ACQUISITION

substantif féminin

[T-L : aquisicion ; GDC : aquisition ; AND : acquisition ; FEW (XXIV, 111b) : acquisitio ; TLF (I, 564b) : acquisition]

A. -Fait d'acquérir, d'entrer en possession de qqc..

1.[Ce que l'on acquiert est un bien matériel]

Or me porroit on demander Par prier ou par commander Comment cel oisel pos avoir, Ou franchement ou pour avoir, S'il me fu vendus ou donnez Ou d'aucun droit abandonnez, Et par quel aquisition J'en fui mis en possession. (Mach., D. Aler., a.1349, 344)

...se la ministration dez vivres au commencement est selon nature, ce est raisonnable que appres l'aquisition des vivres soit selon nature. (Oresme, Pol. Arist. M., c.1372-1374, 67)

...aquisition de pecunes faicte par usure est meismement hors nature. (Oresme, Pol. Arist. M., c.1372-1374, 67)

Au regard de la bourgeoisie de ceux de Gand a esté dit et déclaré par iceux ambassadeurs que ceux de Gand, tant au regard de l'acquisition et entretenement de leurs bourgeois et bourgeoises, ils en joyront et useront doresnavant selon le contenu de leurs priviléges et non autrement. (Chastell., Chron. K., t.2, c.1456-1471, 337)

Du Datif cas le Regime se fait Par la force dicte Acquisicion, Car acquerir, qui jamais n'est parfait, Remonstre a tous son imperfection. (Michault, Doctr. temps prés. W., 1466, 100)

[Avec un adj.]

...lequel ycellui procureur disoit et maintenoit estre homme oyseux, vacabond, sanz estat, service de seigneur et sanz ce que il ait richesse, puissance ne chevance qui venue lui soit par succession, loyal acquisicion, etc. (Reg. crim. Chât., II, 1389-1392, 456)

Comment chevaliers fors et seurs De male acquisicion purs Doivent estre et quite et delivre, En parle Vegece ou quint livre De sa chevalerie (Chr. Piz., Chem. estude P., 1402-1403, 188)

DROIT

...on avoit seellé et publié à Paris certaines royaulz ordenances touchans les aquisicions et amortissemens des rentes et heritages de l'Eglise (Fauq., III, 1431-1435, 66)

...quant ilz feront ladicte acquisicion, ilz seront tenus et promisdrent fere mectre en leurs lectres que l'argent est venu des deniers des XXXVI s. IIIJ d. de rente (Rouen temps Jeanne d'Arc L., 1433, 261)

...les quintz deniers, lotz et ventes et autres prouffitz, montans cinq mil [escus] de l'acquision que avoit faicte ledit grant maistre d'une terre et seigneurie qu'il avoit acquise... (Le Clerc, Interp. Roye, c.1502, 376)

Lettres d'acquisition

...supposé ores que les lettres qui ont esté faictes desdictes acquisicions soient ou nom et au prouffit dudit Jehan Marcel (Rouen temps Jeanne d'Arc L., 1420, 17)

...et aussi rendi et bailla presentement audit Mombray les lettres de l'acquisicion desdictes vignes (Rouen temps Jeanne d'Arc L., 1427, 110)

...le tout selon la fourme et teneur des lettres d'acquisicion sur ce faictes (Rouen temps Jeanne d'Arc L., 1442, 358)

Par plaisanterie. [À propos d'un sentiment, d'une pers.]

Et disoit le dit demandeur que nulle amour ne peust tenir par acquisicion aucuns biens d'amours ne faire fondation de rente ou revenue se elle n'est deuement amortie (MART. D'AUV., Arrêts Am. R., c.1460-1466, 31)

Or disoit le dit deffendeur que proprement ce n'estoit point acquisicion perpetuelle, mais estoit seulement une pension viagiere faicte de la voulenté et union des deux cueurs par aliance d'amitié (MART. D'AUV., Arrêts Am. R., c.1460-1466, 32)

Et dict la Rusee en effect, Pour monstrer son intention, Que passé a lonc temps elle est En tresbonne possession De cest amy, de ce Mignon, Et que a certain et juste tiltre Elle en a l'acquisition, Comme il appert par son registre. (Coquill., Oeuvres F., 1478-p.1494, 26)

Conquête.

