LIBERALITÉ

substantif féminin

[T-L : liberalité ; GD : liberalité ; GDC : liberalité ; AND : liberalité ; FEW (V, 299b-300a) : liberalis ; TLF (X, 1159b) : libéralité]

A. -[Idée de liberté]

1.[Domaine moral] Libre-arbitre.

Estre en sa liberalité. Pouvoir agir en dehors de toute contrainre extérieure.

S'il avoit renoncé si ne valoit tout riens, veu qu'il estoit prisonnier tenu et n'estoit pas en sa franchise et liberalité, mais l'aroit fait par force et contraintte (Juv. Urs., T. crest., c.1446, 155)

2.[Domaine juridique, politique]

État d'un peuple qui ne vit pas sous la dépendance d'un autre peuple.

Leur nom [des Romains] a partout esté ; Tout le monde ont surmonté Et passé maint divers flun, Car en liberalité Vivoient li conquesté Franchement (Desch., Oeuvres Q., t.2, c.1370-1407, 308)

Et cestui baisier a la terre donna a nostre cité entiere liberalité et a Brutus le premier honneur de consulle, le translateur de Tarquinus. (La Sale, Salade, c.1442-1444, 25)

Condition de l'homme libre (p. oppos. au captif).

Dont (...) voult rendre ceste honneur a cellui qui l'avoit de servitude en liberalité remis (La Sale, Sale D., 1451, 219)

B. -[Idée de générosité]

1.Générosité, bienveillance, magnanimité....

[À propos de Dieu]

A la parfin il convient qu'il soit de grande liberalité, courtoisie et benivolence : et si ne congnoys point sensiblement quelle chose est ceste liberalité, ceste amour et benivolence. (Gers., Trin., 1402, 168)

...le Filz est apellé le mot ou la parole du Pere, car parfaitement il parle et prononce la bonté et la souveraine largesse et liberalité du Pere, qui ne veult avoir aucune chose que ne donnast et communiquast en la faisant commune au filz. (Somme abr., c.1477-1481, 113)

[À propos d'une personne]

Einsi son exellent bonté Et sa parfaite humilité, Sa maniere qui n'est volage, Son gentil port, son maintieng sage, Son biau parler, sa haute honnour, Sa courtoisie sans errour, Sa franche liberalité, Sa douceur pleinne d'amisté, Son dous regart, sa biauté fine Et son atour belle doctrine Me demoustroient et maint bien, Se je les retenisse bien. (Mach., R. Fort., c.1341, 13)

Mais toutes pas teles n'estoient, Car maintes dames le faisoient Einsi comme Amours le devise, Sans mal engien et sans feintise, De fin cuer loial, sans meffaire, Dous, humble, courtois, debonnaire, Par franche liberalité Et de fine pure amité. (Mach., D. Lyon, 1342, 219)

Ses loys fist partout establir, Et, pour sa grandeur anoblir De plus en plus, leur octroya Graces et dons, et envoya Partout restitüer aux hommes Leur biens, et tant fist, toutes sommes, Que, pour sa liberalité, Chascun, en generalité, Se rendoit a luy, car signeur, Ou debonnaireté greigneur Eust, il ne peüssent avoir. (Chr. Piz., M.F., IV, 1400-1403, 49)

Mais la grant liberalité Du filz en generalité Le fist estre si renommez Que de toutes gens yert clamez La flour de loenge et d'onnour, Ou les delices et l'amour De la joie d'umain lignage Faisoient singulier herberge. (Chr. Piz., Chem. estude P., 1402-1403, 250)

De ce dit Tulles que le prince plus demoustre sa liberalité quant se rent privé et doulz entre ses gens que se leur donnoit or et argent (Chr. Piz., Faits meurs Ch. V, S., I, 1404, 81)

Et qu'il soit vray ceste liberalité et largesse estre plus convenable à prince que autre est chose clere, car pourquoy furent establis les princes sur terre ne mais pour aidier et secourir par auctorité de puissance, de corps, de parolle, de peine, de reconfort et tout aide non pas seullement les subgiéz, mais semblablement tous crestiens, estranges et privéz, qui besoing en avoient et requerir les vendroient (Chr. Piz., Paix W., 1412-1413, 148)

...et qu'il soit vray sans faille, ceste liberalité est tant noble que, quant elle vient de bon courage, elle fait plus joieux en la faisant cellui qui la fait que cil qui la reçoit (Chr. Piz., P.V.H., 1416-1418, 36)

D'autres faultes peut assez avoir sur ce point, car justice et liberalité sont deux vertuz qui regardent les guerdons et les largesses et les poisent et mesurent egalement selon les droiz et les dessertes. (Chart., Q. inv., 1422, 51)

