GARANT

substantif masculin

[T-L : garant ; GD : garant ; GDC : garant ; DEAF, G 138) : garant ; AND : garant1 ; DECT : garant ; FEW (XVII, 563) : *werjan *wairjan ; TLF (IX, 74b) : garant]

[Résultat de la fusion de deux verbes d'origine germanique, phonétiquement proches, garant réalise dans ses emplois les principaux sèmes de 'vérité' et de 'protection', conformes à son ascendence étymologique]

A. -DROIT [Idée dominante de véracité]

1.Personne qui certifie la vérité de qqc.. (synonyme garieurgarisseur)

Item, et pour ce que souvent ung ou plusieurs garans sont appellez, soit pour garantir, adjoindre, prendre la deffence ou les sommer sauf a l'appelant a deffendre, et combien que par ladicte reservacion l'appelant soit entier a deffendre, supposé que de tous les garans luy faillissent du tout, si peut l'appelant delayer sans soi arrester a garant delivreur jusques a ce que les garans soient venus a court et qu'il ait responce d'eulx, ce que aucunesfoiz ilz le [l. ne] font, jusques a ce qu'ils aient eu tous leurs delaiz coustumiers et après demandent la veue, qui sont longueurs infinies et sumptueuses, la court a ordonné que doresenavant, en telle maniere d'appeaulx de garans (...) l'appelant fera diligence telle que qu[e]... (Echiq. Normandie S., 1336-1497, 136)

...selonc noz ordennances, il deust avoir apportez lesdiz estellins à la monnoie pour billons et non pas avoir venduz à estranges personnes ; et li demanderent se il avoit point de garant qui lesdiz estellins li eust venduz, et il respondi que il cognoistroit bien le marchant se il le veoit (Phil. Vi Valois, Doc. paris. V., t.2, 1343, 198)

En la cause meue ou esperee a mouvoir en la court du Chastellet de Paris, entre les religieux abbé et couvent de l'eglize Saint Magloire de Paris a cause du prieur de Versailles, membre d'icelle eglize, d'une part, et M[a]hiet Bridel, garant de Jehan Morise, demourant en la perroisse de Versailles, d'autre part (Chartes Abb. St-Magl. T.F., t.3, 1382, 521)

Tous lesquieulx, veu l'estat et personne d'icelle prisonniere, (...) l'eure et le lieu où elle fu prinse, ce qu'il est deffendu que esdiz marez nulle personne ne aille, sur peine d'amende et jugement voluntaire ; le grant nombre et valeur que lesdites grappes, qui estoient en la garde de Dieu, povoient valoir au temps de la prinse d'icelles ; que elle ne puet ou scet trouver son garant, le cry et defens fait en la ville de Paris et pays d'environ, que nul ne nulle ne preingne ou cueille verjus ou roisins quelconques, s'il ne prent iceulx en ses vignes, et en apporte enseignement de la justice du lieu où il aura cueilly iceulx, dont ladite prisonniere ne s'est aucunement ventée (Reg. crim. Chât., II, 1389-1392, 254)

La coustume est telle que si aucun à juste tiltre et de bonne foy posside aucun meuble troys ans en la presence de celui qui povait pretendre ou avoir droit, ou lui estant ou pais qu'il le puisse savoir ou ne le doie ravoir, il acquiert droit à la chose et en la chose. Et au dessoubz de troys ans si elle lui estoit demandée, il convendroit qu'il monstrast son garant ; et s'il n'avoit garant, en prouvant qu'il la ait tenuee à juste tiltre et de bonne foy, il seroit excusé quant au crime s'il estoit poursuy en matere d'adveu ou de denonciement. (Cout. instit. Anjou Maine B.-B., t.2, 1437, 308)

Avouer qqn à garant. Appeler qqn comme garant.

...et eussent conclu iceulz religieus contre les diz Pierres affin que il feussent condampnez et contrains a oster les diz agoux et a recevoir et requeillir leurs eaues par devers eulx, et a mettre les dites fenestres a fer et a voirre dormans, selon l'usaige et coustume de la dite ville de Paris, et tant eust et ait esté procedé que iceulz Pierres advoerent a garant ladite Denise qui ycelle maison leur avoit bailliee ; et de puis ce, la dite Denise, es noms des diz Pierres et conme garant d'iceulz, eust et ait esté condampnee a retraire et a oster les diz agoux, et les dites fenestres mettre selon les us et coustumes de la ville de Paris (Chartes Abb. St-Magl. T.F., t.3, 1365, 303)

2.Personne qui répond pour qqn ; personne qui témoigne en faveur de qqn.

