PAIE

substantif féminin

[T-L : paie ; GD : paie ; GDC : paie ; DECT : paie ; FEW (VII, 456b) : pacare ; TLF (XII, 1224b) : paye, paie]

A. -Action de payer, de s'acquitter par un versement, de ce qui est dû.

Et n'est point à oublier que se pour deffaute de paie, aucuns des biens dudit Gilet estoient empeschéz parmi ce que la main de monseigneur demeure garnie de l'assiette sur ses heritaiges pour le dernier termine, le surplus li est delivré. (Trés. Reth. S.L., t.2, 1374, 214)

... [il] dit et afferma par son serement et pour verité (...) que ilz avoient ouvré par lonc temps oudit escuïer, dont il ne les vouloit païer et leur devoit très [grant] quantité d'argent, et, par especial, estoit deu à lui qui parle XIX frans de sa peine, se assemblerent eulx cinq compaignons, en un jour dont il n'est record, en eulx complaignant li uns à l'autre de la mauvaise paie que leur faisoit icelli escuïer (Reg. crim. Chât., II, 1389-1392, 399)

...et ainsy en la fin de chascun moiz ensuivant jusques à fin de paie de ladicte somme de mil libvres tournoiz (Baye, II, 1411-1417, 214)

...ladite vefve et heritiers dudit feu Amaury ont eu appointement avecques messeigneurs Prevost des marchands et eschevins de ladite ville de certaine somme de deniers qui leur estoit deue par ladite ville, sur laquelle luy devoit estre rabatue ladite rente jusques à fin de paie (Comptes Paris V.L.D., t.1, 1447-1449, 611)

...vingt cinq florins pour partie de paye d'un cheval (Comptes roi René A., t.3, 1479, 234)

(Estre) à la paie de qqn. Être rémunéré par qqn, être à ses gages.

Au port, pour deffendre la chaisne, il y avoit de chrestiens trente nefs, et neuf galées ; c'est à sçavoir deux subtiles, trois marchandes vénitiennes, trois de l'empereur, et une autre de Messire Jehan Justinian, bon Genevois aux payes et aux gages de l'empereur. (Doc. 1453. In : CHART. J., Chron. Ch. VII, V., t.3, c.1437-1464, 23)

Tourner en paie. Verser en argent.

Comme nous, pour la fielve gouvernance et port de damoiselle Jehanne, damoiselle d'Assy, eussiens pourveu par nostre grant consel certains administreurs a ladite damoyselle, (...) pour ly administrer tous vivres neccessaires et toutes autres neccessitez et pour torner en paie tout le sourplus des revenues (Trés. Reth. L., t.4, 1331, 178)

B. -Ce qui est payé.

1.Salaire, rétribution.

...Mais qu'il ne rompe le loien, Il doit venir a bon moien. Et quant au moien est venus, De bien en mieus bons devenus, Envis puet estre qu'il ne traie Dou tiers temps trés souffissant paie. (Mach., D. Aler., a.1349, 241)

Raisons baudement respondi : 'Je le feray ; mais je te di, Dès que de moy as congnoissance, Tu saveras de ma puissance, De ma recepte et de ma paie Dont tu verras comment je paie : Li biens est pour bons receüs, Mais pour mal, quant il est sceüs...' (Mach., D. Aler., a.1349, 390)

Si comme quant l'un baille de ses biens a l'autre selon amistié moral et liberalment et l'autre ne veult faire tele chose senz paie ou obligacion de restituer. (Oresme, E.A.C., c.1370, 447)

SIRUS. Puis que nous advons en ung tas Ses robes et habilhemens, Partissons les devant les gens Entre nous VIIJ, que chascun'n aye. MAULBEC. Aussi sera ce nostre paye ; Nous n'arons ja aultre loyer. (Pass. Auv., 1477, 200)

Somme due.

Commerque est une imposition, Et sachiez qu'en la region De toute Surie et d'Egypte N'a cité ne ville petite, S'on y marchande qui ne paie De X. deniers un ; c'est la paie Qu'on paie tout communement Par tout et especiaument À Sur, à Baruth, à Sajette, À Alixandre, à Damiette, À Triple (Mach., P. Alex., p.1369, 173)

[Cont. métaph.]

