OFFRANDE

substantif féminin

[T-L : ofrende ; GDC : ofrende ; DECT : ofrende ; FEW (VII, 333a) : offerre ; TLF (XII, 447b) : offrande]

A. -Don, oblation, offrande.

Ne soions pas d'offrir eschars, Mais dessus cest autel mettons Nostre offrande (Mir. nat. N.S.J.C., c.1343, 230)

Puis iray en vostre chappelle Vous servir, vierge tresamée, Et d'une chandelle alumée Vous y presenteray l'offrende (Mir. parr., 1356, 50)

N'onques ne me fist sacrefice De tor, de buef, ne de genice, N'offrande d'oile ne d'encens, Que je ne tieng pas a grant scens, Ne d'une chandeille de cire, N'un salut ne me daingnoit dire. (Mach., F. am., c.1361, 220)

Si qu'il n'est rien qu'amour ne face, Puis que Venus est en la place. Dont se tu vues avoir sa grace, Fai li offrande D'encens, de cire, ou d'or en mace, En priant que ton mal efface Et que sa bele clere face A toy entende, Et lors aras tu ta demande. (Mach., F. am., c.1361, 228)

Si qu'il couvient que je face m'offrande Au dieu qui dort et que dou tout m'atende Aus dieus d'amours et qu'humblement leur rende Grace et loange Dou bon espoir qui en mon cuer amende, Et supplier Morpheüs qu'il entende A moy aidier, se li dieus li commande. (Mach., F. am., c.1361, 174)

Offertorium (...) : offrande, oblacion ou le lieu ou sont mises les oblacions (Aalma R., c.1380, 286)

...les oblacions et offrandes de cire faictes et offertes en ladicte eglise de Marueil (Chartes Abb. St-Magl. T.F., t.3, 1394, 679)

En ce temple icy nous devons recevoir misericorde, car meilleur hoste ne pouons nous herbergier, ne meilleur offerende presenter. (Gers., Purif., 1396-1397, 63)

Et estoient li prestre moult courouchiet en Flandres de ce que point ne chantoient, car il perdoient les offrandes. (Froiss., Chron. D., p.1400, 367)

Si n'obliera pas l'ame de son seigneur, ains en priera et fera prier tres devotement par grant soing en messes, services, aumosnes, offerendes et oblacions (Chr. Piz., Trois vertus W.H., c.1405, 83)

...et [les deux petites filles] furent gardées deux jours sans les enterrer, pour ce que pluiseurs de la ville de Paris et environ les aloient veoir et donnoient offrandes et aumosnes à ladicte eglise et à la mere acouchée (Fauq., II, 1421-1430, 311)

...celuy a qui ce jour la chandelle avoit fait offrir par vision a luy s'apparut, qui le remercya de l'offerende que nagueres luy envoya, affermant que pieça telle offrande ne luy fut donnée. [Il a offert un cierge au Diable] (C.n.n., c.1456-1467, 86)

LA MERE. J'ay dont bien perdu mes chandelles, Mes grans offrandes et prieres, Puisque, par leurs faulces cautelles, [les dieux païens] Me procurent tant de myseres. (La Vigne, S.M., 1496, 296)

Faire (une/son/ses...) offrande(s)

Or vous lerrons a parler d'eux, et vous dirons de la contesse et des autres grans dames, qui actournerent Melusigne et la menerent moult richement appareillie a la chappelle, et la ouirent messe, et fu ly offrande grande et riche. (Arras, c.1392-1393, 42)

Et depuis la ditte roine et les dames, montees sus hagenees amblans, cevauchierent par terre jusques en la cité de Cantorbie, et fissent lors offrandes au beneoit corps saint Tomas. (Froiss., Chron. D., p.1400, 793)

Et quant ilz eurent faitez leurs offrandes et le commandement du pere, les josnes hommes demanderent a Apollo, leur dieu, lequel de eulz regneroit a Romme (La Sale, Salade, c.1442-1444, 25)

