PARDON

substantif masculin

[T-L : pardon ; GD : pardon ; GDC : pardon ; DECT : pardon ; FEW (VIII, 230a) : perdonare ; TLF (XII, 970a) : pardon]

A. -Action de pardonner (une faute, une offense...).

Pour bon et loial chevalier, Veritable, ferme et entier ; Au neant le gage metez, Et que forment vous repentez De ce que tant en avez fait, Et pardon querez dou meffait. Et vueil que vous li amendez À genous, et plus n'atendez, Car c'est chose qu'il convient faire, Et qui vous est bien necessaire. (Mach., P. Alex., p.1369, 242)

Mais l'ignorance des circonstances singulieres qui sont en l'operacion ou la resgardent, font aucunes fois l'operacion involuntaire, car il y chiet misericorde et pardon ou excusacion, pour ce que celui qui ignore aucune circonstance fait telle operacion involuntairement. (Oresme, E.A., c.1370, 180)

Et requiert lui estre par ledit mons. le prevost faitte grace sur les choses dessus dites, en requerant mercy et pardon. (Reg. crim. Chât., II, 1389-1392, 468)

Et vous, toutes villes rebelles, Et gens qui avez regnié Vostre seigneur, et ceulx et celles Qui pour autre l'avez nié, Or soit après aplanié Par doulceur, requerant pardon ! Car se vous [estes] manié À force, à tart vendrez au don. (Chr. Piz., J. d'Arc, 1429, 39)

...treshumblement luy requeroit pardon et mercy. (C.n.n., c.1456-1467, 516)

Avoir pardon. Être pardonné.

Querez moy aultre moien, si voulez avoir pardon, car cestuy cy ne vous aidera. (C.n.n., c.1456-1467, 516)

Faire pardon. Pardonner.

...de ce [un vol] ladite royne li fist grace et pardon, jà soit ce que elle n'en ait aucunes lettres (Reg. crim. Chât., I, 1389-1392, 323)

Mon nepveu, vous nous demonstrés A nous prochains faire pardon, Veu que de vostre cure ouffrés A ces grans pecheurs ung tel don ! (Pass. Auv., 1477, 217)

Pardon d'amour. Petit texte pardonnant une faute faite par une des personnes engagée dans une relation amoureuse.

...ung tablier, où sont escriptz les pardons d'amours (Comptes roi René A., t.2, 1488, 297)

B. -Rémission, accordée par le roi (ou son représentant), des peines données par la justice pour certains délits.

...sur toutes les choses dessus dictes li vousissions faire grace, remission et pardon mesmement, car le dit Huguet disoit soy estre en nostre sauvegarde (Doc. Poitou G., t.3, 1360, 294)

...si sont au jour d'ui retournez les dessusdiz à requerir l'enterinement dudit pardon et remission (Baye, I, 1400-1410, 56)

Et, par icelui arrest, fut ramené à fait le cas et crimes à lui imposez et la condemnacion jadis contre lui prononcée à Vendosme, durant la vie du bon roy Charles, dont Dieu ait l'ame, et le pardon et grace que de ce lui avoit depuis fait le roy de lui laisser la vie saulve, et que depuis il avoit encores continué de mal en pis, comme ingrat. (Roye, Chron. scand., I, 1460-1483, 316)

Et partant, le roy le renvoya à ses despens à ses pays, et lui donna et octroya telle preeminence qu'il se puist nommer par la grace de Dieu, puissance de faire monnoye d'or et d'argent de bon aloy, aussi bon que la monnoye du Daulphiné, donner aussi toutes graces, remissions et pardons, reservé de heresie et de crime de lese majesté. (Roye, Chron. scand., I, 1460-1483, 338)

Demander pardon

...ledit Maciot Beauté criera mercy en la Court de ceans et demandera pardon au procureur general du Roy des abus et exactions par lui commis et faictes ou prejudice de la chose publique (Fauq., I, 1417-1420, 381)

C. -RELIGION

1.Rémission des péchés.

