ASSIETTE

substantif féminin

[T-L : assiete ; GD : assiete ; GDC : assiete ; AND : assiete ; FEW (XI, 397b-401) : sedere ; TLF (III, 695b) : assiette]

A. -Action de placer, d'installer qqn/qqc. qq. part ; situation, position.

1.[À propos de pers.]

a)Fait d'être installé.

Séjour, étape.

Et là fu Huon rois qui le chiere ot hardie, Et fu l'asiete à Rains noblement parfurnie (Hugues Capet L., c.1358, 176)

Faire assiette

S'arrêter, faire une pause.

...si en buray Ici un trait, puis m'en iray Sanz faire assiete ne mengier. (Mir. Barl. Josaph., c.1363, 251)

[D'un marchand] S'installer, monter son étal (dans la rue).

Item, nuls qui s'entremectent de faire vendre denrées et marchandises dudit mestier ne pourront comporter ne faire comporter, vendre ne faire assiette par les rues et voyeries de ladite Ville de Paris, ne ailleurs que en leurs hostels et maisons, aucunes denrées et marchandises dudit mestier (Mét. corp. Paris L., t.2, 1456, 769)

b)Position, disposition.

Et, pour savoir la negligence du paquet que vous envoyasmes, adressant audict sire de Dunois, vous envoyons le controlleur des postes, et aussi pour changer l'assiette desdictes postes à vostre partement. (Lettres Ch. VIII, P., t.2, 1488, 100)

c)Locution adverbiale. D'assiette. Tout de suite, en s'arrêtant sur le champ.

Quant vous aurez receu l'argent Ou de l'or, tel qu'il vous plaira, Car tout premier il vous payera D'assiette de ce qu'il vous doibt, Vous verrez de quel vin il boyt (Nouv. Path. T., c.1474-1485, 79)

D'assiete je le chargeray D'un grand cop de poing bien assis. (Michel, Myst. Pass. J., 1486, 291)

Et quant la damoyselle entendit et sceut que Thierry estoit arrivé, elle descendit du lieu ou elle estoit et vint au devant de luy qu'elle baisa d'assiete et luy demanda comment le faisoit Beufves son amy. (Beufves Hant. I., c.1499-1503, 156)

2.[À propos d'un oiseau]

a)Endroit où il est perché.

...et est le peson atarchié au las par telle mesure que, quant le las est fermement clos, le peson est a terre. Et ceste maniere de tendre est bonne a tendre a une assiet[e] ou un faucon siet sus jour. (Henri Ferr., Modus et Ratio, Livre deduis T., c.1354-1377, 275)

b)Endroit aménagé où il s'installe.

Nous avons entendu que en nostre bonne Ville de Paris et en plusieurs lieux de la Banlieuë d'icelle, a plusieurs Assietes de Coulons où se retraïent et assieent plusieurs des Coulons qui s'esvolent aucunes foiz de plusieurs des Coulombiers de noz subgez, lesquelles Assietes sont ou prejudice et dommage de noz diz subgez (Ordonn. rois Fr. S., t.6, 1367, 497)

3.[À propos d'un lieu, construit ou naturel] Situation, position topographique.

...et quant il virent l'asiete et les murs de la cité et les maisons dont elle estoit ja plaine, si s'esmerveillierent mout dont en si brief tampz elle estoit tant creue. (Bers., I, 1, c.1354-1359, 9.9, 15)

[situs] . ...et enchaussa ses anemis jusquez auz portes de Vege. Mes pour ce que la cité estoit mout fort et de murs et de asiete, il s'en retorna en gastant leur terre et leur paÿs (Bers., I, 1, c.1354-1359, 15.4, 24)

Et l'espece ou disposition ou assiete de la region, ce ne est pas fort de la dire (Oresme, Pol. Arist. M., c.1372-1374, 295)

Savoir, donques, le mouvement du cyel et l'asyete et l'ordenance dez corps celestes est chose tres belle, tres delectable et profitable (Songe verg. S., t.1, 1378, 408)

