EXPEDITION

substantif féminin

[T-L : expedicïon ; GD : expedition ; GDC : expedicion ; AND : expedicion ; FEW (III, 307a) : expeditio ; TLF (VIII, 468a) : expédition]

A. -Fait d'être délivré, libéré.

1.Délivrance, fin d'une présence importune.

...mais du grand desir que Madame avoit de son expedicion et qu'il s'en fust alez, onques ne lui demanda du roy, de seigneur ne de dame de la court, mais lui dist tantost : 'Adieu, maistre Julien.' (La Sale, J.S., 1456, 261)

2.Délivrance par un chevalier qui relève le défi.

'...et pour ce faire il vient en ce roiaume tout premiers en la court de ce tresnoble roy, ou il sera un mois entier, actendant sa delivrance par un chevalier ou escuier tel que j'ai dit, et ou cas qu'il ne le trouvera cy, il yra semblablement a la court du roy de Navarre, puis au roy de Castille, et puis de Portugal, a chascune court demeurer un mois se il ne treuve son expedicion ainsin que j'ay dit.' (La Sale, J.S., 1456, 102)

3.Action de se délivrer de qqn en le mettant à mort.

HERODIADES. Faictes en expedicion [de Jean Baptiste] , Comment qu'il en doye advenir. Il me vuelt de vous forbanir, Toujours me blasme et vitupere Et vous (Gréban, Pass. J., c.1450, 162)

B. -Fait de s'acquitter de qqc., de s'occuper de qqc., exécution, entreprise.

1.Action d'exécuter, de conclure qqc. (un travail, un marché, une affaire).

Il voloient aviser et regarder li un parmi l'aultre comment il se maintenroient de ceste guerre où il s'estoient bouté. Et pour avoir certainne expedition, il ordonnèrent un grant parlement à estre en le ditte ville de Brousselles. (Froiss., Chron. L., I, c.1375-1400, 184)

'Et pour ce que vostre fait demande hastieve expedition, et que veci la saison qu'il fait bon guerroiier, mon biau cousin de Lancastre est sus les frontières de Bretagne. Je li escrirai et manderai especialment que, à tout ce qu'il a de gens, il se traie devers vous...' (Froiss., Chron. L., IV, c.1375-1400, 185)

Ce jour, maistre Jehan Rapiout a prins congié de la Court pour aler hors, à l'expedicion de certaines besoingnes touchans le Roy, et par l'ordonnance des gens du Grant Conseil. (Fauq., I, 1417-1420, 187)

...ledit Caillat retourna audit lieu de Rouen et dist audit qui parle que ledit de Varie lui envoit pour faire l'expédicion et despesche desdictes laynes, lequel Caillat en vendit et trocqua à draps (Aff. Jacques Coeur M., 1453-1457, 512)

Ledict roy Loys, qui de tout temps avoit blasmé ceste façon, print tant à cueur que à merveilles ce que on l'avoit tenu par force, et en faisoit plus de semblant qu'il ne luy tenoit au cueur, car le principal fons de ceste matière estoit de peur qu'on ne le voulsist maistrier, et entre autres choses en expedicion de ses affaires et matières, soubz couleur de dire que son sens ne fust pas bon. (Comm., II, 1489-1491, 283)

Exécution (d'une petite opération chirurgicale).

JOSEPH. Pour faire ent l'expedicion [de la circoncision] , Signeurs, l'enfançonnet prene ; Icy doulcement le tenez tandis que je l'abregeray. (Gréban, Pass. J., c.1450, 82)

Réalisation (d'une demande).

La pluie signifie l'expedicion et la misericorde des demandes. (Expos. songes B., 1396, 186)

En particulier. [À propos des oeuvres, des desseins de Dieu] Exécution, agencement.

Vrays Dieux, comment sont les merveilles que tu as laissiees ca jus en la vertu de ta chamberiere nature, merveilleuses et diverses en leur expedicion, se tu n'y espandoies ta grace divine, et especialment de ceste merveilleuse aventure que je voy ou cours des estoilles que tu as lassus assises dès le commencement du ciel, par haulte science d'astronomie dont tu m'as presté une des branches, de quoy je te doy louer de cuer parfait (Arras, c.1392-1393, 19)

Faire brieve expedition. Agir rapidement.

...et pourtant plus activement que en opportunité ne me fut, en briefté contraint fuz de abregier et consumer ceste oeuvre et faire briefve expedition. (Crap., Cur Deus, De arrha B.H., c.1450-1460, 161)

Pour (breve) expedition. Bref.

