PROFIT

substantif masculin

[T-L : porfit2 ; GDC : profit ; FEW (IX, 427a) : profectus ; TLF (XIII, 1273a) : profit]

A. -Avantage, bénéfice, intérêt, utilité (matérielle ou morale).

Avis, cremeurs, refus, sens et pitez Li furent cinc vertuz de grans prouffis. Avis li fist fuir les vanitez... (Mir. enf. diable, c.1339, 56)

Mais de ma part bien me souffit, Car je croy c'est pour le prouffit De nous conmun. (Mir. abbeesse, 1340, 67)

Elle m'a fait trop plus d'amour, De courtoisie, de douçour, D'onneur, de profit, de tenrour, Qu'a nul autre ; car nuit et jour Contre Desir soustient l'estour Qui point et lance Mon cuer d'une amoureuse ardour. (Mach., R. Fort., c.1341, 120)

Dont Guillaumes a par son dit Pour son profit meins que nient dit. Plus n'en di ; mais Raisons dira Ci après ce qu'il li plaira. (Mach., J. R. Nav., 1349, 265)

Je te vueil prouver et conter Que ta prise est pour ton millour, Ton bien, ton profit et t'onnour. (Mach., C. ami, 1357, 98)

LE BOURGOIS. (...) En Flandres m'en vois. Il sera bien avant deux mois Que je retourne, au mien cuidier ; Mais s'il plaist a Dieu moy aidier, Je tien, nous y arons prouffit. (Mir. enf. ress., 1353, 13)

...Thomas Raier, messager, en Angleterre, lequel y fu envoié par Monseigneur labbé de Cherebourg pour certaines causes touchans le prouffit de Monseigneur (Compte Navarre I.P., 1367-1371, 384)

Et en ceste maniere, ceuls qui aiment pour bien utile, il ne aimment pas les personnes pour elles, mais pour le proffit que ilz en ont ou actendent avoir. (Oresme, E.A., c.1370, 417)

...se aucun seigneur veult mettre sa terre et sez honmes en la subjection d'un aultre seigneur, sez honmes se puent opposer et contredire, car c'est le proufit dez subjés de ne changier leur seigneur quant ilz l'ont bon et agreable (Songe verg. S., t.2, 1378, 202)

...pour le tres grant et evident prouffit et utilité de nostredit seigneur (Trés. Reth. S.L., t.2, 1378, 254)

Et dist, sur ce requis, que autre salaire, gaing ou prouffit, il n'ot onques d'iceulx Engleiz, ne de chose qu'il gaignassent ou pillassent (Reg. crim. Chât., I, 1389-1392, 124)

Et oultre plus elle [ladite Chevalerie] aura une pratique debonnaire, c'estassavoir que lez prisonniers Sarrasins, pris en bataille ou alleurs, humainement elle tractra, trop autrement qu'il n'est acoustume [l. acoustumé] , et aucunefoys lez afrancira et renvoira sus aucune esperance d'aucun pourfit de l'ost ou d'atraire les a la foy (Mézières, Sustance H., 1396, 67)

...et quant leurs dictes coustumes aront reposé une nuit ou plus à leurs maisons ou dehors ladicte forest, ilz la pevent vendre et livrer l'un à l'autre, et mener par toute ladicte coustume à charete ou à chevaulx ; et en pevent eulx hesbergier ou clorre et faire tous leurs usages et prouffis qui leur plaira. (Hector De Chartres, Cout. R., 1398-1408, 330-331)

La VIIIe question : Se je donne quatre livres pour une messe, sera toute la messe a mon prouffit ? Response : Icy doit estre entendue l'entencion du donnant [et] du recevant, et doit souffire entencion generale, comme aucuns ont voulu dire des pardons : c'est qui plus donne, et plus doit attendre de proffit. (Gers., Déf., 1400, 236)

Pourtant, Sire, s'il vous plaist user de grace envers moy, comme piteux pere envers son mauvais filz, comme doulx seigneur envers son inutil serviteur, la gloire, Sire, en est a vous et le proffit a moy, et vous doy bien amer, servir et honnourer. (Gers., Trin., 1402, 164)

Messeigneurs, regardez comment ma femme ayme mon prouffit ; de paour qu'elle ne use ses beaulx neufs souliers, elle chevauche sur son doz ! [Il la surprend avec son amant] (C.n.n., c.1456-1467, 529)

A toy, Simon, mon cuer s'adresse Pour toy parler de ton profit. (Pass. Auv., 1477, 153)

Quatre manieres d'effect et de prouffit ont obtenu les apostles par la presence du Saint Esperit. (Somme abr., c.1477-1481, 120)

Par ironie.

L'EMPEREUR. (...) Truant, pour ce qu'as convertiz Ceulz ci et a toy pervertiz, Devant toy decolez seront : C'est le prouffit qu'il en aront. (Mir. st Val., c.1367, 156)

(Antonyme de dommage)

En tous lieus ou il saveroit Votre deshonneur, il iroit Liement et de bon corage, Pour abaissier vostre damage Et essaussier vostre profit, Qu'onques chevaliers mieus ne fit, Nès qu'il fait, ne qu'il le feroit Toutes fois que besoins seroit. (Mach., D. Aler., a.1349, 315)

Et ja soit che que che fust a tort, toutefois de bon gré doit on souffrir les baptures du pere, selonc le dit de Therence : 'Veü que tu as eu plusieurs prouffis, c'est chose juste que portes en gré les dommages'. (Daudin, De la erudition H., c.1360-1380, 197)