Avec ces choses lui affiert estre tres bonne mainagiere, se cognoistre en labour (...) de quel maniere est le meilleur que les sillons aillent selon l'assiete du garait, s'il est en païs sec ou moiste, et de la parfondeur, que ilz soient droiz et onniement faiz, seméz a point de tel grain comme la terre le desire (Chr. Piz., Trois vertus W.H., c.1405, 153-154)

Et sont, en somme toute, deux cens quarante huit canons, qui divisement sont nommez comme vous avez ouy cy dessuz, pour ce que divisement doibvent estre assiz selon l'asiette de la forteresse. (Bueil, II, 1461-1466, 47)

Et fuz bien esmerveillé de veoir l'assiète de ceste cité et de veoir tant de clochiers et de monastères (Comm., III, 1495-1498, 108)

Lieu, endroit.

...aucunes foiz en certaines places et assietes representoit la personne du roy et moult estoit de bel parement à celle court. (Chr. Piz., Faits meurs Ch. V, S., II, 1404, 87)

4.[À propos d'une chose]

a)Fait d'être disposé (de telle manière, à tel endroit).

Plateau (pour jouer aux dés).

...il ont juré que jamais ne joeront de mauvais dez ni de faux dez ni ne induyront homes simples ne autres a jouer, oncques eaus ne useront de assiette de dez (Doc. 1332. In : P. Rézeau, R. Ling. rom. 78, 2014, 406)

Position (au jeu d'échec).

...et avec ce dit : 'eschec' a son roy, qui moult le adommaga, car elle en prist aussi a l'autre trait son roc senestre pour le chevalier dessusdit que elle osta de la voye de son roc, sy come on peut evidanment veir en l'eschiquier sensible, qui bien l'asiete et les traiz considere. (Evr. Conty, Eschez amour. mor. G.-T.R., c.1400, 757)

Disposition, plan (d'un immeuble).

Je n'ay pas congnu en ma vie Ouvraige [une synagogue] fait si meschanment. Qui fist ceste assiecte ? (Du Prier, Roy Adv. M., 1455, 286)

Situation d'immobilité.

Item l'en deffend a tous lesdiz brasseurs et faisans brasser servoises qu'ilz ne vendent ne delivrent leurs servoises a cabaret, ne a autres personnes quelzconques, soit en gros ou a detail, se elle n'a eu trois jours d'assiete et de repos depuis ce qu'elle aura esté entonnée (Mét. corp. Paris L., t.1, 1435, 619)

ASTR. Position d'une étoile.

Et selon ce que Fulgence dit, ceste estoille diféroit des aultres en trois choses. En assiete, car elle n'estoit pas assise en lieu certain au firmament, mais pendoit au milieu de l'air prouchaine a la terre... (Batallier, Lég. dorée D.-L., 1476, 207)

b)Base sur laquelle s'adapte, se fixe une chose.

Item, un banc à dossier, treillissié par hault et à double assiete, de VIIJ piez de long ou environ (Fauq., III, Pièces diverses, 138, LXIX)

Base, assise (d'un édifice, d'une construction).

...l'assiette d'un coign de mur (...) lesquieulx ont dit qu'il leur semblet par leur bon avis que ladite assiete dudit mur est bien et loialement prise et ediffieee, sans fere tort ne prejudice au roy nostre sire ne a autre ne a ladite rue (Doc. 1390. In : P. Rézeau, R. Ling. rom. 78, 2014, 406)

...pour IIIIxxIX mines de plastre baillés a plusieurs fois aux machons pour faire les chintres et assiettes des puis (Comptes Archev. Rouen J., 1461-1462, 323)

Cestui fut souverain astrologien et composa ung almanach pour certain temps audit Pippin, ouquel il prenoit les ellections de toutes ses haultes euvres. Si, par especial, fist par icelui la fondacion et assiecte de son Parlement à Paris duquel fut inventeur. (Simon De Phares, Astrol., c.1494-1498, f° 104 v°)

ORFÈVRERIE Plaque de métal ornée dont une série forme un collier, une ceinture ou une couronne, plaque dans laquelle est sertie une pierre précieuse.

