LIVREE

substantif féminin

[T-L : livree ; GD : livree1 ; AND : liveré2 ; FEW (V, 301b) : liberare ; TLF (X, 1299a) : livrée]

A. -Action de livrer qqc..

1.Remise d'une marchandise, livraison de ce qui a été vendu.

Verzi, coustellier, demourant en la Cossonnerie à Paris, pour le reste des canivès de la livrée derrenierement passée oubliée à compter (Comptes hôtel rois Fr. D.-A., 1380-1381, 100)

...Je vous demande XX s. pour la vendue, bail et livrée de un asne et de deux boisseaux d'orge que vous ou votre commandement (...) avez eu de moy et du mien (Instruct. ensaign. B.G., c.1386-1390, 62)

Jehan de Thiais, gaingnier, pour VIII escriptoires pour la livrée de la Chambre aux deniers, garnies estoffées de cornetz, canivetz, bourses et lacs de soie (Comptes hôtel rois Fr. D.-A., 1401, 160)

...a Thomas Rave pour la vendue et livrée de LXV piés de gouttière de boys (...) pour VI mines de caulx (...) pour IIII canlattes (...) et pour IIII bennelées de sablon (...) pour l'aportage des choses dessusd. (Comptes Archev. Rouen J., 1437-1438, 170)

En particulier. Livraison groupée d'objets ou d'ustensiles, qui est faite à date fixe.

...4 paires de coffres garniz de 4 bahuz, livrés en ce terme en la chapelle du Roy à Hemart Gascoing et à Jehan de Viry, clers de ladicte chappelle, pour leur livrée ordinaire de Pasques (Comptes argent. rois Fr. D.-A., I, 1352, 121)

Verzi, coustellier, demourant à Paris en la rue de la Cossonnerie à Paris, pour LI paire de cousteaux, dont il y en a XXIIII paire à viroles d'argent armoiez aux armes du Roy, et IIII paire à viroles d'argent blanc, et XXIII paire à viroles de fer, achetées de lui pour la livrée de Pasques pour les maistres d'ostel, Chambre aux deniers et les officiers de Cuisine, à divers pris (Comptes hôtel rois Fr. D.-A., 1380-1381, 79)

Hanaps de madre pour la livrée des maistres d'ostel, maistre et contreroleur de la Chambre aux deniers, eschançons et d'autres officiers dudit Hostel escheuz et que l'on a acoustumé de compter ou dit terme de Nouel. (Comptes hôtel rois Fr. D.-A., 1421-1422, 278)

Hors livree. Fait et livré à un moment autre que les dates habituelles.

..12 aunes d'un brussequin de Broixelles, de la grant moison, baillées à Martin de Coussy pour faire pour ledit seigneur monseigneur le Dauphin, une robe, hors livrée, de 4 garnemens, fourrée de menuvair (Comptes argent. rois Fr. D.-A., I, 1352, 86)

2.Par extension. Action de livrer, de dispenser qqc..

Herculès en son bers, soubs povoir de norrice, Tua deux grans serpens de force, sans malice. Bon josne [var. A luy donc] se monstra sa fortune propice, Dont son frère mourut, innocent et sans vice. Puisque sur deux bessons portez d'une ventrée, Fortune se despart par diverse livrée, Dont l'ung laisse perir ainsi qu'une fumée, L'aultre porte en ses bras croissant en renommée, Bien devons Dieu doubter de cueur et de pensée ; Car c'est cil qui deppart où il veut sa souldée. (La Marche, Mém., III, c.1470, 144)

Paiement.

... pendant ledit temps icellui messire Olivier [de La Marche] n'a esté compté ne prins gaiges ou livree par lesdiz escroes... (Comptes argentier Ch. le Téméraire B.F.L., t.3/1, 1470, 347)

B. -Vêtements fournis.

1.Vêtements livrés, fournis par un grand seigneur à sa suite, livrée ; p. méton. la suite elle-même.

