PAIEMENT

substantif masculin

[T-L : paiement ; GDC : paiement ; DECT : paiement ; FEW (VII, 457a) : pacare ; TLF (XII, 780a) : paiement]

A. -Action de payer qqn ou qqc..

Mon plaige m'en a acquitté. Se tu veulx venir a l'eglise Ou la plegerie fu prise, Je te prouveray et de fait Par tesmoins mon paiement fait. (Mir. march. juif, c.1377, 218)

... [le prevost] condempna icellui Hays, prisonnier, à rendre et païer audit maistre Simon les biens cy-dessus specifiez et esclarciz, ou valeur et estimacion d'iceulx, par la prinse, vendue et explectation de tous ses biens quelconques, et à tenir prison jusques à plain paiement et solucion d'icelle somme (Reg. crim. Chât., II, 1389-1392, 89)

Item, dit que un nommé Le Bourc de Malencontre (...) a eu de lui qui parle, pour paiement et salere des vivres et services que faiz lui a, en lui administrant vivres et faisant administrer par ses gens, lui estant au roc de Vendas, plusieurs paiemens des patis dudit pays de Limosin composé à lui qui parle, et n'est record jusques à quel somme. (Reg. crim. Chât., II, 1389-1392, 198)

Et ne furent pas adont tout hors paiiet en deniers apparilliés, car li receveur et officiier dou roi avoient trop mis hors d'argent pour ce voiage. Et qant finance fu revenue, on en fist paiement a Bruges. (Froiss., Chron. D., p.1400, 153)

Cedit jour, les notaires du Roy, sur certeinnes lettres qu'il avoient obtenues du Roy sur le paiement de leurs gages (Baye, I, 1400-1410, 160)

...et quant vint a faire le payement de la journee, le seigneur de la vigne paya tout autant a ceulx qui estoient venus a vespres comme a ceulx du point du jour, de laquelle chose les premiers murmurerent. (Chr. Piz., Trois vertus W.H., c.1405, 137)

Et sera present ledit Dauviller aux paiemens que fera ledit maistre des euvres aux ouvriers qui feront lesdictes reparacions (Fauq., I, 1417-1420, 7)

...la Court auroit ycelle congnoissance ou administracion desdictes amendes pour les emploier et convertir ou paiement desdis officiers (Fauq., I, 1417-1420, 196)

...et [Jehan Audry] promist de faire delivrer à Paris ladicte somme pour emploier ou paiement des gaiges de la Court (Fauq., II, 1421-1430, 236)

...pour convertir et emploier ycelle somme ou paiement des messes et service dessusdis (Fauq., III, 1431-1435, 141)

LE DRAPPIER. (...) Ce pourroit il faire Que ceulx dont vous devez retraire Ceste rente prinssent monnoye ? Et ouÿ bien, se je vouloye : Tout m'en est ung en paiëment. (Path. D., c.1456-1469, 66)

...pour lesquelz paier de leursdiz gaiges et souldées lui convint finer de grant somme de deniers, car il ne recevoit riens d'aucunes villes sur lesquelles lesdiz gaiges estoient assignez, qui estoient tenues et usurpées par aucuns princes, qui ne vouloient riens souffrir estre cueilly dudit paiement en leurs pays, fut contraint de faire emprunt d'argent sur plusieurs officiers et autres de la ville de Paris, ausquelz de par lui fut demandé argent à prester ; de quoy ilz furent refusans, au moins de si grant somme comme on leur demandoit. (Roye, Chron. scand., I, 1460-1483, 71)

LE JUIF en s'en revenant. Il ne sçauroit que contredire Qu'au terme il [le chrétien] ne face payement. Et quant il se vouldroit desdire, Il faulceroit ung grant serment. (Mir. st Nic. juif, c.1480-1500, 94)

J'ay envoyé ung pou d'argent pour le payement de ceulx de Beauvais, qui est de XII cens frans, qui est pou de chose, et ay envoyé en la ville pour les contenter au mieulx que on pourra. (Le Clerc, Interp. Roye, c.1502, 308)

Fait d'être payé.

