TESMOIGNAGE

substantif masculin

[T-L : tesmoignage ; GDC : tesmoignage ; FEW (XIII-1, 285b) : testimonium ; TLF (XVI, 28b) : témoignage]

A. -Action de présenter comme vrais des faits auxquels on déclare avoir assisté.

Mais neantmoins il n'est pas d'usage D'ajouster foy en tesmoignage Du tout sur parolle de femme (Marcadé, Myst. Pass. Arras R., a.1440, 263)

Tesmoignage de vérité

Li roys Le Viconte manda Et, present tous, li demanda Tesmongnage de verité De la très grant iniquité Et de la mortel traïson Qu'on li pourchassoit sans raison. Messires Jehans la tesmongna, Qu'onques homme n'i ressongna. (Mach., P. Alex., p.1369, 250)

Et pour ce que en tout tesmoingnage de verité, il convient trois femmes pour deux hommes, pour faire et acomplir doncques le nombre desdiz quatre euvangelistes, il a convenu que six femmes aient esté empeschies de faire cestui euvre pour plus grande approbation de verité, desqueles les noms s'ensuivent. (Ev. Quen. I, c.1466-1474, 78)

Appeler qqn/qqc. en tesmoignage. Prendre quelqu'un/quelque chose à témoin.

...et se tu fais aultrement, j'apelle la presente epistre en tesmoignage que tu ne feras pas mal en l'empire par le fait de Plutarche», comme s'il vausist dire : j'ay fayt envers toy mon devoir. (Daudin, De la erudition H., c.1360-1380, 179)

J'appelle Dieu en tesmoingnaige, Le ciel, la terre et la mer, Car une vierge sans amer Du ciel concepvra ung hault prince (Pass. Semur D.M., c.1420 [1488], 43)

Dire tesmoignage que. Attester que.

Car par ta biauté sommes pris Et de t'amour forment espris. Fay dont ce que nous requerons. Se ne le fais, nous te jurons Que de toy dirons tesmongnage Au pueple et a tout ton linage Qu'a toy gisant avons trouvé Un jouvencel ci tout prouvé Et pour l'amour dou bacheler En feïs tes femmes aler. (Mach., C. ami, 1357, 6)

Faire (et porter) tesmoignage de qqc.

Et as choses maintenant dites font et portent tesmoignage et signe de verité aucunes ordenances propres que l'en seult faire en chascun bon hostel et aucunes communes ordenances que seulent faire les gouvernëeurs du peuple qui font les loys (Oresme, E.A., c.1370, 197)

Aussi son port En fait assez tesmoignage et rapport Car il portë en son mot par deport, Comme cellui qu'Amours maine a bon port, 'J'ay belle dame', Qui sans paine n'avint oncques a ame Et sans sentir le mal et l'ardant flame Qu'a la gaigner cuer amoureux enflame. (Chart., D. Fort., 1412-1413, 194)

Et as choses maintenant dites font et portent tesmoignage et signe de verité aucunes ordenances propres que l'en seult faire en chascun bon hostel et aucunes communes ordenances que seulent faire les gouvernëeurs du peuple qui font les loys (Oresme, E.A., c.1370, 197)

Porter tesmoignage (à qqn)

[...de qqc.]

Chascuns de nous Le scet, l'a veü, l'a prouvé, Et tantost li avons trouvé, Et nous t'en portons tesmognage De ce despit, de cest outrage, Qu'a ta loy nulle riens n'aconte, Et si vous fait despit et honte. (Mach., C. ami, 1357, 39)

De ce tesmoingnage te port (Mir. march. juif, c.1377, 219)

[...que + sub.]

...Et qu'elle peüst tesmongnage Porter que de loial corage Me donna s'amour et je li. Si que de nous n'i ot celi Qui adont par dit et par fait Ne l'acordast de cuer parfait. (Mach., R. Fort., c.1341, 150)

Et avec ce li revela Li princes, et y appella Monsigneur Jehan de Gaverelles, Qui fu à dire ces nouvelles Sans plus, pour porter tesmognage Par tous païs, que son hommage, Foy, serement, fraternité Avoit vers le roy acquité. (Mach., P. Alex., p.1369, 254)

Je te port tesmoingnage Que l'escrin fis venir a nage A jour nommé, a tout l'avoir (Mir. march. juif, c.1377, 222)

Emploi absolu. Porter tesmoignage. Servir de témoin, témoigner.

Et moy estant enfant qui les vy en l'ostel de mon pere, qui conseiller dudit roy estoit, m'esmerveillant de leurs estranges habis, puis porter ce tesmoignage. (Chr. Piz., Paix W., 1412-1413, 139)

...Raoulet Grison, clerc du Roy nostre Sire (...) avoit refusé à porter tesmoignage ceans (Baye, I, 1400-1410, 127)

Prendre qqn en tesmoignage. Prendre qqn à témoin.

Et dist qu'en plusieurs pays telz gens ne seroient pris en tesmoignage. (Chr. Piz., Paix W., 1412-1413, 171)

Prendre qqn à/en tesmoignage que. Prendre qqn à témoin que.

