SCEAU

substantif masculin

[T-L : sëel ; GD : seel ; GDC : seel2 ; FEW (XI, 593b, 594a) : sigillum ; TLF (XV, 155b) : sceau]

A. -Cachet où sont gravées en creux l'effigie, les armoiries, la devise d'un souverain, d'un prince, d'un seigneur, d'un grand personnage, d'un corps constitué, d'une communauté, d'une corporation, d'un État..., et dont l'empreinte est apposée sur des lettres, des diplômes, des actes..., pour les rendre authentiques ; l'empreinte ainsi laissée, sceau.

...ilh fist lire pardevant li le dit testament et de son saiaul saieleir, il ratefiat ledit testament et dest expressement que chu que devens astoit contenut et escript astoit sa deiraine volenteit (Hemricourt, Pièces div. B.P., 1338, 53)

Or la me clos [la lettre] sanz demontée, Si que g'y mettray mon seel. (Mir. abbeesse, 1340, 65)

Partout tramist cez briez la ou ly sëaulz pent (Hugues Capet Lab., c.1358, 117)

Je delivrai son messagier Le lendemain aprés mengier. Mais de ma grant adversité Que j'ay ci devant recité Avoie jetté une lettre Que je li voloie tramettre. Si l'encloÿ en ces presentes, Dont j'os de pensee[s] dolentes Plus d'un millier, se Dieus me gart ; Car ma dame au plaisant regart Un petit se coursa a mi, Dont je di pluiseurs fois : 'Ai mi !' (Et se n'i havoit seel ne cyre, N'il n'avoit en moi courrous ne ire Quant je l'i mis, mais bien voloie Qu'elle sceüst qu'esté avoie A meschief pour l'amour de li) ; Dont j'eus le cuer taint et pali, Qu'elle me rescript durement, Rudement et diversement. (Mach., Voir, 1364, 512)

Requis d'un seel d'argent qu'il avoit, où il avoit esté gravé et où il l'avoit prins, dit à Angers. (Reg. crim. Chât., I, 1389-1392, 16)

Item, que ledit jour a esté trouvé par Pierre Chevalier que ledit seel a esté gravé à Paris, en rue Neufve Nostre-Dame, par Jehan Bourdon. (Reg. crim. Chât., I, 1389-1392, 17)

Et paraillement ont mis leurs seaulx à ceste presente confession lesdit prevost de Saint-Quentin et le clerc sermenté et home feal du roy nostre sire. (Reg. crim. Chât., I, 1389-1392, 381)

Et de ce prennez bonnes lettres et bonne chartre seellee du grant seel de la dicte conté et des seaulx des pers du dit païs. (Arras, c.1392-1393, 31)

... vous mandons que, tantost ces lettres veues, vous vous gardez de nous, car nous vous porterons dommage le plus tost que nous pourrons, a cause du tort que vous faictes et avez fait a nostre tres chier et bien amé oncle le roy d'Ausaiz. Et a celle deffiance mirent leurs VI. seaulx. (Arras, c.1392-1393, 284)

...je vous certifie par ceste moye presente relacion, seellée de mon seel dont je use en mon office de sergenterie, avoir esté fait, c'est assavoir le premier cry par le dit Gobin, en ma presence, au siege de Fontenay, et tous les autres par moy, par la maniere susdicte. (Doc. Poitou G., t.6, 1393, 127)

Cedit jour, Jaques de Buymont, huissier de Parlement, a revoqué et revoque son seau qu'il a perdu puiz IIJ ou IIIJ jours. (Baye, I, 1400-1410, 311)

Cedit jour, J. Maignier, huissier, a dit que la veille de Pasques flories perdi son seel, si proteste que chose qui depuiz avoit esté seellée d'icellui ne lui prejudicie. (Baye, I, 1400-1410, 316)