Dou petit grant et dou grant le petit Font li pluiseur souvent, c'est vraie cose. Je l'ai bien fait, mais Fortune s'en rit ; - Dou petit grant et dou grant le petit - Mes quoi qu'en voie, ou damage ou pourfit, Je l'en grasci, car courouchier ne l'ose. (Froiss., Rond. B., c.1365-1394, 81)

Tant a floté, tant a vagué Qu'il et sa gent se sont trouvé Droit au lieu dont parti estoient, Dont nostre signeur loer doient. Bremons à ceste fois ne fit Grant damage, ne grant profit ; Onques il ne pot terre prendre En païs où il voloit tendre, Car fortune l'a ramené Maugré sien et contre son gré. (Mach., P. Alex., p.1369, 113)

Estrange dame ne puet à nulz desplaire ; Mais de privée se veult chascun retraire : D'un pain mangier se puet l'en ennuier, Ce dient ceulz qui femme ont en grenier. Car on la prent de si grant appetit Que il n'est riens qu'à homme puist tant plaire Que femme emblée, soit dommage ou profit ; Mais c'on la teingne en .J. lieu secretaire, Que qui plus l'a à meschief et à haire, Plus est ardant, quand vient à l'aprochier, Ce dient ceulz qui femme ont en grenier. (Mach., App., 1377, 643)

Et pour ce qu'en ce po m'entens, Envoye ces lettres a ty, Et treshumblement te suppli Que sur ce me vueillez rescripre Chose qui me doye souffire A congnoistre parfaictement Le bien, le mal ou le tourment, Qui de ce fait se puet despendre, Afin que de toy puisse aprandre Se c'est mon pourfit ou dommaige De moy bouter en mariaige, Ou de vivre sanz ce lien. (Desch., M.M., c.1385-1403, 38)

Aussy plus que proffit dommage Ont Rommains de celle aventure, Ou pery mainte creature. (Chr. Piz., M.F., III, 1400-1403, 266)

...elle abandonna tost l'amour qu'elle luy devoit, et ne luy challut du prouffit ne du dommage. (C.n.n., c.1456-1467, 289)

Qant ce vint a l'endemain, messire Lois d'Espagne appella le visconte de Rohem, l'evesque de Lion, mesire Hervi de Lion et le mestre des Genevois, pour avoir consel et avis conment il se deduiroient, car il veoient la ville de Hainbon tres forte et rafresquie de bonnes gens d'armes et d'archiers, par lesquels de nuit il pooient estre fort travilliet, et recevoir plus de blame et de damage que de pourfit. (Froiss., Chron. D., p.1400, 530)

Le profit du bien commun/le profit commun/public/le profit de la chose publique. L'intérêt général.

Je te pri que tu te conseilles A bonnes gens et que tu veilles A faire le commun pourfit, Einsi com Boësses le fit Et com maint philosophe firent Qui mainte doleur en souffrirent Et furent chacié en essil. (Mach., C. ami, 1357, 133)

...en quoy nous appert de son sanc espandu l'auctorité, de l'effusion de ce sanc le conmun proffit et utilité (Mir. Oton, c.1370, 317)

[Le gouvernement] Aristocratique est ou aucuns et peu gouvernent ou proffit commun principalment et selon vertu. (Oresme, E.A.C., c.1370, 285)

C'est le seigneur qui prepose et met son proffit, ses volentés et affeccions devant le proffit commun et devant le bien publique de ses subgiéz (Oresme, E.A.C., c.1370, 301)

Mais toutes voies le prince est dit et tenu pour absolz et deslié des liens de la loy non pas pour cause qu'il puisse raisonnablement mal faire, mais pour ce qu'il doit estre tel qu'il serve a equité et garde justice non pas par paour de paine mais par amour de justice et que il procure le profit du bien commun (Foul., Policrat., IV, 1372, 52)

Mais qui est cil qui es communs fais ose parler de la volenté du prince quant il ne li apartient de rien vouloir es choses communes fors ce que la loy et justice amonneste ou ce que la raison du commun profit si muet et demaine. (Foul., Policrat., IV, 1372, 52)

Et donques quant une seule personne ou un petit nombre de gent ou une multitude tiennent le princey et ont le gouvernement et il entendent et tendent au commun conferent et au profit publique, il est neccessaire que teles policies soient droictes ou droicturieres. (Oresme, Pol. Arist. M., c.1372-1374, 128)

...ou le prince doubte raysonablement que le pueple ne voeille faire contre luy conspiracion, ou aucun monopole contre le profit comun. (Songe verg. S., t.1, 1378, 220)

Pour ce, en conclusion, les roys et princes doivent tenir les loys ancienes de leur terre, sanz les abatre, se contraires ne sont à la loy de nature, mès par bon esgart et au profit du bien commun adjouster y peut on. (Chr. Piz., Faits meurs Ch. V, S., II, 1404, 25)

...en touz cas touchans le bien et honneur de mondit seigneur, le commun prouffit et utilité de ce royaume et de son pueple sommes, avons esté et tousjours serons prests d'y emploier corps et chevance (Baye, I, 1400-1410, 36)

Dient aucuns drois que pour le proffit de la chose publique le prince peut prendre ce qui est a son subgect (Juv. Urs., Verba, 1452, 271)

[Par oppos. à biens temporels] Profit spirituel

...mieulx nous vauldroit, et plus cher l'aymerions, de perdre la plus part de noz biens temporelz que le prouffit espirituel que vostre presence nous donne. (C.n.n., c.1456-1467, 141)

