AUMOSNE

substantif féminin

[T-L : aumosne ; GD : almosne ; GDC : almosne ; AND : aumone ; DECT : aumosne ; FEW (III, 211b) : eleemosyna ; TLF (III, 930b) : aumône]

A. -Don, bienfait.

1.Charité faite à des nécessiteux (sous forme d'argent, de nourriture...).

...come quant jeo deusse ascun bien faire de mes mayns, c'est a dire almoignes et tout pleyn de faitz de charité et d'autres biens assez qe j'ai lessee et lesse uncore touz les jours affaire, et tout es par cele Peresce. (Henri Lanc., Seyntz medicines A., 1354, 70)

Garde qu'aus povres soit ouverte Ta main a gaaing et a perte, Et Dieus le te rendra a double, Adès pour un denier un double, Car le pechiet aumosne esteint (Mach., C. ami, 1357, 136)

Geufroy le tonnelier, pour une petite tine pour mettre le potage de l'aumosne, 8d. (Comptes argent. rois Fr. D.-A., I, 1359-1360, 247)

Je voy venir de gent foison : Mes cliquettes me fault hochier. Vostre aumosne, mon seigneur chier, A ce malade. (Mir. Barl. Josaph., c.1363, 258)

DEUXIESME POVRE. E ! Dieux, est il homme ne fame Qui me reconfort d'une aumosne ? (Mir. femme, 1368, 222)

Ung pot à aumosne d'argent doré, esmaillé d'azur, semé d'estoilles (Invent. mobilier Ch. V, L., 1379-1391, 169)

...aumosne vault [aux âmes du purgatoire] en tant que elle oblige celuy qui la recoit a prier ; mais s'il n'en fait riens, l'aumosne quant a ce est perdue ; mais elle vault en autre maniere : en tant que c'est oeuvre bonne et penible faicte pour l'amour de Dieu. (Gers., Déf., 1400, 238)

...maistre Jehan de Montleon, aumosnier de mondit seigneur, la somme de quarante sept frans, que mondit seigneur lui a fait baillier et delivrer comptent pour employer et convertir ou fait de ses aumosnes depuis le jour des Cendres derrenierement passees MCCCCXVIII jusques au jour de Pasques charnelz (Comptes Etat bourg. M.F., t.1, 1419, 17)

...avec cent livres de rente, pour emploier en aumosnes prieres et fondacions pour le salut et remede de l'ame dudit deffunct. (Fauq., II, 1421-1430, 286)

...les hommes pueuent invocquer et prier la divine clemence par oroisons, devocions, junes, services, sacrifices, aulmosnes et autres biens (Juv. Urs., Aud. celi, 1435, 251)

...c'est de bonnes euvres et du fruit de saintez aulmosnez, quy estoint tous feuz des challeurs des pechiez (Crap., Cur Deus, De arrha B.H., c.1450-1460, 284)

Et, se ce n'eussent esté les grandes aulmosnes et secours de ceulx qui avoient des blez, la mort y eust esté moult douloreuse. (Roye, Chron. scand., II, 1460-1483, 112)

...et ordonna huyt cens frans pour les departir en aulmosnes et aussi de leurs paiemens des gaiges (Comm., III, 1495-1498, 238)

2.Locution.

En/pour aumosne. Par charité.

Et requist que, pour Dieu et en aumosne, l'en ne lui volsist faire ou donner pour ce aucun destourbier, tourment ou empeschement de son corps. (Reg. crim. Chât., I, 1389-1392, 446)

...il vous plaise, très redoubté sire, pour pitié et aumosne interroguer sur ce ladite Marion qui est prisonniere ou Chastelet pour autre cas, pour estre par vous sur ce pourveu audit suppliant de tel remede comme vostre saige et bonne discrecion le saura bien faire (Reg. crim. Chât., II, 1389-1392, 431)

Non contretant, se j'eusse sceu ceste nouvelle, sachiez que, tout sans cella, je feusse alez combatre le jayant pour aumosne et pour pitié du peuple qu'il destruit, et aussi pour honneur acquerre. (Arras, c.1392-1393, 249)