En oultre a ordonné la Court que les lettres, qui seront faictes et baillées à ceulz qui ce jour auront esté ordenez et promeux esdis ordres par ledit archevesque, seront seellées du seel de la Court de Paris et non mie du seel d'icellui archevesque (Fauq., II, 1421-1430, 8)

En tesmoing de ce, nous avons fait mettre noz seaulx à ces presentes et les avons signées de nos propres mains et soubscript nos propres noms. (Fauq., II, 1421-1430, 96)

...unes lettres mout anciennes, escriptes en perchemin en lettre de fourme (...), scellées de son seel, en l'emprainte duquel estoit un homme a cheval tenant un escu, ou avoit quatre tourelles (Cartul. Beauv. L., 1428, 709)

Pour la façon du petit sceau de ladicte Prevosté des marchans, qui a esté refait de l'ordonnance de mesdits seigneurs pour ce qu'il estoit trop petit et trop uzé (Comptes Paris V.L.D., t.1, 1456-1457, 930)

...come l'emprainture est plus parfaitement ou seel que en la cyre. (Somme abr., c.1477-1481, 112)

...lesquieulx firent une conjuracion disant entre eulx estre bons et loyaulx au roy Richard et fut faicte lectre, scellée de leur seaulx, et qu'ilz ayderoient à remectre le roy Richard en son royaume et seigneurie (Simon De Phares, Astrol., c.1494-1498, f° 149 v°)

...monsieur le chancelier et les secretaires du roy soubz luy, ayans seaulx grans et petiz, a queue simple et double queue, donnans graces et remissions ainsi qu'en France (La Vigne, V.N., p.1495, 257)

En tesmoing de ce, nous avons signé ces presentes de nostre main et à icelles faict mettre nostre seel. (Le Clerc, Interp. Roye, c.1502, 255)

Sceau royal

...nous donnons en commandement au saelleur du roy à Poitiers establi, que il en ces presentes lettres, les quelles nous avons seellées de notre seel, à la certification des dites choses, appouse le dit seel royal (Doc. Poitou G., t.2, 1338, 139)

...Guilbert Dausque, (...) garde du seel royal de la baillie d'Amiens, estably en la ville et prevosté de Monstreul pour seeller et confermer les contractz, convenences, marchiéz, obligations et recongnoissances qui sont et seront faictes (Hist. dr. munic. E., t.3, 1451, 501)

Garde des sceaux. Celui à qui les sceaux (du roi, d'un grand seigneur...) sont confiés.

Et nous, Pierre le Mere, a present garde des diz sceaulx, a la relacion dudit juré, avons scellees ces lettres des diz sceaulx, le mardi huitiesme jour du mois de decembre, l'an de grace mil trois cens quatrevins et trois (Chartes Abb. St-Magl. T.F., t.3, 1381, 514)

Ce jour, Girart de Bourbon fu receu en l'office de garde des seaulx de Champaigne, et fist le serement de residence. (Fauq., II, 1421-1430, 127)

Grand sceau (du roi/de la chancellerie). Sceau apposé aux lettres patentes expédiées par la grande chancellerie.

Quant le sauf conduit fust escript, il fut sceellé du grant sceel et du signet du roy, et fut bailliez au hyrault, et XX. frans avec. (Froiss., Chron. M., XIV, c.1375-1400, 103)

...son père, ledit Jehannin et plusieurs autres, avoient contrefait, le grant séel et le contreséel du Roy nostresire (Ch. VI, D., t.1, 1386, 71)

En tesmoing des quelles coses, a cestes nos lettres ouvertes avons fait mettre nostre grant seel. Donnees a Eltem, le trentime jour dou mois de march, l'an de grace mille .CCC. et trente. (Froiss., Chron. D., p.1400, 195)

Ce jour, entre les plaidoiries, survint maistre J. de Sains, secretaire et notaire du Roy nostre Sire en la Court, et presenta certeines lettres scellées du grant seel en las de soye et cire vert (Baye, I, 1400-1410, 32)

