PITIÉ

substantif féminin

[T-L : pitié ; GDC : pitié ; DECT : pitié ; FEW (VIII, 441a) : pietas ; TLF (XIII, 437b) : pitié]

A. -Piété ; piété filiale.

1.Piété, attachement à Dieu, aux dieux, à la religion.

...comment que (..) on doie faire obsecracions, oroisons, postulacions et graces pour toutes gens, et par especial pour les roys et pour touz ceulz qui sont constituez en seigneurie afin qu'ilz aient transquillité et paix en toute pitié. (Jean Golein, Rational B.D., c.1370-1372, 467)

...yceuls mathematicians qui les heures de nativités considerent par leurs faux devinemenz et trebuchent par leur planetes en greigneur erreur de tant comme ilz se esloignent de la science de pitié [de la piété, de la foi] par leur longue inquisicion de signes (Foul., Policrat. B., II, 1372, 185)

...cestui Actillius Glabrio fist a ceste bataille ung veu a la deesse de Pitié que, s'il obtenoit la victore, qui luy feroit faire a Romme ung temple en l'onneur d'elle (La Sale, Sale D., 1451, 40)

La vertu de Pitié est appellee ouvraige de Dieu, selon que dit saint Augustin ; et quant tel ouvraige part de Dieu, adont est vraye Pitié. Mais quant elle vient des faulx dieux, celle vertu est faulse et morte. (La Sale, Sale D., 1451, 102)

2.Piété filiale, affection pour qqn, attachement à qqn ou à qqc..

...ou chappiltre de pitié du païs (La Sale, Salade, c.1442-1444, 24)

Cy commence mon premier chappittre qui traitte des très excellens examples de la grant pitié que les princes et seigneurs heurent à leurs subgiez et les subgiez a leurs princes et seigneurs. (La Sale, Sale D., 1451, 99)

...j'ay parlé de la vraye amour et pitié des enfans a leurs peres (La Sale, Sale D., 1451, 102)

...j'ay parlé de la grant amour et pitié que aulcuns en leur propre personne orent au bien de la chose publicque et de leur cité (La Sale, Sale D., 1451, 149)

B. -Compassion, miséricorde, pitié.

Dame, par ta doulceur benigne, Voy en pitié moy, ton sergent (Mir. ev. N.D., c.1348, 77)

LA DAME. (...) Deignez vos oreilles ouvrir De pitié et m'entendez (Mir. enf. ress., 1353, 5)

Je les combatray, au regart du noble et juste jugement de vostre court, voire l'un après l'autre. Et en ce disant, gette jus le gaige, mais il n'y ot homme qui mot respondisist. Et quant Alain et ses enfans l'ouyrent, si le coururent acoler et baisier, et plouroyent de joye et de pitié. (Arras, c.1392-1393, 59)

Et adont Melusigne revint a lui, et ouy la douleur que sa gent menoient pour sa departie, si print a plourer de pitié. (Arras, c.1392-1393, 257)

...le meffet vous veulle pardonner Cellui qui est vray et tout puissant pardonneur et le droit fons de pitié et de misericorde, car, quant a moy, je le vous pardonne de bon cuer. (Arras, c.1392-1393, 257)

...Dieu par sa pitié weille avoir pitié et mercy de nous et nous donner cognoiscence de nos fautes et orgueil, et mauvaistié. (Baye, I, 1400-1410, 333)

...ad ce, mon tresredoubté seigneur, Tullès respond que justice gouverne humainement et doulcement, se puelt dire, misericorde ; car doulceur, pitié et humanité partent de misericorde. (La Sale, Salade, c.1442-1444, 9)

...n'est homme qui ne cuidast qu'elles [les larmes] ne fussent ou de contrition, de pitié ou de tres bonne intencion. (C.n.n., c.1456-1467, 93)

La simplette le regardoit en pitié, et voyoit bien a sa contenance que grand doleur le martiroit ; et pour la grand pitié qu'elle en eut, luy demanda son cas. (C.n.n., c.1456-1467, 535)

De pitié arés le renom, Car vous en estes la fontaine. (Pass. Auv., 1477, 217)

Et quant le roy vit les lettres, a peu que le ceur ne luy fendit en deux pars de pitié et de compassion ; car il veoit bien qu'il perdoit ung des bons amys qu'il eust au monde et ung des loyaulx, des beaulx et des bons princes de son royaulme. (La Vigne, V.N., p.1495, 312)

Sire, ne souffrés que autre que vostre misericorde, clemence et pitié soit juge de ma cause, ne autre que vous vous plaise, pour honneur de Nostre Dame, n'en ait congnoissance. (Le Clerc, Interp. Roye, c.1502, 369)

En pitié. Pour manifester sa pitié, par pitié.

