ACQUEST

substantif masculin

[T-L : aquest ; GDC : aquest ; FEW (XXIV, 111a) : acquirere ; TLF (I, 560b) : acquêt]

A. -Fait d'acquérir, acquisition ; bien acquis.

Nous eussienz fait convenir par devant nous Jehan Le Voueit, de Maisieres, pour finer à nous de certains acqués qu'il affait puis quarente ans à Maisieres ens fiés le conté de Retest, en menues et petites parties prises en tonniu de Maisieres (Trés. Reth. S.L., t.2, 1331, 11)

Lors quant acquis ont tant, soudainement Viellesce vient leur vie menacier Par leurs travaulx, se Salemon ne ment, Tant que leurs biens ne les puelent aidier ; Jonesce lors ne font que souhaidier. Des granz acquestz par eulx faiz ne leur chault (Desch., Oeuvres Q., t.2, c.1370-1407, 15)

Ung beau coffre neuf tout barré Fermant a deux petis loquetz Ou le Defunct avoit serré Ses lettres de dons et acquestz. (Hautev., Invent. biens B., c.1441-1447, 72)

...il en y avoit [des gens d'église] que par le moyen de leurs marchandises, c'est a dire negociacions temporelles plus que spirituelles, faisoient des acquestz prenoient vignes a ferme et terres (Juv. Urs., Nescio, 1445, 511)

Gardez tresbien les papiers et registres De tous acquestz, comme qu'ilz soient faiz (Michault, Doctr. temps prés. W., 1466, 98)

Tenez doncques voz dons et voz acquestz Au bec, aux dens, aux ongles, a tenailles, Et si soyez tousjours songneux et prestz Pour vous deffendre en justice et batailles. (Michault, Doctr. temps prés. W., 1466, 101)

...i luy est besoing recouvrer les doubles ou extraictz collationnez aux originaulx d'aucuns tiltres, registres et autres enseignemens (...), mesmement la lettre de l'aquest qui fut fait de la Roche au Duc (Lettres Ch. VIII, P., t.3, 1490, 23)

Locution.

Mettre en acquest [une somme d'argent]. Faire un remploi [d'un capital].

Jugement (...) que dit que, se une parsonne ressoit argent pour jonnes enffans que soient en sa goubernation, et crante cellui argent a mettre en acquaist pour lesdits enffans, il convient qu'il le faicet, ne ne s'en puelt deffendre come pour dire : qu'il a cellui argent mis en rettenant l'eritaiges des enffans. (Jug. maître-échev. Metz S.M.S., t.1, a.1494 [1337], 143)

Estre de léger acquest. Être facile à prendre.

La ville certes estoit forte et bonne, et n'estoit pas de légier acquest, sans y avoir des travaux beaucoup, et d'approchemens de divers engins pour les espouvanter. (Chastell., Chron. K., t.1, c.1456-1471, 150)

Acquest + adj.

Que vault grant avoir amassé Dont il fault faire testament, Et recorder le temps passé De l'acquest fait mauvesement ? (Desch., Oeuvres Q., t.2, c.1370-1407, 98)

...les choses (...) venoient de bon lieu et loyal acquest. (Reg. crim. Chât., I, 1389-1392, 160)

...vous devez faire aumosne de vostre loial acquest lyement, hastivement, secretement, devotement et humblement, sans despirer les povres en pensee ne en fait. (Ménagier Paris B.F., c.1392-1394, 43)

Les uns (...) L'ont gaigné par aucune office (...) Aultres par fraude et mal acquest (Chr. Piz., M.F., I, 1400-1403, 140)

N'esse raison se droit doit tourner a droit, que sur le sang d'ou a esté faitte la privation redonde le tollu et que sur le joïssant de l'acquest par force retourne la force arriere qui luy tolle l'acquest injuste ? (Chastell., Temple Boc. B., 1463-1464, 153)

Tremblés, cités, villes, chasteaux et tois, Prenés exemple aux orguilleux Gantois, Comment ils sont riflés et ramonnés ; Ainsy serés des meures ramenés, Se riens avés venu de mal acquest (Molinet, Faictz Dictz D., 1467-1506, 231)

Proverbe. Jamais mal acquest ne profite :

Qu'un chacun [des enfants perdus] encores m'escoute : On dit, et il est verité, Que charecterie se boit toute, Au feu l'iver, au boys l'esté : S'argent avez, il n'est quicté. Mais le despendez tost et viste ; Qui en voyez vous herité ? Jamaiz mal acquest ne proufficte. (Villon, Test. R.H., 1461-1462, 130)

DROIT

Bien acquis (p. oppos. au bien hérité).