'Et comment savez vous', dist Gieffroy, 'que Milie a fait [cel] oultrage que vous lui avez miz sus ? Car il vous convient trouver vostre garant et dire se vous veïstes le fait ou non ; si vous en delivrez hastivement'. (Bérinus, II, c.1350-1370, 134)

...Si aucun huchoit ou louet garant et le garant soit present, il n'aura plus autre dillacion de l'avoir, ainczois doit venir le garant en jugement. (Cout. instit. Anjou Maine B.-B., t.2, 1437, 450)

Estre garant

Mais elle, conme bonne et sage, Refusa moy et mon langage, Dont j'oz tel dueil et tel desdaing Que je fis tant devers le naing Qu'avec la dame se coucha, Mais onques a li n'atoucha, Ains s'i coucha en paour grant: Si li promis je que garant Envers vous de ce li seroye. (Mir. marq. Gaudine, 1350, 168)

3.Personne qui est caution d'une autre.

DROIT FÉODAL [En cas de démembrement d'un fief] Appeler qqn à garant. Appeler qqn à apporter sa caution.

Si le souverain avoit receu et prins l'ommaige par despit de fief de teulx acquéreurs de la terre de son homme de foy, sans ce qu'ilz eussent appellé à garand le vendeur qui leur eust promis les garentir, ce ne peut estre ou préjudice du subgit homme de foy (Cout. instit. Anjou Maine B.-B., t.1, 1411, 466)

(Se) faire garant (de qqn)

...il despitable au commandement, le dit Saudry en fu condempné ou dit parlement en XX livres ; et ledit Hugues, qui se fist garant, fu condempné en LXV livres d'amende pour cause de la desobeissance. (Cout. bourg. glosé P.M., c.1380-1400, 116)

[ZACHÉE] . D'autre part je suis publicain Et des usuriers le plus grant, Par quoy je doubte trop et crain Que pas ne me face garent ; Mon estat n'est pas apparent Entre les gens, mais reprouvable (Myst. Pass. Troyes B., a.1482, 475)

Par plaisanterie. Martin Garant. Personnage imaginaire qui se porte garant de toutes les dépenses (en partic. de boisson).

Alez, n'ombliez pas a boire, Se vous trouvez Martin Garant. (Path. D., c.1456-1469, 56)

Sommer le garant. Enjoindre à qqn de se porter garant.

Conseillee par des plus saiges advocas que hardiement sur ce me deffendisse et que ne doubtasse que, comme je eusse bonne cause, la diffinicion en seroit pour moy de sommer les garens de la vendicion, lesquelz estoient mors, povres et hors du pays, n'y avoit remede. (Chr. Piz., Avision R.D., 1405, 101)

[Ds un cont. métaph.]

Et supposé qu'il y eust exceps, sy n'en povoit la matiere estre ceans traictee, car elle [[la Mort]] avoit a sommer ses garans, come Fortune et autres, qui n'y responderoient pas. (MART. D'AUV., Arrêts Am. R., c.1460-1466, 155)

Tirer/traire qqn à garant. Appeler qqn à venir apporter sa caution ; produire qqn comme témoin.

Mére au vray Dieu tout puissant, Source de grace et fontaine Estes et de pitié plaine. Bon vous fait traire a garant (Mir. femme roy Port., c.1342, 195)

Encore est il plus prouffitable, Sire, qu'il n'est souef flairant: Je mesme m'en tray a garant (Mir. st Ign., 1366, 107)

Si le souverain avoit receu et prins l'ommaige par despit de fief de teulx acquéreurs de la terre de son homme de foy, sans ce qu'ilz eussent appellé à garand le vendeur qui leur eust promis les garentir, ce ne peut estre ou préjudice du subgit homme de foy (Cout. instit. Anjou Maine B.-B., t.1, 1385-1411, 466)

Et si ledit contravoueurs se rendoit en jugement au terme qu'il seroit recreu, et present ledit advoueur il troit aucun à garant à la deffense de sa cause, il doit avoir quatre termes et esdiz compectans de fournir de son garant. C'est assavoir jour simple, auquiel s'il se deffault il sera adjourné terme o jugement ; auquiel jour s'il se deffault de fournir de son garant, l'avoueur doit avoir deffault et sera adjourné terme lectre ; auquiel deffault l'advoueur doit escripre sa demande en briefs motz, et conclure que ledit advoueur ne face à recevoir à avoir tiré à garant, et que neanmoins ses premieres conclusions faictez contre ledit contravoueur en jugement lui soient faictes et adjugées si faictes y avoient esté (Cout. instit. Anjou Maine B.-B., t.2, 1437, 76)

4.Garantie, caution.

