DEMEURE

substantif féminin et masculin

[T-L : demore ; GD : demore ; GDC : demeure ; AND : demure ; DECT : demore ; FEW (III, 38a) : demorari]

A. -[Dans l'espace]

1.Fait de rester, séjour.

...I. jour de vostre demeure me sera uns ans. (Mach., Voir, 1364, 282)

...Moult me plairoit vostre demeure (Mach., Voir, 1364, 294)

Et quant tele suite Yert par toy faicte bel et bien, Lors en ton pais t'en revien : En l'aage moien te marie. [...] Ne te pars plus de ta maison [...] Ne nulz ne te reprouchera Ta demeure, car l'en sçara Que tu aras par tout esté. (Desch., M.M., c.1385-1403, 143)

EVE. [...] Helas, trop a esté soubdaine Nostre demeure en si beau lieu ! Or, alons en travail et peine Labourer, puisqu'il plaist a Dieu. (Gréban, Pass. J., c.1450, 20)

Car l'entree en [d'amour] est gracieuse, Mais la demeure est moult piteuse, Et encores pis la retournee. (Lord. Tart Ab. L., a.1465, 171)

Et comment (...) me voulés vous maintenent laisser ? Vrayement, je n'y pourroye consentir. Car vostre demeure sera cause de me fere vivre plus longuement. (Rambaux Frise S., c.1450-1475, 64)

Le conte de Raguise, ayant oÿ Loÿs de Gavres, luy respondy et dist, puis que son plaisir estoit de s'en aler il estoit content, mais trop mieux aimeroit sa demeure que son allee (Hist. seign. Gavre, c.1456. In : Chrestom. R., 159)

Faire demeure. Séjourner, s'arrêter.

Et que toutes ses presumptions et excusations estoient pour ledit Bindot, avec son juenne aage et ignorance et la petite demeure que il avoit faitte en France, et qu'il ne prestoit pas pour soy ne à son proffit mais pour autrui... (Phil. Vi Valois, Doc. paris. V., t.2, 1342, 178)

Encore est de moy pourveoir Et pourchacier assez bonne heure ; Un po vueil ci faire demeure. Les compaignons attenderay... (Mir. Pierre Changeur, c.1378, 230)

J'ay, dit-il ouÿ sa voix, Et treuve bien a ceste heure Ce qu'il me dict une fois, Quand le cerf chassay au bois Et fist sur ung roch demeure (Vie st Eust. 2 P., c.1400-1450, 221)

Or allons donc sans plus actendre. Nous faisons cy trop grant demoure. (Pac. Job M., c.1448-1478, 263)

Faire (sa) demeure avec qqn. Être dans une présence continue avec, être en compagnie de qqn.

Et Daniel faisoit demeure Avecques le roy a toute heure. (Mach., C. ami, 1357, 18)

J'yray (...) Dire a mon vallet qu'il s'en voit. Puis retourneray tout en l'eure. Avec vous feray ma demeure Et en servant tout mon aage La mére Dieu (Mir. march. larr., c.1349, 118)

...je suis Prest de vous ayder a toute heure, A vous bouter hors des ennuys Que, jours et nuys, Dictes qu'avec vous font demeure. (CH. D'ORLÉANS, Rond. C., 1443-1460, 391)

Ne plus faire demeure

Freres, ne faisons plus demeure En ceste faulse compaignie, Mais retournons en Bethanie Ains qu'il soit plus tart, je le vueil. (Myst. Pass. Troyes B., a.1482, 613)

2.Habitation, lieu de séjour.

Theodore, vostre demeure Si sera la en celle cele. (Mir. Theod., 1357, 118)

Le duc (...) visita touttes ses terres (...) et puis s'en retourna en Braibant ; là estoit sa souveraine demeure. (Froiss., Chron. M., XIV, c.1375-1400, 172)

...messire Jehan Braque, chevalier, lui avoit mandé que elle alast parler à lui pour une chambre que il lui vouloit louer pour sa demeure (Reg. crim. Chât., I, 1389-1392, 43)

...laquelle houppellande et panne (...) vendi à un freppier ès halles, ne scet son nom, ne aussi ne sauroit enseigner sa demeure (Reg. crim. Chât., I, 1389-1392, 70)

