OFFICE

substantif masculin et féminin

[T-L : ofice ; GD : office ; GDC : office ; FEW (VII, 336a) : officium ; TLF (XII, 438a, 440b) : office1, office2]

A. -Fonction, charge.

1.Fonction, charge (de l'officier).

[Fonction administrative, judiciaire, militaire...]

Li rois Daires fist enquerir Partout, enserchier et querir Tous ceaus qui de ce malefice Furent cause, et de quelque office Il fussent, il les fist geter Dedens le lac sans arrester, Et leurs femmes, leurs fils, leurs filles. (Mach., C. ami, 1357, 45)

Et par ce s'ensuit que aussi comme les offices et princeps de la cité different en espece, et aussi comme les ars qui sont souz un art principal et les instrumens de telz ars different en espece, samblablement les mouvemens du ciel et les corps du ciel qui sont instrumens des intelligences different en espece, et aussi comme font les membres d'un corps, car, selon Averroïz, le ciel est un corps vif. (Oresme, C.M., c.1377, 464)

Ilz sont groz et gras et bien fourrez, et scevent trop bien leurs parens avancier a la court, et pour eulx pourchasser un bon benefice ou, s'ilz ne sont clercs, un gras office. (Mézières, Songe vieil pèl. C., t.1, c.1386-1389, 579)

... [il] estoit digne d'avoir et emporter la peine qui ensuit, c'est assavoir : d'estre privez de tous offices royaulx par lui obtenues et à obtenir (Reg. crim. Chât., I, 1389-1392, 555)

... [lettres] faisans mencion comme ledit seigneur l'avoit fait sergent desdites eaues et forez, et que par iceulx maistres il avoit esté instituez en icelli office, desqueles lettres il s'estoit aidiez et fait plusieurs excecucions par vertu d'icelles (Reg. crim. Chât., II, 1389-1392, 67)

...je vous certifie par ceste moye presente relacion, seellée de mon seel dont je use en mon office de sergenterie, avoir esté fait, c'est assavoir le premier cry par le dit Gobin, en ma presence, au siege de Fontenay, et tous les autres par moy, par la maniere susdicte. (Doc. Poitou G., t.6, 1393, 127)

Palays royaulx, grans edefices, Ou les gens de divers offices Sont logiez, selon leur degré. (Chr. Piz., M.F., I, 1400-1403, 107)

Ce jour, est venus monseigneur le Chancellier en la Court pour ordonner de l'office vacant en la Chambre des Enquestes ou lieu de maistre Regnaut d'Amiens (Baye, I, 1400-1410, 51)

...le Roy pour certaines causes a donné et donne à maistre Pierre Le Bequot le lieu et office que tenoit maistre G. de Clamecy en la Chambre des Enquestes (Fauq., I, 1417-1420, 42)

Hodierne dit que Girart est bailli de Chalon, qui est office incompatible à l'office de garde (Fauq., I, 1417-1420, 382)

À Berthelemi Betin (...) tant en son nom comme pour et ou nom de Fredric Trente (...) pour le rachat des offices de escoutheterie et des prisons en la ville de Courtray, lesquels feu mondit seigneur (...) avoit venduz, cedez et transportez auxdiz Fredric et Berthelemi pour pareille somme (Comptes Etat bourg. M.F., t.3, 1418-1420, 669)

...lesdis lieutenant, substitut et recepveur, es noms de leurs offices, et pour et on nom de nostre très redoubté seigneur monseigneur le conte de Nevers et de Rethest (Trés. Reth. L., t.3, 1448, 238)

Argent donne, argent tolt office (Gréban, Pass. J., c.1450, 403)

...une office a vye. (La Sale, Sale D., 1451, 166)

'Mon seigneur,' diz je, 'mon nom d'office est roy d'armes d'Anjou, de Thoraine et du Maigne.' (La Sale, J.S., 1456, 101)

DIOCLESIEN. Tu aras la premiere office Qui jamais sera cy vacquant. (Molinet, Myst. st Quentin C., c.1482, 66)

[Fonction exercée à l'hôtel du roi, d'un grand seigneur, d'un grand ecclésiastique...]

Quant on ot rusé longuement, Uns chevaliers isnelement Hucha le vin et les espices. Bien croy que ce fu ses offices, Car en l'eure, sans delaier, Y coururent li escuier. Quant on ot espices eü Et de ce vermillet beü, Midi passa ; la nonne vint. (Mach., R. Fort., c.1341, 147)

L'ARCEDIACRE. (...) Je vueil que chascun ait l'office De quoy servi mon devancier (Mir. ev. arced., c.1341, 126)

...6 aunes d'un marbré caingnet court de Broixelles, délivrées pour faire une robe à Jaquinot d'Arsiz, clerc de toutes offices en l'ostel mons. le Dauphin (Comptes argent. rois Fr. D.-A., I, 1352, 156)

...Jaquemin de Baallon, maistre des offices de paneterie et fruiterie de mondit seigneur (Compte Navarre I.P., 1367-1371, 68)

