MERCI

substantif masculin et féminin

[T-L : merci ; GD : merci ; AND : merci ; DECT : merci ; FEW (VI-2, 15b) : merces ; TLF (XI, 670b) : merci]

A. -Récompense, prix.

Et puis a haulte recommandations des heraulz, se boutta au tournoy, qui crioyent : 'Vecy Passe Prouesse qui requiert mercy ; si la doit avoir par ottroy' (Percef. IV, R., c.1450 [c.1340], 32)

Salaire.

YOLINE. Baillés leur quelque curien A taillier, voir s'on vous surmonte. CREPI. Crepin, vieng avant et si monte Sur ce passet et si me taille Deux solers fors. CRESPIN. De quel bestaille ? CREPI. Il fault que ce soit cuir de vache. Regardés la s'il s'i attache. YOLINE. C'est plaisir d'en voir l'appareil Et l'autre, quoy ? CREPI. C'est son pareil. Ilz besongnent bien sans mercy. (Molinet, Myst. st Quentin C., c.1482, 143)

B. -Par extension. Grâce, faveur qu'on accorde par bienveillance, par mansuétude ; pitié, miséricorde ; bonté, bienveillance .

1.Pardon, grâce qu'on accorde par bienveillance, par mansuétude.

Avoir merci. Être grâcié (dans un jugement).

...il estoit fauls, mauvais et traites contre son signeur. A ce jugement n'eut nulle merchi (Froiss., Chron. D., p.1400, 186)

Crier merci à qqn. Demander grâce, pardon à qqn.

Et lors commanda le roy que Jossellins et son filz feussent tous deux penduz. Et cilz a qui le roy le commanda saisirent tantost Josselin, qui crioit au roy mercy moult piteusement. Et le roy lui dist qu'il confessast la verité de la querele, et, par adventure, il pourroit bien avoir grace. Lors dist Josselin : Sire, le celer ne vault rien, prengne vous pitié de moy, car certainement il fut tout ainsi comme cellui chevalier l'a proposé (Arras, c.1392-1393, 64)

Sachiez qu'il n'a si grant pecheur ou monde que Dieu ne soit plus grant pardonneur et plus debonnaire, quant le pecheur se repent et lui crie mercy de bon cuer et de bonne voulenté. (Arras, c.1392-1393, 255)

Elle, qui se vit par exemple vaincue, cria mercy, et il luy fut pardonné (C.n.n., c.1456-1467, 446)

Donner merci à qqn. Pardonner, faire grâce à qqn.

SECOND BRIGANT [au prevost] . (...) Tant de gorges avons coppees (...) Qu'a y pencer j'ay des maulx mains, Vous suppliant a joinctes mains, Pour m'oster de ce dueil icy Et assurer noz cas au moins, Que nous donnez mort ou mercy. (La Vigne, S.M., 1496, 315)

Prier merci à qqn. Demander pardon à qqn.

Mais il est si misericors Que qui de soi met pechié hors Et merci li prie humblement Il l'appaise ligiérement (Mir. nat. N.S.J.C., c.1343, 216)

Henry Willood fu jugiet de pryer merchi à l'advoé de le ville, en oultre, dedens le sollelg à entrer en prison et là demourer 15 jours, et après lez quinse jours à vuydier l'eschevinage deux foys 40 jours (Hist. industr. drapière Flandre E.P., t.3, 1392, 661)

...elle se confessa et ordonna comme bonne chrestienne, priant mercy a tout le monde, et specialement a monseigneur son mary. (C.n.n., c.1456-1467, 425)

...il revint a luy, et sentit tresbien ses doleurs, et bien piteusement pria mercy a son maistre (C.n.n., c.1456-1467, 457)

Proverbe. Qui merci prie merci doit avoir

Qui merci crie, il doit merci avoir. (Froiss., Rond. B., c.1365-1394, 63)

Li dis contes Derbi, qui fu moult nobles et très gentilz de coer, respondi : 'Qui merci prie, merci doit avoir...' (Froiss., Chron. L., III, c.1375-1400, 52)

Prendre qqn à merci. Faire grâce à qqn.

