TREVE

substantif féminin

[T-L : trieue ; GDC : trive ; DECT : trieue ; FEW (XVII, 361a) : *treuwa ; TLF (XVI, 595a) : trêve]

[Gén. au plur.]

A. -Suspension provisoire des hostilités en vertu d'un accord entre les parties en guerre, trêve.

...et par raison poet homme bien savoir qe diaux fortz enemys ne poent pas sanz truyeves bien estre herbergeez ensemble en une petite maison pesiblement. (Henri Lanc., Seyntz medicines A., 1354, 26)

Et se ti annemi si fort Sont qu'il gisent par leur effort, Maugré toy, dedens ton païs, Ne soies pas si esbahis Pour riens qui te puist avenir, Que paroles faces tenir De traitié, de pais ou de trieves. Y te vaurroit mieus estre a Trieves Ou a Romme, sans revenir. (Mach., C. ami, 1357, 115)

...par sa confession appert qu'il a conquestés, avant icelles treves entre les deux roys et durant icelles treves, plusieurs forteresses, et aucunes desqueles, qui estoient lors siennes, il a delessiées (Reg. crim. Chât., II, 1389-1392, 206)

Et quant le gallaffre et le soudant virent leurs gens qui estoient traiz a terre, ilz manderent par druchemant au roy Uriien trieves trois jours, et qu'il venist prendre place et se logast et rafrechesist ses gens, et au quart jour il lui livreroit bataille. (Arras, c.1392-1393, 221)

Et s'aucun demandoit dont ce gieu vint premierement et ou il fu trouvés, aucuns dient de ce que un chevaliers grejois moult soubtilz et moult sages appellés Ulixes le trouva devant Troie, pour les nobles gens d'armes qui estoient au siege recreer et esbatre en temps de trieves (Evr. Conty, Eschez amour. mor. G.-T.R., c.1400, 12)

...li rois Edouwars, ...congneut la vaillance de ce roi Robert de Brus, il fist paction et acordance a lui, et demorerent li doi roiaulme d'Engleterre et d'Escoce en trieuves .I. grant tempore. (Froiss., Chron. D., p.1400, 44)

Et pour ce se tint li jones rois d'Engleterre si longement a Evruich que li trettié de ces trieuves estoient. (Froiss., Chron. D., p.1400, 164)

...accors de paix, treves ou quelconques aliances (Chr. Piz., Paix W., 1412-1413, 163)

...lesquelles treves durans, il fist tant qu'il mist lui et son ost hors de peril. (La Sale, Salade, c.1442-1444, 50)

Et pour ce que nous ne nous actendons point d'avoir ralongement de la treve (...) nous vous mandons trés expressement, que... (Lettres Louis XI, V., t.3, 1465-1469, 237)

Lettre de(s) tresve(s)

Et, le lundi ensuivant, XXIIIe jour de novembre, maistre Jehan Prevost retourna de devers ledit seigneur de Charrolois, où le roy l'avoit envoié porter les lettres des trefves qu'il avoit faictes avec lui et pour rapporter au roy la response que ledit seigneur de Charrolois avoit faicte audit Prevost touchant le fait desdictes treves. (Roye, Chron. scand., I, 1460-1483, 195)

Je vous prie que (...) que vous la lettre de la trêve conclue avec Maximilien d'Autriche m'envoyez, car j'en ay necessairement affaire. (Lettres Louis XI, V., t.9, 1481-1482, 78)

Accorder/donner treve(s). Accorder une trêve.

...depuis la trieve ou soufrance qui par nos dis freres, connestable et sire de Cliçon, comme nostre lieutenant, ou aucuns d'eulx, fu accordée et donnée à Lodun ou ailleurs (Doc. Poitou G., t.4, 1369-1376, 185)

Encores il me souvient que en ceste propre annee trieves ont este accordees pour troys ans, sus l'esperance de bonne paix entre nostre jeune roy Charles et son adversaire le roy Richart d'Angleterre. (Mézières, Songe vieil pèl. C., t.2, c.1386-1389, 501)

Si orent conseil qu'ilz requerroient au roy Uriien une journee de traictier sur forme de paix, et le firent. Et le roy Uriien ot conseil que il l'accorderoit. Et fu la journee assignee par accort au tiers jour, entre les logeiz et la ville, et furent les trieves donnees ce pendant, et livrerent bons ostages. (Arras, c.1392-1393, 236)

Dont fu tretié deviers le dit duch de Normendie que il lor vosist donner trieuwes quinse jours, et se la en dedens il n'estoient secouru, il renderoient la forterece ; (Froiss., Chron. D., p.1400, 398)