Item, je lessë en pitié A troys petis enffans [Colin Laurens, Girard Gossuïn et Jehan Marceau, trois vieux usuriers] tous nudz Nonmés en ce present traictié - Povres orphelins inpourveuz, Tous deschaussez, tous despourveuz, Et desnuez comme le ver (J'ordonne qu'ilz seront pourveuz, Au moins pour passer cest yver) (Villon, Lais R.H., c.1456-1457, 23)

Par pitié

Lors se traist avant Remondin et dist au roy : Sire roy, je vous mercie de vostre bonne justice et du droit que vous me faictes en vostre court. Mais je vous prie, par pitié et par misericorde, qu'il vous plaise a moy donner la vie de Olivier (Arras, c.1392-1393, 65)

Par vostre sainte pitié

Tres noble et excellente Vierge, Royne, Mere du Sauveur de tout le monde, veulliez reconforter ceste povre orpheline et la veulliez garder par vostre saincte pitié et par vostre misericorde, que ces faulx Sarrasins n'aient ja puissance sur son corps. (Arras, c.1392-1393, 181)

Pour pitié. Par compassion, par pitié.

L'ADVOCAT. (...) vous vous voulez deffaire, Se pour pitié laissiez a faire Droite justice. (Mir. enf. ress., 1353, 48)

Et le riche aime le povre pour son service ou pour pitié, et afin que il prie Dieu pour luy. (Oresme, E.A.C., c.1370, 431)

...pour pitié et compassion qu'il avoit de la povreté d'elle qui parle, lui donnoit souventes fois de l'argent (Reg. crim. Chât., II, 1389-1392, 61)

Tres chier oncle, je n'ay plus de confort ne de conseil que vous. Si vous requier, pour Dieu et pour pitié, que vous y veulliez pourveoir de remede, car il est bien vray qu'a vous je doy obeir plus que a personne du monde, et ainsi le vueil je faire. Dont ot le roy grant pitié et lui respondy : Belle niepce, nous y avons ja pourveu (Arras, c.1392-1393, 188)

Sans pitié

A l'abaissier des lances ot grant abbateiz, et, d'un costé et d'autre, de mors et de navrez grant foison. Lors trayent les espees et fierent l'un sur l'autre sans pitié. (Arras, c.1392-1393, 184)

Avoir (grand) pitié (au coeur) (de qqn/qqc.)

Se vous n'avez pitié de my, Je seray par ce point dampnée. (Mir. enf. diable, c.1339, 10)

Vueillez avoir de moy pité Par vostre debonnaireté (Mir. enf. diable, c.1339, 10)

Mais l'en a de telz gens pitié et misericorde. (Oresme, E.A., c.1370, 200)

Et ne sera jà sceu ou prouvé contre lui que aucun autre fait ou crime il ait commis, en quelque maniere que ce soit, que ceulx dessus dis, par lui cogneuz, requerant que de ce ledit lieutenant voulsist de lui avoir pitié et lui extendre sa grace. (Reg. crim. Chât., I, 1389-1392, 227)

...et dist que c'est le premier larrecin qu'il feist oncques ou commeist, en requerant humblement que à sa delivrance ledit mons. le prevost voulsist proceder, et avoir de lui pictié et compassion. (Reg. crim. Chât., I, 1389-1392, 399)

...pour Dieu, ayes pitié de moy (Reg. crim. Chât., I, 1389-1392, 537)

...s'il vous plaist, je vous fais heritier de mon royaulme. Mais, pour Dieu, preingne vous pitié de mon povre enfant, orpheline, desnuee de tout conseil et confort, se vous lui failliez. Quant Uriiens ouy ces piteux mos, si fu moult doulent de la mort du roy et ot grant pitié au cuer des piteux moz qui furent en la lectre. (Arras, c.1392-1393, 142)

Lors demaine la pucelle telle douleur que c'estoit grant pitié a veoir et se deteurtoit et tiroit ses cheveulx, que de l'angoisse qu'elle sentoit il n'a si dur cuer ou monde qui n'en eust eu pitié. (Arras, c.1392-1393, 181)

Moult fu le soudant de Damas doulent quant il appercoit l'occision que crestiens ont faicte de ses gens. Il jure Mahon et Appolin qu'il s'en vengera temprement et dist que jamais n'aura pitié de crestien que tous ne soient mors. (Arras, c.1392-1393, 229)

