CONGÉ

substantif masculin

[T-L : congié ; GDC : congié ; AND : congé ; DECT : congié ; FEW (II-2, 946b) : commeatus ; TLF (V, 1322a) : congé1]

I. -Permission, autorisation donnée par qqn ou obtenue par qqn.

A. -Au propre.

Si tost que le congié arons Nous yrons (Mir. abbeesse, 1340, 73)

...il m'est advis que le plus tost que vous pourrez, aiant le bon vouloir et congié de Monseigneur, que vous envoiez voz lectres d'armes es quatre cours desdiz quatre roys (La Sale, J.S., 1456, 85)

...a vostre bon congié, volenté et licence, nous porterons ceste emprinse d'armes sur noz espaules (La Sale, J.S., 1456, 237)

Et, quant au congié que l'on vous a dit qu'il avoit eu de Monseigneur en ceste partie, il m'a confessé que, dès le vivant de feu Mons. l'escuier Rosequin, il luy resquist en parler à mondit seigneur le duc (Le Clerc, Interp. Roye, c.1502, 276)

À / o vostre congé. Si vous le permettez, avec votre permission ; comme vous le souhaitez.

Et dist ly varlez a la dame : Ma dame, il est temps de venir quant il vous plaira, car tout est prest. Et celle dist : De par Dieu. Puis a dit au roy : Sire chevaliers, a vostre congié et grans mercis de vostre courtoisie. Lors vint au palefroy pour monter, mais ly roys s'avanca et lui aida a monter moult doulcement. (Arras, c.1392-1393, 7)

Et vous en alez tout ce chemin, vous ne povez faillir ; et nous en alons a vostre congié. (Arras, c.1392-1393, 52)

Monseigneur, dist le cappitaine, je les vois querre a vostre congié. Or alez, dist le roy, et les me faictes cy venir demain dedens prime. (Arras, c.1392-1393, 115)

Mon seigneur, a vostre congié ! (Gris., 1395, 50)

J'ay oppinyon de combatre O vostre congé, sire roy. (Pac. Job M., c.1448-1478, 302)

A vostre congié me depars. (Gréban, Pass. J., c.1450, 146)

...je m'en voy, a vostre congé, en une mienne besongne (Percef. III, R., t.2, c.1450 [c.1340], 274)

...à vostre congié, Sire ; s'il me vient aucune fortune, je me recommande à vostre bonne grace. (Bueil, I, 1461-1466, 176)

'Certes,' dit Jehan de Paris, 'demandez ce qu'il vous plaira, car riens ne me sçauroit desplaire.' 'A vostre congié dont,' dit le roy d'Espaigne, 'je vous en vois dire ung...' (Jehan de Paris W., 1494-1495, 82)

Par congé. Avec votre permission.

Se je puis parler par congié... (Froiss., Pris. am. F., 1372-1373, 102)

Concil, par congié, il me semble Bon d'atendre s'il venra ame. (Concil Basle B., 1434, 87)

Au / du / par le congé de qqn. Avec l'autorisation de qqn.

...Simons dessus dits, et nous Aalis, femme audit Simon, dou greit et dou congiet de luy, sans contrainte et sans doute, avons seellé ces presentes lettres (Trés. Reth. S.L., t.2, 1336, 30)

Et il une telle piscine Te mousterra, au Dieu congié, Que se trois foiz y es plungié Tu seras gariz nettement. (Mir. st Sev., 1362, 204)

Lors la rembraçoie Et par son congé Sa bouche baisoie. (Mach., App., 1377, 647)

Item, ont leur cauffage pour toutes leur necessités par toute ladicte forest par le congié du verdier et hors deffens. (Hector De Chartres, Cout. R., 1398-1408, 171)

...il n'y avoit personne qui eust osé parler a luy ne estre enprés luy si non par les congié, permission et licence dudit roy Hanry (Juv. Urs., Aud. celi, 1435, 185)

...lequel du congie [l. congié] du roy de Babylonne destruit l'idole de Bel (Miélot, Spec. hum. Salv. L.P., 1448, 132)

...la pucelle Priande a esté vostre medecin au congé de madame la royne (Percef. III, R., t.2, c.1450 [c.1340], 176)

...se partit de sa marche, tresbien en point et accompaignié, portant emprinse d'armes du congé de son maistre. (C.n.n., c.1456-1467, 246)

...le XVe jour de juing, le Jouvencel se mist en mer au congié du Roy, son souverain seigneur, pour venir en Amydoine (Bueil, II, 1461-1466, 177)

Par le congé divin. Par la grâce de Dieu.

