GUICHET

substantif masculin

[T-L : guichet, wicket ; GDC : guichet ; DEAF, G 1599) : guichet ; AND : guichet ; DECT : guichet ; FEW (XVII, 428b,429a) : vík ; TLF (IX, 590a) : guichet]

A. -Petite porte pratiquée dans un portail.

Au guichet buche par aÿr ; Le prestre vint quant oit l'ensengne. Quant il vit Regnart, il se sengne Et dit : 'Bien euré soye jé !...' (Renart contref. R.L., t.2, 1328-1342, 24)

Nompourquant je sieui les routes Qu'a terre vi et les esclos Jusqu'a un huis qui estoit clos, Qui trop bel sëoit et trop gent En un destour et loing de gent. S'i avoit un petit guichet, De quoy je levay le clichet ; Et quant levé l'eus, j'entrai ens ; Mais je ne vi ame laiens, Dont plus liez fu, car je voloie Estre tous seuls, se je pooie. (Mach., R. Fort., c.1341, 29)

Lors en mon estant me dressay Et vers le guichet m'adressay Par ou j'estoie la venus. Mais je m'aperçu bien que nuls N'estoit alez par ceste voie, Depuis que venus y estoie... (Mach., R. Fort., c.1341, 109)

Et cil sault de son lit ou il s'alloit gesant, Ung guichet a ouvert et quant va parcevant Frigonde qui estoit fille de l'admirant, Adonc lui demanda et lui dist en oyant (Hern. Beaul. D.B., c.1350-1400, 37)

Ouvrez moy le guichet, pour Dieu, tresdoulce gent ! Nouvelles vous diray dont liez serés forment. (Ren. Gennes D.B., c.1350-1400, 96)

Vers Mont Auben s'en vont la bonne fermeté, (...) Tant firent c'on leur a le guichet deffermé (Renaut Mont. B.N. V., c.1350-1400, 373)

Il ont fait ung guicet tout tantos deffrumer (God. Bouillon R., t.2, c.1356, 461)

Et vinrent droit à un ajournement, un petit devant soleil levant à Mortagne. Si trouvèrent d'aventure le guicet ouvert. Adonc descendirent il messires Gautiers de Mauni tout premiers, et aucuns des compagnons, et entrèrent en le porte tout quoiement. (Froiss., Chron. L., I, c.1375-1400, 155)

Adonc rapassa li chevaliers le second guicet, et se tint tous quois par devant. Li chastellains volt passer apriès, qui nul mal n'i pensoit. Ensi que il avoit mis le piet oultre et baissoit le tieste, messires Guillaume (...) fiert le chastellain en le tieste. (Froiss., Chron. L., V, c.1375-1400, 92)

... [il] advisa la maniere comment l'en fermoit et ouvroit l'uys de la chambre d'icelle dame, ouquel avoit un grant huys et un petit guichet qui fermoit à ressort, et lequel grant huys tenoit à une barre de boys que l'en reculoit dedens le mur quant l'en le vouloit ouvrir. (Reg. crim. Chât., I, 1389-1392, 32)

...que le capitaine et portier d'icellui chastel à cop et à très-grant haste mettent ceulx qui ont gueritié ycelle nuyt hors dudit chastel, et que quant ilz ystroient hors d'icellui, le portier dudit chastel laiss[er]oit l'uys et guichet dudit chastel ouvert tout communéement, tant et jusques ad ce qu'il au[r]oit ouvert la porte d'icelle basse-court pour lesdiz gueitteurs mettre hors (Reg. crim. Chât., II, 1389-1392, 191)

...oudit samedi, de relevée, il seul ala et entra par le petit guichet de la grant porte de Saint-Eustace en ladite eglise pour faire sa salutacion aus sains (Reg. crim. Chât., II, 1389-1392, 467)

.I. honme (...) ouvri le guichet tout arriere, pour elles entrer (Froiss., Chron. D., p.1400, 304)

...la porte (...) estoit toute close, hors mis le guicet. (Froiss., Chron. D., p.1400, 850)

'...Je voel entrer en Calais par la porte toute ouverte. Je n'i enterai ja par le guichet, ne moi, ne ma baniere.' (Froiss., Chron. D., p.1400, 866)

...deux clefz emploié au wicquet de la porte devant le pont levisch dudit hostel (Comptes Etat bourg. M.F., t.3, 1418-1420, 594)

Item trois vieulx estuiz de cuir, deux à mettre esguyères et l'autre à mettre cueilliers (...). Item deux vielles dagues, la traillie de fer d'un guichet d'une porte (Invent. test. Surreau Foville F., 1435, 52)

Aud. Johan Lenoir pour ung cassil ou il a ung guisset (...) pour une rescousse, pour ung huis en cassilly assis auprès dez aisemens en l'apentiz jouxte la gallerie (Comptes Archev. Rouen J., 1440, 211)

Je viens de fermer no hucquiet, Et s'ay abaissiet la barriere, Et tout clos devant et derrière Tant que nous sommes bien asseur. (Marcadé, Myst. Pass. Arras R., a.1440, 241)

Tenez vous la ad ce guichet de la salle (La Sale, J.S. E., 1456, 430)

... [la mule] se vint arrester au devant d'un petit guichet qui estoit en une rue oblicque (C.n.n., c.1456-1467, 209)

