DELAI

substantif masculin

[T-L : delai ; GDC : delai ; AND : delai ; DECT : delai ; FEW (V, 225b) : laxare ; TLF (VI, 1014b) : délai]

A. -Temps accordé par qqn ou temps qu'on prend pour faire qqc..

1.Laps de temps accordé pour faire qqc..

Dieu me gard que je defende ou debate qu'il ne soit bon de grever et guerroyer ses ennemis et les combatre en lieu et en temps que on puisse trouver son avantage, et moult y a de vaillans chevaliers et d'escuiers en cestui royaume qui ne demanderoient pas plus grant eur que de soy y trouver pour faire leur devoir, mais en armes a il aussi bien sens pour attendre son bon et delay pour faire son preu en son avantaige comme il y a en marchandises ou en autres mendres affaires. (Chart., Q. inv., 1422, 34)

Toutesfois aucuns avoient gecté leurs cuyrasses sur eulx, pour le bruyt qu'ilz avoient ouy au pavillon de monsr d'Alençon, et combattoient à eulx par ces trouz et à l'huys, qui fut totallement la saulveté de ces deux grans princes, car ce delay donna espace à plusieurs gens d'eulx armer et de saillir en rue. (Comm., I, 1489-1491, 155)

Par quoy ledict prince de Tarante, appellé domp Federic d'Arragon, mal content des delaiz, et aussi ceulx de son conseil envoyèrent devers le roy ung officier d'armes bien entendu (Comm., II, 1489-1491, 118)

Demander/querre delai. Réclamer un sursis.

Or vous diray ce qu'ils queroient, Einsi comme oy dire l'ay. Il ne queroient que delay, Et de la pais n'avoient cure, Qui depuis leur fu chose dure. (Mach., P. Alex., p.1369, 202)

...on ne devoit enteriner la requeste desdis de Bourbon jusques à ce que le procureur du Roy eust esté oy à plain, lequel avoit demandé delay pour avoir instruction et dire tout ce qu'il vouldroit sur ce que dit. (Fauq., I, 1417-1420, 162)

Soyent en present ou absens, Maintenant viennent tous sotz, sans Delay ne estat demander, Ne procureur pour eulx mander, Car ainsi me plaist estre faict, Ou aultrement de leur forfaict Les fairé griefvement pugnir (Roy sotz, c.1450-1500, 212)

Donner un delai à qqn de tel espace de temps

Mais, avant le partement desdictes gens de guerre d'aler oudit pays de Bretaigne, fut donné delay audit dudit duc de Bretaigne de dix jours entiers, qui faillirent le XVe jour de fevrier, pour donner au roy sa response de tout ce qu'il avoit intencion de faire et comment il se vouloit avecques lui gouverner. (Roye, Chron. scand., I, 1460-1483, 235)

Donner delai à qqn jusqu'à (une certaine date). Accorder à qqn un sursis jusqu'à.

Ce jour, la Court a donné delay à l'evesque du Puy de bailler ses memoires à l'encontre du chapitre dudit Puy juques à la vegile de la Nativité Nostre Dame prouchainement venant (Baye, I, 1400-1410, 43)

Et pour ce leur avoit donné delay et surseance icellui cardinal dès aoust derrain passé jusques au Noël prouchain venant (Baye, II, 1411-1417, 37)

...ledit cardinal a offert et donné delay et surseance jusques à Pasques prouchain aux dessusdiz de paier aucune chose dudit dixiesme (Baye, II, 1411-1417, 37)

Toutesfoiz ils appellèrent devant le roy en sa court de Parlement, esperant que cela pour le moins pourroit donner quelque delay à leur mort et que, ce pendant, leurs amys pourroyent ayder à saulver leurs vies. (Comm., II, 1489-1491, 201)

Donner delai (jusqu'à telle date) (à qqn) à/de + inf. Accorder une prolongation, un sursis pour faire qqc..

Ce jour, la Court a donné delay à l'evesque du Puy de bailler ses memoires à l'encontre du chapitre dudit Puy juques à la vegile de la Nativité Nostre Dame prouchainement venant (Baye, I, 1400-1410, 43)

Cedit jour, a esté donné delay au receveur de Gisors de payer les gaiges de messeigneurs de ceans des moiz de juillet et d'aoust jusques à VIIJ jours avant la S.. Martin prouchainement venant, et à paier le moiz de septembre jusques à la S.. André ensuiant. (Baye, I, 1400-1410, 73)

La Court a donné delay à maistre Phelippe des Essars à demain venir ceans dire les causes de son opposition à l'encontre de maistre Raoul Le Sage (Baye, I, 1400-1410, 279)

...ledit cardinal a offert et donné delay et surseance jusques à Pasques prouchain aux dessusdiz de paier aucune chose dudit dixiesme (Baye, II, 1411-1417, 37)