Et, a la verité venir [avoir enterré le corps de Jésus] , Je ne vueil pas nÿer le fait Que moy mesmes ne l'aye fait : Je l'ay fait en propre personne, Voire pour Dieu et en aumosne, Comme en ayant compassion (Gréban, Pass. J., c.1450, 375)

[À propos de celui qui peut donner]

Donner une aumosne

Que Dieu (...) Li vueille aider qui m'aidera Et qui s'aumosne me donrra ! (Mir. femme, 1368, 222)

Donnez moy pour la Dieu amour Vostre aumosne, dame Guibour. (Mir. femme, 1368, 222)

... [Gautier de Mauni, emprisonné arbitrairement] avoit grande angousse de coer, et faisoit chanter messe dedens Chastellet tous les jours devant lui, et donner tous les jours l'aumonne de l'argent de .VI. esqus de Phelippe. (Froiss., Chron. D., p.1400, 757)

...tu ne scès quant Dieu te veult donner l'aumosne, ou au matin ou au vespre, tost ou tard ; et s'en toutez les deux heures il donne aumosne, tant mielx saura (Gers., Mendicité G., 1400-1401, 226)

Se un fait donner une aumosne par un sien ami (Gers., Mendicité G., 1400-1401, 235)

Faire aumosne(s) (à qqn). Faire la charité ; faire une bonne oeuvre.

Et aussi sera desploiée Ma monnoie en aumosne faire (Mir. ste Bauth., c.1376, 94)

...chascun an, receverez Vint mille, dont faire pourrez Aumosne ou bon vous semblera. (Mir. ste Bauth., c.1376, 94)

...faire aumosnez des biens des povres est occire le filz devant son pere (Gers., Annonc., a.1400, 239)

...esperer paradis fera A qui aumosne ou bien fera Aux povres gens (Chr. Piz., M.F., I, 1400-1403, 101)

...les gens d'eglise doivent faire aumosnes pour Dieu et pourveoir aux povres (Juv. Urs., T. rever., 1433, 67)

Plusieurs estiment qu'il soit saint pour la saincte vie qu'il menoit très austere et aspre, et faisoit plusieurs aumosnes. Estoit très catholique et devost. (Simon De Phares, Astrol., c.1494-1498, f° 92 r°)

Faictes l'aumosne charitable Ad ce povre homme que vecy. (La Vigne, S.M., 1496, 546)

[À propos de celui qui demande ou reçoit]

Avoir l'aumosne. Recevoir.

Je vi devant hier qu'amassez Ne sçay quans a son huis estoient, Qui l'aumosne avoir attendoient (Mir. Pierre Changeur, c.1378, 234)

Les truans le preuvent souvent, qui de jour en jour et de heure en heure monstrent leurs plaies aux bonnes gens pour avoir nouvelle aumosne (Ménagier Paris B.F., c.1392-1394, 18)

...c'est pour avoir l'aulmosne Pour tant que vous la demandez. (Sots gard., a.1488, 106)

Aller à l'aumosne. Aller mendier ; aller à l'endroit où a lieu la distribution d'aumônes.

Pareillement seroyes tu fole, mon ame, se tu pardoyes ton temps quant tu devoyés aller a l'aumosne (Gers., Mendicité G., 1400-1401, 226)

Acquerir/demander/querir/requerir l'aumosne

...onques a son huis je ne quis Aumosne ne ne li requis. (Mir. Pierre Changeur, c.1378, 234)

Un riche bourgeois voy venir (...) L'aumosne demander li vueil. (Mir. Pierre Changeur, c.1378, 257)

...il queroit les aumosnes en la ville de Lonc-Champ (Reg. crim. Chât., I, 1389-1392, 315)

...le lundi avant la Saint Jehan-Baptiste derrenierement passée, il et un autre avugle alerent seoir ensemble sur la chaucée enmy la villete Saint-Ladre, lez Paris, pour demander les aumosnes aus passans. (Reg. crim. Chât., I, 1389-1392, 422)

Mais il me convient savoir les lieux et les places ou je querray mes aumones (Gers., Mendicité G., 1400-1401, 226)

Et se on me dit que par bien oeuvrer (...) je doy acquerir ceste aumosne, je respon que ce seroit ja aumosne aucunement vendue (Gers., Mendicité G., 1400-1401, 256)

Et le semblable soit il des pouvres qui vous requerront aumosne (La Sale, J.S., 1456, 41)

