REVERENCE

substantif féminin

[T-L : reverence ; GDC : reverence ; FEW (X, 354b) : revereri ; TLF (XIV, 1087b) : révérence]

A. -Respect (dû à qqn), déférence.

Là ot maint Dieu de grant puissance Et digne de grant reverence, Et maintes deesses aussi, Que je ne nommeray pas ci, Car trop longue chose seroit Qui tous et toutes nommeroit (Mach., P. Alex., p.1369, 1)

Tu me dois toute oubeissance, Foy, pais, honneur et reverence, Et tu t'en vas sans congié prendre ? Au ciel cuides la grue prendre, Quant tu vas en estrange terre, Et ne scez que tu y vas querre. Que te faut il en ce païs ? (Mach., P. Alex., p.1369, 18)

Car je sui seins de tele corde Que quan qu'il vous plaist je l'acorde, Et tout vostre voloir feray, En tous cas, tant com vis seray ; Car je vous doy oubeissance, Foy, pais, honneur et reverence. (Mach., P. Alex., p.1369, 221)

LA MÉRE. Tu metteras : 'Au roy d'Escosse, Nostre chier seigneur, reverence, Salut et toute obedience.' (Mir. fille roy Hongrie, c.1371, 45)

Ce jour, le receveur de Paris (...) est venus en la Court, humblement à genoulz, et a supplié à la Court qu'il lui soit pardonné, se par avant n'a eu si grant reverence à ladicte Court, comme appartient (Baye, I, 1400-1410, 61)

...feu le sage roy Charles, Quint d'ycellui nom, en laquelle reverence ceste presente oeuvre est emprise (Chr. Piz., Faits meurs Ch. V, S., I, 1404, 6)

...la aura tel port, tel maintien et telle contenance, quant en son hault siege sera assise, que elle semblera bien estre dame de tous, et chascun l'aura en grant reverence, comme leur sage maistresse et de grant auctorité. (Chr. Piz., Trois vertus W.H., c.1405, 49)

Et pour ce se engendra la grant guerre entre eulx deux ; par laquelle a madicte dame la royne convint se partir de Napples et soy retraire en Prouvence, qui a tresgrant honneur et reverence, comme leur dame, la recepurent. (La Sale, Salade, c.1442-1444, 184)

Ayes tes parens en honneur Tousjours et en grant reverence (Gréban, Pass. J., c.1450, 27)

Car toute femme par raison Doit reverence a son baron. (Mandel. T., c.1450-1475, 188)

Monseigneur Talebot, quoy qu'il fust terrible et cruel, et en la guerre trescriminel, si avoit il en grand reverence tousjours l'eglise (C.n.n., c.1456-1467, 58)

...si s'en alla madame les grans galotz vers le chevalier son amy, qui la receut Dieu scet en grand liesse et reverence (C.n.n., c.1456-1467, 271)

Laquelle en toute humilité, doulceur, benigne reverence et honneur fist et dist par cueur tenant les meilleurs gestes du monde, et si saigement que l'on ne pourroit mieulx sans flechir, tousser, cracher ne varier en nulle maniere la harengue qui cy aprés ensuyt. (La Vigne, V.N., p.1495, 296)

À grant reverence. Avec beaucoup de respect.

Si me bailla un rondelet Qui n'estoit pas rudes ne let, N'il n'estoit mie contrefais, Ainçois estoit si tresbien fais Et en tous cas si bien servoit Que nulz amender n'i savoit. Je le prins a grant reverence Et si le baisai sans doubtance Plus de cent fois, ou environ. Et puis j'ostai mon chaperon Et devant lui m'agenouillay ; Ne de moy pas ne l'eslongnay, Ains le garday tresdoucement Sus mon cuer et soingneusement ; Et souventefois le baisoie, Quar trop grant plaisance y prenoie. (Mach., Voir, 1364, 52)

En reverence. Avec respect, avec déférence.