...unes lettres du Roy nostresire séellées de son grant séel (Ch. VI, D., t.1, 1403, 246)

Ce jour, maistre Jehan Campion, secretaire de monseigneur le Dauphin, apporta à la Court les lettres seellées du grand seel de la Chancelerie du Roy estant à Creeilg (Fauq., I, 1417-1420, 112)

...certaines lettres royaulx, scellées du grant seel du roy nostre dit seigneur en laz de soye et cire vert, saines et entières en seel et escriptures (Cartul. Hôtel-Dieu Cout. L., 1451, 267)

Grand sceau (d'une seigneurie)

Laquelle seignoirie de Cleremont, dont ledit conte Dampmartin avoit jouy (...) luy fut ostée (...) et en fut dessaisy par force et violance, et remise en la main du duc de Savoye, son fils, lequel, non recognoissant les services que luy avoit faitz ledit conte de Dampmartin, qui n'estoient pas de petite estimacion, remist en ses mains ladicte baronnie de Cleremont, non obstant que, par les lettres signées et seellées de son grant sceau, apparoit ladicte baronnie estre et appartenir audit conte [de] Dampmartin à tousjours, et dont il avoit esté receu en foy et hommaige dudit duc de Savoye jusques ad ce que ladicte somme de dix mil escuz luy fust payée. (Le Clerc, Interp. Roye, c.1502, 146)

Petit sceau. Sceau royal qu'on appose sur les actes de justice et sur certains mandements particuliers.

...icellui messire Almaurry dist que de ce il parleroit à messeigneurs aïans de present la garde du petit seel du roy, leur rapporteroit de bouche les causes et mouvemens pour lesquelx icellui prisonnier avoit appellé (Reg. crim. Chât., II, 1389-1392, 416)

Ce jour, messire Jehan, segneur de Cohem, chevalier, a presenté lettres du Roy seellées du petit seel pour estre receu à l'office de Grant Veneur de France (Fauq., I, 1417-1420, 138)

Sceau aux causes. Sceau apposé sur les jugements et les vidimus des lettres patentes pour les rendre authentiques.

...de toutes lettres obligatoires de LX solz en aval, se doivent seeller de nostre seel es causes et ne valent par tout que XII deniers (Cout. bourg. glosé P.M., c.1380-1400, 76)

...les diz maire et eschevins avoient le gouvernement et administracion d'icelle Loy et, pour ce faire, avoient chartres, seel de commugne et seel as causes, comme avoit et a la ville de Saint Pol, aveuc maison d'eschevinage, pillory, cloque pour eulx assambler (Hist. dr. munic. E., t.3, 1390, 245)

...vidimus fait soubz le sceel aux causes d'icelle ville (Comptes Etat bourg. M.F., t.3, 1416-1418, 36)

...lettres anchiennes, seellées le[s] aulcunes du seel aux causes de la dicte ville seullement et les aultres du seel du dict bailliaige avec le dict seel aux causes (Hist. dr. munic. E., t.2, 1422, 146)

En tesmoing de ce, nous avons a ces presentez lettres fait mettre et appendre nostre seel aux causes (Trés. Reth. L., t.3, 1438, 164)

Sceau aux contrats. Sceau que les notaires apposent aux expéditions des contrats pour les rendre exécutoires.

Jehan Bonno, servicteur dudit de Billy, est venu vers moy et m'a apporté certifficacion de la garde des sceaulx de Saumur, signée J. Creste et P. Barbier, noctaires etc. et scellée du scel aux contracts dudit lieu (Aff. Jacques Coeur M., 1453-1457, 32)

Sceau de baillie/de commune/du baillage. Cachet des officiers de la baillie, de la commune, apposé sur leurs actes pour les rendre publics et authentiques.