Et touz les officiers de l'ostel doivent la porter chascun ce que il li faut selon son office bien et plantureusement, et doivent estendre touailles et nappes par tout sus l'erbe vert et mettre viandes diverses et grant foyson dessus selon le pouoir du seigneur de la chasce. (Gast. Phébus, Livre chasse T., 1387-1389, 171)

...il n'est pas record quel jour après ensuivant icelli mons. l'evesque de Poitiers se parti d'icelle ville, combien qu'il qui parle alast devant là où ledit mons. l'evesque devoit disner et soupper, en faisant son office de queux comme il avoit acoustumé. (Reg. crim. Chât., I, 1389-1392, 550)

Guillaume Le Madre, clerc des offices de la royne (Reg. crim. Chât., II, 1389-1392, 54)

Pource qu'il a cy devant esté parlé du fait du bouchier et poullaillier, le fait de l'ostel du roy en office de boucherie monte bien pour sepmaine : .VI. vins moutons, .XV.. beufz, .XVI. veaulx, .XII. pors : et par an : .II. cens lars. (Ménagier Paris B.F., c.1392-1394, 170)

De la garde des niefz ou Zwen audit lieu de l'Escluse : monseigneur, par lettres patentes et pour les causes et consideracions declairees en icelles et ou premier compte de Jehan Utenhove, nagaires receveur de Flandres, a donné ledit office à Guillaume Le Martin, tailleur de robes et varlet de chambre de mondit seigneur, à sa vie (Comptes Etat bourg. M.F., t.3, 1416-1418, 88)

Pour ambassades furent devers le pape Monsieur d'Autun, le general Bidaut, Aussi monsieur de Guesnay president, Qui a servy le roy entre un milier En l'office de prudent chancelier. (La Vigne, V.N., p.1495, 150)

Office d'armes

[À Rome] ...nul chevalier ou gentil homme n'avoit quelconques honneur ne degré en office d'armes, quelque gentillesce qu'il eust, se avant ne l'avoit gaingné par vaillance et prouesce de son corps (Chr. Piz., Paix W., 1412-1413, 101)

Fonction du roi d'armes, des hérauts et des poursuivants.

Sy venoient après luy quatre hérauts de l'office d'armes, c'est-à-sçavoir deux hérauts et deux poursuivans, montés sur quatre coursiers couverts jusques en terre (Faits Lalaing K., c.1470, 137)

...car j' ay sceu par [messire Jehan de Saint Remy], chevalier, du temps qu'il fut Roy d'armes de l'ordre de la Thoison d'or, et l'un des renommez en l'office d'armes de son temps, que tous les filz de France doivent porter semé de fleurs de liz (La Marche, Mém., I, c.1470, 73)

Et puisque nous avons parlé de l'office d'armes, je deviseray d'iceulx. Le duc a en son hostel six roys d'armes, huict heraulx et quatre poursuyvans, et leur sont leurs cottes d'armes delivrées et renouvellées par l'escuyrie (La Marche, Mém., IV, Pièces annexées, 1474, 67)

Office de bailli

Clignet dit au contraire que par le propos de Jaques nul ne exerce ledit office, or a il lettre, si doit estre enterinée pareillement, comme aliàs a esté fait de l'office de bailli de Vermendois (Baye, II, 1411-1417, 189)

Office de conseiller

Ce jour, maistre Pierre Le Bescot a esté receu ou lieu et office de conseillier que tenoit nagaires, en la Chambre des Enquestes, maistre Gilles de Clamecy (Fauq., I, 1417-1420, 45)

Office de garde (des foires)

...si requiert l'enterinement de ses secondes lettres, par lesqueles le Roy vuelt que il obtiengne ledit office de garde. (Fauq., I, 1417-1420, 382)

Office de grand veneur de France

Ce jour, messire Jehan, segneur de Cohem, chevalier, a presenté lettres du Roy seellées du petit seel pour estre receu à l'office de Grant Veneur de France (Fauq., I, 1417-1420, 139)

Office de greffier

...non obstant que aucuns advocas et procureurs de ceans et autres eussent empetré devers le Roy nostre Sire l'office, bourses et gages de graphier criminel vacants ceans par la mort de feu maistre Jehan de Cessieres (Baye, I, 1400-1410, 116)

Office de maistre des eaux et forests

Messire Jehan de Villiers, seigneur de l'Isle Adam, fist en la Court le serement de l'office de maistre des Eaues et Forests de Normandie (Fauq., I, 1417-1420, 3)

Office de maréchal de France

Messire Jehan de Villiers, segneur de l'Isle Adam, a presenté en la Court lettres du Roy seellées de seel de secret pour estre receu à l'office de mareschal de France ou lieu de messire Jehan Le Meingre, dit Bouciquaut (Fauq., I, 1417-1420, 139)

Office de procureur

Cedit jour, Jacobus Bedocii a esté receu en office de procureur et a fait le serment acoustumé. (Baye, I, 1400-1410, 327)

Office du commun. Responsabilité confiée au nom du peuple.

