SAUVEGARDE

substantif féminin

[T-L : gardesauvegarde ; GDC : salvegarde ; DEAF, G 165) : salve garde ; FEW (XI, 134a) : salvus ; TLF (XV, 120a) : sauvegarde]

A. -DROIT Protection et garantie (de la personne, des droits...) accordée par une autorité.

...et delivreront au dit roy d'Angleterre et à tous ses hoirs et successeurs (...) toutes les honeurs, obediences, homaiges, ligeances, vassaulx, fiez, services, recognoissances, droitures, mer et mixte impere, et toutes manieres de jusridicions hautes et basses, ressors et sauvegardes, avoisons et patronaiges d'eglises (Traité Brétigny D., 1360, 274)

Item est acordé que le roy de France et son ainsnet fil... renderont et bailleront au dit roy d'Engleterre... toutes manières de juriditions, hautes et basses, ressors, sauvegardes, signouries et souverainnetés qui apertenoient... as rois et à la couronne de France (Froiss., Chron. L., VI, c.1375-1400, 39)

...et se le Roy n'avoit pover ne puissance sur sez subjés, et sa sauvegarde et protection vous estoit tollue et soubstrete par voz pechiés ou aultrement, adonques sariés quel bien et quelle grace, quel sauvement c'est que d'estre en la garde du Roy, et en sa protection (Songe verg. S., t.1, 1378, 39)

...a la requeste de Estienne Binot, ou nom et comme procureur des religieux abbé et couvent de Saint Magloire de Paris a cause du prieuré de Saint Berthelemi, membre d'icelle abbaye, estans en la sauvegarde du roy tant en chef comme en menbres (Chartes Abb. St-Magl. T.F., t.3, 1384, 538)

...la Cour condempne lesdiz ducs de Lorreinne, Henry et Charlot de Dueilly, et chascun d'eulx pour le tout, à reintegrer et reparer la sauvegarde du Roy nostre Sire par eulx enfreincte en la personne de feu Guillaume Huel (Baye, II, 1411-1417, 76)

Et, après ce, fut ordonné que les dessus nommez et chascun d'eulz auroient lettres du Roy et de ladicte Court, contenans en effect saufconduit et sauvegarde especial (Fauq., I, 1417-1420, 40)

Et soubz umbre de debitis et sauvegarde, que baillent sans congnoissance les baillis et seneschaulx ou aultres officiers royaulx, sont du tout empeschés les jurisdictions temporelles et spirituelles des gens d'esglise, et tellement que par voyes obliques et exquises lesdis officiers se efforcent de enerver comme du tout au neant leur jurisdiction temporelle et spirituelle. (Juv. Urs., Verba, 1452, 384)

Et au coucher du roy vindrent des plus grans seigneurs du dict Luques luy prier et requerir que son bon plaisir fust d'avoir la ville, ensemble les corps et les biens d'icelle en sa protection et salvegarde. (La Vigne, V.N., p.1495, 276)

Sur la sauvegarde de/sur une sauvegarde

'Je le vueil', dist le duc. C'est l'intencion de moy que je ne me ne vueil pas endormir en ce blasme, ne que on die que, par lasqueté ou par faintise de cuer, je sueffre sus ma sauvegarde robeours, ne à faire nulles pilleries ne roberies. (Froiss., Chron. M., XIV, c.1375-1400, 162)

Si envoiièrent un hiraut devers le connestable, qui remoustra toutes ces besongnes, qui raporta un sauf-conduit... Sus celle sauvegarde, Thommelins Wisk et quatre de ses compagnons vinrent devant les barrières parler as signeurs de l'ost (Froiss., Chron. R., VIII, c.1375-1400, 130)

Lettre de sauvegarde. Lettre donnée à qqn par une autorité pour le mettre sous sa protection avec interdiction à quiconque de le troubler ou de lui causer des empêchements.

...les religieus, abbé et convent de l'abbaye de Saint-Jehan d'Orbester, affermans que il sont fondés de noz predecesseurs, roys de France, et que leurs granges et maisons ont esté arses par le feu que noz anemis y ont mis et que lettres de sauve garde et pluseurs chartres et privileges, qu'il avoient de nous ou de noz predecesseurs y ont esté ars (Doc. Poitou G., t.2, 1340, 182)

...et aussi furent leues les lettres de sauvegarde d'iceulx religieux (Chartes Abb. St-Magl. T.F., t.3, 1369, 403)

[P. ell. de lettre]

...confessa que la (...) fausse lettre (...), il avoit faite et escripte (...) de sa propre main. Et dit que (...) il y avoit devant escript une sauvegarde (Conf. Jug. Parlem. Paris L.L., 1337, 136)

La quelle nostre sauve garde nous voulons, à la requeste, d'iceuls religieus, pour la seurté et defense d'iceuls et à la conservacion de leurs diz biens, estre publiée et notifiée par tout où il appartendra. (Doc. Poitou G., t.4, 1370, 40)

...une sauvegarde general, contenant commission pour faire paier debtes, vauldra III gros. (Cout. bourg. glosé P.M., c.1380-1400, 173)

À maistre Guy Bertrand, licencié en lois, solliciteur des causes de mondit seigneur en Parlement à Paris, la somme de six frans, qui deue lui estoit et lesquelz il avoit paié pour et ou nom de mondit seigneur à plusieurs clercs de la ville de Paris pour la grosse et façon de XI paires de lettres royaulx qu'il a fait fere pour mondit seigneur, c'est assavoir, dix en forme de 'debitis' contenans sauvegarde, et une sauvegarde contenant 'debitis' en double queue (Comptes Etat bourg. M.F., t.2, 1419, 479)

...nous avons révoqué et adnullé, révoquons et adnullons par cesdites présentes toutes et chascunes les sauvegardes esquelles nous avons par cy davant prins et mis les habitans dudit lieu de Gap (Roi René vie L., 1465, 314)

Sauvegarde enfreinte. Délit consistant à violer le droit de protection accordé à qqn par une autorité.