En tesmoing de ce, nous avons mis le seel dudit bailliage à ces presentes, faittes et données à Amiens, l'an et jour dessus diz (Reg. crim. Chât., I, 1389-1392, 483)

...les diz maire et eschevins avoient le gouvernement et administracion d'icelle Loy et, pour ce faire, avoient chartres, seel de commugne et seel as causes, comme avoit et a la ville de Saint Pol, aveuc maison d'eschevinage, pillory, cloque pour eulx assambler (Hist. dr. munic. E., t.3, 1390, 245)

...lettres anchiennes, seellées le[s] aulcunes du seel aux causes de la dicte ville seullement et les aultres du seel du dict bailliaige avec le dict seel aux causes (Hist. dr. munic. E., t.2, 1422, 146)

Sceau foncier (d'une communauté)

...que le seel de la communaulté de notre dicte ville, autrement appelé le seel fonsier et dont l'on a acoustumé de seeller les lettres des rentes viagieres que vendra notre dicte ville, sera d'oresenavant gardé et enfermé bien et seurement en ung coffre (Hist. dr. munic. E., t.2, 1447, 628)

Sceau de secret (du roi)/sceau du secret. Sceau royal utilisé, dans les affaires secrètes, pour les lettres closes, les missives, les lettres patentes relatives à l'Hôtel, ou certains mandements particuliers.

...un quartier de veluyau asuré, 2 onces d'or de Chippre, et 2 onces de soie ardant, tout baillié à Thomas de Chaalons pour broder, faire et estoffer la bourse au séel du secrè du Roy (Comptes argent. rois Fr. D.-A., I, 1352, 110)

Pour VI onces, I estellin et demi dor à XX caraz, pour un seel nommé le seel du secret de Monseigneur, et tant poise senz la chaenne (Compte Navarre I.P., 1367-1371, 195)

...unes lettres closes seellées du seel secret du roy nostredit seigneur, et signées de son saing manuel, par lesqueles apparoit que ledit seigneur mandoit à il qui deppose, ou au premier autre sergent d'armes qui sur ce seroit requis, que tantost et sans delay il excecutast par prinse de corps et explettacion de biens Heran du Port (Reg. crim. Chât., II, 1389-1392, 20)

Donné soubz nostre seel de secret en l'absence du grant à Clermont en Beauvoisiz, le XVIIJe jour de may, l'an de grace mil CCCC et deux. (Baye, I, 1400-1410, 36)

...pour l'or et façon du scel de secret (Comptes Lille L., t.1, 1416, 156)

En tesmoing de ce, nous avons fait mectre nostre seel de secret, ordonné en absence du grant, à ces presentes noz lettres. (Comptes Etat bourg. M.F., t.3, 1416-1418, 14)

Ce jour, messire Guy de Bar, chevalier, fu receu à l'office de la garde de la prevosté de Paris ou lieu de messire Tanguy du Chastel et fist le serement acoustumé, et furent ses lettres publiées, lesquelles n'estoient seellées que du seel de secret du Roy, pour ce que les seaulz de la Chancelerie avoient esté perduz (Fauq., I, 1417-1420, 130)

Et n'estoient les lettres desdis de Chastelluz et de Lens seellées que du seel de secret du Roy, pour ce que on n'avoit peu trouver les seaulz de la Chancelerie (Fauq., I, 1417-1420, 134)

...unes lettres patentes..., seellées soubz le seel de secret de mon dit seigneur en cire vermeil (Hist. dr. munic. E., t.3, 1425, 68)

Sceau ordonné en l'absence du grand. Sceau (créé à partir de Philippe VI) utilisé pour valider les actes royaux pendant l'absence du roi.