Please a nostre (...) seigneur le Roy grantier garant desoubz le privé seel direct as Tresorer et barons de vostre eschequer pur accompter ovec (...) Jehan Shene, Phelippe Castelforde (...) executours del testament de Estephen Ingram, clerc nadgairs assignéz pur les receiptes, costages et dispences del hostiel de dame Isabelle (...), de touz maniers receiptes, costages et dispences du dit hostiel del cour (Lettres agn. L., 1369-1412, 9)

...garant est fait de lour faire paier d'apprest atant come les autres doctours ont receuz pur mesme le viage. (Lettres agn. L., 1369-1412, 179)

Entrer en garant. Se porter garant pour qqn.

...ottroyant à ses dessus dis procureurs et à chacun par soy et pour le tout, plain pooir (...) de presenter (...) sa personne, en jugement et hors, ses causes deffendre, de plaider de plait ou plais entamer, de nyer, (...) entrer en garand, faire veues et ostencions de lieux (Trés. Reth. S.L., t.2, 1403, 493)

Preuve.

Et s'aucuns ont vraye sagesse ou sans - ce que je nye se je n'y voy garans, Sy n'echet il de deu[x] entre cinq cens ! - Car il ne sont apres ne devourans, Ilz desvoient du sanc de leurs parans : Mais quant à eulx nature se desploie, Ilz en leschent, eulx et leurs aherans, Car il portent co[n]tag[i]euse plaie. (Epître Romains M., c.1475, 180)

B. -[Idée dominante de protection]

1.Personne qui protège qqn, défenseur.

Et il [le roi] lui dist : Ma fille, vous soiez la tres bien venue. Je suiz bien joyeux quant Dieu m'a fait tant de grace en mon vivant que je vous voy si haultement assignee ; sachiez que je mourray plus liement de ce que je suiz asseur que vous et mon pays serez hors de doubte des Sarrasins ; car vous avez bon garant et tres vaillant prince et bachelereux, qui bien vous garantira contre eulx. (Arras, c.1392-1393, 122)

Dist l'ung a l'aultre : 'Nostre garant est venus !' (JEAN D'OUTREM., Myr. histors G., a.1400, 194)

Estre garant

LE BOURGOIS. (...) Je requis la vierge Marie Que garant vous fust et amie (Mir. enf. ress., 1353, 26)

Et se vo grace m'est ouverte, Vous estes garant de ma vie. (Chart., B. Dame, 1424, 344)

De toy [Jésus] servir ne suis pas lasse, Mais secours moy en briefve espace Et me soys escu et garant (Myst. st Laur. S.W., 1499, 264)

Dieu me soit escu et garant (Myst. st Martin K., a.1500, 305)

Prendre qqn à garant. Prendre qqn comme défenseur et protecteur.

S'autrement fais, tu te forvoye, Tout ne vault ung clou de couroye Se tu ne prens Dieu a garant (Régn., F.A., 1432-c.1465, 117)

2.Protection, sécurité.

Et s'en vinrent bouter en Lourde. Là estoit leur retour et leur garant, car bien savoient que on ne les yroit point là querir ; on y perderoit sa paine, car Lourde est ung chastel imprenable. (Froiss., Chron. M., XII, c.1375-1400, 201)

...une voye torse Et estroicte lui fu garent (Chr. Piz., M.F., II, 1400-1403, 307)

Sy vous a fait le bras de son garant et la garde de son honneur (Chastell., Chron. K., t.3, c.1456-1471, 281)

Et avoit a nom cely filz Lancelot, ung tresapre et vaillant seigneur non forlingnant a son pere, lequel estoit allé de vie a trespas, que dommaige fut car le roy et le pays perdirent leur champion de salut et de garant sur tous les aultres qui regnoient alors (Chastell., Chron. IV, D., c.1461-1472, 83)

[Les ambassadeurs d'Orient :] C'est droit cy le prince que les princes orientaux contemplent par renommee, que les roys des loingtaines regions preferent et extollent, et de qui, par une affection et confidence qu'il y ont boutee, il esperent et requierent ayde, confort et garant alencontre du cruel ennemy de Dieu et de sa loy sainte. (Chastell., Chron. IV, D., c.1461-1472, 290)

...et se misrent les Liegeois (...) à fuyr et à eulx saulver qui mieulx mieulx ; et ne trouvarent garand sinon en la nuiyt, qui fut tantost obscure (La Marche, Mém., III, c.1470, 66)

LA VIE. Helas, où auray je garant Contre ceste grant puasine ? Juno qui m'alloit decorant Soir et matin me va sur courant, Je ne scay où je me recline. (Cene dieux, c.1492, 132)

Bailler garant donner garant faire garant porter garant procurer garant à qqn. Protéger qqn.

