TESMOIN

substantif masculin

[T-L : tesmoin ; GD : tesmoin ; GDC : tesmoin ; DECT : tesmoin ; FEW (XIII-1, 284b, 285a) : testimonium ; TLF (XVI, 30a) : témoin]

I. -[Idée de témoignage]

A. -Personne en présence de qui un fait s'est produit et qui peut ainsi attester de ce qui s'est passé.

1.[En justice]

LE JUIF. Je prouveray bien sanz detry Que je vous prestay mon avoir, Qu'a certain jour devoie avoir. Mes tesmoins saray bien trouver (Mir. march. juif, c.1377, 213)

Je te prouveray et de fait Par tesmoins mon paiement fait. (Mir. march. juif, c.1377, 218)

Et pour ce que autre chose ne voult cognoistre, veu l'estat et variacion d'icellui prisonnier, avec la deposicion des tesmoings cy-dessus nommez et escrips, fu dit et deliberé par les oppinions desdis presens conseillers que (...) il feust mis à question (Reg. crim. Chât., I, 1389-1392, 287)

...ou bailliage d'Amiens, en la senechaucie de Pontieu et ailleurs, l'en faisoit enquestes sur reproches et sur salvacions de tesmoins, avant ce que le juge eust donné appoinctement (Fauq., II, 1421-1430, 255)

Si aucuns tesmoings ont esté corumpuz pour porter tesmoignaige, et ilz soient depuis actusés de ceste corupcion, ceulx qui les auroint corumpuz seroint receuz en tesmoignaige contre eulx (Cout. instit. Anjou Maine B.-B., t.2, 1437, 206)

Pour abreger, les tesmoings [ouys], et la chose bien debatue, l'evesque adnichilla et jugea estre nul ledit mariage (C.n.n., c.1456-1467, 417)

Barrabam, parle sans mantir Et jure que diras verité Si tu as fait a la cité Le murtre, ainsi que trouvons Par tesmoigns leaulx et bons preudoms, Com il appart par ton procés. (Pass. Auv., 1477, 172)

...j'en sçay bien tout le fait Pour depposition de tesmoigns ! (Pass. Auv., 1477, 173)

Tesmoin juré. Témoin qui a prêté serment.

Clemence, femme Guillaume Haguenot, premier tesmoing, aagée de XXIIIJ ans ou environ, tesmoing juré en la presence de Charlot Le Convers, le samedi VIJe jour de janvier l'an mil CCCIIIJXX et dix, qui la contredit (Reg. crim. Chât., II, 1389-1392, 23)

Tesmoin affutur. Témoin vieux et malade.

...sur la requeste de Guillaume Sanguin, prevost des marchans, à l'encontre de Jehan Fumel, appelant, pour faire examiner deux tesmoins affuturs, qu'il convient partir hastivement de la ville de Paris (Fauq., II, 1421-1430, 334)

...l'autre requeste estoit baillée de par maistre Jehan Piedefer, advocat en Parlement, pour faire examen de tesmoins vielz, valitudinaires et affuturs (Fauq., III, 1431-1435, 19)

Faux tesmoin

Toutesvoies, le continent peut bien faire contre vrai opinion par accident et par ignorance ou par erreur invicible, si comme il est dit devant en la glose de celuy qui cognoist autre que sa femme, ou comme le juge condempne un innocent, informé par fauls tesmoings. (Oresme, E.A.C., c.1370, 395)

PILATE. (...) Quant il virent tuit communement Que je le prisoye sy grandement, Deux faulx tesmoing sy amenire Qui contre luy se parjurire Et disrent tout par devant moy Qu'il avoit mesfait contre la loy (Pass. Autun Biard F., 1470-1471, 125)

Et, pour ce, en droit, cestui faulx tesmoing est tenus a la retitucion de tout ce que, par son faulx tesmoignaige, son proxme a perdu (Colart Mans., Dial. créat. R., 1482, 122)

Examiner un tesmoin. Écouter et interroger celui qui témoigne en justice.

Watellet Damechin, mary du tesmoing precedant, demourant ou carrefour du Temple, tesmoing examiné sur laditte rebriche, l'an et jour dessus diz, depose par son serement que il congnoist ladite Colete (Reg. crim. Chât., II, 1389-1392, 528)

...il sera dit que le prieur fera examiner autant de tesmoins qu'a fait examiner le procureur du Roy (Baye, I, 1400-1410, 196)

Produire (des) tesmoins. Faire comparaître un témoin en justice.

