POSTULATION

substantif féminin

[GDC : postulation ; FEW (IX, 251b) : postulare ; TLF (XIII, 893b) : postulation]

A. -Sollicitation, demande.

...comment que (..) on doie faire obsecracions, oroisons, postulacions et graces pour toutes gens, et par especial pour les roys et pour touz ceulz qui sont constituez en seigneurie afin qu'ilz aient transquillité et paix en toute pitié. (Jean Golein, Rational B.D., c.1370-1372, 467)

Se par long espace de temps j'ay flotté comme naisselle sans gouvernail, en trouble mer d'espoir et paour, perplex, hesitant me faire apparoir au salubre port de ta cognoissance, pour l'ardant amour et desir que j'ay d'estre seulement congneu sur tous autres bien vueillant de ta gloire et honneur, trescler orateur, à present, non mie de mon audace mais à la postulacion du bon et sage escuier comme je croy ton entier amy Monferrant, lequel apres pluiseurs familieres conferences eues entre nous de tes fais loables m'a enhorté à t'escrire aucune chose, je soubz le mantel de crainte me suis aventuré et non soubz l'appuy et confiance de mon foible engin et rude stile, ains soubz l'ombre de ton benigne et gracieux support, à toy ouvrir mon corage et monstrer mon amour par ceste lettre inculte (Robertet, Oeuvres Z., c.1450-1500, 118)

Tout le peuple de celle contree, quant ilz sceurent les nouvelles et operacions merveilleuses de celle cité, tournee en ruyne a la simple postulacion de Charles, sans faire contredicte ilz se vont rendre et mettre a la mercy de l'empereur Charles. (Bagnyon, Hist. Charlem. K., c.1465-1470, 177)

Et ainssy est que, a la postulacion et requeste du devant dit venerable homme, messire Henry Bollomier, chanoisne de Lausane, ay esté incité de luy translater et reduyre en prose françoise la matiere devant desduicte. (Bagnyon, Hist. Charlem. K., c.1465-1470, 220)

Remarque : CHASTELL., ROBERTET, MONTFERRANT, Douze dames rhétor. C., 1462-1463, gloss. Ex. d'a.fr. ds TLF (et ds GDC X, 386a).

B. -En particulier. DROIT CANON Acte par lequel un collège électoral sollicite l'autorité compétente de valider le choix qu'il a fait et qui est atteint d'un empêchement canonique susceptible de dispense' (cf. Dict. de la foi chrét., t. 1, 1968, 601, s.v. postulat).

...et [le roi] ordonnera dès maintenant que aux eglises et benefices electifz, seculiers ou reguliers d'iceulz, soit pourveu par elections ou postulacions canoniquement faictes selon les anciens drois communs et conciles generaulz (Fauq., I, 1417-1420, 109)

C'est assavoir, que doresenavant aux eglises cathedraux, collegiaux, conventuaux et autres benefices electiz seroit pourveu par les elections ou postulacions des chapitres, colleges et couvens d'icelles eglises (Fauq., I, Pièces diverses, 1418, 86)

Finablement, par divine inspiration, j'espoire, et de la prudence des chanoines, fut mis en jeu [pour l'évêché de Tournay] le frere de la contesse de Charolois, archevesque de Lyon et nepveu du duc de Bourgoingne. Et ce fit on par consideration que il ne devroit point estre rebouté du roy, et moins encores du duc son oncle, par l'adherence qu'il avoit a la cause de sa seur et du conte de Charolois, seul filz au duc. Et de fait ne l'esleurent point, mes le postulerent, et sur ycellui tous d'ung commun accort se conclurent et s'arresterent. Dont prestement, ceste postulation faitte, envoierent devers l'archevesque de Lyon lui annoncier ce qui estoit fait (Chastell., Chron. IV, D., c.1461-1472, 271)

...avons envoyez audit lieu de Tuelle (...) Jehan Yver (...) et Bertran Briçonnet (...) pour faire deffense à ceulx du chappitre de ladicte eglise de Tuelle qu'ilz ne procedent à quelque ellection ou postulacion de leur futur evesque (Lettres Louis XI, V., t.4, 1469-1472, 269)

...deffendons bien expressément et acertes, et sur tout le plaisir que désirés nous jamais faire de ne procédiez à faire aucune élection ou postulacion de vostre dit futur archevesque (Cartul. Laval B., t.3, 1473, 270)

...vous ne permectez ne souffrés entrer en ladicte cité de Lectore aucuns estrangiers, et que ayés à ce l'ueil que aucune subornacion ou praticque ne puisse estre menée avec ledict chappitre et autres contre nostre voloir, ne qu'ils procedent à aucune eslection ou postulacion (Lettres Ch. VIII, P., t.3, 1492, 310)

...vous vueillez (...) les admonester et requerir de par nous qu'ils aient agreable ladicte provision, ainsi que leur escripvons, sans faire en ceste matiere, soit par election, postulation ou autrement, chose qui y puisse estre prejudiciable (Lettres Ch. VIII, P., t.4, 1494, 72)