ENDROIT

substantif masculin

[T-L : endroit ; GD : endroit1, endroit2 ; GDC : endreit ; AND : endreit ; DECT : endroit ; FEW (III, 88a) : directus ; TLF (VII, 1073a) : endroit]

I. -[Idée de localisation dans l'espace ou dans le temps]

A. -[Dans l'espace]

1.Partie déterminée de l'espace.

a)Lieu, emplacement.

C'est le propre lieu et l'endroit Ou la bonne femme gisoit Qui confession demandoit. (Mir. mère pape, c.1355, 401)

Et seroit tout aussi comme quant l'en resgarde le soleil en un mireur ou en une eaue, l'en ne le voit pas de chascun lieu dont l'en voit le mireur ne en chascun endroit, mais en certaine partie et de certaine distance, et de une autre distance l'en le voit en un autre lieu. (Oresme, C.M., c.1377, 456)

Et ne les sauroit autrement enseignier [les coffres cachés dans la rivière] , parce qu'il n'y a mis aucun merc à l'endroit, et aussi que le cours d'icelle riviere va et court par-dessus iceulx coffres. (Reg. crim. Chât., II, 1389-1392, 210)

...convenoit emplir les fosses pour aprochier de plus priés (...) il furent raempli la en cel endroit ou il avoient mieuls l'avantage del asallir. (Froiss., Chron. D., p.1400, 493)

...a l'endroit ou li arbalestrier traioient et ensonnioient ceuls dou fort, il ronpirent le mur et i fissent un grant petruis et entrerent dedens a force (Froiss., Chron. D., p.1400, 532)

...puis qu'elle [France] estoit a l'endroit du santier qui aloit ou chastel ou estoit Paix logiee (Juv. Urs., Aud. celi, 1435, 217)

...la grosse riviere du Rosne (...) en cel endroit est tant roidde que merveilles. (C.n.n., c.1456-1467, 313)

...pource qu'ilz ne sçavoyent pas bonnement en quel endroit estoit la personne du roy (La Vigne, V.N., p.1495, 285)

b)Locution prépositionnelle. À l'endroit de qqc. Auprès de, près de, en face de qqc., contre qqc..

...il trouva un grant treteau à sieur d'aiz, et le apporta à l'endroit desdites fenestres, par lesqueles, et à l'ayde dudit treteau, il monta et entra en ladite chambre (Reg. crim. Chât., I, 1389-1392, 128)

...en l'autre banc bas le chancellier de Guienne et autres conseilliers consequaument, et moy à l'endroit des piez de mondit seigneur de Guienne (Baye, II, 1411-1417, 41)

...ensemble l'estal estant en ycelle ganterie à l'endroit dudit portail (Fauq., III, 1431-1435, 32)

Elle dressa ceste echelle a l'endroit de la cheminée de la cuisine de l'ostel, ou elle vouloit estre (C.n.n., c.1456-1467, 275)

Et au bout dudit pont Nostre-Dame, à l'endroit de la maison d'un cousturier nommé Motin, y fut trouvé ung grant eschafault où estoient divers personnages qui estoient ordonnez pour sadicte venue. (Roye, Chron. scand., II, 1460-1483, 28)

Grand quantité de ceulx de nostre ost feirent des fossés en terre à l'endroit de leur logis, encores d'advantaige en y avoit beaucoup, pour ce que c'est lieu où on a tiré de la pierre. (Comm., I, 1489-1491, 62)

À l'endroit de qqn. Près, en face de qqn.

Le roy et Jason et tous ceulx qui la estoient furent tous espoantez quant ilz veirent Medee ainsy entrer en la salle, seant entre les dragons qui terribles sambloient, et en y eut qui s'en fuirent, et les autres demourerent. Et lors, quant Medee se trouva a l'endroit de Jason, elle luy escria en ceste façon: 'Jason, Jason, je suis ta femme ! Tu me laisses pour une autre, et sy n'ay riens mespris envers toy, ainçois t'ay sauvé la vie...' (LEFÈVRE (R.), Hist. Jason P., c.1460, 228)

À l'endroit du visage de qqn. En face de qqn.

L'ABBEESSE. (...) Seons nous cy : c'est a l'endroit De son visage [du prescheur]. SUER MARIE. Seez vous, dame ; aussi en ay ge Grant voulenté. (Mir. abbeesse, 1340, 60)

c)Emploi adverbial.

Directement.

Seigneurs, pensons de nous haster D'aler endroit en ma chappelle (Mir. fille roy Hongrie, c.1371, 87)

[Employé avec un autre un adv.] Ci/ici/là/(il)luec endroit. Ici/là même.