Seneque (...) racompte comme Alexandre donna une cité à ung povre homme qui lui demandoit l'aumosne, et disoit que ung grant seigneur, en donnant, devoit plus regarder sa grandeur que la petitesse du demandant. (Bueil, II, 1461-1466, 75)

...que ceulx qui demandent l'aumosne ne sont pas si pouvres (Comm., I, 1489-1491, 191)

POVRE. D'amour singuliere et parfonde, Monsieur, je demande l'aumosne. SAINCT MARTIN. Ma robe auras, parolle ronde (La Vigne, S.M., 1496, 547)

Recevoir l'aumosne

Je ne suy mie digne de grande aumosne recevoir (Gers., Mendicité G., 1400-1401, 256)

3.Par extension.

a)Acte charitable, bonne action, bienfait (accompli pour l'amour de Dieu ou du prochain).

Ce sera aumosne, par foy, Se nous l'alons reconforter (Mir. chan., c.1361, 141)

[Le roi Pierre de Castille, détrôné, appelle à son secours le Prince de Galles] Se li prioit, pour Dieu et par pité, que il i volsist entendre et pourveir de conseil et de remède : si feroit bien et aumosne, et en acquerroit grasce à Dieu et loenge à tout le monde (Froiss., Chron. L., VI, c.1375-1400, 196)

Si ne se doit homme pas tenir De beaux ditz faire et retenir Cils qui s'en scevent entremettre, Eins lez doient en livre mettre Per quoi, aprés ceo q'ils sont mort, Et si ount fait lui juste recort. Car c'est almoigne et charitée De bien dire et de veritée (Héraut Chandos, Vie Prince Noir T., c.1385, 50)

Certe, y feroit grant alsmonne quil [qui 'celui qui'] le tueroit (Doc. 1391. In : M. Bubenicek, Entre rébellion et obéissance, 2013, 639)

Bonnes gens, grans pités et grans meschiés seroit de laissier morir un tel peuple que chi a, par famine ou aultrement, qant on i puet trouver auqun moiien ; et si seroit grande ausmonne et grant grace enviers Nostre Signeur, qui de tels mesciés les poroit garder et esqiever. (Froiss., Chron. D., p.1400, 843)

Et quant les amis des noiez entendent ce, ilz sont joyeulx a merveilles et se dient que le roy leur a fait grant honneur et au pacient grant aumonne. (Percef. III, R., t.2, c.1450 [c.1340], 90)

b)Locution.

Aumosne fleurie. Aumône donnée à qqn qui en a vraiment besoin ; oeuvre charitable, bienfait important.

...Mais se par vous m'estoit ceste foy enseignye, Voulentiers y aroye mise mon estudie, Car j'ay esté nourris come beste esbahye Par dedens ung grant bois ou ly herbe verdie, Sy feriés, par ma foy, grant aumosne florie, Se monstrer me voulliés la loy qui est saintie. (Tristan Nant. S., c.1350, 261)

PYLATE. (...) Il ne le convient mais larder [Jésus] . Menez le mourir, je vous prie, Si ferez aumosne fleurie. (Gréban, Pass. J., c.1450, 320)

ENVIE. Pensés que je ne fauldray pas A piller se je treuve quoy. FLATERIE. Par saint Jehan, ne feray je, moy ? Ce sera amonne fleurie. (Pouvre peuple H., c.1450-1492, 190)

LAZARE. Allés luy remonstrer la vie [à Madeleine] Ou elle s'est tant asservye, Pour essayer a la retraire. MARTHE. Je y voys donc. LAZARE. Allés, seur amye, Vous ferez aulmosne fleurie : Plus bel oeuvre ne povés faire. (Michel, Myst. Pass. J., 1486, 139)

BRIET. Au povre homme qui ne voit goute Donnés une aumosne fleurie Ou non de Dieu, le filz Marie, Hault empereur que l'en redoubte. RICHART. Et a cestuy, mengé de goute ; Par amour, ne l'oubliez mye. (Myst. st Laur. S.W., 1499, 177)

Faire aumosne de + inf. Faire une bonne action en.

