Paris, salut et bénédiction apostolique (Doc. 1406. In : MONSTRELET, Chron. D.-A., t.1, c.1425-1440, 147)

'Les Chancelier et autres gens du Conseil estans huy en la Chambre de Parlement à Paris, à tous ceulz qui ces presentes lettres verront, salut...' (Fauq., II, 1421-1430, 61)

Et, premiers, Phelipe, par la grace de Dieu roy de France, a tous ceulz qui ces presentes lettres verront, salut ! (La Sale, Salade, c.1442-1444, 208)

Item, s'ensuit la teneur des lettres patentes : 'Loys, par la grasse de Dieu roy de France, à nostre amé et feal cousin le conte de Dampmartin, grant maistre d'ostel de France, salut et dilection. Nous voulons et vous mandons que...' (Le Clerc, Interp. Roye, c.1502, 385)

Salut en Dieu / en Nostre Seigneur

A tous ceuls qui ces presentes lettres verront, frere Jehan, par la permission de Dieu humbles abbés de l'eglise de Saint Magloire de Paris, et tous li couvens de ce meismes lieu, salut en Nostre Seigneur. (Chartes Abb. St-Magl. T.F., t.3, 1346, 145)

À touz ceulx qui orront et verront ces presentes lettres, le maire et le commun de Poitiers, salut en Dieu nostre Seigneur pardurable. (Doc. Poitou G., t.3, 1354, 144)

A tous ceulz qui ces lettres verront, frere Brice, par la grace de Dieu et du siege de Romme humbles abbés de l'eglise Saint Magloire de Paris, et tout le couvent de ce mesme lieu, salut en Nostre Seigneur. (Chartes Abb. St-Magl. T.F., t.3, 1374, 441)

Salut en Dieu, le haultain empereur... (Michault, Procès honn. F., p.1461, 86)

2.[Empl. délocutif] Formule ou attitude de salutation, marque de civilité, de respect.

Et cils tantost arriere rappassa, Et se la prist Par le giron, et doucement li dist : 'Trés douce dame, avez vous en despit Le mien salut ?' (Mach., J. R. Beh., c.1340, 60)

Quant je l'oy, je m'en souffri, Et si bel salu li offri, Comme je pooie et savoie, Et comme faire le devoie, Einsi comme j'avoie apris A honnourer gens de tel pris. (Mach., J. R. Nav., 1349, 163)

Et ledit Dauphin, interrogué après salus où il aloit, et si voudroit pas bien retourner en sa bonne ville de Paris, a respondu que oy (Baye, I, 1400-1410, 138)

Dire à qqn son salut

...uns messages soudainement Vint a moi droit emmi la rue Et dist : 'Vo dame vous salue Et vous envoie ceste lettre, Ou on ne puet oster ne mestre Mot ne sillabe sans mesprendre. Or la veuilliés lire et entendre.' Quant il m'ot dit tout son salu, J'ouvri la lettre et si la lu. (Mach., Voir, 1364, 670)

Donner / rendre salut à qqn. Saluer qqn.

LE FOL. (...) Puis iray si com j'ay appris A la haulte royne de pris Mercier et rendre salu (Mir. parr., 1356, 51)

...tout se leva par honneur envers elle, luy donnant salut (Chastell., Temple Boc. B., 1463-1464, 81)

SATHAN [à Lucifer] . Pence de loup, ydolle fantastique, Salut te rens, grant gueulle draconique (La Vigne, S.M., 1496, 218)

Mander salut à qqn. Transmettre ses salutations à qqn.

La dame de Dijon vous mande salus et amour et vous requiert par courtoisie que vous vueillez par vostre humilité venir a lui, car elle vous desire a veoir. (Bérinus, II, c.1350-1370, 123)

Madamme, le roy, vostre pere, et la royne, vostre mere, vous mandent salut (Cleriadus Z., c.1440-1444, 494)

Recevoir le salut de qqn

...et quant grant presse y avoit en quelque grant place en signe d'amour et benignité recevant le salu de tant de gent il ostoit son chapel. (Chr. Piz., Paix W., 1412-1413, 72)

Rendre le / son salut à qqn

Mais cils qui sëoit au deseure Seur l'arbre entreprist le parler Et encommença a parler, Et me rendi si doucement Mon salu, que le hardement Qui estoit en moy tous perdus Me fu par son parler rendus. (Mach., D. verg., a.1340, 20)