[Associé à honneur]

Quant Percevaus vit la retraite, Comme cils qui desire et gaite Le bien, le profit et l'onnour Et la grace de son signour, Il n'ot en li que couroucier. (Mach., P. Alex., p.1369, 86)

Li philozophes nous aprent En un capitle ou il reprent D'une auctorité un notable Pour toutes gens moult pourfitable : Chils ne scet mie qu'il dessert Qui loyaument son signeur sert, Car par bien servir son signeur Acquert on pourfit et honneur. (Froiss., Pris. am. F., 1372-1373, 37)

...ycelles lettres estoient prejudiciables à l'auctorité, honneur et prouffit du Roy et de son royaume (Fauq., I, 1417-1420, 292)

...et tout li fianchierent, par la foi de lor coer que ja ne se fainderoient, mais feroient tant que il i averoient honnour et pourfit. (Froiss., Chron. D., p.1400, 776)

Mais quel bien, quel proffit, quel honneur, quel subcide, quel avantaige, quel confort, quel ayde et quel conseil pour vous mectre sus vous en puet advenir pour estre vaillant homme ? (La Sale, J.S., 1456, 16)

Toutesfois moyennant l'ayde de Dieu, le bon conseil du noble seigneur de La Trymoille et vertueuse diligence des dessus nommez, tout passa au prouffit et honneur du roy. (La Vigne, V.N., p.1495, 279)

...mais que voluntiers se mesleroient de la paix et de la faire à l'honneur du roy et à son prouffict. (Comm., III, 1495-1498, 291)

Très hault et puissant prince, pour vous faire responce touchant l'article de Conflans que vous appelliés le Bien public, et que veritablement doit estre appellé le Mal public, où j'estoie, dont vous dittez que je n'ay point eu moins de fruict, proffit et honneur que de ma vie, estat et chevance, vous entendés bien que à l'advenement du roy à sa couronne il ne tint point à moy que je n'entrasse en son service, et de ce faire fit mon leal debvoir (Le Clerc, Interp. Roye, c.1502, 261)

Faire honneur, (courtoisie) et profit à qqn

Je vous afferme loyaument, Que quant il vint premierement Devers le roy, li roys li fit Honneur, courtoisie et profit Autant comme s'il fust son frere, Engendrés de pere et de mere. (Mach., P. Alex., p.1369, 224)

Il est moult pleins d'ingratitude, Qu'il ne recongnoit les biensfais Que par maintes fois li ay fais. Vous savez bien que je l'amoie, Honneur et profit li faisoie ; Et à tort m'apelle de gage Einsi comme il feroit un page, Et aussi en vostre presence. (Mach., P. Alex., p.1369, 234)

[À propos des rapports entre profit et honnesteté/honneur]

Ou temps passé il fu determiné par les philosophes que il n'estoit si perilleuse opinion come celle qui devisoit et desjoignoit profit de honnesté, qui plus eslisoient profit que honnesté, et que tres vraie et tres profitable sentence estoit que tout profit est tant profit que honnesté et non plus, et tant honneste come profitable et non plus (Foul., Policrat., IV, 1372, 58)

Puis que le bon Bertran mouru, On a guenchié Aux coupx, et de costé penchié. Proufit a Honneur devanchié ; On n'a point les bons avanchié. (Chart., L. Dames, 1416, 282)

A tant me deporte de ce propos fors que je adjouste ceste conclusion que loial subgiet ne doit pour le prouffit de la guerre en delaissier l'onneur. (Chart., Q. inv., 1422, 52)

Et doit on bien adviser et considerer de deux choses honnestes et pourfitables lequel est affaire et qui est a preferer, ou honnesteté ou proffit (Juv. Urs., Verba, 1452, 317)

Helas, j'ay grant doubte, mon souverain seigneur, que souvent on vous conseille plusieurs choses que vous ne advisez pas, ou il y a plus proffit et moins d'onneur (Juv. Urs., Verba, 1452, 317)

Et conclut expressement, ou tiers livre ja allegué, que honesteté doit estre preferee a proufit et a tous aultres biens car elle est le souverain bien que homme puist avoir vivant sur terre. (Fillastre, Traité Conseil H., c.1472-1473, 208)

Et, se on argüe raisons pour preferer prouffit a honnesteté, meïsmement quant on treuve que grant bien vient de ce proufit, lequel bien n'est a reboutter, Tule y respond et dit que tout ce qu'est bon est utile et prouffitable, mais tout ce qu'est prouffitable n'est pas tousjours bon et ce qu'est honeste est tousjours bon et prouffitable. (Fillastre, Traité Conseil H., c.1472-1473, 209)

[Sentence] Honnesteté doit estre preferee à profit

...et n'est doubte comme dit Tulle que honnesteté doit estre preferee a proffit. (Juv. Urs., Verba, 1452, 317)

[Associé à utilité]

...c'est la royne qui est avecques nous pour nous secourre et aidier, et c'est a nous tresgrant prouffit et utilité. (Mir. chan., c.1361, 138)

Et y fit on moult grant feste, joustes, banquestz et divers festimens, les ungs avec les aultres, et entre les princes fut pourparlé et traictié de moult grans choses tendans à l'utillité et prouffict du Roy, des princes et du royaulme de France (La Marche, Mém., I, c.1470, 250)

À profit. Utilement, efficacement.