Et, à cause de la permission d'icelle entrée, y ot ung bourguignon entre autres qui voult entrer en icelle ville par ladicte porte Saint-Anthoine contre le gré des portiers ilec estans, et mesmement d'un archer de la compaignie dudit bastard du Maine qui gardoit le guichet de ladicte porte Saint-Anthoine. Et, pour le refus que fist ledit archer audit Bourguignon d'entrer dedens ladicte porte et en icelle ville, ledit bourguignon bailla à icellui archer, en entrebaillant ledit guichet, d'une dague dedens le ventre. (Roye, Chron. scand., I, 1460-1483, 125)

La damoiselle resserra le guichet, et s'en retourna en sa chambre. (C.n.n., c.1456-1467, 209)

PLAISANT FOLLIE. Il y a du ritz nouvellet Soubz ung doulx trait d'euil a l'esquart, De belles mansonges le quart Confictes en belles parolles, En signiffiant promesses folles Qui font ses folz plus blans que platre Au sault du guischet. CUIDER. Quel emplastre Encontre une forcelle ydropicque ! (Pipée R., c.1470-1480, 183)

A Georgin, varlet de chambre de la royne, I f. IIII g. qu'il a mis tant pour clefs, guichetz et locquetz qui ont esté mis es chambres du logeys du roy à Pertuys (Comptes roi René A., t.2, 1476, 336)

[Dans un cont. métaph.]

...et oue tout ceo cy la peyne d'enfern, mes ceo ne purroit entrer si noun par le wiket et tout issir par la porte, c'est a dire entrer par l'une oraille et issir par l'autre. (Henri Lanc., Seyntz medicines A., 1354, 45)

...toutez les choses qe poent l'alme riens eider ount estroit entree et large issir ; et si riens vient de male, il trovera la grande porte tout overte et le wiket ['guichet'] tout clos, siqe il ne s'en puisse aler si ne soit ariere par cele meismes porte (Henri Lanc., Seyntz medicines A., 1354, 45)

Mesmement Entendement qui defferma le guichet de ma memoire lez mescongneust a l'entrer, car encores avoit il ses yeulx esblohis, comme prisonnier qui d'une trouble chartre vient soudainement a la lueur du solleil. (Chart., L. Esp., c.1429-1430, 23)

Ainsi fist Nostre Dame qui avoit a l'uys de son ame Discrecion pour bien cognoistre qui vouloit entrer dedens par le guichet de consentement (Gers., Annonc., a.1400, 235)

Et tiercement, se vous trouvez que Dieu ait permis à la fortune que toutes emprinses ne soient pas venues à souhait et selon le desir des haulx entrepreneurs, que ces coups de foüetz et divines batures fierent et hurtent à la porte de vostre pensée pour ouvrir le guichet de sage memoire, affin que vous doubtiez et creniez les persecutions du ciel (La Marche, Mém., I, c.1470, 13)

[Équivoque grivoise]

Maujoinct, de ce covent portier, N'avoit point bien clos le guycet ; Billouard, plus dur que buichet, (...) Se lancha bien radde dedens (Molinet, Faictz Dictz D., 1467-1506, 563)

Heurter au guichet. Frapper à la porte.

TROISIESME. (...) Par dessus l'erbe jolÿete, Chantons ung petit a plaisance. (Ilz chantent tous ensemble.) Sçavez vous pour quoy la mort m'y souhaicte ? C'est pour ce que j'ay la barbe roussete Et que je ne puis heurter au guichet. Et vela pour quoy ma femme me haict. PREMIER. Avant ; avant ! SECOND. Dehaict, dehaict ! (La Vigne, S.M., 1496, 266)

Remarque : Cf. DI STEF., 420a.

B. -Par extension.

1.Passage étroit pratiqué sur la façade d'un édifice (pour qu'une seule personne puisse y pénétrer à la fois).

...la tour dicte Jehan de l'Estang, avec la maison et logis estans des appartenances d'icelle, assiz entre l'Arche dorée et le guischet du Louvre sur la riviere de Seine (Comptes Paris M., t.2, 1488-1489, 402)

2.Petite porte intérieure d'une prison, à l'arrière de la porte principale.

...Jehan Le Brun, prisonnier ès prisons de Baubigny, et admené prisonnier oultre le guichet du Chastellet (Reg. crim. Chât., I, 1389-1392, 54)

...ilz avoient trouvé ès solers dudit prisonnier IIIJ blans de huit d. pour piece, et en sa bourse ledit pelle blanc, et aussy en la manche de son juppon ledit dé d'argent, et entre les deux huis du guichet de Chastellet une bourse semblable (Reg. crim. Chât., II, 1389-1392, 9)

3.Ouverture, porte d'un meuble.

...ung hault dressoer a deux layetes et a deux guichez troillez sans ferrure (Doc.1484. In : Brunel-Tardy, Paris, l'Église et le roi, 2016, 387)

4.Ventail d'un heaume.

[Dans un cont. métaph.]

De raison feras bacinet, Mais ne sera pas a guichet, Quar pres et loing regardera Et tout ton fait ordenera, Si te prie que la veuillez croire, Ou riens ne vaudra ton affaire. (La Buigne, Rom. deduis B., 1359-1377, 111)