De Franc Motif, pour expedicion, Le cuer gentil, c'est sa peticion, Par Hault Desir qui l'embrase et enflame, Prent a monter grant delectacion. (Taillev., Psaut. vil. D., a.1440, 120)

Pour brefve expedicion, Messeigneurs, puis qu'il vous plaist, Dire vueil mon intencion Et ce qu'il me semble qu'il est. (Myst. siège Orléans H., c.1480-1500, 98)

Et, en effet, pour plus briefve expedition, commença a tuer ses brebis [un berger qui n'a pas de quoi les nourrir pour l'hiver] , des chairs desquelles il vivoit, luy et sa famille. (Tardif, Apologues R., c.1493-1498, 80)

2.Fait de s'acquitter d'une entreprise guerrière ; campagne militaire, croisade.

Et le frere de la sainte Chevalerie aura es expedetions, c'est en la guerre, trois chevaus ou IIII, selonc ce qu'il sera vertueus, et III personnes, dont l'une ou les deux seront combatans. (Mézières, Sustance H., 1396, 87)

...sur certeinnes lettres closes envoiées par monseigneur le duc d'Orleans qui estoit en expedition publique en Guienne, et tenoit le siege devant Bourc près de Bordeaux (Baye, I, 1400-1410, 182)

Ceste procession pour la prosperité du royaume, où il a grans divisions et guerres, et aussy pour la prosperité et santé du Roy nostre Sire, qui, accompaignié de son ainsné filz et du duc de Bourgoigne, est en expedition ou païz de Berry, comme l'en dit, contre le duc de Berry, son oncle, les duc d'Orleans, son filz et nepveu, conte de Vertus, son nepveu et frere dudit d'Orleans, le duc de Bourbon, son cousin germain, le conte d'Alençon, le conte d'Armignac et autres. (Baye, II, 1411-1417, 67)

Fait de confier à qqn une expédition, une campagne militaire.

Et s'en alla le Roy à Leon, et de là à Vienne, et convint que mon dit seigneur le connestable alast là pour avoir son expedicion de son voyage. Et lui fut ordenné CCCC lances, dont monseigneur le bastard d'Orleans en avoit la charge de cent ; puis fut mon dit seigneur expedié et print congié du Roy. (Gruel, Chron. Richemont L., c.1459-1466, 87)

3.Action de régler, de traiter (une affaire judiciaire), règlement, traitement.

...se il s'avoue, de present, estre clerc, en esperence d'avoir meilleure expedicion par l'Eglyse que par le juge seculier, lez officiaux font amonester la justice seculiere qu'elle rende tel prisonnier, et se elle ne le rent sanz delay, l'en met le ces en la ville la ou il est detenus prisonnier. (Songe verg. S., t.2, 1378, 187)

...il appartient et est de droit que, es juridicions ou l'en plaide les causes du seigneur a qui la juridicion apartient, [elles] soient en expedicion preservés au devant de toutes autres, nonobstant empeschement mis au contraire. (Instruct. ensaign. B.G., c.1386-1390, 38)

...la liberalité du prince ne s'estent pas seulement en donner dons, mais en joyeusement recepvoir touz en liberal pardon, en expedicion de causes, en audience aux povres (Chr. Piz., Faits meurs Ch. V, S., I, 1404, 80)

Et lendemain, les presidens et conseilliers lays de ceans alerent ou Chastellet de Paris pour entendre à la delivrance et expedicion des procès des prisonniers oudit Chastellet (Fauq., I, 1417-1420, 333)

Et lendemain, les presidens et conseilliers lays de ceans alerent ou Chastellet de Paris pour entendre à la delivrance et expedicion des procès des prisonniers oudit Chastellet (Fauq., I, 1417-1420, 333)

Il est bien vray que le roy estant a Vendome, il parla de ceste matere aux gens de sadicte court de Parlement, lesquelz lui affermerent qu'il y a eu autant et plus de causes expediees en ladicte court de Parlement des pays de mondit seigneur de Bourgongne que de nul aultre pays ou contree de ce royamme. Mes neantmoins le roy de recief mandra volentiers a sadicte court que elle face es causes de mondit seigneur et des siens bonne et brieve expedition de justice (Chastell., Chron. IV, D., c.1461-1472, 207)

Lors fut leue et visitee ceste cedulle ; et appella le roy aulcuns devers lui des plus auctorizés pour faire responce sur ycelle, dont l'expedition se trouva assez tost. (Chastell., Chron. IV, D., c.1461-1472, 210)

...comme les procéz en tel cas ne sont de legiere expedition, convint la sejourner longuement ledit seigneur d'Arcy et sa femme par l'espace bien de III mois. (Chastell., Chron. IV, D., c.1461-1472, 237)

...en aucunes expedicions et audiences données en ceste court et autrement, la court a esté advertie que les juges, tant bailliz, vicontes que leurs lieutenans, vont si tart et en si grant heure en l'auditoire tenir leurs plès et assises que les matieres ne peuvent estre expediées (Echiq. Normandie S., 1497, 158)

Par métonymie. Entendre à l'expedition de qqn. S'occuper de l'affaire de qqn.