Amour grant aumosne fera, En ce fait cy, d'estre piteux, Et, bon exemple moustrera A toutes celles et a ceulx Qui le servent (CH. D'ORLÉANS, Ball. C., c.1415-1457, 43)

[Pilate parle de Jésus] Il me semble personne bonne Et croy que vous ferez aumosne De le laissier pour tel qu'il est. (Gréban, Pass. J., c.1450, 287)

Il est grande aumosne de + inf. Il est charitable de, c'est une bonne action de.

Par ma foy, beau frere, ce seroit grant aumosne de secourir cellui roy contre les Sarrasins. (Arras, c.1392-1393, 81)

Si nous merveillons pourquoy vous ne demourastes en la guerre avecques le roy crestien pour lui aidier et conforter, vous qui estes renommez d'estre deux si vaillans chevaliers, ainsi que il nous semble que tuit bon crestien y sont tenus, et aussi ce nous sembleroit grant aumosne de le reconforter en tel neccessité. (Arras, c.1392-1393, 81)

Faire grande aumosne (à qqn). Faire une grande faveur (à qqn), faire une bonne action.

Et s'il vous plaisoit a moy envoier la copie de ce que vous avés fait de vostre livre, je vous en saroie moult bon gré, si feriés grant aumosne, et me donriés grant esbatement (Mach., Voir, 1364, XXIX)

Et s'un petit voliés ma vie entendre, Comment je l'ai maintenu longe espasse, Vous me feriés grant aumosne et grant grasce. (Froiss., Orl., 1368, 102)

JHESUS. Pitié m'esmeut quant je remire Cestuy povre homme mat et fade Qui cy gist en son lict malade (...). SAINT PIERRE. Sire, vous ferez grant aumosne : Senté luy seroit bien duisant. (Gréban, Pass. J., c.1450, 167)

Mais se par vostre courtoisye me volyés rendre a celluy a quy au jour d'uy ay esté espouzee, grant ausmone feriés. Pas ne say s'il est mort ou vif, car au deppartir que de luy feys, par les chevaliers que avés ochis le laissay moult fort navré. (Gérard de Nevers L., c.1451-1464, 98)

Et faictes [le roi] savoir et enquerir de toutes les doleances et complaintes que vouldront faire tous les trois estats de vostre royaume (...) et vous ferés grant aumosne et charité (Juv. Urs., Verba, 1452, 403)

4.En particulier.

a)[Dans le domaine relig.] Grâce divine (aumône que le pêcheur quête auprès des saints médiateurs).

...nous qui demandons aucuns reliefs, aucune aumosne de vostre plantureuse table ou vous seez en paradis, mengens et buvans jusques a sobre yvresse les precieuses viandes, non mie charnelles ou corporelles mais espirituelles (Gers., P. Paul, a.1394, 484)

Espandons devant eulz le sac de nostre povreté espirituelle, car plus le monstrerons grant et plus nous recevrons les aumosnes de grace qui sont seules et vrayes richesses, desquelles richesses (Gers., P. Paul, a.1394, 484)

b)[Dans le domaine de l'amour] Faveur amoureuse (sollicitée par les mendiants amoureux).

Au pouvre prisonner, ma dame Donnez l'aumosne de lïece. (Chart., R. Bal., c.1410-1425, 375)

Par Povreté lui fault son pain querir A l'uis d'Amours par chascune journee, Or lui vueilliez l'aumosne departir De Lyesse, que tant a desiree. (CH. D'ORLÉANS, Ball. C., c.1415-1457, 42)

Aidez ce povre caÿment, Souspir, je le vous recommende ; De vous, quant aumosne demende, Ne se parte meschantement. (CH. D'ORLÉANS, Rond. C., 1443-1460, 469)

Demander l'aumosne amoureuse (à une femme qu'on croit facile). Lui demander ses faveurs.

