HOMMAGE

substantif masculin

[T-L : omage ; GD : homenage ; GDC : hommage ; DECT : omage ; FEW (IV, 456b) : homo ; TLF (IX, 877a) : hommage]

I. -Allégeance, fidélité.

A. -DROIT FÉODAL

1.Acte symbolique par lequel un vassal, à genoux, place ses mains jointes dans celles de son seigneur (qui referme celles-ci sur elles), en prononçant une déclaration de volonté d'entrer en dépendance (l'hommage étant suivi de l'investiture d'un fief) ; devoir qui en résulte.

...si comme il dit, icelluy Jehan de Saulx ait nagueres laissé l'ommage dudit Colart, et a repris sadite terre de Vonc de nous, comme seigneur souverain, et en soit entréz en nostre hommage par creance de service faict en vostre main et en ressort d'icelle terre lesquelles choses apartenoient et apartiennent à estre faictes audit conte pour les causes dessus dites (Trés. Reth. S.L., t.2, 1367, 183)

Et avec ce li revela Li princes, et y appella Monsigneur Jehan de Gaverelles, Qui fu à dire ces nouvelles Sans plus, pour porter tesmognage Par tous païs, que son hommage, Foy, serement, fraternité Avoit vers le roy acquité. (Mach., P. Alex., p.1369, 255)

...services, reddevances, ligences, services et obéissances, justices, juridicions haultes, moyennes et basses, mixtes, meres et imperez, dominacions, seigneuries, féages, hommages, hommenages, que autres choses quelconques et comment que elles soyent dites, nommées et appellées (Cartul. Laval B., t.2, 1404, 380)

Hommage lige. Hommage où le vassal vient nue tête, le genou à terre, les mains jointes sur les Évangiles et promet de servir son seigneur envers et contre tous.

De la terre de Winendale avec ses appartenances (...) mondit seigneur (...) l'a donné, cedé, transporté et delaissié à monseigneur le conte de Cleves et de la Marque, pour estre et demourer heritage perpetuel à madame Marguerite, seconde fille de mondit seigneur et femme dudit conte de Cleves, et à ses hoirs et successeurs, contes et contesses de Flandres et successeurs, et la tenir de lui et de ses hoirs et successeurs, contes et contesses de Flandres, en foy et hommaige liege en tous cas, en ressort et souveraineté (Comptes Etat bourg. M.F., t.3, 1416-1418, 35)

Hommage simple. Hommage où le vassal vient à son seigneur nue tête, les mains jointes et donne le baiser.

Recepcion de hommge simple. Vous congnoissez estre homme de foy de mon seigneur qui cy est au regart de tel lieu (...). Et luy promectez et jurez par la foy et serement de vostre corps que de ce jour en avant foy et loyaulté vous luy porterez, d'autre que de luy ne vous en advouerez ; bien et loyaument ses devoirs vous luy payerez ; par adveu ne autrement son fié ne roingnerez ; et en touz cas vous y porterez comme home de foy simple doit faire envers son seigneur, et sur les paines qui y appartiennent. Et en signe de ce, luy en baillez la bouche et les mains (Cout. instit. Anjou Maine B.-B., t.4, 1426, 120)

Chef d'hommage. Voir chef

[Du vassal]

Avoir hommage à qqn. Être le vassal de qqn (du suzerain).

...qu'il voise socourir Charlez l'empereur, a qui il at hommaige. (JEAN D'OUTREM., Myr. histors G., a.1400, 135)

Faire hommage à qqn (le suzerain). Porter, jurer, promettre foi et loyauté (au suzerain) envers et contre tous.

De la [le roi] s'en ala en Pouleinne Et la conquist a moult grant peinne. Aussi conquist il Breselau, Qui estoit le duc Boselau, Et treize dus qui tout hommage Li firent, par son vasselage. Je le vi, pour ce le tesmong, Car partout en seray tesmong. Bien dis ans roys s'en appella. (Mach., C. ami, 1357, 107)

...donnons en mandement à touz et chascun des subgiez desdiz contez et baronnie, et à touz ceulx à qui pourra appartenir, que des choses dessusdictes et de chascunes d'icelles facent audit Loys et à ses filz et hoirs masles, comme dit est, hommaiges, et respondent et sactifient des devoirs que ilz doivent pour cause desdiz contes, baronnie et chastellenie (Roi René vie L., 1360, 208)

Tuit viennent li grant et li mendre Luy faire homage [à Alexandre ; transposition dans l'Antiquité] (Chr. Piz., M.F., IV, 1400-1403, 54)

