ENTREPRISE

substantif féminin

[T-L : entreprise ; GD : entreprise ; GDC : entreprise ; AND : entreprise ; FEW (IX, 349b) : prehendere ; TLF (VII, 1246b) : entreprise]

I. -[Correspond à entreprendre II]

A. -Action concertée se proposant un certain but, ce que l'on entreprend de faire, projet.

1.Projet, action.

...pour ce que le peril avoit esté si grant par la temerité et oultrageuse entreprise de venir devant Paris par lesdis Armighas (Baye, II, 1411-1417, 86)

Or le laissez venir, dist le mary ; il ne fist jamais si folle entreprise (C.n.n., c.1456-1467, 49)

Le bon et sage seigneur, voyant son entreprinse estre bien achevée, print congé (C.n.n., c.1456-1467, 579)

...et leur fit faire serment, puis leur declaira l'entreprise et leur dist : 'Vous vous en irez le plus secretement que vous pourrez, et gardez que vous eschevez tous les grans chemins et tous les carrefours...' (Bueil, II, 1461-1466, 124)

Tout mon entreprinse retraire Fait ce faulx mastin Nicolas. (Mir. st Nic. juif, c.1480-1500, 104)

SATHAN. (...) Mais, soit ou d'estoc ou de taille, Je feray a tel paillardaille Des griefz tant qu'ilz tresbucheront Et qu'en la fin dampnéz seront. Venez, dyables, m'aÿder A mon entreprinse Pour remedier. (Mir. st Nic. juif, c.1480-1500, 107)

RAPHAEL. Achevons donc nostre entreprise [l'enterrement de saint Quentin] Affin que de cy ne part. (Molinet, Myst. st Quentin C., c.1482, 327)

DOYEN. Je m'y en voys legierement Pour mectre a fin nostre entreprise. BAILLIF. Faictes vostre cas seurement. (La Vigne, S.M., 1496, 403)

Proverbe. Tant tarde on que fault l'entreprise

Tant tarde on que fault l'entreprise (Villon, Poèmes variés R.H., c.1456-1463, 52)

Entreprise + adj. qualificatif péj. Agissement, action (de telle nature).

...et vous a on rapporté que nous estions consentans de la mauvaistié que Glaude de Sion, qui estoit nostre cousin, vouloit et avoit commencié a faire devers nostre droit seigneur naturel monseigneur vostre pere. Dont, sire, il est bien verité que Glaude, avant qu'il eust fait ceste fole entreprise ne encommencié, nous assembla et nous dist : Beaulx seigneurs, vous estes tous de mon lignaige, et je du vostre ; c'est bien raisons que nous nous entramons comme cousins et amis. (Arras, c.1392-1393, 210)

...quant ilz vous auront privé de l'usaige et du fruit d'icelle [science de l'astrologie], vous ne puissiez plus estre adverty des faulses et perverses entreprinses, qui contre vous ou vostre royaume se pourroient bien faire ou machiner (Simon De Phares, Astrol., c.1494-1498, f° 5 r°)

...et fut celui qui descouvrit l'entreprise desloyalle que aucuns seigneurs d'Angleterre traictoient tradicieuseuent contre le roy Richard (Simon De Phares, Astrol., c.1494-1498, f° 143 v°)

Soctes sans nul entendement, Sottes qui point d'advisement N'ont en leurs soctes entreprinses, LE SECOND. Soctes soctans vous estes prinses, Sottes [asottees] sottement, Je suis sot, pourtant, se je mens, Sotie me doibt pardonner. (Feste roys, c.1475-1500, 306)

LE PREMIER. De folle entreprise, De femme requise, Ne vient que mechief. (Rapp., c.1480, 70)

2.Par métonymie. Initiative.

a)Entreprise de commencer. Esprit d'initiative' (Éd.).

...[l'auteur remercie Dieu pour trois grâces] l'une est la grace de la volenté et l'entrepris de comencer ; l'autre est la grace et la continuance de l'enoevre ; la tierce si est grace de l'espace de vie tantqe a le complisement et la fyn de cest escrit (Henri Lanc., Seyntz medicines A., 1354, 240)

Remarque : AND, s.v. entreprise.

À/par l'entreprise de qqn. À l'initiative de qqn.