Et se les parties en leurs querelles viendront au proposer en aucune raisonnable difficulte ou en faiz contraires et qu'il conveigne produire testmoings, pour produire lesdiz testmoins et moustrer et alleguer tout ce qu'ilz vouldront dire en leur cause, pour tous termes et delaiz, par la vertu du decret ilz aront trente jours frans et non plus pour produire testmoins (Mézières, Songe vieil pèl. C., t.1, c.1386-1389, 492-493)

Et se monstraint si clerement Que seurement n'estoit besoign De produire tesmoigns de loign, Ne d'observer ordre de Droit Aucunement en cest endroit (La Haye, P. peste, 1426, 36)

J'auray le terme de la court, Mais qu'il vous plaise, a tout le moins Je vueil produire mes tesmoingz, Et vueil monstrer par voye d'enqueste, Qu'il est plus licite et honneste Qu'elle soit a moy qu'autrement. (P. moyne, a.1500, 51)

2.[En dehors du domaine juridique]

Aussi conquist il Breselau, Qui estoit le duc Boselau, Et treize dus qui tout hommage Li firent, par son vasselage. Je le vi, pour ce le tesmong, Car partout en seray tesmong. (Mach., C. ami, 1357, 107)

Et toutevoies, aucune fois en tenant un faulz opinion l'en sent et est l'en aussi comme contraint a confesser aucune verité ; et pour ce, Aristote amaine cez ici en tesmoing de ce que il a dit. (Oresme, C.M., c.1377, 382)

Se mestier en est, j'en ay des tesmons asseiz. (JEAN D'OUTREM., Myr. histors B.B., t.1, a.1400, 476)

Vous estes termoings des choses dictes et faites, qui a mon grant desplaisir sont cause d'avoir fait ce que j'ay fait (La Sale, J.S., 1456, 298)

Madame, ce que j'ay fait c'est pour l'amour de la querelle dont Dieux et amours me ont esté tesmoingz. (La Sale, J.S. E., 1456, 414)

Nous sommes acertenez de la traïson que ces ribaulx moynes nous ont faicte par l'un d'eulx et par noz femmes. Il ne nous fault plus de tesmoings. (C.n.n., c.1456-1467, 225)

Remarque : Formes tesmain et tesmon ds Scheler, Gloss. Geste Liège, 293. Forme tesmoigne ds BOUVET, Arbre bat. R.-B., c.1386-1389, 214 (...un homme en cestui cas [dans le combat en champ clos] vuelt estre tesmoingne en son propre fait et le prouver par force et par fait de son corps).

Estre tesmoin de qqc. Assister à qqc..

Tesmoing suis de la mort Jhesus. (Pass. Auv., 1477, 225)

Pouvoir témoigner de qqc..

Saint Pol est le tesmoing et le plege de nostre foy tel qu'il dit souffire a chascune personne pour la bien croire et pour submettre tout entendement a son servise, car il la monstra par fait et par paroles en soy et es autres. (Gers., P. Paul, a.1394, 497)

[Dans une prop. part. elliptique du verbe estant]

...mais telz hommes ne demourront inpugniz, tesmoing le Saige en ses Proverbes... ['comme en atteste'] (Colart Mans., Dial. créat. R., 1482, 122)

Sur le Rapail devers le pont de Genes Fut cest assault, tesmoing Jehan de la Granche Et le tres saige, preux seigneur de Pïenne, Qui monstra bien qu'il avoit bras en manche. (La Vigne, V.N., p.1495, 174)

[À propos de Dieu omniscient] Tesmoin interieur

Car lors querons nous mieulx Dieu, nostre tesmoing interiore, quant nous sommes par dehors vilipendés des hommes, et qu'on ne nous croit pas bien. (Internele consol. P., 1447, 297)

3.Locution.

Appeler qqn à tesmoin. Demander à qqn de témoigner.

...après ce qu'il ot fait protestacion espresse, et de ce appellé les dessus diz presens à tesmoings, que pour chose qu'il entendist à dire, il ne le faisoit pour aucun injure, mais pour verité dire (Reg. crim. Chât., I, 1389-1392, 310)

Lequel suppliant qui avoit une longue robe vestue, tira sa dague pour soy defendre, mais les presens se mirent entre eulx et les departirent, et par ce moyen remist ledist suppliant sadicte dague en son fourreau ; mais il appella à tesmoings les assistens en disant que ledit feu Rolin l'avoit frapé sur la seureté qu'il avoit eue de luy à Montmorillon. (Doc. Poitou G., t.12, 1475, 15)

J'en appelle dieu et deesses A tesmoing et te fay promesse Que pas encor ne me vaincras, Car en brief les aoreras, Ou on te fera cent foys pire Que tu n'as eu, bien l'ose dire (Myst. st Laur. S.W., 1499, 228)

Appeler à tesmoin de qqc.