En bonne heure soit elle nee ! De par Dieu soit, puis que c'est fille. Pensez en bien, et par saint Gille Grandement paieray le vin ; Maiz, se par le congié divin Un filz feust, j'en eusse grant joye. (Gris., 1395, 50)

Sans congé. Sans autorisation.

Il fault que vous faciez tant que Anthoine de Lusignen prengne vostre damoiselle a moullier, et si sera vostre seigneur ; et lors pourriez vous dire tout seurement que vous n'avez voisin ne marchissant si hardy qui osast prendre sur vostre pays une poule sans congié. (Arras, c.1392-1393, 169)

...ung appellé Robin la Trompette, (...) et autres compaignons estans lors ou dit hostel ouquel se faisoient les dictes nopces, avoient sans congié prins ou dit hostel, pour manger et banquetter, de la poullaille (Doc. Poitou G., t.8, 1445, 206)

Sans (le) congé de qqn

...aucuns Papes de Ronme (...) ont establi que l'autorité et la seignorie de tout le monde, (...) soient Roys ou Impereurs, leur appartient de Droit devin, en tant que nul seigneur temporel ne puet, contre leur volantés ou sanz leur congié, exercer aucune juridiction seculliere (Songe verg. S., t.1, 1378, 95)

...Pierre Surre, sanz congié ou consentement du dit chevalier, en ycelle terre et fief avoit cueilli et emblé certains biens... (Doc. Poitou G., t.5, 1386, 287)

...et que si tost comme elle ot prins ce que dit est dessus, elle se parti de l'ostel et demeure desdiz Hennequin et sa femme sans leur sceu et congié. (Reg. crim. Chât., I, 1389-1392, 196)

...veant que son maistre auquel il servoit estoit alez hors de la chambre où il ouvroit, ala à la tasse de sondit maistre, en laquelle, sanz son sceu, il print un franc en or, et atant se parti sanz le congié de sondit maistre, ne oncques puis ne le vit. (Reg. crim. Chât., II, 1389-1392, 91)

Cedit jour, a esté defendu au graphier que il ne reçoive nul accort à passer sanz le congié et consentement de la Court. (Baye, I, 1400-1410, 84)

...sans congié ou licence du Roy (Fauq., I, 1417-1420, 110)

...plusieurs hommes et femmes de corps et de condition haute, et peuvent a present estre trente, et ne se peuvent marier a l'un a l'autre sans faire mariage arbitraire, ne prendre tonsure sans mon congé (Trés. Reth. L., t.4, 1479, 369)

Et, durant ledit jour, le roy entretint fort ledit seigneur de Balsac et le voullut retirer d'avec ledit duc de Bourbon ; lequel Balsac respondit qu'il ne le feroit point sans le congé de monseigneur de Bourbon et de son oncle le conte de Dampmartin. (Le Clerc, Interp. Roye, c.1502, 184)

Congé de + inf. Autorisation de + inf..

Se homs estrange amene son pain ou son vin en la ville de Dijon pour seurance, se discorde le muet en aprés entre son seigneur et les hommes de la commune, il aura XV jours de congié de vendre son pain et son vin et de porter ses deniers et ses autres chatelz fors pain et vin (Cout. bourg. glosé P.M., c.1380-1400, 21)

Nature aprés ce que le congié de parler fu ottroyé de Dieu ainsy parla : 'Tu scez, Sire, que...' (Gers., Concept., 1401, 399)

Avoir congé de + inf. Avoir l'autorisation, la possibilité de.

...et au surplus disoit que il avoit bien dit audit maistre Guillaume Rose qu'il avoit eu congié de vendre sadicte busche à six solz le mole (Fauq., I, 1417-1420, 222)

...le pere, qui vit que son filz eut congé de souldre sa question, luy demanda... (C.n.n., c.1456-1467, 413)

Esdras ot aussi congié de rediffier Jherusalem et le Temple et de y mener les dix lignées que le roy Salmanasar avoit encloses ès mons de Caspie (Simon De Phares, Astrol., c.1494-1498, f° 48 r°)

...et dit on qu'il est allé devers le duc d'Autriche et qu'il a eu congié de s'en aller. (Le Clerc, Interp. Roye, c.1502, 374)

Donner à qqn (le) (bon / plein) congé de + inf. Donner à qqn l'autorisation de, toute liberté pour.

