REMUNERATION

substantif féminin

[T-L : remuneracïon ; GDC : remuneration ; FEW (X, 247a) : remunerare ; TLF (XIV, 780b) : rémunération]

A. -Paiement en retour d'un service, rémunération.

Car se sermons, persuasions ou exhortacions souffisoient pour faire les gens vertueus, pour certain pluseurs et grans louiers et remuneracions seroient justement deües a ceuls qui scevent et qui usent de art de persuader et sermonner. (Oresme, E.A., c.1370, 530)

Et, en Droit cyvil, nous avons aussi exemple conment lez terres et lez possessions sont assegnees aux vertuelx, pour eulx et leur lygnie, en guerredon et en remuneracion (Songe verg. S., t.1, 1378, 296)

...sens avoir ne attendre aucune remuneracion d'iceux religieux (Trés. Reth. S.L., t.2, 1382, 277)

Remuneration de salaire. Paiement de salaire.

... [les dits héritages] avoient esté vendus, transportez ou baillés à aucuns pour recompenses de services ou remuneration de salaires (Baye, II, 1411-1417, 142)

B. -Récompense.

Et ordeinent des peines ou pugnitions et des remunerations (Oresme, Pol. Arist. M., c.1372-1374, 313)

Onques ne vost user sa vie La jus fors en afflicïon. Bonne remuneracïon En doit avoir. (Vie st Fiacre B.C.P., c.1380-1400, 26)

Mais l'ami de vraie amité Suit l'ami en adversité, Non pour remuneracion, Pour estat, pour possession Ne pour chose que cilz li donne, Fors pour l'amour de sa personne (Desch., M.M., c.1385-1403, 4)

Et qant li bourgois de la ville de Lille le sceurent, si fissent generaument une requeste et priiere au roi que il le peuissent avoir a faire lor volenté en cause de remuneration de ce que il avoient pris le conte de Sasleberi et le conte de Susfort. (Froiss., Chron. D., p.1400, 437)

...duquel dit savoir avoit fait au dit prince ou princepce aucuns services et plaisirs bons, justes et loisibles, dignes de remuneracion et dessertes. (Chr. Piz., Trois vertus W.H., c.1405, 79)

Et là tantost après, comme chevalier sage et de grant prudence et digne de rémunéracion, fut par le Roy et son conseil, esleu et commis connestable de France (Monstrelet, Chron. D.-A., t.2, c.1425-1440, 216)

...ne faire aulcune remuneracion des vertus aux vices (La Sale, Sale D., 1451, 147)

...nous esteons avoir ou honneur ou grace ou retribution [var. ou remuneracion d'aucun bien] (Fillastre, Traité Conseil H., c.1472-1473, 250)

En remuneration de qqc. En récompense de qqc..

Et lors tint moult grant et long conseil, et aveuc sa gent ; et fu ordené, et par grace, que, pource qu'elle m'avoit toute ma vie donné et procuré moult d'onneurs et de biens, que en restitution et remuneration d'iceulz, et aussi pour amende taxee par li et par ses gens de ce que en ce livre ne avoie riens fait d'especial chose qui feist a conter pour li, je feisse un lai appellé 'Lai d'Esperance'. (Mach., Voir, 1364, 404)

Tres chiers sires, je vous requier, en remuneracion de tous les services que je fiz oncques a monseigneur vostre pere, dont Dieux ait l'ame, qu'il vous plaise a moy donner un don, lyquelx ne vous coustera ne forteresse, ne chastel, ne chose nulle qui guerres vaille. (Arras, c.1392-1393, 32)

...et, le bon roy, comme non ingrat, en tenant la voie des chevalereux princes, et donnant exemple aux chevaliers d'estre bons, en remuneracion des bienfais, que ot fait en ceste dicte bataille et autrefois Bertran de Clequin, lui donna la conté de Longueville (Chr. Piz., Faits meurs Ch. V, S., I, 1404, 122)

Faire remuneration à qqn (de qqc.). Récompenser qqn (de qqc.).

Moult vous ayme le roy (...) Bien vous devroit faire remuneracion De che qu'il a vo pere cachiet hors du roion (Renaut Mont. B.N. V., c.1350-1400, 758)

...; et elle respondi que bien le saroie, et que elle m'avoit fait moult de services et de bontés, des queles onques ne li avoie fait remuneration (Mach., Voir, 1364, 404)

Et aucuns ses serviteurs, qui estoient tenuz et obligez à luy comme à leur roy et souverain seigneur de luy faire service et le honnorer en sa vie et après son decès pour les grans benefices, remuneracions et honneurs qu'il leur avoit faitz, qui passoient trop oultre leurs desertes, non obstant abandonnerent son corps pour courir à ses biens, ayans plus egard à pourchasser leur prouffit que à garder leur honneur. (Le Clerc, Interp. Roye, c.1502, 398)

En particulier. RELIGION

Tiercement pour raison de sa remuneracion : Qui edit me, etc. Ceulz qui me menguent et boivent aront encore soif et fain. (Mir. st Panth., 1364, 307)

Et par ce appert que Aristote creoit que ceulz qui funt bien en ont grande remuneration de Dieu. (Oresme, Ycon. Arist. M., 1374, 846)

...et nierent la provision franche de Dieu et la remuneracion des bons en l'autre vie (Gers., Trin., 1402, 162)

...parquoy est digne de grant louenge et de remunéracion céleste. (Chart. J., Chron. Ch. VII, V., t.2, c.1437-1464, 60)

...oultre numération Arez remunération, Lassus en glore infinitive Arez joye contemplative. (Marcadé, Myst. Pass. Arras R., a.1440, 27)

A Dieu servir fay preparation : S'ainsi le faictz, remuneration Auras de luy (Meschin., Lun. princes M.-G., c.1461-1465, 26)

Selon la permiere maniere la remuneration des bons et la pugnition des mauvais est euvre de justice. (Somme abr., c.1477-1481, 176)

Aucune fois l'un et l'aultre est manifesté, comme en la remuneration des Juiz et en la dampnation des mauvais. (Somme abr., c.1477-1481, 176)

Il donne sa grace liberalement sans deserte et le multiplie, et aprez le conserve et garde, et que plus est, il le recompense par remuneration ez cieulz et en la glore eternele. (Somme abr., c.1477-1481, 180)

Rédemption.

Il [Jhesu Crist] a pour moy suffert mainte collee, Mainte durté, mainte peinne engoisseuse, Et son saint sanc aloit a la volee Pour rachetter la faulce et orguilleuse Char despite, puente et envieuse, Plainne de maulx et de corupcion. Pour moy faire remuneracion, Son droit costé se lessa entamer. (Jeu quatre pers. L., a.1465, 197)