L'empereour trouva, qui tant fu exellens, Qui devoit la endroit tenir ses parlemens Pour responsse baillier as messagiers pullens (Flor. Rome W., c.1330-1400, 145)

Saches a toy cy endroit vieng Pour tant qu'a mon ami te tieng. (Mir. abbeesse, 1340, 88)

Merveilles vous ay oy dire, Mon chier seigneur, ycy endroit (Mir. ev. arced., c.1341, 106)

Biaus amis, mi pas Ne sont pas ci endroit perdu. Di : qui t'a einsi esperdu ? Que te faut ? Ne que te demandes ? Il couvient que raison m'en rendes, Dont viennent ces pensées veinnes, Que sans cause einsi te demeinnes. (Mach., R. Fort., c.1341, 113)

...maintenant la endroit voy Ce qu'ay desiré si long temps (Mir. nonne, 1345, 317)

Uns chevaliers un trop bel arc Li aporta et le volt tendre, Mais onques n'i volt la main tendre, Eins li dist : 'Alez en deduit, Qu'assez ci endroit me deduit'. (Mach., F. am., c.1361, 189)

LE CONTRAIT. Vous me bleciez trop malement Luec endroit, maistre. (Mir. st Panth., 1364, 331)

Tantost que li rois entendi ces nouvelles, il fist toute l'ost là endroit arrester en uns blés. (Froiss., Chron. L., I, c.1375-1400, 63)

Et doit estre la haye fete en lieu couvert et bas, quar, si elle estoit en cler pays et haut, les bestes, qui n'ont pas acoustumé de veoir illec endroit le boys qu'on y auroit abatu, ne se vendroyent mie voulentiers bouter dedanz la haye. (Gast. Phébus, Livre chasse T., 1387-1389, 251)

L'isle de Rodes trespassasmes Ou maintes merveilles trouvasmes, Sanz gaire arrester la endroit (Chr. Piz., Chem. estude P., 1402-1403, 56)

Icy endroit me coucheray Et ung peu me reposeray, Car je suis fort prins de sommeil. (Mir. st Nic. juif, c.1480-1500, 135)

d)[Empl. prép.]

Endroit qqc. À même qqc..

Puis doit couper et cuir et char endroit la rompeüre de l'os et doit mettre le jambon apouyé sus les costés du sangler et a terre, affin que le sangler se tiegne qu'il ne chiee de celle part. (Gast. Phébus, Livre chasse T., 1387-1389, 186)

Toutesvoyes se vostre esprevier y vole et vous veez que pour ce faire vostre esprevier ait la teste d'aucunes de ses plumes quassees, si la moulliez tantost de vostre salive endroit la quasseure, et quant vous viendrez a l'ostel d'eaue nonmie chaude, mais mains que tieude, et elle se reffermera (Ménagier Paris B.F., c.1392-1394, 157)

Endroit qqn/un lieu. Auprès, près de qqn/d'un lieu.

Li roy vint endroit li, si li dit haultement... (Lion Bourges K.P.F., c.1350, 615)

Je respon que, par aventure, l'en pourroit dire que le mouvement de cest tantet d'air, ou cas dessus mis, en descendant est naturel jusques a tant que cest air soit endroit la region ou est le lieu naturel de cest element (Oresme, C.M., c.1377, 70)

Et alerent jusques au-dessus de la Croiz-Hemon, endroit le Carme, et là lui baillerent un petit sachet de toile (Reg. crim. Chât., I, 1389-1392, 423)

Chez qqn.

L'argent est bien court endroict nous. Qui cherche argent cherche debat. (Gent. moun. T., c.1500, 343)

Endroit de qqc./de un lieu. Près de.

...et [les corps glorifiéz] peuent estre quant il leur plait sus ce monde la ou il leur plaist, ou endroit des poles ou de l'equinocial ou d'orient ou d'occident, etc. (Oresme, C.M., c.1377, 726)

Aprés doit prendre le jambon droit devant et endroit du coude il doit enciser le cuir de son coutel tout au tour. (Gast. Phébus, Livre chasse T., 1387-1389, 186)

Et doyvent estre trois compaignons derriere la charroigne et les roiz, endroit des deux bouz des roiz, et ou milieu un, un peu loing. (Gast. Phébus, Livre chasse T., 1387-1389, 265)

...et quant l'en vouldroit qu'il empirast à son mary, ou à celui ou ceulx pour qui et à quel entencion l'en vouldroit faire ces choses, quant l'en seroit endroit et au-dessus d'un chascun d'iceulx poz de terre esquieulx iceulx botereaux seroient, et avant que l'en les descouvrist aucunement, que par trois fois l'en appellast à son ayde ledit Luciafer (Reg. crim. Chât., II, 1389-1392, 325)

2.En particulier. Partie déterminée de qqc..

a)Emplacement dans qqc..

