REMISSION

substantif féminin

[T-L : remissïon ; GDC : remission ; FEW (X, 242b) : remittere ; TLF (XIV, 757a) : rémission]

[Correspond à remettre III ; idée de retour en arrière, d'amoindrissement, d'annulation]

A. -Amoindrissement, affaiblissement de qqc..

Premierement, se le ciel estoit meu irregulierement, il convendroit que son mouvement eust intension et enforcement ou accressement de isneleté, et que il eust vertu et estat de sa plus grant isneleté et remission ou afflebiement de elle (Oresme, C.M., c.1377, 412)

MÉDECINE Retenue, diminution.

Item vecy signes mortelz en ictericie : intencion de jaunisse ou corps et remission de l'orine sans aulcune allienacion et insomnité, ablacion d'appetit et mollificacion de nerfz mouvans la langue (Gordon, Prat., c.1450-1500, VI, 6)

Faire remission de qqc. Renoncer à l'ajout de qqc., supprimer qqc..

Et ou je verrai qu'il ara repeticion d'une meismes chose (...), je ferai remission (Raoul De Presles, Genèse P., c.1375-1380, 80)

B. -[Dans le temps ; idée d'annulation d'un terme et de renvoi à plus tard]

1.Action de remettre à plus tard.

Li convient grant estat mener [au Pape] (...) A moult de ses addicions Puet avoir grant remission (Dupin, Mélanc. L., c.1324-1340, 48)

Sans remission. Sans tarder.

Aveuc ce je li ai promis Que tousdis serai ses amis Et qu'autre jamais n'amerai. Si que ainsi sans amour serai, Que li n'autre ne veuil amer ; Si que je me porrai clamer Des hommes le plus dolereus Et le tresplus maleüreus, Qu'onques mais ne fui sans Amour Qu'elle en moy ne feÿst demour ; Et s'arai perdu ma sciance, Car (ja) mais ne ferai sans doubtance Balade, rondel, virelai, Biau dit, biau chant n'amoureus lai ; Ne mais aprés ceste retraite Mes cuers n'ara joie parfaite, Ains sera merancolieus, Tristes, pensis et en(n)vieus De morir sans remission. (Mach., Voir, 1364, 662)

2.Cessation.

Avoir remission de + inf. Cesser de.

Et mouvoir ainsi continuelment sanz vacacion et sanz cesser et sanz avoir remission ne repos de vaquer a prudence ou a speculacion, ce n'est pas bonne vie. (Oresme, C.M., c.1377, 304)

C. -Remise de peine ; pardon ; dispense.

1.Remise de peine, grâce accordée à un coupable.

...et ou cas que aucune des dictes parties voudroit, ce qui ja n'aviengne, contre les choses dessus dictes ou aucunes d'icelles [venir], la partie qui vendroit encontre, sera et voelt estre contrainte par le roy nostre seigneur ou par nosseigneurs qui lors tendront son Parlement, à tenir, acomplir, enteriner et fermement garder les choses dessus dictes, sanz aucun empeschement ou condradicion, et sanz demander aucune remission à autre juge. (Doc. Poitou G., t.3, 1350, 39)

Quartement, se le souverain ne veult recevoir la remission, cestui doit non condempner et absouldre l'innocent, comme dit est. (Oresme, E.A.C., c.1370, 319)

...duquel cas, en son joyeux avenement, elle lui fist grace et remission (Reg. crim. Chât., II, 1389-1392, 400)

Ce jour dessusdit, après ce que les dessusdiz procès furent receuz, fu debatue la grace ou remission presentée par messire Charles de Savoisy (Baye, I, 1400-1410, 56)

...si sont au jour d'ui retournez les dessusdiz à requerir l'enterinement dudit pardon et remission (Baye, I, 1400-1410, 56)

...n'en voult oncques ouir requeste de remission, ains tantost commanda qu'il fust pendus à un arbre à le veue de tous (Chr. Piz., Paix W., 1412-1413, 100)

Pareillement vïolateurs, Vïolentement oppresseurs De filles, femmes sans respit, Selon les droitz et vray edit Encourent crime capital ; Et au cas semblable et esgal, Gens obstinez, felons, et fiers, Guetteurs de chemins et meurtriers De faict et d'aguet, loy et raison Si les privent de remission (Myst. jeune fille L., c.1413-1445 [c.1530], 70)

...il se partit du païs et manda vers le roy querir sa remission, laquelle il obtint de legier. (C.n.n., c.1456-1467, 356)

Qu'apres ma tribulacion Je puisse avoir remission Et aussi de bref allegance Sans estre en desolacion, Par la vostre permission, Donnez moi plaine delivrance. (Myst. siège Orléans H., c.1480-1500, 101)

Lettre de remission. Lettre patente par laquelle le roi accorde à un coupable la rémission de son crime.