...nostre sainte Chevalerie principaument est dediee en l'observance, dessencion et multiplication de la sainte foy catholique, en renouvellant la sainte Passion du doulz Jhesu, pour l'acquisition de la Terre Sainte et destruction dez barbariens et anemis de la foy (Mézières, Sustance H., 1396, 61)

Item, et, s'il advenoit que aucune ville, chasteau ou place, durans lesdis .IIII. mois, fut par emblée prise ou aultrement sur le roy de France, de present estant sur son obeissance, par l'archiduc ou son commis, ledit roy de France leur porra bien faire la guerre et y mettre siège et mener guerre gueriable, et n'y porroyent les Anglèz aucunement donner secours, puis qu'elle seroit, aprèz le jour de cestedicte paix, gaignée et de nouvelle acquisition. (Molinet, Chron. D.J., t.2, 1474-1506, 335)

2.[Ce qui est acquis est un bien non matériel]

a)[Un bien moral ou intellectuel]

Car vertus sont dons que Dieus donne A homme qui a bien s'ordonne, Et viennent d'acquisition Faite en bonne condition Par armes ou par grant estude (Mach., C. ami, 1357, 69)

Quel cause dont d'avoir pacience peult estre plus honneste ou plus proffitable que l'acquisition de pacienche ou de vertus ? (Daudin, De la erudition H., c.1360-1380, 197)

La tierche leesse est de l'acquisition de justice ou de sapienche, desquelles l'une et l'autre a inestimable plaissir, dont dist Macrobe : 'Cheux qui passent leurs doleurs et travaux en dissimulant, par le benefiche de pacienche ilz parviennent a tres grant plaissir'. (Daudin, De la erudition H., c.1360-1380, 209)

Donques les vertuz ne sont pas en nous de nature, ne aussi ne sont elles pas en nous hors nature ne contre nature, mais nous sommes naturelment néz et ordenéz a les recevoir ; et l'acquisicion et perfeccion de elles est en nous acomplie par bonne acoustumance. (Oresme, E.A., c.1370, 147)

Aprés il monstre que synesie n'est pas acquisicion de prudence. (Oresme, E.A.C., c.1370, 351)

Vous sçavez bien, mes seurs, qu'il estoit George Qui fait estoit en nostre belle forge, Clair et luysant par acquisicion De science qui s'y bat et s'y forge. (Robertet, Oeuvres Z., c.1450-1500, 170)

Les vertus ne se puent avoir par maniere d'acquisition, mais par maniere de reception (Lettre dir. spirit., c.1450-1500, fº 225 vº)

Pluiseurs personnes sont quy (...) refusent souvent aultres euvres (...) pour plus vacquier a oroison et contemplacion, par le desir de tele consolation plus que pour la gloire et honneur de Dieu ou pour acquisition de vertus. (Traité S. Sacr. B., c.1450-1500, 156)

...car on ne peut avoir les vertus par maniere d'acquisition ou d'acqueste, mais par maniere de recepte ou de reception (Somme abr., c.1477-1481, fº 100 vº)

b)[Une propriété phys., une capacité]

Et posé que delectacion soit faite et acquise partie aprés autre, si ne s'ensuit il pas que elle soit isnele ou tardive, mais l'acquisicion de elle est isnele, etc. Aussi comme nous ne dison pas que chaleur soit isnele, mais l'acquisicion de chaleur est isnele. (Oresme, E.A.C., c.1370, 501)

Or avon donques premierement que delectacion n'est pas mouvement, et est a entendre de mouvement proprement dit lequel est acquisicion d'un espece ou d'autre chose partie aprés partie, si comme ambulacion ou calefaccion. (Oresme, E.A.C., c.1370, 506)

[P. oppos. à de nature, par nature] Par acquisition :

...tous ceulx qui ont communement, soit par nature ou par aucune acquisicion, d'aucune maniere de male complexion froide ou moiste, que telz corps sont pou pleuretiques, c'est a dire qu'ilz encourent ou sont pou malades de pleuresie. (Saint-gille, Comment. A.Y. L., 1362-1365, 186)

...aucun peut estre graz ou mesgre par acquisicion, non par nature (Saint-gille, Comment. A.Y. L., 1362-1365, 223)

Tiercement note que sourd de nature sont mueaux, car parolle est en nous par acquisicion et pour ce dit on que l'oye, c'est la porte de l'entendement (Gordon, Prat., c.1450-1500, III, 9)

B. -Bien acquis.

...toutes lesdictes acquisicions appartiennent audit Cuer et non pas ausdiz Vulquin Grignon et Vigenere (Aff. Jacques Coeur M., 1453-1457, 436)