REQUESTE

substantif féminin

[T-L : requeste ; GD : requeste ; GDC : requeste ; DECT : requeste ; FEW (X, 283b) : requirere ; TLF (XIV, 931a) : requête1 ; TLF (XIV, 932a) : requête2]

I. -[À propos d'une pers.]

A. -Demande, sollicitation adressée à qqn.

Se ung prince ou ung riche hons Fait requeste contre raison, Une folie met en son compte (Dupin, Mélanc. L., c.1324-1340, 76)

L'abbé Guerin dist sa requeste Qu'el lui sembla bonne et honeste. (Vie st Evroul S., c.1350, 147)

NOSTRE DAME. (...) Vostre requeste escouteray Voulentiers, et l'essauceray, Se le puis faire. (Mir. prev., 1352, 254)

Sire, response nous ferez, S'il vous plaist, sur nostre requeste ; Et s'elle vous semble estre honneste, Si l'ottroyez. (Mir. chan., c.1361, 159)

Et a brief dire, tant fera et tant pourparlera que elle aura tout ou partie de sa requeste (Chr. Piz., Trois vertus W.H., c.1405, 33)

À Jehan de Morimont, escuier, la somme de trante frans à lui bailliez du commandement et ordonnance de madicte dame la duchesse (...) tant sur ce qui lui estoit deu de reste du voyaige que nagaires il a fait de par madicte dame devers l'empereur et autres princes d'Alemaigne, pour leur signiffier le orrible et destestable murdre perpetré en la personne de feu mondit seigneur et leur faire certaines requestes, dont madicte dame l'avoit enchargié (Comptes Etat bourg. M.F., t.2, 1420, 738)

...c'est de vous faire une requeste de par un jeune tres honteux escuier, qui tant est craintif qu'il ne la vous ose faire. (La Sale, J.S., 1456, 66)

Et n'est il requeste, ne priere, disoit l'escuier, que je vous sceusse faire...? (C.n.n., c.1456-1467, 207)

...sa femme, la face rosée, se print a trembler quand deut donner responses aux requestes que son espoux luy avoit fait. (C.n.n., c.1456-1467, 564)

Et, pour ce qu'il ne voult delaisser et en souffrir joyr leurdit parent, icellui gentilhomme, après ce qu'il eut de ce fait plusieurs requestes audit duc de Milan, qui ne lui voult accorder, fist et commist ledit homicide à la personne dudit duc de Milan dedens ladicte eglise (Roye, Chron. scand., II, 1460-1483, 32)

En particulier. [En amour]

...le tiers fut d'elle esprins d'amours, en luy faisant tant d'humbles et doulces requestes qu'elle ne s'en estoit sceu excuser (C.n.n., c.1456-1467, 375)

Tu mandes que nul ne convoite La femme, fille ou servante De son prochain, ne faire requeste (Prisonn. desconf. C., c.1488-1489, 23)

Prière, sollicitation adressée à une divinité.

SAINCT MARTIN. Pour ce que souvant juge ment Par deffault d'une bonne enqueste, Or allons sur le monument De celuy qui a fait la debte Et a Dieu je feray requeste Qu'il nous doinct sur ce congnoissance. (La Vigne, S.M., 1496, 528)

Exigence.

...il, depuis iceulx commandemens à lui faiz, et aussi les sommacions et requestes des officiers du roy estans oudit païs, afin qu'il vuidast icellui fort, a, depuis ce, tenu et occupé ledit fort du Roc de Vendas (Reg. crim. Chât., II, 1389-1392, 193)

Par métonymie. Écrit qui comporte la demande.