Pour occasion du quel fait le dit suppliant, pour doubte de rigueur de justice se feust absentez et trait par devers nous ou nostre court, sa dicte femme et ses biens estans en arrest en la juridiction de Fontenilles ; et eust obtenu pour et à cause du dit cas certaines noz lettres de remission en las de soye et cyre vert (Doc. Poitou G., t.6, 1398, 314)

Et avoit ycellui Witart obtenu certaines lettres de remission du Roy nostre sire, desquelles avoit requiz en ycelle Chambre l'enterinement (Baye, I, 1400-1410, 16)

Avoir remission de qqc.

...autrefois il avoit fait autre larrecin, dont il avoit et a remission, qui encores ne lui est pas verifiée, maiz est encore prisonnier eslargi (Reg. crim. Chât., I, 1389-1392, 185)

Et, après qu'ilz orent esté veues, fut recousu et ses entrailles remises dedens, et fut, par l'ordonnance du roy, fait très bien penser, et tellement que, dedens XV jours après, il fut bien guery et ot remission de ses cas, et ot remission sans despens, et si lui fut donné avecques ce argent. (Roye, Chron. scand., I, 1460-1483, 323)

Donner remission de qqc. à qqn

...et entre autres que, quelque chose qu'ilz eussent fait, le roy voulsist estre content d'eulx et qu'il lui pleust declairer qu'ilz n'avoient point failly ne fait chose contre lui dont il leur voulsist donner pardon, grace ou remission, et que le roy de là en avant les afranchist en la maniere qu'il avoit fait ceulx de sa ville de Paris, et plusieurs autres requestes firent au roy, qui leur rendi response que sur tout il y aroit son advis. (Roye, Chron. scand., I, 1460-1483, 152)

Pareillement il donna grace et remission à ung nommé Jehan de la Roche, escuyer, de ce qu'il avoit occis ung homme auquel il avoit donné ung cop en la cuisse d'un espée, dont il morut. (Le Clerc, Interp. Roye, c.1502, 250)

Cependant que ledit grant maistre fut esditz pays de Rouergue, Armignac et pays de par delà, il usa du povoir de lieutenant general du roy, en donnant graces, abolitions, remissions, confiscations et autres telz et semblables explois. (Le Clerc, Interp. Roye, c.1502, 249)

Faire remission à qqn

...grans et enormes crimes, delictz et malefices par luy commis et perpetrez contre le roy et monseigneur le daulphin son filz, ou très grant detriment, prejudice, dommage, destruction et subversion de la chose publicque du royaulme, en descongnoissant plusieurs grans biens, graces, pardons et remissions que le roy luy avoit faitz et tout ce qui faisoit à veoir et conciderer en ceste partie, il sera dict qua laditte court a declairé et declaire icelluy Jaques d'Armignac estre crimineulx de crime de leze majesté (Le Clerc, Interp. Roye, c.1502, 368)

Sans remission. Sans indulgence, sans recours.

Ça, seigneurs, l'empereur me mande Qu'en armes et trespuissanmant Le voise servir tresbriefment Sur tout tant que je suis doubtans De luy desplaire et en tout temps D'amerir sans remission La sienne indignacion (Myst. st Adr. P., c.1450-1485, 46)

SATHAM. Avant, turbe d'enfer, avant ! Mettons dedans nostre convant Ces mauldiz payens qui sont mors ; Tous sont nostres, et arme et corps, Sans quelconque remission. (Myst. st Adr. P., c.1450-1485, 63)

2.Pardon.

...et voiant comment son beau-frère le conte ne pouvoit obtenir rémission de son père à sa très-grand intercession et prière... (Chastell., Chron. K., t.3, c.1456-1471, 247)

Je te requiers remission : Ayes mercy de tes vassaulx. (Prisonn. desconf. C., c.1488-1489, 56)

Sans remission. Sans pardon.

