SEJOUR

substantif masculin

[T-L : sejor ; GD : sojorn ; DECT : sejor ; FEW (XII, 329b) : *subdiurnare ; TLF (XV, 271a) : séjour]

A. -Arrêt, demeure.

1.Arrêt, demeure dans un lieu (au cours d'un déplacement).

Cilz consaulz fu tantos creus, car il n'i couvenoit point un lonch sejour (Froiss., Chron. L., VII, c.1375-1400, 180)

Depuis n'y eubt guaires de sejour, mais se departirent le connestable et toutes gens d'armes et aultres en sa compaignie, et ne demourerent delez le duc ne la duchesse, (Froiss., Chron. M., XIV, c.1375-1400, 116)

De cy nous couvient departir, Car trop nous pourrions repentir Du sejour, se le roy parler En oyoit (Chr. Piz., M.F., III, 1400-1403, 46)

Avecques lui, hors du regné Sa femme et ses enfens mené Ot Priant, pour le lonc sejour, Qu'il devoit faire (Chr. Piz., M.F., III, 1400-1403, 53)

...cinq couvertures et dix manteaulx pour convoier de nuit et au sejour lesdiz chariotz par dessus le drap noir (Comptes Etat bourg. M.F., t.2, 1419, 505)

Et parainsi, quant les chevaliers trouverent ceste responce si froide et que le roy ne se monstra gueires entalenté de les oÿr, jugerent bien que leur sejour droit la y seroit de petit fruit (Chastell., Chron. IV, D., c.1461-1472, 274)

Estre/demeurer à/en sejour qq. part. Rester, séjourner qq. part.

Il n'avoient mie passage à leur volenté... pour quoi il furent en sejour à Plewemoude ou là environ plus de quatre mois (Froiss., Chron. R., IX, c.1375-1400, 70)

Chil de Bruges estoient bien enfourmet dou convenant dou roi, comment il estoit à sejour à Ippre (Froiss., Chron. R., XI, c.1375-1400, 35)

...elle [Estiennette] laissa et habandonna, ensemble sondit mary, ses enfans, pere, mere, freres et seurs et tous ses parens et amis, et s'en ala après ledit seigneur de Foix, avecques aucuns de ses gens et serviteurs, qui pour ce faire estoient demourez audit lieu de Paris et l'en amenerent à Blois, où estoit demouré à sejour ledit seigneur, attendant ilec la venue d'icelle Estiennette : avecques lequel seigneur icelle Estiennete demoura par l'espace de trois jours, et puis s'en party ledit seigneur de Foix et s'en ala à Tours pardevers le roy, et en fist mener avecques lui icelle Estiennete, qui fut ilec bien recueillie (Roye, Chron. scand., I, 1460-1483, 222)

Faire (un) sejour qq. part. Séjourner qq. part.

Dy a ton hoste qu'il n'entende A faire ça ne la sejour, Mais envoie l'en sanz demour, Sitost que repeuz sera, La ou Dieu te conseillera. (Mir. enf. diable, c.1339, 39)

En ce sejour que le roy d'Angleterre fist à Brisco et sus la riviere de Saverne et en la marce de Galles, eubt le duc d'Irlande moult de soing et de paine de chevaulcier et d'aler de l'un à l'autre (Froiss., Chron. M., XIV, c.1375-1400, 48)

...les longs séjours que nous avons fait ont renforciez nos ennemis (Froiss., Chron. M., XIV, c.1375-1400, 85)

Faittes tant, biaux cousins, que vous nous portez de ce costé bonnes nouvelles, et nullement, que long sejour que vous fachiez ['quelque long séjour que'] , ne vous partez point de luy sans esploittier auculnement (Froiss., Chron. M., XIV, c.1375-1400, 232)

Et illecques firent sejour Jusqu'environ le tiers du jour, Attendans qu'om dust saillir lors (Desch., M.M., c.1385-1403, 380)

LA MARQUISE. Il me tarde bien que sejour [mon fils] Face entour moy et que je l'aye. (Gris., 1395, 61)

LE CONTE DE PANICE. Alez tantost faire savoir Au marquis que je vieng a lui, (...). LE SERGENT. Sire, faiz sera voz commans. Plus ne quier ci faire sejour. (Gris., 1395, 88)

...mes, considerant l'infection de l'aer qui droit la estoit si mortel et le grant dangier qui y estoit en y fere long sejour, plus par peur que par amour delibera son partement dudit pays (Chastell., Chron. IV, D., c.1461-1472, 140)

Pere sainct il me fault laisser Destre icy bien le vous dy A dieu et a la vostre mercy Plus ne feray icy de seiour (Myst. st Martin K., a.1500, 337)

Ne pas faire un long sejour qq. part. Ne pas s'attarder qq. part.