N'estes vous pas Rommains, qui tant debvez amer honneur et le chose publicque ? (...) Et ung essillié doit il jamais entrer en office du commun ? (La Sale, Sale D., 1451, 79)

Gens d'office. Officiers de justice.

Je confesse, quant au despendre, Que Pilate licitement A ce pouoir entierement, Voirë a gens qui sont soubz soy, Qui ne sont point de nostre loy Comme sergens et gens d'office, Bourreaulx, exploicteurs de justice ; Ceulx la doivent executer, Pendre, despendre et emporter. (Myst. Pass. Troyes B., a.1482, 768)

Ancien en office. Qui a de l'ancienneté dans sa charge.

...et aussy que plus ne se feissent ou souffrissent appeller maistres, s'ilz n'estoient graduez en science ou ancienz d'aage et en office (Baye, I, 1400-1410, 88)

Crier un office à vendre

...ou quel jour et lieu les offices du roy avoient aussi esté criez à vendre ; ès diz jour et lieu, Huguet Gauvaing, de Frontenay, presens le dit seneschal et le procureur du roy, afferma à perpetuité de moi, par nom du dit nostre seigneur le roy, un molin à vent (...) et la moitié de IJ. moulins à yaue (Doc. Poitou G., t.2, 1334, 106)

Estre en (un) office. Occuper une charge.

...comme Philippe Gilier eust et ait esté par long temps en pluseurs offices de nous et de noz predecesseurs, c'est assavoir en la recepte de Poitou, Limosin et Belleville, maistre des garnisons de nostre tres chier seigneur et pere, ou temps qu'il estoit duc de Normandie, tresorier de Mascon, maistre des pors et des passaiges de nostre royaume et en pluseurs autres estaz, entre les quelx il fu tresorier de nostre Dalphiné, et depuis tresorier de France, chastelein et garde de nostre chastel de Meleun, et commis et deputez à faire les ouvraiges, reparacions et edifices (Doc. Poitou G., t.3, 1367, 341)

...cellui qui est en office ou en prosperité aucune ne doit point ses subgetz trop inhumainement ou cruellement traittier. (Colart Mans., Dial. créat. R., 1482, 193)

Exercer / manier un office. Exercer une charge.

Et en espécial parce que plusieurs d'iceulx officiers ont esté et sont moins suffisans à bien savoir gouverner et exercer les offices à eulx commis que besoing feust (Ch. VI, D., t.1, 1406, 289)

...pour savoir comment et en quelle manière ils avoient acquis leur chevance, et comment ils avoient usé et satisfait des deniers et offices qu'avoient maniés (Chastell., Chron. K., t.3, c.1456-1471, 335)

[P. oppos. à une charge, une obligation non rémunérée]

Memoire que de toute ancienneté le greffier de la Chambe des comptes a eu la garde des chartres du tresor du Roy, sans avoir aucuns gages pour cause de la dite garde [et n'estoit point office mais estoit une des charges ou affaires dudit greffier] [ajout au ms.] (Doc. 1390. In : A. Vidier, Le Moy. Âge 13, 1909, 93)

[D'une chose] Estre des dependances d'un office. Relever d'un office.

Au regard de l'advertissement que nous faictes d'escripre aux villes qui sont sur la couste de la mer de Flandres, Hollande et Zelande, à ce qu'ilz puissent aler pescher sceurement, cet article est des deppendences de l'office de nostre admiral de France (Lettres Ch. VIII, P., t.2, 1488, 209)

[Contexte métaph.]

Je vous respons, ma chiere dame, Par la foy que doy Dieu et m'ame, Selonc la mienne entention, Que d'estre en la perfection De juge est moult noble chose, Voire qui entrepenre l'ose Si hautement comme en Amours. Mais pour les trés douces clamours Qui y sont, j'entrepren l'office, Sans mal penser et sans malice. Se j'ay petit sens, j'apenray Parmi les parlers que j'orray ; Et s'estre puis bien consilliez, Je ne seroie pas si liez D'avoir acquis cinq cens mars d'or. (Mach., J. R. Nav., 1349, 190)

Proverbe.

Pour l'office est donné le benefice. (Molinet, Faictz Dictz D., 1467-1506, 189)

2.Charge ecclésiastique.

[Deux chevaliers] Avoient charge encore de impetrer devers nostre Saint Pere que l'evesque d'Utrech, filz naturel du duc, peut obtenir aveuc son office l'eveschié de Tournay, par resignation de l'evesque de Tournay, maistre Jehan Cievrot, encore vivant, lequel tout impotent et percus ne bougoit de sa chambre ; car desiroit fort le duc a pourveoir en ce benefice de Tournay durant la vie du possessant (Chastell., Chron. IV, D., c.1461-1472, 215)

Office divin. Ministère (du prêtre).

... [le curé] se fist barbaier du costé ou la robe estoit courte ; et en ce point alloit par les rues et faisoit son divin office. (C.n.n., c.1456-1467, 532)

3.Attributions liées à une charge.

Sergent excede son office, Qui touche sur le malfaiteur. (Gréban, Pass. J., c.1450, 258)

Locution adverbiale. D'office. En vertu des attributions que confère une charge (judiciaire).