Ha ! biau sire Diex, tu scez bien C'onques ne pensay tel oultrage Qu'aie brisié mon mariage ; Et je t'en appelle a tesmoing (Mir. roy Thierry, c.1374, 265)

Traire qqn à tesmoin

LA FEMME AU MARQUIS. Mon treschier seigneur, il n'est qu'un Qui le voir en sache, que Diex, Et celi en plorant des yex Tray a tesmoing. (Mir. marq. Gaudine, 1350, 146)

Et si l'ay fait toudis si loyaument Que pour la mort dont je sui en paour Onques en moy n'ot .J. seul pensement Contre l'onneur ma dame de valour ; Et de ce tray je à tesmoing vraie Amour Qui scet comment ma dame me maistrie, Sans esperer garison ne aïe. (Mach., L. dames, 1377, 86)

Traire Dieu à tesmoing

Car volentiers pas ne diroie Chose qui vous deüst desplaire. De ce Dieu vueil a tesmong traire. (Mach., R. Fort., c.1341, 130)

Traire qqn en tesmoin

...Ne je n'ay soing Fors de vous servir à toute heure, Et vous me failliés au besoing ; Dont je tesmoing, Et en tesmoing Tray la vraie amour que j'honneure, Que morir m'estuet sans demeure, S'ainsi demeure Qu'à moy court seure Et me deveure Vostre refus (Mach., Lays, 1377, 290)

Estre tesmoin à qqn. Témoigner pour appuyer qqn.

...pour me estre tesmoings que ces debilles cervelles, nées ez lieu obscur, ne sont pour adnichiller et mectre à ruyne ce que par cy longtemps a esté pousuivi, traicté, pratiqué (Simon De Phares, Astrol., c.1494-1498, f° 8 v°)

Prendre qqn à tesmoin. Demander à qqn de témoigner.

S. PIERRE. (...) Tu m'as demandé par trois fois Ce que de bon cuer tu congnois, Toy meisme j'en preng a tesmoing, Car je ne pren nul aultre soing Qu'a toy amer. (Marcadé, Myst. Pass. Arras R., a.1440, 274)

Prendre qqn à son tesmoin. Affirmer que la justesse de sa cause est reconnue par qqn.

Et de ce je prens Nostre Seigneur et Nostre Dame a mon ayde et a mes tesmoings a ceste journee, qui au jour d'uy me est assignee. [La déclaration reproduite ici constitue un serment solennel, prononcé lors d'un duel judiciaire] (La Sale, Salade, c.1442-1444, 215)

B. -Par métonymie.

1.Action de témoigner, témoignage.

a)Témoignage de qqn.

Tu dis voir. Mais encor avec ton tesmoing Je di par raison et tesmoing Que, se Fortune t'a osté De la joie ou tu as esté, Dont tu as receü maint mal, Que traïson ne fait, ne mal ; Car elle fait ce qu'elle doit, Et ce te mousterrai j'au doit (Mach., R. Fort., c.1341, 92)

De Belleaucel se fait par tout nommer, Par le tesmoing monseigneur le Dalphin (Desch., Oeuvres Q., t.4, c.1370-1407, 67)

...parlerons selon les dis de Jhesu Crist et le tesmoing des sains docteurs (Chr. Piz., Trois vertus W.H., c.1405, 165)

...selon le tesmoing de lui (Percef. IV, R., c.1450 [c.1340], 1021)

Faux tesmoin. Faux témoignage.

...pour oster l'amende appartenant à nous, contre laquelle le partie injuriée et pour doubte des faulz tesmoings, fist admonester notre bailli et la Loy et se ayda de sa clergié (Hist. dr. munic. E., t.3, 1378, 426)

Faire faux tesmoin

Mes c'est chose raisonnable que nous ne oiions pas le son du ciel et que les corps de cibas n'ont a souffrir de tel son, car le ciel ne sonne pas ; et avecques ce, les choses que nous avons dites devant sont cause manifeste et font tesmoing que nous disons verité, et sont arguement a respondre a la doubte que font les Pitagoriens en disant que les corps du ciel meuz font symphonie. (Oresme, C.M., c.1377, 472)

Porter faux tesmoin

Se Fortune aimme, c'est de loing ; Elle faut toudis au besoing, N'elle n'a de personne soing, Soit vil ou monde. Et pour si fausse la tesmoing, Qu'elle porteroit faus tesmoing Pour le mieudre amy mettre en coing Qu'elle ait en monde. (Mach., R. Fort., c.1341, 34)

Retournez, car li faus dampné Sont et ont porté faus tesmong. Dieus le scet, et je le tesmong. (Mach., C. ami, 1357, 12)

...condempne a estre fustigue par le bourreau par III jours de marche et l'oreille couppee pour avoir porte faulx tesmoign (Comptes Lamballe C.-L., 1479-1481, 266)

Au tesmoin de. Au témoignage de.

...Qui vaut autant comme sauveur Au tesmoing de l'interpreteur (Guill. Digull., Pèler. J.-C. S., 1358, 82)

En tesmoin de. Selon le témoignage de.