Une autre maniere de gens Y a, qui resont des plus grans, Qui ont des biens si largement Amasséz, ne leur chault commant, Ou d'aquest ou de patrymoyne, Ou de rentes ou de domaine, (...) Ou l'autruy tollir ou embler, Qui en despendent moins qu'i peuent (Liber Fort. G., 1346, 71)

Examiné se ce Mignon Est a la Simple, et se ainsi est, Qu'il nous declaire, assavoir mon, S'il vient de propre ou de conquest, S'il vient de naissant ou d'acquest, S'il vient d'apport ou de douaire, Comme elle l'a eu, et que c'est, Et que tout ce cas nous declaire. (Coquill., Oeuvres F., 1478-p.1494, 99)

Bien acquis par les époux au cours de la communauté.

Et se li homs forfait, sa femme ne pert pas sa part des meubles, de l'acquest, ne son doaire et demourra chargée de la moitié des debtes de tele porcion qu'elle prendra es meubles et es acquests. (Cout. bourg. glosé P.M., c.1380-1400, 92)

Gentil femme qui prend homme coustumier par mariage, les enffans qui d'eux ystront départiront les héritaiges d'elle et y succéderont noblement ; et semblablement les acquestz qu'ilz acquerront ensemble se départiront noblement pour la première foiz, et à tous jours mes coustumièrement. (Cout. instit. Anjou Maine B.-B., t.1, 1411, 490)

Au regard des acquestz et conquestz soient tenuz à foy ou autrement, pour ce que tous acquestz et conquestz sont faiz de bource coustumière, se départent routurièrement avec tous héritaiges tenuz en censive ou à devoir ilz se départiront entre eulx esgalement sans avantaige. (Cout. instit. Anjou Maine B.-B., t.1, 1411, 491)

Les acquestz faiz entre homme et femme durant leur mariage, le sourvivant a droit de les tenir moictié comme son propre héritaige, et l'autre moictié comme usufruit et à viaige. (Cout. instit. Anjou Maine B.-B., t.1, 1411, 505)

Que ainsi entre tous ses acquestz Propres et inmeubles conquestz Qui furent a la trespassee, Je y aye la moitié de relaiz Sans payer ja debte ne laiz, S'il ne me plaist ou il m'agree (Hautev., Conf. Test. am. tresp. B., c.1441-1447, 54)

Nouveaux acquests. Fiefs nouvellement acquis par un roturier ; droit dû au roi et au seigneur par les roturiers qui ont acquis nouvellement des fiefs.

Ce sont les ordonnances faites sur le fait des nouveaulx acquests par monseigneur le duc et son conseil : premierement, doivent enquerir noz procureurs noz fiefs receléz ou alienéz sanz nostre asentement ou de noz devanciers, iceulx saisir et explecter les issues à nostre profit. (Cout. bourg. glosé P.M., c.1380-1400, 93)

...plusieurs Commis sur le fait des nouveaulx acquests ès dits Baillages, ont, soubz umbre de leurs commissions, fait et font de jour en jour plusieurs exploits et executions rigoureuses indüement contre la forme et teneur de nos Instructions sur ce faittes (Ordonn. rois Fr. V.B., t.12, 1403, 213)

...nos Tresoriers qui à present sont, ou aucuns d'eulx, de leur authorité, et sans avoir sur ce aucun especial povoir ou mandement de Nous, ont fait et constitué Commissaires particuliers en plusieurs de nosdits Baillages, Vicontez et Receptes, sur le fait desdits nouveaulx acquests faits tant par Gens d'Eglize, et non admortis, comme des fiefs et choses nobles acquises par non Nobles, lesquels Commissaires ou plusieurs d'eulx ont levé et exigié, et se sont efforciez et efforcent de jour en jour de lever et exigier très-grandes et excessives finances (Ordonn. rois Fr. V.B., t.12, 1404, 217)

Faites comment qu'il soit, s'il lui est riens deu des assignacions qu'il a par delà, tant sur les restes de maistre Mathieu Beauvarlet que sur le receveur des frans fiefz et nouveaux acquestz de Poictou, qu'il soit paié et qu'il n'y ait point de faulte (Lettres Louis XI, V., t.2, 1463, 126)