Item, une autre grant couronne de très grant façon, appellée la Couronne de l'Estoille, en laquelle a huit assiettes, et a, en l'une des assiettes, ung balay ou mylieu, cinq esmeraudes et quinze perles en cinq troches, et, ès autres troches, cinq balaiz et quatre esmeraudes. (Invent. mobilier Ch. V, L., 1379, 1391, 15-16)

...une assiete d'or faicte en manière d'un colier pour mettre et servir en pluseurs manières d'abillemens (Comptes Lille L., t.1, 1416, 147)

Une ceinture, en laquelle il y a LVII assiètes, et en XXVIII d'icelles a en chascune VII perles (Ch. VI, D., t.2, 1418, 333)

Item, une autre mittre d'or, semée de perles, où ne sont pas atachez les pendans, en l'un desquelz pendans fault une lope de saphir, et fault aussi en ladicte mittre ung saphir du bout d'en hault avec l'assiete d'icellui saphir. (Fauq., II, 1421-1430, 116)

Item ondit coffret ung petit chapel d'or à XIIIJ assiettes de petittes perles (...). Item en ung destier trois petiz dyamens, deux saffirs et une vermeille (Invent. test. Surreau Foville F., 1435, 20)

Remarque : Les couronnes, les chapels de couronne (et d'autres objets aussi) sont constitués de la réunion d'un ensemble de telles plaques. FEW XI, 399b.

COSTUME Ouverture à laquelle s'adaptent les manches d'un vêtement.

...c'est assavoir fait de broderie sur chascune d'icelles [houppelandes] autour de l'assiette de la manche senestre, un chappel dont l'esclice est d'or cler, semées d'oeilles, faits en façon de plumes de paon (Chart. J., Chron. Ch. VII, V., t.3, Fragm. hist., 1408, 266-267)

...pour la façon et estoffes d'un pourpoint à grant assiete, du demourant de ladicte houppelande de drap de damastz (Comptes Lille L., t.1, 1416, 141)

TECHNOLOGIE Support, ce sur quoi se fixe quelque chose (dans l'ex., la plaque de bois et le cuir, base de la carde, sur lesquels se fixent les fils de fer).

Que les ouvriers dudit mestier, ne puissent ou doient ouvrer dudit mestier en vieil fust réparé, pour icelui revendre ; mais mettront en leur assiete bon cuir et souffisant, et que les cardes rivetées du cuir de quoy laditte assiete sera ; et qui fera le contraire, les cardes ainsi faites, seront arses, afin que dores mais en avant, aucun n'en puisse estre deceu. (Ordonn. rois Fr. S., t.8, 1397, 142)

[Serrurerie, élément d'une clef]

Que nul serrurier ne fera serrure à gasche et à moraillon où il mecte fourchete à trois branches ne pilier à espy, si la clef n'est à trois pertuys ou à deux à trois assiettes (Ordonn. rois Fr. P., t.20, 1489, 190)

c)Façon de porter, d'asséner un coup.

Si veissiés en celle place Maint coup d'assiete diverse, Et comment l'un l'autre y verse De hurt, et l'autre en lumiere Assene d'autre maniere (Chr. Piz., Duc vrais amans F., a.1405, 98)

...sanz ce que j'alongne plus ma matiere pour deviser l'assiete des coups d'un chacun (Bouciquaut L., 1406-1409, 54)

Si ne sçay a quoy je eslongneroie ma matiere pour devisier l'assiette de tous les coups d'un chacun (Bouciquaut L., 1406-1409, 72)

Le premier cop après ledit chambgement, ilz rencontrèrent, très radement, de bonne et noble assiette, et rompirent tous deux leurs lances très vaillamment. (Lefèvre St-rémy, Chron. M., t.2, c.1462-1468, 345)

d)ART MILITAIRE Action d'installer, de mettre en place [un siège, un engin de guerre...].