[À propos d'une maison] Partie située devant la façade.

... [À Jean Neret, paveur] ung trou reffaict à l'endroit de la maison où il demeure ung boursier, une toise (Comptes Paris M., t.2, 1470-1471, 269)

Partie (d'un animal de boucherie).

Prenez de la char et des costelectes premierement de l'endroit que l'en appelle le filet, apres de l'autre endroit des costellectes, et de la plus belle gresse -- autant de l'un comme de l'autre en icelle quantité que vous vouldrez faire de saulsisses -- et faictes tresmenuement mincer et detrencher par ung pasticier. (Ménagier Paris B.F., c.1392-1394, 279)

b)Passage dans un ouvrage.

Après des couleurs de l'escu, Pour ce que n'as pas tant vescu Que tu en saches l'ordenance, Te diray la signefiance : Saches de vray qu'en tout endroit Ou on descript armes a droit La couleur de pers est clamée Asur, s'elle est a droit nommée, Le rouge gueules, le noir sable, Et le blanc argent (Mach., R. Fort., c.1341, 68)

Des exemples peut on assez traire de pluseurs histoires en cest endroit et mectre avant pluseurs haulx et saiges hommes qui voluntairement ont voulu perdre la vie pour recouvrer a la chose publique sa prosperité. (Chart., Q. inv., 1422, 53)

Et quant les coureurs aprocherent la ville de Gand, ilz s'arresterent pour veoir la convive de la ville, et à cest endroit convient que je devise comment se conduirent les Gantois, quant ilz sceurent la desconfiture de leurs gens. (La Marche, Mém., II, c.1470, 327)

Et pour ce que je ne vouldroye point mentir, se pourroit faire que, en quelque endroit de cest escript, se pourroit aulcune chose trouver qui du tout ne seroit à sa louenge. (Comm., I, 1489-1491, 2)

Laurens, père de ce Pierre dont nous parlons à ceste heure, pour le differant dont a esté parlé en aulcun endroit de ce livre, qu'il eut contre ceulx de Pazzi et aultres, dont plusieurs furent pendus (et y fuz en ce temps là), avoit prins vingt hommes pour se garder, par commendement et congié de la Seigneurie, laquelle commendoit ce qu'il vouloit. (Comm., III, 1495-1498, 42)

Emploi adverbial. Ci/ici endroit. Dans ce passage même (de l'ouvrage du narrateur ou de l'auteur qu'il est en train de citer).

Cy endroit vous lairay de Achars le traïtre et du roy Olofernes, si vous compteray d'Aigres, qui estoit eschappé du puis dont il avoit tiré l'escrin. (Bérinus, I, c.1350-1370, 335)

Mais nous n'en parlerons plus ci endroit. (Oresme, E.A., c.1370, 112)

Mais Aristote entent yci endroit par pusillanime celui qui laisse a faire operacions honorables que il peüst bien faire et s'en depart par desesperance ou par peresce. (Oresme, E.A.C., c.1370, 258)

Mais yci endroit, selon Averroïz, Aristote allegue le [sic] philosophes de Caldee qui disoient que le mouvement du ciel est perpetuel sanz commencement. (Oresme, C.M., c.1377, 274)

Et de ce propos, c'est assavoir des meurs et contenances qui affierent a la bien ordonnee et joenne princepce, ne parlerons plus cy endroit, pour ce que cy aprés en l'epistre que la dame ancienne envoie a sa maistresse en sera parlé. (Chr. Piz., Trois vertus W.H., c.1405, 96)

Endroit. Dans le passage en question.

Le texte fu mal translaté ou est corrumpu endroit ; car il est differentement es livres et sans construction. (Oresme, Ycon. Arist. M., 1374, 831)

3.Place, rang (dans un espace au fig.).

Jourdains avoec se fame celle nuit se couçoit, Celle nuit enjenra .I. hoir de haut endroit (Jourd. Blaye alex. M., a.1455, 525)

Si suis je bien peu souffisant Pour entrer en si hault endroit, Mais puisqu'i leur plaist, tort ou droit, Obeir [leur] vueil en toute guise Et me soubmetz a leur service, Car j'ay bien mestier de leur grace. (Myst. st Laur. S.W., 1499, 136)

Avoir/prendre du meilleur endroit (de qqc.). Avoir le meilleur profit de qqc..