Li chevaliers Qui sages fu, courtois, et biaus parliers, Grans, lons, et drois, biaus, et gens, et legiers, Et d'onneur faire apris et coustumiers, Sans plus atendre, Courtoisement me vint mon salut rendre. (Mach., J. R. Beh., c.1340, 103)

Si me rendi courtoisement Mon salu, et assez briefment, Pour ce qu'on ne s'aperceüst Que pour s'amour einsi me fust ; Si me tendi son petit doy. (Mach., R. Fort., c.1341, 126)

...l'ivroigne salua premier le prieur, qui luy rendit son salut tantost (C.n.n., c.1456-1467, 60)

...il s'avança premier que les aultres et le salua et ledit comte lui rendi le salut (Molinet, Chron. D.J., t.1, 1474-1506, 483)

Repaistre qqn de bon salut. Accabler d'amabilité.

SAINCT MARTIN. (...) Veulx tu vengence sur moy prendre De tes dieux s'on les a deffaiz ? (....) Trop mallement vous ont repeux De bon salut en les servant, Ains vous ont du tout corrompus Tant que d'eulx chascun fut servant. (La Vigne, S.M., 1496, 448)

Respondre au salut de qqn. Respondre son salut à qqn

Et il qui parle lui respondi son salut, en demandant audit Raimbaut se le roy estoit à Compiegne (Reg. crim. Chât., I, 1389-1392, 548)

Atant esvous un drucemant sur un dromedaire, qui descend a la tente des freres, et les salua moult saigement. Et les freres lui respondent a son salut. (Arras, c.1392-1393, 222)

Par ironie. [À propos d'une parole de menace]

Par mon chief, je vous en paieray bien, car sachiez que je vous feray pendre devant Valbruyant, voyant vostre cousin Garnier, qui est traistre comme vous envers monseigneur mon pere. Et quant Glaude oy ce salut, sachiez qu'il ne lui plot que un petit. (Arras, c.1392-1393, 205)

Pour salut. En guise de bienvenue.

LUCIFER. Il le fault ung peu festoyer ; Il vient de loing et pour salu, Estuvez le en plong boulu, Confit de metail tout ardant. (Myst. Pass. Troyes B., a.1482, 373)

En particulier. Marque de respect envers Dieu.

...après ce que ledit prisonnier ot fait son salut à Dieu, à la benoite vierge Marie et à toute la sainte Trinité de Paradis (Reg. crim. Chât., II, 1389-1392, 19)

[À propos de la salutation de l'Archange Gabriel à la Vierge] Salut de l'ange

Conme la glorieuse vierge eust oy le salut de l'ange, elle fut troublée (Mir. nonne, 1345, 314)

...combien que par avant estiés plaine de grace selond le salut de l'angel Gabriel, lequel salut nous remembrons par devocion en disant : Ave, gracia etc. (Gers., Pent., p.1389, 72)

Notez comment Nostre Dame considera bien tout le salut de l'ange (Gers., Annonc., a.1400, 236)

Salut d'Ave Maria

...Si voir que li sains esperiz Comprist par parole de pére Char de filz en toy vierge mére, Par le salut d'Ave Marie (Mir. parr., 1356, 30)

[L'Angélus (ici avec avec allusion, par ailleurs, au salut de l'âme)]

Finablement, en escripvant, Ce soir, seulet, estant en bonne, Dictant ces laiz et descripvant, J'ouys la cloche de Serbonne, Qui tous jours a neuf heures sonne Le salut que l'ange predit ; Si suspendis et mis en bonne Pour prier comme le cueur dit. (Villon, Lais R.H., c.1456-1457, 28)

Formule écrite par laquelle on adresse un souhait à qqn pour sa santé, sa prospérité.

Cedit jour, l'arcevesque de Pise, messire Nycolas de Robertis, chevalier, et messire Geffroy de Peyrusse, docteur et conseiller du Roy nostre Sire, ambaxiateurs du Pape, sont venus ceans en la Chambre (...) et ont presenté à la Court unes bulles closes contenens en effect salut et benediction apostolique (Baye, I, 1400-1410, 345)

3.Par métonymie.

a)La prière du Je vous salue, Marie.