Je meïsmes y ay office Pour resister a tout malice, Qui maintes fois le droit destourne ; Et je d'office le retourne. Quant uns bons procès vient en fourme, Et je perçoy qu'on l'en deffourme, J'y puis bien tellement ouvrer Qu'il puet sa fourme recouvrer. (Mach., J. R. Nav., 1349, 198)

...ès dictes derrenieres assises, d'office et du consentement du dit procureur, fu commis et mandé à mestre André Belea, sage en droit, et à Jehan des Forges, advocat en cour seculiere, et à chascun d'eulx pour le tout, que il se informassent savoir si les diz freres murtrirent ou occirent le dit Alaudon (Doc. Poitou G., t.6, 1392, 104)

Jehan de Vauricher, escuier, jadiz varlet de chambre de feu monseigneur le duc de Guienne, a appellé en sa personne en Parlement de certaine condempnacion et autres griefs à lui faiz par feu maistre Raoul Anchier, jadiz lieutenant du prevost de Paris, maistres Phelippe du Puys, Oudart Gencian et autres eulx disans commissaires royaulx en celle partie, en procedant d'office à l'instance du procureur du Roy (Fauq., I, 1417-1420, 140)

De nostre office (royal). En vertu de la justice royale.

Comme pour souspeçon de la mort de feu Jehan le Grant, Collin Hallier, varlet de chambre de haut, noble et puissant monseigneur de Bourbon, eust esté, de nostre office, detenus en prison ou Chastellet de Paris... (Phil. Vi Valois, Doc. paris. V., t.2, 1341, 108)

Citer qqn d'office. Convoquer qqn en justice.

Helas ! dist le curé au cicaneur, et que ay je fait, et qui m'a fait citer d'office ? Je ne me sçay trop esbahir que la court me demande. (C.n.n., c.1456-1467, 540)

Procéder d'office (contre qqn). Instruire un procès contre qqn.

Mez c'est bien vray que, quant l'en procede d'office contre aucun qui soit diffamé d'aucun pechié, le juge, en tel cas, ja soit ce que tel soit trouvé pur et innocent, n'a pas acoustumé de poïer aucuns despens, mez se partie veult avoir copie du procés, il le doit avoir en sez despens. (Songe verg. S., t.2, 1378, 157)

...si le cas est criminel et l'un des seigneurs vousist proceder d'office... (Très anc. cout. Bret. P., Textes divers, 1406, 496)

Querir qqn d'office de justice

Ce fait, fu deliberé par l'oppinion des dessus diz que, avant que l'en procedast plus avant à l'encontre desdiz prisonniers, ledit chevalier seroit envoyé querre d'office de justice, à certain jour, pour estre examiné sur ce que dit est en la presence desdiz prisonniers. (Reg. crim. Chât., I, 1389-1392, 303)

B. -Tribunal.

Vostre roialme fu a tourment. Prenez garde sus vos offices Comment il sont plains de malifices, Quar il ne font nul droit a gent Qui ne donnent or ou argent (Henri Ferr., Modus et Ratio, Songe pest. T., c.1354-1377, 222)

Tribunal de l'official, official.

Cilz faulx clers diffament l'office, Quart tropt sont plains de malvais vice. (Dupin, Mélanc. L., c.1324-1340, 740)

Et ses choses furent signifiés à maistre Jehan Melot, prometeur dudit office, affin d'y pourveoir comme au cas appartendra par raison. (Reg. crim. Chât., I, 1389-1392, 246)

...pour occasion desdiz crimes par eulx cogneuz, ilz estoient ordonnez estre mis ès prisons dudit office que l'en appelle oubliete. (Reg. crim. Chât., I, 1389-1392, 256)

...il estoit clerc, non marié, en habit et possession de tonsure, et requeroit instaument que par devant son juge ordinaire, c'est assavoir l'office de Paris, nous le voulsissons renvoyer. (Reg. crim. Chât., I, 1389-1392, 400)

C. -Par extension.

1.[D'une pers., d'une collectivité] Fonction, rôle.

Et cest art de chevauchier et tout autre qui a mestier pour guerre est soubz art ou office de chevalerie. (Oresme, E.A., c.1370, 104)

...et c'est contre la nature de prince ou de office de prince. (Oresme, E.A.C., c.1370, 301)

...et estoit leur office de commander et non pas de regner (Foul., Policrat. B., I, 1372, 84)

...l'art de vener et chacier grosses bestes, ou l'office de ce faire (Foul., Policrat. B., I, 1372, 100)

...de veneurs, de chaceurs et des humbles et petites offices (Foul., Policrat. B., I, 1372, 110)

LE ROY. (...) Je vueil que l'office prenez D'estre aumosnier de la royne (...) ; C'est office qui est honnestes, Et je scé bien que preudomme estes (Mir. ste Bauth., c.1376, 95)

LA VENTRIÉRE. Nous deux alons men au moustier. Porter le vueil [cest enfant] : c'est mon mestier Et mon office. (Mir. Clov., c.1381, 248)