Adonc on lui baillera deux requestes et aprés fera des recommandations (Serm. st Velu K., c.1500, 81)

[Comme forme rhétorique]

Autre couleur de rhetorique nommée simple lay est assez usité en oroisons, requestes et loenges. (Molinet, Art rhétor. L., c.1482-1492, 241)

À la requeste de qqn

...un parroissian esconmenié que Nostre Dame absolu a la requeste du bon fol d'Alixandrie. (Mir. parr., 1356, 3)

Et c'est possible et vraisamblable, premierement car quant le mouvement du ciel cessa a la requeste de Josué, il estoit nuit en aucuns lieus habitables qui sont plus vers orient que n'estoit Gabaon (Oresme, C.M., c.1377, 374)

...a l'instance et requeste du Du deable (Bouvet, Appar. Meun A., 1398, 12)

...nostre saint pere, a la requeste du cardinal maistre de nostre clerc, luy donna ceste cure. (C.n.n., c.1456-1467, 286)

...a la requeste de la dicte damoiselle il se leva (C.n.n., c.1456-1467, 391)

Et lors ilz requirent au roy que il leur saulvast la vie, et ilz lui feroient rendre ledit Pont des Arches ; ce que le roy leur accorda, à la requeste de mondit seigneur de Bourbon. (Roye, Chron. scand., I, 1460-1483, 150)

Maistre, mon filz, Qui est demoniacle, sourt et muet, Tes disciples par leur soet N'ont peu guarir a ma requeste. [Réf. à Marc 9, 18] (Pass. Auv., 1477, 162)

Marcelle, dame, s'il vous plaist, Laissez l'entrer a ma requeste : Il est bon preudhomme et honeste, Aussy bon que vous veistes huy. (Myst. Pass. Troyes B., a.1482, 723)

...laquelle je translate de ebrieu en latin à la reqeste de très devost Jaques de la Forest, evesque de Paris, l'an 1492 (Simon De Phares, Astrol., c.1494-1498, f° 114 r°)

En ce temps fut maistre Jehan Canivet à Vienne ou Daulphiné, notable docteur en theologie, de l'ordre Saint François et excellent astrologien et florit en ce temps, lequel, à la requeste de aucuns medicins, composa ung livre qu'il intitulla Amicus medicorum (Simon De Phares, Astrol., c.1494-1498, f° 152 v°)

Et a la requeste de messire Jehan Jacques, le roy alla coucher en ung boys et la fist son camp et coucha celle nuit en ses tentes et pavillons, avecques toute son armee. (La Vigne, V.N., p.1495, 293)

Accorder une requeste

...elle lui dist que s'il vouloit promettre à estre son mary, et qu'il la fiançast, elle feroit voulentiers tout son plaisir, et sadite requeste li accorderoit. (Reg. crim. Chât., I, 1389-1392, 205)

Le pere ne fut pas moyennement joyeux d'oyr le bon vouloir et la sage response de sa fille, et luy accorda sa requeste (C.n.n., c.1456-1467, 170)

Accomplir une requeste

L'autre, tresdesplaisant de ceste male adventure, conforte le chevalier au mieulx qu'il peut, et promect d'accomplir sa tresraisonnable requeste. (C.n.n., c.1456-1467, 77)

Faire requeste de qqc. Demander qqc..

Ja soit ce que il n'en face pas mencion ne requeste et que l'autre ne luy promet pas. (Oresme, E.A.C., c.1370, 447)

Passer une requeste. Voir passer

...si trouva de son bon eur sa dame assez encline a passer sa requeste, dont il ne fut pas moyennement joyeux. (C.n.n., c.1456-1467, 315)

Estre escondit en sa requeste. Se la voir refuser.

...si vous le me conseillez et ma fille me veille obeir, il ne sera pas escondit en sa treshonorable et raisonable requeste. (C.n.n., c.1456-1467, 169)

B. -En particulier.

1.DROIT

a)Demande en justice, demande présentée à qui de droit, suivant les formes établies.

...lez officiaux dez prelas, en enpechant et en troublant la juridiction seculiere a la requeste du clerc (Songe verg. S., t.2, 1378, 152)

...lui dist les parolles que ledit Breton lui avoit dites, sur lesquelles ledit messire Olivier fist requeste au roy qu'il lui volsist pardonner le cas, en la presence de il qui parle. (Reg. crim. Chât., I, 1389-1392, 537)

...audit mons. l'evesque seroit fait commandement que le landemain matin, qui seroit mardi, VIIJe jour dudit mois d'aoust, il venist en ladite court de parlement soustenir sadite requeste, s'il veoit que bon feust. (Reg. crim. Chât., II, 1389-1392, 314)