...avons par bonne et meure délibéracion (...) advisé et ordonné mettre grant effors et nombres de gens d'armes, assiète d'engins et autres habillemens environ le dit fort de Saint-Sauveur (Cuvelier, Chron. Guescl. C., t.2, Pièces diverses, 1372, 411)

Nous retenons les originaulx desdictes lectres affin d'en festoyer les ambaxadeurs de Bretaigne qui doivent estre devers nous demain pour tout le jour, mais ilz nous ont tant de foiz abusez que ne devez laisser à faire ce qui vous est besoing pour l'assiete du siege que vous savez. (Lettres Ch. VIII, P., t.2, 1488, 145)

e)Fait de créer, d'installer (dans une ville) (une manifestation commerciale).

Que le Roy des Merciers ou son Lieutenant, sera tenu avoir par escript les droiz et devoirs appartenans audit mestier de mercerie, et que lui et sesdiz Compaignons puissent et leur loise, à l'assiete de nouvelle foire ou nouveau marchié, choisir et eslire la meilleure place qui sera dedans ladicte ville ou lieu où lesdiz marchiez seront assis (Ordonn. rois Fr. B., t.14, 1448, 34)

...ilz nous ont fait remonstrer, en nous humblement requerant que, actendu ce que dict est, et afin que eulz qui ont esté et sont commencement de nostre bienheur, se puissent aucunement recouvrer, et ladicte ville repeupler et accroistre, il nous plaise leur donner l'assiecte et perpetuacion de deux foires, avec celle qu'ils ont (Ordonn. rois Fr. P., t.15, 1461, 106)

Remarque : Renart contref. présente une forme unique : assietté rimant avec jetté dont le sens probable est : 'Plan, disposition (d'un site)' :

Le quart royalme, si fu Romme, Si com le vray escript le nomme, (...) Et dessus le Tybre est assis. Romulus a la son sort pris ; De nuyt et de jour y pensa, Tant que a murer commença Et pourveuement a jetté Le long, le large et l'assietté ; Massons manda et charpentiers Et trestous les aultres mestiers. (Renart contref. R.L., t.1, 1328-1342, 205)

B. -En particulier. [Domaine de la table]

1.[À propos d'étiquette] Assiette (de personnes / de table). Fait, façon de placer les personnes à table ; ordonnance de la table.

Deux maistres d'ostel pour faire lever et ordener l'assiecte des personnes, ung asseeur, et deux serviteurs pour chascune table qui serviront et desserviront (Ménagier Paris B.F., c.1392-1394, 188)

En quel ordre, (...) estoit gouvernée la court de tres noble damme, la royne Jehanne de Bourbon, son espose, tant en estat magnificent, comme en honnestes manieres ruillées de vivre, si comme en ordennance de mengiers et assietes (Chr. Piz., Faits meurs Ch. V, S., I, 1404, 53-54)

Et fut l'assiecte du disgner en la manière qui s'ensuyt : Premièrement fut assis ledit archevesque qui avoit célébré la messe ; le second fut le roy... (Chart. J., Chron. Ch. VII, V., t.1, c.1437-1464, 232)

...monseigneur le duc donna a disner aux dessusdis seigneurs d'Engleterre a son hostel et se fist l'assiette en se grande salle, a laquelle table furent assiz ceulx qui s'ensieuent (La Taverne, Journ. Paix Arr. B., 1439, 61)

A la main senestre dudit duc estoit la damoiselle d'Estampes, fille au comte d'Estampes ; le comte de Saint-Pol ; la dame de Beures (...) le seigneur de Pons, et la chansellerie [var. chancellière] de Bourgoigne : telle fut l'assiette de la table dudit duc (Escouchy, Chron. B., t.2, a.1465, 140)

Alors vint l'heure que les roys de France et de Sicile, le roynes, princesses et dames furent assises, et tousjours, comme il est accoustumé de faire assiette de banquet, on fit celle nuit pareillement. (Faits Lalaing K., c.1470, 63)

...les maistres d'hostelz, qui la besongne conduisoient, vindrent faire l'ordonnance de l'assiette. Au milieu de la moyenne table s'assit mondit seigneur le duc, à sa dextre s'assit madamoiselle, fille de monseigneur le duc de Bourbon, après elle monseigneur de Cleves (La Marche, Mém., II, c.1470, 355)

Place qu'on occupe à une table.