Et lor estoit estroitement conmandé que tout ce que il veroient, qui prendre terre vodroient en Engleterre, fuissent mort, sans nului prendre a merchi. (Froiss., Chron. D., p.1400, 69)

Mon createur, qui tant est amyable, Pren a mercy ton servant miserable, Lequel peché de toy desalia. (Meschin., Lun. princes M.-G., c.1461-1465, 25)

Et y estoient là presens trois des hommes monseigneur de Chastillon, qui prierent ledit Vigier qu'il les print à mercy et qu'ilz luy rendroient la place. (Le Clerc, Interp. Roye, c.1502, 191)

Et si veullent obeyr, a mercy je les prandray ; croyez que si ne veullent obeyr, la Pucelle vient pour les occire, elle vient de par le Roy du ciel, corps pour corps vous bouter hors de France. (Myst. siège Orléans H., c.1480-1500, 413)

Prendre qqn à merci de sa vie. Faire grâce de la vie à qqn.

Et leur sembloit bien encores que, au pis venir, nature ne pourroit jamais tant mentir à luy que au destroit il ne les prist plus tost à mercy de leur vie que à dure exécution de justice par sang respandu. (Chastell., Chron. K., t.1, c.1456-1471, 140)

Recevoir qqn à merci. Faire grâce à qqn.

...se tieulx vouloient venir a mercy, il samble que l'en lez deveret recevoir primierement ; car ce me samble estre chose expedient et profitable a toute Sainte Eglyse et a la chose publique que recever tieulx rebelles a mercy (Songe verg. S., t.1, 1378, 340)

'Sire chevalier, je suis content de vous recevoir a mercy. Or vous levez, puis me baillez la foy.' (Percef. III, R., t.1, c.1450 [c.1340], 135)

Requerir (pardon) et merci

...mais je viens a vous, vicaire de Dieu, pour vous requerir pardon et mercy des offences que j'ay tant faictes a mon sauveur. (La Sale, Salade, c.1442-1444, 104)

LE CRESTIEN. A toute ceste compaignie Je requiers mercys humblement Et confesse publicquement Que je suis ung mauldit parjure Et requiers grace de l'injure Que j'ay fait encontre justice De ma pure et propre malice. (Mir. st Nic. juif, c.1480-1500, 151)

2.Pitié, miséricorde.

[Empl. interjectif]

Merci !

L'ABBÉ. (...) Conment avez si oultrageux Esté, biau frére ? THEODORE. Merci ! merci ! doulz abbes pére, Merci ! merci ! L'ABBÉ. Vous l'arez : quelle ? vez la ci. (Mir. Theod., 1357, 107)

Là eut grant pité ; car hommes, femmes et enfans se jettoient en genoulz devant le prince et crioient : 'Merci, gentilz sires, merci !' Mais il estoit si enflammés d'aïr que point n'i entendoit. (Froiss., Chron. L., VII, c.1375-1400, 250)

Helas, pour Dieu, merci mon maistre. Nous sommes troys sottes parfaictes (Feste roys, c.1475-1500, 305)

Sans merci. Sans pitié.

Si entroient en povre estrine pour yaus, quant il se trouvoient entre les Englès, car il n'en avoient nulle merci, et mettoient tout à l'espée sans merci. (Froiss., Chron. L., III, c.1375-1400, 189)

...s'il me laisse vivre, il aguise le cousteau qui sans mercy a ses derrains jours le mainra. (C.n.n., c.1456-1467, 235)

Par plaisanterie (?). Tout à fait, complètement (?).

...Mais Constant le pere est plus noble De tous, et de meilleur vignoble : Il est neveu de Glaudien L'empereur. Et Quintilien Fut son oncle empereur aussy : Son filz est noble sans mercy. Il se nomme Constantinus (Molinet, Myst. st Quentin C., c.1482, 6)

GRIGNART. Les solers sont bons sans mercy. Ce samble ung cler marbre poli, Tant sont noirs et bien encraciés, Je seray tantost bien joly. (Molinet, Myst. st Quentin C., c.1482, 171)

[À propos de Marie] Dame de merci. Dame de miséricorde.

Ainsi (...) Acompli ce paiement De l'umain corps vray et obedient Qu'en voz sainz flanz prist, dame de mercy Qu'a ceulx donrez qui vous aront servi Ouniement. (Mir. prev., 1352, 279)

Oeuvre de merci. Oeuvre charitable.