...après ce que luy eust esté dit par la bouche du premier president ce qui avoit esté deliberé d'estre dit en reverence et en humilité (Fauq., III, 1431-1435, 26)

[Maistre Jehan de Clugny, ambassadeur du duc de Bourgogne, au roi de France :] Et se mondit seigneur a esté receu ainsi que dit est en la maison de mondit seigneur le duc, monsieur le duc a fait son debvoir, et vous n'en debvez, sire, en toute reverence parlant, estre mal content (Chastell., Chron. IV, D., c.1461-1472, 36)

[De la part d'un grand personnage] Avec des égards.

Le lendemain, après sa messe, allèrent devers lui les seigneurs de la loy, bailly et burguemaistres, et lui portèrent les riches présens qui avoient esté ordonnés pour lui de par la ville, lesquels il reçut en grant révérence et trèsagréables, et, parlant à eux très-amiablement, les remercia moult (Chastell., Chron. K., t.3, c.1456-1471, 305)

Pour (la) reverence de qqn. Par respect, par déférence à l'égard de qqn.

Le college des clers notaires du Roy (...) pour reverence du Roy, nostredit seigneur, et de sa Court de Parlement (...) consentit à l'enterinement des lettres dudit seigneur (Fauq., I, 1417-1420, 180)

...la Court, pour l'onneur et reverence dudit monsr le regent, a sursey de proceder en oultre en ycelle cause (Fauq., II, 1421-1430, 314)

...les Myniens, ausquelz celle très noble cité de Lacedemonnye avoit fait tant d'onneurs et de biens pour la reverence de Cactor et Pollus (La Sale, Sale D., 1451, 131)

Et pour certaine et seure reverence, On luy porta les clefz par bon stille, Signifïant qu'il soubmettoyent la ville Totalement a son obeyssance (La Vigne, V.N., p.1495, 197)

[Formule pour excuser, atténuer des paroles qui pourraient déplaire, choquer] Sauf / sauve votre reverence. Avec tout le respect que je vous dois.

Dame, sauf vostre reverence, De mon ombre n'ai pas doubtance. (Mach., R. Fort., c.1341, 114)

Sire (...), ...salve voz reverence... (JEAN D'OUTREM., Myr. histors G., a.1400, 205)

Monseigneur l'official, il me semble, sauve vostre reverence, que j'ay fait vostre commendement (C.n.n., c.1456-1467, 532)

DOYEN. Du sainct homme que venez querre (...), Jamais n'en aurez la regence, Car c'est nostre propre seigneur. L'ABBÉ. Non est. OFFICIAL. Sauf vostre reverance. PRIEUR. Il est nostre. (La Vigne, S.M., 1496, 577)

Sauf / sauve sa / leur reverence / la reverence de

Mais sauve sa reverence [d'Aristote] , ce n'est pas bien dit, quar par ce il s'ensuiroit que une puissance peust mouvoir resistence ou aveques resistance egalle a elle, et que quelleconque puissance, tant fust petite, peust movoir quelconque resistance, tant fust grande. (Oresme, C.M., c.1377, 110)

...Sauve de tous la reverence... (Martin Le Franc, Champion dames I-II, P., 1440-1442, 156)

...sauf la reverence De monseigneur qui cy propose, Pour mieulx faire et fournir la chose, Il m'est advis que... (Gréban, Pass. J., c.1450, 227)

Aucuns ont voulu dire qu'il [Zoroastre] en fut inventeur [des arts magiques] , mais il n'est pas ainsi, salve leur reverance, comme sera veu cy après ès ars prohibés. (Simon De Phares, Astrol., c.1494-1498, f° 17 r°)

Pere sainct et vaillant seigneur Ie dy que sauue sa reuerence Il ny en a nul de sauance En ce monde a mon escient Qui soit comme luy scauant Subtil et sage en chacun lieu (Myst. st Martin K., a.1500, 292)

Reverence de parole. Parole de respect, formule de politesse.

Et ledit premier president lui dist de rechief qu'il estoit subget de la Court, et, sans autre reverence de parole, Loys iterum respondi qu'il estoit subget du Roy (Fauq., I, 1417-1420, 314)

À reverence parler. Pour le dire décemment.

...qui estoit les chausses avallées, a reverence parler, jusques sur les genoulz (Lettres rémission René II P.D.H., 1492, 232)

B. -Par métonymie.

1.Attitude exprimant ce respect, en partic., salut cérémonieux.