Tu ameras humilitey. Orguil est sens remission. (Dupin, Mélanc. L., c.1324-1340, 162)

Faire remission à qqn. Pardonner à qqn.

Pour ma paine vous vien requerre, Sire, (...) Que vous faciez remission Vostre frére et lui pardonnez Son meffait (Mir. emper. Romme, 1369, 309)

Par vous me soit de Dieu par don Remission faicte et pardon (Mir. fille roy, c.1379, 22)

RELIGION Pardon des péchés.

...En remission des pechiéz. (Liber Fort. G., 1346, 192)

Tu, sires, par douce pité Has promis, selonc ta bonté, Remission et penitence Des pechiés qui nous font grevence. Tu, qui es sires vrais et justes, N'as pas mis penitence aus justes, Ne rien remis de leur pechié, Pour ce que n'ont mie pechié. (Mach., C. ami, 1357, 53)

Jadiz, Sire, en tele glorieuse journee, comme est [c]e jour de la Penthecouste, le jour de perdon et remission, le jubilé de grace, les apostres et les disciples avecque la benoite Vierge Marie estoient enfermez pour la paour des juifs (Gers., Pent., p.1389, 74)

...la mort qu'il croit et pense aujourd'ui recevoir en remission et pardon de ses pechiez, à la louange de Dieu nostre createur (Reg. crim. Chât., I, 1389-1392, 567)

Et pour ce c'est bien fait de baillier penitence en general, que tous ses biens fais se tournent en remission de ses pechiez (Gers., Déf., 1400, 237)

Je vous requier et vous demande Baptesme et remissiom De tous mes pechiés et pardom A jointes mains de tresbon cueur. (Myst. st Sébast. M., c.1450-1500, 143)

Croire en la communion des sains et en la remission des pechiés. (La Sale, J.S., 1456, 38)

Elle, cuidant estre absolue et avoir remission de tous ses pechez (...) bailla ce qu'elle avoit d'argent [Dans un cont. profane ici] (C.n.n., c.1456-1467, 419)

Car il fu donné le cincquantime jour aprez la resurrection pour donner a entendre qu'il est l'acteur de la remission et cellui qui pardonne les pechiéz. Car l'an de la jubilee, qui est le cincquantisme, est deputé et sert a la remission. (Somme abr., c.1477-1481, 121)

Or suis je de tous mes pechez, De quoy j'estoye moult chargez, Asoubz et ay remission Par ce prestrë et vray pardon. (C. Riffl., c.1480-1520, 61)

Lors le sainct Pere (...) Misereatur dist aprés haultement, Et de ceste heure lors generalement A tous confés plains de constricion Qui la estoyent, fist l'asolucion Generalle, tant du long que du lé, Et si donna plaine remission De peine et coulpe, comme en l'an Jubilé. (La Vigne, V.N., p.1495, 238)

Vostre archeuesche en perdrez Des maintenant sans rapellez La vous oste certainement Et vous sera bien autrement. Et soubite mis vous serez Ne iamais nen eschaperez Si on ne vous faict remission (Myst. st Martin K., a.1500, 332)

Donner à qqn remission de ses pechés

Pour ce vous requier (...) que de mes pechiez Vous me doingnez remission Parmy ceste confession Que fait vous ay. (Mir. abbeesse, 1340, 97)

...aus repentans elle [la Vierge] donne de leurs pechiez remission et curacion. (Mir. ev. N.D., c.1348, 60)

Dame, priez Dieu qu'il vous doingne Remission, car, sanz mentir, Au jour d'ui vous convient mourir. (Mir. marq. Gaudine, 1350, 150)

Benoist Jhesus, tu t'es fait mien En prenent mort et passïon, Et a cel'heure m'as fait tien, Quant m'as donné remissïon De mon peché et permission [l. promission] D'avoir ton rëaulme au jour d'uy. (Pass. Auv., 1477, 253)

3.Dispense (de l'obligation de se marier à l'église de sa paroisse).

...et pour remission ou licence de ceulx de ses parrociens qui se iront marier hors de sa parroice, aura ledit curé de chascun chief d'ostel XV solz parisis (Baye, I, 1400-1410, 166)

4.Remise, abandon (d'une imposition).

Et aussi a faillu faire pluseurs remissions et donner pluseurs dilations, qui a esté grant empeschement pour le paiement que demandent les gens du roy d'Angleterre. (Instruct. ambass. Ch. V, D., 1368-1369, 126)