Berthelemy de Cramonne, lequel je avoye, moy estant à Montpellier, eslargy à comparoir en personne par devant moy à hier, est venu et comparu en personne par devant moy. Et pour ce que pour le présent suis occuppé ès matières de par deçà telement que bonnement ne pourroye entendre à son expédicion, et aussi que sa dicte expédicion se fera tropt mieulx moy estant devers le Roy, je l'ay eslargy jusques au XXe jour de janvier et de ce maistre Pierres Granier a fait et passé la submission (Aff. Jacques Coeur M., 1453-1457, 242)

Traiter qqc. en bonne expedition de justice. Traiter qqc. en bonne justice.

...je leur respondi que le Roy avoit bien son espérance et confiance en eulx qui ilz vouldroient traictier ses droiz et ses affaires aussi favorablement et en aussi bonne expédicion de justice que pourroient faire ses propres officiers (Aff. Jacques Coeur M., 1453-1457, 206)

C. -[Idée d'éloignement par rapport à qqc.] Envoi ; copie (détachée de l'original).

1.Action de faire partir qqn pour une destination.

Le VIIe et VIIIe jours dudit mois, ledit sire Octo et moy avons besongné ensemble sur l'expédicion dudit sire Octo, qui s'en va devers le Roy pour faire rapport audit seigneur des matières de notre commission (Aff. Jacques Coeur M., 1453-1457, 229)

Action de remettre, de livrer qqc..

...auquel ycelle Court avoit enjoint autresfois de faire diligence à l'expedicion et delivrance de certaine somme d'argent (Fauq., I, 1417-1420, 313)

Au figuré. DROIT COUTUMIER Attribution, concession de qqc..

Item, lesdiz habitans, par information expediée par le commandement de monsieur le conte de Tancarville, souverain maistre etc, en tenant l'eschiquier des eaues et forestz a Rouen a Quasimodo mil CCCC et VII, ont eu expedicion du paturage à toutes leurs bestes en ladicte forest coustumiere (Hector De Chartres, Cout. R., 1398-1408, 291)

2.Copie authentique d'un acte, d'un document.

...ordonnons par ces présentes que pour secrétaire dudit conseil soit Jehan Alardeau, receveur d'Anjou, et face comme nostre secrétaire les signatures et expédicions conclutes et délibérées oudit conseil (Roi René vie L., 1453, 270)

Ledit jour me furent présentées par maistre Pierres Baulin, unes lectres royaulx (...) par lesquelles le Roy octroye audit seigneur de Culant terme jusques au premier jour de mars (...). De laquelle lectre ledit Baulin m'a requis mon atache et expédicion, ce que j'ay différé de faire pour ce que mesdiz seigneurs les trésoriers ausquelx s'adresse en premier lieu ne l'ont expédiée, et aussi qu'il m'a semblé qu'elle n'estoit civille pour ce que il semble que le Roy ne doit donner ledit délay ou préjudice de Jacques Cuer et des criées qui se font de ladicte terre. (Aff. Jacques Coeur M., 1453-1457, 127)

... [l'or et l'argent] qui ystroit et se porteroit hors de nostredit royaume (...) en court de Romme (...) tant pour expédicion et depeschement de bulles et vaccans que autrement (Pol. Louis XI, G., Pièces justif., 1462, 416)

...en prenant le double de ce present article soubz le seel de l'eschevinage d'Arras, ilz en joyssent entierement par tout nostre Royaume, comme s'ilz avoyent le vray original, et sans ce qu'il leur soit besoing en avoir, en general ou particulier, expedicion, verifficacion et entretenement par devant quelconques juges que ce soyent (Hist. dr. munic. E., t.1, 1477, 423)

Aucuns, par bien bailler requestes, Obtiennent des provisions, Les autres se y rompent les testes Et n'ont point d'expeditions. (Coquill., Oeuvres F., 1478-p.1494, 136)

Faire une expedition sur un document. Établir (un document) dans la forme prescrite.

President, vous et les gens des comptes avez faicte une expedition sur unes lettres que maistre Jehan de Saint Romain a obtenues, et avez ordonné que ledit de Saint Romain soit payé des gages de l'office de nostre procureur general en parlement. (Lettres Louis XI, V., t.9, 1481, 53)