Toutes ces choses et autres qui touchent a office de paje li vueill je avoir apris. Et l'enfant les doit avoir aprises en autres set anz qu'il demourra paje, et donques aura il quatorze anz. (Gast. Phébus, Livre chasse T., 1387-1389, 149)

Abbayes belles et bonnes Y a, qui font le Dieu service, Chacune selon son office, Chappelles, temples et moustiers (Chr. Piz., M.F., I, 1400-1403, 124)

...trouvé avons icy ce chevalier couvant et lui avons demandé qui le muet de ce faire, veu que ce n'est point office de chevalier. (Percef. IV, R., c.1450 [c.1340], 892)

...Sipion le derrain Affricain (...) aprez ce qu'il ot esté deux fois consule et eust deux très notables triomphes qui firent l'offisse de legacion de par le Senat (La Sale, Sale D., 1451, 225)

Interrogué de quel office il qui parle servoit en ladicte galée, dit que quant il monta en ladicte galée ne savoit de quoy il devoit servir en icelle, mais à la requeste dudit Jehan de Village y estoit monté et à l'avanture print son arbalestre pour servir d'office de compaignon ou cas que on ne luy donnast autre occupacion. (Aff. Jacques Coeur M., 1453-1457, 174)

...les aucuns furent mors (...) les aultres condemnez a estre et faire office d'esclave. Du nombre desquelx fut ung gentil chevalier du dit païs de Flandres, nommé messire Clayz Utenhoven. Et par pluseurs ans exercea ledit office (C.n.n., c.1456-1467, 422)

Mauldit pecheur, Suis fol et nice [Pilate] D'avoir ce Jhesus condempné, Car j'ay eu peur Perdre l'office De mon seigneur Doulx et propice. (Pass. Auv., 1477, 276)

Avoir office avec qqn. Avoir affaire à qqn.

Desormés plus n'aurez office Avec mon cueur, je vous regnye : Allez, allez, vielle nourice De Courroux et de Malle Vie ! (CH. D'ORLÉANS, Rond. C., 1443-1460, 402)

Fonction de bourreau.

Tu prens aux borriaulx leur office A faire ung si cruel malice (Marcadé, Myst. Pass. Arras R., a.1440, 59)

[Du bourreau] Faire office / Oeuvrer de son offfice. S'acquitter de sa tâche, faire justice.

LE BOURRIAU. Et je vueil ouvrer de m'office, Puis que le dictes. (Mir. femme, 1368, 210)

BOURREAU. Tendez ung peu le col, tendez, Car vous serez tantost fringans. Mon vallet, baille moy mes gans, Car il me convient faire office. (La Vigne, S.M., 1496, 311)

[À propos de Dieu]

Dieu, soyes nous a tous propice Et nous esparne en ton office. (Prières saints R., t.1, 1400-1500, 118)

[À propos d'un animal]

Les mastins ont office et est leur nature de garder les bestiaillz et l'ostel de leur seigneur (Gast. Phébus, Livre chasse T., 1387-1389, 137)

2.Rôle, tâche, mission, devoir qui revient à qqn.

...il [Dieu] sommet Ton corps, ton honneur, ta puissance, Ta gloire, ta magnificence, Ton roiaume, ta dignité Et toute ta felicité A mort et a destruction, Pour ce qu'as fait oblation Aus ydoles et sacrefice Et as laissié si digne office Com d'aourer le roy celestre Qui ton pere fist le feinc pestre. Tout ce verras isnellement Parfait, se Daniel ne ment. (Mach., C. ami, 1357, 33)

Si que li prince et li satrape Par pure envie (...) quirent occasion Pour mener a destruction Daniel ; mais il virent bien Qu'il avoit en li tant de bien Que jamais en li ne trouvassent Chose dont mauvais le prouvassent. Si s'avisierent d'un malice Pour li oster de son office Et pour sa mort, que sans deloy Il le penroient en sa loy, Si que d'assentement commun Tuit furent en acort comme un, Princes, satrapes, senatours, (...) D'un edit faire et un decret (...) Que quicunques petition, sacrefice ou oblation (...) A quelque dieu ou a quelque homme Fera, qu'a Daire seulement, Qu'il soit getés isnellement Ou mis en la fosse aus lions (Mach., C. ami, 1357, 36)

Car tu es li souvereins sires Des roiaumes et des empires Et aussi de toute la terre. Fols est qui vuet autre dieu querre. Trop yès piteus, misericors, Dous, courtois a l'ame et au cors Et penitens seur les malices Des hommes, c'est tes drois offices. Tu, sires, par douce pité Has promis, selonc ta bonté, Remission et penitence Des pechiés qui nous font grevence. (Mach., C. ami, 1357, 53)

Or vueille Dieus que pensee si nisse Ne soit en li qu'il y pense malisse Ne traïson, Car il ne puet avoir milleur office ; Et s'il la sert loyaument et sans vice, Il porra bien avoir pour son service De s'amour don. (Mach., F. am., c.1361, 173)