Ilz ensemble s'en alerent soupper en la maison de Undrien Pippelart, tavernier et furent par le dit Undrien et ses serviteurs mis et assiz en une assiete en hault. (Arch. Nord, 1489, B 1706, f° 46 v°, IGLF)

Endroit d'une taverne où on est assis pour consommer.

Perrin Boussart, Jehan Bouteill, maçon, et Gilet Poverie, qui eussent fait mectre la nappe et trané du vin, avecques lesquelz ledit suppliant se feust assis en une assiecte oudit hostel et beu et mengé, et avecques eulx ledit Jehannot Auberet. Et lui estant audit escot et assiète, eust entendu entre autres paroles que... (Ch. VI, D., t.1, 1417, 395)

...eust icellui Cartmartin trouvée et apperceue en une assiecte derriere une tente de toille sa chamberiere, qui avecques deux autres hommes buvoit en ladicte taverne (Chancell. Henri VI, L., t.1, 1425, 203)

2.[À propos de service]

a)Action de placer qqc. sur une table, d'où action de servir un repas, service d'un repas.

Et, fut l'assiete dudit souper en la Galerie Dorée, reservé madicte dame de Nerbonne, qui estoit fort grosse (Roye, Chron. scand., II, 1460-1483, 67)

...aux gens qui mengeoient point en salle IIII beufs, LXIIII moutons, (...) sans le menu gibier et venoison et sans ce que à chacune assiete disner et soupper y avoit trois grans salles, plaines de autres gens, sans les derriers. (Simon De Phares, Astrol., c.1494-1498, f° 146 r°)

[Dans ce sens, assiette est souvent précédé d'un adj. ordinal qui désigne l'ordre d'apparition des plats ; il a pour synonyme mets] Plat, mets présenté sur une table.

Autre disner de char de .XXIIII. metz a six assiectes. Premiere assiecte. Pastez de veel menu deshaché a gresse et mouelle de beuf, pastelz de pinparneaulx, (...). Seconde assiete. Civé de lievre et brouet d'anguille, faves coulees, saleures, (...). Tiers metz. Rost : chappons, connins, veel et perdriz, poisson d'eaue doulce et de mer (Ménagier Paris B.F., c.1392-1394, 175)

(Autre) disner de poisson pour Caresme. Premiere assiecte. Pommes cuictes, grosses figues de Prouvence rosties et feuilles de lorier pardessus, (...). Second metz. Carpres, lux, soles, rougés, saulmon, anguilles renversees a la boe et une arbolaste. (Ménagier Paris B.F., c.1392-1394, 181)

[Assiette semble remplacer le synt. premiere assiette] Mets d'entrée.

Assiecte : roisins et pesches ou petiz pastelz. Potages : civé .IIII. lievres et veau. Ou pour blanc menger vint chappons, .II. sols .IIII. deniers piece, ou pouletz. Rost : .V. cochons, .XX. hetoudeaulx, .II.sols .IIII. deniers piece ; .XL. perdrealx, .II. sols .IIII. deniers piece, mortereul (Ménagier Paris B.F., c.1392-1394, 188)

[Mets d']assiette. Mets servi en entrée.

Pastez de veau. Prenez de la rouelle de la cuisse, et couvient mectre avec pres d'autant de gresse de beuf ; et de ce fait l'en .VI. bons pastez d'assiecte. (Ménagier Paris B.F., c.1392-1394, 231)

Pour assiette en lieu de cresson. À titre de réconfort.

...pour assiete en lieu de cresson, elle luy dist... (C.n.n., c.1456-1467, 235)

Priere d'assiette. Benedicite (ici avec le sens figuré de préalable dont on peut se dispenser).