Mais, beaus seigneurs, ne faisons pas ycy un long sejour, mais alons courir sur noz ennemis. (Arras, c.1392-1393, 283)

Faire loingtain sejour qq. part

Si ne veurent point ces gens d'armes là faire trop lontain sejour (Froiss., Chron. L., VI, c.1375-1400, 151)

Jeudy trentiesme d'octobre et dernier jour, D'Yolle fist son armee marcher Pour s'en aller a Sarsaigne coucher, Et la fist assez longtain sejour. (La Vigne, V.N., p.1495, 195)

Prendre (son) sejour qq. part. Séjourner qq. part.

A Paris le cité ot il sen sejour pris (Hugues Capet Lab., c.1358, 191)

Par foy, je suis bien meschëans - Aulx chans me tue chascun jour, Et ma fame prent son sejour Es tavernes, c'est chose voire. Je la voy la en present boire Le fort moult (Vie st Fiacre B.C.P., c.1380-1400, 33)

Le roy anglois print son sejour, Le mardi de mars derrain jour, L'an mil .CCC. cinquante et neuf, A Chantelou (Desch., M.M., c.1385-1403, 377)

Or advint que par ung mardy (...), le roy Lancelot, allant par les champs a main armee et accompagnié ainsi qu'a ung tel roy appertenoit, vint prendre sejour pour aulcun temps en Bellegarde sur la riviere de la Dunoe (Chastell., Chron. IV, D., c.1461-1472, 83)

2.Par extension. Arrêt, demeure ; délai, retard ; période de repos et de loisir, repos.

a)Arrêt, demeure.

Li aigle puet a grant sejour En la plus grant clarté dou jour Contre le soleil justement Resgarder (Mach., D. Aler., a.1349, 346)

Sejour sur mer

Li Espagnol... eurent un petit de sejour sus mer par vent contraire et detriance plus d'un mois (Froiss., Chron. R., VIII, c.1375-1400, 47)

Laisser qqn à sejour. Laisser qqn à demeure.

Et, qui pis est, en avoient si peu que, toutes les fois qu'ilz alloient en une entreprise pour rencontrer leurs ennemys ou pour faire quelque course, ilz menoient tout et n'en laissoient nulz à sejour (Bueil, I, 1461-1466, 22)

Et, s'il les laissoit à sejour dans ce royaume, ilz deviendroient gras, ilz cherroient en oysiveté (Bueil, II, 1461-1466, 157)

De sejour. Là où l'on est, où l'on se trouve, à demeure.

Brief, mais qu'il fust ung peu en point, Il est ung droit sot de sejour Et est plaisant ou il n'est point. (Villon, Test. R.H., 1461-1462, 92)

[D'une chose] Faire (son) sejour qq. part. Rester, demeurer qq. part.

Et sa grant douceur a nul fuer Ne se departoit de mon cuer, Car sa demeure et son sejour Y faisoit de nuit et de jour. (Mach., R. Fort., c.1341, 11)

Mais la balance juste et fine Clerement moustre et determine Que tu es cils qui meins y a Pour l'orgueil qui te conchia Et conchie de jour en jour, Quant en toy fait si lonc sejour, Qui ne puet nullement souffrir Que tu ailles ton cuer offrir Au vray dieu qui fist tout le monde (Mach., C. ami, 1357, 33)

De ce mot, quant je l'oy, La douce savour Fut empreinte et fist en mi Mon cuer son sejour (Mach., L. dames, 1377, 197)

Prendre sejour qq. part. Rester qq. part.

Puis le corps print sejour Dedens Vendosme a pourrir sous la lame, Tantost aprés qu'es haulx cieulx alla l'ame (La Vigne, V.N., p.1495, 317)

[À propos d'une chose] Demeure, état.