...les anoblissemens et amortissemens de choses données aux eglises, composicions de frans fiefz et nouvaulx asquestz, dont l'on dist que le dit feu duc de Bourgongne par cy devant a donné aucunes lettres (Hist. dr. munic. E., t.1, 1477, 431)

Noz amez et feaulx, vous savez comme nous vous avons commis et depputez pour besongner avec autres au fait des admortissemens, legitimacions, anoblissemens, francsfiefz, nouveaulx acquestz et autres deniers et finances qui nous sont deues en noz pays de Bourgoigne. (Lettres Ch. VIII, P., t.3, 1491, 185)

Par métonymie. Titre d'achat.

Jugement (...) que dit que plussieurs hoirs vuellent avoir ung heritaige de pairt une femme, pour ce que l'eritaige doit aller a cez hoirs parmei l'acquaist qui en fut fait, que bien le devise ; et li marit la femme [dit qu'il] l'ait muelt a avoir, pour ce que l'argent de quoi il fut achetei muelt d'un don de devise c'on donnont a sa femme, et en fait l'escript mention. Il fut dit que li hoirs avoient bien l'eritaige a avoir. (Jug. maître-échev. Metz S.M.S., t.1, a.1494 [1342], 215)

B. -Gain, profit.

...ce n'est pas m'entente Que de ceens maishuy me parte Pour aquest qu'avoir puisse ou parte. (Mir. mère pape, c.1355, 393)

Prendre aquest de monnoie par monnoie est une maniere de usure, et usure est contre nature (Oresme, Pol. Arist. M., c.1372-1374, 67)

...tant qu'il aviengne (...) que puisse de mon acquest Rendre au juif ce qui sien est (Mir. march. juif, c.1377, 194)

...elle a acheté aucuns biens comme pailes d'arain, escueles et plas d'estain, quant elle y veoit son acquest, et pour en faire son prouffit les a revendus ès hales. (Reg. crim. Chât., II, 1389-1392, 427)

Le Deable fait six commandemens a l'avaricieux : le premier, que il garde tresbien le sien ; le second, qu'il ne le preste sans acquest, ne n'en face bien devant sa mort (Ménagier Paris B.F., c.1392-1394, 34)

Elle ne voulut ne osa la plus demourer, pour acquest qu'elle y feist (C.n.n., c.1456-1467, 195)

Car premièrement, avant qu'il fust nouvelles de lui, il prinst la hardiesse d'aller seul, fors la compaignie de son paige, en guettant et visitant s'il trouveroit aucun peu d'acquest sur ceulx du party contraire. Si alla et vint tant de fois qu'il conquesta les chièvres de la forteresse de Verset. (Bueil, I, 1461-1466, 24)

Vous avés mis corps, chevance et amis Contre ennemis, s'en avés peu d'acquest (Molinet, Faictz Dictz D., 1467-1506, 174)

SATHAN. (...) Ce Nicolas contrepenser Vient tousjours contre mon conquest. Je ne sçay trouver tant d'acquest Que ung arrest Ne soit par Nicolas tout prest. (Mir. st Nic. juif, c.1480-1500, 147)

...ilz n'y peuent trouver acquest. (Sots gard., a.1488, 105)

Sy Dieu n'eust delaissé ledict duc, il n'est pas apparent que il se fust mis en peril pour si peu de chose, veües les offres qui luy avoyent esté faictes, et contre telz gens, où il ne povoit avoir nul acquest ne nulle gloire. (Comm., II, 1489-1491, 105)

Ilz estoyent bien en nombre huyt cens lances, (...) Tous gentilz hommes dignes de grans vaillances Pour tost avoir d'un pays le conquest Sans regarder au gaing ne a l'aquest, Mais aux honneurs et louenges famees (La Vigne, V.N., p.1495, 212)

Chacune personne est haictee Illec parler a son devis, Et n'est meilleur lieu a devis Que l'eglise pour ses quaquetz Tenir, pensant avoir acquetz. (Rivière, Nef folz D., 1497, 269)

Remarque : Dans l'ex. suiv., Peu d'acquest est le nom d'un personnage de farce qui représente le pauvre (d'apr. Éd.) :

Avecques luy ? Je cuideroye Que ce fust trestoute froidure : C'est Peu d'aquest (Path. D., c.1456-1469, 170)

Locution.