...donnons et octroions de grace especial par ces presentes terme, souffrance et delay, de nous venir faire les foy et hommaige qu'elle est tenue de nous faire a cause des contés, baronnie et autres terres dessus dictes (Trés. Reth. L., t.3, 1416, 6)

Oultre leur diz l'avoir aussi escript à monsr d'Orléans et de Bourbon, afin qu'ilz pourveüssent Ast : et le disoie, esperant que cella donneroit quelque delay d'aller devant Ast, car, s'ilz eussent esté aussi prestz comme ilz se ventoient et cuydoient, ilz l'eussent prins sans remede, car elle estoit et fut mal pourveüe d'une grant pièce après. (Comm., III, 1495-1498, 128)

Temps que donne la nature, répit (avant que telle chose arrive).

DEUXIESME SERGENT. (...) Ma main sens morte devenir : Perdue l'ay. PREMIER SERGENT. Après toy n'ay pas long delay. Les moies deus sens si mal estre... (Mir. st Panth., 1364, 353)

2.Temps qu'on se donne à soi-même.

Prendre un delai. Prendre un certain temps (avant de faire telle chose).

Les responces estoyent fort doulces, toutesfois prenant quelque delay avant respondre. (Comm., I, 1489-1491, 56)

Prendre delai de tel espace de temps de + inf.

Pour ce .VI. jours pran de delay De respondre, et si escripray Ces choses a ung vray ami, Et me conseilleray par mi Et aultres pendent la journée, Afin qu'a vostre retournée Je vous puisse response rendre. (Desch., M.M., c.1385-1403, 20)

3.Locution.

Pour tous delais. Sans autre prolongation du temps accordé pour faire qqc..

Et, pour ce, fu dit par ledit mons. le prevost, audit Honoré du Puis, prisonnier, qu'il envoïast querre sa lettre de tonsure, ou autrement en enseignast deuement comme il avoit eu ycelle dedens XV jours, lequel terme lui fu prefixé pour tous delais, ou sinon que l'en procederoit contre lui (Reg. crim. Chât., I, 1389-1392, 75)

...et sera tenus ledit J. de Poiz de choisir l'un d'iceulx partages dedans le XVJe jour de juin prouchain venant pour tous delaiz et prefixions (Baye, I, 1400-1410, 229)

'Il me semble, dit le Maistre des arbalestriers, que dedans ung moys nous y serons ou jamaiz. Et pour ce nous sommes aujourd'uy au commencement du moys ou au moins nous n'en avons que deux jours ; sans nulle doubte nous serons à Luc à la fin de ce moys pour tous delayz.' (Bueil, I, 1461-1466, 174)

Sans delai. Sans temps supplémentaire pour faire telle chose, sur le champ, sans attendre, immédiatement.

Saichiez, cil amfes se morra, Siconme l'autres sans deloy, Por ce que n'est pas a ma loy. (Renart contref. R.L., t.2, 1328-1342, 223)

Lors sans delay Je me levay et devers eaus alay (Mach., J. R. Beh., c.1340, 102)

Vien t'en avec moy sanz delay (Mir. abbeesse, 1340, 65)

LE CONTE. (...) Alez ! Revenez sanz delay Yci bonne erre. (Mir. enf. ress., 1353, 44)

Li rois le fist tirer amont Sans delay, qui desira mont Li vëoir et parler a li. (Mach., C. ami, 1357, 44)

Or vous vueil dire, sans delay, Pour quoy et comment fu occis Li roys des gens de son païs. (Mach., P. Alex., p.1369, 255)

...ledit seigneur mandoit à il qui deppose, ou au premier autre sergent d'armes qui sur ce seroit requis, que tantost et sans delay il excecutast par prinse de corps et explettacion de biens Heran du Port et Rose de Moustereuil (Reg. crim. Chât., II, 1389-1392, 21)

Si se departi tantos et sans delai de Bristo (Froiss., Chron. D., p.1400, 90)

Droit à Tours en Touraine en fu menés li rois, Et la royne osi et leurs fieux sans délois. (Geste ducs Bourg. K., c.1410-1419, 336)

Ça, chancellier, vueilliez entendre D'escripre au juge sans dilay Tout ce que diviser vous ay (Myst. st Adr. P., c.1450-1485, 69)

Va t'en corant, aste ton pié ! Donne luy boere sans delay ! (Pass. Auv., 1477, 221)

PHEBUS. Vous avés ma sentence ouye, Saturnus, sans la reciter, Vous aussi, Mars et Jupiter, Je vous baille en commicion La mettre a execution Incontinent et sans delay. (Cene dieux, c.1492, 123)

...car si tost que le dict traicté fut publié, incontinent, sans aucun delay, ilz commencerent a lever leur camp (La Vigne, V.N., p.1495, 319)

B. -Par extension. Action de différer (une action, une entreprise), retard.

...et de rescripre au regent les refus ou delais que la Court avoit fait ou feroit sur ce que dit est (Fauq., II, 1421-1430, 202)

Au moins de delai que possible. Le plus rapidement possible.