Lors commenca Gieffroy fort a penser a ses pechiez. Et dist bien que, se Dieu n'a pitié de lui, l'ame de lui est en grant peril et en voye de dampnacion. (Arras, c.1392-1393, 274)

...cryant a Dieu 'mercy', Qu'il eust d'eulx pitié et mercy (Chr. Piz., M.F., I, 1400-1403, 153)

Aiez pictié, aiez pictié de moy, A tout le moins, s'i vous plaist, mes amis ! En fosse giz, non pas soubz houz ne may, En cest exil ouquel je suis transmis Par Fortune, comme Dieu l'a permis. (Villon, Poèmes variés R.H., c.1456-1463, 68)

Helas ! monseigneur, je vous cry mercy, je me rends a vous ; ma vie et mon honneur sont en vostre main, aiez pitié de moy. (C.n.n., c.1456-1467, 118)

Mon amy, j'ay pitié de toy ; Maiz il fault que se mestier face. (Pass. Auv., 1477, 100)

Mon Dieu, ayés pitié de moy ! (Pass. Auv., 1477, 152)

LE POVRE. (...) Pitié de moy present n'aurez vous point, Beau chevalier remply de dignité ? Hellas, je n'ay ne robe ne pourpoint Dont couvrir puisse ma povre humanité ! (La Vigne, S.M., 1496, 196)

Et, si avez eu amour à ma femme, plaise vous avoir pitié du povre et malheureux mary et orpheins. (Le Clerc, Interp. Roye, c.1502, 369)

Pour Dieu, sire, ayez pitié de moy et de mes povres enfans et estandés vostre misericorde, et à tousjours mais ne cesserons de vous servir et de prier Dieu pour vous, auquel supplie que par sa grace, Sire, vous doint très bonne vie et longue et acomplisement de tous voz bons et haulx desirs. (Le Clerc, Interp. Roye, c.1502, 369)

Par ironie. Épargner qqc..

...s'il avoit eu peu de pitié des trippes et de la langue de beuf, encores eut il mains de mercy de ce beau beuf entrelardé. [Un goinfre à table] (C.n.n., c.1456-1467, 487)

Esmouvoir qqn à pitié

...ceste pacience n'esmeut en rien sa mere a pitié (C.n.n., c.1456-1467, 69)

Faire pitié à qqn. Inspirer de la pitié à qqn.

Ce bon homme n'est fel n'estouz, Ains a le cuer plain d'amistié. Par foy, il m'a fait grant pitié (Mir. ev. N.D., c.1348, 68)

Il prend pitié à qqn de

Puis qu'ainsi est, j'aime mieulx a mourir par la main d'un si vaillant chevalier que vous estes que d'autre main. Lors print a Remondin grant pitié de lui, et lui demanda, sur le peril de l'ame de lui, s'il savoit riens de la trahison que Jossellin, son pere, avoit faicte. (Arras, c.1392-1393, 64)

Et le roy lui dist qu'il confessast la verité de la querele, et, par adventure, il pourroit bien avoir grace. Lors dist Josselin : Sire, le celer ne vault rien, prengne vous pitié de moy, car certainement il fut tout ainsi comme cellui chevalier l'a proposé, et sachiez que Oliviers, mes fils, n'estoit pas encore nez. (Arras, c.1392-1393, 64)

M'amye, pource que vous estes belle fille et bonne (...) il me prend pitié et compassion de vostre fait. (C.n.n., c.1456-1467, 40)

...une ancienne damoiselle vefve, a qui print pitié du pouvre religieux, luy fist dire messe (C.n.n., c.1456-1467, 485)

Quant se venoit, fust en boys ou en lande, Qu'ilz delaschoient leur dure artillerie, On y eyst veu si griefve tuerie Et si horrible par leur inimitié, Que cueur n'estoit a qui n'en prist pitié ! (La Vigne, V.N., p.1495, 140)

Recevoir/regarder qqn en pitié. Manifester de la pitié à qqn, faire grâce à qqn.

LE MARI. (...) je qui sui en tristesse Et en desconfort sanz mesure, Regarde en pitié, vierge pure. (Mir. enf. ress., 1353, 59)

E ! doulce mére Dieu, regarde En pitié ceste pecherresce (Mir. Theod., 1357, 86)

Si vous pry humblement qu'il vous plaise a moy mettre a finance si raisonnable que je ne soye pas destruiz de ma seignourie, et vous y plaise a regarder en pitié, non pas prendre ma fole emprise en vostre rigueur, combien que je congnoiz que j'ay bien desservi a estre pugny rigoureusement. (Arras, c.1392-1393, 167)

Mesmes les vaincus en pitié Recevoit, quant ilz se rendoient. (Chr. Piz., M.F., II, 1400-1403, 35)

[Personnif.]