[M]eschans ont esté mesnagiers Tenuz pour debte jusques cy : Faictes les euvres de mercy, Comme vous estes coustumiers : [D]onnez l'aumosne aux prisonniers ! (CH. D'ORLÉANS, Rond. C., 1443-1460, 515)

Avoir merci de qqn

Mais, par m'ame, nulle mercy N'aray de vous, n'en doubtez point (...) Se de ce la truis ynocent... (Mir. abbeesse, 1340, 79)

Vueilliez avoir de moi merci, Chier sire ; certes ne peut estre Voir le fait que sus me voy mettre De vostre dame. (Mir. roy Thierry, c.1374, 266)

Par foy, dist Alain, or est bien le pays de Bretaigne essarpez de la lignie Jossellin. Dieux en ait mercy des ames, combien que ilz ne nous amassent onques. (Arras, c.1392-1393, 74)

Et en ce devons nous avoir esperance et confiance qu'il aura mercy de nous se nous le requerons, quant il [saint Paul] monstra telle amour envers ceulz qui le persecutoyent. (Gers., P. Paul, a.1394, 510)

Or pleut a Dieu que, dedans le temple espirituel de nostre cuer, nous receussions maintenant telle misericorde, que nous eussions mercy et pitié de nous meismes et de nostre ame, comme l'admonneste le Saige (Gers., Purif., 1396-1397, 59)

Tuer le cuide, mais cellui Prie qu'il ait merci de lui (Chr. Piz., M.F., III, 1400-1403, 79)

Dieu par sa pitié weille avoir pitié et mercy de nous et nous donner cognoiscence de nos fautes et orgueil, et mauvaistié. (Baye, I, 1400-1410, 333)

...abandonnez et meritez d'avoir perdu leurs ames, se Dieu n'en a mercy (La Sale, J.S., 1456, 301)

Freres humains qui aprés nous [les pendus] vivez, N'ayez les cueurs contre nous endurcis, Car se pitié de nous povres avez, Dieu en aura plus tost de vous mercis. (Villon, Poèmes variés R.H., c.1456-1463, 66)

...si tost que les moines sentirent le feu, ilz commencierent a faire piteux criz et tres amers et doulereux plains ; mais ce ne leur vault riens. Ilz reclament Jhesucrist et le prient devotement qu'il ait mercy des ames d'eulx, car des corps est doresenavant neant. (Arras, c.1392-1393, 251)

[Dans une formule de souhait]

...et là il fut inhumé et y gist. Nostre Sauveur Dieu ait mercy de son ame ! (Roye, Chron. scand., I, 1460-1483, 22)

Avoir pitié et merci de qqn

Tout li baron et li chevalier qui la estoient, en plorant prioient si acertes que faire pooient au roi que il en vosist avoir pité et merchi (Froiss., Chron. D., p.1400, 847)

Proverbe. En guerre il n'y a nulle pitié ni merci

...en gerre il n'i a nulle pité ne merchi (Froiss., Chron. D., p.1400, 439)

Par plaisanterie. Avoir merci de qqc. Ne pas consommer qqc..

...s'il avoit eu peu de pitié des trippes et de la langue de beuf, encores eut il mains de mercy de ce beau beuf entrelardé. [D'un moine à l'appétit démesuré] (C.n.n., c.1456-1467, 487)

Crier merci à qqn (de qqc.). Réclamer la pitié, la miséricorde de qqn (pour qqc.).

...je vous conseil pour bien, M'amie, se vous savez rien Qu'aiez meffait encontre li, Que vous li en criez merci (Mir. nat. N.S.J.C., c.1343, 216)

...[Raoulet Grison] est venus en jugement, et à IJ genoulx et en pleurant a crié mercy à la Court à mains joinctes (Baye, I, 1400-1410, 127)

... [Talbot] luy disoit : 'Ha ! larron, avez vous desrobé l'eglise !' Et l'autre de crier : 'Monseigneur, je vous crye mercy...' (C.n.n., c.1456-1467, 59)

Helas ! monseigneur, je vous cry mercy, je me rends a vous ; ma vie et mon honneur sont en vostre main, aiez pitié de moy. (C.n.n., c.1456-1467, 118)

Quant au regard du luminaire [pour mes obsèques] , Guillaume du Ru j'y commectz ; Pour porter les coings du suaire, Aux executeurs [testamentaires] le remectz. Trop plus me font mal c'oncques maiz Barbe, cheveux, penil, sourcys ; Mal me presse, temps desormaiz Que crye a toutes gens mercys. (Villon, Test. R.H., 1461-1462, 147)

Le doulx cuer en m'oyant fructiffie, Et de ses pechés mercy crie. A cely mon pere pardonne Et d'abondant grace luy donne. (Pass. Auv., 1477, 137)

Faire merci à qqn. Faire miséricorde à qqn, avoir pitié de son âme.