Mais quoy que soit, ou du consentir ou reffuser, sur toutes choses soit au moins de delay que faire se porra (La Sale, Salade, c.1442-1444, 13)

Mettre un delai sur qqc. Différer, retarder qqc..

...afin que ledit cardinal ne voulsist sur ce mettre ou souffrir estre mis aucun destourbier, delay ou empeschement. (Fauq., I, 1417-1420, 113)

Mettre/tenir qqc. en delai (jusqu'à telle date). Différer, retarder qqc., remettre qqc. (à une autre date).

...nous avons mis la chose en delay jusques à l'Ascencion prochaine venant (Hist. dr. munic. E., t.3, 1368, 409)

Et, pour ce, avoit esté deliberé en la Court de faire ce jour prononcier aucuns arrests et publier lesdictes lettres et ordonnances, dont n'en fust rien fait, mais fu la chose mise en delay (Fauq., I, 1417-1420, 112)

...le procureur du Roy aperceu que on vouloit mettre en delay la publicacion desdictes lettres ou ordonnances (Fauq., I, 1417-1420, 113)

Il nous destruit, il nous essille : Il pert, il confont nostre loy. Ne metton la chose en delay. (Cycle myst. prem. mart. R., c.1430-1440, 92)

Dont, pour non mectre la chose plus en delay, aussi tost que la royne vist le maistre d'ostel devant le roy, elle l'en fist souvenant. (La Sale, J.S., 1456, 66)

Et pour ce avoit et a obtenues les dites lettres de respit dont il requeroit l'enterinement ; aussi que l'execucion de certaine obligation par laquelle il estoit obligé envers la dite deffenderesse fust tenu en surceance et delay jusques a ung an (MART. D'AUV., Arrêts Am. R., c.1460-1466, 71)

...il pria au chancelier qui là estoit, qu'il luy plust mettre la chose en délai jusques au lendemain. (Faits Lalaing K., c.1470, 75)

Emploi absolu. Attendre, perdre du temps.

Sire, ne mettez en delay Puis qu'esleu estes evesque, Alons men a vostre arcevesque Qui vous armera de touz poins... (Mir. ev. arced., c.1341, 126)

Ne pas mettre en delai que + subj. Ne pas tarder à.

...de par moy li diras Qu'il ne mette pas en delay Que ci ne viengne (Mir. Barl. Josaph., c.1363, 251)

Ne pas faire long delai. Ne pas différer (une action), ne pas attendre, agir tout de suite.

Or ne faites pas long delay, M'amie chiére. (Mir. nat. N.S.J.C., c.1343, 223)

Là fist Hanris de Gibelet Le pieur cop et le plus let, Car trop durement le haoit Pour ses enfans que pris avoit, Einsi com devant conté l'ay, Si qu'il ne fist pas lonc delay ; Einsois la teste li fendi, Si que la cervelle espandi. (Mach., P. Alex., p.1369, 270)

Ne faire nul delai à + inf.

Si ne firent nul delay a assembler ne a geter lés les javelos ne a prendre les glaives, car aussi comme se l'en leur en eust fait signe il geterent les javelos et mistrent les glaives es mainz et s'en coururent contre les ennemis. (Bers., I, 9, c.1354-1359, 13.2, 22)

Prendre delai. Prendre du retard.

...afin que la punition dudit cas ne prist delay et defaut de justice pour ladicte altercation (Baye, I, 1400-1410, 54)

...et soient seellées, expediées, publiées et executées le plus tost que bonnement faire se pourra, sans autre delay prendre pour quelconques occasions. (Fauq., I, 1417-1420, 110)

Sans faire/mettre/prendre delai (à qqc.)

NOSTRE DAME. Gabriel, sanz nul delay mettre, Pren Michiel en ta compagnie. (Mir. femme roy Port., c.1342, 195)

N'i a nul qui ne soit vassal, Ne sans plus faire de delay Tous ensemble par grant desray Se vont partir estoutement. (Dame Lycorne G., c.1349-1350, 242)

Sy fut moult bien et joyeusement reçu, et ladite dame tenant secré ce que mandé lui estoit, se disposa à l'accomplir sans délay y prendre (Chastell., Chron. K., t.3, c.1456-1471, 322)

Mais, avant le partement desdictes gens de guerre d'aler oudit pays de Bretaigne, fut donné delay audit dudit duc de Bretaigne de dix jours entiers, qui faillirent le XVe jour de fevrier, pour donner au roy sa response de tout ce qu'il avoit intencion de faire et comment il se vouloit avecques lui gouverner. (Roye, Chron. scand., I, 1460-1483, 235)