...Car s'a mon pere aloie vostre estat recordant, Tout ly or de ce monde ne vous feroit garant Que vous ne feussiés mort du tout a mon commant. (Tristan Nant. S., c.1350, 212)

Requier luy qu'a mon grant besoing, De moy envoyer se recorde De l'uille de misericorde Qui est doulce et souef flairant. Ce me pourroit porter garant Et me semble, se j'en avoye Ung seul peu, tout guery seroye Et pourroie santé recevoir. (Gréban, Pass. J., c.1450, 28)

...la meslée commença à estre dure et mortelle, par quoy bien commencée ou mal emprise, n'y ot celui à qui le repentir pust donner garant (Chastell., Chron. K., t.1, c.1456-1471, 224)

...mal pourra-il escapper de vos mains, ne trouver lieu qui lui baille garant contre vous (Chastell., Chron. K., t.4, c.1456-1471, 27)

...acquérir mérite et fruit à son âme et procurer garant au chrestien peuple et salut au monde (Chastell., Chron. K., t.4, c.1456-1471, 125)

Tu es robuste, fort et grand Et n'as ozé porter garand A ton maistre tant doulx et saige ! (Michel, Myst. Pass. J., 1486, 302)

À garant. En sécurité, à l'abri.

Aller à garant. Se mettre en sécurité, à l'abri.

Las ! vieulx, chetifz, matz et pesans, Vers mon Createur despisans, A qui mais a garant iray ? (Renart contref. R.L., t.1, 1328-1342, 71)

Mais a ce ne pensoit le petit ne le grant [c'est-à-dire abandonner le champ aux Anglais] , Ains doubtoient qu'Englois n'alassent a garant. (Cuvelier, Chans. Guescl. F., c.1380-1385, 101)

Estre à garant

...et pour che que il sont à warant [[les malfaiteurs]] de che que lor siergant u lor gent [des religieuses] ne les poeent arrester ne prendre en me tière (...), je voel et ascent et à che m'acort que se li siergant u les gens des religieuses dessus dittes troevent ou poeent prendre et arrester (...) que il l'arrestent et prendent sus me tière et l'amainnent en me prison (Cartul. Flines H., t.1, 1337, 569)

Mener à garant. Mettre en sécurité, à l'abri.

Menés moy a garant, je vous feray donner Rouge or et blanc argent et beau don presenter. (Tristan Nant. S., c.1350, 104)

Aval se voult lancer la pucelle au corps gent, Mais IIII chevaliers (...) L'ont tantost retournee et menee a garant (Gir. Vienne D.B., c.1350-1400, 193)

Le bourgois ont mené vers le duc a garant (Cuvelier, Chans. Guescl. F., c.1380-1385, 34)

Troyens les chacent devant eulx ; A garent a leurs trefs s'en fuient (Chr. Piz., M.F., III, 1400-1403, 79)

Revenir qq. part à garant. Revenir s'y mettre en sécurité, à l'abri.

...et furent pris Clerembaut et tous les autres qui estoient en la forteresse, et furent tous liez en une belle chambre, et les firent garder a XL. hommes d'armes. Lors orent conseil que ilz manderoient a Gieffroy cest fait, et se tendroient encloz en la forteresse pour savoir se Glaudes y revendroit a garant ; et ainsi le firent. (Arras, c.1392-1393, 204)

S'enfuir à garant. Afuir à garant. Se mettre à l'abri, se mettre sous la protection (de qqn).

...il laissa les damoiselles et s'en fouy dedens le bois a garant sans nulle attente. (Bérinus, I, c.1350-1370, 329)

Ens es forés d'Ardanne s'en fuyerent a garant. (Renaut Mont. B.N. V., c.1350-1400, 226)

Pour quoy, sains homs, a toy m'apuy Et a garant a toy afui. Ma loy reni (...) Si te requier avoir baptesme (Mir. emp. Julien, 1351, 207)

Quintement, quant il avenra Qu'aucun malfaitteur a garant, Pour quelque meffait apparant Qu'il ait fait, s'en fuit en l'eglise, Qu'il y soit sauf et ait franchise. (Mir. st Sev., 1362, 214)

Li rois dans Pietres avoit deus filles de son premier mariage de la suer le roy de Portingal, les quelles estoient en le cité de Bayone, et là à garant afuies. (Froiss., Chron. R., VIII, c.1375-1400, 29)

...Anthiocus, le roy de Sirie et d'Aise, auquel Hanibal de Cartage s'enfouit a garant quant il fut descomfit (La Sale, Sale D., 1451, 239)

N'est ce le tres redoubté roy de toutes bestes mues, a qui estranges, sauvaiges, prochaines et longtaines afuyent a refuge et a garand comme a leur souverain justicier ? (Molinet, Faictz Dictz D., 1467-1506, 19)

Mettre qqn/qqc. à garant. Mettre qqn/qqc. à l'abri.