Il fut nagaires une grant dame de la lignie des roys d'Espaigne, laquelle fu mariee au conte d'Estampes et puis aprés au conte d'Alençon, frere du roy de France, Philippe de Valoys - ausquelx Dieu faisse mercy. (Mézières, Vertu sacr. mar. W., c.1384-1389, 293)

Sire, je vous supply que il vous plaise que vous accordez que je donne la baronnie de Leon, qui fu de Hervy, mon pere, que Dieux face mercy, a Hervy, mon cousin, et la terre aura recouvré le nom de son droit seigneur, et vous le nom de vostre homme, car il est de la droitte ligne. (Arras, c.1392-1393, 65)

Sire, le roy d'Ermenie, vostre oncle, si est alez de vie a trespassement. Dieux lui face vraye mercy. (Arras, c.1392-1393, 141)

Dieu face mercy a monseigneur vostre pere (C.n.n., c.1456-1467, 427)

Item, a celle [mon ancienne maîtresse] que j'ay dit Qui si durement m'a chassé Que je suis de joye interdit Et de tout plaisir dechassé, Je lesse mon cueur enchassé, Palle, piteux, mort et transy. Elle m'a ce mal pourchassé, Mais Dieu luy en face mercy ! (Villon, Lais R.H., c.1456-1457, 15)

Requerir merci (et pardon) (de qqc.)

De cuer vous en requier merci Que le me vueilliez pardonner (Mir. nat. N.S.J.C., c.1343, 218)

Sire, avant qu'aler vous en voie, Vous requier pardon et mercy De ce que je vous ay fait cy (Mir. march. larr., c.1349, 110)

Et requiert lui estre par ledit mons. le prevost faitte grace sur les choses dessus dites, en requerant mercy et pardon. (Reg. crim. Chât., II, 1389-1392, 468)

Helas ! monseigneur, disoit il, je vous requier mercy, je ne vous ay rien meffait. (C.n.n., c.1456-1467, 450)

...treshumblement luy requeroit pardon et mercy. (C.n.n., c.1456-1467, 516)

3.Bonté, bienveillance.

a)[À propos de personnes]

Prier merci à qqn que + sub. Demander à qqn d'avoir la bonté de.

L'escuier appella qui estoit moult subtiz, Qui pour elle avoit fait le message de priz A Florent le danssel dont il fu resjoÿs, Et luy a dit : 'Vassaulx, je vous prye mercys Que vous soyés pour moy conseillier ententiz...' (Flor. Octav. L., t.1, c.1356, 170)

Rendre qqn à la merci de qqn. Confier qqn aux bonnes grâces de qqn.

Puis qu'il m'est ainsi infortuneement advenu, j'ayme mieulx ma mort que a plus vivre. Nennil, dist Anthoine, vostre mort ne vueil je pas, mais je vous rendray a la mercy de la pucelle sans doubte. (Arras, c.1392-1393, 163)

Trouver merci chez qqn. Bénéficier de la bienveillance de qqn.

Si orent consel et lor sambla que il valloit mieuls euls mettre en la volenté dou roi d'Engleterre, se plus grant merchi n'i pooient trouver, que euls laissier morir l'un apriés l'autre par destrece de famine (Froiss., Chron. D., p.1400, 835)

[Empl. interjectif]

Les adj. poss. mercis. Grâce à vous.

Et s'il en y a aucun qui puisse monstrer desraison que je lui aye faite, je sui prest de l'amender tout a sa volenté, car vous m'avez, les vostres bonnes mercis, bonnement tenu a seigneur et porté honneur et reverence (Bérinus, I, c.1350-1370, 149)

b)[Bonté d'un être céleste envers ses créatures]

Que Dieu par la seue merci Nous vueille aidier ! (Mir. nat. N.S.J.C., c.1343, 226)

[En empl. interjectif]

(C'est) Dieu merci. C'est à la bienveillance de Dieu qu'est dû ce dont il est question , grâce à Dieu.

...elle vous aime, Dieu merci, Car touzjours avez jusques ci Mis grant paine en li honnorer Et en grant ferveur aourer (Mir. ev. N.D., c.1348, 63)

...adonques En seignant li touchay les yex, Dont il voit aussi bien ou miex Conme il fist onques, Dieu merci. (Mir. st Panth., 1364, 329)

Sire j'ay fait tendre vostre paveillon et pluseurs autres pour vous logier, car il avoit pou de logeiz en la ville pour vous logier, vous et voz gens, et sommes bien pourveuz, Dieu mercy. (Arras, c.1392-1393, 53)

Et Anthoine rentre en la bataille, criant : Lusegnen ! Avant, barons, ferez, la journee est a nous, Dieu mercy. J'ay pris le roy qui tant a fait de villenie a la pucelle. Lors veissiez rude meslee. (Arras, c.1392-1393, 163)