Mon seigneur, vueillez nous donner Le congié de nous en raler (Mir. femme roy Port., c.1342, 181)

Dont quant j'en fui bien acointiez Et d'eaus honnourer apointiez, Il meïrent grant diligence De moy porter tel reverence Que tous li lieus abandonnez Me fu, et plain congié donnez De cel alerion porter, Pour moy deduire et deporter, Toutes les fois qu'il me plairoit (Mach., D. Aler., a.1349, 319)

La li furent habandonné Touz les fruiz, et congié donné De mengier en, fors d'un : helas ! (Mir. Barl. Josaph., c.1363, 266)

Sire, Le saint pére, de sa puissance, Vous donne congié et liscence De vostre fille a femme prendre (Mir. fille roy Hongrie, c.1371, 12)

Dictes leur de par nous que je leur donne bon congié de retraire là où le mieulx il leur plaira, soit en Castille, soit en France, sans faire nul villain traittié envers nos ennemis. (Froiss., Chron. M., XIV, c.1375-1400, 100)

Quant les freres l'ouyrent, si firent tantost crier par my l'ost que tous ceulx qui n'auroient bonne voulenté de venir a la bataille, si se meissent d'une part et qu'ilz leur donnoient bon congié de raler en leur pays. (Arras, c.1392-1393, 159)

La Court a au jour d'ui donné congié à frere Nycolle de Peronne d'aler à son couvent de S. Quentin (Baye, I, 1400-1410, 58)

...il y en a qui donnent congié et licence de piller et rober (Juv. Urs., Loquar, 1440, 367)

...car le Souldan a donné congié et licence aux Francs d'aler habilliez en guise de Sarazins pour leur seureté (La Broquière, Voy. Outr. S., c.1455-1457, 41)

...et luy avons donné et donnons par ces presentes plain pouoir, congié, licence, auctorité et mandement especial de tenir plaiz, seoir en jugement avec noz hommes de fief cotiers ou tenans (Comté Porcien R., 1457, 255-256)

Au moins s'il vous plaist nous (par)donner, Soctz assoctez de vostre grace, Congié d'entrer, sotz sans fallace, Soctie vous doibt mercier (Feste roys, c.1475-1500, 307)

Et, se Mons. de Bourgoigne ou autre luy avoit donné congié de faire ce qu'il dit... (Le Clerc, Interp. Roye, c.1502, 274)

...en tel cas deust donner congié à ung de ses serviteurs de porter... (Le Clerc, Interp. Roye, c.1502, 274)

Prendre congé de + inf. Demander la permission de.

S'a pris congié de s'en aler Vers Orgueil (La Buigne, Rom. deduis B., 1359-1377, 238)

L'endemain est venus (...) devant le roy et prent congiet de destruire les Françoys (...). Le roy luy fist grant feste et luy donat le congiet. (JEAN D'OUTREM., Myr. histors G., a.1400, 55)

Donner congé à qqn que

...feu monseigneur, par ses lettres de privilege (...), a donné congié et licence auxdiz habitans que de lors en avant ilz puissent mettre et asseoir toutes foiz que bon semblera, telz impostz, subsides et assis que à la loy de ladicte ville semblera estre necessaire et prouffitable, sur les buvraiges, biens, denrees et autres marchandises qui seront amenees, vendues ou dispensees en ladicte ville, et si avant que l'eschevinage d'icelle se estent (Comptes Etat bourg. M.F., t.3, 1418-1420, 427)

Demander congé (à qqn / de qqc.). Demander l'autorisation, la permission.

Li chevaliers s'osfri a cevauchier avoecques la roine et en demanda congiet au roi, et li rois li acorda (Froiss., Chron. D., p.1400, 57)

Ma dame avoyt aux habitans mandé Comment qu'il fust que tous s'appareillassent De faire ce qu'elle avoit commandé Pour le congié qu'ilz avoient demandé (La Vigne, V.N., p.1495, 163)

Demander congé à qqn pour + inf.

Donc fault que congié demandons A Pilate pour tout ce faire. (Pass. Auv., 1477, 227)

Je vous ay tousjours dict qu'il ne fault point que me demandez congié pour aler faire voz besongnes, car je suis seur que n'abandonnerez point les miennes que n'ayez bien pourveu à tout ; et pour ce je m'en remectz du tout à vous et vous en povez aler sans congié (Le Clerc, Interp. Roye, c.1502, 382)

Demander congé à qqn que

Sachiez je li demanderay Congié que nous puissons aler Moy et vous a m'antin parler (Mir. abbeesse, 1340, 73)

Donner congé à un animal. Libérer un animal, le détacher.

