EMPREINTE

substantif féminin

[T-L : empreinte2 ; GDC : empreinte ; FEW (IV, 604a) : imprimere ; TLF (VII, 990a) : empreinte]

A. -Figure, en creux ou en relief, marquée par pression.

...Et est aussi comme la cire Qui sueffre dedens li escrire, Ou qui retient fourme ou empreinte, Si comme on l'a en li empreinte. (Mach., R. Fort., c.1341, 2)

...il nous pleuist à yeauls donner et ottroyer un seaiel, tel et de telle ensengne et enpriente qu'il nous plairoit et par espésial de nos armes, pour atakier et maitre à tous les draps (Hist. industr. drapière Flandre E.P., t.3, 1372, 403)

...il avoit seellé ou contrefait d'une pareille ou semblable empriente au seel ou signet de feu Emery de Belosac, jadis chastellain du dit lieu de la Garnache, deux quittances de trois sextiers et mine de blé (Doc. Poitou G., t.4, 1374, 362)

...une autre bourse faicte à l'esguille, semée de perles et a une emprainte d'or dedens. (Invent. mobilier Ch. V, L., 1379-1391, 91)

...les lettres parmi lesquelles ces presentes sont ennexées, sont scellées de son propre seel et emprainte d'icelui (Trés. Reth. S.L., t.2, 1399, 465)

...et fist ledit Thomas faire à Clermont ung mole à couler metail, pour prendre emprainte de monnoye, pour eviter la noise qu'il eust peu faire, s'il eust frappé en coing la dicte monnoye, et dist audit suppliant que autrefoiz il avoit fait en telz moles comme cellui de semblables monnoyes. Et pour les grans abusions que ledit suppliant vit que faisoit ledit Thomas, se deppartit de lui (Doc. Poitou G., t.9, 1453, 319)

Empreinte (du marteau). Marque imprimée par le marteau forestier.

...chesne pour la reparacion de leurs maisons par livrée du chastellain en païant XII d., c'est assavoir III d. au verdier pour y mettre l'emprainte de son martel, quatre deniers aux sergens fieffés, et IIII d. au clerc du verdier pour les mettre en escript. (Hector De Chartres, Cout. R., 1398-1408, 295)

...nous avons baillé et delivré (...) auxdessusd. (...) iceulx vingt arpens de boys, et pour d'iceulx jouyr et user leur avons baillé port, celluy de Vatteville, et juré martel, duquel l'empreinte est devers nous (Commerce marit. Rouen F., Pièces justif., 1474, 370)

Sous l'empreinte de nostre sceau

Escript en la chambre parée De nostre grant palaix royal, Soubz l'emprainte de nostre seal, En l'an et jour que fumes nez Cinquante six ans tout passés Certainement. (Myst. st Adr. P., c.1450-1485, 70)

Ouvrier d'empreinte. Graveur.

S'en y avoit d'autre façon Telle que paintre ne maçon, Ouvrier de pincel, entailleur, Escrivein ne enlumineur, Ouvrier de fourme ne d'empreinte... (Mach., D. Lyon, 1342, 212)

B. -Par métonymie. Monnaie marquée d'une figure par pression.

Une bourse faicte à l'esguille (...) et a dedens une empreinte d'or ou monnoie de Sarrazins. (Ch. VI, D., t.2, 1418, 346)

C. -Par extension.

1.Marque, trace.

VÉRONNE. (...) Ve cy ung moult bel sintuaire, Il fait bien a recommander, Car c'est l'empreinte du viaire Du doulz Jhesus qu'on doit amer (Marcadé, Myst. Pass. Arras R., a.1440, 185)

2.Par analogie. Trait, physionomie.

...tant est plein de grant benigneté, doulçour et amour, que Dieu le demoustre meismes en l'emprainte de sa face, en telle maniere que de Providence divine a une telle singuliere grace que toute personne, qui le voit, soit estrangier, prince ou aultre, est amoureux et resjouy de sa personne (Chr. Piz., Faits meurs Ch. V, S., I, 1404, 165)

D. -Au figuré. Marque.

Quant j'eus tout recordé par ordre, Si qu'il n'i avoit que remordre, Et en mon cuer la douce empreinte De ses enseingnemens empreinte, Je m'en senti trop plus seür, Plus fort, plus rassis, plus meür. (Mach., R. Fort., c.1341, 109)

...Car la trés douce imprecion De son ymagination Est en mon cuer si fort empreinte Qu'encor y est et yert l'empreinte, Ne jamais ne s'en partira, Jusques a tant qu'il partira (Mach., D. Lyon, 1342, 166)

Douce dame dont je porte l'empreinte Dedens mon cuer figuree et empreinte Que fine amour y a mis et empreinte A un pincel De souvenir, mais tout entour enseinte De loyauté l'a qui garde l'enseinte (Mach., F. am., c.1361, 179)

...Car sa douce plaisant emprainte Fu en mon cuer si fort emprainte, Que ja mais ne s'en partira... (Mach., Voir, 1364, 174)

En particulier. RELIGION Empreinte spirituelle

Icy est l'ame comme muee en cendres de humilité en l'ardant fornaise de vive charité ; puis devient comme voirre bel, cler, net et pur, et coule legierement a prendre telle figure et emprainte espirituelle, comme le Saint Esperit luy veult donner a la semblance de soy (Gers., Trin., 1402, 171)

Par métonymie. Action qui laisse des traces.

Male empreinte. Méfait, crime.

Et accuilli malveis gaignons De la contree a compaignons, Qui de li firent chief et prince. N'ot gueres ville en la province Qui pour li ne fust mielx gardee. Tant fu sa force redoubtee Et tant fist de males empreintes Que de li vindrent les compleintes Devant Frederic l'emperiere (Tomb. Chartr. Dix-huit contes K., c.1337-1339, 234)

Remarque : Peut-être est-ce empeinte (croisé avec emprise ?).