...deux cens hommes d'armes ou environ, entre une et deux heures après mynuit, entrerent en la ville de Paris par la porte Saint Germain des Prés, que aucuns jusques au nombre de IX ou X personnes de petit estat à l'entreprinse dudit sire de l'Isle Adam avoient secretement ouverte (Fauq., I, 1417-1420, 126)

Lesquelz de Bourgongne et bourgois avoient esté et estoient moult desplaisans de ce qui estoit nagaires avenu à Paris durant lesdictes commocions es jours dessusdiz par le fait et entreprinse du menu peuple de Paris (Fauq., I, 1417-1420, 158)

EVE. He, beau sire, a mon entreprinse Essayez en, mon chier mary ! Ja n'en aurez le cueur marry. Le serpent m'a dit pour le mieulx Que nous serons comme deux dieux, Saichans bien et mal : c'est grant chose ! (Gréban, Pass. J., c.1450, 19)

Premièrement, il vous deffent que ne faciez riens à l'entreprise de vostre ennemy. (Bueil, II, 1461-1466, 32)

b)Proverbe. On ne doit rien faire à l'entreprise de son ennemi. On ne doit rien faire qui soit voulu par l'ennemi.

...et leur direz ainsi qu'il y a ung proverbe commun, que chacun dit de toute ancienneté, que on ne doit riens faire à l'entreprise de son ennemy. (Bueil, I, 1461-1466, 210)

c)[D'une pers./d'une chose] (Estre) de + adj. laudatif ou péjoratif + entreprise

[D'une chose] Estre de mauvaise entreprise. Être l'effet d'un mauvais projet.

...souvent l'intention de l'homme est fructueuse et rendant salut, là où ce qui appert par dehors semble estre corrosif et de mauvaise entreprise (Chastell., Chron. K., t.4, c.1456-1471, 12)

[D'une pers.] (Estre) de grande/haute entreprise

Avoir un projet, une mission importants.

Il est plus sainct que Jeremie Et plus sage que Salomon, Plus juste que Enoch ou Helye Plus puissant que le fort Sanson (...) Plus digne que l'evesque Aaron Et de trop plus haulte entreprise. (Michel, Myst. Pass. J., 1486, 94)

Audacieux, hardi.

Je vous demande ung autre cas. Mignonne de haulte entreprise Qui porte les devises a tas, Lettres, couleurs de mainte guise, Peult estre qu'elle a nom Denise, Et son mary Jehan ou Thibault, Et neantmoins pour sa devise Porte une M qui faict Michault. (Coquill., Oeuvres F., 1478-p.1494, 18)

En particulier. [D'un chevalier] Qui manifeste une grande capacité de prouesse, d'initiative.

Et (...) arriva au palais ung moult preux et vaillant chivalier et de tresgrant entreprise qui se appelloit Othon (Rambaux Frise S., c.1450-1475, 55)

Entreprise de + inf. Projet de.

...afin de resister à l'entreprinse que font le Connestable de France et Joachin Rouaul à tout grant nombre de gens de guerre de passer par les Duchié et Conté de Bourgoingne pour aler à Montbeliart (Ecorch. Ch. VII, T., 1445, 45)

Et, le XVIe jour d'icellui moys d'octobre, advint qu'on advertit le roy qu'il y avoit entreprise faicte sur sa personne par aucuns ses ennemis de le prendre ou tuer dedens ladicte ville (Roye, Chron. scand., I, 1460-1483, 131)

...et, puisque ainsi estoit que l'entreprinse et pourparlée de prandre le roy à Molusson estoit rompue et n'avoit été executée, il convenoit de faire et penser autre chose. (Le Clerc, Interp. Roye, c.1502, 187)

B. -En particulier.

1.Opération, campagne militaire, attaque armée, offensive.