La Court commet maistres Nicole de Biencourt et Bertran Quentin à veoir l'estat du prevost des marchans, afin que l'en puisse pourveoir à la requeste faicte par ledit prevost sur la reparation des chaussées de la ville de Paris. (Baye, I, 1400-1410, 201)

La Court, oye la requeste du procureur du Roy, a enjoingt aux Tresoriers qu'ilz facent ouvrer sans intermission es reparacions du Palais (Fauq., I, 1417-1420, 6)

Les notaires de Chastellet ont baillié ceans leur requeste par escript à l'encontre de maistre Jehan Miron, qui s'est entremis de sceller biens d'executions et de faire inventaires, contre la teneur des arrestz de ceans (Fauq., II, 1421-1430, 226)

Mais depuis, par la grant priere et requeste de la mere desdiz Edouard et de Clairence fut sa condampnacion changée et muée, tellement que, ou moys de Fevrier oudit an, icellui de Clairance estant prisonnier en ladicte tour, fut prins et tiré de sadicte prison, et après qu'il ot esté confessé, fut mis et bouté tout vif dedens une queue de Malevoisye (Roye, Chron. scand., II, 1460-1483, 64)

Savoir faisons que nous, inclinans liberallement à la supplication et requeste de nostredit cousin, exposant comme raisonnable et à nous agreable, deuement informez que, en sadicte charge, il s'est grandement et bien gouverné au bien de nous, de justice et de la chose publique desditz pays, voulans ainsi luy entretenir nostredicte promesse (Le Clerc, Interp. Roye, c.1502, 254)

Requeste civile

...et a faire droit prealablement sur l'enterinement de certainez requestez civiles (MART. D'AUV., Arrêts Am. R., c.1460-1466, 56)

À la requeste de

Se lez officiers du Roy mettent en la main du Roy, pour aucune juste cause et a la requeste de partie, lez heritages dez clers, lez officiaux et leurs ministres admonestent en escript lez officiers du Roy (Songe verg. S., t.2, 1378, 196)

...d'ores en avant les diz prevosts et sergens qui feront les diz adjornemens soient tenuz de baillier aux parties adjournées par brevet ou cedule seellée de leur seel, sanz profit ou salaire, le jour dudit adjournement et à requeste de qui il auront fait les diz adjournemens. (Cout. bourg. glosé P.M., c.1380-1400, 67)

...fu faite venir en jugement sur les quarreaux Marguerite de Bruges (...) prisonniere detenue oudit Chastellet, à la requeste de Colin Le Rotisseur, autrement dit Hennequin, demourant en la rue aus Oës, pour ce qu'il dit qu'elle l'a fait battre et navrer. (Reg. crim. Chât., I, 1389-1392, 205)

...à la supplication et requeste des executeurs et amis et aussi du doien de Saint Germain (Baye, I, 1400-1410, 270)

...laquelle [Jehanne La Marcelle] , par l'ordonnance de la Court, avoit esté arrestée prisonniere, à la requeste et instance d'aucuns requerans ycelle Jehanne estre enmurée (Fauq., I, 1417-1420, 38)

A la requeste du procureurs general d'Amours... (MART. D'AUV., Arrêts Am. R., c.1460-1466, 157)

Et envoya ledit Vigier ung saufconduit audit conte pour soy venir rendre en la Consiergerie pour estre purifié des charges à luy imposées, à cause qu'il estoit desjà cryé à ban par le royaulme, à la requeste de ses haigneux et malveillans. (Le Clerc, Interp. Roye, c.1502, 156)

[P. réf. à la justice divine]

Juge divin, ma parfaicte esperance, Ne donnez pas si en haste sentence A la requeste et inportune instance Des malvueillans des humains. (Cene dieux, c.1492, 117)

b)Réparations requises.

...et en amende proufitable en la somme de deux milles livres, ou que telles autres requestes et conclusions luy fussent adjugeez que la court verroit estre a faire (MART. D'AUV., Arrêts Am. R., c.1460-1466, 214)

2.Invitation au combat, défi.

