AUSPICE

substantif masculin

[GDC : auspice ; FEW (XXV, 1063b) : auspicium]

A. -Signe par lequel on prédit l'avenir.

1.HISTOIRE ROMAINE Signe par lequel on prédit l'avenir, tiré de l'observation des oiseaux.

Lors li augurieres dist par paroles quelz signes et quelz auspices il voloit estre demonstrez ; lesquelz Jupiter li a desmonstrez et tremis en declairant que Numes estoit dingnes d'estre roys des Romains. (Bers., I, 1, c.1354-1359, 18.9, 30)

[auspicia] . O vous, dist il, Tarentin, sachiez que li pulaires - c'estoit cilz qui gardoit les oisiaux - nous a denoncié que les auspices sont prosperes et liez, et si avons sacrifié couvenablement a la volenté des dieux ; et pour ce, si comme vous povez veoir, nous nous en alons a la besoingne ! (Bers., I, 9, c.1354-1359, 14.4, 24)

Si que donques auguremens estoit l'inquisition de la verité de certaine chose future par la signification des oysiaus, augur estoit celui prestre ou prophete qui la chose enqueroit, auspice estoit ceu qui en avenoit, chose auspiquee estoit celle qui deuement celebree, regardee et pronostiquee estoit, et chose inauguree estoit celle, ou fust lieus ou personne, qui au diex consacree et dediee touz jours perseveroit. (Bers., glossaire, c.1354-1359, ms. Paris, B.N.F., nouv. acq. fr. 27401, f° 159d)

...ilz appelloient presages, Auspices, omens et augures (Chr. Piz., M.F., III, 1400-1403, 186)

Item, est assavoir que ou temps de la battaille civille entre Silla et Marius, fist Sille une grant proscripcion, qui est declaree en son premier livre, ou chappiltre des auspites (La Sale, Salade, c.1442-1444, 27)

Prendre auspices. Chercher les présages à l'aide de l'observation du vol des oiseaux avant d'entreprendre une action.

Nulle chose n'estoit ancienement faite en publique ne en privé que on ne eust ainçois pris auspice [trad. lat. auspicium] Glose : c'est a dire que on n'eust ainçois pris garde au vol des oisiaux se ce estoit bon ou mal a faire (Sim. Hesdin, Val. Max., 1375-1383, I.1.1, texte et glose, f° 78a)

Item il est assavoir que les Rommains eurent anciennement coustume qu'ilz ne faisoient riens especialment ou fait d'armes que ilz ne preissent auspices, c'est a dire aucuns signes ou vol des oyseaulx ou autrement (Sim. Hesdin, Val. Max., 1375-1383, VII.2.5, f° 270a)

Tenter les auspices. Chercher les présages à l'aide de l'observation du vol des oiseaux avant d'entreprendre une action.

Et en une nuit aprés ce que il eust bone diligence a temptier les auspicez, il se partit de ses tentez a fin que, tout avant que li enemi le peusset sentir, il peust eslire et prendre le lieu qui li pleroyt. (Bers., XXXIV.13, c.1354-1359, ms. Paris, B.N.F., nouv. acq. fr. 27401, f° 36a)

En particulier. Signes favorables tirés de l'observation du vol des oiseaux (qui permettent l'accomplissement d'un acte officiel).

...et si tint ceste loy, aprés, les dessus dis et touz les censeurs qui sont ensuy dedenz certain espace d'ans, et si tient, a present, ton compaingnon Plaucius, liquelz avecques toy par celuy droit et par ceux mesmez auspicez feust faiz et creez, car autrement sambleroit il que cestuy n'auroit pas esté par le pueple justement ne dignement creez. (Bers., I, 9, c.1354-1359, 34.10, 61)

[auspiciis] . Le dictateur, recommenciez ces auspices, prononça celle loy (Bers., I, 9, c.1354-1359, 39.1, 71)

Et sachiés car de cestui mot se derivoit un autre que l'en dit ausp[i]ce ou chose auspiquee, et souvent trouveréz que aucune chose est faite par les auspitez de la chose publique ou du peuple romain ou d'un duc tel ou tel ; et ce n'est autre chose mes eur ou fortune ou felicité ou bon commencement. Et ainsi il appelloient une chose auspiquee quant celle chose estoit commenciee et establie deuement par la volenté des diex, notifiee par la demoustrance des oysiaus. (Bers., glossaire, c.1354-1359, ms. Paris, B.N.F., nouv. acq. fr. 27401, f° 159d)

2.Par extension. Signe d'après lequel on prédit l'avenir ; présage.