Tantos que ces trieuwes furent donnees et publiies, li sieges de devant Tournai se desfist et se deslogierent toutes manieres de gens et prissent li chief des signeurs congiet au roi d'Engleterre. (Froiss., Chron. D., p.1400, 458)

Vous avés bien ichi desus oi recorder conment devant Tournai et sus quel fourme les trieuves furent donnees et acordees, et que li doi roi, c'est a entendre de France et d'Engleterre, devoient envoiier en la chité d'Arras prelas et signeurs nobles de lors pais pour tretiier paix (Froiss., Chron. D., p.1400, 460)

Ces trieuwes acordees et jurees a tenir le terme de deus ans tant seullement, li cardinaus de Boulongne retourna a Amiens deviers le roi de France. Et li rois d'Engleterre ordonna ses besongnes et s'en retourna en Engleterre, (Froiss., Chron. D., p.1400, 856)

...alors commencha l'abateis grant et horrible car la ne fu respit ne trieve donnee (Comte Artois S., c.1453-1467, 91)

...nous consentimes (...) pour eviter tous mouvemens de guerre, et les maux qui en peuvent ensuir, de donner treve à nostre cousin le duc de Bourbon et à ses pays, terres et seigneuries (Lettres Louis XI, V., t.2, 1461-1465, 317)

S'accorder à la treve

Ces proumesses ... que li dus de Braibant remonstroit a son cousin le roi d'Engleterre, l'apaisoient grandement et li brisoient ses abusions, ... et s'acorda assés doucement a la trieve. (Froiss., Chron. D., p.1400, 457)

Avoir treves. Obtenir une trêve, être en trêve.

...mais il nous fauldroit, pour touttes seurtez, prendre et avoir une bonne seure trieve à eulx, par quoy le païs se puist asseurer (Froiss., Chron. M., XIV, c.1375-1400, 138)

Nostre roy si a une moult belle fille en l'aage de XV. a XVI. ans, que ly soudans a voulu avoir a femme, et nostre roy ne lui a voulu accorder s'il ne se faisoit baptiser. Et sachiez que nous et le soudant avons tousjours eu trieves, et, par devant, de ses devanciers aux nostres, de si long temps qu'il n'en est memoire. (Arras, c.1392-1393, 94)

Si se porta tretiés que il avoient trieuves .XV. jours, et dedens ce terme, il devoient envoiier deus de lors cevaliers deviers le roy d'Escoce et son consel pour compter lor estat ; (Froiss., Chron. D., p.1400, 222)

'Signeur, nous avons trieuwes meshui, tout le jour, et demain aussi, de l'acort et parole vostre signeur le duch de Normendie.' (Froiss., Chron. D., p.1400, 657)

...et fut ce jour le chasteau tant batu d'artillerie bas et hault, qu'il convint au capitaine estant au dit chasteau sortir pour venir parler au roy en son siege a genoulx, la teste nue, qui estoit ung bel homme, les cheveulx tous blancs, a mains joinctes ; et requist avoir tresves jusques au lendemain, ce que le roy luy ottroya. (La Vigne, V.N., p.1495, 257)

Briser/enfraindre une treve

...je di et voel porter oultre que il a enfraint et brisiet les trieuves que nous avions ensamble : si i renonche de mon costé et le desfie de ce jour en avant. (Froiss., Chron. D., p.1400, 599)

Continuer une treve. Proroger une trêve.

...que mondit seigneur du Maine, en retournant de l'ost desdiz Bourguignons, dist aux portiers de ladicte porte Saint-Anthoine qu'ilz feissent tous bonnes cheres, et que, au plaisir de Dieu, avant qu'il feust huit jours lors à avenir, tous auroient cause de joye et de crier 'Noel.' Et, cedit jour, ladicte trefve fut continuée jusques au mercredi ensuivant. (Roye, Chron. scand., I, 1460-1483, 101)

Crier treves. Proclamer une trêve.