...car encores estoient avecques eulx ces chevaliers que j'ay nomméz, qui avoient accoustumé d'avoir de grans estatz et de grans honneurs du roy Charles, et leur sembloit bien qu'ilz estoient à la fin de leur entreprinse et que au roi ne se povoient fier, et voulut chascun en avoir du meilleur endroit. (Comm., I, 1489-1491, 89)

Puis [Jehan de Paris] dit au duc d'Orleans, son cosin: 'Amenez moy ce que vous ay baillé [la fille du roy] ; vous n'estes pas si honteux que vous ne prenez du meilleur endroit,' dont chascun se mit a rire. (Jehan de Paris W., 1494-1495, 78)

B. -[Dans le temps]

1.Moment donné, moment de qqc..

a)En cest endroit

À ce moment là, à cette occasion-là.

Une entre toutes les autres villes des pays, Abbeville, qui est ville royale, fit en cet endroit [l'annonce de la maladie du duc Philippe] chose singulière, par quoy elle requiert aussi un singulier compte qui moult la glorifye. [On y a fait sonner les cloches dans toute la ville, dès la venue du messager] (Chastell., Chron. K., t.4, c.1456-1471, 201)

[Dans le discours] Maintenant.

Ces oroisons pouez vous dire a matines ou a vostre esveilier du matin, ou a l'un et a l'autre, ou en vous levant et vestant, et aprez vostre vestir, tout est bien, et que ce soit a jeun et avant toute autre besoingne. Mais pour ce que j'ay dit en vous vestant, je vueil en cest endroit un petit parler de vestemens. (Ménagier Paris B.F., c.1392-1394, 9)

Merveilleusement est yci renversee et confundue la besterie des ydolatres, et la foy crestienne triumphe en ceste endroit glorieusement sur leur folle creance. (Chart., L. Esp., c.1429-1430, 116)

ENTENDEMENT. Par avant m'as tu [Espérance] prouvé que Dieu est la souveraine esperance. Maiz autres moiennes et subalternes esperances fault il chercer, qui conduisent a ceste finable. Sy te vueil je fayre en cest endroit aucuns menus interrogatoires, pour savoir qui me peult aider a esperer, et adrecer a mon esperance. (Chart., L. Esp., c.1429-1430, 149)

À/en l'endroit de qqc. À tel moment (d'une activité, d'un déroulement).

C'est le commancement ou entree de la messe, ouquel endroit doit lors chascun homs et chascune femme refraindre ses pensees endroit lui, et qu'il ne pense a chose mondaine qu'il ait onques mais veue ou oye. (Ménagier Paris B.F., c.1392-1394, 12)

Mais en cest endroit d'espreveterie le convient plus que devant tenir sur le poing, et le porter aux plais et entre les gens, aux eglises et aux autres assemblees et emmy les rues, et tenir jour et nuit le plus continuellement que l'en pourra, et aucunesfoiz le perchier emmy les rues pour veoir gens, chevaulx, charrectes, chiens, et toutes choses congnoistre (Ménagier Paris B.F., c.1392-1394, 152)

Item, chiere suer, en cest endroit d'espreveterie, aux jours que vous ne vouldrez vouler vous couvient acoustumer a paistre vostre esprevier des le bien matin, afin que a celle heure quant vous voulerez il ait tousjours fain, si volera mieulx. (Ménagier Paris B.F., c.1392-1394, 156)

...comme [ilz] estoient ou meilleur endroit de leur disner et qu'ilz faisoient le plus grand het, veez cy leens venir ung homme (C.n.n., c.1456-1467, 402)

b)Emploi adverbial. Ci endroit. Maintenant, ici et maintenant.

Si loeroie qu'elle en esleüst un cy endroit par devant vous, et que chascun se consenteïst a son elleccion, quel que elle le voulsist prendre, povre ou riche, car mielx vauldroit qu'il feust a sa plaisance qu'elle en prenist un qui feust contre son cuer. (Bérinus, II, c.1350-1370, 159)

'Aigre', dist elle, 'moult es fors et hardiz et de grant vertu, sy sera grant pitié se cy endroit te convient mourir a doulour, et bien voy que tu ne peus vivre longuement, se tu n'as prouchain secours, car viande t'est faillie.' (Bérinus, I, c.1350-1370, 255)

'...Il convenroit refaire se chastel si endroit ; (...).' Et il ont respondu : 'Regnaut, vous dites voir.' Lors i firent ouvrer a forche et a esploit (Renaut Mont. B.N. V., c.1350-1400, 213)

Paris, qui estoit embuchez Lez la tumbe Hector, a li chiefs Levé et a ses compaignons A dit : 'Ore ne nous faignons, Car maintenant, par soubtil tour, Occirons le faulx traïtour [Achille] .' Si se lievent et vont vers eulx, Qui cuidoient estre tous seulx ; Paris l'escrye : 'A ! Traitre faulx ! Loyer auras de tes deffaulx ! Ta mort est si endroit bastie !' (Chr. Piz., M.F., III, 1400-1403, 135)

Mais or vous lairons cy endroit du Chevalier du Papegau, sy vous dirons d'une autre ystoire (Chev. papegau H., c.1400-1500, 44)

De ci endroit. À partir de maintenant.