...le connestable de France partit à toute haste et s'en ralla devers le roy, qui n'y demoura que une nuit qu'il ne s'en revint à tue-cheval ; et trouva encore le duc qui partoit de Brusselles, pour aller à Louvain, là où tout convenoit siévir, et légat et connestable. Et estoit tout fait, [et] l'aubergeon estoit mis au dos ; sy n'y avoit de merci Dieu, ne de faire prière d'assiette. (Chastell., Chron. K., t.5, c.1456-1471, 349)

Par métonymie. Vaisselle, service de table.

...il vit et apperçut deux hennaps d'argent qui estoient sanz garde, au bout d'une table, des assiettes dudit hostel, lesquelx hennaps il print (Reg. crim. Chât., I, 1389-1392, 104)

b)Locution.

Corner / sonner (l')assiette. Appeler à prendre place pour le repas.

Et tandis que l'eure du soupper vint (...) menestrez sonnerent assiete ; sy vindrent a table lé [l. les] deux noblez contez, damez et damoisellez et chascun selon son degré se sey et la furent servy comme a souhait (Comte Artois S., c.1453-1467, 18)

Le soupper fu prest et l'assiette cornee ; la servirent qui servir devoit et menga qui le volu faire (Comte Artois S., c.1453-1467, 21)

Convier qqn à l'assiette

Si portoit ledict conte à tous honneur, les convyant à l'assiette. (Comm., I, 1489-1491, 61)

Faire les assiettes. Préparer la table pour le repas, servir les plats.

Lors furent faites les assiettes à tous lez, viandes portées, les vins versés ; et toute multiplicité des biens de la terre dont on peut faire festoy, ne estre acquis pour argent, fut là monstrée (Chastell., Chron. K., t.4, c.1456-1471, 382)

C. -[Domaine jur., financier]

1.Assignation de dot, de douaire.

...les forteresses que son pere le roy de Navarre tenoit en Normendie tant de son propre domaine que de l'assiette du mariage de sa femme (Chron. Valois L., c.1377-1397, 266)

...se la femme muert, les hoirs de la femme tendront ledit heritage jusques il soit desreaus ou en baillent argent ou en rabatent les usfruiz. La cause est que, la vie durant de la femme, l'assiete du mariage est comme gaigiere qui point ne s'aquitte (Cout. bourg. glosé P.M., c.1380-1400, 283)

Ce jour, maistres Gaucher Jaier, Hugues Le Coq et Lucian du Croquet (...) sont commis à faire l'assiete d'icellui doaire (Fauq., II, 1421-1430, 362)

2.Assiette/assiette (...) de terre. Affectation d'un bien-fonds (principalement de terre) au paiement d'une rente. (Le revenu de la terre sur laquelle on fait une assiette correspond au montant de la rente promise).

...certaine assiete eust esté faite au temps de nostre très chier seigneur le roy Charles, que Dieu absoille, à maistre Johan Cerchemont, ou temps qu'il vivoit, de quatre cenz cinquante livrées de terre (Doc. Poitou G., t.1, 1332, 400)

...Robert Le Capelain, eu temps que il vivoit, eust donné, afin de héritage, au priour et as frères de l'ostel-Dieu de Coustances, deux bouisseaux de fourment (...) et onques assiete n'eust estoy faite du dit fourment (Cartul. Hôtel-Dieu Cout. L., 1361, 173)

Le roy de Navarre monstra comme le roy de France avoit baillié en assiete de terre Montpellier et les appartenances pour la conté de Longueville, Mante et Meullent (Chron. Valois L., c.1377-1397, 223)

Assiete de terre en Bourgoingne. Premierement de hommes. Pour asseoir terre en Bourgoingne convient regarder, ce c'est en hommes taillables à voulenté, combien a valu la taille en VII ans derrains passez et mettra on la somme de VII ans toute ensemble, et puis partie en VII parties, et sera assise pour la valeur de la VIIe partie ; et se ilz sont mainmortables, l'en doit prisier la mainmorte le Xe de la revenue par an en assiete (Cout. bourg. glosé P.M., c.1380-1400, 285)