...si li ferez taillier Robe neuve de ma livrée (Mir. st J. Cris., c.1344, 267)

Et celui qe serroit contraire [à vous, Seigneur], a qi resembleroit ? A celui qi serroit a vous contraire : c'est a l'ord deable d'enfern, et non pas soulement de sa liveree, mes [de] sa propre seutte comme compaignon (Henri Lanc., Seyntz medicines A., 1354, 3)

Est il homme ou monde qui ne se tenist pour bien paré d'estre vestu des robes du Roy et de sa livree ? (Chr. Piz., Trois vertus W.H., c.1405, 222)

Audit maistre Jaques de Templeuve, premier chappellain de monseigneur le duc, maistre Nicole Grenon, maistre Jehan Brunet et à plusieurs autres chappellains de la chappelle de mondit seigneur, Pierre Bonsaulx, dit Provins, Jehan Greffroy, Raoul Guerout, dit Milica, et à Jehanninet de la Tour, sommeillers de la chappelle de mondit seigneur, la somme de cinq cens quarante frans que mondit seigneur de sa grace leur a donnez pour achetter et querir des draps et pennes pour leur livree de ceste annee (Comptes Etat bourg. M.F., t.1, 1419, 51)

...951 houppes de laine noire que mondit seigneur fist faire et asseoir sur certaines robes de gris pour la livree des gentilzhommes de mondit seigneur (Comptes Etat bourg. M.F., t.1, 1419, 81)

Des XXX escus qui resteront, tous semblables vous en ferez faire de beaus harnois de draps et vestirez voz gens serviteurs de vostre livree quant chevaucherez, et du demeurant vous servirez tant qu'ilz dureront. (La Sale, J.S., 1456, 69)

Et lequel Raguier, acompaigné comme dit est, avoit autour de lui quatre pietons vestus de livrée et tousjours estans près de lui et du coursier sur quoy il estoit monté, lesquelz estoient prestz de le servir et recueillir son bois. (Roye, Chron. scand., I, 1460-1483, 203)

Puis en aprés a les suivre se mirent Incontinent et sans point perdre temps Les mecaniques, manans et habitans, Borgois marchans de degré en degré, Pour acomplir du noble roy le gré. Aucuns estoyent vestuz d'une livree, D'autres portoyent une devise ornee Selon leur cas et leur plaisir aussi (La Vigne, V.N., p.1495, 144)

Item, sera dict, cryé et ordonné par toutes les compaignies que si hardi et sur peine de la hart homme ne aille en fourraige, sans ce que en sa compaignie ait aucun homme qui ait vestu le hocqueton de la livrée du capitaine soubz qu'il sera. Item, que, sur la mesme peine, ilz n'ayent à prandre aucune espece de vivres, sans les payer sur les lieux où ilz les prandront au taux dessusditz. (Le Clerc, Interp. Roye, c.1502, 343)

Robe de livree / de la livree (de qqn)

Je te promès que tu auras Une rombe de ma livrée Se tu sers bien celle journée (Myst. st Bern. Menth. L., c.1450, 66)

Et fut conduit icellui entremelz et tous les autres, par quinze ou seize chevalliers vestus de robes de la livrée. (Escouchy, Chron. B., t.2, a.1465, 143)

Se j'alasse vers roy ou duc, Pour ma peine me fust livree Ou hucque ou robe de livree ; Mais je pers ycy tous mes pas. (Myst. Pass. Troyes B., a.1482, 456)

Prenez chascun une plommee, Et en soit sa chair descharpie Et sa faulce vie consummee. Frappez ! bastez ! de randonnee ! Car celuy qui le mieulx fera Aura robe de ma livree. (Myst. st Laur. S.W., 1499, 230)

À (la) livree (de). Qui appartient à la maison de.

Gautier Brise-Tanquart, tondeur, pour tondre 2 escarlates et demie, pour chevaliers, à la livrée du Roy, 12 s. 6 d. Pour tondre 11 draps pour escuiers et genz de mestier et autres, 3 s. chascun, valent 33 s. (Comptes argent. rois Fr. D.-A., I, 1359-1360, 262)

...que ledit chambellan, ensamble ung chevalier et deux escuiers, sient en salle et soient servis à table, et qu'il ait un varlet à livree oudit hostel (Comptes Etat bourg. M.F., t.1, 1419, 24)

À Simon Le Seellier, demourant en ladicte ville d'Arras, pour pluseurs selles, sengles, brides, poitralz, mors à brides, entrappes, estrilles et avoir rembouré pluseurs des selles des chevaulx de mondit seigneur et de ceulx de ses gens qui sont à livree (Comptes Etat bourg. M.F., t.1, 1420, 434)

Estre de nostre livree. Être de notre maison, appartenir à la même suite (ici être un sot comme nous).

Chascun est de nostre livree. (Sots triumph., c.1475, 42)

Donner livree à qqn. Délivrer des vêtements aux couleurs de sa maison à qqn..