Si ne say que tu li demandes ; Qu'elle a acompli tes demandes Et fait plus que tu ne voloies De ce que tu li requeroies. Mais chien qu'on nage, en lieu de paie, Quant il est passez, il abaie. Biaus dous amis, einsi fais tu, Et tout ce ne vaut un festu, Car il n'est chose si perdue Com bonté qui n'est congneüe. (Mach., R. Fort., c.1341, 62)

Ainsi fait ma dame de mi, Car, foi que je doi saint Remi, Sa grant biauté me rajonist ; Car de mon cuer nulle fois n'ist, Car par ymagination En voi tousdis l'impression ; Dont j'en fais euvre de jonesce Et s'ai tousdis en moi leesce Et l'esperit jone et legier ; Ce fait tous mes maulz allegier, - Comment que nulz ne puet faillir Qu'il puist vivre sans enviellir, Car a Nature chascuns paie Son droit, son treü et sa paie, Et qui autrement le feroit, Nature trop s'en plainderoit : Mais ma dame de sa noblesse Le fait comme mere et deesse, Que j'aim, aour, criem et desir, Et en qui sont tuit mi desir. (Mach., Voir, 1364, 468)

Li corbiaus dit que non fera Et que jamais ne cessera Tant qu'a Phebus ait recité De Coronis la verité. Il fiert de l'ele et si s'en vole. N'a pas esté a bonne escole, (Car il avient souvent contraire De parler quant on se doit taire), Si qu'il en ara tele paie Comme Raison aus jengleurs paie, Au mains a ceulz qui ont a faire A gens qui sont de bon affaire. (Mach., Voir, 1364, 698)

Et lors Amours poura faire ses payes A ses servans (Taillev., Ress. relèv. hôt. D., p.1440, 277)

2.En particulier. Salaire versé à un homme d'armes, solde.

...que ses gens d'armes soient tres bien paiéz afin aussi que moins aient de excusacion de fouler le pays et grever les laboureurs et que quelconques droit ne les puist garder que pugnis ne soient se apres leurs justes paies ilz prennent riens. (Chr. Piz., Paix W., 1412-1413, 77)

À messire Gerart, seigneur de La Guiche, chevalier banneret, bailli dudit Mascon, la somme de deux mille cens quatre vins six frans trois gros, en prest et paiement à lui fait sur les gaiges de lui et des gens d'armes et de trait de sa compaignie et soubz son estandart, ou nombre de deux cens quatre vins unze paies demie, receuz et passez à monstre audit lieu de Mascon le VIe jour de septembre l'an mil IIIIc et dix huit par messire Hugues de Lenthenne, gruyer du conté de Bourgoingne, à ce commis de madame la duchesse de Bourgoingne, pour estre demourer en garnison en la ville de Mascon pour la seurté et deffense d'icelle (Comptes Etat bourg. M.F., t.2, 1419, 567)

...la somme de six cens quarante huit frans 5 solz tournois, pour les gaiges de quarante trois paies d'ommes d'armes et ung archier de creue venuz depuis les monstre desdiz sire de Giac et de Thoulonjon (Comptes Etat bourg. M.F., t.2, 1419, 576)

Item, se ilz avoient eu entierement pour eulx et à leur prouffit le salaire qui estoit acoustumé prandre pour payer les gens d'armes, où se ilz en faisoient aucune pension audit tresorier des guerres ou à aucuns de ses gens. Item, se lesditz clers avoient aucune paye d'omme d'armes ou archier, ou se il [y] avoit aucun des serviteurs dudit tresorier des guerres ou d'eulx qui fussent du nombre du roolle, et que neantmoins se teinssent avec ledit tresorier des guerres ou lesditz clers sans aller es compagnies. (Le Clerc, Interp. Roye, c.1502, 344)

Morte-paie. Voir mortepayeSolde servie bien que le bénéficiaire ne fasse plus de service.

Je leur donne pour tous potaiges L'ordonnance a la morte poye. (Gaut. Mart. A., c.1480-1500, 177)

Remarque : COMM., Lettres B., c.1476-1511, 119.

C. -Par métonymie. Homme d'armes.

À lui, la somme de trois cens soixante quinze frans, pour le payement des gaiges et soldees de XV jours entiers de Perrenot Grasset et de ses compaingnons, ou nombre de L payes estans soubz ledit monseigneur le prince et son estandart en armes pour servir le roy (Comptes Etat bourg. M.F., t.2, 1420, 907)

...entretenir et faire entretenir pour la deffense du païs à l'encontre des routiers appelez Escorcheurs (...) jusques à quatre cens paies de hommes d'armes (Ecorch. Ch. VII, T., 1444, 5)

Remarque : Sens enregistré ds GD V, 687a (XVIe s.).