Tu es plus esragié que n'est le chien a qui son mestre donne congié, et il le prant sans meffaire et fait chen que son mestre li dist. (Henri Ferr., Modus et Ratio, Livre deduis T., c.1354-1377, 62)

B. -Par métonymie. Acte officiel (d'autorisation, d'acquittement...), document qui l'atteste.

1.Autorisation délivrée par une instance, document qui l'atteste.

...et est le congié de VI muis de charbon et non plus (Hector De Chartres, Cout. R., 1398-1408, 189)

...appoincté a esté par la Court, veu le congié et saufconduit sur ce obtenu de monsr le regent, que ladicte commission sera baillée audit Spifame (Fauq., II, 1421-1430, 270)

...nulle personne n'osoit yssir hors de Paris sans congé, ne rien porter sans passe porte (Journal bourgeois Paris T., 1436, 319)

...octroyons de grace especial par ces presentes congié, licence et auctorité de faire ou faire faire, construire et ediffier en ses dictes terres (...) ladicte garenne (Doc. Poitou G., t.8, 1446, 351)

Et en se tournant, il apperceüt ung marchant gascon, qui demouroit en Angleterre, lequel luy estoit venu demander ung congé de tirer certaine quantité de vins de Gascongne sans riens payer du droit du roy, et estoit chose qui povoit fort proffiter audict marchant, s'il luy estoit accordé. (Comm., II, 1489-1491, 71)

...et pour ce faire [le roi] avoit ordonné et constitué le conte de Dampmartin, grant maistre d'ostel de France, son lieutenant general pour donner congé, saufconduit, et y faire ce qu'il appartenoit comme eust fait le roy (Le Clerc, Interp. Roye, c.1502, 337)

Congé de cour. Acte royal qui décharge qqn de toute poursuite.

...Nous (...) avonz donne et donnons congie [l. congié] de court quant a present aus dessus nommes Jossart, Colart, Gilles, Guillaume et Jossart et a chascun deulx [,] et leurs corps avec tous leurs biens pour ce prins ou empeechies avonz delivre et delivrons par ces presentes. (Rég. jur. Belg. B., 1380, 371)

Remarque : Cf. M. Devèze, La Vie de la forêt fr. au XVIe s., II, 1961, 349.

Droit de congé. Redevance due pour avoir l'autorisation de charger et décharger les marchandises des bateaux à certains endroits, de vendre telle ou telle marchandise.

..monseigneur a affranchis, par ses lettres de previlege (...), ses subgiez, bourgoiz et habitans de sa ville de Malines de non paier, à lui ne à ses successeurs, contes et contesses de Flandres, aucun droit de congié audit lieu de l'Escluse (Comptes Etat bourg. M.F., t.3, 1416-1418, 278)

[P. ell. de droit]

Des petis congiez en l'Eaue à l'Escluse, que Morissis de Varsenare et ses compaignons ont prins à ferme trois ans (Comptes Etat bourg. M.F., t.3, 1416-1418, 99)

Du congié du ballast en l'Eaue à l'Escluse, que Guillaume Le Smet a prins à ferme six ans (Comptes Etat bourg. M.F., t.3, 1418-1420, 383)

À Jehan de l'Isle, demourant et lieutenant de Saint Cloud, et commis par Mesdits Seigneurs à recevoir les congiez et visiter les bateaux (Comptes Paris M., t.2, 1458-1460, 202)

Sur l'article ensuivant commençant : Item, les tonneux et foraiges, etc., depposent lesdiz tesmoings qu'ilz ont veu garder et observer en ladicte ville que qui emporte ung tonlieu desdictes Masures il enchiet en l'amende de LX s. Parisis, se le fermier s'en plaint ; et qui affore vin sans congié ['sans payer les droits'] , s'il en est reprins et qu'il en appere, il y a X s. Parisis d'amende, en laquelle amende d'afforaige le seigneur prent les deux pars et la ville le tiers (Comté Porcien R., 1464, 330)

Lettre de congé. Lettre, acte notifiant une autorisation.