Faire (la) reverence à qqn. Manifester à qqn des marques de respect, de déférence, lui témoigner du respect, lui rendre hommage.

Li rois commanda qu'on les aille Tantost querre, et on li ameinne, Si leur dist : 'Quel rage vous meinne A faire contre m'ordenence, Qu'onneur faire ne reverence Ne daingniez a l'image d'or ? Briefment, se je veil ou je dor, Sarez, se vous ne l'aourez, Qu'ars, mors, bruïs et devourez Serez tantost en l'ardant flame...' (Mach., C. ami, 1357, 20)

Et quant il furent à cheval, Premierement à l'amiral Alerent faire reverence ; Et il les reçut sans doubtance, Bien et bel et courtoisement Et moult très amiablement ; Et puis aus hostelx les menerent Et si très bien les herbergierent (Mach., P. Alex., p.1369, 188)

Mais avecques ce, a tout vieil homme ou ancien l'en ly doit faire reverence selon ce que il appartient a son aage, si comme en soy lever ou encliner contre eulz ou en teles choses. (Oresme, E.A., c.1370, 459)

C'est ma contenance, C'est ma soustenance, Quant fais reverence À la douce remembrance Qui de mon cuer ne se part. (Mach., Lays, 1377, 391)

...les maistres, procureur et escoliers et chappellains du college de Dormans (...) sont venus ceans et ont fait reverence et obeyssance à ycelle Court en suppliant qu'elle les ait pour recommendez (Baye, I, 1400-1410, 142)

Ce jour, l'archevesque de Sens vint en la Chambre de Parlement, disant qu'il y estoit venu pour faire l'onneur et la reverence à la Court et pour declairer la cause de sa venue à Paris (Fauq., II, 1421-1430, 295)

Et pour [ce] nous aresme tort Se ne vous faisiens reverance. (Myst. st Bern. Menth. L., c.1450, 152)

Mis estez en male fortune, Adrien, que ne voulés croire En no dieux, ne avoir memoire De leur fere la reverance (Myst. st Adr. P., c.1450-1485, 126)

...et quant il fut approchié d'elle se met a genoulx, luy faisant la reverence que tout bon filz et obeÿssant doit faire a sa dame et a sa mere (La Sale, Sale D., 1451, 105)

Et, le jeudi VIe jour d'aoust oudit an IIIIcLXI, le corps dudit defunct arriva et fut amené reposer en l'eglise de Nostre-Dame des Champs hors Paris, où il fut amené dudit lieu de Meun. Et le lendemain fut alé querir audit lieu et apporté à Paris en moult grant et belle conduicte, ordonnance et reverence qui fut faicte audit corps, comme bien le valoit : c'est assavoir du clergié, des nobles personnes, officiers, bourgois et populaire. (Roye, Chron. scand., I, 1460-1483, 20)

Tous les estatz (...) furent contrains (...) de venir (...) Bien acoustrez, devers le dit seigneur, Portans joyaulx, bagues de grant valeur Et beaulx habitz de sumptüeux arroy, En luy faisant reverence et honneur Ne plus ne moins qu'a leur souverain roy. (La Vigne, V.N., p.1495, 209)

SATHAN. Mais qu'il voye mes fringueries Et mon bel habit d'excellence, Il me fera la reverence Qu'il doibt faire a son Createur. (La Vigne, S.M., 1496, 539)

Faire feste et reverence à qqn

Si s'en part, Daniel demeure. Mais chascuns des lions l'onneure Et li fait feste et reverence, Sans moleste, sans violence. (Mach., C. ami, 1357, 40)

Faire grant honneur et grant reverence à qqn

Li maistres par especial, Et les freres de l'Ospital, Et aussi tous ceus dou païs, De qui il n'estoit pas haïs, Grant honneur et grant reverence Li feïrent de leur puissance. (Mach., P. Alex., p.1369, 52)

Quant il furent en sa presence, Grant honneur et grant reverence Leur fist li roy ; et vraiement Moult se contindrent humblement, Et de chief en chief li conterent Comment vers le soudan alerent, Et les requestes qu'il ont fait (Mach., P. Alex., p.1369, 118)

Porter reverence à qqn. Manifester à qqn des marques de respect, de déférence, lui témoigner du respect, lui rendre hommage.