Gravité est une vertus par laquelle auchun, gouvrenant et actrempant le mouvement de ses meurs, ycheulx reduist a competent sejour et meureté (Daudin, De la erudition H., c.1360-1380, 297)

b)[Dans le temps] Retard, délai.

Car si poriés le tamps cargier D'ans, de semainnes et de jours Que durs vous seroit li sejours Et que n'i poriés revenir. (Froiss., Joli buiss. F., 1373, 194)

Sabine, longs est li sejours Que faisons de nous en aler. (Mir. st Alexis, 1382, 302)

À sejour. Sans arrêt, à loisir.

...et le ramposnoient De ce qu'il yert la, a sejour, Jouant aux eschés toute jour. (Chr. Piz., M.F., III, 1400-1403, 120)

À peu de sejour. Sous peu.

Car il ara assault a bien pau de sejour ! (Hugues Capet Lab., c.1358, 215)

Sans sejour(s)

Sans délai, sans retard, tout de suite.

L'ABBESSE. Mes suers, dites moy sanz sejour, (...) Avez vous point fait assavoir Aux fréres qu'un sermon avoir Peussions hui ? (Mir. nonne, 1345, 311)

Or alons sans sejour, Si chevauchons et nuit et jour Pour les bons ma dame acomplir (Mach., J. R. Nav., 1349, 160)

LA MARQUISE. Trop Jolïet, va tantost dire A mon pere que sanz sejour Il s'en viegne vers monseigneur, Car grant joye en ara, ce croy. (Gris., 1395, 96)

...tuit venissent sanz sejour En la grant cité de Sussis (Chr. Piz., M.F., II, 1400-1403, 260)

...et je vous prometz que sans sejour a vous vendray a telle fontaine (Nouvelles inéd. L., p.1452, 11)

Sans arrêt, sans relâche.

Des le matin au point du jour [les femmes] Pignent et mirent senz sejour. (Dupin, Mélanc. L., c.1324-1340, 155)

La plorras, Gemiras Sans sejour En grant dolour (Froiss., Joli buiss. F., 1373, 236)

D'ardeur espris et d'esperance nus, En desconfort, pleins de toute dolour, Hay par lonc temps amé si bien que nulz Onques n'ama de plus loyal amour, Et aim encor et feray sans sejour (Mach., L. dames, 1377, 18)

...mais, sanz sejour, Ne cesse de gens conforter (Chr. Piz., M.F., I, 1400-1403, 92)

Et ainsi dura plusieurs jours Qu'ilz combatoient, sanz sejours (Chr. Piz., M.F., III, 1400-1403, 150)

...par combatre, sanz sejour, Si durement les demenerent Qu'a desconfiture menerent Pluseurs eschieles (Chr. Piz., M.F., III, 1400-1403, 257)

L'endemain veilla toute jour Et toute la nuit sanz sejour (Coudrette, Mélus. R., c.1401-1402, 305)

Mon deulh croistra de jour en jour, Tant que vivré. Cy tout entour, Sens soubjour, En deul ma vie useré, Quant me souvendra de l'atour De faulx tour Ou voustre corps avons trouvé. (Pass. Auv., 1477, 104)

Sans (nul) sejour. Constamment.

Car ta dame, de jour en jour, Croist en biauté, sans nul sejour, En douceur et en tout le bien Qu'on puet penser, ce sai je bien (Mach., R. Fort., c.1341, 59)

Aussi ces morfondus Qui en vivant sont pres de mort fondus, Et sont si plains de meshain sans sejour, Qu'a tous propos ilz regretent ce jour Qu'il conviendra mettre en terre leurs corps (La Vigne, V.N., p.1495, 315)

Sans plus de sejour. Sans nul sejour. Sans tarder davantage.

Or sus, anffans, c'om estudie Legierement, sans nul sejour, A trover quelque joly tour C'om joera ad ce Povre Peuple Pour luy faire perdre son meuble Et tout tant qu'il tient a la ronde (Pouvre peuple H., c.1450-1492, 189)

OFFICIAL. Il convient, sans plus de sejour, Pater Sancte, vous consacrer Pour le peuple d'icy autour En vostre obeÿssance ancrer. (La Vigne, S.M., 1496, 417)

Sans plus lointain sejour. Sans tarder davantage.