Mais quoique fait en a esté, encores i poons nous bien renonchier. Et de chi en droit nous i renonçons, et nous volons tenir dalés madame qui tant de biens nous a fais et fera encores. (Froiss., Chron. D., p.1400, 525)

c)[Empl. prép.] Endroit + compl. de temps. Vers, aux environs de.

Mais moult furent les pierres dures, Dont celle tour fu maçonnee, Quant si forte fu ordonnee Que .L. coubdes avoit D'espeus le mur, et, qui la voit Ancor, tout soit elle destruite, Peut veoir que de pierre cuite, Dure et fort a ciment seellee Fu la tour jadis grant et lee Et aussi haulte, com je dy, Car, endroit l'eure de midi, .VII. lieues loings l'ombre apparoit. (Chr. Piz., M.F., II, 1400-1403, 152)

A sa fin [le phénix] s'en va a vng bon arbre et de bonne ondeur et en fait vng moncel ou il fait le feu prendre et puis entre dedens endroit le soleil leuant et quant il est ars de la cendre sourt vng ver qui a vie et au second iour de sa naissance est fait comme vng petit poucin (Best. hérald. H.E., c.1435-1450, 479)

2.Par métonymie. Circonstances à un moment donné, situation, occasion.

Einsi avoie entierement L'esprevier qui si cherissoie Que bien tant, et plus, le prisoie. Prisoie ! pour quoy ? C'estoit drois, Car en tous amoureus endrois, Avec ce que j'en ay conté, Estoit il pleins de grant bonté. (Mach., D. Aler., a.1349, 277)

Guillaume, se vous tant valez, Vous le pouez bien einsi faire Par soustenir tout le contraire. Car li contraires, c'est li drois En tous bons amoureus endrois. (Mach., J. R. Nav., 1349, 172)

Mais, qui leens avoit amis, Par force de dons acquestez, Tousjours les trouvast apprestez A soustenir, en tout endroit, Son fait, ou fust ou tort, ou droit. (Chr. Piz., M.F., II, 1400-1403, 58)

En cest endroit, l'aspresse de vengier chaudement teles honteuses offenses est tenue aux princes et haulx hommes a equité, qui en autre cas seroit pour cruaulté reputee (Chart., Q. inv., 1422, 63)

Si ay besoing de fort et ferme appuyail en cest endroit. (Chart., L. Esp., c.1429-1430, 31)

II. -[Idée de point de vue]

A. -Au propre. Face, côté, aspect visible de qqc..

1.Locution adverbiale.

À l'endroit

Aprés eulz venoient les heraulz, portans les coctes d'armes de leurs seigneurs vestues a l'endroit, deux a deux. (La Sale, J.S., 1456, 204)

Aprés venoient les roys d'armes des marches, portant les coctes d'armes du roy vestues a l'endroit, deux a deux. (La Sale, J.S., 1456, 204)

Au figuré. À l'envers, à l'endroit/à l'envers ne à l'endroit. De n'importe quelle manière, d'aucune manière.

Mais contre elles [les femmes] ung cuer venimeulx taille Sans adviser a l'envers n'a l'endroit, Et mesdisans cueillent tout a leur droit. (Michault, Procès honn. F., p.1461, 57)

LA CHOSE PUBLICQUE. Je suis debilitee, Se j'estoye alectee Mieulx a point m'y viendroit. LE CAPPITAINE. A l'envers, a l'endroit, Et par tout, tort ou droict, Revisitez la bien. L'AFFINEUR. Quant le cueur luy fauldroit, J'ay ce qu'il luy fauldroit (Sots mal., c.1480, 90)

2.DRAPERIE Tondeur d'endroit

...une question meue entre les tisserans et les tondeurs d'endroit (Hist. industr. drapière Flandre E.P., t.3, 1350, 307)

Remarque : Cf. G. de Poerck, La Drap. médiév. en Flandre et en Artois, t.1, 1951, 133-134.

B. -Par analogie.

1.Aspect, point de vue.

a)[Idée de direction, au fig. ; empl. prép.]

Endroit (de) qqn. À l'égard de qqn. (en faveur de qqn ou contre qqn).

Et si fis je ; je le doubtay, Quant ces paroles escoutay, Nom pas pour cause de meffait Qu'endroit de moy eüsse fait, Mais je doubtay pour mesdisans Qui sont aucunes fois nuisans Par fausseté et par envie Aus bons qui mainnent bonne vie. (Mach., J. R. Nav., 1349, 165)

Hault empereur d'excellente proesse, Qui devant moy avez vostre promesse Endroit mon filz loyaulment acomplye, Le dieu Mahon et Juno la deesse Vous doinct tousjours soulas, santé, lïesse, Car ma personne est de joye remplie, Ne n'en sera de cest an desemplie. (La Vigne, S.M., 1496, 176)

(D)'endroit de qqc. À propos de qqc..