Et d'autre part, monseigneur, nous avons assez, Dieu mercy, pour faire refaire l'abbaye meilleur qu'elle ne fut oncques, et renter mieulx et plus richement, et y mettre plus de moines qu'il n'y ot onques. (Arras, c.1392-1393, 255)

Mais, Dieu merci, ne sont tous telz ! (Chr. Piz., M.F., II, 1400-1403, 38)

Et nonobstant ladicte ruine, pestilence et peril merveilleus n'y a eu aucune personne perillée, Dieu mercy (Baye, I, 1400-1410, 216)

A chef de piece, il s'en revint en Angleterre, sain et sauf, Dieu mercy (C.n.n., c.1456-1467, 129)

Tres bien l'omme qu'on dit Jhesus, De la terre et de sa salive Fist de la boue, et, sans estrive, Incontinent m'a envoyé Laver aux bains de Syloé ; Lavé m'y suis et, Dieu mercy, Je vois tout cler. (Myst. Pass. Troyes B., a.1482, 449)

Dieu merci et vous/Dieu merci et la vostre. Grâce à Dieu et à vous.

Monseigneur, je suiz moult joyeuse de ce que vous avez si bien besoingnié et si honnourablement en vostre voyage. On le m'a bien tout compté et dit. Et Remondin lui respond : C'est Dieu mercy et vous. (Arras, c.1392-1393, 78)

La/le merci Dieu/la merci la vierge Marie. Grâce à Dieu.

L'EVESQUE. (...) Conment vous est, biau pére doulx ? Dites le moy. L'ERMITE. Mon seigneur, bien veigniez, par foy, Et vous et vostre compagnie. La merci la vierge Marie, Bien : n'en doubtez. (Mir. ev. N.D., c.1348, 65)

...il print courage, et, o l'ayde de sa femme, la Dieu mercy, il fut remis sur piez. (C.n.n., c.1456-1467, 52)

Le mercy Dieu, il [le roi] a tous les jours bonnes nouvelles de tous coustés, mesmement du costé de Picardie (Lettres Ch. VIII, P., t.1, 1487, 380)

Et, par ce moyen, la mercy Dieu, je croy que nous aurons briefment bonne paix de tous costés, car les annemis du roy ne peuvent resister contre sa puissance (Lettres Ch. VIII, P., Pièces justif., t.1, 1487, 381)

[Formule de supplication] Pour Dieu merci. Pour l'amour de Dieu.

Et, après ce, nous dist et requist que pour Dieu merci nous le feissions mettre jus, et que il nous diroit tout, et que nous feissions de lui ce qu'il nous plairoit. (Reg. crim. Chât., I, 1389-1392, 17)

Et quant Saintré entend le roy, lors a genoulz lui dist : 'A ! Sire, pour Dieu mercy, au mains soiez content que en autre part je l'employe.' (La Sale, J.S., 1456, 131)

Ha ! maistre, pour Dieu mercy, veillez moy dire, et je vous paieray bien, qu'on luy peut faire pour recouvrer santé (C.n.n., c.1456-1467, 135)

c)En particulier. Bienveillance, marque de faveur accordée à un amoureux par la femme aimée.

Mais en la fin, Com fins loiaus amoureus, de cuer fin Espris d'amer, sans penser mal engin, Moult humblement li dis, le chief enclin, Et sans effroy: 'Dame que j'aim plus qu'autre, ne que moy, En qui sens, temps, cuer, vie, amour employ, Tant com je puis, nom pas tant com je doy, Vous remerci Dou noble don de vo douce merci. (Mach., J. R. Beh., c.1340, 81)

Autel puet il estre d'amant Qui sert Amours, en dame amant, Qu'il li semble moult haute chose, Quant merci demander li ose, Pour tant qu'il n'a pas tant servi Qu'il ait si haut don desservi. (Mach., D. Aler., a.1349, 310)

Et cui bonne Amour asseüre Que merci est pour li meüre, Tant qu'il en joit paisiblement Au gré de dame bonnement, Doit il plus avant desirer ? (Mach., D. Aler., a.1349, 329)

Dont ordenés, ma chiere dame, ensi : Par vostre gre je puisse rechevoir Le gratieus, plaisant don de merci. (Froiss., Ball. B., c.1362-1377, 2)

Car il n'est riens qui tant me puist detraire Com le refus dou haut don de merci (Mach., L. dames, 1377, 17)