Soubz nostre seel ordené en l'absence du grant. (Ch. VI, D., t.1, 1382, 36)

Donné en nostre chastel du Boys de Vincennes (...) Soubz nostre seel ordené en l'absence du grant. (Ch. VI, D., t.2, 1382, 37)

...Donne a paris le XVIe jour de may lan de grace mil CCC quatre vins et six (...) soubz notre seel ordene en labsence du grant... (Comptes Doullens W., 1386, 10)

Sous le sceau de

...laquelle confession (...) lesdis mons. le bailli (...) envoient par devers nos très-chiers et grans amis nosseigneurs tenant le present parlement du roy nostre sire, enclous soubz leurs seauls, le XXVe jour du mois de fevrier (Reg. crim. Chât., I, 1389-1392, 386)

Donné soubz nostre seel, l'année droictement Troisiesme qu'em l'empire prismes gouvernement. (Myst. st Adr. P., c.1450-1485, 73)

Sous l'empreinte de nostre sceau. Voir empreinte

[À propos d'une lettre] Dessous le sceau de qqn. Marqué du sceau de qqn.

Et si vous pri, quant sera né L'enfant et delivre en sera La mére, ce que en ara Dessoubz voz seaulx me rescripsiez. (Mir. fille roy Hongrie, c.1371, 35)

Lettre scellee du sceau de

Et vesci la teneur des lettres qui estoient ouvertes et encloses dedens les premieres, et seellées dou seel le signeur de Lespaire. (Mach., P. Alex., p.1369, 230)

Un sceau pend

En non Dieu, dist Jossellins que je voy la, sachiez qu'il a fait son hoir de Hervy de Leon, et croy qu'il l'ait enchanté, et les barons du pays aussi, car les lettres en sont ja passees, et y pendent leurs seaulx avec le seel du roy. (Arras, c.1392-1393, 57)

... adont regarda li rois la lettre et les seauls qui i pendoient. Si fist dire a l'evesque que il pooit bien partir qant il voloit, car il se tenoit pour tous desfiiés. (Froiss., Chron. D., p.1400, 301)

...je escrirai et penderai a mes lettres mon seel et ferai pendre les seaus de tous les barons de ma tere, certefians la desfiance qui s'adrecera a Phelippe de Valois qui se dist rois de France (Froiss., Chron. D., p.1400, 318)

...lectres de son roy ou de prince roial a seel pendant (La Sale, J.S., 1456, 174)

Sceau d'avantage craché. Sceau enduit d'avance de salive (pour qu'il n'adhère pas à la cire).

Item, pour ce que le seelleur Maint estront de mouche a machié, Donne, car homme est de valleur, Son seau d'avantaige crachié, Et qu'il ait le poulce escachié Pour tout empreindre a une voye ; J'entens celluy de l'Eveschié, Car les autres, Dieu les pourvoye ! (Villon, Test. R.H., 1461-1462, 99)

B. -En particulier. DRAPERIE Cachet propre aux autorités de la draperie, qui est appliqué sur les draps, après examen, pour certifier leur qualité.

...volons que tout li draep que on sellera de dues seels de plonc soyent eswardeit à une perche par dues pruedommes que de par nous y serront establiit et sermenteit, et ychil draep par eulx soyent purgiet et nectiiet souffisantment de tout che que à le dicte draperie puet greveir et nuyre, et souffisantment estoupeit tout li treu, anchois que le secons seels y soit miis ; et che sour teille amende que par nos officiiers delle draperiie serra diit et ordeneit. (Hist. industr. drapière Flandre E.P., t.3, 1363, 39)

Du seel de la drapperie en la ville d'Axelles, que les eschevins d'illec tiennent à ferme trois ans (Comptes Etat bourg. M.F., t.3, 1416-1418, 58)

C. -Par métonymie.

1.Droit attaché à l'emploi du sceau.