Mercurius li dist : 'Amis, La villainne qui ci t'a mis Pour garder moutons et aumaille Ha durement mespris, sans faille, Car ce n'est mie ton office ; Et tu as le cuer rude et nice, Qui cuides que ce soit ta mere, Ne que le villain soit ton pere. Biaus dous amis, que te diroie ? Fils yes au Roy Priant de Troie, Et Ecuba, la noble dame, Est ta mere...' (Mach., F. am., c.1361, 211)

L'office du maistre d'ostel est de pourveoir des salieres pour la grant table (Ménagier Paris B.F., c.1392-1394, 188)

...et m'est advis, Justice, que tu dois non pas seulement a [ce] t'encliner mais ce demander : n'est ce pas ton office demander que le filz honnoure sa mere plus que les autres, comme l'ont bien dit Nature et Obeissance ? Certes oïl. N'est-ce pas ton office que l'emperresse ayt privilege contre toute servitude, par especial qui est honteuse ? (Gers., Concept., 1401, 403)

Car tu me sembles bien propice Pour adcomplir tres bien l'office D'estre le bourreau de seans. (Pac. Job M., c.1448-1478, 314)

DIEU. Gabrïel, alez exposer En terre ce divin mistere A la vierge qui sera mere De mon chier filz et bien amé. Gabrïel vous ay bien nommé, Qui fortitude signiffie. Vostre office le verifie : Vous portez nouvelle certaine, La plus forte et la plus haultaine C'oncques fut en terre escoutee. (Gréban, Pass. J., c.1450, 50)

Tu fais icy trop long demour, Meschant homme, cornard et nice, Que tu n'acheves ton office Dont tu as receu l'argent. (Gréban, Pass. J., c.1450, 242)

...et je vous aideray Voulentiers : c'est bien mon office. (Gréban, Pass. J., c.1450, 432)

...le matin bien tempre on fist ordonner ses sommiers et des offices touchant luy, de ses chevaux et de tout ce qui appartenoit au partement (Chastell., Chron. K., t.5, c.1456-1471, 102)

Aux theologiens le remectz, Car c'est office de prescheur. (Villon, Test. R.H., 1461-1462, 41)

La cause finale [du mariage] est double. L'une est principale, si comme est la procreation de lignie et eschevement de fornication, car mariage n'est mye seulement en office, mais aussi en remede. Il fu premierement institué seulement en office. (Sacr. mar., c.1477-1481, 46)

ATTROPOS. O vous n'iray pas toute nue, Mais armée et le gleve a main, Pour m'en aller de nue en nue Combatre contre gerre humain. Et plutost ennuyt que demain Vouldroye l'office executer, Car j'ay ung courage inhumain Pour vie des hommes persecuter. (Cene dieux, c.1492, 129)

Service rendu à qqn.

C'est a dire que Escullapius approuva l'office que ceulx de Epidacre avoient fait aux Rommains. (La Sale, Sale D., 1451, 54)

Au pluriel. Tâches, travaux.

...se l'en le sçavoit es tenebres, toutes les offices [var. officines] cesseroient (Percef. IV, R., c.1450 [c.1340], 745)

[En mauvaise part]

...leur intencion Est tousjours, et toute leur cure, A fere peché et ordure : C'est leur mestier et leur office. (Pac. Job M., c.1448-1478, 227)

Vilain office. Vilain rôle.

Renonçon a tous malefices Et toutes villaines offices ; Menon vie devote et saincte. (Myst. Viel test. R., t.1, c.1450, 132)

Accomplir son office. Remplir son rôle, faire son devoir.

Advansés vous tost d'accomplir Vostre office, truans garsons ! (Pass. Auv., 1477, 208)

Avoir office. Avoir un rôle.

Ne savez vous pas bien qui meinne Le droit, quant parties y tendent Qui le desirent et attendent ? Je vueil moult bien que vous sachiez Que Raison en est li drois chiez Et avec li sa compaingnie ; Chascune y a bonne partie D'entre nous damoiselles toutes. De ce ne faites nulles doubtes, Que drois ne se puet delivrer, Se toutes ne sont au livrer, Afin que fait soit bonnement, Se cils qui fist les drois ne ment. Je meïsmes y ay office Pour resister a tout malice, Qui maintes fois le droit destourne ; Et je d'office le retourne. (Mach., J. R. Nav., 1349, 198)

Estre d'un mesme office. Avoir la même tâche.

...et sommes [un cheval et un âne] d'une mesme office. (Macho, Esope R., c.1480, 114)

Faire (un) office. Faire qqc. (de positif ou de négatif).

LA MATRONNE. J'amasse miex qu'a la Saussoie M'envoiast (...) que faire cest office Qu'il me fault faire. (Mir. abbeesse, 1340, 93)

Et se aucun s'en va reprenant L'un de ceulx qui font cest office, Gauldy sera par grant malice et galloppé, Dieu scet comment. Le monde est tel ! (Au grey d'amours F.-H., c.1400-1500, 265)

Vous sçavez le grant deshonneur Que c'est huy de la croix porter : Certes, j'aymeroye plus chier Mourir que faire tel office. (Gréban, Pass. J., c.1450, 327)

Venez ça, sergens, Si ferez ung petit d'office (Gréban, Pass. J., c.1450, 353)

...il a fait l'office De gent de la laye justice (Gréban, Pass. J., c.1450, 371)

Il n'est pas homme plus propice Que moy pour bien faire ung office (Michel, Myst. Pass. J., 1486, 97)

Faire son office. Faire son devoir, faire ce que l'on a à faire.

