FONDATION

substantif féminin

[T-L : fondacïon ; GD : fondation ; GDC : fondacion ; AND : fundacion ; FEW (III, 863b) : fundatio ; TLF (VIII, 1049a) : fondation]

A. -Action de fonder.

1.Action de fonder qqc..

a)Action de fonder une ville.

...les armes delle fondation de Liege (Hemricourt, Miroir Hesb. B.B., 1353-1398, 304)

Mais loange ne vueil ne gloire De ceste geste ou ceste hystoire, Qu'on scet bien que pas nez n'estoie Eins la fondation de Troie, Mais ci l'ay mot a mot escript, Si com veü l'ay en escript. (Mach., F. am., c.1361, 214)

...ainsi ot .vi. olimpiades entre la fondation de Rome et la premiere olimpiade, qui vault chascune .iiii. ans, pource que ce jeu se faisoit le .v.e an ; et ainsi y avoit .iiii. ans tous frans (Sim. Hesdin, Val. Max., 1375-1383, II.2.9, glose, f° 92d)

Ci dit de Nambroth et de la fondacion de Babiloine. (Chr. Piz., M.F., II, 1400-1403, 146)

...l'an de la fondacion de Romme IIII^cIIII^xx et troiz (La Sale, Salade, c.1442-1444, 32)

Cestui predist la destruction du Liege qui fut après la fondacion de Berne et de Fribourg aucun peu de temps. (Simon De Phares, Astrol., c.1494-1498, f° 114 r°)

L'an de la fondation de Rome. L'an où Rome fut fondée, la première année du calendrier romain.

Donné en nostre present capitole le XIIe jour de septembre en l'an de la fondacion de Rome VIIcLII ans, et de nostre regne imperial l'an XLII. (Marcadé, Myst. Pass. Arras R., a.1440, 20)

b)Action d'instituer, d'établir qqc..

Et pour fonder leur dicte saisine et possession, disoient que le roy nostre sire qui regnoit pour le temps de la fondacion de leur dicte eglise avoit donné pour la fondacion d'icelle ladicte riviere de Saine, si comme elle avoit et a son cours, depuis ledit chief de l'ille Nostre Dame jusques audit Grant Pont, a avoir et tenir par les diz religieux franchement, sans ce que aucun y peust pescher ne aucune chose y construyre ne ediffier, se ce n'estoit par leur congié, consentement et voulenté (Chartes Abb. St-Magl. T.F., t.3, 1377, 469)

Au commencement de la fondacion de Saincte Eglise la Sapience divine en plusieurs guises et en plusieurs manieres se monstra et s'apparut a ceulx qui estoient esleuz a gloire (Horloge de sapience S., c.1389, 50)

...les diz habitans de Wervy avoient certaine fondacion de draperie et certaines cueres et estatus, par lesquelz les draps que l'on faisoit en la dicte ville et aussi les lisses devoient estre de tel long et de tel lé comme il estoit déclairié ès diz previlèges ottroyez à ceux de nostre dicte ville d'Ippre. (Hist. industr. drapière Flandre E.P., t.3, 1392, 427)

Les religieuses de Possi ont droit, par le privillege à eulx donné par prince de noble mémoire Philippe (...), de prendre et avoir en la forest de Lions, à cause de leur manoir de Corny, boiz pour édifier et pour ardoir (...), sembl[abl]ement comme les religieux de Mortemer ont acoustumé prendre et avoir en ladicte forest, à cause de la fondation dudit hostel de Poissi. (Hector De Chartres, Cout. R., 1398-1408, 15)

Et, à ces dernieres nopces, le duc de Bourgoingne esleva premiers l'ordre de la Thoison d'or, que vous portez encoires à vostre col, et, depuis celle fondacion, l'ont porté et portent pluseurs Rois et princes et chevaliers de chevaleureuses recommandacions et renommées (La Marche, Mém., I, c.1470, 98)

...laquelle fondacion [d'un collège d'astrologie et d'une bibliothèque à l'université de Paris] fut confermée par nostre Saint Pere le pappe, lors estant, qui sur ce octroya bulle expresse, par laquelle, entre autres choses, il anathematiza tous ceulx qui presumeroient oster ou diminuer aucuns d'iceulx livres (Simon De Phares, Astrol., c.1494-1498, f° 3 r°)

En particulier. Action d'instituer, d'établir une oeuvre pieuse, charitable ou la célébration d'un office, par voie de donation, de legs ; ce qui est ainsi établi.

