COURAGE

substantif masculin

[T-L : corage ; GD : corage ; GDC : corage ; AND : corage ; DECT : corage ; FEW (II-2, 1175b) : cor ; TLF (VI, 334a) : courage]

A. -Le coeur en tant que siège de la conscience de soi, des sentiments, des pensées ; conscience de soi ; ensemble des sentiments, des pensées, des dispositions, des intentions.

1.Le coeur en tant que siège de la conscience de soi, des sentiments, des pensées.

Et elle me retint en son hommage Et me donna de trés loial corage A bel et bon, dous, gracieus et sage, Qui de valour, De courtoisie et de parfaite honnour Et de plaisant maintien avoit la flour, Et des trés bons estoit tout le millour. (Mach., J. R. Beh., c.1340, 62)

Soing, penser, desir de savoir Ait, si porra science avoir. Et l'entreprengne en juene aage, Eins qu'en malice son corage Mue par trop grant congnoissance. (Mach., R. Fort., c.1341, 2)

Il n'est beste, tant soit sauvage, Qui l'aroit en son juene eage Si la vosist aprevisier, Que son fier corage brisier Ne li feïst et sa nature Un po muër par norriture, Commant c'on die le contraire. (Mach., D. Lyon, 1342, 225)

Or vous pri je d'umble courage, Escuier, que nous y alons (Mir. st Guill., c.1347, 37)

Je pensay en secret recoy, Selonc contrainte oubeïssance, Entremeslée de doubtance, Que s'il muoit de son plumage, Qu'il ne muast de son corage Et qu'il ne fust plus dongereus Que devant, et meins amoureus. (Mach., D. Aler., a.1349, 282)

Si li muay je le courage Si qu'elle ne savoit que faire (Mir. mère pape, c.1355, 382)

Il avint à lui et à toutes ses gens ossi, lui estant devant Chartres, un grant miracle qui moult le humilia et brisa son corage. (Froiss., Chron. L., VI, c.1375-1400, 5)

'Li princes de Galles est bien si nobles et si gentilz de sanch et de corage que, quant il sera enfourmés de vos anois et tribulations, il y prendera grant compation.' (Froiss., Chron. L., VI, c.1375-1400, 195)

Gentilz dame, douce, plaisant et sage, Bonne, belle, gracieuse et jolie, D'umble voloir et de loial corage Vous vueil servir tous les jours de ma vie, Sans penser nul villain tour (Mach., L. dames, 1377, 36)

S'Amours vostre dur corage Ne met biefment en tel ploy Que vo douçour assouage La dolour que je reçoy, Onques mais ne fu veüe... (Mach., L. dames, 1377, 190)

...par non usage il ne doit mie perdre sa souveraineté et ressort, meismement puis que il ne sourseï mie par l'espace de diz ans (...) car il retint en son courage la civile possession (Songe verg. S., t.1, 1378, 278)

...oncques n'avoit prins, vendu, acheté ou livré menuvair, peliçons de connins, aus dessus diz ou à autres, ne aussi ne les congnoissoit, ne savoit qui ilz estoient, et faisoient mal de le ainsi injurier, en rappellant ycelles injures à son courage, disant qu'il estoit clerc, en habit et en possession de tonsure, et que l'en ne voulsist attempter en aucune maniere à sa personne. (Reg. crim. Chât., I, 1389-1392, 48)

Par foy, sire, font ceulx, vous avez plus affaire que vous ne pensez, car voz ennemis sont fors et de merveilleux et fier couraige, et sont tous cousins, et du plus grant sang de cest pays. (Arras, c.1392-1393, 197)

Dit Vegece qu'en hault courage Point n'appartient orgueil, n'oultrage (Chr. Piz., M.F., II, 1400-1403, 35)

A tes diz cognois je bien le vouloir de ton courage et que, quant tu pues et oses, tes faiz et tes parolles sont en rigueur, mais quant crainte te oste le hardement, encore demeure ton langaige aigre et poignant pour tousjours courre sus par detraction a meilleur de toy. (Chart., Q. inv., 1422, 40)

Disans que Dieu le tout puissant, à qui est Homme obéissant, Le volt former à son ymage Quant à son âme et son courage, Et lui donna sens et savoir, Entendement et franc vouloir, Engin, povoir et bénéfice D'amer Vertu et haïr Vice (La Haye, P. peste, 1426, 37)