Il n'eut gueres esté en son logis, luy qui cognoissoit mousche en laict, qu'il ne perceust tantost que la chambriere de leans estoit femme qui devoit faire pour les gens. Si ne luy cela gueres ce qu'il avoit sur le cueur, et, sans aller de deux en trois, luy demanda l'aumosne amoureuse. (C.n.n., c.1456-1467, 120)

c)Par antiphrase. [À propos des projectiles envoyés par des assiégés sur ceux qui les assaillent]

François, ralés vous ent par dedens vo maison, Tenir ne vous savez par dessus l'eschelon ! Ne vous aventurés pour recevoir tel don Con ce premier montant a prins en gueredon, Car a telles aumosnes ains presse ne vit on. (Cuvelier, Chans. Guescl. F., c.1380-1385, 457)

LE PREMIER. (...) Tien, mengeue ceste chasteloigne ! LE TIERS, LE PREMIER, LE .IIe. Pren ceste aumosne de Bourgoigne ! (...) Met en ton sac, porte a ton Dieu ! (Cycle myst. prem. mart. R., c.1430-1440, 82)

5.DROIT

a)Donation à des établissements religieux, assignée sur les recettes d'un impôt ou d'autre chose.

Savoir faisons à touz, presenz et avenir, que en pure et perpetuelle aumosne, de nostre grace especial, nous avons donné et donnons au prieur de l'eglise Nostre Dame de Plaisance (...) la disme que nous avons en la ville et parroche de Pierresac, laquelle vaut chascun an environ XXIJ. sestiers de blé, que fourment que seigle (Doc. Poitou G., t.2, 1335, 127)

...a l'encontre de laquele admonicion, de la partie de nostre procureur, a esté pris un brief de fief lay ou d'aumosne, selon la coustume du pais, et par ce est demeuré et demeure ledit prisonnier en nozdictes prisons (Chancell. Henri VI, L., t.2, 1434, 304)

b)Franche aumosne. Terre donnée à l'Église, à charge de service religieux, exempte des charges féodales auxquelles elle pouvait être astreinte entre les mains de l'ancien propriétaire.

Comme nous ayons en plusieurs et diverses paroisses de nostre dyocese plusieurs lieux d'omosne et omosniers demourans et residens en pure, perpetuelle et franche aumosne, exemps de toute juridiction seculiere et subgez sans moyen a nous et a nostre juridiction temporelle et spirituelle. (Mémor. Echiq. Archev. S., Pièces justif., 1404, 38)

Remarque : Cf. F. Lot, R. Fawtier, Hist. des instit. fr. au Moy. Âge, t.1, 1957, 134, 149.

c)Fief et aumosne. Voir fief

d)Aumosne du trespassé. Donation faite par testament.

Quant à la succession des meubles, l'aisné filz ou aisnée fille s'ilz en y a, y succède pour le tout, tant en succession directe que collatéral ; et acomplist l'aumolne du trespassé, c'est assavoir son testament (Cout. instit. Anjou Maine B.-B., t.1, 1411, 482)

e)Un des legs (d'un testament).

Et s'aucun [de mes légataires] , dont n'ay congnoissance, Estoit alé de mort a vie, Je vueil et lui donne puissance [à Jehan de Calaiz, notaire au Châtelet] , Afin que l'ordre soit suyvie Pour estre mieulx parassouvye, Que ceste aulmosne ailleurs transporte, Car s'il l'applicquoit par envye, A son ame je m'en rapporte. (Villon, Test. R.H., 1461-1462, 141)

f)[Administration royale]

Aumosne du roi. Distribution des aumônes au nom du roi ; service chargé de cette distribution.

Item, que l'aumosne du Roy prenoit chascun jour en la panneterie environ deux septiers deux boisseaux de bleds, en l'échançonnerie III muids IIII septiers de vin, et en la cuisine vingt-cinq pièces de char pour departir à douze vingt poures (Doc. 1350. In : Bibl. Éc. Chartes 55, 1894, 618)

[P. oppos. aux aumônes exceptionnelles, lors de festivités spéciales] Aumosne ordinaire

Nous, par noz autres lettres patentes avons ordonné estre par vous bailliée à nostre amé et feal conseillier et maistre de nostre chambre aux deniers maistre Raymon Ragnier la somme de trois mille frans de et sur la somme de VIm frans que vous nous devez chascun an à cause de vostre composition, pour icelle somme de IIIm frans convertir ou fait de nostre aumosne ordinaire pour ceste presente année (Doc. 1415. In : L. Mirot, Le Moy. Âge 21, 1919, 43)

B. -Par métonymie.

1.Établissement hospitalier qui reçoit les pauvres ; office d'un établissement où a lieu la distribution des dons aux pauvres.

