RESIDENCE

substantif féminin

[T-L : residence ; GDC : residence ; FEW (X, 297a) : residere ; TLF (XIV, 944b) : résidence]

A. -Fait de résider, de séjourner dans un lieu ; lieu d'habitation ou de séjour.

1.Fait de résider, de séjourner dans un lieu.

...après ce que maistre Gieffroy Le Goibe, dessus nommé, ot fait son rapport de l'excusacion, et alibi, et continuele residence et demeure dudit Perrin Houssaut, prisonnier, dessus nommé, par lui aleguée, si comme il est plus à plain contenu et escript cy-dessus, ledit mons. le prevost demanda ausdiz presens conseilliers leurs advis (Reg. crim. Chât., II, 1389-1392, 245)

LE LARRON RESSUSCITÉ. Or fault il que la demonstrance De mon cas villain et orrible Et le lieu de ma residence Soit sceu, las, qui est trop terrible ! (La Vigne, S.M., 1496, 428)

Avoir sa residence qq. part. Résider qq. part.

En celle place a une maison, laquelle est près d'une rue ou les Juifz ont leur residence. (Voy. Jérus., c.1395, 42)

Faire residence qq. part. Séjourner qq. part.

Le chevalier a son hostel Ne faisoit pas grant residence (Dit prunier B., c.1330-1350, 44)

Il ... se partirent... et s'en alèrent en aultres nations demorer et faire residence, tant que ces coses fuissent revenues en aultre estat (Froiss., Chron. L., V, c.1375-1400, 73)

...et aussi que le dit Jehan de Saint Laurens ne puisse mettre ou logier en la dite chambre quelcomque personne que se soit pour y faire aucune residence et demourance, se ce n'estoit par nostre congié, license ou auctorité (Chartes Abb. St-Magl. T.F., t.3, 1399, 740)

...Lequel exorte et amonneste Chascune personne discrète, Faisant en païs résidence Où règne boce ou pestillence, à s'en fouir, s'il est possible, Pour la doubte qui est horrible (La Haye, P. peste, 1426, 75)

Maistre, il vous plaise residence Faire dedans ma mansion ? (Marcadé, Myst. Pass. Arras R., a.1440, 109)

...[il] sercha maintes contrées, et se trouva en diverses regions, et s'arresta en la fin et fist residence en l'ostel d'un grand seigneur (C.n.n., c.1456-1467, 332)

DOYEN. (...) En apprés, de vostre cartier S'en alla, par vostre licence, Et prist le chemin et sentier De venir faire residence En ce lieu. (La Vigne, S.M., 1496, 579)

Faire sa residence qq. part. Résider qq. part.

Or est vérité qu'en ce temps, Charles, roy de France, partant de Paris acompaigné des roys de Cécile et de Navarre, de la Royne, sa femme, du duc d'Acquitaine, des ducs de Berry et de Bourbon, ses oncles, et plusieurs autres seigneurs du sang royal, avec grant nombre de gens d'armes, fut conduit et mené en la cité de Tours en Touraine, pour là faire sa demeure et sa résidence. (Monstrelet, Chron. D.-A., t.1, c.1425-1440, 390)

Je, Mathieu d'Escouchy, homme lay, natif de Quesnoy le Comte, de Haynnault, issu de par ma mère de noble generacion, et estraint [l. estrait ?] de la ville de Peronne en Vermandois, en laquelle faiz à present ma residance (Escouchy, Chron. B., t.1, c.1453-1460, 2)

Assez près du chasteau ou le dit chevalier faisoit sa residence demouroit ung musnier (C.n.n., c.1456-1467, 38)

...lesquelles lettres s'adresserent à monseigneur de Montgascon, qui se transporta audit Saint-Fergeau pour mettre à exécution saditte commission ; auquel lieu faisoit sa residence la contesse de Dampmartin, qui avoit avec elle son filz, nommé Jehan de Chabannes, aagé de dix huit moys ou environ, que le duc Jehan de Bourbon avoit fait tenir en son nom. (Le Clerc, Interp. Roye, c.1502, 162)

Remarque : Percef. IV, R., c.1450 [c.1340], gloss.

Faire residence avec qqn. Vivre avec qqn.

...tous irons es cieulx, Ou vous serés tout temps joyeux, Car tous vous estes mes amours. Avec vous farey residence Et pour vous augmenter plaisance, Demain merveilhes vous direy. (Pass. Auv., 1477, 253)

...mais, depuis le temps que je veins en son service, jusques à l'heure de son trespas, où j' estoye present, ay faict plus continuelle residence avec luy que nul autre (Comm., I, 1489-1491, 1)

Tenir sa residence qq. part. Résider qq. part.

...ung bon homme, laboureur et marchant et tenant sa residence en ung bon village de la chastellenie de Lille, trouva façon et maniere (...) d'avoir a femme une tresbelle jeune fille (C.n.n., c.1456-1467, 289)

Remarque : COMM., Lettres B., c.1476-1511, 50.

Sans faire residence. Sans s'arrêter.

PREMIER SERGENT. Sire, sanz faire residence Nule part, voulentiers yrons Et yci le vous amenrons Sanz demourée. (Mir. pape, 1346, 370)

Sans residence. Sans séjourner, sans s'arrêter, sans retard, au plus vite.

Allés moy querre sans residance Genis le prisonier A la meyson du carcerier (Oudin, St Genis M.S., c.1490, 88)

2.Lieu d'habitation ou de séjour.