Le vendredy vingt et neufviesme jour Du mois d'aost aprés oÿ la messe, De Grenoble sans plus longtain sejour Le roy partit avecques sa noblesse. (La Vigne, V.N., p.1495, 155)

Faire (long) sejour. S'attarder.

SECOND CHEVALIER. Mon seigneur, trop faisons sejour : Au sacre de Jehan alons (Mir. st J. Cris., c.1344, 290)

Si ne fis pas moult lonc sejour, Eins me vesti et m'acesmay (Mach., F. am., c.1361, 180)

Mais il ne fist pas lonc sejour, Car l'endemain, au point dou jour, La messe oy, puis se parti. (Mach., F. am., c.1361, 242)

Chier filz, vien, et ne fay sejour, Veoir des nopces les ministres (Desch., M.M., c.1385-1403, 248)

LE PREVOST. (...) Ce juif si n'est point revenu Ne son homme ! Mal advenu Leur sera s'i faillent au jour. L'ADVOCAT. Ilz ne feront gueres sejour ; Vous les verrés tout a cest heure. (Mir. st Nic. juif, c.1480-1500, 128)

Sans faire sejour. Sans retard.

Biaux amis, sanz faire sejour Va tantost (...) Dire a ton maistre je li mande Qu'il viengne cy (Mir. ev. arced., c.1341, 134)

LE CONTE. (...) Que tantost, sanz faire sejour, De chascun hostel un homme isse (Mir. enf. ress., 1353, 49)

Faire long sejour de + inf. Tarder à.

Sabine, longs est li sejours Que faisons de nous en aler. (Mir. st Alexis, 1382, 302)

Mettre qqc. en sejour à qqn. Faire attendre qqc. à qqn, retarder qqc. à qqn.

Elas ! dame, s'en lonc sejour Me mettez qu'encor ne vous voie, Je ne say mais que faire doie (Mir. emp. Julien, 1351, 220)

Emploi absolu. Ne (pas) mettre en sejour. Ne pas tarder.

Or tost, ne mettez en sejour : Voz deux escharboucles prenez Et au pape avec moy venez (Mir. pape, 1346, 390)

Prendre ses sejours. S'attarder.

[Saint Martin vient de partager son manteau] LE DUC. D'espee ne de brodequin Ne de harnoys que sur luy porte, Se jamais piece il en rapporte, Je suis contant que l'on me pende ! LE CONTE. Force sera que tout despende Avant que soit jamais trois jours. LE MARQUIS. Il n'a rien que tost il ne vende S'il veult prandre ainsi ses sejours. LE DUC. Chevalier, volez vous tousjours Chevaulcher ainsi laschement ? LE CONTE. Je croy qu'il pence a ses amours. LE MARQUIS. Despeschez vous legierement ! (La Vigne, S.M., 1496, 199)

c)Période de repos et de loisir, loisir, agrément.

En grant aise prens ton sejour : Tu n'as ne femme ne enfans (Froiss., Joli buiss. F., 1373, 53)

Ens ces sejours, joies et esbatemens ou li contes Guillaumes de Hainnau tint et rechut la roine d'Engleterre en la ville de Valenchiennes, fu ordonné de messire Jehan de Hainnau conment il feroit, ne quel carge de gens d'armes il averoit. (Froiss., Chron. D., p.1400, 68)

...ce venoit et tournoit a ces barons et chevaliers de Gascongne, a trop grande desplaisance, et maudisoient l'orgoel de France, et l'aise et le sejour ou li rois et si consilleur estoient, et se departoient de Paris malcontent (Froiss., Chron. D., p.1400, 622)

Et de la courtoisie d'elles Me tindrent ilec tout ce jour En plaisans parolles nouvelles Et en tresgracïeux sejour (Chart., B. Dame, 1424, 334)

Agrément, chose agréable.