Sacent tout cil qui sont et qui avenir sont, comme li aumosne des communs povres de le ville de Douay eust sour le maison et tenement, qui fu Margot Pillate et puis les hoirs Willaume Le Waukier, seans en Lannoy, 5 s. par de rente à hiretage (Vie urbaine Douai E., t.4, 1335, 237)

Item à ceulx de l'Aumône de Bloys laisse et ordonne et donne la somme d'ung escu d'or affin qu'ils soyent à mon orsècle ['enterrement'] et qu'il prient Dieu pour moy. (Test. Parlem. Paris T., 1404, 10)

Item, le dit testateur donna et laissa à l'aumosne de la Grant Confrarie Nostre Dame de Paris XX solz Parisis. (Test. Parlem. Paris T., 1404, 366)

...pour avoir faict sous les degrés des grandes nuefves salles, au lieu là où sont les boutilleryes et l'aumosne (Trés. Reth. S.L., t.2, 1409, 1410, 599)

2.Distribution d'aumônes.

Le service [funèbre] fit on en une matinee, Mainte chandele y ot emprise et alumee, La fut devotement haulte messe chantee. Pour l'amour des barons fut belle la donnee, Li amosne dura bien XX jours passés. (Galien D.B., c.1400-1500, 146)

Et y eut dames, damoiselles, Estranges et de parenté, Qui, par euvre de charité Et pour l'onneur de sa personne, Vindrent a la feste a planté, Car c'estoit une belle aulmosne. (Amant cord. M., 1490, 47)

C. -[Loc. prov. et prov.]

1.[Loc. prov.]

a)Y perdre son aumosne. Perdre son temps à qqc..

Ma voulenté a tout ennuy s'adonne, Tout mon souhait en desplaisir se tourne, A m'esjouir on y pert son aumosne, Car banny suis de joye et tous esbas. (Hautev., Compl. B., c.1441-1447, 32)

b)[Expr. utilisée pour faire entendre à qqn qu'il ne doit pas insister, qu'il n'y a rien à espérer] Allez (à Dieu), l'aumosne est faite

Humble dame, regardez moy. En pité, car d'amours marvoy. J'ay pour li mainte angoisse traitte. - Certes, amis, je n'ay de quoy : Alez a Dieu, l'aumosne est faicte (...). - Fuiez, trop me chargiez d'annoy, Alez a Dieu, l'aumosne est faicte. (Desch., Oeuvres Q., t.5, c.1370-1407, 359)

Alez, à Dieu ; l'aumosne est faite. (Mach., App., 1377, 648)

Tous en ventant se recommandent ; Mais la dame n'est pas parfaicte S'elle a ceulx qui ainsy quaimandent Ne dit, 'Alez ! l'aumosne est faicte.' (Martin Le Franc, Champion dames I-II, P., 1440-1442, 69)

Remarque : L'expr. est empl. au sens propre dans l'ex. suiv. de Gerson, appliquée à des mendiants qui auraient laissé passer l'heure de la donnée :

Ainsy comme les povres musars qui par la ville ou par les champs yroient jouer ou s'occuperoient en parlant et riant, puis a l'un puis a l'autre, laisseroient passer le temps ; et quant ilz cuideroient venir on leur diroit : ales a Dieu, l'aumosne est faite, et si seroient moques des autrez (Gers., Mendicité G., 1400-1401, 226)

2.Proverbe.

a)Qui veut faire l'aumosne ne doit pas la faire attendre

Celle qui veult son aumosne donner Ne le doit pas faire deux foys attendre ; Au premier cop doit tout abandonner Celle qui veult son aumosne donner (Desch., Oeuvres Q., t.4, c.1370-1407, 93)

b)Il n'est si belle aumosne qu'à son proche parent

Mes jours sont cours, donnés moy brief secours, N'alés le cours querir sainct Pierre a Rome : Il n'est si belle aulmosne qu'a son prosme. (Molinet, Faictz Dictz D., 1467-1506, 82)

Princes hardis, appaisiez vos partis, Soyez partis de grace sans decours ; Vos jours sont cours, Turcz aprocent vos cours, Donnez secours au saint pere de Rome : Il n'est si belle ausmone qu'a son prosme. (Molinet, Faictz Dictz D., 1467-1506, 145)