...tous cas criminelz et aultres, exeptéz ès cas reservés ès ditz previleges, c'est asscavoir de leze maiesté, d'asseurement brisée quy seroit donné de notre Court, de noz sauves gardes enfrainctes, de noz prisons brisiéz, de contrefaire noz seaulx ou le cours de noz monnoies, de fausseté de lettres seellées, de noz seaulx (Hist. dr. munic. E., t.2, 1387, 133)

...en ce fait a sacrilège, crime de lèse-majesté, sauvegarde enfrainte et port d'armes, force publique et autres détestables crimes. (Ch. VI, D., t.1, 1404, 261)

Enfraindre une sauvegarde

...pour raison des dis debas et des choses dessus dittes et de sauvegarde enfrainte (Chartes Abb. St-Magl. T.F., t.3, 1369, 405)

Et en ce faisant, ycellui deffendeur avoit fait offense et mesprenture envers les diz religieux, contre raison et a tort, et en enfraingnant la sauvegarde du roy nostre sire en laquelle yceulx religieux, leur eglise et tous leurs biens estoient et avoient esté. (Chartes Abb. St-Magl. T.F., t.3, 1377, 473)

...et en ce cas n'est doubte que l'omme et la femme de la condicion dessusdicte enfraingnent bien la sauvegarde de Dieu et du saint sacrement de mariage, dont a l'esglise principalment appartient la congnoissance (Juv. Urs., Verba, 1452, 381)

...si ung clerc non marié enfrainct le sauvegarde du Roy et il est pour ce emprisonné, il sera rendu à l'evesque pour le debat simple par tel convenant que l'official l'envoiera à ses jours davant le juge royal (Cout. instit. Anjou Maine B.-B., t.3, a.1458-1463, 93)

B. -Par extension. Garantie, protection.

Donner à qqn sauvegarde de qqn. Garantir, protéger qqn de qqn d'autre.

Sire, je vous prie qu'il vous plaise me donner saulve garde de vostre filz qui me veult tuer. (Tardif, Facéties Pogge D.H.-P., c.1490, 236)

Estre en sauvegarde / en la sauvegarde de qqn

'Sire, sauvés vous et vous recueilliés en ce castiel de Montueil, dont vous estes à ce matin partis. Se vous estes en ce castiel, vous serés en sauvegarde. Et se vous estes pris de vos enemis, vous serés mors sans merci.' (Froiss., Chron. L., VII, c.1375-1400, )

Et moy ausi en verité, Car aultre chouse ne demande Que d'estre en la sauve garde De Jhesus, mon vray createur. (Myst. st Sébast. M., c.1450-1500, 117)

Remarque : Jourd. Blaye alex. M., a.1455, 8756.

Mettre qqn/qqc. en sauvegarde/en la sauvegarde de qqn

...c'est deshonneur et grant honte A un prince qui tant s'ahonte Qu'il sueffre tels gens en sa route Et tel meffait, et ne fay doubte Qu'en ce cas en ta sauve garde Doivent estre. Amis, or les garde, Et seur ce fay tel ordenance Que chascuns sache sa sentence, Et fay tant qu'elle soit tenue Ou elle est de nulle value. (Mach., C. ami, 1357, 121)

Mon Createur, Me fault il en tel deshonneur Finer mes jours ? Ha, doulce Vierge, Soyez de mon ame concierge. Je la metz en ta sauvegarde. (Myst. jeune fille L., c.1413-1445 [c.1530], 59)

...la justice doit faire inventoire des biens meubles d'icelluy abscent et mectre en sauvegarde desoubz sa main jusques à la quentité d'icelle debte s'il en treuve tant. (Cout. instit. Anjou Maine B.-B., t.2, 1437, 340)

Doulx Jesus-Crist, or me regarde Par ta doulceur, Metz mon ame en ta sauvegarde, Mon redempteur. Je sen en moy tresgrant freeur, Ne sçay pourquoy ; Tu es mon seul gubernateur Ou est ma foy (Myst. st Laur. S.W., 1499, 180)

Prendre qqn en sa sauvegarde

Helas ! damme, vulliés la prandre En voustre saincte sauvegarde. (Myst. st Sébast. M., c.1450-1500, 201)

Tenir qqn en sauvegarde

Honnesteté est requise Pour tenir en sauvegarde Cellui ou tous prennent garde. (Chart., B. Nobles, c.1424, 405)

C. -Par métonymie.

1.Personne qui assure la protection de qqn.

Dame de tres haulte excellence, Vous estes la protection, La sauve garde et providence, Des François la redempcion. (Myst. siège Orléans H., c.1480-1500, 504)

2.Troupes de protection (?).

...Chevaulx et bardes, lances et hallebardes, Dont les aubades font sonner voz soubdars, Grans saulvegardes, gaillardes advangardes, Arrieres gardes, personnes coquillardes, Testes coquardes, vivans tousjours soubz dars (La Vigne, S.M., 1496, 157)

Remarque : Cf. FEW XVII, 516b, s.v. *wardôn : «sauvegarde (...) 'troupe des gardes du corps' (Est 1538-Huls 1614) ; 'cavalier employé pour prévenir les désordres des soldats débandés' (Rich 1680-Revolution) ; 'détachement envoyé dans un lieu pour le garantir du pillage' (Voltaire 1767-Lar 1933)».