Mes quoy ! Y nous fault tenir tous Et faire bon guait jour et nuyt, Garder noz murailles et tours Tres gentement, sans mener bruit. Que chacun de noz gens soit duit A gouverner l'artillerie Pour bien la tirer a proffit, Et que on ne leur faille mie. (Myst. Siège Orléans H., c.1480-1500, 530)

PREMIER. Tu es assez homme de bien Pour a proffit en disposer. (La Vigne, S.M., 1496, 280)

Au profit (et à l'honneur)/pour le profit

[de qqn, d'un animal] À l'avantage, pour le bien de qqn, dans l'intérêt de qqn.

Ceste raison ci defenist Qu'on n'en puet faire nullement A vostre proufit jugement. (Mach., J. R. Nav., 1349, 218)

Aimy ! De ma dame sui refusez ; Mais mes drois n'est pas abusez, Car je croy bien qu'elle le fit A s'onneur et a mon profit. (Mach., J. R. Nav., 1349, 279)

Si en furent tout resjoi, ce fu raison, car il en estoient departi a lor honnour et pourfit. (Froiss., Chron. D., p.1400, 543)

...fu deliberé et conclu que (...) l'en bailleroit ausdiz dauphin et marquiz l'executoire dudit arrest obtenu à leur prouffit à l'encontre dudit conte (Baye, I, 1400-1410, 8)

Si en furent tout resjoi, ce fu raison, car il en estoient departi a lor honnour et pourfit. (Froiss., Chron. D., p.1400, 543)

Ce jour, a esté levée la main du Roy du temporel du prioré de Foissy lez Troies au profit de frere Giles Lembert, prieur d'icellui prioré (Baye, II, 1411-1417, 175)

...ce qu'il avoit fait et entendoit à faire seroit à l'onneur et loenge de Dieu au prouffit des eglises et personnes ecclesiastiques (Fauq., II, 1421-1430, 296)

C'est la Lune, qui maintes foiz Par sa clarté tolt et destruit La grant obscurté de la Nuit, Au prouffit des bestes sauvages Qui habitent par les boscages. (La Haye, P. peste, 1426, 32)

Homme vicieulx [Adam] , Il voulsit mieulx - pour ton profit Perdre tes yeulx Faulx, envieulx, - que croire au dit De ce mauldit dampné (Pass. Auv., 1477, 246)

Le seigneur de Barbazan et autres de l'ambassaide du conte d'Armignac, voyans qu'ilz n'avoient fait aucune chose devers le roy qui fust au proufist de leur maistre, retournerent et allerent devers le grant maistre, lieutenant du roy, et luy donnerent à entendre que le roy estoit content que l'armée n'entrast point es pays que tenoit ledit conte d'Armignac pour cuider rompre l'armée. (Le Clerc, Interp. Roye, c.1502, 236)

Et, pour vous faire responce par icelles, je congnois bien le mescontentement que avez de moy, pour ce que tout ce que j'ay fait et feray toute ma vie contre vous n'est que à l'onneur et proufit du roy et de son royaulme. (Le Clerc, Interp. Roye, c.1502, 261)

[de qqc.] En tirant avantage de qqc. ; de manière à se servir utilement de qqc..

...iceluy mur mettre sus au prouffict de la pierre, et iceluy rellever et remassonner de deux pieds de haut et de sept pieds de long, pour faire un crossy de bois dessus (Trés. Reth. S.L., t.2, 1409-1410, 598)

Car le medecin ne donne a boyre au malade quant il le demande a son appetit, maiz quant il est temps au proufit de sa santé. (Chart., L. Esp., c.1429-1430, 154)

C'est (grand) profit. C'est un (grand) avantage.

...s'uns vrais amis Qui tout son cuer en dame a mis Vuet autres amans frequenter Pour entr'eus science aquester, S'il faisoit einsi que je fis, Je croy que ce seroit profis, S'il les savoit si bel attraire Qu'il peüst de leur bouche traire La clef pour leurs frans cuers ouvrir (Mach., D. Aler., a.1349, 246)

Aucunes gens qui bien peu sentent, Nourriz en simplesse et confiz, Contre le vouloir Dieu attentent, Par ignorance desconfiz, Desirans que [vous, Marie d'Orléans] feussiez ung filz ; Mais qu'ainsy soit, ainsy m'aist Dieux, Je croy que ce soit grans proufiz ; Raison : Dieu fait tout pour le mieulx. (Villon, Poèmes variés R.H., c.1456-1463, 41)

C'est le profit de qqn que/il est profit que + sub.

Il est proffit expedient Que ung homme soit mis a mort, De tant dilater on a tort, Car ung homme convient morir Ou toutes gens convient perir (Marcadé, Myst. Pass. Arras R., a.1440, 111)

Pour toutes ces haynes sembloit ausdits Venitiens que c'estoit leur prouffict que la guerre fust entre le roy et ladicte maison d'Arragon, esperant qu'elle ne prendroit si prompte conclusion qu'elle print et que ce ne seroit que affoiblir leurs ennemys et non point les destruire, et que, au pis venir, l'un party ou l'autre leur donneroit quelques villes en Pouille, qui est du cousté de leur gouffre, pour les avoir à leur aide. (Comm., III, 1495-1498, 30)

Avoir profit à qqc. Retirer un avantage de qqc..

Pour Dieu vous pri que ne li soiés dure, Douce dame, car, se vous l'ociés, Petit pourfit y arés ; ne droiture N'est pas que vous à la mort le mettés Pour vous amer, puis que bien vous savez Qu'il est si vrais que, pour doleur sentir, Ne le verrés nulle fois repentir. (Mach., L. dames, 1377, 55)

Convertir qqc. à son profit. Tirer bénéfice de qqc..