... comme contens et debas fuist meus entre Collart Vallet d'une part, et Jaquemes de Brughes d'autre part, d'endroye leur hiretage (Doc. 1346. In : Ch. Doutrepont, Z. fr. Spr. Lit. 22, 1900, 126)

Et touchant tout ce que vous avéz fait endroit de la matire de S. (...) veulléz savoir que nous nous ent tenons tresbien contentz, sachantz de certein q'al instance de nully nous (...) ne pensons venir au contraire de rien que par vous ad estéz fait en la matire susdite (Lettres agn. L., 1394-1395, 213)

b)En tout endroit/en tous endroits. À tout point de vue, à tous égards ; à souhait, autant que possible.

Et li bons rois, Qui moult estoit sages en tous endrois, Loiaus, vaillans, liberaus et adrois, Et envers tous dous, humbles et courtois, En moult grant joie Estoit assis sur un tapis de soie... (Mach., J. R. Beh., c.1340, 112)

Aussi est drois Que je parle de ses bras lons et drois Qui estoient bien fais en tous endrois ; Car elle avoit blanches mains et lons dois. (Mach., J. R. Beh., c.1340, 71)

Car a un bon juge apartient Qui jugemens en sa part tient Qu'il ait conseil en tous endrois. (Mach., J. R. Nav., 1349, 191)

Je m'y accors en touz endroiz. (Mir. nonne, 1345, 343)

Faire devons en touz endroiz Vostre vouloir. (Mir. st Guill., c.1347, 45)

Et se tu has guerre ou riote A ton voisin qui te riote, Saches premiers se tu has droit ; Et se tu l'as, en tout endroit Te dois hardiement deffendre. (Mach., C. ami, 1357, 111)

Or sui je bien en touz endroiz Povre et nu de beneurté Et venuz a maleurté, Quant j'ay ma compaigne perdue. (Mir. Theod., 1357, 89)

...atour Cointe et joli de vo corps fait a tour, Qui passe tous en grace et en valour En tous endrois. (Mach., F. am., c.1361, 152)

Or regardez en touz endroiz Un enfant bien moriginé. A Dieu puist il estre donné ! (Mir. st Panth., 1364, 314)

Il n'i avoit sage ne fol Qui ne deïst à grant murmure : 'Cils roys fu nez en l'armeüre ;' Tant estoit gens, joins, lons et drois, Hardis, puissans en tous endrois. (Mach., P. Alex., p.1369, 27)

Juenes homs estoit, lons et drois, Biaus, gracieus, en tous endrois. (Mach., P. Alex., p.1369, 69)

Je renonce a vostre conseil, Et desoresmais user vueil De ma puissance en touz endroiz, Ainsi qu'il me plaira, c'est droiz. (Mir. ste Bauth., c.1376, 118)

Et se vos gens corps lons, adroit, Parfait à droit En tout endroit, Vuet orendroit Que pour li muire sans attendre, Certes, mes cuers miex ne vaudroit... (Mach., Les lays, 1377, 288)

Se droit regnoit, riens n'y perdroit La femmelle, ne que le filz, Mais, en mains lieux, j'en sui tout fis, Regnent plus coustumes que drois, Pour celle cause, en tous endroiz, Je perdi, par faute d'apprendre, A ce tres riche tresor prendre, Dont me desplait de tel coustume, Car s'aultrement fust, je presume Que riche eusse esté, comble et pleine Du tresor pris en la fonteine (Chr. Piz., M.F., I, 1400-1403, 21)

...les histoires en tout pas Loent Hector en tous endrois, Non pas Achillés (Chr. Piz., M.F., III, 1400-1403, 76)

...mais tant est l'amour que je vous porte que vous vouldroie en tous endrois le plus vaillant et le meilleur, esperant en Dieu que il vous partira de l'onneur. (La Sale, J.S., 1456, 146)

...je ne suis pas telle, mais meilleur en tous endroiz que a vous n'appartient. (C.n.n., c.1456-1467, 463)

c)En l'endroit de qqn. En ce qui concerne qqn.