Et puis qu'ainsi est, en bon eur A ton autre espeuse mon lieu Delaisse d'humble cuer, et Dieu Vueille que viegne a tresbonne heure En ce lieu ou j'ay ma demeure Eu tresjoyeuse par longtemps De douaire, dont conforter (Gris., 1395, 82)

...forterece, ne tour N'orent, ains, es forests d'entour Orent leur reppaire et demeure (Chr. Piz., M.F., III, 1400-1403, 178)

Regarde, mere, regarde, et advise bien ma treslangoureuse affliction et tu cognoistras que tous refuges me défaillent, les champs n'ont plus de franchise pour administrer sceure demeure, et je n'ay de quoy les cultiver ne fournir pour y recueillir le fruit de nourreture. (Chart., Q. inv., 1422, 21)

Car tu ne sçais pour quoy fut faicte l'assemblee de ame pardurable a corps mortel, ainçoys veuls l'usage du corps chalengier par droit pour demeure seure et permanent ; autrement va : car le corps est ung herberge de ton pelerinage, et t'est baillié a excerciter ta vertu et ta constance esprover. (Chart., L. Esp., c.1429-1430, 33)

Noblez seigneurs, je vous asseure Que nostre demeure est fondee, Pour ceste heure icy, en Judee (Gréban, Pass. J., c.1450, 82)

Lors regarde et voit au lez de la fumee une demeure tout nouvellement restoree sur vielle muraille. (Percef. IV, R., c.1450 [c.1340], 836)

In tentationem labeure Mon esperit a chascune heure, En danger de cheoir en telz las ; L'ennemy quiert que je demeure En cest estat, tant que je meure, Pour m'avoir en son vil demeure, En ses ordtz et tres parfondz lacz (Molinet, Faictz Dictz D., 1467-1506, 498)

Ouy dea, nous demoures Sont assises en Boucledalles Ou il croit la meilleure godalle Qui soit en toutes nous vallees. El se prent en une eaue sallee Et se pesche en greve plaine En quoy les crapaux et les raines Sautent plus dru que poiz en pot. (Pipée R., c.1470-1480, 190-191)

L'on dit qu'il escripvit les puissances du Soleil et quant Alexandre le vint veoir à Thebes, pour toute demeure le trouva en ung tonel et ne tint pas Diogenes grant compte de lui, pour ce qu'il ne lui chaloit des pompes du monde. (Simon De Phares, Astrol., c.1494-1498, f° 56 r°)

Il n'y a en ceste demeur Feu ne clarte goute ny voy (Myst. st Martin K., a.1500, 305)

Tenir, prendre demeure (dans un lieu). Habiter (dans un lieu).

...Et principalment demandez Le lieu ou il prent sa demeure. (Gréban, Pass. J., c.1450, 90)

...et disoit-l'on qu'il le faisoit à certaines fins proujettées pour le plus obliger et faire tenir demeure emprès lui (Chastell., Chron. K., t.3, c.1456-1471, 308)

Et comme vous avez bien oy que le roy l'avoit estably capitaine de Rouen et fait sénéchal de Normandie, par le moyen de quoy il lui convint hanter beaucoup le dit pays et y tenir demeure toute quoye (Chastell., Chron. K., t.3, c.1456-1471, 348)

[Dans un contexte métaph.] Faire / prendre sa demeure en / chez

Si qu'einsi sans cuer durer Ne porroie ne tels mauls endurer, S'Espoirs en moy ne faisoit sa demeure... (Mach., Bal., 1377, 543)

Et quant à moy me convient revenir, Toute dolour prent en moy sa demeure, Car il m'estuet dementer et gemir En desirant (Mach., L. dames, 1377, 149)

Loing de plaisir et pres de desplaisance, Doresenavant feray ma demourance, Car desespoir fait chieux moy sa demeure (Garenc., Poésies N., c.1390-1400, 112)

Je suis chamberiere d'elle en ce mortel monde, car en paradis n'enfer n'ay je demore. (Chr. Piz., Avision R.D., 1405, 55)

Les compaignons laise que je hantoie. Adieu, chançons que voulentiers chantoye Et joyeux diz ou je me delitoye ; Tel rit joyeux qui aprés dolent pleure. Le cuer m'estraint ; angoisse me queurt seure. Ma vie fait en moy longue demeure ; Je n'ay membre qu'a mourir ne labeure, Et me tarde que ja mort de dueil soye. (Chart., Compl., 1424, 327)

[D'un animal] Gîte.