Pour ce s'en est tost repairiés Pour mettre sa gent a garant. (Renart contref. R.L., t.1, 1328-1342, 112)

...ilz s'en sont partiz et rentrez en leurs fors et là mis tout leur pillaige à sauf garant. (Froiss., Chron. M., XIV, c.1375-1400, 225)

...li dus d'Ango (...) fu saisis de tous les jeuiaulx dou roi, son frère, dont il avoit sans nombre, et fist tout mettre en sauf lieu à garant pour li. (Froiss., Chron. R., IX, c.1375-1400, 288)

...on veut tesmoygnier, se le dient aquant, Que par sen faus atret les fist venir avant ; Et on vit par exsemple mout très-bien l'aparant, Car si tos qu'en la ville furent mis à garant, Il délivra l'abéie du tout à leur commant (Geste ducs Bourg. K., c.1410-1419, 507)

Là en y eut assez de morts et de pris. Les aucuns d'iceux saillirent dehors par la muraille, pour eux sauver et mettre à garant. (Faits Lalaing K., c.1470, 37)

Et quant le Roy, qui moult vaillamment de sa personne se porta celluy jour, vit la desconfiture tourner contre luy, pour le bien de son royaulme et en amour paternele, il fist departir ses enfans à son povoir de la bataille et les fit mettre à garant. (La Marche, Mém., I, c.1470, 59)

Se traire à garant se retraire à garant. Se mettre à l'abri.

...Si n'i eüst chesne ne tramble, Homme, femme, ami, ne parent Ou il treïssent a garent ; Et qu'il fust noire nuit serrée, Pleinne de froit et de jalée, Si ne peüssent chevauchier... (Mach., D. Lyon, 1342, 204)

En ce point que le cerf se retraioit a garant devers le chastel, deux pucelles etoient illec... (Percef. III, R., t.1, c.1450 [c.1340], 242)

...sy n'estoit plus de pitié comme de voir les femmes qui estoyent illecq retraites a guarand (Percef. IV, R., c.1450 [c.1340], 626)

Et moy meismes me retraÿ a guarant que d'aventure il ne me rencontrast. (Percef. IV, R., c.1450 [c.1340], 701)

Le roy de Grenalde dormant en son pavillon royal oÿ ceste noise, si se leva hastivement, moult couroucié, se fist armer, et ains qu'il fust adoubé, trouva autour de soy plus de .XXm. hommez qui celle part se traioient a garand. (Fille comte Pontieu B., c.1465-1468, 113)

Venir à garant. Chercher un refuge.

Roy, a toy venons a garant. Sur nous est venu le deluge ; Si venons a toy a refuge. (Renart contref. R.L., t.1, 1328-1342, 120)

Et vecy vostre mere doulante et exillie quy cuida venir a guarant en ceste terre (Percef. IV, R., c.1450 [c.1340], 838)

...le mauvais n'ot pas herreur de livrer a mort ledit Gaÿus Cesar, lequel estoit venu a garant a sa faulse et deslealle table (La Sale, Sale D., 1451, 258)

«...nos hommez avons pardus et (...) Sarrasins nous chassent. Si n'y voy tel que de fuir qui sauver se porra, et mieulx le vauldroit faire ainsi que pis, car s'en la cité povons venir a garant, encorez nous pourra Dieux aidier». (Saladin C., c.1465-1468, 53)

...et tirarent en France devers le Roy Loys, qui les receut amyablement, bien joyeulx de ce qu'ilz estoient venuz à gairand devers luy et en son royaulme. (La Marche, Mém., III, c.1470, 69)

Venir à garant de qqn. Venir au secours de qqn.

..afin que (...) il pust venir à garant d'iceux et prendre partie à l'encontre du comte, et par ce moyen avoir entrée et commencement pour les desfaire. (Chastell., Chron. K., t.4, c.1456-1471, 479)

C. -Emploi adverbial. Sain et sauf.

Si en y eut pluiseur qui se sauvèrent par derrière, quant il veirent le desconfiture, et passèrent le rivière d'Aude et s'en alèrent garant en le cité. (Froiss., Chron. L., IV, c.1375-1400, 167)