Et pour ce prier vous vouldroye, Jusques atant que vous revoye, Qu'il vous souviengne de cellui Qui a trouvé peu de mercy En vous, se dire je l'osoye. (CH. D'ORLÉANS, Ball. C., c.1415-1457, 33)

Merci de dame est un tresor Pour enrichir amans sur terre, Si ne l'a pas chascun tresor Qui a voulenté de l'aquerre (Chart., D. Rev., a.1424, 315)

Le bon chevalier de Flandres ne sceut oncques tant faire (...) qu'il peust obtenir de sa dame le gracieux don de mercy (C.n.n., c.1456-1467, 343)

...le vray amoreux, tel que je dy, est tousjours et doit estre joieux, esperant que par bien et loyalment servir que en amours et en sa tres desiree dame il trouvera toute mercy. (La Sale, J.S., 1456, 19)

C. -Par métonymie. Pouvoir de qqn de grâcier ou non, bon vouloir de qqn ; état de dépendance de celui qui est soumis à ce pouvoir.

Avoir qqn à merci. Avoir le sort de qqn entre ses mains.

Et estoit licite a vous, a vos gens selon toute bonne raison de leur faire guerre comme vous avés, aussi doulce et gracieuse que oncques fut fait, car il n'y a eu comme point d'effusion de sanc, tout consideré, et si avés eu clemence et pitié de vos ennemis, telle que, la ou vous les aviez a vostre mercy comme pour faire vos plaisir et voulenté, vous les avez laissié aler et eu clemence de eulx (Juv. Urs., Verba, 1452, 234)

(Estre) à/en la merci de qqn. Être au pouvoir de qqn, voir son sort dépendre de qqn.

Se vous n'avés pité de ces honmes qui sont en vostre merchi, toutes aultres gens diront que ce sera grans cruaultés, se vous faites morir ces honestes bourgois qui de lor propre volenté se sont mis en vostre ordenance pour les aultres sauver. (Froiss., Chron. D., p.1400, 847)

...tantost ensemble attachiees Les machouëres leur a si Qu'ilz sont du tout a sa merci. (Chr. Piz., M.F., III, 1400-1403, 43)

...la bonne damoiselle (...) se vit en la mercy de ce gentil homme son mary (C.n.n., c.1456-1467, 197)

Estre à merci. Être sans défense.

Ces nouvelles vinrent au roi d'Engleterre et as signeurs que chils povres peuples de Calais estoit la ensi a merchi. Li rois, meus en pité, les fist entrer en l'oost, et conmanda que tout et toutes fuissent bien disné (Froiss., Chron. D., p.1400, 747)

Mettre qqn à merci. Soumettre qqn, contraindre qqn à la reddition.

...li pluiseur de ces pillars (...) esperoient encores que il conquerroient Avignon où il metteroient à merci le pape et les cardinaulz (Froiss., Chron. L., VI, c.1375-1400, 72)

Là eut grant assaut et dur, et pluiseurs hommes bleciés dedens et dehors. Finablement, li Englès le prisent et le misent à merci, et le rafreschirent de gens d'armes et de chapitainne. (Froiss., Chron. L., III, c.1375-1400, 58)

[D'un animal] Mettre à merci (un autre animal)

...car l'esprevier se resjoist et enhardist quant il est tousjours dessus et met a mercy tout ce a qui il vole, et au contraire se effroidist et actardist quant il est foulé ou grevé par les oiseaulx. (Ménagier Paris B.F., c.1392-1394, 144)

Se mettre à/en la merci de qqn. Se livrer à qqn (parfois pour éviter le pire).

Car vos gens tellement menez Par combatre ont voz annemis Qu'en vostre merci se sont mis Com prisonnier. (Mir. Amis, c.1365, 12)

...se vous les poés avoir et qu'il se mettent en vostre merci sans bataille, il vous seroit (...) honnourable et pourfitable à avoir par celle manière (Froiss., Chron. L., V, c.1375-1400, 24)

Je (...) me meterai volentiers en purs ma cemise, a nu chief et a nu piés, la hart ou col, en la merchi dou gentil roi d'Engleterre. (Froiss., Chron. D., p.1400, 843)

...les confortant de eulx mettre plus tost a la mercy du prince que en l'ire de Dieu et povoir de l'anemy. (La Sale, Salade, c.1442-1444, 219)

Se livrer à qqn (en comptant sur sa compétence).

Si s'advisa qu'elle attendroit le couvreur et qu'elle se mettroit en sa mercy [La femme est entrée dans une cheminée d'où elle ne peut sortir seule] (C.n.n., c.1456-1467, 276)

Choir en la merci de qqn. Se mettre à la discrétion de qqn.