Saillons hors et leur courons sus en gardant nostre entree pour un reffuge. Honte sera a nous s'aucunement faillons a leurs requestes ! (Percef. IV, R., c.1450 [c.1340], 316)

Requeste d'armes. Demande d'autorisation formulée pour participer à une joute.

Hee ! sire, pour la premiere requeste d'armes que onques je vous fiz, pour Dieu veullez la moy accorder. (La Sale, J.S., 1456, 86)

C. -Au pluriel. DROIT [Instance judiciaire]

1.Requestes (du Palais) / Chambre des Requestes du Palais. Chambre du Parlement de Paris destinée à trancher les causes urgentes.

Quant à la justice, il a esté bien conseilliez et gouvernez (...) ; car il a mis en son parlement, requestes de son hostel, chambre des enquestes et requestes de son palais, bons clers, sages hommes et expers en droit et en fait, et loyaux. (Doc. 1358. In : Douët d'Arcq, Bibl. Éc. Chartes 2, 1840-1841, 380)

...plusieurs des maistres des requestes de l'ostel du Roy nostre sire, les seigneurs des grant chambre, des enquestes, et requestes du Palais. (Ch. VI, D., t.1, 1408, 314)

...et dès lors ledit Pilory eust esté pourveu d'office et receu en la Chambre desdictes Enquestes ou des Requestes du Palais (Fauq., I, 1417-1420, 380)

Ce jour, maistre Hugues Rapiout, par avant advocat du Roy en Chastellet, fu receu et fist le serement en office de president des Requestes du Palais, ou lieu de maistre Robert Piedefer (Fauq., II, 1421-1430, 52)

...le duc de Bourgongne n'estoit mie content de maistre Guillaume de Besze, conseillier du Roy oudit Parlement, qui soubz umbre d'unes lettres de debitis faisoit adjorner es Requestes du Palais pluiseurs bonnes et notables personnes de Dijon et du païs de Bourgongne (Fauq., II, 1421-1430, 156)

Dont Huot ne fu content et s'en est meu procés es Requestes come autrefois a dit. (Doc. 1466. In : Ch. Samaran, Bibl. Éc. Chartes 104, 1943, 24)

2.Requestes de l'Hostel (du Roi). Juridiction où siègent les Maîtres des requêtes chargés de recevoir les plaintes adressées directement au roi, et devenue, de fait, une juridiction réservée à quelques privilégiés.

...d'icelle panne escripst de sa propre main es marges desdites lettres (...) : 'Par le roy à la relacion du Mareschal et monseigneur Guillaume de Villiers. Jaque de Boulay'. Item en l'autre : 'Es requestes de l'Ostel. Jaque de Boulay'. (Conf. Jug. Parlem. Paris L.L., 1337, 127)

Quant à la justice, il a esté bien conseilliez et gouvernez (...) ; car il a mis en son parlement, requestes de son hostel, chambre des enquestes et requestes de son palais, bons clers, sages hommes et expers en droit et en fait, et loyaux. (Doc. 1358. In : Douët d'Arcq, Bibl. Éc. Chartes 2, 1840-1841, 380)

Remarque : F. Lot, R. Fawtier, Hist. des instit. fr. au Moy. Âge, t.2, 1958, 82.

Maistre des requestes. Voir maistre

...à nostre amé et feal conseiller et maistre des requestes de nostre hostel, maistre Ytier de Martrueil, chancellier de Berry (Doc. 1392. In : G. Mollat, Le Moy. Âge 10, 1906, 303)

...a esté dit par la Court, les IJ Chambres assemblées et aussy presens les maistres des Requestes de l'Ostel du Roy, que la Court cognoistroit desdictes erreurs (Baye, I, 1400-1410, 193)

...prevosts et baillifs de grans juridicions, maistres des requestes, autres telz offices. (Chr. Piz., Paix W., 1412-1413, 77)

Ont esté les IJ Chambres ensemble, et a fait maistre Bureau Boucher, par avant conseillier du Roy ceans, le serement acoustumé de maistre des Requestes de l'Ostel du Roy, par la resignation de maistre Pierre d'Orgemont. (Fauq., I, 1417-1420, 11)