Dont meintes fois a grant sejour Le tenoie, devant le jour, Paisiblement et volentiers, Car c'estoit li propres sentiers Pour moy de joie et de solas. (Mach., D. Aler., a.1349, 278)

'Ils ont le sejour et les biaux manoirs, et nous avons le paine et le travail, et le pleue et le vent as camps' (Froiss., Chron. R., X, c.1375-1400, 96)

LE VARLET. De cela n'en fault plus parler. Il ne fault que le pic et la pelle. Mais, Fine Espice, est elle belle ? LE SERGENT. Belle, sang bieu ! C'est ung sejour. (Myst. jeune fille L., c.1413-1445 [c.1530], 52)

Ha, maistre, je pers tous actours Et soubjours. Ou irey je ? Las, je ne scey Si j'ay a la mere recours ; Tous les jours D'elle me sera raproché Qu'a la mort t'ay habandonné (Pass. Auv., 1477, 181)

d)Repos.

Adonc monta sur Morel qui estoit tous frez et fier pour le sejour qu'il avoit eü (Bérinus, I, c.1350-1370, 377)

Si se pensa que la cité devenoit pareceuse par trop lonc sejour ['période de tranquillité'] , et pour ce il commença a querre de toutes pars matiere de guerres susciter (Bers., I, 1, c.1354-1359, 22.2, 35)

Et certes, li uns en vaut quatre, Soit a conseil, soit a combatre, Soit au sejour, soit a la peinne (Mach., C. ami, 1357, 117)

Tant arestai en che sejour Que ma pensee vint a jour Et que je vi heure et chavance. (Froiss., Joli buiss. F., 1373, 203)

Nous menons femmes en nostre compaingnie et avons mené qui ne demandent que le sejour, et pour ung jour qu'elles cheminent, elles en vueillent reposer XV. (Froiss., Chron. M., XIV, c.1375-1400, 85)

Mon povre cueur forment souspire Quant je ne puis trouver sejour Pour alleger ma grief douleur Que jour et nuyt si ne me fine, Je suis bien mis a discipline. (C. Riffl., c.1480-1520, 59)

Demeurer à sejour. Se reposer, demeurer inactif.

Beau chevalier, plus ne vous est besoing De demourer maintenant a sejour, Car, en effect, laisser vous fault ce coing, Veu le grant cry qu'ay entendu ce jour. (La Vigne, S.M., 1496, 238)

Donner sejour à qqn. Laisser qqn tranquille.

...laquelle chose quant li Samnite virent, il commencierent a chevauchier plus aigrement entour la cloison, si que il ne donnoient sejour aus Rommainz. (Bers., I, 9, c.1354-1359, 22.4, 40)

Prendre sejour. Se reposer.

Prenez ung petit de sejour, Vous reposant ceste nuytee (Myst. siège Orléans H., c.1480-1500, 597)

Le vendredi vingtdeuxïesme jour Du moys d'aoust, sans prendre autre sejour, Le roy, la royne de Vïenne partirent Et en vollant allerent la autour (La Vigne, V.N., p.1495, 142)

Remarque : Jourd. Blaye alex. M., a.1455, gloss.

À séjour. En repos.

Sa gent ne sont point a sejour, Quar quant reposer deveroient, Adonques par nuit se desvoient. (Mir. N.D. Rosarius K., c.1330, 86)

Nous ne serons mes a sejour Tant que ceste besongne iert faite. (Mir. femme roy Port., c.1342, 172)

Et damp Abbés, assailli de celles mesmes amours par les doulz et amoreux semblans et regars que l'un a l'autre avoient faiz, ne fut pas toute celle nuyt a sejour, car souspirs et desirs de enflamees amours le garderent bien toute nuyt de dormir. (La Sale, J.S., 1456, 255)

Au sejour. Au repos.

Li plus de ces signeurs laissierent lors cevaus au sejour en Anwiers (Froiss., Chron. D., p.1400, 264)

De sejour. Reposé.

... ilz avoient coursiers et genez de sejour V ou VI (Froiss., Chron. M., XII, c.1375-1400, 324)

Par métonymie. Homme frais et dispos.

Voicy voz gens entierement, Tous voz subgectz et voz sejours, Pour acomplir vostre propoux Ou il vous plaisa a aller, Armez et abillez trestous (Myst. siège Orléans H., c.1480-1500, 241)

...Promptement nous vient secours D'un tres vaillant prince genti Qui scet de guerre tous les tours. Avecques luy sont ses sejours, Nombrez seize ou dix huit cent (Myst. siège Orléans H., c.1480-1500, 246)

Beste de sejour. Voir beste

B. -Par métonymie.

1.Lieu où l'on s'arrête, où l'on séjourne.