...la mort qu'il croit et pense aujourd'ui recevoir en remission et pardon de ses pechiez, à la louange de Dieu nostre createur, de sa très-benoite mère (Reg. crim. Chât., I, 1389-1392, 567)

Je, endroit de moi, ai si grande esperance d'avoir grace et pardon enviers Nostre Signeur, se je muir pour che peuple sauver, que je voel estre li premiers ; et me meterai volentiers en purs ma cemise, a nu chief et a nu piés, la hart ou col, en la merchi dou gentil roi d'Engleterre. (Froiss., Chron. D., p.1400, 843)

Et puis encores il y a plus, car quant il voit que tu ne peulx de toy ne par toy releuer de pechie et affin que tu ne desesperes, il te promet indulgence et pardon se tu le demandes. (Cib., p.1451, 189)

NOSTRE DAME. Le hault trosne glorifira ; Pecheurs par luy [saint Nicolas] pardon auront. (Mir. st Nic. juif, c.1480-1500, 102)

[De Dieu, de la Vierge] Faire pardon à qqn / à l'ame de qqn

Sire, il ne me puet estre gueres bien, quant monseigneur mon pere est trespassé de ce siecle. Jhesucrist, par sa saincte grace, lui face pardon a l'ame. (Arras, c.1392-1393, 144)

Ma chiere amie, mon bien, mon esperance, mon honneur, je vous supply, en l'onneur de la glorieuse souffrance Jhesucrist et en l'onneur du saint glorieux pardon que le vray Filz de Dieu fist a Marie Magdalaine, que vous me veulliez pardonner ce meffait, et veulliez demourer avec moy. (Arras, c.1392-1393, 257)

L'ABBÉ. De tous pechez Jhesus pardon vous face, Beau filz Martin ! Qu'esse qui vous amayne En ce couvant ? (La Vigne, S.M., 1496, 359)

Je prie à Dieu qu'il luy face pardon, Et doint au roy trouver homme propice, Qui si feal le serve en son office. Amen. (Le Clerc, Interp. Roye, c.1502, 397)

Bailler/octroyer pardon

Que la mére Dieu nous ottroit Grace et pardon de cest forfait ! (Mir. enf. diable, c.1339, 11)

Dy pourquoy Jhesu Crist ne baille plain pardon a tous, comme pape a sa creacion ? (Gers., Annonc., a.1400, 230)

Demander/requerir pardon (à Dieu, à la Vierge)

Sire, avant qu'aler vous en voie, Vous requier pardon et mercy De ce que je vous ay fait cy (Mir. march. larr., c.1349, 110)

Notez de saint Bernard qui dist au dyable : s'il vouloit demander pardon et dire : Miserere mei, Deus, il luy promettoit pardon ; l'ennemy en rechignant par le demoniaque a haulz cris s'en ala. (Gers., Trin., 1402, 165)

Au prophete [Jésus] vous fault atraire Pour grace demander et pardon, Car il est bien de si bon aire ; Pas ne vous reffusera ce don. (Pass. Auv., 1477, 138)

MATHATIEL. En Jhesus et sa foy je croy Et aussi en sainct Nicolas. Requiers pardon du desarroy Et l'erreur qu'ay eu en ce cas. (Mir. st Nic. juif, c.1480-1500, 152)

LA MERE. Je croy donc veritablement En Dieu qui le monde forma, Demandant pardon humblement Du peché qui trop surpris m'a. Et si mon cueur jadis ayma Ce faulx Mahommet ypocrite Qui en luy trop me refforma, Present je le renonce et quicte. (La Vigne, S.M., 1496, 299)

Toutefoiz des biensfaiz, louenge à Dieu ! et des faultes, nous lui supplions et requerons vray pardon et mercy ; et, quant au surplus, puisque [ce que] nous possidons, se nous le devons ou autant à autruy par quelque droit, n'en doit pas estre jugé nostre, il s'ensuit bien que nous devons aucunement testament. (Le Clerc, Interp. Roye, c.1502, 283)

Demander pardon pour qqn

Vray Dieu, je demande pardom Pour ces pouvres gens qui me bactent. Il sont ignorans et ne sçavent Pas le grant pechié que il font. (Myst. st Sébast. M., c.1450-1500, 193)

Coment vous estes gracïeux, Mon bon maistre, mon redempteur, Qui pour ces felons vicïeux Pardon demandés au createur, Combien qu'il soyent esté l'acteur De la poine que vous souffrés. (Pass. Auv., 1477, 216)

En pardon de

Or vueil aler a confesse De ma fole hardiesse, (...) A Venus qui est deesse Et souvereinne maistresse (...) Qui moy de blamer ne cesse Dou pechié de la rudesse Que j'ay fait par ma simplesse Contre Amours ; si m'en confesse, Et Vesta dira la messe En pardon de mes meffais, Qui des nimphes est prestresse. (Mach., Les lays, 1377, 441)

Proverbe.

A peu d'amour, petit pardon [Cf. Luc 7, 47 : 'Ses nombreux péchés ont été pardonnés, car elle a beaucoup aimé. Mais celui à qui on pardonne peu aime peu.'] . (Pass. Auv., 1477, 154)

2.Absolution, rémission (partielle ou totale) des peines dues aux péchés accordée par un ecclésiastique, indulgence.