...lesdiz habitans et parroissiens sont tenus faire par chacun an au seigneur de Maulevrier certaines rentes et faisances, auquel ou à ces successeurs elles furent bailliés anciennement par les predecesseurs roys de France en assi[e]te par eschange de terre. (Hector De Chartres, Cout. R., 1398-1408, 141)

...monseigneur de Nevers recompensera monseigneur d'Orleans de cinquante cinq livres parisis de rente assises en un lieu bien et convenablement, laquelle assiette ledit monseigneur de Nevers sera tenu faire dedens un an en aucune des terres escheues audit seigneur (Trés. Reth. S.L., t.2, 1410, 647)

...laquelle rente il eust promis asseoir eu pais d'Angleterre en ladicte conté de Hartford en bonne et souffisant assiecte (Rouen temps Jeanne d'Arc L., 1428, 131)

...heritaiges en assiecte de certaines rentes ou ypothecques (Cout. instit. Anjou Maine B.-B., t.2, 1437, 316)

Rente à assiette du pays. Rente fixée selon l'estimation valant pour une région.

...une maison appellé la Sale Berthelot o son appartenance, avecques le bordaige de la Giletiere et le fié des Vignes, tenans à la dite maison, assis en la chastellenie de la Garneche, les quelles puent monter douze livrées de rente à assiete du païs (Doc. Poitou G., t.2, 1345, 289)

...sy lesdites terres ne valoint lesdites dous mille livres de rente à assiète et coustume des pais où elles sont cisses, ladite dame Anne eut promis ce que en deffauldroit les parfaire et embailler assiète en ses autres terres (Cartul. Laval B., t.5, 1433, 74)

3.Répartition d'un impôt.

Si vous mandons et commandons et, se mestier est, commettons que selonc l'assiète particulière qui sera sur ce faite par le viconte d'Avrencez (...) vous levez, cuilliés et recevés tantost et sans aucun délay, par telle manière que la dite somme soit preste et par vous apportée à Caen (Cuvelier, Chron. Guescl. C., t.2, Pièces diverses, 1372, 413)

Et pareillement sçavoient bien combien chascun maisnage debvoit payer de taille des assiètes qui se faisoient pour la despence d'ycelle guerre. (Monstrelet, Chron. D.-A., t.5, c.1444-1453, 233)

...si avoit levé [Jacques Cuer] et exigé sur ladicte marque des Genevoys la somme de 6.000 escuz d'or, soubz umbre de ce qu'il disoit que c'estoit pour distribuer entre les commissaires qui avoient vacqué à l'assiete de ladicte marque, et paier les autres fraiz et despences faictes en la poursuite d'icelle marque, combien qu'il n'en ait riens baillé. (Aff. Jacques Coeur M., 1453-1457, 10)

... [les gens des finances] nous ont dit que pour ce (...) que l'assiete desdiz impostz n'estoit pas egalle (...) vous vous en pourrez informer (Lettres Louis XI, V., t.2, 1465, 263)

Faire l'assiette

Et sera le sire d'Acigné ou monsieur Sequin Lenffant moien à ordenner en ce où les ditz asseours seroint à descort en faisant la dicte assiete, paine de mil livres sur ce apposée (Cartul. Laval B., t.2, 1334, 186)

...icelle ville de Lille, sans lesdiz supplians avoir esté présens à l'assiette faire, ne y mis consentement, ait esté assise à la somme de neuf cens escuz de trente gros nouvelle monnoie de Flandres l'escu, qui est trop grande et excessive près de la moitié, selon l'estat et faculté de la dicte ville (Hist. Lille T., t.2, 1415, 493)

Et s'aucun desdis arbalestiers fault ou reffuse a venir au mandement de leur dit maistre et a contribuer a aucune assiete faicte par ledit maistre (Rouen temps Jeanne d'Arc L., 1421, 39)

...a l'assiete que ilz [les gens d'église] feront par maniere de chappitre ou esglise pour chascune prebende, qui est chose temporelle, chascun chanoine ne payera que VIII ou X s. (Juv. Urs., Nescio, 1445, 512)

Répartition (dans les différentes paroisses d'une ville) des hommes de troupe à entretenir.