Pités, qui fu de bon afaire, Un virelay volt droit la faire (Froiss., Joli buiss. F., 1373, 141)

C. -Par métonymie.

1.Situation, action pitoyable, regrettable, malheur.

...comment il [Coriolan] fut essillié de Romme, et comment Vetuna, sa mère, esmeue de la très grant pitié des Roumains, le reppaisa (La Sale, Sale D., 1451, 10)

...les cueurs humains sont aujourd'huy tant aceréz et durs si fort qu'il n'est pitié tant pitoyable qui piteux les peust rendre et marriz (Saint-gelais, Séj. honn. D., c.1490-1495, 134)

Semblablement le bailly de Dyjon Pour assailir tant chasteau que donjon, En conduysoit une tres bonne bende, Qui soubz l'estat de maille et d'aubrejon En plusieurs lieux dressoyent un tel jon Qu'oncques pitié ne fut veue si grande. (La Vigne, V.N., p.1495, 140)

TETRADIUS. Monsieur, vella le douloureux ; Regardez la pitié terrible. PREMIER. Jamais povre homme langoureux Ne souffrit douleur si orrible. (La Vigne, S.M., 1496, 460)

Remarque : GRÉBAN, Pass. J., c.1450, 4072 (quelpitiévous est advenu ?).

C'est (grant) pitié. C'est bien triste, c'est affligeant.

Certes, c'est pitié et dommage Quant se meffait si noble dame. (Mir. marq. Gaudine, 1350, 138)

C'est grant pitié de li, ma dame ; Car je croy qu'elle ait esté famme De noble affaire. (Mir. emper. Romme, 1369, 290)

...assez en est de telz Sus ces sieges moult hault montés, Dont c'est dommages et pitié, Car le monde en est moins haité (Chr. Piz., M.F., II, 1400-1403, 7)

...grant pitié fu de destruire Tel cité (Chr. Piz., M.F., III, 1400-1403, 251)

Il y a tant voyre encour mes De folles gens que c'est pitié. (Myst. st Sébast. M., c.1450-1500, 150)

C'est une (grant) pitié

...a la verité, quand vint a Bruselles, et longuement depuis, il avoit le visaige si mort que c'estoit une pitié. (Chastell., Chron. IV, D., c.1461-1472, 74)

Ce vous estes en mariage Il fauldra garder le mesnage, Avoir des langes et des frettes, Des berseaulx et tant de souffrettes, Que c'est une grande pitié. (P. moyne, a.1500, 46)

C'est pitié à voir

Et sachiez que la fille du roy maine tel douleur que c'est pitié a veoir ; il a ja deux jours qu'elle ne voult ne boire ne mengier. (Arras, c.1392-1393, 114)

...la pucelle Aiglentine menoit tel dueil que c'estoit grant pitié a veoir, et disoit en ses regrez : Hee, Vray Dieu, qui est ce qui me pouroit ores conforter, quant je voy la mort de mon pere et la destruction de mon peuple et de moy (Arras, c.1392-1393, 181)

Qui lors veist la doulour qu'ilz menerent par la terre en regretant leur seigneur et leur dame, c'estoit une grant pitié a veoir et a oyr. (Arras, c.1392-1393, 274)

C'est pitié de qqc.

Et jura le dit Perceval a monseigneur que dedens le tiers jour après, la dure adventure que chascun scet lui advint, dont ce fu pitié, s'il eust plu a Nostre Seigneur, car il fu mort, si comme on dit, tres faussement. (Arras, c.1392-1393, 310)

Estre pitié de + inf. Être affligeant.

C'estoit pitié de leur ouÿr compter Les griefz, les tors que par force et puissance Leur preparoient pour les cuyder dompter Et en tout bruyt et honneur surmonter, De jour en jour, les seigneurs de Florence (La Vigne, V.N., p.1495, 201)

[D'une chose] Estre plein de pitié

LE CONTE. (...) Ce fait est de grant pitié plain (Mir. enf. ress., 1353, 47)

Sembler pitié. Sembler regrettable.

Remarque : Percef. I, R., c.1450 [c.1340], gloss.

2.Représentation du Christ crucifié.

Uns tableaux de bois de cinq pièces, et y a une pitié ou millieu. (Ch. VI, D., t.2, 1418, 308)