...moiennant lettre de congié du Roy nostre Sire (Baye, I, 1400-1410, 261)

...laquelle fortifficacion il feroit voulentiers parachever, mais il doubte que, sans avoir sur ce noz lettres de congié de ce faire, nostre procureur voulsist proceder à la demolicion et desemparacion d'icelle place, ou lui donner sur ce aucun trouble ou empeschement (Doc. Poitou G., t.10, 1460, 270)

...s'aucun leur y vouloit mettre destourbier et empeschement, (...) leur faictes joyr de l'effect de nosdictes lectres de congié (Lettres Ch. VIII, P., t.2, 1488, 48)

2.Acquittement.

Plus l'examine et mains le treuve Coupable d'estre a mort jugé. Pour Dieu, qu'on luy donne congé ! (Michel, Myst. Pass. J., 1486, 369)

Permission d'absoudre (?).

Je ne dy point que les religieux n'ayent puissance etc.., mais c'est bon au moins d'avoir congié et licence. Et se tu dis : 'Pourquoy me confesseroye je a mon curé car j'ay pluseurs pechiez desquelz il ne me pourroit absoldre ?'. Response : Le curé te renvoyra, et souffist cecy dire : on demandera la licence pour toy. (Gers., Concept., 1401, 428)

II. -En particulier. Permission de s'en aller ; p. méton. action de s'en aller ; injonction à s'en aller.

A. -Permission donnée à qqn ou obtenue par qqn (après qu'il en a demandé l'autorisation) de se retirer, de s'en aller.

Si se departirent de l'oost chil doi conte desus nonmé, assés par le gré et congiet dou dit duch (Froiss., Chron. D., p.1400, 671)

Sans le congé de qqn. Sans l'autorisation que donne qqn (à qqn d'autre) de se retirer.

...je feroye villenie de vous mettre en prison fermee (...). Et quant le roy ouy ces paroles, si respondy tous honteux : Ma damoiselle, je vous jure par ma foy, mettez moy ou il vous plaira, car je ne me partiray ja sans vostre congié ne sans le leur ; car j'ay veu tant d'onneur, de bien et de prouesse en eulx (Arras, c.1392-1393, 164)

Demander congé (à qqn). Demander (à qqn) la permission de partir.

Et li amant ont congié demandé. Mais on leur a baudement refusé, Car Courtoisie, Franchise, Honneur, et Largesse s'amie, Li gentils rois qui pas ne s'i oublie, Et chascuns d'eaus moult duremeut les prie De demourer. (Mach., J. R. Beh., c.1340, 133)

Si me fu avis que par tans Seroit poins que fusse partans Dou vergier ou j'avoie esté Presque jour et demi d'esté. Si que congié leur demandai Et a li me recommendai. Mais elle volentiers m'eüst Plus retenu, s'il me pleüst. (Mach., D. Lyon, 1342, 233)

Je congnois bien que grandement failly, Quant me parti derrainement de vous, Car j'estoye si raempli de courrous Que je ne peu un mot a vous parler, Ne mon congié, au partir, demander. (CH. D'ORLÉANS, Ball. C., c.1415-1457, 118)

Donner congé à qqn. Donner à qqn l'autorisation de se retirer.

Encor vous di-je que li roy Donna congié à un anglois, C'est messires Robers li Rous, Qui est fors, puissans et estous, Et en armes preus et legiers. (Mach., P. Alex., p.1369, 178)

Et si avoit IJ. escuiers à qui li roy abandonna L'aler, et congié leur donna. (Mach., P. Alex., p.1369, 178)

...elle voult prendre congé pour s'en retourner en sondit hostel au giste, maiz il ne lui voult donner congé, disant qu'il estoit trop tart (Reg. crim. Chât., I, 1389-1392, 45)

LE PERE. (...) pour ce, je vous supplie Qu'il vous plaise de nous congé donner. EMPEREUR. Puisqu'a ce faire vous voulez ordonner, Sans vostre gré en rien desordonner, Quant vous plaira, vous vous mectrez en voye. (La Vigne, S.M., 1496, 176)

Prendre congé (à / de qqn). Prendre (auprès de qqn) l'autorisation de se retirer.

