PREBENDE

substantif féminin

[T-L : prebende ; GDC : prebende ; FEW (IX, 277b) : praebenda ; TLF (XIII, 1002a) : prébende]

A. -Ration de nourriture.

...et toutesfoiz, combien que l'asne qui de sa nature est aucunesfoiz rebelle et batif, et par son maistre souvent batuz et rebatuz, pourtant ne lui tollist il pas sa prebende, car qui a l'asne sa prebende osteroit, le blef au moulin plus porter ne pourroit, ne serviroit plus a son maistre. (Mézières, Songe vieil pèl. C., t.1, c.1386-1389, 529-530)

B. -Revenu ecclésiastique attaché à la dignité de chanoine et provenant du partage de la mense capitulaire, bénéfice attaché à une église cathédrale ou collégiale.

Le XIIIIe jour seellé la collacion d'une prebende en l'esglise Saint Martin de Angiers pour un nommé Jehan d'Anjou, vacant par la resignacion de messire Guillaume d'Oultreliauue (Le Fèvre, Journ. M., c.1380-1390, 441)

... [deux des premiers bénéfices de son choix] pour les donner et en faire la présentacion par ycelle de Bar, à quelque personne qu'il lui plaira, soient dignités, cures, prébendes ou autres, comme qu'ils soient nommés. (Cartul. Laval B., t.2, 1385, 325)

C'estadire quant les sacremens de Sainte Eglise sont venduz ou achetez, ou les prebendes des eglises. (Ménagier Paris B.F., c.1392-1394, 34)

Maistre N. d'Orgemont et G. Ponce, conseillers du Roy, ont esté commiz par les presidens et aucuns seigneurs de ceans à gouverner la chose contencieuse entre l'evesque du Puy, d'une part, et le chapitre dudit lieu, d'autre part, sur le fait de la collation des prebendes du Puy (Baye, I, 1400-1410, 244)

...ledit maistre Clement sera maintenu et gardé en possession et saisine de la chanoinie et prebende d'Amiens (Fauq., I, 1417-1420, 379)

À Jehan Charruet, clerc de la chapelle de mondit seigneur, la somme de trente frans monnoye royal, que mondit seigneur lui a donné de sa grace especial pour soy aidier à paier certains despens qui lui convenoit faire et soustenir pour la recepcion de la prebende et chanesie de Lens que mondit seigneur lui avoit lors nouvellement conferé (Comptes Etat bourg. M.F., t.1, 1420, 355)

...pour ce qu'il s'atendoit que ledit Cotin deust accepter ladicte prebende qui lui avoit esté offerte et presentée par ledit evesque par pluiseurs fois (Fauq., II, 1421-1430, 23)

Mes seignieur, il est verité Qu'il est vacant une chanonie Et une prebende assés bonne. (Myst. st Bern. Menth. L., c.1450, 79)

...nous avons nagueres donné à (...) Jehan Beaufilz, sommelier ordinaire de nostredicte chappelle, la chantrerie et prebande de la Saincte Chapelle de nostre palais de Bourges (Lettres Louis XI, V., t.4, 1469-1472, 301)

...nous avons sceu que certain procés est pendant par devant vous pour raison des chanoinie et prebende de Saint Germain de l'Auxerrois (Lettres Ch. VIII, P., t.4, 1494-1495, 211)

[Dans un cont. métaph.]

Donnez nous, par vostre intercession, plaine indulgence de peine et de coulpe. Ottroiez nous certaine expectacion aux riches prebendes de la grant Eglise de paradis. (Gers., P. Paul, a.1394, 492)

C. -Par extension. Revenu, richesse.

S'ilz n'ont prebende ou advantage, Trop sont leurs despens sumptueux : Ilz leur fault robes d'escureux, Housses, menteaulx fourrez de gris Et de menu vair, je te dis, Et de fin cendal pour esté, Livres qui n'ont pas pou cousté, Vivres, maison, gens et estude (Desch., M.M., c.1385-1403, 71)

Elle appaisa la grant discorde Des barons françois vil et orde, Qu'ilz avoient de gouverner Non pas pour bien, mais pour regner, Car chascuns tenoit une bende, Chascuns vouloit avoir prebende Et tenir le royaume en bail : Le roy n'ot adonc soustenail, Qui estoit d'environ cinq ans, Fors sa mere qui fut engrans Du garder comme son vray fil (Desch., M.M., c.1385-1403, 304)

SATHAN. Roy Luciffer, dÿabolique face, Hure hideuse, ridee, renfroignee, Troigne puante, orde et laide grymace, Filz de putain, villain faict a poignee, Nostre prebende est maintenant roignee. (La Vigne, S.M., 1496, 367)