Yver, vous n'estes qu'un villain, Esté est plaisant et gentil, En tesmoing de May et d'Avril Qui l'acompaignent soir et main. (CH. D'ORLÉANS, Rond. C., 1443-1460, 482)

b)Témoignage de qqc..

...l'original est tout le fondement du tiltre contenu en icellui et est executoire ; mais le transcript n'est fors que un tesmoing de la vision de l'original. (Cout. bourg. glosé P.M., c.1380-1400, 134)

Or avons devisié par le tesmoing des croniques et meismement d'aucuns hommes encore vivans, qui ce virent, la maniere du commencement du doloreux sisme (Chr. Piz., Faits meurs Ch. V, S., II, 1404, 155)

2.Ce qui témoigne, ce qui sert de preuve, qui atteste, preuve.

Qui ['Si l'on, si qqn est'] est touz les jours sain et aise, Ce n'est pas tesmoing d'innocence. (Tomb. Chartr. Trois contes S., c.1337-1339, 94)

Jehan, esgardez, c'est ung grant signe Que la prescïence divine Est en luy : tesmoing en avons. (Gréban, Pass. J., c.1450, 213)

En tesmoin de qqc. En témoignage de, comme preuve de qqc..

En tesmoing des quelles choses, nous avons donné au dit Pierre cestes noz presentes lettres, seellées de noz seaulz, avec le seel du roy (Doc. Poitou G., t.2, 1347, 369)

En tesmoing de ce, nous avons mis le seel dudit bailliage à ces presentes, faittes et données à Amiens, l'an et jour dessus diz (Reg. crim. Chât., I, 1389-1392, 483)

En tesmoing de ce, nous avons mis ad ce present transcript ou vidimus le grant seel aux causes de la dicte seneschaussée (Chron. Mt-St-Mich. L., t.1, Pièces div., 1418, 91)

En tesmoing de ce, nous avons fait mettre noz seaulx à ces presentes et les avons signées de nos propres mains et soubscript nos propres noms. (Fauq., II, 1421-1430, 96)

Et en tesmoing de ce, nous avons ces lettres fait seeller de nostre grant seel. (La Sale, Salade, c.1442-1444, 209)

En tesmoin desquelles choses, nous avons mis et apposé à ces présentes lectres le seel dessusdit (Roi René vie L., 1476, 358)

Donner qqc. à tesmoin de qqc. Présenter qqc. à l'appui de qqc..

Et sur ce vous donne a tesmoing de Troye la grant, qui tant estoit puissante de noblesses (La Sale, Salade, c.1442-1444, 10)

[Dans une prop. part. elliptique du verbe estant] Tesmoin. À preuve.

...de laquelle somme de mil libvres tournois je me tien à bien content et paié, et en quicte ladicte Court de Parlement, ledit Pierre Dailly et tous autres, tesmoing mon seing manuel cy miz, le XXVIJe jour de novembre, l'an mil CCCC et unze. (Baye, II, 1411-1417, 38)

Tesmoing ceste cedule seignée de ma main (Escouchy, Chron. B., t.2, 1454, 205)

II. -Échantillon d'une marchandise.

Item, nul ne nulle de quelque estat ou condicion qu'ilz soyent, marchans ou autres, ne pourront aller a l'encontre d'aucuns blez, farines ou autres grains venans esdites places ou marchez pour vendre, pour iceulx acheter par tesmoings ne en autre manière, fors que esdites places et marchez de Paris dessus escriptz (Mét. corp. Paris L., t.1, 1351, 8)

...l'en enjoint et commande ausdiz brasseurs qui auront vendu et vendront leursdictes servoises en gros ausdiz cabarez, qu'ilz en vendent a detail en leurs hostelz a brasser, et detaillent d'icelles servoises au pris dessusdit, ou au moins qu'ilz en retiennent tousjours ung caque ou demy caque pour tesmoing, et de brassin a autre, sur lesdictes paines. (Mét. corp. Paris L., t.1, 1435, 618)

Lardon (?).

Pour lart à faire tesmoings (Saint-riquier, Compte B., 1422-1423, 245)

Item, pour lart à larder le bruquet et le poulet et pour faire des tesmoings aux alouetes (Saint-riquier, Compte B., 1422-1423, 249)

III. -Testicule.

Tout aussi comme le ventre et les tesmoins sont prochains, tout aussi sont gloutounie et le pechié du corps (Ferron, Jeu eschaz mor. C., 1347, 262)

...le sparme du dextre tesmoing est plus chaut que le senestre (...) ; les tesmoins et les choses vergondeuzes (Saint-gille, Comment. A.Y. L., 1362-1365, 347)

Cil qui songe que ses tesmoings naturelz soient coupez... [var. genitailles] (Expos. songes B., 1396, 117)

Remarque : Cf. lat. testis, 'témoin' et 'testicule'.