...maistre Thierry Le Roy, conseillier et maistre des requestes de l'ostel de mondit seigneur (Comptes Etat bourg. M.F., t.1, 1419, 144)

Pour deux quartes d'ypocras et deux livres d'espices, livrées par sire Jehan Chenart, espicier, pour la despence d'un disner fait le 2e jour de mars 1452 en l'ostel dudit receveur, où estoient les maistres des requestes et autres du Conseil de ladicte ville illec assemblés pour les besongnes et affaires d'icelle ville (Comptes Paris V.L.D., t.1, 1451-1453, 822)

En ce temps aussi, le roy desappoincta messire Pierre Puy de l'office de maistre des requestes ordinaire de son hostel, et donna ledit office à maistre Regnault des Dormans. (Roye, Chron. scand., I, 1460-1483, 140)

Quant je considere ces testes Entassees en ces charniers [les squelettes entassés au cimetière des Innocents, pour faire de la place] , Tous furent maistres des Requestes, Au moins de la Chambre aux deniers, Ou tous furent portepaniers (Villon, Test. R.H., 1461-1462, 133)

...maistre Ambroise de Cambray, Pierre Pongnant, maistre des requestes de l'hostel du roy (Molinet, Chron. D.J., t.1, 1474-1506, 578)

[Du duc de Bourgogne]

...conseillier de monseigneur le duc de Bourgoingne et maistre des requestes de son hostel (Doc. 1460. In : A. Haneron, Bibl. Éc. Chartes 98, 1937, 310)

D. -CHASSE Nouvelle quête, quand les chiens ont perdu la trace.

Quant tes chiens auront lessié a chassier et il seront en une requeste...(...). Se tes chiens lessent a chachier et il sont en une requeste... (Henri Ferr., Modus et Ratio, Livre deduis T., c.1354-1377, 41)

Adont se mettent en requeste [var. se remettent en queste] Chiens pour mieux retrouve leur beste (La Buigne, Rom. deduis B., 1359-1377, 380)

Aussi, si vous menez levriers aveques vous et il y ait chien d'oisel et il voit chievres ou oues ou gelines ou buefs ou autres bestes, il courra tantost la et commencera a abayer et a chascier et fera tant que touz les chienz et levriers vendront la prendre la beste a sa requeste, quar il fera toute la riote et tout le mal. (Gast. Phébus, Livre chasse T., 1387-1389, 137)

Et, si par aventure en aucunne requeste ou autrement les chienz avoient change et il encontroit le cerf et veïst que ce fust son droit et nulz chienz ne le chassoyent, il ne se doit bouger d'iqui mes forhuer touz jours jusques a tant que les veneurs et les chienz ou aucuns d'eulx soyent venuz.. (Gast. Phébus, Livre chasse T., 1387-1389, 176)

Corner / recorner (en) requeste

Aprés li vueill aprendre a corner en requeste, c'est un lonc mot et puis quatre courz et arriere un autre lonc mot et autres quatre courz (Gast. Phébus, Livre chasse T., 1387-1389, 145)

Et, si les chienz le faillent tout a net et le veneur ne eulx n'i peuent mettre autre conseill, donc doit le veneur donner du pain a ses chienz et corner et recorner souvent requeste, affin que les autres compaingnons vieignent a luy (Gast. Phébus, Livre chasse T., 1387-1389, 203)

Vous deves requeste corner, Quant il vous convient restorner U pais ou aves passé, Que le cerf n'aies trespassé. (Fontaine-guérin, Trés. vén. M., 1394, 25)

Estre en requeste

...quant on est en requeste, on fiert de ce baston sus sa grosse bote pour eschaufer et resbaudir ses chienz. (Gast. Phébus, Livre chasse T., 1387-1389, 193)

Et, toutez foiz qu'il sera en requeste, il doit parler a ses chienz dou plus bel et plus gracieux lengaige qu'il puet (Gast. Phébus, Livre chasse T., 1387-1389, 199)

II. -[À propos d'une chose] Exigence.

Selon la requeste de. Selon l'exigence de.

...mais reprobation prepare et appareille la paine selon la requeste des merites ou demerites. (Somme abr., c.1477-1481, 171)