A genoulx sans tarder Ung chascun ce mectra Et la saluera, Recitant le salut, Quil tant a tous pechiers valut (Pass. Semur D.M., c.1420 [1488], 2)

Remarque : Procès verbal de la représentation, In : LA VIGNE, S.M., 1496, 120 (devant Nostre Dame, chanter un salut).

b)LITURGIE Office du soir (de salutation à Marie).

...hyer, qui fu samedi, environ après heure de vespres, que l'en faisoit et celebroit le salut devant Nostre Dame, estant ou Sepulcre de Paris en la maniere acoustumée, ainsi comme il achetoit et prenoit des chandelles de cire à une chandeliere estant en ladite eglise, senti comme l'en lui coppa par derriere le mordant de la sainture qui pendait à icelle (Reg. crim. Chât., II, 1389-1392, 380)

c)Salut (d'or). Pièce d'or sur laquelle est représentée la salutation de l'Archange Gabriel à la Vierge, avec la légende : Salus populi suprema lex esto.

...sicomme Angleterre, qui forge nobles saluz et fins esterlins (Mézières, Songe vieil pèl. C., t.2, c.1386-1389, 372)

...deniers d'or fin qui seront nommez saluz et auront cours les ungs pour XXV sols tournois et les autres pour XII sols VI deniers tournois la piece (Trés. Reth. L., t.3, 1421, 35)

Et pour avoir provision d'autre monnoie nouvelle qui feussent de valeur, furent forgez saluz d'or qui eurent cours pour XXV s. tournois la pièce, et y en avoit en iceulx deux escuz, l'un de France et l'autre d'Angleterre. (Monstrelet, Chron. D.-A., t.4, c.1425-1440, 71-72)

...ledit prisonnier en ot comptant pour sa part et butin deux saluz et ung mouton d'or (Chancell. Henri VI, L., t.1, 1426, 338)

...la some de XIJ salus d'or (Rouen temps Jeanne d'Arc L., 1427, 110)

...et ce pendant ledit tresorier offroit de prester et emploier ou paiement des plus indigens la somme de cent salus qu'il avoit par devers lui (Fauq., III, 1431-1435, 57)

...il lui a semblé que le salaire de ladicte somme de XIJ salus d'or n'estoit mie grant ne souffisant pour le relever de sadicte despense. (Fauq., III, 1431-1435, 134)

Item, une aultre cedule en papier, signée de Regnault Nepveu, mercier, faicte le IXe jour de juing MCCCCXXXVI, par laquelle il confesse devoir audit deffunct la somme de un salut d'or (Fauq., III, Pièces diverses, 1438, LXXXIX)

...a Guillaume Mulot la somme de dix salux d'or pour son salaire (Comptes Archev. Rouen J., 1439-1440, 204)

...la somme de treze mille cinq cens saluz d'or, de XVI gros demi monnoie roial piece (Ecorch. Ch. VII, T., 1444, 12)

Draps envoiez à Guillaume de Varie (...). Cinq grans blanchetz, ung rouge, ung violet et ung gris mabré, le tout de Londres, contenant chacune pièce 22 aulnes, coste en premier denier chacune pièce 24 saluz (Aff. Jacques Coeur M., 1453-1457, 555)

...deux lingotz, l'un d'un escu et ung salut romputz et l'autre de vieulx blancs de forge ancienne et de hardiz, monnoye d'Espaigne (Doc. Poitou G., t.10, 1458, 71)

Je baillay dix salus bien beaulx Pour une fourrure de gris. (B. veoir, p.1480, 16)

...j'ay ouvré huyt jours ou tant Sur deux clochers merveilleurs haux Et n'ay eu pour jour que deux saulx. (C. Riffl., c.1480-1520, 59)

Remarque : Au féminin (rare) : GAST. PHÉBUS, Livre oraisons T., c.1380-1383, 32 (et aidier a retourner a ma salut) ; 40 ; 56 ; 60 ; 67 ; MIÉLOT, Spec. hum. Salv. L.P., 1448, 133 (la salut est bien loingz des pecheurs) ; CHASTELL., Chron. K., t.5, c.1456-1471, 364 (en publique salut). T-L le donne des deux genres.