MISERICORDE

substantif féminin

[GD : misericorde, misericorde ; GDC : misericorde ; AND : misericorde ; DECT : misericorde ; FEW (VI-2, 170a-b) : misericordia ; TLF (XI, 887a) : miséricorde]

I. -Pitié, compassion ; clémence, indulgence.

A. -Pitié, compassion qui porte à soulager la misère.

Et qui peut, dame, raconter Com doulcement en vous [Marie] s'acorde Pitiez avec misericorde ? (Mir. emp. Julien, 1351, 225)

LE BOURGOIS. (...) E ! Mere Dieu, de voz doulx yex, Qui plain sont de misericorde (Mir. enf. ress., 1353, 4)

...pour ce est elle proprement dite mére, qui ses benefices ne refuse a nullui, ne onques, selon ses misericordes, ses loenges et ses beneurtés, a aucun ne deffailli. (Mir. femme, 1368, 182)

Et pour ce, dame, euvre le saing de ta misericorde, si que de ta planté prengnent li chietif redempcion, li malades curacion, li pecheur pardon et li triste consolacion. (Mir. emper. Romme, 1369, 242)

Mais l'en a de telz gens pitié et misericorde. (Oresme, E.A., c.1370, 200)

[Le poète s'adresse à la Vierge] Hé ! fonteinne de concorde, La duis de misericorde, Ruissiau qui leve et racorde Mains pecheurs, fluns de douçour, Oy ma clamour : Fais que pechiés ne me morde (Mach., Les lays, 1377, 412)

Et car saint Pol n'a pas perdue ceste compassion et misericorde - pour ce [c]il est en paradis -, mais est plus parfaicte, supplions luy fyablement qu'il nous vueille nourrir et gouverne[r] comme ses propres enfans ou orphenins jusques a ce que nous soyons parcreuz et parfais en l'amour de Dieu et confermez en gloire. (Gers., P. Paul, a.1394, 508)

Dit Jhesu Crist que ung pere ne bailleroit jamais a son enfant, qui demanderoit a mengier, ung serpent en lieu de pain : ce ne seroit pas misericorde. (Gers., Purif., 1396-1397, 59)

Thibault, comte de Champaigne, fut en ce temps, pere des orphelins et des euvres de misericorde et des pelerins. (Simon De Phares, Astrol., c.1494-1498, f° 116 v°)

Pour Dieu, sire, ayez pitié de moy et de mes povres enfans et estandés vostre misericorde, et à tousjours mais ne cesserons de vous servir et de prier Dieu pour vous, auquel supplie que par sa grace, Sire, vous doint très bonne vie et longue et acomplisement de tous voz bons et haulx desirs. (Le Clerc, Interp. Roye, c.1502, 369)

Pour misericorde. Par pitié.

L'ABBÉ. Biaux seigneurs, pour misericorde, Dites, n'avez vous pas oy D'une voiz qui passe par cy Ce qu'elle a dit ? (Mir. st J. Cris., c.1344, 301)

Sans misericorde. Sans pitié.

Et puis se bouterent les gens de guerre estans dedens ledit Morat avecques les autres de ladicte armée de mondit seigneur de Lorraine dedens le parc dudit de Bourgongne, où ilz tuerent tout ce qui y fut trouvé et sans misericorde aucune. (Roye, Chron. scand., II, 1460-1483, 20)

LE JUIF. (...) Se ung juif parjure estoit trouvé, De nous il seroit reprouvé Et pugny sans misericorde. (Mir. st Nic. juif, c.1480-1500, 89)

B. -Clémence, indulgence.

1.[Humaine]

A faire bien un jugement Fault deux choses : premiérement Justice et puis misericorde, Car raison veult et droit s'accorde Que les maufaitteurs on pugnisse, Mais bon juge en faisant justice Doit avoir touzjours, bien s'i gart, A misericorde regart Aussi conme il a a justice. (Mir. marq. Gaudine, 1350, 148)

Si amendera son meffait A vostre gré et à mon dit ; Et, biaus fils, vous savez qu'on dit, Et toute raison s'i acorde, De pecheur misericorde. (Mach., P. Alex., p.1369, 238)