...peu de temps après que le dit Phelippe fu entré ou dit office, il prist et leva estat moult grant et donna livrées de robes, bien jusques à vint paires, tant à chapellains comme à escuiers, clers et autres genz (Doc. Poitou G., t.3, 1354, 169)

Prendre (de) livree. Recevoir les vêtements délivrés aux membres d'une maison.

...ouquel hostel mondit seigneur veult qu'il [Charles de Bourbon] soit logié quant il y porra estre, et en oultre que en icellui hostel il soit servi ou prengne livree lui Xme de personnes, comme il appartient et selon les ordonnances dudit hostel, et la vacquacion duquel service mondit seigneur veult estre enregistré et certiffié par le maistre de sa Chambre aux deniers ou de ses maistres d'ostel ou par l'un d'eulx (Comptes Etat bourg. M.F., t.1, 1419, 23)

...il certifie que, pendant ledit temps, il n'a prins livree, ne aucuns gaiges ne lui ont esté comptez par les escroes de la despense de l'ostel de mondit seigneur (Comptes Etat bourg. M.F., t.2, 1420, 744)

Prendre qqc. de livree. Prendre (un vêtement) de livrée.

Maistre Thomas et maistre Julien des Murs, maistres et gouverneurs desdiz enffens, pour fourrer leur robes, qu'il prennent de livrée avec yceulx enffens, audit terme ; pour le surcot et la housse de chascun, 2 fourreures et demie de grosses poppres (Comptes argent. rois Fr. D.-A., I, 1352, 160)

2.Ensemble de vêtements délivrés par une ville aux officiers municipaux.

...lesquelz eschevins, prevost et maieurs ont acoustumé d'estre vestuz chascun an, pour le honneur et estat de nous et de nostre dicte ville, de draps de livrée par eulx, au jour de Pasques communaus (Hist. dr. munic. E., t.2, 1409, 139)

3.Par métaphore.

Esté revest champs, bois et fleurs, De sa livree de verdure (CH. D'ORLÉANS, Rond. C., 1443-1460, 482)

C. -Provision, ration journalière, pitance.

...chascun jour de livroison N'y ay q'un po d'yaue et de pain. (...) Ce m'est moult petite livrée. (Mir. roy Thierry, c.1374, 271)

Livree de bouche

...à Pierre Bonsaux, dit Provins, sommelier de ladicte chappelle, 16 deniers parisis pour jour aveuc sa livree de bouche et d'un cheval (Comptes Etat bourg. M.F., t.1, 1419, 34)

[À propos d'un animal]

...5 solz (...) 4 deniers parisis par jour pour la livree de ses chevaulx (Comptes Etat bourg. M.F., t.1, 1419, 82)

Aussi faisoit il pour ce qu'il luy cuida faire mettre ses chevaulx hors des estables et livrée de la maison de sa mère et les luy faire envoyer en hostellerie (Archives servit. Louis XI, T., 1459, 6)

D. -EAUX ET FORÊTS Permission délivrée par le verdier d'abattre des arbres. (synonyme baillee)

Le seigneur de Villiers, la dame de Campigny, Jehan de la Planque sont sergens fiefféz en la verderie du Bur le Roy, ou buisson du Tronquay, et à cause des fiefz de leurs sergenteries, ont acoustumé prendre et avoir en la forest du Bur le Rou, ou dit buisson du Tronquay, boiz pour amesnagier par livree. Item, boiz pour faire leurs charuez, charetes, et eschielles, rastelliers, et tous autres outilz qui fallent pour l'amesnagement d'iceulx, sanz livree. Item, trois arbres à Noël, c'est assavoir deux foulz et un quesne, par livree du verdier ou maistre du Bur, et en peuent faire leur volenté quant eulx leur sont livrés. (Hector De Chartres, Cout. R.B., 1398-1402, 64)

Les religieux, abbé et couvent de Notre Dame de l'Ille Dieu ont es forestz de Lions (...) usage à ediffier, ardoir et reparer, par livrée, à cause de leur dicte eglise. (Hector De Chartres, Cout. R., 1398-1408, 1)

...et leur accorda que eulx fussent quictez par tout Engleterre et Normendie de tonnelieu, passage et pontage et pasnage et regart de forest, et de toutes coustumes de leurs choses. Et si ont par un memorial donné le samedi aprés la saint Martin d'esté mil IIIc et VII par le bailli de Gisors, deux chesnes de livrée par an pour leur dit hostel. (Hector De Chartres, Cout. R., 1398-1408, 2-3)