Et s'il venoit aucun noble homme De France, d'Espaingne ou de Rome, De Lombardie ou d'Alemaingne, Ou d'Angleterre ou de Sardeingne, Ou de quelque part qu'il venist, À son pooir il convenist Qu'il li annunçast les pardons, Par douce priere et par dons, De ce devost pelerinage Qu'on apele le saint voiage ; Et ce li faisoit entreprendre, Et puis apres son ordre prendre. (Mach., P. Alex., p.1369, 12)

La IXe question : Puet on acquerir pardons pour les mors ? Response : Je tiens que non, car pardons sont ordonnez a ceulz qui se soubmettent a la court de misericorde qui est icy et qui dure jusques a la mort, non pas aprés la mort. (Gers., Déf., 1400, 237)

Et fist publier ledit evesque les pardons qu'il avoit octroié et octroioit à ceulz qui seroient en estat esdictes processions et prieres, et à tous ceulz qui vouldroient perseverer esdictes prieres durant le siege de Meurlent. (Fauq., II, 1421-1430, 88)

...mais je viens a vous, vicaire de Dieu, pour vous requerir pardon et mercy des offences que j'ay tant faictes a mon Sauveur. (La Sale, Salade, c.1442-1444, 104)

Indulgence accordée par le pape.

Premièrement (...) en doit-on rendre grâces à Dieu (...) Le temps aussi le devoit en partie ; car c'estoit celuy de l'année du grand pardon général, de Romme, qu'on appelle communément l'an du jubilé ou jubilate. (Chart. J., Chron. Ch. VII, V., t.2, c.1437-1464, 234)

...l'année des pardons de Romme (Doc. 1448. In : ESCOUCHY, Chron. B., t.1, c.1453-1460, 272)

L'année du pardon de Romme nagueres passé estoit ou Daulphiné la pestilence (C.n.n., c.1456-1467, 347)

Item, et au mont de Montmertre, Qui est ung lieu moult ancïen [où il y a une abbaye de femmes] , Je lui donne et adjoincts le tertre Qu'on dit de mont Valerïen [où il y a un hermitage] , Et oultre plus un quartier d'an Du pardon qu'apportay de Romme ; Sy yra maint bon chrestïen En l'abbaye ou il n'entre homme. (Villon, Test. R.H., 1461-1462, 122)

Grand pardon. Jubilé, indulgence plénière accordée par le pape à intervalles réguliers à tous ceux qui viennent en pèlerinage à Rome et y accomplissent certains rites.

Jusque a Romme ne resterons, Pour aquirir le grant pardons ; Aussy l'avons nous en panssée. (Myst. st Bern. Menth. L., c.1450, 54)

Bulle de pardon

...la somme de cent escuz d'or, du pris de 3 frans 10 solz 8 deniers parisis monnoye royal chacun escu, qui deue lui estoit par mondit seigneur et laquelle il lui avoit prestee pour l'expedicion et delivrance de certaines bulles de pardons et indulgences que Nostre Saint Pere le Pappe a octroyes à mondit seigneur et à madame la duchesse (Comptes Etat bourg. M.F., t.1, 1420, 487)

Jour(s) de pardon(s). (Nombre de) jour(s) de rémission consenti(s) moyennant les pénitences imposées.

Jadiz, Sire, en tele glorieuse journee, comme est [c]e jour de la Penthecouste, le jour de perdon et remission, le jubilé de grace, les apostres et les disciples avecque la benoite Vierge Marie estoient enfermez pour la paour des juifs dedens l'ostel (Gers., Pent., p.1389, 74)

Et sont les jours de pardons pris pour les jours des penitences enjointes. (Gers., Déf., 1400, 237)

Trestous ceulx qui vouldront sunner Ma vigile, et celebrer, Ilz aurunt troyes et porceaulx A grans tas et a grans monceaulx ; Et tous ceulx qui celebreront Le jour de ma feste, acqueront Troys cens jours au moins de pardon. (Janot Jan. A., c.1450-1500, 149)

Gagner les pardons. Obtenir des indulgences par un pélerinage.

...le clerc d'[un] village du diocese de Noyon, pour impetrer et gaigner les pardons que furent a Romme (...) se mist a chemin (C.n.n., c.1456-1467, 283)

Par plaisanterie. [Cont. grivois] Avoir un rapport sexuel (pour une femme, avec un religieux).