...alors Ihero (...) comme amy des Rommains leur monstra sa très grande liberalité ; car incontinent il leur envoya .CCCC. mille muys de fourment (...). Et (...) il ordonna et fourma ces dons en maniere de victore (La Sale, Sale D., 1451, 214)

Aussi devez savoir qu'il n'est riens en ce monde plus convenable en l'estat de chevalerie que liberalité, par laquelle on peult amyz avoir et conquerir, si comme dit le Saige en ses Proverbes, ou XIXe chappitre. (Bueil, II, 1461-1466, 74)

Et ad ce propos racompte Policrates, en son tiers livre, ou XXIIIIe chappitre, comme Titus fut liberal et à cause de sa liberalité estoit moult amé, et de fait estoit courroucié la journée qu'il ne donnoit quelque chose, et disoit que le bon prince ou chevallier ne devoit riens refuser, quant c'estoit chose qu'il povoit raisonnablement faire et donner. (Bueil, II, 1461-1466, 74)

Car, en moult de manieres, est plus necessare liberalité a ung prince que n'est utilité, par ce que par liberalité il acquiert l'amour, l'affection, la benivolence de son peuple. (Fillastre, Traité Conseil H., c.1472-1473, 219)

...on raconte es gestes rommaines de la liberalité de l'empereur Titus, lequel institua et commanda que nul venant a lui pour demander et requerre aucune grace ne se departist de sa presence sans espoir de l'avoir. (Colart Mans., Dial. créat. R., 1482, 184)

2.Fait de donner volontiers, de n'être pas avare.

...entre ses loables vertuz celle de liberalité ne fut par la maindre (C.n.n., c.1456-1467, 23)

Oeuvres de liberalité. Oeuvres de bienfaisance, charité.

D'autre partie, se il gastoit ainsi le sien, il ne avroit aprés que mectre ou que exposer ne de quoy excercer les oeuvres de liberalité. (Oresme, E.A., c.1370, 234)

Attitude raisonnable face à l'argent, à mi-chemin entre l'avarice et la prodigalité.

Quant est de exposer peccune ou richesces ou de les prendre ou aquerir, liberalité est le moien ; et la superhabundance, c'est prodigalité que nous povons apeller fole largesce. Et la deffaute est illiberalité et est avarice et convoitise. Et sont ces vices contraires, c'est assavoir, prodigalité et illiberalité. (Oresme, E.A., c.1370, 165)

Donques comme liberalité soit moienne vers donacions de peccunes en reception d'icelles, celui qui est liberal les donnera et despendra en choses en quoy il appartient ce faire. (Oresme, E.A., c.1370, 235)

Car comme la vertu de liberalité soit vers ces .II. choses, c'est exposer et recevoir et en ce tiengne le moien, il s'ensuit que le liberal face l'une et l'autre, si comme il appartient. (Oresme, E.A., c.1370, 235)

[Moralement, le fait de donner est plus valorisé que le fait d'acquérir]

Mais il est loé comme liberal en donner ou exposer ou despendre pecunes et en les prendre ou acquerir. Et est plus loé de liberalité en les donnant que en les prenant. (Oresme, E.A., c.1370, 230)

Donques est liberalité une vertu par laquelle l'en use bien et deüement de richesces et par laquelle est moderé l'appetit de richesces et de pecunes, aussi comme par la vertu de actrempance est moderé l'appetit des delectacions de touchier et de gouster. (Oresme, E.A.C., c.1370, 231)

Faire liberalité de qqc. Faire don de qqc..

...donacion en faisant liberalité de ses biens. (Oresme, E.A.C., c.1370, 457)

3.Par métonymie. [Au sing. ou au plur.] Don fait avec générosité.

...pour esmouvoir les bourgois, manans et habitans desdictes places, villes et cités, à faire aucune liberalité et ayde audit regent (Fauq., II, 1421-1430, 146)

Et le diz voulentiers pour ce que les princes et autres se plaignent aucunes fois, comme par desconfort, quant ilz ont fait bien ou plaisir à quelqu'un, disant que cela leur procède de malheur et que, pour le temps à venir, ne seront si legiers ou à pardonner ou faire quelque liberalité ou autre chose de grace, qui toutes sont choses appartenantes à leurs offices. (Comm., I, 1489-1491, 114)

Ledit Pietre predist plusieurs choses qui lors advinrent, mesmement de l'infortune des Turcqs, dont il fut moult honnoré par toute Espaigne et lui furent faictes de grandes liberalités par ledit roy d'Espaigne. (Simon De Phares, Astrol., c.1494-1498, f° 105 r°)

Ceulx cy concorderent sur la revolucion de la nativité de ma dicte dame en plusieurs choses, par especial des honneurs que lui feroient les nacions estranges, les largesses, dons et liberalités (Simon De Phares, Astrol., c.1494-1498, f° 146 r°)