Il n'y a point d'acquest en qqn. Il n'y a rien à attendre de cet homme insensible, implacable.

Quant le doloreux fils de roy oyt ceste response si précise et trenchant, et sentoit bien qu'en son bel oncle n'avoit point d'acquest, ains plus tost perte totale de sa personne et absentation pour à tousjours, et que son mot estoit un seau praint en acier, si par avant fut esbay durement et perplex, maintenant le devint mille fois plus (Chastell., Chron. K., t.3, c.1456-1471, 238)

Ne trouver acquest en qqn. Ne rien gagner en s'adressant à lui.

LA FEMME. Table n'avons ne banc tournis, Qui vaille ung estront de chien chié ; De tous biens sommes desgarnis (...). COLIN. (...) J'ay la teste toute ravie Quant vous usez de telz languages. (...) Pour vous fournir à telz bagages En moy ne trouverez aquest. (Colin loue dép. Dieu T., c.1485, 133)

Il n'y a pas grand acquest en qqn. Il n'est pas digne d'intérêt.

S. PIERRE. Vous plairoit il point que j'entrasse, Dame, par vostre courtaisie ? HEDROIT. Rien, rien, vous n'y entrerés mye Si de vous congnoissance n'ay. Desquelz estes vous ! S. PIERRE. Je ne sçay ; En moy n'y a pas grand acquest. (Michel, Myst. Pass. J., 1486, 305)

Remarque : Cf. COTGR. : «Il n'y a point d'acquest en luy. He is but a drie fellow, there is nought to be got by dealing with him».

Ce n'est pas tout acquest. Il n'y a pas que des avantages.

...elle [la vieille] a deposé et confessé que veritablement, en haine et despit de ce qu'elle n'estoit appellee d'aler aux grans chieres, nopces et bancquetz comme les autres, elle, mal meue et de felon couraige, avoit et a dit que ce n'estoit pas tout acqués d'i estre et que, s'elle estoit homme aussy bien qu'elle estoit femme, n'y laisseroit pas de legier aler sa femme ne ses filles (MART. D'AUV., Arrêts Am. R., c.1460-1466, 157)

Fust coust, fust acquest. Que l'on y perde ou que l'on y gagne.

...fut conclu de renvoier les dessusdits commis à Calais arrière pour parfaire ce qui estoit en train, en l'avantage et au gré desdits querelans, fust perte, fust gaigne, fust coust, fust acquest, ne pouvoit chaloir, mais que paix s'en ensievist (Chastell., Chron. K., t.3, c.1456-1471, 339)

Proverbe.

Ou triboul gist souvent l'acquest ! (Mabrien V., 1462, 356)

Au grand fardeau n'est pas l'acquest

JONATAS. Vella Goullias qui se raille De nous, mon amy. DAVID. Taisez vous Avez vous peur ? Dieu est pour nous, Ne soyez de rien esperdus. Gens à l'aulne ne sont vendus : Au grant fardeau n'est pas l'aquest. (Myst. Viel test. R., t.4, c.1450, 128)

Remarque : Cf. COTGR. : «The greatest burthens are not the gainfullest ; or, The goodnesse of a thing rests not in the greatnesse of it.»

Quand l'acquest vient, il le faut prendre. Il faut battre le fer tant qu'il est chaud.

LE VARLET. Attendez ung peu, je me mouche. Vous estes mallement hastif. LE FOSSEIEUR : Il n'est pas temps d'estre tardif : Quant l'aquest vient, il le fault prendre, Et si ne fault rien entreprendre Qu'on n'en vienne a son grant honneur. (Myst. Viel test. R., t.4, c.1450, 352)

C. -Fait d'acquérir [un état, une qualité, une pratique].

1.Fait d'acquérir par son propre mérite [un état, une qualité].

...la grant haultesse ou je suis eslevé ne me vient pas de mon pere, ains vient par acquest et par le vouloir du Dieu de Fortune, qui toute jour m'en menace de retollir (Percef. I, T., c.1450 [c.1340], 148)

2.Fait d'acquérir par exercice, par expérience [une pratique].

Quant chascun des chevalliers lui eut monstré ce qu'il sçavoit en fait de tyrer de l'arbalestre par art et par nature, lui qui mieulx l'avoit retenu par nature que les autres par acquest leur dist... (Percef. IV, R., c.1450 [c.1340], 289)