Ilz [les sangliers] vont bien loing aucunne foiz a leurs menjues et se relievent pour aler a leurs menjues entre nuit et jour et s'en vont a leur demeure anczois qu'il soit jour (Gast. Phébus, Livre chasse T., 1387-1389, 90)

Aussi en autre maniere puet on traire aux bestes rousses et noires a la revenue de leurs viandeïz ou mengues, car, quant cerfs ou autres bestes rousses vont viander es basses tailles ou aux champs ou les sanglers es haultes forestz, au glan ou es hayes ou es champs, on doit regarder devant de la dont ilz se relievent et par ou ilz vont a leurs viandeïz ou mengues et par ou ilz s'en reviennent a leur demeure. (Gast. Phébus, Livre chasse T., 1387-1389, 282)

B. -[Dans le temps]

1.Fait de tarder, retard, délai.

Tu yras volentiers encontre les buefs qui batent le blé et ostent le grain de la paille, et, mieulx, a ceuls qui areront les terres. Et point ne te desplaise se il te rompent la voie, car la demeure de l'empeschement du chemin te sera recompensé par la grace que tu trouveras a l'ostel. (Foul., Policrat. B., I, 1372, 128)

...aucune foys l'ire de Dieu si procede lentement, mez quoy ? certes, il reconpensse la demeure de sa correccion par tres griefve pugnicion. (Songe verg. S., t.1, 1378, 345)

O Françoiz, com preux et hardiz, Ostez la force du leopart ['Angleterre'] Et ne soiez plus sy tardiz : La longue demeure vous pert. (Robinet, Compl. François H., p.1420, 57)

Tant est longue sa sapience, et sa justice si enlacee a sa pitié et grace, qu'il attent longuement a flageller lez mauvaiz, en espoir de leur amendement, et a remunerer lez bons pour esprouver leur souffrance, et acroistre la perfection de leur merite. Maiz il recompense sa demeure par augmentation de grace ou par agravement de paine. (Chart., L. Esp., c.1429-1430, 50)

Après que Monseigneur le Daulphin eust actendu et demouré l'espace de trois sepmaines, arriva le duc ; pour la longue demeure duquel pluseurs s'esmerveilloient. (Chart. J., Chron. Ch. VII, V., t.3, Fragm. hist., p.1436, 227)

Prenez qu'on ait dueil ou plaisir, En brief temps, ou longue demeure, A tout bon compte revenir Couvendra, qui qu'en rie ou pleure. (CH. D'ORLÉANS, Rond. C., 1443-1460, 381)

...en vous excusant de vostre demeure. (Percef. III, R., t.1, c.1450 [c.1340], 331)

Toutevoies, non obstant sa longue absence et demeure, il a entendu et scet bien que vous, en faveur et révérence de sa hautesse et de sa noble personne, vous vous estes tousjours tenus et maintenus paisibles et obéissans sous le gouvernement de ses officiers (Chastell., Chron. K., t.3, c.1456-1471, 71)

...ne vous donnez merveilles de la longue demeure de quaresme, mais emerveillez vous encores comment il [ait] peu venir [Un prêtre a oublié d'annoncer le carême à ses ouailles] (C.n.n., c.1456-1467, 514)

Locution. [En cooccurrence avec peril] Peril est en la demeure Peril a en la demeure Perilleuse est la demeure la demeure met en peril. Le moindre retard a de graves conséquences.