...a vous, dame, aussi Pren congié (Mir. femme roy Port., c.1342, 165)

Or m'est avis que tu te peres De faire contre mon voloir, Mais le cuer t'en feray doloir. Tu me dois toute oubeissance, Foy, pais, honneur et reverence, Et tu t'en vas sans congié prendre ? (Mach., P. Alex., p.1369, 18)

Li roys vost dou duc congié prendre, Mais li dus ne le vost entendre Einsois li dist à chiere lie : 'Einsi ne partirez vous mie.' Qu'encor le voloit honnourer Et, pour li faire demourer, Fist crier joustes et tournois Et pluseurs autres esbanois. (Mach., P. Alex., p.1369, 45)

Dame, dist li contes de Qent, vous prenderés congiet au roi et le remerciierés des courtoisies que il vous a fait (...). La dame se ordonna apriés le consel de son serourge le conte de Qent, et prist congiet a son frere le roi de France. Li rois li donna assés legierement (Froiss., Chron. D., p.1400, 56)

...il prissent congiet dou retraire : on lor donna. (Froiss., Chron. D., p.1400, 216)

Ce jour, maistre Jehan Rapiout a prins congié de la Court pour aler hors, à l'expedicion de certaines besoingnes touchans le Roy (Fauq., I, 1417-1420, 187)

Pour abreger, temps est que je m'en aille ; Congé je prens de vostre seigneurie. (La Vigne, S.M., 1496, 253)

Prendre son congé

Et, quant le Roy fut assiz en sa chayère, il dit : Beau cousin de Parvanchières, faittes appeller le Mareschal de Crathor, affin qu'il prengne son congié et qu'il s'en voise, et qu'on baille à chascun sa charge. (Bueil, I, 1461-1466, 175)

B. -Par métonymie. Action de saluer au départ, de quitter un lieu, de se retirer, de s'en aller, départ, retraite.

1.Action de saluer au départ, salutation de départ.

Je me parti le lendemain, Mais je me levai si tresmain Com je vi le jour adjourner ; Qu'aprés congié le sejourner Ne m'estoit pas moult honnourable... (Mach., Voir, 1364, 310)

Au pluriel. Salutations, adieux.

Apriés tous ces congiés ['après avoir fait ses adieux à tout le monde'] , la jone roine Phelippe d' Engleterre, en l'eage entre trese et quatorse ans, se departi de Valenchiennes (Froiss., Chron. D., p.1400, 158)

Et se parti tout le premier Alixandre (...). Et atant se taist l'istoire de tous les congiés qui y furent fais et donnés a grant honneur pour toute la compagnie (Percef. IV, R., c.1450 [c.1340], 87)

Prendre congé. Saluer (pour se retirer) ; saluer (et se retirer).

Quant on ot espices eü Et de ce vermillet beü, Midi passa ; la nonne vint. Pour ce penre congié convint ; Si le prist chascuns et chascune Selonc la maniere commune. (Mach., R. Fort., c.1341, 147)

Au partir grant dons li donnerent Et longuement le convoierent. Il [le roi] prist congié ; chascuns s'avoie En sa maison... (Mach., P. Alex., p.1369, 42)

Ces mos oys, congié preïrent, Et landemain se departirent. (Mach., P. Alex., p.1369, 118)

Et lors vint ly evesques qui les avoit espousez, qui beney le lit. Et lors prist chascun congié, et furent les courtines tirees. (Arras, c.1392-1393, 41)

La fu pris li congiés, et baissa la roine a son departir tous les enfans, l'un apriés l'autre (Froiss., Chron. D., p.1400, 70)

A ces parolles chascun sailli dehors et le petit Saintré a genoulz print congié. (La Sale, J.S., 1456, 7)

Il print congé et se partit. (C.n.n., c.1456-1467, 577)

Adieu, mon bon cousin, adeu ! Adieu ! Je pers soulas et joye. Je prens congié, adieu, adieu, Puis que dens ces blancs draps vous ploye ! (Pass. Auv., 1477, 259)

LE TIERS. A Dieu, hau ! nous prenons congié Nous reviendrons quelque demain (Rapp., c.1480, 71)

Remarque : Coordonné avec des subst. concr.