...icellui prisonnier est chargé d'avoir tué et occiz de sa main plusieurs François, puis le temps desdites treves criées oudit pays, et d'avoir fait sauldre les François (Reg. crim. Chât., II, 1389-1392, 203)

Et furent les trieves criees cent ans et ung jour, et en furent les chartres seellees. (Arras, c.1392-1393, 237)

Demander treves

Li dus ... fist dire a ce Jehan que il venist parler a lui as barrieres. Jehans descendi des murs et vint as barrieres et trouva le duch. Li dus li demanda : 'Que voes tu dire ?' - 'Sire, dist il, je vous demande, moi et les miens, trieuves meshui et demain pour la reverense et solempnité dou jour Nostre Dame.' - 'Et ne voes tu autre cose ?', dist li dus. 'Mes Dieus ! non.' - 'Et je le te acorde meshui et demain, et encores le tierch jour apriés.' (Froiss., Chron. D., p.1400, 657)

[Avec faillir, pour marquer la fin d'une trêve]

Qant les trieuves furent faillies d'Engleterre et d'Escoce, li Escoçois ... envoiierent ambassadours d'Escoce, ... deviers le roi d'Engleterre et son consel. (Froiss., Chron. D., p.1400, 202)

Pendant laquelle tresve ne fut faicte aucune guerre de costé ne d'autre ; mais, durant icelle, chacun mist peine de sa part de soy fortifier. Et, durant icelle trefve, y ot plusieurs alées et venues faictes de costé et d'autre et jusques audit jour de jeudi que ladicte trefve devoit faillir, que mondit seigneur du Maine, en retournant de l'ost desdiz Bourguignons, dist aux portiers de ladicte porte Saint-Anthoine qu'ilz feissent tous bonnes cheres, et que, au plaisir de Dieu, avant qu'il feust huit jours lors à avenir, tous auroient cause de joye et de crier 'Noel.' (Roye, Chron. scand., I, 1460-1483, 101)

Et lendemain, qui fut le vendredi .XXV. jour de septembre, faillirent les treves qui estoient entre le roy et le duc de Millan. Parquoy le roy tint son conseil, assavoir mon s'il seroit bon qu'on les prolongeast. (La Vigne, V.N., p.1495, 306)

Prendre treves

Et s'il est qu'on prengne astinences, Trieves ou aucunes souffrances, Pour Dieu ne les vueilles brisier : Trop t'en feroies desprisier, Car vraiement, c'est traïson, Et me doubt que la vengison N'en prenist Dieus, nostre signeur, En corps, en biens et en honneur. (Mach., C. ami, 1357, 112)

Tant fu alé, parlementé et trettié entre ces parties que unes trieuves furent prisses a durer trois ans, c'est a entendre, entre mesire Carle de Blois, ses aidans et confortans, et la contesse de Montfort, qui chief se faisoit de la gerre pour son fil, (Froiss., Chron. D., p.1400, 592)

...certeinnes lettres faisans mention de treves prises, et convenues, et jurées entre le roy de Castelle, d'une part, et le roy de Portugal, d'autre part (Baye, I, 1400-1410, 69)

Prendre treve avec... Négocier la trêve avec.

[Messire Jehan de Croy, ambassadeur du duc de Bourgogne, au roi de France :] A ceste cause, sire, monsr fut meu de prendre treves aveuques les Anglois, car trop grant charge lui eust esté de faire guerre audis Anglois et avoir affaire aussi a voz gens. (Chastell., Chron. IV, D., c.1461-1472, 184)

Rendre ses treves à.../Renvoyer des treves à... Refuser la proposition de trêve de.

Lors, quant le soudant a veu que nostre roy ne lui a voulu accorder sa fille, il lui a renvoié les trieves avec une deffiance ; et estoit ja tout prest sur la mer a bien quarante mille Sarrasins... (Arras, c.1392-1393, 94)

Va, dist il, dire a tes roys et a tes soudans que de leur trieves n'avons nous que faire, et s'ilz n'y avoit que lui et ses gens, si vous combatroit il, et me dist que je vous deisse, tantost que je vendroye a vous, qu'il vous rendoit voz trieves et que vous vous gardissiez de lui, et qu'en despit de vous, il yroit assaillir Japhes et qu'il mettroit le feu par tout et mettroit tout a l'espee, et aussi que je leur deisse au passer (Arras, c.1392-1393, 224)

Tenir les treves. Observer la trêve.