...ne pourra mondit seigneur, ne ses diz successeurs roys de France, leurs gens ne officiers ne autres de par eulx, lever ne faire lever, cueillir, recevoir, demander, exploitier, tourner ne convertir à leur prouffit aucunement les issues et revenues de nosdictes duchié de Bourbonnoys et conté de Clermont (Ch. VI, D., t.1, 1400, 178)

Convertir qqc. au profit de qqn. Faire en sorte que qqn tire bénéfice de qqc..

Ouquel jour d'uy fu dit et ordonné au receveur de Paris que les biens dudit prisonnier estans audit lieu de Faremonstier il feist inventoirier et mettre en la main du roy, pour iceulx estre tournez et convertiz au prouffit du roy nostredit seigneur. (Reg. crim. Chât., II, 1389-1392, 100)

Emporter profit de qqc.. Tirer avantage de qqc..

...car, après l'exil de Troye, les Grecz presque tous perirent, tant par mer que par autres infortunes, et fut l'entreprinse infelixe de laquelle nul n'emporta prouffit, mais grant dommage (Simon De Phares, Astrol., c.1494-1498, f° 29 v°)

[D'une chose] Faire profit. Être utile.

De che aussi est il dit ou livre de Ecclesiastique ou .XXe. chapitre : 'Sapience absconsee et tresor non veü, quel proufit font ilz ?' (Daudin, De la erudition H., c.1360-1380, 17)

Faire son profit (de qqc.). Tirer un avantage (d'une situation).

...il est verité que aucunes fois et plusieurs elle a acheté aucuns biens comme pailes d'arain, escueles et plas d'estain, quant elle y veoit son acquest, et pour en faire son prouffit les a revendus ès hales. (Reg. crim. Chât., II, 1389-1392, 427)

Il [le roy Charles VII défunt] a bouté dehors de son throne division (...) ; il y a mis en employ les utiles (...), et de toutes conditions d'ommes en divers degréz a fait son pourfit. N'a souffert a huiseuse avoir lieu entre eulz. A donné ascout aux hommes, entente mesmes a ses affaires, heures non rompues aux deputéz. (Chastell., Chron. IV, D., c.1461-1472, 321)

...mais que de toutes ces raisons n'estoient point celles qui les mouvoient, mais qu'ilz avoient envye de troubler l'Ytallie et faire leur prouffict et que je croyoie que aussi feroient-ilz. (Comm., III, 1495-1498, 128)

... qui en eust bien sceü user [de la vicoire] et faire son prouffict et saigement se conduyre et bien traicter le peuple, huit jours après le duc de Millan n'eust eu, au myeulx venir pour luy, que le chasteau de Millan, à l'envye que ses subjectz avoient à se tourner. (Comm., III, 1495-1498, 194)

Faire mal son profit. Subir une défaite.

Derechief Rommains s'assemblerent Et, a ost, sus Pirrus alerent, Ou ilz furent tous desconfis, Et mal y firent leur prouffis. (Chr. Piz., M.F., III, 1400-1403, 205)

Faire profit à qqn. Faire du bien à qqn, faire plaisir à qqn, être profitable à qqn.

Et d'autre part la douce atente D'avoir s'ymage douce et gente Qu'en sa lettre [ma dame] me promettoit Si grant joie en mon cuer mettoit Et me faisoit si grant profit Que, par celui Dieu qui me fist, Je n'en vossisse pas avoir Tout le bien, la joie et l'avoir Que je peüsse deviser, Tant y sceüsse bien viser ; Si que souvent la regretoie Et trop forment la desiroie. (Mach., Voir, 1364, 164)

Et faire a son ami proffit senz esperance de retribucion, c'est bien honeste. (Oresme, E.A., c.1370, 447)

(Ilz despiecent l'aultel et tout tant qu'il y a.) DOYEN. Qui en ce poinct l'eust faict pieça, Proffit eult faict a maintes gens. OFFICIAL. Celuy qui premier l'apieça En a deceu roys et regens. SAINCT MARTIN. Il nous fault estre deligens (La Vigne, S.M., 1496, 431)

Faire profit et plaisir à qqn. Être utile et agréable à qqn.

Et aussi je fuz esméu À ce faire, Dieu soit créu, Par très fervent et grant désir, à faire proffit et plaisir Plus à autres qu'a moy-méisme. (La Haye, P. peste, 1426, 163)

Faire qqc. à profit. Retirer un certain avantage de qqc..

Neantmoins je scay bien que c'est grande consolacion d'oïr parler de Dieu et des choses divines, et n'est pas temps perdu, jassoit ce que on ne entent pas tout, comme les simples gens oÿent a proffit le service de l'eglise en latin combien que ne l'entendent mie. (Gers., Trin., 1402, 155)

Faire qqc. à petit profit. Faire qqc. sans que cela soit d'un grand intérêt.

Et celi regne a petit profit qui naist roy et pas ne le desert. (Foul., Policrat., IV, 1372, 81)

Faire qqc. de son profit. Faire qqc. qui apporte un avantage.

Et adont, comme il veist l'iver aprocier, considerant qu'il n'estoit puissant assés pour la cité prendre d'assault et voyant qu'il ne faisoit illec rien de son proffit, il [Salhadin] se desloga et son ost ossy. Et d'illec s'en alla en Jherusalem passer l'yver et le temps inabille pour les armez maintenir, duquel deslogement tous crestiens s'esjouïrent (Saladin C., c.1465-1468, 148)

Faire le profit de qqc. Tirer avantage de qqc..