...et il nous aient fait supplier que la dite rente, afin qu'il la peussent perpetuelment tenir, nous leur vousissions amortir, nous, qui voulons le divin service estre acreu en nostre temps, pour la tres grant devotion et affection que touz jours avons eu et avons aus diz religieux et a leur dite eglise, la quele est de la fondation de noz predecesseurs roys de France (Chartes Abb. St-Magl. T.F., t.3, 1342, 120)

Une foiz les fauldra respondre, Se, pour rouge chapel avoir, Leur fault ainsi Dieu decepvoir Et frauder la fondacion Des fondeurs et l'entencion Qu'ilz orent du divin service Et des mors. (Desch., M.M., c.1385-1403, 165)

...par fondacions De chappelles, d'oblacions (Desch., M.M., c.1385-1403, 332)

Deniers payez sur ladite reste (...), par les dessus diz Digne et Jaques Raponde, par la manière qui s'ensuit (...). À Laudo Vennel, marchant de Jannes, oultre ce que ledit Dyne a compté en son premier compte, pour une ymage d'argent que Monseigneur de La Trémouille lui ordonna estre faite à Notre-Dame la Ronde, à Jannes, et pour la fondation d'une lampe perpétuelle devant ledit ymage, paié audit Laudo : 10 fr. (Raponde, Comptes La Trémoille L.T., 1396-1406, 140)

...les cens qui anciennement furent baillez à la fondacion de la chappelle de nostredit chastel d'Angiers (...) sont moult diminuez et aussi comme dépériz par la négligence des chappellains d'icelle (Roi René vie L., 1400, 210)

Cedit jour, a esté ordonné par requeste que mil escus qu'avoit ordonné messire J. de Poupaincourt, jadis president premier ceans, pour la fondation de certeinnes messes, seront mises devers la Court (Baye, I, 1400-1410, 128)

...ou grant prejudice, dommage irreparable et desolation de noz diz royaume et Daulphiné, de la chose publique et des eglises d'iceulz estans de fondation royal et autres (Baye, II, 1411-1417, 156)

...ou regard de la clause dudit testament faisant mencion de la fondacion de une chappelle en l'eglise parrochial de Saint-Jehan-en-Greve à Paris (Fauq., I, 1417-1420, 39)

Des femme, hoirs et executeurs du testament de feu maistre Regnault Goubaut, jadiz conseillier et maistre des comptes de mondit seigneur, par la main de maistre Jehan Bonnost, l'un desdiz executeurs, la somme de sept vins dix livres tournois, pour l'admortissement de trente livres tournois de rente que mondit seigneur lui a admorties pour la fondacion et dotacion d'une chappelle en l'eglise de Saint Estienne de Dijon (Comptes Etat bourg. M.F., t.2, 1418, 80)

...avec cent livres de rente, pour emploier en aumosnes, prieres et fondacions pour le salut et remede de l'ame dudit deffunct. (Fauq., II, 1421-1430, 286)

Et belle chose estoit a veoir (...) acomplir les belles ordonnances qu'il avoit faictes en son testament, comme messes et autres fondacions en divers lieux, lesquelles Othon peracheva et enquores plus avant (Rambaux Frise S., c.1450-1475, 82)

...affin que icelles trois messes puissent mieulx estre dictes et celebrées sans discontinuacion, icellui nostre cousin a, pour partie de la fondacion d'icelles, donnée la somme de vint sept florences d'or aux chappellains qui diront et celebreront les dictes messes (Doc. Poitou G., t.9, 1456, 432)

Par quoy, et affin de recouvrer sa santé, envoya faire maintes offrandes et donner de bien grans sommes de deniers en diverses eglises de ce royaume et fist de grandes fondacions. (Roye, Chron. scand., II, 1460-1483, 110)

Et, entre les autres fondacions, fonda en la Saincte-Chappelle du Palaix Royal, à Paris, une haulte messe, pour y estre dicte chascun jour en l'onneur de monseigneur sainct Jehan, à l'eure de sept heures de matin, laquelle il ordonna estre chantée par huict chantres qui estoyent venus du pays de Prouvence (Roye, Chron. scand., II, 1460-1483, 110)