'Chil là sont nostre ; or tost à l'endroit de nous, soions tous nos palis, et puis issons baudement sus yaus.' (Froiss., Chron. R., VIII, c.1375-1400, 112)

Je, endroit de moi, ay si grant esperance d'avoir grasce et pardon envers Nostre Signeur, se je muir pour ce peuple sauver, que je voeil estre li premiers (Froiss., Chron. D., p.1400, 843)

Encore, selon les drois de Nature qui ont leur commencement en la divine providence et l'instrument de leur ouvraige ou mouvement, en la lumiere et en l'influence des corps celestielz, nous demonstrent les maistres de tresinestimable science d'astrologie que ou livre des cieulx, qui en si large volume est escript de tant diverses empraintes et ymaiges, se peult cognoistre le cours et la duree des seigneuries et des citez, que les naturiens appellent periode, et que elles ont leurs maladies et leur mort comme les hommes en leur endroit. (Chart., Q. inv., 1422, 2)

Et quant vint que la fin de ses XXX jours fust venue pour prendre congié, car il ne veoit chose qui ne lui fust desplaisante, sy s'en conseilla a son escuier, qui avoit a son endroit sa part es plaisirs comme lui meismes, lesquelz lui estoient moult durs a laissier. (La Sale, Salade, c.1442-1444, 98)

Et y estoit messire Charles de Meleun, qui fist aussi peu de service au roy comme s'il eust esté en ung baing, qui luy estoit en son endroit ung paradis terrestre. (Le Clerc, Interp. Roye, c.1502, 193)

Locution prépositionnelle. Endroit de moi. Quant à moi, pour ma part.

Car ce seroit a ma grant honte, Selonc vostre meïsme conte, S'endroit de moy contredisoie Le fait que jugié averoie, De mon bon droit, tel et si fait Que tout par moy aroie fait. (Mach., J. R. Nav., 1349, 173)

Endroit de moi, je veuil te[l]z estre Qu'elles seront de moi chieries Sans penser maulz ne tricheries... (Mach., Voir, 1364, 302)

d)Chacun en/selon son endroit. Chacun en ce qui le concerne, chacun de son côté.

...car, à assembler ceste chose, il semble que tous hommes de bonne condition y doivent condescendre, car, en brief temps, celle taille et cuillecte porte moult grant gaing (...) ; nulle autre manière, aussi plus esgalle et proportionnalle se peut ymaginer, car qui plus a plus paye ; et si est moins aparcevable ou sensible à chacun en son endroit, par ce plus supportable, sans peril de rébellion et sans le murmure du peuple. (Oresme, Monnoies W., c.1365, LXVI)

...après pluseurs journées, et que aucuns des seigneurs de ceans et le graphier eussent essayé, chascun en son endroit, d'accorder les parties (Baye, I, 1400-1410, 273)

Ledit traictié doit estre impugné et empeschié par chacun bon chrestien (...) chacun selon son endroit, et en tant qu'ilz aiment a mectre hors de chrestienté les inconveniens dessus nommez (Honn. cour. Fr. P., 1418-1420, 133)

Tous mes cinq sens, yeulx, oreilles et bouche, Le nez et vous, le sensitif, aussi, Tous mes membres, ou il y a reprouche, En son endroit ung chascun die ainsi : 'Souveraine Court par qui sommes icy, Vous nous avez gardez de desconfire ; Or la langue seule ne peut suffire A vous rendre suffisantes louenges...' (Villon, Poèmes variés R.H., c.1456-1463, 76)

Ces gens passez en si pompeux arroy Incontinent sans servir d'autres metz, Vindrent les cent gentilz hommes du roy Les mieulx en point que l'on les vit jamais, Ayans habitz de divers entremetz Tant de drap d'or comme de cramoisy, Le plus exquis qui fut oncques choisy ; Satin de pris, grant damas figuré En son endroit chascun l'avoit saisy Pour estre mieulx des dames honnouré. (La Vigne, V.N., p.1495, 214)

Locution prépositionnelle. Chacun endroit + pron. pers. En ce qui concerne, quant à.

Or sont si fais oiseaus sa proie, Car chascuns endroit soy s'aproie De li servir et honnourer, Considerant son amourer. (Mach., D. Aler., a.1349, 280)

...Et oiselès sus les rainsiaus Qui faitissement s'esbatoient, Li quel moult gaiement chantoient Selonc le temps de bonne assise, Chascuns endroit li a sa guise. (Mach., D. Aler., a.1349, 393)

Et li bons princes d'autre part, Qui rutez cops donne et depart ; Chascuns le fait bien endroit soy Pour s'onneur garder et sa loy. (Mach., P. Alex., p.1369, 167)

...et requierent que on leur assigne jour pour dire les causes de leur opposition, chascun en droit soy en tant que ung chacun d'eulz puet toucher. (Fauq., I, 1417-1420, 174)

Advise chascun endroit soy les pechez et faultes dont estes entachez (Juv. Urs., T. rever., 1433, 59)

Chascun endroit soy rende graces A Dieu, mon pere de lassus. (Myst. Pass. Troyes B., a.1482, 671)

2.En particulier. Point, question.