Dit avec ce, lui qui parle, que ou mois d'aoust derrenierement passé, que Richart Scosse, escuïer, commissaire de par le roy d'Engleterre à faire tenir les treves ou pays de Limosin, vint veoir lui qui parle au Roc de Vendas (Reg. crim. Chât., II, 1389-1392, 192)

Les trieuves furent bien tenues ; ne onques, tous les .XV. jours il n'i eut assaut ne escarmuce. (Froiss., Chron. D., p.1400, 222)

...li rois d'Engleterre et li dus de Normendie, representans la personne dou roi son pere, juroient les trieuves a tenir les trois ans. (Froiss., Chron. D., p.1400, 592)

...pour tenir et observer lesdictes treves et abstinence de guerres entre les rivieres de Seine et de Loyre (Fauq., I, 1417-1420, 270)

Traiter treves

...li dus de Braibant, ...brisoit et brisa toutdis couvertement la bataille, avoecques un grant moiien qui la estoit pour tretiier paix, trieuwes ou respit : madame Jehane de Valois qui contese avoit esté de Hainnau, et qui serour germainne estoit dou roi Phelippe et dou conte Carle d'Alençon, et qui avoit la son fil, le conte de Hainnau. (Froiss., Chron. D., p.1400, 454)

...bonnes gens moienant ceste gerre se voloient ensonniier de tretier unes trieuves jusques a la Saint Jehan Baptiste que li pais se peuist un petit rencrassier et repourveir, (Froiss., Chron. D., p.1400, 555)

[Cont. métaph.]

Si pry Dieu qu'Il me desherite De ma meschant vie maudicte Qui tant me greve Et qui a la mort a prins treve A celle fin qu'el ne l'aggreve (Chart., L. Dames, 1416, 229)

B. -DROIT Suspension provisoire des hostilités imposée par une autorité de justice à des personnes en conflit.

...et qui les dictes trieves enfraindera par autre maniere, pour l'infraction des dictes trieves paiera 60 lb. d'amende. (Hist. dr. munic. E., t.1, 1379, 395)

Asseurer. C'est donner trève perpétuel. Mes il est droit que celuy qui ce requiert face un serment de malice que il ne requiert l'asseurance par malice, et que il se doulte de luy. (Cout. instit. Anjou Maine B.-B., t.1, 1385, 215)

...icelles nouvelles causes doivent estre les premieres expediés, sauf que, se en plès ou en assises aucun demande a avoir treves d'aucun, le juge doit (...) contendre que donnés feussent (Instruct. ensaign. B.G., c.1386-1390, 31)

Celui qui enfrainct les trèves et asseuremens qu'il a donnez, comme de batre, ou mectre les mains injurieusement en celuy qu'il a asseuré, doibt estre pugny corporellement, comme estre pendu. (Cout. instit. Anjou Maine B.-B., t.1, 1411, 440)

Jour de treves. Assemblée de justice où les obligations de trêve sont imposées.

...quant aux mises pour la despence des dictz eschevins, fais les jours que l'on a accoustumé de tenir plais et jours de trieves ou aultres jours accoustuméz et pour la despence de la garnison qui se faict en la dicte halle, tant en laigne comme en aultre choses, duquel usaige nous feusmes deuement informéz, nous disons et appoinctons que le dicte despence demoura es dictes comptes (Hist. dr. munic. E., t.2, 1422, 149)

Prendre les treves. Faire cesser les hostilités.

...quant aucunes paroles injurieuses ou manaces avienent soudainement entre aucuns bourjois ou bourjoises, eschevin doivent prendre les trieves et faire prendre le serement par une singulere persone, se il ne puent trouver en l'eure le justice pour le doubte oster. (Hist. dr. munic. E., t.2, 1334, 87)

C. -Par extension. Liberté de déplacement.

Avoir treve. Etre libéré.

Encores fault il que l'en face Unes vigilles assés briefves, A celle fin que l'en parface Le service, si aurés treves. (Vig. Trib., c.1480, 230)

Payer une treve. Obtenir la liberté de déplacement moyennant paiement.

Partout vont Genevois et Venitiens marchander parmi les trieves que ilz paient, jusques en la grande Inde, la terre au prestre Jehan (Froiss., Chron. M., XII, c.1375-1400, 206)

D. -Au figuré. Relâche, répit.

LE PREMIER BERGIER. He ! deable, je ne parle mie De ta mort. Je croy que tu reves. LE SECONT BERGIER. Par le saint sanc Dieu, sire, treves N'y arez ja ! Batus serez, (Gris., 1395, 99)

Faites a vos pensees trieve, Car de plus beaux jeux on se lasse. (Chart., B. Dame, 1424, 344)

...et laissasmes noz mattelotz au gouvernail du navigaige, prenant treves de bon repos pour aucun temps. (Saint-gelais, Séj. honn. D., c.1490-1495, 196)

Sans prendre treve

Moult fort me griefve, Sans prendre tresve - si grant effort. Il fault que lieve Mon cuer, que creve - pour ceste mort. (Pass. Auv., 1477, 240)