Il fait et fait faire pluseurs offrandes a divers sains de paradis. (C.n.n., c.1456-1467, 85)

Au partir, son mary luy dist qu'elle feist son offrande a saint Michel (C.n.n., c.1456-1467, 408)

...le roy lui fist faire moult grand recueil et honnourable, car, de toutes les parroisses et eglises de ladicte ville, furent portées au devant de lui les croix, bannieres et eaue benoiste et tous prestres revestus en chappes, et ainsi fut conduit jusques à la grant eglise Nostre-Dame de Rouen, où il fist son offrande, et après s'en retourna en son logis, qu'on lui avoit ordonné aux Jacobins dudit lieu. (Roye, Chron. scand., I, 1460-1483, 171)

Et, après ce que dit est et que le roy eust esté ainsi malade, il se voua d'aler en pelerinaige à monseigneur sainct Claude ; ce qu'il entreprint de faire, et s'en vint à Nostre-Dame de Clery faire ses offrandes, et puis se partit d'illec pour aler acomplir sondit voyaige. (Roye, Chron. scand., II, 1460-1483, 110)

Par quoy, et affin de recouvrer sa santé, envoya faire maintes offrandes et donner de bien grans sommes de deniers en diverses eglises de ce royaume et fist de grandes fondacions. (Roye, Chron. scand., II, 1460-1483, 110)

Par ironie.

MATHATIEL. Mon maistre a payé son offrande : Je l'apperçoy ou il revient [de chez le chrétien à qui il vient de prêter cent écus] . Quant de ses escus me souvient, Je ne me puis tenir de rire [en versant les cent écus au chrétien, le juif a payé son offrande à l'Église, donc il ne les récupérera jamais] . (Mir. st Nic. juif, c.1480-1500, 94)

B. -LITURGIE Prière qui précède l'offrande du pain et du vin, offertoire ; dans certaines messes, procession des fidèles qui viennent baiser la patène présentée par le prêtre et offrir leurs dons.

Apportez ce cierge a l'offrande. Vous faites vilenie grande De tant faire attendre le prestre. (Mir. femme, 1368, 227)

Et puis, quant la messe fu dite Jusqu'a l'offrende a voiz haultaine, Alastes offrir premeraine, Et puis touz les autres après. (Mir. femme, 1368, 230)

La premiere [partie de la messe] est de l'introïte jusques a l'offrande, la seconde de l'offrande jusques a la patenostre (Jean Golein, Rational B.D., c.1370-1372, 278)

Offerenda (...) : offrande que l'en chante a la maisse quant l'en doit offrir (Aalma R., c.1380, 286)

Allez a l'offrande tous les dimenches, et a chacune messe, celles qui en ont la puissance, paiez loyaument les dismes a Dieu (C.n.n., c.1456-1467, 223)

LE JUIF. Cent escus n'est pas ung nÿant. On va bien pour moins a l'offrande. (Mir. st Nic. juif, c.1480-1500, 120)

...pour faire la commemoracion et prière, tantost après l'offrande dicte de chacune desdictes messes, pour nous lesdiz viconte et vicontesse et pour tous noz parens et amis deffuncts (Doc. Poitou G., t.12, 1482, 510)

Remarque : Cf. L. E. Marcel, Dict. de cult. relig. et catéchistique, 1938, 483, s.v. offertoire et offrande ; Dict. de la foi chrét., t. 1, 1968, 530.

Par métonymie. Hostie.