Item, et que en l'eglise des Chartreux lez Dijon en laquelle gist et repose à present le corps dudit feu monseigneur le duc Jehan sera fondée par le Roy et à ses despens une haulte messe de Requiem, qui se dira chacun jour perpetuelment au grant autel de ladicte eglise, à tele heure qu'il sera advisé, et laquelle fondacion sera douée et asseurée de bonnes rentes admorties jusques à la somme de cent livres parisis de revenue par an, et aussi garnie de calice et aournemens d'eglise (La Marche, Mém., I, c.1470, 213)

Et pour ces causes tantost après ledit accord passé, sera faicte et assovye la fondacion de la haulte messe ès Chartreux lez Dijon, dont dessus est faicte mencion, avec ce qui en deppend, c'est assavoir de livres, calices, et autres choses à ce neccessaires (La Marche, Mém., I, c.1470, 213)

...fist une belle fondacion et chappelle et volstes ès Cordeliers dudit lieu, comme appert par les epithaphes, qui sont à la porte de l'eglise dudit lieu. (Simon De Phares, Astrol., c.1494-1498, f° 162 r°)

Voulentiers il a honnoré et decoré l'Eglise de Dieu et faict de grandes fondacions, et en icelles a faict faire edifices innumerables, et entre autres les eglises de Notre-Dame de Clery, de la Victoire lez Senlis et de Behuart. (Le Clerc, Interp. Roye, c.1502, 399)

Estre de fondation royale. Avoir été doté par le roi.

...nostre intention a esté et est que ladicte litre soit faicte aux armes de nostre dicte feue dame et mere Marie d'Anjou, attendu mesmement que ledit monastere est de fondation royale et que ses dictes entrailles y sont ensepulturées (Lettres Louis XI, V., t.3, 1465-1469, 48)

...la garde et souveraineté des eglises qui sont de fondacion royal (La Marche, Mém., I, c.1470, 217)

...pour le bien d'icelle abbaye et du service divin deu et acoustumé estre faict en icelle, en quoy avons trés grant interest pour ce que elle est de fondation royal. (Lettres Ch. VIII, P., t.3, 1491, 224)

2.Action de fonder qqn.

a)Action d'établir qqn dans une charge, une prérogative.

Et avons cestes choses données pour la fondation d'un religieux moine du dit ordre en la dite manoire. (Cartul. Laval B., t.3, 1412, 27)

...car David de Bourgoingne, filz inlegitime dudit duc de Bourgoingne, avoit obtenu bulles de nostre dit saint Père le Pape, pour parvenir à ladicte dignité. Lequel, soubz la fondacion d'icelles bulles, voeult prendre et avoir la possession ; mais icellui de Brederode, meisme ceulx du pays, y mirrent et baillièrent opposicion et contredit. (Escouchy, Chron. B., t.2, a.1465, 316)

[D'une pers. morale] Avoir fondation. Être institué légalement.

Nos bien améz, les eschevins, bourgeois et communaulté de nostre ville d'Ardres nous ont exposé que comme ils ayent pluseurs beaux privilleges, fondation, usages, libertés, biens, franchises, justice et seigneurie en la dicte ville d'Ardres (Hist. dr. munic. E., t.1, 1402, 204)

b)DROIT Procuration, mandat ; p. méton. acte établissant ce mandat, en partic. document garantissant l'état de fondé de pouvoir.

LE PROCUREUR DE SAINTE AGNES. Vezcy conment me fonde, sire, Par bonne lettre. LE PROCUREUR DE SAINT LORENS. Aussi vous vueil mon pouoir mettre En vostre main. ESTIENNE. Lire les vueil pour plus certain Estre de voz fondacions. Bien voy voz procuracions ; Elles me souffisent assez. (Mir. prev., 1352, 238)

Procureur si peut estre dit generallement ou estably ou seullement à une negoce ; et peut estre estably par lectres. Procureur doit tousjours monstrer sa fondacion, ou autrement si jugement se fait il est nul et la controverse nulle (Cout. instit. Anjou Maine B.-B., t.2, 1437, 102)

B. -Ce qui fonde, fondement.

1.Ce qui sert à asseoir une construction, fondement, soubassement.

...le dit molin s'avaloit tousjours parce qu'il n'y avoit point de fondation (Doc. 1419. In : Y. Coutant, Terminol. du moulin médiév. dans le comté de Flandre, 1994, 677)

S'est li castiaux si grans que veoir le puet on : Si a tant de biaux estres en le fondacion Que .XM. hommes y pevent prendre habitacion (Renaut Mont. B.N. V., c.1350-1400, 584)

Item, sont les fondacions des maisons de pierre, de bricque et de terre cuite, et les combles de quesne et de méchant marrien (Lannoy, Voy. amb. P.H., p.1450, 115)

Construction, bâtiment, monument.