...les notaires (...) prennent d'une procuration tant que traire et exiger puent, combien que n'en ist pour le salaire du notaire que IJ solz parisis et VJ deniers parisis pour le scel de toute ancienneté (Baye, I, 1400-1410, 15)

...l'assignation du paiement des notaires du Roy a esté faicte sur IIIJm frans à pranre sur l'emolument du seel de la Chancellerie (Baye, I, 1400-1410, 176)

...les procureurs dient en injuriant le Chancellier et autres officiers royaulx que l'argent qui ist du seel de la Chancellerie ne va pas au profit du Roy (Baye, II, 1411-1417, 198)

...et a ordonné la Court que les vidimus qui ont esté fais sur lesdictes lettres seront corrigiez (...) afin que ledit de la Guiche ne prengne à son prouffit l'emolument du seel dudit bailliage, se acoustumé n'est. (Fauq., I, 1417-1420, 225)

Privé sceau. Sceau privé ; p. méton. ceux qui ont le droit d'en faire usage.

L'an mil CCCCXL quatre, en esté, le conte de Sonfort et le privés-seel d'Angleterre vindrent à Tours devers le Roy, et y eut une grande convencion et fut traicté que le duc Françoys y viendroit (Gruel, Chron. Richemont L., c.1459-1466, 183-184)

A Jehan Morton, privé seel d'Engleterre, la somme de 250 £ dudit pris que mondit seigneur lui a de sa grace donné pour une fois tant pour soy vestir, monter et habillier honnourablement a son partement de devers lui, de son hostel, ses pays et seignouries (...) et aussi pour habillier et vestir ses serviteurs (Comptes argentier Ch. le Téméraire B.F.L., t.3/1, 1470, 492)

2.Dignité, office de celui qui détient un sceau.

... [ilz] se pourront obliger et submectre eulx, leurs personnes et leurs biens, meubles et immeubles, presens et futurs, au povoir, destroit, ressort, cohercion et juridicion du dit seel. (Hist. dr. munic. E., t.1, 1481, , , 456)

3.Endroit où l'on scelle les actes.

...en icellui costé au bout de devers le seel fu faicte une autre lucarne toute neufve de carreure contenant V piez de lé et VI piez de haut et fu pour donner jour au seel et est ladicte lucarne revestue de verre. (Comptes Archev. Rouen J., 1412-1413, 79)

D. -Par analogie. Sceau Nostre Dame. Plante grimpante de la famille des Dioscoréacées, tamier (Dioscorea communis).

Item pour sause flume et por atargier meselerie, R. le saial nostre damme, se le broies et le meteis sus et chu est bonn a touz dranclez et a ronge garir tost. (Méd. nam. H., c.1400-1500, 201)

Remarque : Attestation d'a.prov. ds FEW (sigel sancta Maria). Cf. Dorvault, L'Officine, Paris, Vigot, 1923, p. 1380, s.v. taminier : Tamier, Sceau de Notre-Dame, Racine ou Vigne vierge, Vigne ou Bryone noire, Tamus communis.

E. -Au figuré.

1.Marque, signe.

Il seroit bons penduz au verité jugier, Car le seel en porte. (Jourd. Blaye alex. M., a.1455, 856)

...grant est dignite de ame humaine qui par le benefice premier que Dieu luy fait il imprime son seel, cest a dire son ymage en la souueraine porcion de soy, cest en la partie intellectiue. (Cib., p.1451, 205)

De ses [...] faiz on en dispence ['on en donne'] Par les seaux de nostre despence. (Vig. Trib., c.1480, 231)

2.Garantie.

Sceau de confession. Garantie du secret de la confession.

...ycelui qui avroit oÿ celle confession le devroit tenir secret et souz le seel de confession (Jean Golein, Rational B.D., c.1370-1372, 533)

Du seel de confession. (Somme abr., c.1477-1481, 95)

3.Droit.

Bailler blanc sceau (à propos de qqc.) Blanc-seing (pour exécuter qqc.).

PHEBUS. Vous avés ma sentence ouye, Saturnus, sans la reciter, Vous aussi, Mars et Jupiter, Je vous baille en commicion La mettre a execution Incontinent et sans delay. (...) MARS. Baille nous en ton blanc sëel Juge. (Cene dieux, c.1492, 124)