Or prions Dieu qu'il le convoie. Qu'onques mais si grant entreprise De tant de gens ne fu emprise. (Mach., P. Alex., p.1369, 59)

...par iceulx chevaliers fu tesmoignié, et par leurs seremens, que au temps qu'ilz ont esté oudit pays de Limosin, ès frontieres dudit pays, pour deffendre icellui et resister à la male entreprinse dudit Merigot, (...) icellui Merigot tousjours a esté pourveu et avitaillié de vivres par aucunes gens du pays (Reg. crim. Chât., II, 1389-1392, 202)

...il a esté sur la mer et en garnison (...) en nostre pays de Normandie, pour aidier à résister à l'entreprinse de noz ennemis. (Ch. VI, D., t.2, 1418, 69)

Et aprés ce qu'il eust conclud, fut illec la dame, que l'on cuidoit estre d'Allemaine, tresgrandement blasmee et mesprisee, et fut l'amant de sa bataille et entreprinse tres grandement loez, et de ceste belle nouvelle fut la joye illec si grande que a peine s'en pouoit on departir ne cesser de rire. (La Sale, J.S., 1456, 304)

Comment, Lancelot ! Fremmes tu les portes sur les talons du roy, et lesses ses gens dehors enmy les champs ? Que penses tu (...) ? Il sembleroit a ce veoir fere ainsi que tu eussez quelque malvaise intention (...) et que tu ayez quelque entreprinse sur main (Chastell., Chron. IV, D., c.1461-1472, 84)

Il est tout notoire que monsieur le conestable, que Dieu absoille, et monsieur de Dunois estoient chiefz commis et ordonnéz de par le roy pour le fait de l'entreprinse qui fu faite pour ladicte cause [réduction de la ville de Paris au roi de France] , et en leur compagnie estoient pluseurs aultres notables seigneurs, capitaines, chiefz de guerre en grant nombre, et puissance des gens d'armes jusques au nombre de quatre ou cinq mil combattans ou plus au despens du roy (Chastell., Chron. IV, D., c.1461-1472, 198)

Sa creance estoit fondée sur le desir que le roy avoit de long temps d'avoir bonne amytié avecques luy et que les deux royaulmes peüssent vivre en paix et que jamais, depuis qu'il avoit esté roy de France, il n'avoit fait guerre ne entreprise contre le roy ny le royaulme d'Angleterre, s'excusant de ce que autresfois avoit recueilly monsr de Warvic, disant que ce n'avoit esté seulement que contre le duc de Bourgongne et non point contre luy. (Comm., II, 1489-1491, 43)

Cestui fut grant familier de Licius, lequel il advertit de faire la grande armée de huit cent mil hommes armés, pour resister à l'entreprinse des François, qui venoient contre lui. (Simon De Phares, Astrol., c.1494-1498, f° 62 v°)

Si eut une damoiselle de Dinan en son escolle, nommée Thiphaine Raguenel, qui puis fut femme messire Bertrand du Guesclin, au moïen d'une predicion qu'elle fist de sa victoire que eut et si bien le conduit qu'il fut connestable de France et acheva de moult haultes entreprinses en son temps et tant qui est estymé, et mis ou nombre des preux. (Simon De Phares, Astrol., c.1494-1498, f° 140 v°)

2.Attaque, assaut (dans un tournoi, lors d'une campagne militaire, d'une chasse...).

...Mais la beste, qui fut de grant corsage, Ouÿt les chiens qui, de plusseurs façons, En la forest faisoient de divers sons ; Tantost se mist hors de mon entreprinse, Et autre a la prendre, passons ! Je l'ay chassee et ung autre l'a prinse. (Au grey d'amours F.-H., c.1400-1500, 275)

Quant les deux chevaliers veirent qu'il leur convenoit morir ou eulx deffendre plus vaillamment que raison naturelle n'enseignoit, ilz commencerent a ferir sy asprement sus les huit chevaliers que a la premiere entreprise ilz en occirent les deux. (Percef. III, R., t.1, c.1450 [c.1340], 164)

Action militaire, attaque, assaut (prévus dans une campagne).

Je vous dy que en guerre les entreprises se doivent bien debatre à l'ostel froidement et à loisir et promptement executer aux champs. (Bueil, II, 1461-1466, 217)

Action militaire (laissée à l'initiative d'aventuriers).