...commanda aus sergens de Montlehery, ou à aucun d'iceulx, que se ilz le trouvoient en personne, ilz le admenassent ès prisons de Montlehery, ou, se trouver ne le povoient, il feust adjournez à trois briefs jours là où ilz pourroient savoir sa residance (Reg. crim. Chât., I, 1389-1392, 505)

...illec est la residence des freres de Saincte Katherine qui gouvernent icellui noble jardin (Voy. Jérus., c.1395, 52)

...li contes de Flandres fu enfourmés que uns chevaliers de Flandres, ... qui se nonmoit le Courtrissien, avoit tousjours compagniet et fait feste et honnour, en la ville de Gant ou sa residense estoit, ces signeurs d'Engleterre. Des quelles coses li contes de Flandres fu durement courouchiés sus le chevalier, (Froiss., Chron. D., p.1400, 269)

LUCIFFER. (...) Brou, brou, ha, ha, baaaa, je suis desconfit ! Villains paillars, saichez que, dés c'on fit Ceste mauldite, infame residence, Oncques tel dueil ne tourmens ne se fit Qu'entre nous tous convient faire en presence. (La Vigne, S.M., 1496, 225)

SAINCT HILLAIRE (evesque de Poitiers). (...) J'ay moult grant envie De sçavoir par quelle raison (...) Vous venez en ceste maison. SAINCT MARTIN. Des valeurs la grande foison Qui est en vous et la prudence M'a faict, par moult bonne achoison, Querir vostre humble residence. (La Vigne, S.M., 1496, 258)

3.En particulier. DROIT Action de résider, de séjourner dans le lieu où l'on exerce sa fonction.

Le procureur du Roy dit que incontinent, ou avant au moins que Seignet fust miz hors de son office, s'absenta et ne residoit pas, combien qu'il eust fait ceans le serment de residence (Baye, II, 1411-1417, 243)

Le procureur du Roy dit au contraire que ledit office requiert IJ personnes à continuelment besoigner, car aussi sont-ce IJ offices, desquelx chascun requiert residence de IJ personnes notables (Baye, II, 1411-1417, 258)

...avant (...) que Seignet fust miz hors de son office, s'absenta et ne résidoit pas, combien qu'il eust fait (...) le serment de résidence (Ch. VI, D., t.1, 1416, 383)

Ce jour, Girart de Bourbon fu receu en l'office de garde des seaulx de Champaigne, et fist le serement de residence. (Fauq., II, 1421-1430, 127)

Faire residence. Séjourner dans le lieu où l'on exerce sa fonction.

...la Court n'avoit point entention de le recevoir, si ne juroit de faire residense continuelle en ladicte Chambre et y besoigner et traveiller, comme il apartenoit (Baye, I, 1400-1410, 299)

Ce jour, m'a esté commendé de faire lettres par maniere de mandement à J. d'Aunay, bailli de Chaumont, que l'en disoit estre à Provins en reformation, et ne faisoit ne n'avoit fait residence en son bailliage, passé a IJ ans (Baye, II, 1411-1417, 248)

...est (...) ordonné que officiers du Roy (...) feront résidence (Ch. VI, D., t.1, 1416, 384)

...avec certifficacion de Jehan de Vaulbusin, capitaine dudit chastel, sur la residance et demeure faite par les dessusdiz escuiers et arbalestiers oudit chastel (Comptes Etat bourg. M.F., t.2, 1419, 590)

Semblablement des tresoriers de France, par les ordonnances anciennes ne devoit avoir que ung tresorier, au jour duy y en y a plus de quatre, comme l'en dit, et fault que tous aient gaiges, voire plus grans que les ordinaires gaiges, et dons, et si n'y a celluy qui face residence en son office et furgettent et quierent aultres proffis (Juv. Urs., Verba, 1452, 342)

Faire (sa) residence avec qqn. Exercer ses fonctions auprès de qqn.

Et, le lundi IIIIe jour de decembre, oudit an LXXV, advint que ung herault du roy, nommé Montjoye, natif du pays de Picardie, et qui faisoit la pluspart de sa residence avecques ledit seigneur de Saint-Pol, lui estant connestable, vint et arriva, lui et ung sien filz, en la ville de Paris, pardevers maistre Jehan de la Driesche, president des Comptes et tresorier de France, natif du pays de Breban, pour lui apporter lettres de par le conte de Merle (Roye, Chron. scand., I, 1460-1483, 352)

B. -Par analogie. [D'un astre] Temps d'apparition.

En tout le cours d'astronomie Qui est moult haultaine science En quoy j'ay mis mon estudie N'ay veu chose quoy que on die De si grande manificence Ne de si haultaine apparence Comme est celle luisant estoille Qui lassus prent sa residence, Sans empeschement et sans voile. (Marcadé, Myst. Pass. Arras R., a.1440, 34)

C. -MÉDECINE Résidu, dépôt.

Quant l'orine est crasse et furfures residences apperent, elles vienent de la rongne de la vessie. (Saint-gille, A.Y., 1362-1365, 78)

Es corps esquelz il a ou fons de leur orine residence areneuze et ont es rains ou en la vessie lithiasim s'ilz pissent sang, ou pourreture et escames, avec grant douleur, c'est signe de ulceracion de vessie. (Saint-gille, A.Y., 1362-1365, 80)

...maiz se telle sanie est semblable a residence d'oeille, c'est signe de mort. (Saint-gille, A.Y., 1362-1365, 101)

...quant l'orine est avec bonne residence ou avec sanie blanche sans feteur et quant l'orine est globeuse ou avec sanie fetide ou quant l'orine est blanche et tenve et la fievre ne se allege ne les accidens ne se mitiguent, c'est signe de mort (Gordon, Prat., c.1450-1500, VI, 9)