LASCHETÉ

substantif féminin

[T-L : lascheté ; GD : lascheté ; GDC : lascheté ; AND : lascheté ; FEW (V, 231b) : laxicare ; TLF (X, 899a) : lâcheté]

A. -Manque d'énergie, de fermeté, de détermination, mollesse, faiblesse.

Faulte de couraige, lascheté, paresche, negligence, par lesquelz la labeur est deboutee, sont vices (Daudin, De la erudition H., c.1360-1380, 8)

...pareche ou lacheté, de laquelle dist saint Ambrose sur le livre de Genese que nul parecheux n'est trouvé en la maison du sage. (Daudin, De la erudition H., c.1360-1380, 31)

Excercitation est vertu de corage par laquelle la personne detestant ou reprouchant et reprouvant le lascheté, roullure de huiseuse, se occupe accoustumeement en estudes proufitables et en fais honnorables (Daudin, De la erudition H., c.1360-1380, 38)

C'est l'intencion de moy que je ne me ne vueil pas endormir en ce blasme, ne que on die que, par lasqueté ou par faintise de cuer, je sueffre sus ma sauvegarde robeours, ne à faire nulles pilleries ne roberies. (Froiss., Chron. M., XIV, c.1375-1400, 162)

'Et regardés entre vous quel cose vous volés que nous façons, nous le ferons ne ja en nous vous en trouverés nulle lasqueté.' (Froiss., Chron. R., VIII, c.1375-1400, 62)

...indignee en son hault couraige, vers eulx les prist a reprendre de leur oiseuse lacheté par parolles entrerompues souvent de douloureux soupirs qui de cuer adollé lui mouvoient (Chart., Q. inv., 1422, 10)

Lascheté de courage / de coeur

...car en gieu a un repos et une lacheté de courage. (Oresme, E.A., c.1370, 390)

Tu es droiz hoirs de Bretaigne Brute et Gallesse. Or estes vous bien ruez jus et deboutez de la noble contree de Bretaigne. Certes, se vous le vous laissiez ainsi tollir par lascheté de vostre cuer, tout le monde vous escharvira, et dira on : Veez vous la le fol qui, par faintise de cuer, s'est laissié dechacier de si noble pays et region comme le royaume de Bretaigne. (Arras, c.1392-1393, 49)

...c'est lacheté de courage Qui destourne maint grant ouvrage. (Chr. Piz., M.F., II, 1400-1403, 10)

Et sembleroit que laschetté de courage le te feroit faire, paour et crainte que on diroit que tu auroies de tes adversaires (Juv. Urs., Aud. celi, 1435, 221)

B. -Manque de fermeté morale, déloyauté.

Quant le roy entendy ceste parole, si fu moult courroucié, et respondy haultement : Par Dieu, Olivier, ce n'avendra, tant comme je vive, en ma court, que ung seul chevalier combate deux autres pour une mesme querelle. Et est grant honte a vous d'avoir pensé si grant lascheté en vostre cuer. Et sachiez que vous ne monstrez pas que vostre pere ait bonne querelle. (Arras, c.1392-1393, 60)

Or est ainsi qu'a nous venu Est ung des disciples Jhesus, De desloyauté fort esmus, Pervers et plain de lasqueté, Lequel par sa grant faulceté Son maistre si nous a vendu Pour deniers qu'a nous a eu (Marcadé, Myst. Pass. Arras R., a.1440, 122)

...si aucunesfoiz force luy estoit de l'escouter, Dieu scet la tresdure response dont il estoit servy, luy remonstrant sa tresfole entreprinse, la grand lascheté de son cueur. [Un homme poursuit sa servante de ses assiduités] (C.n.n., c.1456-1467, 73)

...[vous] avez monstré la grand lascheté de vostre cueur, qui vous estes habandonnée a ung meschant villain charreton [Reproches d'un seigneur à une demoiselle qu'il avait courtisée en vain] (C.n.n., c.1456-1467, 345)

Semblablement autres grans personnaiges Bien renommez par leurs haulx vasselaiges, Riches d'onneur et de lascheté minces, Parfaitz en bien, vertueux en langaiges Comme seigneurs yssuz de grans lignaiges, En ambassades furent devers les princes Traversans ville, regions et provinces. (La Vigne, V.N., p.1495, 149)

C'est lacheté a vous quatre de combatre a ung chevalier seul (Charles de Hongrie C., c.1495-1498, 71)

En particulier. Manque de courage devant un risque.

...ce dis je pourtant que vostre victoire devez radement poursievyr pour deux causes : l'une avant que lez Castelains ayent reprins corrage et soient renforciez de gens et l'autre affin que ne perdons nostre eur, corage et bonne fortune par laschetté et couardise (Comte Artois S., c.1453-1467, 38)

...ilz ne sont pas dignes d'avoir jamais bonne adventure, si ceste, qu'ilz n'ont pas pourchassée, par lascheté leur eschappoit. (C.n.n., c.1456-1467, 202)

C. -Par métonymie. Manière d'agir d'un lâche, manquement, faute.

Les naturelz ennemis quierent moy oster liberté pour tenir en leur miserable subjection, et vous me asservicez à l'usage de voz desordonnances et lachetez, en cuidant demourer delivres des dangiers de ma fortune. (Chart., Q. inv., 1422, 12)

Faire une lascheté

...et toutes les lachetez, tricheries et mauvaistiez qu'il avoit faictes et maintenues, il les mettoit sur Aigres le gentil chevalier (Bérinus, I, c.1350-1370, 325)

...les lachetés et traïson que vous avez faictes a Aigres (Bérinus, I, c.1350-1370, 347)

En la fin il n'oublia mie la lacheté qu'il avoit faicte des deux damoiselles, qu'il avoit laissiees enmener a deux chevaliers seulement, et comment il s'en fuÿ sanz coup ferir. (Bérinus, I, c.1350-1370, 347)

...en verité je ne croi mie Que ma dame, qui est m'amie, Daingnast faire une lascheté Ne penser nulle fausseté. (Mach., Voir, 1364, 762)