...j'ay eu conseilhe que faire vueil a Charlez sa volenteit et cheoir en sa mercy (JEAN D'OUTREM., Myr. histors G., a.1400, 212)

Recevoir qqn à merci

Si reçurent a merci et a dedicion ceulz qui estoient demouré a mort et a fuyte par aucune fortune. (Bers., I, 9, c.1354-1359, 24.13, 45)

Se rendre à la merci de qqn

...et plusieurs se rendirent à la merci du Roy, aultres furent par force prins, et aultres s'enfuyrent (La Marche, Mém., II, c.1470, 139)

Tenir qqn en sa merci

Gombaut m'a fait le pis qu'il peut ; Toutes voies en ma merci Le tiens je pris (Mir. Amis, c.1365, 18)

JEHAN L'EUVANGELISTE (à Jésus) Sire, il est bon de nous retraire, Car ces Juïfz ont telle envye Sur nous qu'ilz vous touldront la vie S'ilz vous tiennent en leur mercy. (Gréban, Pass. J., c.1450, 195)

Venir à merci. Se soumettre.

...se aucun voulet usurper la majesté royal et soy appeller Roy, mettons, par exemple, que aucun s'appelle et se dit roy de France, ja soit ce que il ne le soit pas, et veult par force conquester la couronne, ou aucun veult usurper lez droys royaux, come sont lez droys de souveraineté et de ressort, se tieulx vouloient venir a mercy, il samble que l'en lez deveret recevoir primierement ; car ce me samble estre chose expedient et profitable a toute Sainte Eglyse et a la chose publique que recever tieulx rebelles a mercy (Songe verg. S., t.1, 1378, 340)

...il mist en telle subjection ses ennemys qu'ilz vindrent tous pardevers luy à mercy, et fut si crainct et doubté qu'il n'y avoit si grant en son royaulme, et mesmement ceulx de son sang, qui dormist ne reposast seurement en sa maison. (Roye, Chron. scand., II, 1460-1483, 138)

Puis qu'i sont venuz a merci Semble c'on les doit recepvoir. Sont gens de guerre et nous aussi : Ne sait ou on ce peut trouvoir. (Myst. siège Orléans H., c.1480-1500, 624)

Venir en la merci de qqn/venir à merci à qqn. Se rendre à qqn.

Et quidoient bien li signeur, puisque Phelippes estoit mors et si grant fuisson de Gantois, que Gand se deuist rendre et venir à merchi au roi. (Froiss., Chron. R., XI, c.1375-1400, 60)

Là plusieurs hommes et femes aymerent mieulx se gecter ou feu, que venir en la merci de leurs ennemis. (Simon De Phares, Astrol., c.1494-1498, f° 65 v°)

D. -Reconnaissance, remerciement.

[Empl. interjectif]

Grand(s) merci(s)/moult de mercis (de qqc.)

Ralons men donc appertement. Grant merciz, biaux seigneurs, trestouz, De la compagnie que vous Fait nous avez. (Mir. ev. arced., c.1341, 122)

Moult de merciz, et Dieu vous rende Ceste honneur, sire. (Mir. st Guill., c.1347, 21)

Sire chevaliers, a vostre congié et grans mercis de vostre courtoisie. (Arras, c.1392-1393, 7)

Sire, vous soiez ly tres bien venus, comme la creature du monde que je desiroye plus a veoir. Ma chiere dame, grans mercis, car vrayement il m'est ainsi de vous. (Arras, c.1392-1393, 30)

Et lors le chevalier se party (...) et fist son messaige et son present bien et saigement, et leur compta la desconfiture et le vaillant gouvernement de Guyon. Par foy, dist le roy, vous soiez ly bien venus, et grans mercis au damoisel. (Arras, c.1392-1393, 130)

'...il en sera ce que vous vodrés, car je sui tous pres a faire vostre plaisir.' - 'Grant merchis', respondi messires Carles. (Froiss., Chron. D., p.1400, 566)

'Bon preu vous face, madamoiselle, et a vous aussi, mon escuier. - Bien grand mercy, monseigneur', dist il [l'escuier] . (C.n.n., c.1456-1467, 213)

...quand celle sentence fut rendue, la mere dist : 'Grand mercy, monseigneur l'official, vous avez tresbien jugé...' (C.n.n., c.1456-1467, 501)

DANDO. (...) Ung asne, j'en ay ung qui est mien, Tout a vostre commandement. MAISTRE ALIBORUM. Grant mercis. (Sots Magn., a.1488, 200)