...aux Cordeliers s'en va la vaillant femme pour (...) gaigner les pardons, comme assez avoit de coustume. [Elle est la maîtresse d'un cordelier] (C.n.n., c.1456-1467, 264)

Si avoit trop meilleur et plus seur loysir sa dame nouvelle de venir gaigner les pardons en sa chambre [De la nouvelle maîtresse d'un moine] (C.n.n., c.1456-1467, 274)

3.Lieu ou fête où se gagnent ces indulgences.

Nous avons en tant de pardons Esté et passé tantes illes Et braz de mer et bonnes villes Que ne les sarions raconter (Mir. st Alexis, 1382, 328)

Et ne cuide point nulle, tant soit grant maistresse, que ce soit honte ne contre son estat d'aler devotement et humblement aucunes fois visiter les pardons, les eglises et les sainctes places (Chr. Piz., Trois vertus W.H., c.1405, 39)

Item, que les oublayers de ladicte ville de Paris et des fourbours d'icelle, qui s'entremettent de aler faire gauffres aux pardons des eglises, estans en ladicte ville et fourbours, ne pourront faire icelles gauffres a pardon, qu'ilz ne soient distans l'un de l'autre de deux toises et plus, pour eschever aux perilz et inconveniens qui s'en pourroient ensuir, et ce sur les paines que dessus. (Mét. corp. Paris L., t.1, 1406, 376)

...tous coquins qui encore estoient ou Chastellet de Paris, qu'on gardoit pour certaines causes, et par espécial jusques à ce qu'on eust peu prendre certains autres coquins qui estoient de leur bande et ligue, qui hantoient les pardons en plusieurs et divers lieux de ce royaume (Chart. J., Chron. Ch. VII, V., t.2, c.1437-1464, 68)

À Jehan Bourgin, chappelier d'Angiers, quarante solz pour achat de quatre chappeaux noirs, pour quatre paiges dudit seigneur, quant il alla au pardon à Saint-Denis (Comptes roi René A., t.2, 1451, 386)

L'andemain mercredi que recommença le pardon Madame y retourna pour les acquerir. (La Sale, J.S., 1456, 256)

...elle ala oudit an à Poictiers au pardon qui estoit et est en l'eglise Monsieur Saint Hillaire le Grant de Poictiers, par chacun an, en chacune feste de sa translacion, et ilecques soy confessa dudit cas et autres ses pechiez à ung penitancier qui luy bailla penitance pour iceulx (Doc. Poitou G., t.10, 1458, 87)

...les pardons d'Ays en Allemaigne s'approchoient fort (Chastell., Chron. IV, D., c.1461-1472, 296)

...couroient novelles par tout que le daulphin, filz du roy de France, s'en alloit pelerin aux pardons d'Ays. (Chastell., Chron. IV, D., c.1461-1472, 296)

Aux mariniers qui nous ont passé et repassé le port, à aller et venir à Saint-Victor, le jour des pardons (Comptes roi René A., t.3, 1480, 247)

Et Dieu, mon seigneur saint Voisin Et saint Trotet, ses deux sains peres, Sa ou s'en vont noz commeres Au pardon ou pelerinage ? (P. Jouh. D.R., a.1488, 32)

4.Par extension. Fête du saint patron du lieu.

Remarque : DESCH., M.M., c.1385-1403, 126 ; 136.

5.Fête, réjouissance.

Remarque : DESCH., Oeuvres Q., t.3, c.1370-1407, 89.

Pardon d'armes. Tournoi.

Remarque : FROISS., Méliad. L., 1373-1388, gloss. (ou par oppos. à la bataille où l'on ne fait pas grâce de la vie ? V. pardonner C 1).

D. -Locution adverbiale. En/ou pardon. Comme non avenu (tout comme ce qui est pardonné), en vain, en pure perte.

Après Grace, Pitié revient Qui moult doucement se maintient, Et dit que Cruautez a tort Qui l'amant vuet mettre a la mort, Pour ce qu'il a rouvé le don De la joie, car en pardon Ne doit mie tousjours servir, Et qu'il fait mal de retenir Son guerredon et son salaire (Mach., D. verg., a.1340, 44)

Si pri Amours et ma dame honnourée Qu'à moy vueillent faire ceste parçon, Que, se ma dame est de moy miex amée, Qu'elle me laisse vivre en sa prison ; Mais je croy bien que la serf en pardon : Si m'en convient dure mort endurer, Quant je li voy autre que moy amer. (Mach., L. dames, 1377, 71)

Et li arme s'en va en infier o pardon. (Jourd. Blaye alex. M., a.1455, 283)

Remarque : DESCH., Oeuvres R., t.8, c.1370-1407, 183.