Et disoit par son serement que c'estoit le premier mordant que il eust oncques copé, en requerant sur ce grace et misericorde audit maistres Jehan Truquam. (Reg. crim. Chât., I, 1389-1392, 185)

...et, pour ce, requiert lui estre sur ce faite grace et misericorde par ledit mons. le prevost et conseil, qui presens estoient. (Reg. crim. Chât., II, 1389-1392, 161)

...car le prince qui n'a justice en soy ne misericorde, se puelt dire umbre sans corps, qui peu dure et trespasse comme riens. (La Sale, Salade, c.1442-1444, 8)

Misericorde aux penitens, Quant ilz sont confés touteffois, Bon gré, maulgré, les maulx contens Doibvent avoir plus de cent fois. (La Vigne, S.M., 1496, 485)

Sire, ne souffrés que autre que vostre misericorde, clemence et pitié soit juge de ma cause, ne autre que vous vous plaise, pour honneur de Nostre Dame, n'en ait congnoissance. (Le Clerc, Interp. Roye, c.1502, 369)

[Exclamation]

LE PREVOST. Monseigneur, av'ous point (i)cy veu Ung homme requerant franchise ? LE PRESTRE. J'en ay veu ung en ceste eglise Fort esmeu. LE CHARTIER [qui a écrasé le chrétien] . Ha, misericorde ! LE PREVOST. C'est raison que n'en te l'acorde. LE CHARTIER. Je l'ay fait ignorantement. (...) En ce lieu mercy le luy crie [à saint Nicolas] , Magnifie, Mais du crime me purifie, Car il dormoit emmy la place. Mon offense du tout efface, Me reface Tellement que j'aye sa grace Et, puisqu'il m'a sauvé la vie, En ce lieu je le glorifie. (Mir. st Nic. juif, c.1480-1500, 150)

Par misericorde

Mais je vous prie, par pitié et par misericorde, qu'il vous plaise a moy donner la vie de Olivier, car, veue la vaillance de lui, et aussi consideré qu'il n'a coulpe en la trahison, ce seroit moult grant dommage de sa mort, car encore pourroit il faire des biens assez. (Arras, c.1392-1393, 65)

Avoir misericorde de qqn

Voir est c'on doit pugnir le vice, Sire, mais du malfaitteur voir Doit on misericorde avoir Pour tant qu'il est ou homme ou femme. (Mir. marq. Gaudine, 1350, 148)

Requerir misericorde. Demander pardon (à qqn).

LA DAME. (...) Si vous requier misericorde A vous touz ; ne sçay plus que dire. (Mir. enf. ress., 1353, 47)

2.[Divine] Bonté par laquelle Dieu pardonne aux hommes.

LE BAILLIF. (...) Dieu mercïer De ses vertuz et li loer De sa tresgrant misericorde. (Mir. enf. ress., 1353, 71)

Ne reserve pas tes pitez Mal pour moy pardurablement, Et moy, non digne, a sauvement Menra ta grant misericorde ; Si te promet, sire, et t'acorde Que tu seras de ma partie Loëz tous les jours de ma vie (Mach., C. ami, 1357, 55)

Aussi ont maint autre preudomme, Qui n'ont pas vaillant une pomme. Se cils qui est princes et sires Des rois, des resnes, des empires, Par sa tres grant misericorde Envers tels gens ne se racorde, De tels en y avra, ce cuit Qui empetreront dou mal cuit. Mais piteus et misericors Est toudis a l'ame et au corps. (Mach., F. am., c.1361, 186)

...beneois soient les misericors, car il avront misericorde (Jean Golein, Rational B.D., c.1370-1372, 595)

...le meffet vous [Remondin] veulle pardonner Cellui qui est vray et tout puissant pardonneur et le droit fons de pitié et de misericorde, car, quant a moy, je [Mélusine] le vous pardonne de bon cuer. (Arras, c.1392-1393, 257)

Receu avons misericorde Qui les pecheurs a Dieu accorde, vel sic : Sire, nous avons receu ta misericorde ou milieu de ton temple. Or pleut a Dieu que, dedans le temple espirituel de nostre cuer, nous receussions maintenant telle misericorde, que nous eussions mercy et pitié de nous meismes et de nostre ame, comme l'admonneste le Saige (Gers., Purif., 1396-1397, 59)