LA FEMME. Il [le juif prêteur] est bien loing de son payement. C'est ung povre sot radoté, Qui de tous pointz [est] rassotté E(s)t proprement ne scet qu'i quiert. (Mir. st Nic. juif, c.1480-1500, 116)

Prendre qqc. en paiement. Prendre en dépôt (une marchandise destinée à la vente), moyennant un prix de gros.

Item, nulz desdiz vendeurs ne pourra acheter, par luy ne par autre, ne prendre en payement nulz vins du marchant duquel il sera vendeur, ne d'autre, pour revendre, sur ladite peine. (Mét. corp. Paris L., t.1, 1351, 11)

Par métaphore.

Tu saveras de ma puissance, De ma recepte et de ma paie Dont tu verras comment je paie : Li biens est pour bons receüs, Mais pour mal, quant il est sceüs. Je fais pour bien mon paiement, Pour mal trés cruel jugement, Car je sui de tout jugeresse, De ce te fais je bien promesse, S'ay a chascun vraye amité, Mais je n'ay de nullui pité, Non qui chiesse en punition, Dont il dessert correction. (Mach., D. Aler., a.1349, 390)

[Domaine de l'amour]

Mais cils qui sert plus loiaument, Cils a le milleur paiement. Et pour cela point ne regarde, Quant je preng un cuer en ma garde, S'il est parfais ou non parfais. (Mach., D. verg., a.1340, 29)

Dont je di que si fais descors Sont propres causes des racors Qui font les larges paiemens De trés dous assouagemens Des quels amans est appaiez, Tant qu'il s'en tient pour bien paiez. Einsi Amours la dame acquite Vers l'amy, tant qu'elle est bien quitte Et li amans en est meürs Plus que devant et plus seürs. (Mach., D. Aler., a.1349, 253)

Qui porroit bien ces poins entendre Et il y voloit garde prendre, Il porroit vëoir clerement D'Amours le juste paiement Sus ceste comparison faite, Qui de l'alerion est traite, Des peles qui tranchamment taillent, Tant que juste partie baillent A chascun selonc ce qu'il pense, Dont Amours de droit recompense Ce qu'on a fait ou qu'on vuet faire, Et selonc l'uevre le salaire. (Mach., D. Aler., a.1349, 339)

Li bien d'Amours sont parti Si seürement Que li loyal de merci Ont leur paiement Et li faus si durement Sont demené en amer Com de joie nus ; Et qui ne se vuet bruler, Si se traie ensus. (Mach., L. dames, 1377, 111)

[À propos de la mort du Christ, qui rachète le péché d'Adam]

Ainsi sanz dette amenrir n'avoir paine Acompli ce paiement De l'umain corps vray et obedient Qu'en voz sainz flanz prist, dame de mercy (Mir. prev., 1352, 279)

B. -Ce qui est payé, versé.

1.Salaire, rémunération.

...un mesmes paiement et pareilles sodees pour leur chevalerie et servoient ensemble au roy. (Foul., Policrat. B., II, 1372, 156)

Et quant il voloit emprunter à aucuns bourgois sour son paiement, il n'estoit nulz qui le osast escondire (Froiss., Chron. L., I, c.1375-1400, 128)

...ilz devoient tous ensemble venir querre leur paiement à Vendosme, à la mi-aoust lors prouchainement à venir et derrenierement passée (Reg. crim. Chât., I, 1389-1392, 465)

Nous voudrïons nostre peyment Treschier sire s'il vous pleysoit (Oudin, St Genis M.S., c.1490, 88)

Versement.

Si se esploitierent li Hainnuier ce qu'il peurent et passerent Rocestre et Dardeforde et vinrent a Londres. Et la se rafresqirent de tout ce que il lor besongnoit, de chevaus, de sellerie, d'armeures et de toutes aultres coses qui apertiennent a gens d'armes. Et la trouverent le tresorier des gerres dou roi, qui lor delivra monnoie et paiement bien et largement. (Froiss., Chron. D., p.1400, 113)

LA FEMME. Certes, ung beau rien, C'est le payement qu'il [le juif] en aura [de l'argent qu'on lui doit] . (Mir. st Nic. juif, c.1480-1500, 97)

2.En particulier. Solde d'un militaire.