Je veux que vous et toute vostre gent (...) veigniés si avec moy jusques a la roÿne et a sa fille, qui est vostre dame et doit estre par droit et par raison, et luy faites homage et feäulté, si comme vous devez faire. (Chev. papegau H., c.1400-1500, 76)

À Yvonnet Le Clerc, Jehan Pietre et Guillemin Des Mares, varles de porte de l'ostel du roy nostre sire, la somme de vint frans monnoye royal que mondit seigneur leur a donné pour une fois de grace especial en faisant son hommaige et feaulté au roy nostredit seigneur (Comptes Etat bourg. M.F., t.1, 1420, 384)

...combien que icellui Baccon fust Englois, si conseilla il au roy d'Angleterre de faire l'ommaige au roy de France, ce qu'il fist. (Simon De Phares, Astrol., c.1494-1498, f° 135 v°)

Et de ceste heure, le recevoient et prenoyent pour leur roy et souverain seigneur ; et en signe d'obeyssance luy firent lors foy et hommaige. (La Vigne, V.N., p.1495, 275)

Tenir (une terre) en foi et hommage. Voir foi

[Du suzerain]

Recevoir l'hommage de qqn. Recevoir de qqn le serment de fidélité (pour un fief).

Et lors ledit prince recevra son hommaige et foy de luy, et puis l'en vestira et mettera en possession de sa seignourie de marquis par ung tresriche ruby, qui porte signe de seignourie, qu'il mettera ou moyen doit. (La Sale, Salade, c.1442-1444, 232)

Recevoir qqn à foi et hommage. Recevoir de qqn le serment de fidélité (pour un fief).

...à certeinnes lettres impetrées par Guillaume de Martel, savoisien, du Roy dauphin (...) que le Roy le receust à foy et homage d'icelx [chastiaus] parmi certeinne somme d'argent (Baye, I, 1400-1410, 267)

Reduire une terre à son hommage. Faire d'une terre un fief, en obtenant que le possesseur de cette terre se reconnaisse comme vassal.

...et qui [le roi Charles VII] son royaulme avoit perdu a ung harpent pres par maniere de parler, l'a reintegré en son entier, ce que oncques n'a peu faire autre : Guienne trois fois a impugnee et en fin parobtenue par glorieuses armes, Normandie semblablement, Bretaigne reduitte a son hommage (Chastell., Chron. IV, D., c.1461-1472, 314)

Saisir l'hommage de qqn. Recevoir l'hommage de qqn, s'assurer la soumission de qqn.

Quant il [Exercés] ot de tout le regné Saysy les foiz et les homages (Chr. Piz., M.F., II, 1400-1403, 242)

Remarque : F.L. Ganshof, Féodalité, 3e éd., 1957, 97-109, 137-138, 163, 183 ; F. Lot, R. Fawtier, Hist. des instit. fr. au Moy. Âge, t.1, 1957, 274 ; t.2, 1958, 19 ; t.3, 1962, 163 ; Dict. encyclop. du Moy. Âge, t.1, 1997, 738-739.

2.Par métonymie.

a)Prestation en argent due au suzerain à l'occasion de la prestation de foi et d'hommage, et de l'investiture du fief.

...il avoit donné et otrié, quitié et délessié, afin de héritage, au priour et es frères de la meson Dieu de Coustances (...) sept boisseaux de forment, à la mesure de Coustances, d'anuel rente à la saint Michiel, et un pain et une geline de regart à Noel, o deux hommages, dont joit Johan Ober trois boisseaus de forment mesure de Coustances et un pain et une geline o son hommage (Cartul. Hôtel-Dieu Cout. L., 1331, 158)

Somme pour l'ommage, XL s. (Comté Champ. Brie L., t.1, c.1332, 431)

Item deux homages que devont Phelippon de Mons et le dit Symon de Puyveaus, escuiers, de leurs choses des Oulmeaus, qui sont estimés et baillés pour dis souls de rente. (Doc. Poitou G., t.1, 1332, 404)

...la moitiet de l'oumage de Ponsin, qui tient de my une maison à tout le pourpris d'icelle et un courtil, et puelent valoir par an nuef solz, item, la moitiet des hommages de Pieret, fis feu Wasset (Trés. Reth. S.L., t.2, 1345, 56)

...l'ommage ou hommages de touz les ténemens, que tiennent de luy eudit fieu, homes religieux et honnestez, le priour et les frères de l'ostel Dieu de Coustances, auxi les reliefs et les denommemens d'iceulx héritages (Cartul. Hôtel-Dieu Cout. L., 1398, 206)