...il me convenra flechir A genouz par devant ce maistre, Et la main au chaperon mettre Pour li reverence porter. (Mir. ev. arced., c.1341, 108)

Dont quant j'en fui bien acointiez Et d'eaus honnourer apointiez, Il meïrent grant diligence De moy porter tel reverence Que tous li lieus abandonnez Me fu, et plain congié donnez De cel alerion porter, Pour moy deduire et deporter, Toutes les fois qu'il me plairoit (Mach., D. Aler., a.1349, 319)

Ce puet estre sa douce dame Qui est montée sans diffame En haut vers les nues d'onneur, Par quoy li grant et li meneur Mout de reverence l'en portent Et au vray amant en raportent Par paroles teles nouveles Qui li sont et bonnes et belles. (Mach., D. Aler., a.1349, 400)

CATECUMINAIRE. (Il ressuscite.) Hellas, bien me doibs introduyre A louer Dieu dorenavant Et a bien faire me reduyre Tant que seray en ce couvant. Et vous aussi [saint Martin] , tout mon vivant Porter vous doibs bien reverance, Quant par vous je suis revivant Et mys hors de toute souffrance. (La Vigne, S.M., 1496, 382)

Porter honneur et reverence à qqn

Si vueil amer l'azur et tenir chier Et moy parer de li en ramembrance De loyauté qui ne saroit trichier, Et li porter honneur et reverence. (Mach., L. dames, 1377, 235)

Recevoir la reverence de qqn. Recevoir l'hommage de qqn.

Ilz deschantoyent : 'Vive le roy auguste'. Quant le roy eut receu la reverence Des gens d'eglise, gouverneurs et regens, Devers la ville il fist marcher ses gens Et son armee en moult belle ordonnance. (La Vigne, V.N., p.1495, 198)

Rendre reverence à qqn. Manifester à qqn son respect.

Plust au roy du ciel et a toy, Charles le premier roy de toute la terre, que comme fille je fusse homme et que en moy fust la hardiesse qui estoit jadis en la pucelle de France Jehanne de Barroys, affin que je pusse devant ta incomparable Majesté moy mettre a genoulx pour te rendre reverence parfaicte et louenge condigne. (La Vigne, V.N., p.1495, 296)

Tenir qqn en grande reverence. Traiter qqn avec un grand respect.

...l'en devoit avoir et tenir lesdiz conseillers en grant reverence et honneur, et non pas les mannier ou demener, comme enfans d'escole, sers ou serviteurs (Baye, I, 1400-1410, 152)

Au pluriel.

Et pour ce, se un homme d'estrange terre ne fait pas les honeurs et reverences a la maniere de cest paÿs, se l'en l'a pour ce en derision, c'est simplesce et ignorance. (Oresme, E.A.C., c.1370, 459)

...qui se glorifient es grans reverences et humbles salus en my le marché (Foul., Policrat. B., III, 1372, 216)

2.En particulier. Faire la / une reverence. Effectuer, comme marque de respect, un mouvement du corps, soit en inclinant la tête, soit en pliant les genoux.

Quant il les sot, pour eaus mandoit, Si que le clerc à li menerent Dou bon roy, et moult l'onnourerent. Li clers li fist la reverence Et li soudans, selonc s'enfance, Le reçut gracieusement. Là parlerent moult longuement Dou roy de Chypre et de ses fais ; Comment il est bons et parfais. (Mach., P. Alex., p.1369, 128)

Ou puet estre qu'il le faisoient Pour plus humblement aourer Le soudan, et mieux honnourer. Or vous diray la contenance Quant il firent la reverence. Si tost comme il porent choisir Le soudan, sans penre loisir, Et tantost sans essoinne querre, Il leur couvint baisier la terre, Et à toutes leurs gens aussi, Qu'il le couvenoit faire ainsi. (Mach., P. Alex., p.1369, 197)

Item, de lui faire la révérence devant les cardinaulx. (Ch. VI, D., t.1, 1380, 5)

