SALAIRE

substantif masculin

[T-L : salaire ; GDC : salaire ; FEW (XI, 87a) : salarium ; TLF (XIV, 1440a) : salaire]

A. -Rétribution d'un travail, d'un service, rémunération.

Pour le salaire d'un vallet de pié qu'il prinst à Harefleu et fu en Costentin avecques lui par ledit temps. (Clos galées Rouen M.-C., t.2, 1341-1342, 57)

SECOND HERMITTE. (...) pour vostre salaire Ceste coiffete emporterez Et ceste espée : amis, tenez. Point n'ay d'argent. LE FÉVRE. Ce salaire m'est bel et gent. (Mir. st Guill., c.1347, 30)

...il n'est grief mal dont entechiez Soit homme ou femme, si le voit, Que tout gari ne l'en renvoit ; Et ç'a il fait a trop de gent, Sanz prendre salaire n'argent. (Mir. st Val., c.1367, 127)

On les tenoit comme bestes, laquel cose il ne voloient ne pooient plus souffrir... et, se il labouroient ou faissoient aucuns labourages pour leurs signeurs, il en voloient avoir leur salaire (Froiss., Chron. R., X, c.1375-1400, 95)

Or vient ung grant advocat, renomme docteur in utroque iure, acompaigne de deux gras procureurs qui ont les grans salaires et les pensions fermes plaidoyans et non plaid[oy]ans. (Mézières, Songe vieil pèl. C., t.1, c.1386-1389, 499)

...lequel capitaine, pour chascun voyage qu'il faisoit dont rapport lui estoit fait par la maniere que dit est, lui bailloit pour son salaire IJ s. par. (Reg. crim. Chât., I, 1389-1392, 124)

...la femme de lui qui parle ot, pour son salere desservi en ensevilissant le corps dudit defunct, et du consentement dudit maistre Guillaume Perdriel, unes paire de chauces à homme. (Reg. crim. Chât., II, 1389-1392, 88)

Lequel jeu finé, eulz deux seulz, après ce qu'il ot donné un blanc audit joine filz pour son salaire, s'en alerent boire à l'Escu de France près de la Croix du Tirouer (Reg. crim. Chât., II, 1389-1392, 479)

Mais il [Remondin] erra tant qu'il vint a Thoulouse, et la donna a toutes ses gens congié, excepté a son chappellain et a un clerc, et leur paya largement leur salaire. (Arras, c.1392-1393, 271)

Et oultre, les condempnons a paier chascune, pour tant comme a elle touche, le salaire des jurez qui ont fait ledit rapport, du sergent qui yceulx a menez sur les lieux perilleux esclarcyz oudit rapport, de l'escripture d'icelui et aussi de l'escripture et seel de ces presentes. (Chartes Abb. St-Magl. T.F., t.3, 1393, 670)

Cedit jour, a ordonné la Court maistres R. Rabay et R. Broisset à soy informer sur les excessiz salaires des notaires et du fait des inventoires, et aussi des excessiz salaires de examinateurs. (Baye, I, 1400-1410, 185)

...li maistres qui l'aprendera soit ossi tenus de paiier pour le pourfit qu'il ara dou dit aprentich, tant ou sollaire qu'il en prendera comme ou siervice des 6 sepmainez que chilz pour nient siervira, 10 s. au mettre en le dicte boiste, et avoecq que dis aprentis soit tenus de paiier 12 s. au clercq des dis compagnons pour lui escripre et registrer en leur pappiier. (Drap. Valenc. E., 1403, 54)

Et quant est aux salaires des serviteurs de vostre hostel, ilz sont très mauvaisement contentez en la Chambre des Deniers, ne les serviteurs ne pevent avoir leur loier, pour quoy ilz ont grant povreté et souffrete et ne pevent estre entour vous si honnestement qu'il appartient. Non obstant qu'il y en a aucuns qui ont port, lesquelz sont très bien paiez desdiz salaires. (Doc. 1412. In : MONSTRELET, Chron. D.-A., t.2 c.1425-1440, 312)

Ce jour, la Court a tauxé le salaire de Thomas Duquesne, messagier, à la somme de neuf livres tournois pour avoir esté à Tournay devers maistre Henry de Monstereul (Fauq., I, 1417-1420, 364)

SAINCT MARTIN. Que l'oste soit bien contenté Et payé comme il appartient. FRANCEQUIN. Argent luy sera presenté, Car son salaire a rien ne tient. (La Vigne, S.M., 1496, 211)

En ce temps, le roy fist faire certains interrogatoires des clers des tresoriers de France, ainsi qu'il s'ensuit : 'Premierement, se lesditz clers ont faict aucun don audit tresorier des guerres pour avoir la charge soubz luy. Item, se ilz avoient eu entierement pour eulx et à leur prouffit le salaire qui estoit acoustumé prandre pour payer les gens d'armes, où se ilz en faisoient aucune pension audit tresorier des guerres ou à aucuns de ses gens...' (Le Clerc, Interp. Roye, c.1502, 344)