[Nombre hyperbolique de mercis]

Mon chier seigneur, plus de cent mille Merciz vous en dy, c'est raison. (Mir. st J. Cris., c.1344, 285)

LA FILLE. Je n'y vueil, puis que le voulez, Point contredire. OSTES. Grant merciz plus de cent foiz, sire, De cest accort. (Mir. Oton, c.1370, 378)

Mes chiers seigneurs, plus de cent mille Merciz de l'onneur que m'offrez (Mir. st Alexis, 1382, 295)

...nous yrons voulentiers aux nopces et y menrons madame et pluseurs dames et damoiselles et nostre baronnie. Remondin lui respondy : Monseigneur, cent mille mercis, car je croy, quant vous venrez la et vous aurez veue la dame, qu'elle vous plaira moult. (Arras, c.1392-1393, 37)

(La) adj. poss. (bonne) merci (de qqc.). Je te/vous/le remercie, merci.

Curé m'a fait de ceste eglise L'evesque qui patron en est, Sienne mercy quant il li plaist. (Mir. parr., 1356, 19)

LE VALLET. Il vous sera fait maintenant. Sa, vez le cy. THEODORE. La teue tresbonne mercy. (Mir. Theod., 1357, 100)

L'EMPEREUR. (...) Et conment Le faites vous ? LE FIL DE L'EMPEREUR. Bien, treschier sire et pére doulx ; Vostre merci du demander. (Mir. st Val., c.1367, 150)

Lors dist le roy a Uriien : Sire chevaliers, la vostre mercy, vous m'avez donné un don, voire par tel que du vostre, ne de vostre chevance, ne vous demanderay je rien. Par foy, sire, dist Uriiens, demandez hardiement, car se c'est chose de quoy je puisse finer, je le vous acompliray. (Arras, c.1392-1393, 120)

'...Mais nous ne vouldrions que l'en deist que ce fust par nous ne par nostre jugement que vous l'eussiez donné.' - 'Sire,' dist Saintré, 'vostre bonne mercy.' (La Sale, J.S., 1456, 131)

'Bon jour, bon jour a ces dormeurs, dirent elles. - La vostre mercy, dirent ilz, qui nous avez si bien huchez...' (C.n.n., c.1456-1467, 204)

Devoir grands mercis à qqn

Je vous doy bien grans merciz dire, Dame, si fas je de ce don (Mir. st J. Cris., c.1344, 270)

Rendre merci à qqn de qqc.

Mon pere, je te rans mercy Du grant pouvoir que m'as donné. Faire ce que m'as ordonné M'en vaiz. (Pass. Auv., 1477, 161)

LUCIFER. (...) Hault empereur, sans terminacion, Dieu souverain, en vertus charitable, Mercy vous rens de ma crëacion, Qui m'avez fait tant digne et vertuable. (Myst. Pass. Troyes B., a.1482, 5)

Rendre grace(s) et merci(s) (à qqn) (de qqc.). Remercier (qqn), rendre grâce (à qqn).

'Et pour ce, sire, nous lui promettons en bonne foy que nous le servirons comme nostre loyal seigneur et lui rendrons graces et mercis de la bonté qu'il nous a faicte'. (Bérinus, I, c.1350-1370, 188)

Et c'est le premier point de ma legacion, toy regracier de ce, selond nostre puissance, combien que plus grant soit le bienfait, je le confesse, que ne sont les graces et mercis possibles par nous estre rendues. (Gers., Concept., 1401, 394)

...en exhortant chascun à en rendre graces et mercis à Dieu, nostre createur et protecteur. (Fauq., II, 1421-1430, 144)

Je vous rens graces et mercys ! (Pass. Auv., 1477, 243)

SAINCT MARTIN. Doulx Jhesus, je te loue et prise, En te rendant grace et mercy, De quoy n'a pas esté surprise Ma personne en ce chemin cy. (La Vigne, S.M., 1496, 288)

Venir à merci. Se montrer reconnaissant.

[Villon s'adresse à son coeur] Cueur, fendés vous ou percez d'une broche Et ne soiez, au moins, plus endurcy Qu'au desert fut la forte bise roche Dont le peuple des Juifz fut adoulcy ; Fondez lermes et venez a mercy [du fait que je ne sois plus condamné à mourir] Com humble cueur qui tendrement souspire ; Louez la Court conjointe au saint empire, L'heur des François, le confort des estranges, Procreee lassus au ciel empire, Mere des bons et seur des benoistz anges. (Villon, Poèmes variés R.H., c.1456-1463, 76)