Desquelz seigneurs et citez dudit seigneur roy Loÿs peu a peu s'en perdist une tresgrant partie, pour ce que ledit seigneur ne povoit souffire aux payemens de ses gens d'armes ne les mettre sur les champs. (La Sale, Salade, c.1442-1444, 195)

Et samblablement recite Valere de Mervelio Tarquin, tribun de Romme : comme fust vray que son filz eust pris le payement de ses compaignons ; duquel, quant que fust, en avoit retenu (La Sale, Sale D., 1451, 119)

Touchant le paiement du seneschal de Guienne, je croy que de ceste heure ilz ayent leur argent, car j'ay mandé au grant tresorier des guerres que, sur sa vie, il leur envoyast leur argent, toutes autres assignations et payemens arriere mis (Le Clerc, Interp. Roye, c.1502, 317)

3.Au figuré. Ce que l'on mérite, récompense ou punition.

Et pour çou qui bien fait a il bon paiement (Hugues Capet Lab., c.1358, 231)

Sire, de ce fait loerez Jhesu Crist et sa doulce mére, Qui (...) Vous ont gari si nettement ; Je n'en vueil autre paiement, Ne droit n'est pas, car ce vient d'eulz. (Mir. emper. Romme, 1369, 295)

...du loyer de sa vertu et paiement de son deffaut (Foul., Policrat. B., V, 1372, 305)

Car, ensi que je ai dit ichi desus, Englés ne se pueent longement tenir ne sousfrir de un inconvenient, qant on lor fait ; et se il le portent et suesfrent un temps oultre lor volenté, si en prendent il en la fin crueuls paiement. (Froiss., Chron. D., p.1400, 47)

Il n'est prestre, prelas ny hermite, Grans segnieurs, bourgoys ny marchans, Qui en ceste foulie [la luxure] ne se mecte, Mes je doubte le payement. C'est ung pechié que Dieu pugnit Sen en avoir remission (Myst. st Sébast. M., c.1450-1500, 6)

Remarque : Percef. I, R., c.1450 [c.1340], 280/18.

Avoir le/son paiement. Être puni, subir les conséquences (d'un acte).

Ma fame maine grant mestrie Suz moy, s'en sera tourmentee ; Quant je veul pois, n'ay que poiree. Trop me desprise malement, Sy en ara grief paiement En brief termine. (Vie st Fiacre B.C.P., c.1380-1400, 29)

Mere, il ne te doit chaloir de la desloyauté de nostre pere, s'il l'a t'a faicte, car il en a son paiement, car jamais n'ystra de la montaigne de Brumbloremllio, ou nous l'avons encloz, et la usera son temps en doulour. (Arras, c.1392-1393, 12)

L'empereur luy a fet tant de bien, Et il l'a trahy mauveysemant. Il en aura som payemant Qui m'en croyra. (Myst. st Sébast. M., c.1450-1500, 163)

...vous avez guidé les Bourgoignons en ceste marche, et avez encusé les bons bourgois et marchans de ceste ville ; vous en aurez vostre payement, car vous en serez au gibet pendu ! (C.n.n., c.1456-1467, 450)

Mais ne demeurra longuement Que j'en auray dur paiement, Qui autrement au cueur me tire. (Myst. Pass. Amb. R., c.1474-1500, 43)

Ce n'estoient leans que paillars, Gens de mauvaiz gouvernement, De roberies de toutes pars, Lesquelz ont eu leur paiement. (Myst. siège Orléans H., c.1480-1500, 439)

Par quelque noyse, aucuns des Allemans Dedens Pontresme furent ce jour tuez, Mais au retour, eulx bien evertuez, Ceulx qui le firent eurent leurs paiemens. (La Vigne, V.N., p.1495, 195)

Faire le paiement de qqc. Être puni, subir les conséquences (d'un acte).

Et sans atandre longuement, Mes que Dieu me preste santé, Quelq'un en fera le paiement, Se je puis, a ma volanté. (Myst. siège Orléans H., c.1480-1500, 544)