Messeigneurs, il n'a mais que XII. lieues jusques au siege ; si seroit bon que vous feissiez refreschir voz gens sur ceste riviere, car cy a bon sejour et bonne prayerie, et aussi de vous aviser que vous vouldrez faire. (Arras, c.1392-1393, 157)

AGRAPPART [à Lucifer] . (...) En feu gregois nuyt et jour les tourmente Avec ung tas de deableteaux pelus ; Les maleureux et maulditz turpelus Sont au sejour de ta dampnable tente. (La Vigne, S.M., 1496, 478)

Lieu où séjourne un grand personnage.

Cil des basses marces de Poitou, de Saintonge et de la Rocelle... estoint plus prochain dou sejour dou prince (Froiss., Chron. L., VII, c.1375-1400, 84)

Phelippes d'Artevelle encharga un grant estat de biaux coursiers et destriers, et avoir son sejour comme uns grans princes, et estoit ossi estofféement dedans son hostel que li contes de Flandres estoit à Lisle (Froiss., Chron. R., X, c.1375-1400, 243)

[Comme nom propre]

...un an a ou environ, autrement n'est record du jour, lui estant en l'ostel du Sejour mons. de Berry, print, en l'un des lis des varlez (...) une paire de draps de lit, lesquelx il vendi ès halles de Paris, à un marchant (Reg. crim. Chât., I, 1389-1392, 38)

2.Lieu où séjournent les chevaux du roi ou d'un grand seigneur, écurie.

...un an a ou environ, autrement n'est record du jour, lui estant en l'ostel du Sejour mons. de Berry, print, en l'un des lis des varlez qui gardent les chevaux et Sejour [l. sejour] dudit mons. de Berry, une paire de draps de lit, lesquelx il vendi ès halles de Paris, à un marchant (Reg. crim. Chât., I, 1389-1392, 38)

Aux roys d'armes, heraulx, trompectes et menestriers du roy et de mondit seigneur, et à Jehan Vain, varlet du sejour de mondit seigneur, la somme de soixante dix frans, c'est assavoir ausdiz roys, heraulx, trompectes et menestriers, 60 frans, que mondit seigneur leur donna le jour de la Penthecoste l'an mil quatre cens et dix neuf pour avoir ledit jour corné devant lui, et audit Jehan Vain 10 frans pour avoir amené à mondit seigneur ung cheval rouen (Comptes Etat bourg. M.F., t.2, 1419, 414)

...garde du Séjour dudit seigneur [le roi] (Ch. VI, D., t.2, 1421, 394)

3.Lieu protégé, protection, refuge.

Sous le sejour de qqn. Sous la protection de qqn.

Tantost aprés, sans gueres babiller, Present sa mere, le roy pour sa plaisance Tous ses habitz luy fist desabiller, Et rabiller a la mode de France, Signifïant qu'en seure et saulvegarde Le recevoit soubz son royal sejour, Ses gens aussi, qui la façon lombarde En leurs habitz laisserent des ce jour. (La Vigne, V.N., p.1495, 184)

Mettre qqc. à sejour. Mettre qqc. en sécurité.

Item, on fist sur une grant riviere Pour mieulx aller de la ville au chasteau, Qui fut trouvé chose bien singuliere, Ung pont passant dessus ung grant bateau : Cela fut fait pour les necessitez De l'ost entier mettre a parfait sejour, Et pour pourvoir aux controversitez Qui en tel cas viennent tant nuyt que jour. (La Vigne, V.N., p.1495, 183)

Par métaphore. [À propos de Marie] Refuge.

Tresdoulce vierge debonnaire, De vraie humilité sejour Et d'amour parfaicte exemplaire... (Mir. nonne, 1345, 324)

...vierge purifiie, Pour le saint fruit qui prist en vous sejour Vous doit on bien nommer branche fleurie (Mir. femme, 1368, 233)

Ou prent loyauté son sejour (...) Fors qu'en vous, doulce vierge pure ? (Mir. Oton, c.1370, 356)