En ce son premier voyage vaca le bon marchant l'espace de cinq ans, pendant lequel temps sa bonne femme (...) fist le prouffit de pluseurs marchandises (C.n.n., c.1456-1467, 126)

Jouer tout à bon profit de qqc. Tirer tout le profit possible de qqc..

Et comme le duc, ce sembloit, ne désiroit riens tant que ce comte de Saint-Pol fust eslongié de son fils et hors de son hostel, le roy en joua tout à bon profit et à propre subtilité pratiquée, et l'osta au fils et au père, au plus grand regret que oncques ledit de Saint-Pol eust et à plus grand annuy de coeur, car aimoit de merveilleuse grande amour son maistre le comte de Charolais (Chastell., Chron. K., t.4, c.1456-1471, 496)

Mettre à profit qqc. Utiliser qqc..

Le second point de nostre enseignement que avons dit qui vous convient, qui touche au fait de mainage, est que vous devez mettre grant peine et diligence de distribuer sagement et mettre a proufit les biens et la chevance que voz mariz, par leur labour, office, ou rente, ameinent ou pourchacent. (Chr. Piz., Trois vertus W.H., c.1405, 173)

[D'une chose] Porter profit à qqn. Valoir un avantage à qqn.

En ce touaillement et ou calengne de la ducée de Guerles qui oncques pourfit ne luy porta, fors très grande arrierage et dommaige, morut le gentil conte Jehan de Blois ens ou chastel de la bonne ville de Sconnehove, en l'an de grace Nostre Seigneur mil IIIcIIIIxx et ung, ou mois de juing (Froiss., Chron. M., XIV, c.1375-1400, 155)

Quand la pouvre pucelle se voit ainsi efforcée, et que la doulceur de son langage ne luy portoit point de prouffit, leur dist... (C.n.n., c.1456-1467, 552)

Conseilh de famme bien souvant, Quant on le prent, A sages gens porte profit, Mes qu'il soit pris d'entendement, Le dirigent Par raison que tout dirigit ! (Pass. Auv., 1477, 278)

...et luy porta ce voyage grant honneur et grant proffit, car si autrement en fust allé, il eust trouvé peu de recueil. (Comm., II, 1489-1491, 120)

Prendre qqc. à son profit. Tirer avantage de qqc..

Je prens ceste quictance a mon prouffit, et vous en mercye (C.n.n., c.1456-1467, 401)

Venir à (bon) profit

[D'une situation] Se dérouler de façon avantageuse.

Mais baillez moy gens en grant nombre, Faictes sallir souldars pietons A tout arcs, a tout viretons, Gens de commun et bons hommiaulx, Soit des fors bourgs ou des hamiaulx, Bedeaulx, garsons et quoquinaille : N'y aura sy meschant merdaille Que tout ne viengne a bon proffit. (Myst. Pass. Troyes B., a.1482, 675)

[Des fruits de la terre] Arriver à un état où ils sont d'un certain rapport.

...et de ce cop et douloureuse atteinte n'oublia pas Fortune sa diverse nature, qui est telle qu'elle ne peult souffrir les fleurs ne les fruictz sur la terre souvent venir à meurison ou prouffict, sans leur envoyer vents, gelées, vermines ou temps impetueulx, tendant tousjours à ses fins très mauldictes, qui est de prendre la fleur sans fruict ou le fruict sans meurison, et finablement de tout arruiner et destruire ce qui naist et croist entre le ciel et la terre. (La Marche, Mém., II, c.1470, 309)

[À propos des productions de la nature]

[Dans un cont. métaph.] Sans profit. Sans rapport.

Si veulle plaire a Dieu que les ruissiaus de ceste plaine habondance viennent en moy de la fontainne de vie, c'est a dire de la grace de Dieu, et passent par mon cuer en labourant et enyvrant la terre seche et are de mon ame, si que par l'acroissement du fruit de bonnes euvres au mains je puisse decliner le cop de la cogniee qui aproche a mon col et qui par mes pechiéz est ja mise et assise a la racine de moy comme a la racine de l'arbre infructueuse et sanz profit. (Foul., Policrat., IV, 1372, 83)

Elle [Diane] ly parle des arbres que on y treuve [au Verger de Deduit], qui communement sont sanz fruit et sanz profit, des arbres tous plains de serpens, des arbres portans pommes qui par dehors sont beles et sy sont par dedens toutes plainnes de cendres (Evr. Conty, Eschez amour. mor. G.-T.R., c.1400, 403)

Locution. Prendre les profits et les fruits en autrui moisson. Être réduit au secours d'autrui.

Toutes-voies et très redoubtement se contint en France très-longtemps, qui que le voulsist voir ou non ; et qui que prissent les proffis et les fruits en autrui messon, luy, malgré tous ses envieux, y obtint longue puissante domination par propre puissance. (Chastell., Chron. K., t.1, c.1456-1471, )

B. -En particulier.

1.Avantage pécuniaire tiré de qqc., gain, revenu.