De Pierre du Bos, bailli et receveur de la seignourie, explois et hommaiges de Tenremonde, gisans es chastellenies de Lille, Courtray et du Tournesiz, pour son rest de ladicte Renenghe (Comptes Etat bourg. M.F., t.3, 1416-1418, 28)

Hommage lige

Cy apres s'ensuyt les assietes au taux du Roy. (...) Hommaige lige (...) X s. (Cout. instit. Anjou Maine B.-B., t.3, 1463, 512)

Hommage simple

Cy apres s'ensuyt les assietes au taux du Roy. (...) Hommaige simple (...) V s. (Cout. instit. Anjou Maine B.-B., t.3, 1463, 512)

b)Hommage de qqc. (domaine, terre, droit de justice...) Reconnaissance par le vassal qu'il tient qqc. par l'acte d'hommage ; droits correspondants du suzerain.

...et avons transporté, transportons et cessons audit Guy (...) tout le droit et l'action en propriété et en saisine que nous avions et pouvions avoir en ladicte justice, haute, moyen et basse en la ville de Gisy et au terroueir d'icelle, retenu a nous et a noz successeurs roys de France l'omage de ladicte justice et nostre souveranité et ressort en toutes choses (Doc. 1358. In : H. Stein, Bibl. Éc. Chartes 96, 1935, 61)

...après ce qu'il eut recité l'arrest pieça donné pour le procureur du Dauphiné et le marquiz de Saluces contre le conte de Savoie, par lequel fu declaré l'omage du marquiz et marquisé appartenir au Dauphin (Baye, I, 1400-1410, 5)

...le Roy avoit donné ou vouloit bailler et transporter l'ommage dudit marquisé au conte [de Savoie] (Baye, I, 1400-1410, 5)

Avoir l'hommage de qqc. Avoir la souveraineté sur qqc., le pouvoir de l'attribuer en trant que suzerain.

[Transposition dans l'Antiquité] Tant cevaucha par plains, par prés et par bosscage Qu'il entra en Archade, qui est et longe et large, Que li rois Alixandres, qui en avoit l'oumage, Li donna quitement sans rentes et sans treuage. (Bris., Restor paon D., a.1338, 68)

Faire hommage d'une terre à qqn. Déclarer tenir une terre de qqn dont on se reconnaît le vassal.

Le noble qui veult reprendre sa terre doit venir au chambellan du prince et dire : 'Je veult faire hommage à monseigneur de ma terre qui est de son fief ; s'il est en estat, je suis prest de reprendre'. (Cout. bourg. glosé P.M., c.1380-1400, 61)

Jeudi, XIXe jour d'aoust, la Court a condempné le conte de Salisbery à faire hommage des terres et chastellenies de Loigny (...) à l'evesque de Chartres (Fauq., II, 1421-1430, 284)

Remarque : Doc. 1406. In : L. Mirot, Bibl. Éc. Chartes 95, 1934, 90.

B. -[P. métaph.]

1.[Domaine de l'amour]

Car qui vraiement saroit Le parfait bien qu'on reçoit, Et comment Amours pourvoit Les amans qu'elle conjoit En son dous hommage, S'amoureus esté n'avoit, Sans doubte, il le devenroit, Se maleüreus n'estoit, Et tantost se meteroit En son franc servage. (Mach., Lays, 1377, 349)

Estre en l'hommage de

Amours scet bien ses biens abandonner Aus fins amans qui sont en son hommage ; Et les mauvais qui n'ont cure d'amer Et font semblant d'estre en son dous servage Comme musars leur fait paier musage, N'il n'aront ja merci, je n'en doubt mie : Telle est d'Amours la noble signourie. (Mach., L. dames, 1377, 102)

Faire hommage

Lors dois avoir l'impression De ceste ymagination Et de ceste douce figure Que Dous Penser en toy figure, S'en dois en ton cuer une ymage Faire, a qui tu feras hommage. Et se des amoureus biens fais T'a de sa grace aucuns biens fais, Present li, les dois tire a tire Doucement recorder et dire, Et elle te confortera A tes besoins et t'aidera. (Mach., C. ami, 1357, 78)

LE DIEU D'AMOURS. (...) Tu me feras hommaige et foy (Echecs amour. K., c.1370-1380, 157)

Faire hommage de mains, de bouche et de courage

Et pour ce que je suis es mains De loyal Amour que j'aim si, Li fais hommage et di einsi : 'Bonne Amour, je te fais hommage De mains, de bouche, de corage, Com tes liges sers redevables, Fins, loiaus, secrez et estables...' (Mach., R. Fort., c.1341, 156)