...la nuyt il se couchera en son lit et ne pensera que de dormir et de soy lever matin pour fere son office bien et diligentement, einsi que doit fere bon veneour (Gast. Phébus, Livre chasse T., 1387-1389, 53)

Mort reclamee (...), viens et fay ton office et mes hors de ce siecle la povre Neronés ! (Percef. III, R., t.2, c.1450 [c.1340], 209)

Servir.

...Quar si comme j'en faiz office Par amour et en ay memoire, Par elles [la Vierge et sainte Anne] puissë avoir gloire (Prières saints R., t.2, 1350-1400, 23)

Faire son office. Remplir son rôle, faire son devoir.

Mon tresdoulz cuer, je savoie bien que vous aviés pooir d'endormir Argus et de emprisonner Dangier et Malebouche, et, par m'ame, j'ai grant joie de ce qu'il sont en ce point. Si vous prie chierement que jusques a tant que je vous arai veue, il ne se partent de cest estat, et si tost comme je serai partis de vous, qu'il soient delivre et facent leur office de vous garder encontre tous. (Mach., Voir, 1364, 680)

Accop, enfans, sans long devis, Advansés ; faictes vostre office ! (Pass. Auv., 1477, 195)

Faire l'office de. Tenir lieu de.

Il nous fault estre clerc et prebstre (...) Du tout fault que nous fassions [l. que fassions] l'office. (Pass. Auv., 1477, 103)

Faire office de. Faire son devoir de, faire justice de' (DI STEF., 606c).

QUART [LARRON] . Je suis seur que, se j'estoye pris Et apprehendé de justice, Veu le mestier que j'ay appris, Qu'on feroit de mon corps office. (La Vigne, S.M., 1496, 282)

Mettre qqn en office. Attribuer un rôle à qqn, activer qqn.

Souvain (...) Ot ja ses gens mis en office Et commanda que sans delay, Sans esperner ne clerc ne lay Ne maison de religion, Tous ceulx de sa subjection Prestement le treü rendissent. (Tomb. Chartr. Souvain S., c.1337-1339, 27)

Se mettre en office. Remplir son rôle, se mettre à la tâche.

Car a son retour s'embati Vers une aigle, se l'abati. Mais on dit qu'elle fu sousprise ; Pour ce fu elle a mort sousmise. Car il s'estoit mis en office Avec sa force de malice. Quant ceste aigle fu la veüe Mise a mort et jus abatue, Pluseurs le fait regracierent Et vers l'empereur raporterent Moult joieuse relation. (Mach., D. Aler., a.1349, 356)

Le gent du roy se mirent en office briefment (Hugues Capet Lab., c.1358, 284)

Locution adverbiale. De son office. Selon son rôle.

Quoy que Volentés mueve avant, Desirs se metteroit devant, Mais de tant grant honneur li porte Que d'aler devant se deporte, Et s'en vont, si comme il me samble, Par acort ambedui ensamble. Chascuns ouevre de son office Sans mal engin et sans malice. Volentez vuet perceverer, Et vrais Desirs vuet averer A son pooir perseverance, En gardant adès reverance ; Car vrais Desirs ne se puet faindre ; En bonnes volentez vuet maindre. (Mach., D. Aler., a.1349, 331)

3.Fonction, rôle de qqc..

Joie, droiture et concorde Et toute veritey est morte. Sapience n'a point d'office. (Dupin, Mélanc. L., c.1324-1340, 108)

...l'estomac aussi est noble pour la cause de son office car il sert tout le corps (Saint-gille, Comment. A.Y. L., 1362-1365, 312)

[Par la mort] ...tous les membres avront perdu leurs offices et les braz et les jambes seront roides et froiz (Frère Robert, Chastel perill. B., c.1368, 325)

Sus, lieve toy, esperit, rentre es arteres et veines de ton delessé corpz, et donnans aux membres leurs divers offices deus, prepare l'organe de ta bouce pour me prester parolle ! (Chastell., Temple Boc. B., 1463-1464, 85)

Estre à l'office de. Être au service de.

Secondement tu dois entendre que les dens peuvent estre membres consimiles et touteffois les membres officiaulx de leur essence sont consimiles et en tant qu'il sont a l'office de l'aure, ilz sont officiaulx (Gordon, Prat., c.1450-1500, III, 26)

Faire son office. Remplir sa fonction.

...la vertu sensitive ne peut faire son office (Saint-gille, Comment. A.Y. L., 1362-1365, 312)

D. -Par métonymie.

1.Lieu d'une fonction, d'un service, d'une tâche.