Sire, monstre nous ta misericorde, et nous donne ton salut ! (Gers., Purif., 1396-1397, 62)

'...Qui pourroit comprendre les sens de nostre Seigneur, sa justice et sa misericorde ?' 'O vray Dieu tout juste et tout puissant, monstrez envers moy, vostre povre creature, la doulceur de vostre misericorde, non pas la rigueur et la severité de vostre justice, car en moy n'y a riens qui le peut soustenir...' (Gers., Trin., 1402, 164)

On querra voye humaine et naturelle, et, se elle fault, n'y fault fors demander la misericorde de Dieu par bien vivre et soy corrigier, non pas pour recourir a son contraire. (Gers., Noël, p.1404, 308)

...sa misericorde, qui ne puet faillir, durera par tous siecles. (Chr. Piz., P.V.H., 1416-1418, 28)

...si par sa misericorde il [Dieu] nous demonstre ennuyt, comme les aultres precedentes, nous ferons tant qu'il en sera loé. (C.n.n., c.1456-1467, 102)

...si n'est la misericorde de Nostre Seigneur, a qui me recommende, il me sera en l'autre monde bien cherement vendu. [Une pécheresse repentante] (C.n.n., c.1456-1467, 328)

'Il convient que par pluseurs temptations et tribulations nous entrons ou royaume des cieulz.' Ez premiers deux cas Dieu excercite et demonstre sa justice, es deux aultres sa misericorde. (Somme abr., c.1477-1481, 178)

GABRIEL [à Sathan] . En Enfer va braire et crier. Dieu si luy fait misericorde. (Mir. st Nic. juif, c.1480-1500, 146)

Demander misericorde

Oués de tous pecheurs la voix, Qui demandent misericorde ! Nous te [l. t'en] prïons a grans effrois, Tire nous par ta doulce corde ! (Pass. Auv., 1477, 217)

Huile de misericorde. Voir huile

II. -[Sens concrets]

A. -Salle du couvent où mangent ceux que l'on nourrit par charité.

Remarque : Doc.1452 ds GDC X, 158b.

B. -Dague, poignard (par lequel on donne le coup de grâce).

...Les dras qu'il sieut vestir, quant il aloit vivant, Ardoient en un feu, je le vous acréant, Pour che qu'en l'autre chiècle fuissent leur dras vestant ; Chemise, cote, et braies, n'alioient obliant ; Coutel, misericorde, et espée trenchant(,) Et lit, pour chus couchier, aloient-il ardant. (Baud. Sebourc B., t.1, c.1350, 301)

...Et saing le branc d'aicier qui mal estoit burnis, Espoy, misericorde ait a son costeit mis (Lion Bourges K.P.F., c.1350, 127)

...Vers la forest s'en va et o lui volt porter Une hache danoise qui tranche et reluit cler, Et deux misericordes pour la beste berser (Tristan Nant. S., c.1350, 125)

...chascune [pucelle] ot au lez Espié, misericorde, ou baston ou tinés. (Tristan Nant. S., c.1350, 616)

...convint le dit Jehan entrer en se maison et clore sen wis ['huis'] et ses feniestres et appres [l. apprés] chou fait, deut avoir li dis hostes sakiet un coustiel u misericorde et en fraioit [l. feroit] apries le dit Jehan (Arch. Nord, 1352, B 11444, f° 5, IGLF)

...Ogier saichat la misericorde le roy Charlez et le ferit III cou[ps] dessus la mameille (JEAN D'OUTREM., Myr. histors G., a.1400, 27)

Que nul ne comporte espées, misericordes ne autres choses de leur mestier pour la ville de Paris, d'ores en avant, se ce ne sont les pouvres gens qui soyent dudict mestier, qui demeurent ès rues foraines, pour ce qu'ilz ne pevent vendre en leurs hostelz (Ordonn. rois Fr. P., t.16, 1467, 663)

Remarque : GD V, 345b. [P. Cromer]