Lors li augurierez dit par paroles ques signes et ques auspices il vouloyt estre demoustrés, les quels Jupiter li a demoustrés et tremis en declarant que Numez estoyt dignes d'estre roys de Romayns. ['signes et auspices' trad. lat. auspicia] (Bers., I.18, c.1354-1359, ms. Paris, B.N.F., nouv. acq. fr. 27401, f° 169b)

Il est assavoir que Valerius entent par auspice aucun signe ou demonstracion de aucune nouvelleté au commencement d'aucune besoigne, lequel signe puet bonne aventure ou male segnefier, si comme il appert par les exemples (Sim. Hesdin, Val. Max., 1375-1383, lacune de I.1.Ext.4 à I.4.2, f° 24b-c)

En particulier. Présage indubitable.

Si avint que Lucius Tarquinius y volt adjouster autres centuries, mes Octavius qui estoit augure li deffendi, car il disoit que Romulus les avoit faites en certain nombre par auspice, c'est a dire par certain signe (Sim. Hesdin, Val. Max., 1375-1383, lacune de I.1.Ext.4 à I.4.2, f° 22d)

En particulier. Présage heureux.

Et sachiés car de cesti mot [augur] se dirive un autre que on dit auspice ou chose auspiquee. Car souvent trouverés que aucune est faite par les auspices de la chose publique ou dou peuple romain ou d'un duc nel ou nel, et ceci n'est autre chose a dire mes aür ou fortune ou felicité ou bon commencement (Bers., Lexique, c.1354-1359)

Gayus Flaminius, creé consule sans auspice, Glose : c'est a dire de mal eur ['sans auspice... eur' trad. lat. inauspicatus] (Sim. Hesdin, Val. Max., 1375-1383, I.6.6, f° 35d)

B. -Divination.

1.HISTOIRE ROMAINE Divination par l'observation du vol des oiseaux.

Et est proprement auspice .i. adavinement qui se fait au commencement d'aucune euvre ou avant ce que l'en la commence pour savoir a quele fin la chose pourra venir, et se fait par le regart et vol ou es mouvement des oysiaux ; et est ainsi dit de avis et spicium, c'est a dire inspicium, qui vault autant comme regart d'oisiaux. (Raoul De Presles, Cité de Dieu, 1371-1375, ms. Paris, B.N., fr. 22912, IV.29, glose, f° 218a-b)

2.Par extension. Divination ; prophétie.

Ore avint ainsi que les auspites [trad. lat. auspicia] fussent refait et les solennitez des elections renouveleez, la choze publique revint a interregne et furent entreroy M. Maulius Capitolinus, Servius Sulpicius, Camelius Valerius Potitus (Bers., VI.5, c.1354-1359, ms. Paris, B.N.F., fr. 263, f° 114d)

Mais quel est cel auspice ou divinacion qu'il dient avoir esté tres bel, duquel j'ay parlé .i. po ci devant, c'est assavoir que Mars Terminus et Juventas ne se vouldrent partir de leurs liex pour faire lieu a Jupiter le roy des diex ? ['auspice ou divinacion' trad. lat. auspicium] (Raoul De Presles, Cité de Dieu, 1371-1375, ms. Paris, B.N., fr. 22912, IV.29, f° 217b)

Se vos eussiés eu divers auspices Glose : c'est a dire divers respons des augures par le regart du vol Tiexte : des oysiaus ou des sacrefices, auquel auspice eut on regardé ou aus auspices du preteur ou du consule ? (Sim. Hesdin, Val. Max., 1375-1383, II.8.2, texte et glose, f° 130b)

En la tierce partie et fin de ceste euvre sera dit des ars supersticieux (...) et consequemment sera aussi traittié de l'art de augure, aruspice, auspice, ornimance, de chacun selon ses parties (Simon De Phares, Astrol., c.1494-1498, f° 9 r°)

Art de auspice

...en la fin d'iceulx sera adjousté que c'est de l'art notoire, de ciromance et geomance, que l'on dit ars divinatoires, et consequemment sera aussi traittié de l'art de augure, aruspice, auspice, ornimance, de chacun selon ses parties (Simon De Phares, Astrol., c.1494-1498, f° 9 r°)

Par l'auspice de qqn. Sous les auspices de qqn (comme symbole du pouvoir).

...si que toute la ligniee de cele gent, laquelle estoit plus antique que n'estoit la cité de Romme, qui par l'auspice des diex non mortex estoit sainte et religieuse, pour toy et pour ta censorie a esté estainte toute dedenz .I. anz ? (Bers., I, 9, c.1354-1359, 34.19, 62)

C. -HISTOIRE ROMAINE Personne qui prédit l'avenir par l'examen d'animaux.

L'aucteur : En l'ostel de Tyberius Graccus furent pris deux serpens, l'un masle et l'autre femelle. Les auspices ou divineurs li distrent pour certain que se il laissoit aler le masle et tuoit la femelle, sa femme se morroit prochoinement ['les auspices ou divineurs' trad. lat. haruspex] (Sim. Hesdin, Val. Max., 1375-1383, IV.6.1, f° 205b)