...car envoiee [dans la prière de l'envoi] est l'ostie ou l'offrande, qui est le saint precieux corps Jhesucrist, devant Dieu le Pere en paradis. (Jean Golein, Rational B.D., c.1370-1372, 276)

[Lors de la fête de la Toison d'Or]

Quant au premier point, et que les chevaliers [de l'ordre de la Toison d'or] se treuvent en maniere accoustumee au service des trespasséz, tant aux vigilles comme a la messe, ne convient faire narration (...). Mes, par ce que a l'eure de l'offrande il y cheoit mistere pour faire aler offrir les chevaliers par ordre deu, il convient conter droit cy ung especial point (Chastell., Chron. IV, D., c.1461-1472, 280)

...pareillement ne le vouloient les chevaliers ses freres [dans l'ordre de la Toison d'or] honorer droit cy [le duc d'Alençon] ne condempner pour ce que, s'il l'eussent souffert appeller a l'offrande avec eulx, ce eust semblé vilipendence de la justice du roy (...), et d'autre costé, qui lui eust levé son tableau et non mis en son lieu, il eust semblé qu'on l'eust fait mort ou jugié non digne de la compaignie (Chastell., Chron. IV, D., c.1461-1472, 281)

Remarque : Cf. Ch. Commeaux, La Vie quot. en Bourg. au temps des ducs Valois (1364-1477), 1979, 299-300.

[Soumise à des règles de préséance, la procession de l'offrande peut donner lieu à de petites querelles ou à des assauts de politesse ; les fidèles y font preuve d'un empressement plus ou moins marqué]

Et se moy et ses parens sommes A une grant feste au moustier, Elle me doit la compaignier Pour veoir qui fera la grande Et qui doit aler a l'offrande, Devant ou moien ou derrain, Comment on se prant par la main, Et comment d'un autre costel On se flechist devant l'autel, En baisant l'estole du prestre, Auquel bout son siege doit estre, Comment on s'en doit retourner, Sa teste faire et atourner, Soy excuser d'offrir devant : 'Passez...' (Desch., M.M., c.1385-1403, 109)

Pour ce mendre, petite et grande Doit garder son ranc a l'offrande Et ailleurs, selon ce qu'elle est (Desch., M.M., c.1385-1403, 600)

Aller à l'offrande

Par extension. S'acquitter de qqc..

...en la region De toute Surie et d'Egypte N'a cité ne ville petite, S'on y marchande qui ne paie De X. deniers un (...). De ce Xme. nuls n'eschape, Tant ait grant cote ou longue chape, Car chascuns y va à l'offrande D'ou qu'il soit, puis qu'il marcheande. (Mach., P. Alex., p.1369, 173)

Par ironie. Faire preuve d'empressement, de diligence.

TORCHEFAUVEAU. (...) Pinselardon, verse a boere, Et puis t'en va querir la viande. PINSELARDON. Je yrey plus tost qu'a l'offerende ! Sans jurer vous m'en pouvés croyre. TORCHEFAUVEAU. Que tu est long a ton affaire ! Advance toy, porte a manger ! (Pass. Auv., 1477, 90)

Par métaphore. [Phraséologie courtoise]

...durant le temps que Gerard servoit et estoit present, [les autres] ne se monstroient, n'apparoient, saichant de vray qu'il alloit devant eulx a l'offerende. [Gérard, l'ami de la jeune fille, a dû s'éloigner pendant quelque temps] (C.n.n., c.1456-1467, 169)

C. -[Dans un cont. métaph.] Coup.

Veez la deux blancs pour l'offerende Et ung patac pour la taverne ! (Pass. Auv., 1477, 189)

[Le personnage qui parle a reçu de la poix sur la tête] Haro ! (et) qu'esse cy et pourquoy M'as tu baillé cestë offrande ? Dieu veil[le] que je le te rende. (Sav. serg. D.L., c.1480-1490, 33)

Aller à l'offrande. Venir au devant des coups, s'exposer à être battu (?).

LE V^e DE SIDON. (...) Ha, le villain, qu'il est truans ! Il me cuidoit mordre le doit. LE PREMIER DE SIDON. Ce sont abus, il n'y pensoit, Il cuidoit aler al offrande. LE II^e DE SIDON. La presse n'y est pas si grande A tel offrande qu'il a reçupt (Marcadé, Myst. Pass. Arras R., a.1440, 171)