Mais, s'il y a aucuns petitz compaignons qui veullent faire des entreprises et serchier leur avantaige et aller à leurs avantures, comme avantureurs font, par toutes les voies qu'ilz pourront grever leurs ennemyz, à leurs perilz et fortunes, vous leur en laisserez faire (Bueil, II, 1461-1466, 218)

[P. oppos. à defense]

En honneur à prince sont faiz de chevalerie, tant en ce qui touche les entreprendre comme en la deffence de son pays et de ses propres terres, de la quelle chose, si que chascun scet, est plus licite la deffence que l'entreprise, comme l'une soit de Dieu et l'autre de voulenté, mais neantmoins en toutes .IJ. sont congneues les propretéz de hault courage, car ne fait pas moins à prisier cellui qui bien deffent que cellui qui bien envaist, mais que telz choses par especial doient estre menées par le conseil des expers. (Chr. Piz., Paix W., 1412-1413, 107)

Fait d'armes, exploit, prouesse.

Si qu'il estoient si vassaus Es batailles et es assaus, Si hardi, si entreprenant, Si viguereus, si avenant Et si fier en trés tous fais d'armes Que les nouveles a leurs dames De leurs entreprises [var. entreprinse] venoient, Dont assés plus chier les tenoient. (Mach., D. Lyon, 1342, 207)

...et y eut autant de belles proesses, hardies entreprises et belles rescousses faittes que fist oncques Rolant ne Olivier (Le Bel, Chron. V.D., t.2, 1358-1360, 128)

Mais afin que de ce fussent bien infourméz et le bien ne fust oublié, on mectoit par escript les voyages, les entreprises, les fais d'armes, et toutes les vaillances dignes de memoire que y faisoit un chascun. (Chr. Piz., Paix W., 1412-1413, 101)

Et, se aucun oultre l'ordonnance et deffence de son chevetain faisoit aucune entreprise, combien qu'il en venist au-dessus, encores estoit-il estroictement pugny pour la desobéissance. (Bueil, II, 1461-1466, 13)

Et à chascune fois portoit ung sac plain de poudre à canon, laquelle il espandit et [ung nommé Bellot] semit sur ledit pont de claies, et d'icelle feist une trainnée jusques à laditte breche, en quoy faisant il se mist en très grant dangier ; mais neantmointz paracheva son entreprinse ainsi qu'il luy avoit esté enchargé. (Le Clerc, Interp. Roye, c.1502, 291)

II. -[Correspond à entreprendre II ; idée de prendre, de saisir]

A. -Entreprise (d'une place)/sur (une place). Tentative pour s'emparer (d'une place).

...La Hire et un nommé Potton de Sainte-Traille (...) firent entreprise sur la ville de Crespy en Lannois, et de fait la prirent d'eschelle dressée par nuyt (Chastell., Chron. K., t.1, c.1456-1471, 90)

L'an mil IIIIcLXXIII, environ la fin d'avril, advint que le roy d'Arragon fist entreprinse sur la ville de Parpeignen et la print sur monseigneur du Lau, qui en avoit la garde et la charge, mais le chasteau demoura au roy et à ceulx qui dedens estoient. (Roye, Chron. scand., I, 1460-1483, 296)

...et ne seront faiz par ceulx de l'ung party sur l'aultre, de quelque estat qu'ilz soient, aucuns explois de guerre, prinses ou entreprinses de villes, citez, chasteaulx, forteresses ou places tenues ou estans ès pays et obeissance de l'ung ou de l'aultre, quelque part qu'elles soient situées ou assises (La Marche, Mém., III, c.1470, 216-217)

...nous envoyons presentement par delà (...) le bailli de Lyon, et (...) Charles de Lissayre, pour une matiere qu'ilz vous diront, qui touche le bien de nous et de nostre ville de Lyon, sur laquelle sommes advertiz qu'il y a entreprinse. (Lettres Louis XI, V., t.3, 1468, 201)

Par métonymie. Résultat d'une attaque (sur un édifice).

'Sire, or poués vous veoir le remanant du plus beau palais qui fust en la Grant Bretaigne, ou tant de bonne chevalerie repairoit pour la bonté et la valeur du tres gentil prince le roy Perceforest.' Moult regarda a grant merveilles le preu Ourseau l'entreprinse du Francq Palais et moult le plaindy, et sceut mauvais gré aux Rommains que ainsi l'avoient destruit. (Percef. IV, R., c.1450 [c.1340], 920)

B. -Entreprise (contre/en l'encontre de qqn/qqc./au dommage/prejudice de qqn). Attaque, atteinte, acte ou mesure hostile contre qqn/qqc., empiètement.