Item. Et pour avoir aucun advis en quelque équalité en l'assiette desdiz Archers, mettront un Archer en chacune parroisse ainsi que raisonnablement elle pourra supporter (...) Item. Et pour ce que en l'assiette de ces Archers ne peult pas estre telle équalité gardée comme en partaige d'argent, lesdiz Commissaires et Esseux, ne prandront pas garde à trois, quatre, cinq, six Feuz plus ou moins, soit en nombre ou en puissance. (Ordonn. rois Fr. B., t.14, 1448, 3)

4.Redevance, impôt.

...que il, tantost et sanz delay, non contrestant mandement ou priere aucune faite au contraire, lievent ou facent lever par les deputez de la ville à ce faire les assietes ou imposicions qui seront mises sur les gens de ladite ville pour paier lesdiz fraez (Phil. Vi Valois, Doc. paris. V., t.1, 1337, 292)

Item, ont franc pasturage pour leurs bestes et pasnage pour leurs pors quant il eschiet pasnage, par païant plain pasnage ; et ceulx du fieu de Bréautté en donnent chacun an IIII d. t. d'assiette. (Hector De Chartres, Cout. R., 1398-1408, 185)

...lesquelles [lettres d'exemptions d'impôt] avez enterinées, selon leur forme et teneur, sauf et reservé que, en tant que tombe l'assiete et impost mis sus pour ceste presente année (...) pour le paiement des gens d'armes, et le IIIIe baillé à ferme (...) appartenant ausdits religieux, est dit par voz lectres qu'ilz se cueilleront et leveront en icelle ville pour ladicte année (Lettres Louis XI, V., t.5, 1474, 269)

D. -Au figuré.

1.[À propos d'une pers.] État d'âme, disposition d'esprit.

Le comte d'Eu arrière redoubla sa parole-ici, en plus aigre assiette, et dit... (Chastell., Chron. K., t.5, c.1456-1471, 121)

2.[À propos d'une chose]

a)Forme.

Estre à l'assiette. Être de la forme voulue.

Ainsiqu'il est dit ou quart chappitre, ilz sont aucuns accidentaulx des Monnoies dénommées et prins du forgeur ou du lieu où elles sont forgées, et iceulx sont peu ou guères à l'assiette (Oresme, Monnoies W., c.1365, XXXIV)

Donner assiette à qqc. Assurer une certaine tenue, une certaine stabilité.

...qu'ils [les notaires] ayent pratique en la science, par quoy ils scachent donner ordre et assiette aux procés dont ils auront la charge (Très anc. cout. Bret. P., Textes divers, 1455, 424)

b)Manière, façon, mode (de langage).

La seconde des cinq qui touche à qui il veult adrecier ses parolles, c'est que autrement appartient à un prince parler à ses pareulx ou un pou mendres et d'autre assiete de langaige que ne fait à ses propres subgiéz (Chr. Piz., Paix W., 1412-1413, 166)

Et en effet, luy seul, à part luy, s'enferma en une garderobe atout de l'encre et du papier, et là composa et articula sa response, telle que devoit faire, et de quoi tout homme luy donna los après, de la forme et de l'assiette. (Chastell., Chron. K., t.5, c.1456-1471, 427)

Toutesvoyes, se j'ay empris et par commandement de narrer la substance du mistere et les parolles en rude assiete selon moy, n'ay promis toutesvoies, et de ce je me descharge, d'ensievir le noble docteur Bocace en son hault glorieux parler (Chastell., Temple Boc. B., 1463-1464, 197)

c)Valeur monétaire fixe ou stable.

...et toutesfois ilz [les Postulas] sont de si bas aloy que mendre ne se pourroit trouver ; et, encores, qui pis vault, irréguliers (...), et n'y a aucune vraye assiète ou pied, sur quoy on se puist actendre. (Oresme, Monnoies W., c.1365, IV)