Quant la messe fu dite entiere, J'oï sonner une trompette Dont uns chambellains haut trompette. Qui adont veïst gent de court ! Chascuns a son office accourt, L'un devers la paneterie, Et l'autre en la boutillerie, Li autre vont en la cuisine, Selonc ce que chascuns cuisine. (Mach., R. Fort., c.1341, 143)

Herculès par le destre cor Le prist et si fort le hacha Qu'il li rompi et arracha, Dont Atheleüs desconfis Fu et son cor pris et confis. Les Naiadïennes le prirent, D'espices et de fleurs l'emplirent Et de pommes, si l'emporterent Et puis si le sacrefierent Et le tenoient a l'office, Quant faisoient leur sacrefice. Et scez que Herculès devint ? Il vesqui des ans plus de vint En si grant saut, en si grant bruit Que tous li mundes de li bruit. (Mach., C. ami, 1357, 96)

2.En particulier. Endroit, pièce utilisée pour les services de la table.

Je lo qu'en l'ostel en alons Ou noz noces faites avons, Et ne soions mie si nices Que ne visitons les offices Et la vaisselle aussi d'argent, Et mettons hors toute la gent (Mir. chan., c.1361, 172)

Robinète la cousturière, pour seigner et découper LVI nappes, XVI chanevaz, et pour seigner IXxx et XIIII touailles en Panneterie, tout à la fleur de liz et à l'espée, 3 d. p. pour pièce (...). Elle, pour faire seigner et découper audit saing XII sacs, et faire III sacs et IIII nappes oudit office (Comptes hôtel rois Fr. D.-A., 1380-1381, 63)

...pour planches à plancher la garde robbe et les offices d'icelle nave (Comptes roi René A., t.1, 1452, 165)

E. -Cérémonie en l'honneur d'une divinité, service religieux, cérémonie liturgique.

1.Cérémonie en l'honneur d'une divinité.

Les tragedianes y vindrent, Qui mult humblement se contindrent ; Tragedianes sacrefice Font aus diex, et devin office ; Et nymphes en poéterie, Ce sont fees, je n'en doubt mie. (Mach., P. Alex., p.1369, 2)

...en l'isle, descendre Ala [Alexandre] au temple, ou sacrefices Fist grans, et solempnelz offices. (Chr. Piz., M.F., IV, 1400-1403, 37)

2.Service religieux, cérémonie liturgique.

L'EVESQUE. (...) La ensevelie sera Et de mors on li chantera Tout le service. SECOND CLERC. Nous ferons moult bien tout l'office, Mon seigneur (Mir. st J. Cris., c.1344, 307)

...l'office des heures de ladite eglise (Phil. Vi Valois, Doc. paris. V., t.2, 1346, 284)

E ! dame de qui Dieu voult naistre, Pieça ne fu que je n'oysse De vous la messe et tout l'office (Mir. femme, 1368, 224)

Item, durant le temps que ledit frere Mathieu tendra la ditte prevosté ou que il aura chambre en la ditte eglise ou que il demourra en ycelle, il sera tenu servir a l'eglise et fere son office, a son tour, comme un des autres religieux prestes qui sont tenuz a chanter la grant messe et autres messes (Chartes Abb. St-Magl. T.F., t.3, 1386, 567)

Après laquelle messe et tout l'office achevé moult honorablement, ledit roy fut porté à Saint-Denis (Monstrelet, Chron. D.-A., t.4, c.1425-1440, 122)

Puis, seigneurs, qu'advés fait l'office, Les sancts prophetes vouldroye lire. (Pass. Auv., 1477, 116)

Mes seigneurs, alons tous ensemble. C'est assés que laissions au temple Les presbtres pour dire l'office. (Pass. Auv., 1477, 271)

De l'office de la messe. (Somme abr., c.1477-1481, 95)

...Le lendemain fist chanter son office Si solempnel de devot sacrifice Au grant moustier sur table et sur autel, Qu'omme n'en vit depuis cent ans ung tel. (La Vigne, V.N., p.1495, 192)

...tous les autelz, mesmement le grand où fut faict l'office dudict jour, preparez, enrichis et decorez de precieuses reliques... (La Vigne, Sacre Anne Bret. S., 1505, 270)

Office divin

Ou temps ancien ilz aouroient pluseurs dieux et pluseurs deësses et faisoient a chascun certains et differens sacrefices, aussi comme maintenant a diverses festes l'en fait differens services ou offices divines. (Oresme, E.A.C., c.1370, 458)

Elle [Musique] fait toutes les karoles Par bours, par citez, par escoles, Ou on fait l'office divin Qui est fais de pain et de vin. (Mach., Prol., c.1377, 9)

3.En particulier. Service anniversaire célébré pour l'âme d'un défunt.

Et pour perpetuel memoire des choses ordonnées par ladicte Perrenelle (...) sera fait un tableau de cuivre où sera emprainte l'ordonnance de ladicte Perrenelle et l'office que doivent et devront faire perpetuelment lesdictz freres pour l'ame de ladicte Perrenelle, lequel tableau sera miz et affichiez en la chappelle où ledit office sera fait où a accoustumé d'estre fait. (Baye, I, 1400-1410, 10)