DONATION

substantif féminin

[GDC : donacion ; AND : donacion ; FEW (III, 137b) : donatio ; TLF (VII, 411a) : donation]

A. -Acte de donner, don.

...soit par le presentation de ses lettres, qui doient eistre saelée de plus gran seal monsaingnour de Liege, et de nulle aultre, ou par le personnée donation de monsaingnour (Hemricourt, Patron Temp. B., c.1360-1399, 94)

Et avecques ce que elle soit rectifiee, regulee et moderee par raison en telle maniere que il donne a ceulz a qui il convient ou il appartient que il donne, et quelconques choses il convient estre donnees, et quant il est temps convenable et selon toutes les autres bonnes circonstances qui sont requises a donacion droiturierement faite. (Oresme, E.A., c.1370, 232)

Donques en celui qui est liberal, donacion honeste et recepcion honeste se ensuivent et les contraires non. (Oresme, E.A., c.1370, 235)

...car nous peson et mecton que despense soit donacion (Oresme, E.A., c.1370, 236)

Car tu n'as a merir ce que tu ne aymes et desires, ne tu ne dois amer ce quy te retrait de parvenir a joie divine - ce sont delices corporrelles, delettacions mondaines, fuir donacion et non faire misericorde, et aultres chouses teriennes. (Crap., Cur Deus, De arrha B.H., c.1450-1460, 197)

Or avisons bien se par avanture ceste donacion soit donner sa vie ou mettre son ame a mort pour l'onneur de Dieu. (Crap., Cur Deus, De arrha B.H., c.1450-1460, 226)

B. -En particulier.

1.DROIT Acte par lequel on abandonne à qqn la propriété d'une chose, donation.

Vezcy lettre Faite de la donnacion (Mir. parr., 1356, 22)

Et jura et promist le dit maistre Jaques, par foy et serement et sur l'obligacion de touz ses biens et de ses hoirs, meubles, inmeubles, presens et a venir, quiex ou qu'il soient, a justicier par nous, nos successeurs prevoz de Paris et par toutes autres justices souz qui il seront trouvez que contre ceste presente donacion ou aucune des choses dessus dites il n'ira ne aler fera par lui ou par autres, jamés a nul jour ou temps a venir, en renonçant en ce fait expressement ledit maistre Jaques, par ses diz seremens et foy, a toutes fraudes et decevances, et generalment a toutes autres choses que il, tant de fait conme de droit, porroit dire ou proposer contre ces lettres ou le contenu en icelles, et au droit disant general renonciacion non valoir. (Chartes Abb. St-Magl. T.F., t.3, 1367, 357)

...combien que il soit licite a ung chascun de passer soubz les seaulx de l'esglise toutes manieres d'obligacions, vendicions, donacions, eschanges, procuracions, baulx, fermes et arrendemens et toutes aultres manieres de contrats (Juv. Urs., Verba, 1452, 384)

...a ladicte dame Marguerite donné, cédé, quicté, transporté et du tout en tout perpétuellement délaissé, purement et simplement, par donnacion mère, pure, simple et irrévocable (Roi René vie L., 1476, 357)

Donation entre vifs. Acte de donner, de son vivant, la propriété de biens personnels à une autre personne vivante.

...et avec ce ledit monsieur le duc [Louis, duc de Bourbonnais] en monstrant plus ouvertement le signe et l'affeccion de la vraie amour dessusdicte, weillant entremeller et assembler honneur a proufit et que proufist respondesist à honneur en ce cas faisant ausdiz chevaliers [Jean et Guy de Bourbon] plus grant grace especial donna et octroia pour tiltre de pure et vraie donacion entre viz sans rappel ausdiz chevaliers ensemble à tenir et posseder d'eulz, de leurs hoirs et sussesseurs dessendanz d'eulz par droite lingne, quatre vins livres tournois de terre annuelle à prendre et asseoir ; c'est assavoir quarente livres tournois de terre (Titres Bourbon H.-B., t.1, 1334, 354-355)

À tous ceulx qui ces presentes lectres verront, Jehan, seigneur de Foleville, chevalier (...) salut. Savoir faisons que (...) monseigneur Edouart, seigneur de Beaujeu (...) recognut et confessa (...) avoir donné, quictié, cedé, transporté et delaissié (...) en nom et à tiltre de pure, simple, vraye et absolute donation irrévocable faicte entre vifs (...) auxdiz Monseigneur le duc de Bourbonnois (...) prenant et acceptant ceste presente donation, et à Madame la duchesse sa femme (...) la baronnie, terre (...) dudit Beaujeu (Titres Bourbon L., t.2, 1400, 111)

2.Attribution d'une charge ecclésiastique.

...l'evesque a vous me presente Conme curé que je doy estre De ceste eglise. Vezcy lettre Faite de la donnacion. (Mir. parr., 1356, 22)

C. -Par analogie. ASTR. Donation des ans. En astrologie, processus enclenché à la naissance par la planète alcocodem qui détermine la durée de vie du sujet.

Galearius fut insigne docteur en medicine et en astrologie, a Paris. Cestui fist ung traicté sur l'alcocodem et donach [l. donacion] des ans et ung autre sur la theorique des planetes (Simon De Phares, Astrol., c.1494-1498, f° 99 v°)