...comme il fust venu à nos congnoissances les maieur, eschevins, habitans et communauté, subges [l. subgés] de nous contesse, en nostre ville d'Arras, avoir faites et commises et vouloir s'efforchier de faire et commettre pluiseurs desobeissances, mesusances et entreprinses en l'encontre de nous contesse (Hist. dr. munic. E., t.1, 1379, 405)

Comme le roy de Castelle ait par ses messages et ambaxateurs prié et requis au Roy nostredit seigneur, que pour résister à la male voulente [l. voulenté] et entreprise du duc de Lancastre (Ch. VI, D., t.1, 1387, 76)

...ledit mareschal mectra paine de retraire ledit messire Remon d'aucunes entreprinses qu'il pourroit faire au dommage du Pappe et de l'Eglise (Ch. VI, D., t.1, 1388, 96)

...pour les abuz et entreprises qui, à Paris et en la viconté de Paris, sont fait par pluseurs de la court ecclesiastique de l'evesque de Paris, ou prejudice du Roy et de ses subgiez (Baye, I, 1400-1410, 144)

Et si condempne ledit duc à remettre en estat les neuvelletez et entreprises faictes audit lieu de Nuefchastel contre l'arrest pronuncié en Parlement contre icellui duc (Baye, II, 1411-1417, 77)

...faire cesser de cy à IIJ sepmainnes les excomuniemens publiés, passé a demi an, contre les ducs d'Orleans, de Bourbon, les contes d'Alençon, d'Armignac et autres, pour les entreprises et desobeyssances par eulx faictes ou prejudice du Roy et de son royaume (Baye, II, 1411-1417, 81)

...pour certeinnes entreprises faictes par sa jurisdition ecclesiastique ou prejudice de la jurisdition temporelle, comme l'en disoit. (Baye, II, 1411-1417, 214)

Et neantmoins ceulz de l'Empire, en attemptant contre les procès pendans ceans, leur font des empeschemens et entreprises et les font appeller et aler souvent devant les maistres des monnoies. (Fauq., II, 1421-1430, 225)

...en quoy lesdis greffiers ont fait nouvelleté et entreprise contre l'usage, stile et commune observance de la Court (Fauq., III, 1431-1435, 2)

...ce sont abus et entreprinses contre la jurisdiction temporelle (Juv. Urs., Verba, 1452, 372)

Les dits heritiers demandeurs disoient au contraire Que en ceste matiere estoit question de sauvegarde Et entreprises faictes sur les droitz d'Amours (MART. D'AUV., Arrêts Am. R., c.1460-1466, 153)

Et pour ce c'estoit une vraye entreprise contre la justice laye qui se devoit reparer par une trés grande et merveilleuse pugnicion (MART. D'AUV., Arrêts Am. R., c.1460-1466, 163)

...les inquisiteurs de la foy et les mendians font plusieurs entreprinses contre les gens d'esglise et leur jurisdiction (Juv. Urs., Verba, 1452, 385)

...pour obvier aux mauvaises et dampnables entreprinses et voyes de fait d'aucuns des seigneurs de nostre sang (Cartul. Laval B., t.3, 1465, 203)

Faire entreprise sur qqn. Porter atteinte aux droits de quelqu'un.

Toute joye est de nous exempte Puisqu'on faict sur nous entreprinse. (Myst. Pass. Troyes B., a.1482, 288)

Remarque : Le passage corresp. ds GREBAN, Pass. J., c.1450, 86, se présente ainsi : Puisque ame fait sur nous emprise.

C. -Prise réciproque (au sens amoureux).

Que voulez vous que j'en devise, Mon gorgïas et mon mignon ? Je ne sçay se la suis ou non, Car oncques mais n'en fus requise. Et qui plus est, point je n'y vise. Pour quoy doncques m'en parlë on ? Que voulez vous que j'en devise, Mon gorgïas et mon mignon ? Quant ce vendra, a l'entreprise, Noble suis d'armë et de nom, Assez pour garder mon renom En sa liberté et franchise. (Au grey d'amours F.-H., c.1400-1500, 229)