Au devant li alerent l'evesque, chappitre et bourgois, à grant compagnie, et lui firent la reverence, et presens li firent (Chr. Piz., Faits meurs Ch. V, S., II, 1404, 92)

... [le duc de Bourgogne] entra dedens la barriere, où ledit Dauphin et ses gens estoient retrais, et, en entrant, se humilia moult envers ledit Dauphin et lui fist la reverence qu'il appartenoit. (Fauq., I, 1417-1420, 317)

...il s'en vint sans mot dire a la tombe Darnant, puis y fist une reverence en soy enclinant vers le chief du corps mort. Puis chevaucha tout autour, et puis de rechief lui fist une pareille reverence qu'il avoit fait. Et quant il eut fait deux fois la reverence, tous ceulx qui estoient illecques rengiez vindrent tous l'un aprés l'autre faire pareilles inclinations (Percef. III, R., t.1, c.1450 [c.1340], 82-83)

...le jouvencel (...) se leva et fist a la dame la reverence (Percef. IV, R., c.1450 [c.1340], 730)

Pourtant je vueil par bon arroy Maintenant cy ma court tenir Et tous mes sotz faire venir Pour me faire la reverence (Roy sotz, c.1450-1500, 211)

Et elle, comme sage et bien aprinse, luy fist honneur et la reverence, comme il appartenoit. [D'une meunière et de son seigneur] (C.n.n., c.1456-1467, 38)

Et elle, comme sage et bien aprinse, luy fist honneur et la reverence, comme il appartenoit. [D'une meunière et de son seigneur] (C.n.n., c.1456-1467, 38)

Au devant de laquelle entrée yssirent hors de ladicte ville tous les estas d'icelle et par bel ordre pour illec trouver le roy et lui faire la reverence et bienveignant. (Roye, Chron. scand., I, 1460-1483, 24)

Et lesquelz prevost des marchans et eschevins vindrent aux champs rencontrer et faire la reverence au roy. (Roye, Chron. scand., I, 1460-1483, 24)

3.En particulier. Hommage rendu à un souverain.

...auxdictes trompettes et menestrelz du roy d'Engleterre que mondit seigneur leur donna à le nouvelle reverence qu'ilz firent ou moys de may CCCC et vint, lui estant à Troyes, 100 frans (Comptes Etat bourg. M.F., t.1, 1420, 394)

4.Apparence, maintien qui inspire le respect.

...si tiens pour certain, a la grande reverence que je voy en vous, que j'ay achievé ma queste [que j'ai trouvé le preudhomme Dardanom] (Percef. IV, R., c.1450 [c.1340], 555)

Puis vey venir en la sale une dame ancienne de grant reverence, car deux chevaliers de meur eage l'adestroient honnourablement et la sieuvoient plusieurs chevaliers et damoiselles. (Percef. IV, R., c.1450 [c.1340], 988)

La personne qui inspire le respect.

Monstrer voulons, par personnaiges, Aucuns des principaulx ouvraiges Que feist Nostre Seigneur pour nous (...). Se la reverence de vous Faulte y voit, dessus ou dessoubz, Trop dit ou faulte de langaiges, Soyez amïables et doulx Et nous corrigez sans courroux (Gréban, Pass. J., c.1450, 33)

5.Humilité que suscite le respect, la déférence.

...je dessus nommé, en humilité, soubz correction et en reverence, ay voulu translater de latin en françois les fais du premier preux de la loy des payens (Milet, Épître épilogative, éd. M.-R. Jung, 1452. In : Trav. Ling. Litt. 16-1, 1978, 252)

Il fut jadiz a Romme une dame de tant grant humilité et reverence qu'elle se reputoit indigne d'aprochier l'autel en sainte Eglise (...) ... par sa grant humilité et reverence, n'osoit approchier a recevoir son Sauveur. (Colart Mans., Dial. créat. R., 1482, 118)

C. -En particulier. Respect dû à Dieu et aux choses de la religion, vénération, adoration.

1.Vénération de Dieu, des saints....