Car quant uns haus princes conquiert Par l'espée, gloire en acquiert, Honneur et profit tout ensamble, Et bon memoire, ce me samble. (Mach., P. Alex., p.1369, 15)

Apres ce fu di et traitié Que li rois aroit la moitié En tout le profit dou commerque Que marchandise paie et merque. Commerque est une imposition, Et sachiez qu'en la region De toute Surie et d'Egypte N'a cité ne ville petite, S'on y marchande qui ne paie De X. deniers un. (Mach., P. Alex., p.1369, 173)

Mais aucun cognoist les drois et il juge injustement, il fait avaricieusement ou pour grace et proffit acquerir ou pour paine et damage eviter. (Oresme, E.A., c.1370, 315)

Et orent les Englois et les Bretons tres grans conqués, et en donnerent largement et laissierent prendre a ceuls de la garnison, et retournerent a tout lor pourfit et prisonniers a Hainbon deviers la contesse (Froiss., Chron. D., p.1400, 817)

...et que à tous ceulx qui justement et sans fraude leur denonceront les turbateurs d'icelle paix baillent et distribuent, ou facent bailler et delivrer la tierce partie des amendes et proufiz en quoy yceulz turbateurs seront par eulz condempnez. (Baye, II, 1411-1417, 153)

...Woutre Merciaen, bailly de la Salle dudit Yppre, demeure en ladicte maison, qui reçoit les prouffiz de ladicte prison et chepperie, parce que on ne treuve qui prenre les vueille à ferme (Comptes Etat bourg. M.F., t.3, 1416-1418, 81)

...et a esté receu pour joir dudit office aux drois et prouffis acoustumez (Fauq., I, 1417-1420, 225)

À messire Jehan, seigneur de Cotebrune, lequel monseigneur (...) a de nouvel institué et ordonné mareschal de Bourgoingne, aux gaiges drois, prouffiois et emolumens accoustumez tant comme il lui plaira (Comptes Etat bourg. M.F., t.2, 1420, 728)

...et n'y a bailli en ce royaume qui n'ayt le prouffit de son seel, et si en a pluiseurs qui ont prouffit de la clergie. (Fauq., II, 1421-1430, 164)

Et sera le prouffit desdis molins avec la pescherie mis en la main du Roy et de ladicte Court pour en ordener en fin de cause (Fauq., III, 1431-1435, 131)

...et du surplus on les assigneroit sur les prouffis et revenues qui seroient levées pour le Roy à Paris et en ceste partie de France (Fauq., III, 1431-1435, 17)

Item et en tant qu'il touche les formariages et mortemains soit enquis quel proffit le roy y a, et on trouverra pour ung denier que il y a de proffit on pert cent en aides et aultrement. (Juv. Urs., Nescio, 1445, 545)

...icelluy Jacques Cuer luy avoit promis et accordé que sur le prouffit de ladicte compaignie, il qui dépose prendroit avant tout euvre la somme de mil escuz d'or ; dit aussi que ledit Jacques Cuer luy fist délivrer, en l'Argenterie, par Guillaume de Varye, le drap d'une robe ou de deux, quant il qui parle fut marié, et que oncques d'autre chose n'amanda dudit Cuer. (Aff. Jacques Coeur M., 1453-1457, 38)

...et aussy pour le grant prouffit que ilz trouverent, chascun vendit tant que pou leur en demoura. (La Sale, Salade, c.1442-1444, 59)

Brief, sans viser aux gaings ne aux profitz, Pour la grant chiere que ce temps durant fis, Je suis contraint de cecy decliquer. (La Vigne, V.N., p.1495, 162)

Profit pecuniel/pecuniaire

Remonnet replique et dit que ledit office vaque premierement par mort, puiz fu donné à Robinet d'Estampes qui le resigna, et fu donné au derrien possesseur qui l'a resigné sans profit avoir pecuniel (Baye, II, 1411-1417, 259)

...au royaume ne vient aucun proffit peccuniere, mais dommage irreparable bien grant. (Juv. Urs., Nescio, 1445, 522)

Locution. Aimer mieux denree d'honneur ou d'une chose semblable que telle somme de son profit

Lors s'avisa Li gentils rois, et bonnement ris a De Juenesse qui einsi devisa ; Mais onques meins pour ce ne l'en prisa, Qu'elle faisoit Tout son devoir de ce qu'elle disoit, Et de son vueil plus chier denrée avoit, Que dis livres de son profit n'amoit. (Mach., J. R. Beh., c.1340, 128)

Et vraiement, il m'est avis, Quant j'eus consideré son vis, Son corps, son estat et sa guise, Qu'il se gouvernoit par franchise Et que de bonne renommee Ou d'onneur amoit mieus denree Que cent livres de son profit. (Mach., F. am., c.1361, 183)

Proverbe. Moins d'honneur, plus de profit

On dit souvent chose certaine : Moins d'onneur et plus de prouffit. (P. moyne, a.1500, 50)

Qui aura le profit de la guerre il en aura l'honneur

...en guerre on doit cercher tous les avantaiges qu'on peut. Car communement on dit : Qui a le prouffit de la guerre, il en aura l'honneur. (Bueil, I, 1461-1466, 200)

Appliquer une somme d'argent à son profit. Garder (de l'argent) pour son usage personnel.

...et lequel lingot il qui depose, depuis ce, porta en la ville de Bourges en Berry et illec la vendi à un marchant changeur qu'il ne congnoist la somme de XJ frans qu'il en ot et receut, et yceulz appliqua à son usage et proufit. (Reg. crim. Chât., II, 1389-1392, 450)

[D'animaux] Apporter du profit. Procurer du bénéfice.

Il se delicte plus en avoir biaus chiens ou biaus chevaux ou teles choses que il ne feroit a avoir vaches ou brebiz qui aportent plus de proffit et de gaaing. (Oresme, E.A.C., c.1370, 256)

Avoir profit de qqc. Retirer un avantage de qqc..