Sathan, pense de cheminer Et de nostre cause affiner - Peril nous est en la demeure - Et vous presentez avant l'eure. (Myst. Adv. N.D. R., c.1360-1365, 57)

Esaü par le commandement de son saint et bon pere ala chacier senz pechié (...). Mais par aventure la longue demeure le mist en peril ; car plus longuement que il ne devoit en celui fait (...) il demoura, ou pour cause de mauvaise acoustumance ou de desordenee amour. (Foul., Policrat. B., I, 1372, 109)

...il [le juge] doit les autres causes qui sont entre parties appeller et delivrer l'un après l'autre, selon l'extrait de son registre, ou cas toutesvoys ou il n'y airoit aucunes causes ou il y eust peril en la demeure, ou qui touchast aucune personne d'estat qui fist apresier (Instruct. ensaign. B.G., c.1386-1390, 32)

C'est sy bien dit qu'on ne puet miex ; Mais perillieuse est la demeure. Sy nous alons armer en l'eure, Avant qu'il assemble point d'ost. (Mart. st Pierre st Paul R., c.1430-1440, 154)

Mays gouvernés vous sagement Et n'arrestés pas longuement Car peril a en la demoure. (Pac. Job M., c.1448-1478, 261)

Sans (longue) demeure. Sans retard, sans tarder.

Levez sus tantost sanz demeure, S'alons chanter. (Mir. nonne, 1345, 334)

Porrus respont que 'sanz demeure, Le secourera, n'y faudra...' (Chr. Piz., M.F., IV, 1400-1403, 45)

Lors sans demeure et tout d'un commun assentement s'agenoillerent devant le trone de la majesté divine toutes les Vertuz (Gers., Concept., 1401, 396)

...et autres furent amenez dedens le Petit Chastellet et sans longue demeure furent par lesdictes gens armez tuez et mis à mort. (Fauq., I, 1417-1420, 151)

Or allons sans demoure, faire, Car je vuel estre la premiere. (Myst. st Adr. P., c.1450-1485, 137)

Le jeune filz (...) la saysit sans demeure et luy monstra ce que tant desiroit a savoir. (C.n.n., c.1456-1467, 348)

SOTIN. Laissons icy trestous noz sieges, Et nous en allons sans demeure A coup. (Sots Magn., a.1488, 197)

Et vous pry s'il ne vous desplait Qu'il soit fait sans longue demore (Oudin, St Genis M.S., c.1490, 69)

Advisez l'eure Affin que puissez sans demeure Parachever vostre entreprise. (La Vigne, S.M., 1496, 522)

Sans faire demeure sans faire point de demeure. Sans attendre, sans tarder.

Lors parlai, si com je pooie, Et li dis, sans faire demeure... (Mach., R. Fort., c.1341, 77)

...il m'esteut Retourner icy tout en l'eure Sanz faire goute de demeure (Mir. pape, 1346, 359)

Vois tu celui la Qui bel se deduit et deporte ? Va a lui, et si me raporte Qui il est, et revien en l'eure, Sans la faire point de demeure. (Mach., J. R. Nav., 1349, 156)

Je ne fis pas longue demeure, Einsois m'agenoillay en l'eure, Et humblement li respondi... (Mach., J. R. Nav., 1349, 184)

Pour Dieu, ne faites plus demeure : Montez bonne erre. (Mir. marq. Gaudine, 1350, 161)

LE JUIF. Le cas a quoy vous pretendez Et qui vous meut venir vers moy Declairez tost. LE CRESTIEN. Sire, en ma foy, Vous le diray tout a cest heure. LE JUIF. Sans plus faire longue demeure ; Je suis empesché autre part Et aussi y vient sus le tard. Despeschés vous. (Mir. st Nic. juif, c.1480-1500, 87)

JESUS. Mon amy, ne fais plus demeure, Va t'en aux baings de Siloés Et tes yeulx, que j'ay emboés, Lave y en parfaicte esperance ! (Myst. Pass. Troyes B., a.1482, 171)

Freres, ne faisons plus demeure En ceste faulse compaignie, Mais retournons en Bethanie Ains qu'il soit plus tart, je le vueil. (Myst. Pass. Troyes B., a.1482, 613)

En particulier. DROIT Délai réglementaire.

Quant une requeste est faicte au juge ou au sergent ordinaire ou du bailliage, et est faicte assavoir à partie adverse, néantmoins icelle partie n'est aucunement en demeure de soy opposer jusques ad ce que lecture luy ait esté faicte des lectres et jugiez (Vieux cout. Poitou F., c.1451-1454, 92)

En bonne demeure. Dans le délai imparti.