...de ce nous prendons en tesmongnage monsigneur de Bourgongne, que Audenarde estoit à abatre (Froiss., Chron. R., IX, c.1375-1400, 222)

Par ma foy, je veil bien que Dieu et vous sachez que la chose va tout aultrement, et de ce je le prens a tesmoignage qu'oncques en jour de ma vie je ne tins termes a cestuy dont vous parlez, ne a aultre, quel qui soit, tant que vous ayez tant soy peu de cause d'en estre mal content. (C.n.n., c.1456-1467, 232)

Produire qqc. en tesmoignage

Encores, afin de mieulx demonstrer que cestui hault corage soit plus convenable à prince que autre, ay produit en tesmoignage les dis à propos des aucteurs. (Chr. Piz., Paix W., 1412-1413, 106)

Traire qqn en tesmoignage

Mais li lions, se Dieus me gart, Pluseurs fois vers moy regarda, Car il moy pris en sa garde a, Et me sambloit a son corage Qu'il me traisist en tesmognage Pour tesmongnier la verité De ce que j'ay ci recité. (Mach., D. Lyon, 1342, 179)

Proverbe. Il n'y a pas plus fort tesmoignage que celui qui est proferé par l'ennemi

Comme dist saint Augustin que 'nul plus fort tesmoignage n'est que chelui qui est proferé de l'ennemy'. Dont a che propos saint Jerome dist : 'Se nous sommes auchunefois constrains de nous concorder aux escriptures seculieres et d'icelles auchunes choses aprendre que nous aviemes mis en oubli, che n'est pas de nostre volenté mais, par maniere de parler, che nous est pour tres grant necessité, afin que nous provons les choses dittes des prophetes passé moult long temps estre contenues es escriptures tant des Grecs comme des Latins et d'aultres gens'. (Daudin, De la erudition H., c.1360-1380, 116)

B. -DROIT Déposition en justice de qqn qui certifie avoir vu ou entendu qqc. relativement laffaire en cours.

Et si a un usage en ce païs, par quoy il vous va trop pis que vous ne cuidiez, que quiconques fait demande a autruy et il a tesmoignage, soit bon ou mauvaiz, on ne puet dire a l'encontre, ains a jugement pour lui, et je sçay bien qu'il y a tant de faulse gent en ce païs que grant peine en avrons (Bérinus, I, c.1350-1370, 62)

Veues lesqueles accusacions, denegacions et tesmoignage dudit de Malmes, qui est homme d'onneur et d'estat, la personne d'icelle prisonniere, lesdiz conseillers delibererent et furent d'oppinion que pour savoir par sa bouche la verité des choses dessus dites, elle feust mise à question. (Reg. crim. Chât., I, 1389-1392, 307)

Et, sur ce, le conte de Saint-Pol, le Chancelier et les autres chevaliers dessusdis, à la relacion et tesmoingnage dudit de Montberon et autres, nommerent pour lieutenant criminel dudit prevost maistre Guillaume de Pourbail (Fauq., I, 1417-1420, 244)

Si aucuns tesmoings sont examinez davant juge ou enquesteur secullier, leur tesmoignage vault davant autre juge en icelle cause (Cout. instit. Anjou Maine B.-B., t.2, 1437, 206)

... il souffist en ung jugement De deux hommes tant seullement Avoir d'un fait vray tesmoingnage (Marcadé, Myst. Pass. Arras R., a.1440, 269)

Faux tesmoignage

Sire Diex, (...) qui des faulx tesmoingnages Des viellars delivras Susanne... (Mir. emper. Romme, 1369, 291)

...mais que l'en doie jugier selon les choses provees, c'est droit positif et peut avoir instance en cas de faux tesmoignage, pour ce que adonc ne seroit pas le jugement selon verité. (Oresme, E.A.C., c.1370, 317)

...attendu le long temps et dure maladie de langueur soufferte par icellui de Ruilly, et l'argent prins par lesdites femmes pour vouloir eschever leur mauvaistié et fait appensé, le faulx rapport et tesmoignaige par elles et chascune d'elles fait, saichans le contraire estre vray (Reg. crim. Chât., II, 1389-1392, 337)

Tu ne feras point faulz tesmoinaige. (La Sale, J.S., 1456, 37)

Par luy [Caïphe] fut il questionné, Mocqué, battu et villonné, Craché son precïeux visaige, Accusé par faulx tesmoignage, Et puis finablement transmis A Pilate, pour estre mis A mort par terriblë instance. (Myst. Pass. Troyes B., a.1482, 757)

Porter tesmoignage

Au jour d'ui, Raoulet Grison, clerc du Roy nostre Sire, comme l'en dit, et du mareschal de Rieuz, lequel avoit refusé à porter tesmoignage ceans un jour de la sepmainne passée après disner devant aucuns de messeigneurs de la Court (...), est venus en jugement, et à IJ genoulx et en pleurant a crié mercy à la Court à mains joinctes, en suppliant qu'elle lui voulsist pardonner son meffait, et aussy en suppliant audit huissier pardon, pour quoy la Court a remiz au Conseil la taxation de l'amende. (Baye, I, 1400-1410, 127)

Porter faux tesmoignage (contre qqn)

...Infames ; ceulx qui sont prouvez d'avoir porté faulx tesmoignaige (Cout. instit. Anjou Maine B.-B., t.2, 1437, 207)

...Robin Belliart (...) luy vouloit donner dix soulz tournoys pour porter faulx tesmoignage contre Jehan De Saint Berthevin (Mir. ste Cath. Fierbois C., 1470-1483, 128)