...et pour quelcunque prouffit que avoir en deussions, entendu ce que dit est, et mesmement que tailles ne doivent estre levees sur le peuple pour en faire dons, ne vouldrions ycelle taille consentir (Baye, I, 1400-1410, 36)

Avoir/prendre à son profit singulier telle somme d'argent

...et qu'il prandroit et auroit à son prouffit singulier lesdits prouffitz d'ung escu d'or pour chascune queue de vin ou autres marchandises, ainsi que cy dessus sont declarés, ainsi que par avant il avoit esté fait. (Le Clerc, Interp. Roye, c.1502, 338)

[D'une chose] Estre de grand/de petit profit. Rapporter beaucoup ou peu d'argent, de biens.

Ou regard de la clergie criminele, le prouffit qu'il y prent et que ses devanciers y ont acoustumé de prendre n'est mie de trop grant prouffit (Fauq., II, 1421-1430, 164)

En ce temps le Roy, vostre pere, fut en sa personne en une chevauchée devant la cyté de Tournay, en laquele avoit grosse garnison de Franchois, et combien que celle chevauchée fut de petit proffit, toutesfois le Roy, vostre pere, rebouta lourdement ladicte garnison et à son grant honneur. (La Marche, Mém., I, c.1470, 161)

Faire son profit. Gagner de l'argent.

...et oultre, lui accorda et consenti qu'il peust faire son prouffit partout là où il porroit et sauroit, sauf en sa terre. (Reg. crim. Chât., II, 1389-1392, 200)

...et Dieu scet qu'il en y a beaucop ausquelz ne chault comme tout aille, mais que ilz facent leur proffit. (Juv. Urs., Nescio, 1445, 464)

Lever les profits de qqc.

De la gland et de la paisson dou parc d'Ervy, neant, quar monseigneur Guy de Leuze, chevalier, garde dou dit parc, en a levé les proffiz par don dou roy fait a li sur ce. (Comté Champ. Brie L., t.1, 1340-1341, 275)

Et encor plus certes, je croy, Qu'en toutes les notables villes Qui sont pour marchandise abilles Li roys y heüst de ses gens, Chevaliers, bourgeois ou sergens, Pour lever et pour recevoir La rente qu'il y doit avoir ; Et s'il en levoit les profis Sept mois ou VIIJ. ou IX. ou X. (Mach., P. Alex., p.1369, 184)

...et combien que par chartres de paix faictes a diverses foys appere que on bailla aux roys d'Angleterre les pays de Quercin, Pierregort, Agenois et Xantonge oultre la Charente, toutesvoyes plusieurs terres demourerent ou demaine du roy, et y estoyent avant que la guerre commençast et au temps d'icelle, et en levoit on les prouffis et emolumens. (Juv. Urs., T. crest., c.1446, 116)

Prendre profit. Faire un bénéfice.

... [il] forga jusques à la valeur de six frans ou environ de la monnoye ditte, au veu et sceu dudit Jehan, en ladite ville de Terrouane, en la maison de Jehan Horel, orfevre, lequel, et un sien compaignon nommé Raoul du Fay, savoient ce qu'il faisoit, et devoient partir au prouffit, excepté Jehan de La Rue, qui n'y prenoit aucun prouffit (Reg. crim. Chât., I, 1389-1392, 483)

Prendre profit à qqc. Retirer un avantage, un bénéfice de qqc..

Ou regard de la clergie criminele, le prouffit qu'il y prent et que ses devanciers y ont acoustumé de prendre n'est mie de trop grant prouffit (Fauq., II, 1421-1430, 164)

2.Intérêt produit par un capital.

...car ilz [les prêteurs de Rome] presteroient du leur si largement que on resisteroit bien sans demander a nul proffit ne principal, jusques ad ce que la guerre seroit finee. (La Sale, Sale D., 1451, 148)

...de la part du Roy seront transportez et baillez à mondit seigneur de Bourgoingne (...) ladicte conté de Mascon, tous les profiz et emolumens quelzconques qui echerront esdiz bailliages roiaulx de Mascon et de Saint Gengon, à cause des droiz roiaulx et de souveraineté appartenans au Roy en iceulz bailliages, soit par le moyen de la garde et souveraineté des eglises qui sont de fondacion royal et des subgiez d'icelles, droiz de regale ou autrement, et tant en confiscacions pour quelque cas que ce soit, amendes et exploiz de justice, le profit et emolument de la monnoye, comme en autres profiz quelzconques (La Marche, Mém., I, c.1470, 217)

Prester à profit. Prêter à taux usuraire.

...comme despieça il se soit entremis de prester publiquement deniers à proufit, en plusieurs et diverses parties de nostre royaume. (Ch. VI, D., t.2, 1400, 267)

C. -DROIT Profit (d'un defaut). Gain de cause accordé par le juge à la partie qui comparaît contre celle qui ne comparaît pas.

A conseiller l'arrest d'un prouffit d'un deffaut d'entre Hubert Gontier, espicier, demourant à Lion, d'une part, et Estienne de Lachaux dit Bouchart, d'autre part. (Baye, I, 1400-1410, 79)

...a esté ordonné que ledit Molins requerra demain tel proufit que voudra au regart de certains defaus ou defaut par lui obtenu ceans contre ledit Clignet (Baye, I, 1400-1410, 258)

...la Court adjuge auxdiz demandeurs contre lesdiz defaillans tel proufit par vertu des quatre defaus (Baye, II, 1411-1417, 75)