...pour ce que je veux qu'il en soit payé selon le contenu desdictes cedulles et en bonne demeure, vous en baillés à ses gens qu'il envoyera devers vous pour ceste cause si bonne assignation et lettres d'estat sur les receveurs, grenetiers et fermiers (...) qu'ilz en soyent contents (Lettres Louis XI, V., t.8, 1479, 31)

Estre en demeure. Avoir du retard (dans l'accomplissement, la réalisation de qqc.).

...la quelle somme ilz avoient promis et se estoient obligiez comme dessus rendre et paier au Tresor du dit seigneur, à leurs frais et despens, dedens la feste de saint Luc ewangeliste derrenierement passée, dont il ont esté defaillans et en demeure, ou grand prejudice et dommaige d'icelui seigneur et retardement de ses besoignes (Doc. Poitou G., t.6, 1390-1403, 121)

...lequel Denis en eust esté refusant, delayant et en demeure (Chancell. Henri VI, L., t.1, 1423-1426, 188)

...soubz umbre de ce que nosdictes lectres n'estoient signées de nostre main, ne de l'un des secretaires de noz finances, avez de ce faire esté reffusans, quoyque soit delaians et en demeure. (Lettres Louis XI, V., t.4, 1471, 194)

Par extension. Durée.

Et ce pechié de luxure si a .VI. branches: la premiere si est quant un homme pense a une femme ou la femme a l'omme: et la personne a en telle pensee grant plaisance, et s'i delicte grandement et y demeure longuement ; et par longue demeure la char s'esmeust a delectation. (Ménagier Paris B.F., c.1392-1394, 37)

Car il convient es mettres qu'il y ait certain nombre de piez et de sillabes dont ilz sont composez et, avec ce, qu'il y ait certain temps et certaine demeure a elles prononcier selon ce qu'elles sont longues ou briefves de leur droite nature. Car la briefve sillabe veult estre prononciee legierement sans arrester sur elle longuement, et la longue veult estre prononciee pesantement et qu'il y ait plus long arrest sur elle et plus longue demeure. (Evr. Conty, Harm. sphères H.P.-H., c.1400, 70-71)

Se il advenoit pendant la dampnable demoure des treves que la belle compagnie que vous avez a present de gens expers et excercitez en armes, fust consumée ou tournée en dissipacion [...] la cruaulté barbaresque desdits Anglois, sans avoir regard a quelxques treves par eulx jurées, ne seroit pas oublieuse de vous rassaillir. (Droiz Cour. Fr. H., 1460, 314)

'Delibere longuement, mais execute a cop.' Car, comme il dit, combien que longue demeure en ung conseil soit annoyeuse, toutesfois elle donne aux hommes sapience et prudence et souvent on en part plus sage que on n'y est entré. (Fillastre, Traité Conseil H., c.1472-1473, 238)

2.Attente.

Et s'en vint en sa chambre, et la commence a lui complaindre de la doulour qu'elle ot de son pere, et l'autre heure a grant desir qu'elle a de veoir Uriien, dont la demeure lui tarde. (Arras, c.1392-1393, 116)

Et se son exemple et son enseignement ne te suffisent, vise comme l'Escripture te conforte sur la longue demeure des soulaigemens et secours de Dieu, en comparant la tollerance divine a ung long dormir. (Chart., L. Esp., c.1429-1430, 97)

...et lui imputa pluseurs grans cas, cuidant le confondre et faire animer contre lui toute la congregacion des seigneurs, avec tres froit et trespovre exploit en autres materes aprés la demeure de six mois. (Chastell., Vérité mal prise D., c.1460, 148)

Par extension. Absence.

Se mes dous amis demeure Longuement ensus de mi, Je me doubt que sa demeure Ne m'ocie ; car einsi Ne puis vivre en tel sousci N'en telle dolour Com j'ay esté dusqu'à ci, Et tout pour s'amour. (Mach., L. dames, 1377, 164)

S'en saveure Mort qui seure Me courra pour ta demeure, Dous amis, et pour t'amour, Se je ne voy temprement Ton faitis corps gent (Mach., Les lays, 1377, 353)