...en effett que nostre roy Charles fust sage artiste, se demoustra vray architecteur et deviseur certain et prudent ordeneur, lorsque les belles fondacions fist faire en maintes places, notables edifices beaulx et nobles, tant d'eglises comme de chasteaulx et autres bastimens à Paris et ailleurs, si comme assez près de son ostel de Saint Pol, tant belle et notable l'eglise des Celestins, si comme on la peut veoir, couverte d'ardoise et si belle que riens n'y convient (Chr. Piz., Faits meurs Ch. V, S., II, 1404, 37)

Et au surplus, touchant les edifices et fondacions qui se doivent faire en ladicte ville de Montereau ou au plus près d'icelle... (La Marche, Mém., I, c.1470, 214)

2.[À propos d'une pers.] Constitution physique.

...moult estoit linge et de corpulence maigre [Charles VII] ; avoit faible fondation et estrange marche sans portion (Chastell., Chron. K., t.2, c.1456-1471, 178)

3.Au figuré.

a)Fondement.

Ainssi gramaire est la fondation de toutes sciences, laquelle au jour d'ui plusieurs delaissent comme vile et de nulle reputation, par quoy es autres peuent moult peu proufiter (Daudin, De la erudition H., c.1360-1380, 77)

Pour quoy il me samble que premier on doit rendre paine d'aprendre les ars, espetialment les sept ars liberales qui sont la fondation de toute doctrine (Daudin, De la erudition H., c.1360-1380, 103)

Elle [la patience] enseigne de pardonner tantost aux deffaillans, et le delinquant longement et moult prier, elle garnist les fondations de foy, elle avanche les accroissemens d'esperance, elle adresse l'euvre. (Daudin, De la erudition H., c.1360-1380, 199)

...leurs fais ont esté et sont encores pris pour bonne exemple, miroir et fondacion aux nobles et vaillans homez qui depuis eulx ont rengné et rengent encores sur terre (Gérard de Nevers L., c.1451-1464, 2)

...la mort est celle ou l'esperit ront ses fondations en temporele attente, et qui fait quitter a fortune ses biens et au monde son promettre. (Chastell., Temple Boc. B., 1463-1464, 107)

Ce qui est au fondement, source, cause.

Veci auques le première fondation de le hayne qui fu entre le prince de Galles et le signeur de Labreth. (Froiss., Chron. L., VI, c.1375-1400, 233)

Et la cause pour quoi principaulment il s'entrehaioient, je le vous dirai pour mieux venir à la fondacion de ma matère. (Froiss., Chron. R., IX, c.1375-1400, 161)

Et se ceste maladie chet en maniere de morve, si soit bien appareillé comme je enseigneray ou chappitre de la morve ou dedans le chappitre de l'avent cuer, car, la fondaçon de ceste orve en vient (Guill. Villiers, Hipp. P.-D., a.1456, 127)

Après la lignie passée, Pepin, fils de Charles Martel, fut faict Roy de France par son sens et bonne conduicte, sans aultre titre de droict, et après luy Charles le Grant, son filz, qui fut Empereur de Romme et Roy de France, qui tant combaty et traveilla pour soustenir la foy crestienne, que ses beaux fais sont le tesmoingnage, et sont par tout le monde par fondacion. (La Marche, Mém., I, c.1470, 65)

...pour continuer la matiere de la fondacion de ce present volume (La Marche, Mém., I, c.1470, 82)

Pauvre fondation. Cause dont on n'aurait pas attendu de grands effets.

Che fu une mervilleuse cose et de povre fondacion, dont ceste pestillensse commencha en Engletière. (Froiss., Chron. R., X, c.1375-1400, 94)

b)Origine de qqn.

...et fut cest enffant, quant il vint en eaige d'omme, bon chevalier et vaillant homme et l'appelloient les gens Olivier du Glay-Aquin, pour tant qu'il avoit esté trouvé en la tour du Glay et qu'il avoit esté filz du roy Acquin. Or vous ay-je dit la premiere fondacion et venue de messire Bertran du Glayquin que nous deussion dire du Glay-Aquin. (Froiss., Chron. M., XIV, c.1375-1400, 11)