Après disner, ilz prindrent vin et espisses en la chambre du roy et congiet. (Froiss., Chron. M., XIV, c.1375-1400, 109)

Prendre congé à / de qqn

S'alay des autres congié prendre, Et puis m'en parti sans atendre. (Mach., D. Lyon, 1342, 233)

A moy prinst congié et je a lui. (Mach., Voir, 1364, 138)

Lors en souspirant congié pris De ma douce dame de pris, Car pour le soleil qui venoit De la partir me couvenoit. (Mach., Voir, 1364, 366)

A ceste fois plus ne feïrent Et au soudan congié preïrent. (Mach., P. Alex., p.1369, 198)

... [il] print un drap pers qui estoit près des presses de l'ouvroer dessus dit, atout lequel drap, il, seul et sanz prendre congié de sondit hoste, se parti et ala en la ville de Beaune en Bourgoigne, en laquelle il vendi icellui drap la somme de XVJ fr. d'or (Reg. crim. Chât., II, 1389-1392, 136)

Et vous en alez seurement, mon amy, car vous ne vous avez que faire de riens doubter. Et lors print Remondin congié d'elle en la acoulant moult doulcement, et la baisa tres amoureusement, comme celle ou il se confie du tout (Arras, c.1392-1393, 27)

Mais, beaus seigneurs, ne faisons pas ycy un long sejour, mais alons courir sur noz ennemis. Et lors se drece, et prent congié a ses deux seurs et a ses nepveux (Arras, c.1392-1393, 283)

Si pris congié de mes amis, Qui plourerent au deppartir (Chr. Piz., M.F., I, 1400-1403, 34)

...il monta a cheval et print de madame congé bien pour ung moys (C.n.n., c.1456-1467, 43)

...quand tout fut appareillé et prest, print congé a sa femme (C.n.n., c.1456-1467, 442)

Et puis lui fut donné à boire et print congié du roy, qui, au partir, pour ce qu'il plouvoit, lui donna sa cappe, qui estoit de veloux noir. (Roye, Chron. scand., I, 1460-1483, 99)

Mon filz, mon amy, je vous prie Que je preignhe congé de vous ; Et me dictes deux ou trois motz Pour moy resjoïr tout le cuer ! (Pass. Auv., 1477, 191)

Prendre tel congé / son congé

...le curé se partira de leens et prendra son congié affin que nul de leens n'ait suspicion de luy (C.n.n., c.1456-1467, 353)

...prenons ung congié gracieux De ces gens (cy) avant que chascun desclicque. (Sots mal., c.1480, 91)

Emploi substantival.

Et quant venoit au congié prendre, Il n'estoient pas a aprendre, Eins disoient, savés comment ? 'Ma dame, a vous me recommant ! Vous poués seur moy commender Et moy penre sens demender...' (Mach., D. Lyon, 1342, 208)

(Et sera au prendre congié De la royne glorieuse) (Mir. pape, 1346, 397)

...quant ce vint au congié prandre... (CH. D'ORLÉANS, Compl. C., 1433-p.1451, 265)

Ma noble dame, au congié prendre, Nous vous saluons humblement. (Gréban, Pass. J., c.1450, 92)

...jusques a l'heure du congié prendre (Chastell., Chron. IV, D., c.1461-1472, 42)

2.Action de quitter un lieu, de se retirer, de s'en aller, départ, moment où l'on se sépare.

Mais bien leur sambloit au partir Que le cuer leur deüst partir Et que moult bien fust esploitié, S'il eüssent dit au congié Seulement : 'Douce dame, a Dieu !' Et que ce leur tenist bon lieu. (Mach., D. Lyon, 1342, 197)

Et au congié d'elles lui dirent : 'Souvienne vous de la promesse, car nous sommes pleiges pour vous.' (La Sale, J.S., 1456, 10)

Prendre congé de qq. part. Partir de.

...on print congié de l'eglise et emporta on le corps ainsi acoustré qu'il a esté dit. (La Vigne, V.N., p.1495, 313)

3.Au figuré. Donner / prendre congé à qqc. Dire adieu à qqc., renoncer à qqc..

Avis m'est que donner congé Doi sens quelque temps prolongé A toute joie mondainne (Guill. Digull., Pèler. âme S., c.1355-1358, 358)

Je pren congié à dames, à amours, A tous amans, à l'amoureuse vie, Et si renoy le bon temps, les bons jours Et tous les diex qu'onques eurent amie (Mach., L. dames, 1377, 201)

Je prens congié a l'amoureuse vie. (Lannoy, WERCHIN, Ball. P., 1404, 364)

Prenons congié du plaisir de noz yeulx (CH. D'ORLÉANS, Rond. C., 1443-1460, 542)

C. -[P. méton. à partir de B] Prière adressée à qqn de se retirer, incitation à partir ; injonction, mise en demeure adressée à qqn de quitter un lieu, de se retirer.