De dire voir en cet endroit Ta foy m'acquittes. (Mir. abbeesse, 1340, 69)

Et en cestui endroit, contraires l'ung a l'autre, porterent leurs procés par escript ; et en aultre endroit se moustroient concordans ensemble (Chastell., Temple Boc. B., 1463-1464, 33)

3.Par extension.

a)Façon, manière.

Et la dame, qui savoit tant De bien que nulz plus ne savoit, Ly respondy en tel endroit Com dessus, par mos dessamblables, Et dist que moult est pourfitables A pluseurs amans ly detris : Le chevalier n'est pas mendis Qui se sent riche d'esperanche, Et bien avient que plus s'avanche En poursievant ce qu'il desire. (Dit prunier B., c.1330-1350, 74)

Car pour s'amour si pris estoit Qu'il le prioit et requeroit, Et celle toutdis le fuioit. Ensi la belle, Que mon coer crient, sert, aimme et croit, Me tient en ce meïsme endroit : Com plus li prie, et mains rechoit De ma querelle. (Froiss., Espin. amour. F., c.1369, 93)

...qui sert traïtour il ne doibt ensement Avoir par nul endroit fors malvais paiement. (Cip. Vignevaux W., p.1400, 136)

Pour che dist on, c'es vrai : il n'est avoir furny Qui vaille en nul endroit avoir .I. bon amy (Jourd. Blaye alex. M., a.1455, 352)

Locution adverbiale.

En bon endroit. À bon escient.

...C'est que vous metez vostre cure En sieuir les poins de droiture Ou coustume attraite de droit ; Si jugerez en bon endroit. (Mach., J. R. Nav., 1349, 256)

Mon ami, soit fait sanz eslongne : Vous en parlez en bon endroit (Mir. fille roy, c.1379, 57)

De bon endroit. Comme il faut.

Puisqu'est lié de bon endroit, Au surplus faire nous prenons. A li [Ignace] batre nous esprouvons (Mir. st Ign., 1366, 82)

SAPÏENCE. Verité, dame noble et franche, Vous argüez de bon endroit (Gréban, Pass. J., c.1450, 46)

Locution conjonctive. En/par tel endroit que. De telle manière que.

...Si m'en deduis et deportay A grant deliberation, Si que par bonne entention En fu ligement acomplie Ma volenté et raemplie, Par ordenance en tel endroit Que je puis bien dire de droit Que mes cuers nul mal n'endura, Tant comme cils tans me dura ; Et fu un tans que moult amay. (Mach., D. Aler., a.1349, 340)

Mais il [l'oiseau] fu miens en tel endroit Que nuls vivans, a droit jugier, N'avoit cause de chalengier. (Mach., D. Aler., a.1349, 345)

Cecy disant, tousjours perseverant les champions, non point cessant de batailler et a frapper l'un sur l'autre, par tel endroit que Fyrebras a son espee luy rompit le cercle de son heaulme et si le fit cheoir sur son visaige, et son cheval fust mort s'il n'eust saulté oultre. (Bagnyon, Hist. Charlem. K., c.1465-1470, 50)

Olivier fut saige et prist garde ou fait et vint legierement et frappe Fyrebras és flancs sy trespuissamment, et continua de tel endroit qu'il luy mist son espee de l'un des flancs jusques a l'autre. (Bagnyon, Hist. Charlem. K., c.1465-1470, 61)

b)Endroit de qqn. Ce qui distingue qqn : condition, qualités, compétences propres.

Et quant les dames en ooient Le bien dire, et si l'i trouvoient, Plus les en devoient par droit Encherir selonc leur endroit. Mais courte estoit leur demourée, Car s'il sceüssent une armée Ou une guerre en Alemaingne, En Osteriche ou en Behaingne, En Hongrie ou en Danemarche (...) Il y alassent honneur querre. (Mach., D. Lyon, 1342, 209)

...et envoyeront l'un ça l'autre la [des serviteurs] , ung chascun selon son endroit et science, et tant que iceulx serviteurs gaignent leur salaire chascun et chascune en ce qu'il savra et devra faire. (Ménagier Paris B.F., c.1392-1394, 135)

...à ce jour que messire Jacques entra en la chambre de la royne de Portingal, toutes ses dames, c'est à sçavoir princesses et autres, estoient moult richement parées et atournées selon la manière du pays, et chascune selon son endroit. (Faits Lalaing K., c.1470, 126)

Consequamment, avec eulx places prindrent Varletz de chambre, escuyers, officiers, Porte buffetz, eschançons, despenciers, Et tous autres serviteurs domestiques Ainsy que huyssiers, panetiers, tapissiers, En leurs endroitz gens assez auctentiques. (La Vigne, V.N., p.1495, 218)