...li [à l'image de la dame] fis loial hommage De mains, de bouche et de courage, A genous et a jointes mains. (Mach., Voir, 1364, 174)

Recevoir qqn en hommage

Dame, et se vous avez corage D'autre recevoir en hommage, Ou de moy tenir en penser, Qu'envers moy daingnissiés fausser, Ou de moy de vous estrangier Qui sui en vostre dous dangier, Pour Dieu, dame, tant vous fiez De moy, las ! que vous m'ociez, En moy disant sans couverture Que vous n'avez mais de moy cure. (Mach., R. Fort., c.1341, 153)

Si me rechut [le dieu d'Amours] en son hommaige (Echecs amour. K., c.1370-1380, 158)

Tenir / retenir qqn en son hommage

Car dès premiers que j'eus sa congnoissance, Cuer, corps, pooir, vie, avoir et puissance Et quanqu'il fu de moy, mis par plaisance En son servage. Et elle me retint en son hommage Et me donna de trés loial corage A bel et bon, dous, gracieus et sage, Qui de valour, De courtoisie et de parfaite honnour Et de plaisant maintien avoit la flour (Mach., J. R. Beh., c.1340, 62)

Si vous suppli humblement, sans haussage, Gentil dame, que vous me secourés Par moy daingnier tenir en vostre hommage ; Car vos dous vis rians, fres, coulourès, Qui est seur tous de grant biauté parès, M'a si conquis que je vous serviray Sans repentir, tant com durer porray. (Mach., L. dames, 1377, 89)

Car, quant je voy son gracieus viaire, D'un dous ottroy me moustre un exemplaire Et si me vuet tenir en son hommage, Ce m'est avis ; mais aus doleurs retraire, J'ay .C. tant pis qu'on ne me porroit faire, Car nuls ne puet penser si grief damage Com le refus que ses durs cuers m'envoie (Mach., Motés, 1377, 491)

Faire hommage de qqc. à qqn

Quant premiers vi vostre ymage Où riens à dire ne voy, De m'amour li fis hommage Et tous me donnai à soy. Las ! or est de pité nue, Et si fust moult bien tenue De ma dolour alegier. S'en sui vallés à drapier. (Mach., L. dames, 1377, 190)

2.Engagement pris à l'égard de Dieu lors du baptême.

La premiere estoit en la honte de son linaige auroit trestout le temps du monde de avoir eu homme desesperé et traictre a son createur, a qui sur fons il avoit fait hommaige de ame, de honneur et de corps. (La Sale, Salade, c.1442-1444, 118)

Fidélité de l'homme à une divinité.

LE ROY. Se tu le fais, en nom de moy, D'or feray faire ton ymage Et li feray autel hommage (...) Conme je fas aux autres diex (Mir. Barl. Josaph., c.1363, 288)

3.Fidélité entre époux.

La se fera de moi et d'elle L'assemblée et le mariage, Et la ferons l'un l'autre hommage De noz deux corps. (Mir. ste Bauth., c.1376, 91)

C. -Par analogie.

1.Marque de déférence.

Venéz baisier et faire umaige Au chief du glorieux martyr, Venés voir le corps et l'imaige Dont on voit miracle partir. (Molinet, Myst. st Quentin C., c.1482, 396)

LA VIE. Processions, pelerinages Ferons en douleurs et en plaintes. SATURNE. Dieu n'exaulce point vos hommages, Vos devotions sont trop faintes. (Cene dieux, c.1492, 135)

Par ironie. Faire hommage de coups

CELION. Ce cop vous donray pour l'oultraige Que avez voulu faire a ma dame ! ADRASCUS. De cecy vous feray hommage, Faulx juge, paillart et infame. (Myst. Viel test. R., t.5, c.1450, 226)

Rendre hommage à qqn

Encor m'a il fait trop de bien, Graces luy en rendz et hommage. (Régn., F.A., 1432-c.1465, 105)

De vouloir royal, Doulx et cordial, Hommaige vous rends. (Sots, c.1480-1500, 276)

2.Pouvoir, autorité, domination.

Car les Juïfs soubz son hommage Tenoit lors le roy en servage (Chr. Piz., M.F., II, 1400-1403, 264)

3.Faire hommage à une femme. Épouser une femme.

Hom qui a vefve fait hommage Est damné de tresble dommage (Le Fèvre, Lament. Math. V.H., c.1380, 8)

II. -Nature humaine.

Amis, bien doiz estre rentier A la vierge ou Dieu prist hommage D'aourer souvent son ymage En la remambrance de ly (Mir. parr., 1356, 64)