Bien voit qu'elle [Charité personnifiée] est deshonnerée [,] Dou monde (,) banie et ostée, Et dist : '(...) Jou, Carités, sui bien pierdue, On le post bien pour vrai retraire ; Assés hukier poroie et braire, J'ai congiet de tous cuers humains ; Mors est li princes souverains Par qui j'estoie gouvrenée, Et je sui avoec lui finnée...' (Jean De Le Mote, Regr. Guill. S., 1339, 104)

[Les troupes du duc de Bourbon nuisent à la Castille plus qu'elles ne lui sont utiles] Si est bon pour tous pays que on leur donne ung congié honnourable. (Froiss., Chron. M., XV, c.1375-1400, 124)

Et quant le pouvre Saintré entend de Madame son tres crueulz congié, las ! ne pensa pas mains que de estre deshonoré (La Sale, J.S., 1456, 9)

Renvoi.

...les Congiez doivent estre donnez en ladite faculté [de médecine] , de deux ans en deux ans, (...) pour oster et restraindre la multitude des non souffisans à estre Maistres (Ordonn. rois Fr. L.S., t.2, 1331, 70)

Avoir congé. Être renvoyé.

La chambriere, qui coulpe n'avoit au meffait desusdit, emporta la punicion par en avoir congié (C.n.n., c.1456-1467, 78)

Donner congé à qqn. Prier qqn de partir ; demander à qqn de partir ; congédier qqn.

...quant je cuidoie secours Avoir de ma dame et d'Amours Pour mon temps qu'ay en li usé, Ma dame m'a congié donné. Et au donner m'a dit que vrais Li sui et loyaus amoureus Et qu'en riens ne me sui meffais Vers li, dont moult sui mervilleus (Mach., Bal., 1377, 549)

Las ! or me tolt toute ma joie. S'en chant de cuer desesperé : 'Ma dame m'a congié donné.' (Mach., L. dames, 1377, 112)

...quant la feste fu departie, et que Melusigne ot donné a partie de ses gens congié, que tantost après fist venir grant foison d'ouvriers terrillons et ouvriers de bois (Arras, c.1392-1393, 45)

Il en y a aucunesfoys prez de vous ausquelz vous avez donné congié qu'i s'en aloient bien plains et gorges (Juv. Urs., Verba, 1452, 320)

...lors [Madame] donna a tous congié, fors que a lui, puis fist clorre la porte (La Sale, J.S., 1456, 56)

Ha ! dit il en soy mesmes, mon hoste ne m'a pas donné congé de si haulte heure sans cause. (C.n.n., c.1456-1467, 208)

Et, ce fait, le roy renvoya tous ses frans archers et leur donna congié jusques au premier jour de mars ensuivant, et renvoya aussi son artillerie à Paris (Roye, Chron. scand., I, 1460-1483, 152)

Donner le total congé. Chasser de manière définitive.

...la damoiselle, le voulant enchasser et donner le total congié, luy dist qu'elle advertiroit son mary (C.n.n., c.1456-1467, 48)

Bailler le grand congé. Chasser de manière définitive.

...pour telle que vous estes a ceste heure, je vous baille le grand congé et vous dy le grand adieu. (C.n.n., c.1456-1467, 420)

Obligation pour qqn de quitter un lieu, document qui l'impose.

Empoignez vous deux se congié Et demandez... (Roy sotz, c.1450-1500, 228)

COQUIBUS. Quel congié ? Ce n'est qu'ung baston De seur, qui est ainsi tortu. (Roy sotz, c.1450-1500, 228)

Par bieu ! c'est ung congié, voy tu ? (Roy sotz, c.1450-1500, 228)

III. -Par analogie. Possibilité.

Donc s'en va l'ennemi [le diable] fuiant ; Saint Evroul le va poursuiant ; De foïr ert mont apresté, Mes par force c'est arresté, Quer de foïr n'a plus congié (Vie st Evroul S., c.1350, 89)

[À propos du vent] Avoir congé. Être libéré.

Car quant ses ouevres voit derompre, Elle vuet aussi l'air corrumpre. Et quant li vent orent congié, Et Jupiter ot tout forgié, Foudres, tempestes et espars, Qui lors veïst de toutes pars Espartir mervilleusement Et tonner trés horriblement... (Mach., J. R. Nav., 1349, 147)

Remarque : Une précédente version de cet article a été rédigée par Eveline Martin.