Proverbe. Selon l'oeuvre le salaire

Et qui fait ouvrage trop court, Je ne puis vëoir ne penser Qu'on li doie recompenser, Que selonc l'uevre le salaire. Je ne doubt mie le contraire. (Mach., D. Aler., a.1349, 240)

...juste partie baillent A chascun selonc ce qu'il pense, Dont Amours de droit recompense Ce qu'on a fait ou qu'on vuet faire, Et selonc l'uevre le salaire. (Mach., D. Aler., a.1349, 339)

B. -Par extension. Somme à acquitter (pour une location, pour une fourniture...).

...le salaire du batel balinier de Bernart Cache (Clos galées Rouen M.-C., t.2, 1341-1342, 29)

...li bourgois de Chartres ...prièrent au duch de Bourgongne qu'il leur volsist donner, pour le salaire de leurs engiens, le chastiel de Chamerolles qui moult les avoit heriiés et cuvriiés dou temps passé (Froiss., Chron. L., VI, c.1375-1400, 141)

C. -Au figuré.

1.Ce par quoi on est payé de ce qu'on a fait, ce que l'on a mérité (en bien ou en mal, comme récompense ou comme punition).

C'est celle qui a descreü Mon mal, et ma joie acreü ; De dous confort m'a pourveü, Sans salaire avoir ne treü, Et des yeus de son cuer veü En ma souffrance. (Mach., R. Fort., c.1341, 121)

Endroit de moi, je veuil te[l]z estre Qu'elles seront de moi chieries Sans penser maulz ne tricheries, Et tous mes jours les servirai Et leur loenge adés dirai Et ferai chose qui leur plaise A mon pooir, cui qu'il desplaise, Sans salaire et sans guerredon ; Ne ja je n'e[n] quier querre don En l'onneur de la gracieuse Que j'aim de pensee amoureuse. (Mach., Voir, 1364, 302)

En l'eure de la m'en volai Et devers Pallas m'en alai Pour gargouillier et reveler De mot a mot, sans rien celer, Par cui le coffre estoit ouvert Et tout le secre[t] descouvert. J'en cuidai avoir tel salaire Qu'elle m'en deüst grant bien faire. Ne sai qui ce me pourchassa, Mais tout en l'eure m'enchassa Et me banni sans rappeller, Ne puis n'osai vers elle aler. (Mach., Voir, 1364, 696)

Pour lequel lis je pren Dieu de richesce Qui nous osta du dolereux salaire Qu'Adam nous quist par desobeissance (Mir. st Ign., 1366, 115)

... li aucun... consilloient au prince, que li doi messagier, qui l'appiel avoient aporté, fuissent occis pour leur salaire, mais li princes les en deffendoit (Froiss., Chron. L., VII, c.1375-1400, 97)

Helas ! dolens, ci ha povre salaire ; Miex li vaurroit sa vie user au Quaire Qu'en tel service, où cuers et corps deveure, Triste, dolent, qui larmes de sanc pleure. (Mach., Bal., 1377, 558)

Vous actendrez tant que ly baron auront fait hommage, et lors vous trairez avant, et demanderez au jeusne conte un don pour tout le salaire du service que vous feistes oncques a son pere ; et lui dictes bien que vous ne lui demanderez chastel ne ville, ne forteresse, ne chose qui guerres lui couste. (Arras, c.1392-1393, 31)

Gens bon eureux aussy seront Qui faim et soif au monde aront De rayson et justice faire, Lassus en aront leur salaire. (Marcadé, Myst. Pass. Arras R., a.1440, 88)

Mais garde toy que chose dicte Ne soit par toy que empeschier Puisse le salaire et loyer, Que tu avras par ton martire : Jhesus par moy le t'envoye dire. (Myst. st Adr. P., c.1450-1485, 115)

Ja Dieu ne veille que pour le ventre d'une femme je prende si estroicte cure ne soing dont aultre loyer ne salaire ne recevroye que tourment de corps et de ame ! (C.n.n., c.1456-1467, 560)

Le maulvais n'aura de salaire Sinon enfer aprés sa mort. (Meschin., Lun. princes M.-G., c.1461-1465, 66)

Aultre plaisance n'ay voulu Si n'est Jhesus toute ma vie. Jhesus en grant joye receu, Jhesus, vous donnés ad moy vie, Jhesus m'amour et moy s'amie, Jhesus mon filz et moy sa mere, (...) Jhesus mon pris, moy son salaire, Jhesus mon pain et moy sa cher (Pass. Auv., 1477, 166)

Remarque : Jourd. Blaye alex. M., a.1455, gloss.

2.Ce qu'on obtient pas son action, résultat.

Entreprise folle Mainte gens affolle, Vela le salaire. (Rapp., c.1480, 70)

Remarque : Mettre ici l'ex. suiv. ? Relation Croisade Nicopolis A.P.P., p.1450, 131 (Loys de Baviere (...) fist par ses soldoiers allemans, a qui il devoit grans sommes de deniers, piller et desrober toute la cité de Romme pour leurs sailleres de leurs souldees).