Et ces paroles peut dire la glorieuse Marie pour qui honneur et reverence nous sommes cy assemblez principaument. (Mir. march. larr., c.1349, 91)

SAINT PRIST. (...) Car je vous di bien qu'il m'a fait Honneur et mainte reverance Et especialement en ce Que touzjours ma feste gardoit... (Mir. prev., 1352, 252)

Se l'Eglise as et Dieu en reverence... (Desch., Oeuvres Q., t.2, c.1370-1407, 104)

...les hommes de religion crestienne au vray Dieu et as choses qui par le don de Dieu sont sainctes font saincte et honorable reverence (Foul., Policrat. B., II, 1372, 151)

Cellui Denis ne faissoit mie grant reverence aux dieux que lors aouroient. (Chr. Piz., Faits meurs Ch. V, S., I, 1404, 78-79)

Ce don fait meu de devocion en la reverence de nostre pere createur, de la benoiste Marie Magdalaine... (Rouen temps Jeanne d'Arc L., 1431, 209)

...Et la mere [Marie] a genoux devant [l'enfant Jésus] , L'adorant par grant reverence Comme la divine presence (Gréban, Pass. J., c.1450, 71)

...la confession de la foy faite par Saint Anastase de l'unité et trinité, confessant ung Dieu en trois personnes en unité de ung Dieu, auquel devons honneur et reverence. (Somme abr., c.1477-1481, 104)

SAINCT MARTIN. Je croy bien en Nostre Seigneur ; De cella poinct ne faictes doubte. DOYEN. En grant reverence et honneur Cecy en la bouche vous boute, A celle fin qu'il vous deboute De ceste dure enfermecté, Ou qu'es haulx cieulx il vous reboute Coste sa digne magesté. (La Vigne, S.M., 1496, 567)

Pour la reverence de Dieu

Et vrayement, seigneur, je le veulx Pour la reverence de Dieu ! Gens d'armes, alons ad ce lieu ! (Pass. Auv., 1477, 275)

2.Vénération dont on fait preuve à l'occasion d'une fête religieuse.

...aprés ce que la feste du Dieu Souverain fut achevee (...) a sy grant honneur et reverence... (Percef. IV, R., c.1450 [c.1340], 88)

Pour la reverence de. En raison de la vénération due à.

La Court, pour la reverence de la feste de caresme prenant qui sera demain, s'est levée devant l'eure... (Baye, II, 1411-1417, 2)

...le XXIIIJe jour de decembre ensuivant veille de Noel fu delivrée par les gens du Roy pour reverence dudit jour de Noel (Rouen temps Jeanne d'Arc L., 1432-1433, 250)

Or t'en va ! Tout t'est pardonné Pour la reverence de la feste De Pasques, ou coustume honneste Est es Juïfz que delivrer Je doiz pour eulx ung prisonier, Celluy que leur plait requerir. (Pass. Auv., 1477, 173)

Aprés disner, baniere desployee, Dedens Viterbe entra l'armee toute, Ou elle fut par deux jours sejournee Pour reverence du jour de Penthecouste. (La Vigne, V.N., p.1495, 271)

3.[Titre honorifique donné au pape]

A vostre sainte reverence Soit honneur, tressaint pére, faite ! Oir vous plaise une requeste Que faire entens. (Mir. fille roy Hongrie, c.1371, 8)

D. -Par analogie. Respect de qqc..

...acoustumé a laide maniere de vivre, delaissa la reverence de nature et crainte de la mort. (Foul., Policrat. B., I, 1372, 104)

...et, nulle reverence gardant a son patrimoine, quant il avront despendu, il trebuchent aprés en larrecin et rapines. (Foul., Policrat. B., I, 1372, 112)

La reverence des meurs si commende silence (Foul., Policrat. B., III, 1372, 238)

Pour reverence de. Pour l'observance de.

De laquelle sentence et jugement elle appella formellement en la cour de Parlement ; pour reverence duquel appel fut differé à executer. Et après que par ladicte court le procès d'icelle eut esté veu et visité fut dit, par arrest d'icelle et en confermant ladicte sentence, que ladicte Perrette avoit mal appellé et l'amenderoit, et que ladicte sentence seroit executée (Roye, Chron. scand., I, 1460-1483, 5)