...mes seigneurs, il me semble que vostre ordonnance fault, ou voz coraiges sont de tresgrandes legeretez, qui n'est pas chose honneste a seigneurs qui ont loys a gouverner. (La Sale, Salade, c.1442-1444, 40)

...c'estoit fait d'un lasche et recreant courage d'homme, indigne d'estre allyé a si preude femme comme elle. (C.n.n., c.1456-1467, 29)

...consyderoit aussi la muableté et variableté de courage femenin (C.n.n., c.1456-1467, 559)

Hé ! mon mary, dont vous vient ceste tristece, ce courage troublé ? (C.n.n., c.1456-1467, 564)

...print asseurance, en fermant et appuyant son courage de constance. (C.n.n., c.1456-1467, 564)

S'il y a aultre chose dont vostre courage soit chargé, je vous prie, descouvrez tout (C.n.n., c.1456-1467, 566)

Ho ! j'en appelle en mon couraige ! Et vous l'ouez bien, mon seigneur ! (Path. D., c.1456-1469, 180)

...et ce qu'ilz [les gens de guerre] entreprennent, le doivent executer en grant humilité et soubz la crainte de Dieu. Pourtant je le vous dy, Jouvencel ; car vous estes jeune et aucuneffois les couraiges des jeunes gens se eslièvent et enorgueillissent par ung pou de prosperité, comme par avoir or ou argent, richesses ou parens puissans et autres dons de fortune, les autres pour vaillance, science, entendement ou force, ou autres biens de nature. (Bueil, I, 1461-1466, 121)

Et ainsi eut-il cheval et harnoys, la mercy Dieu ! dont il fut moult joyeulx et lui enforça le couraige de mieulx faire que devant. (Bueil, I, 1461-1466, 35)

...ains d'eage en eage et de siecle en siecle, elles [les évangiles] ont esté multiplieez et par legiers esperis infusez es corages des prudentes femmes, chascune en son temps, selon les auguremens et signes qu'elles povoient concevoir et veoir tant en la terre comme en l'air. (Ev. Quen. I, c.1466-1474, 79)

S. NICOLAS. Dieu eternel, trois en ung vueil Une voulenté par essence Qui en divine prescience Congnois les cueurs et les couraiges, Tu vois de Sathan les oultrages Qu'il a pourchassés contre moy Pour cuider destruire la loy. (Mir. st Nic. juif, c.1480-1500, 135)

...car, selon les diverses parties du ciel, sont changées les faces des hommes, les coulleurs et les diversitez des courages. (Simon De Phares, Astrol., c.1494-1498, f° 1 v°)

D'autre part l'on ne voit pas ou ciel tous les courages des hommes et ne regarde l'en que à ce que l'on entend. (Simon De Phares, Astrol., c.1494-1498, f° 60 r°)

Et imprima lors en son couraige les moyens comment il [l'] en pourroit faire sortir. (Le Clerc, Interp. Roye, c.1502, 167)

De mains, de bouche et de corage

Bonne Amour, je te fais hommage De mains, de bouche, de corage, Com tes liges sers redevables... (Mach., R. Fort., c.1341, 156)

Et tantost li fis sacrefice, Non pas de tor ne de genice, Ainçois li fis loial hommage De mains, de bouche et de courage, A genous et a jointes mains. (Mach., Voir, 1364, 174)

En (son) courage. En son for intérieur, dans son coeur.

Que t'en semble il en ton courage ? (Mir. abbeesse, 1340, 65)

Il prist ferme conclusion, A grant deliberation, Par maintes fois en son corage, Qu'il entreprenroit le passage. (Mach., P. Alex., p.1369, 11)

Enssi dissoient li Escochois en Escoce à le venue des signeurs de France, et n'en faissoient nul compte, mais les haioient en corage et les diffamoient en langage ce que il poient. (Froiss., Chron. R., XI, c.1375-1400, 215)

Combien que j'ay leu en ung dit : Inimicum putes, y a, Qui te presentem laudabit, Toutesfois, non obstant cela, Oncques vray homme ne cela En son courage aucun grant bien Qui ne le monstrast ça et la : On doit dire du bien le bien. Saint Jehan Baptiste ainsy le fist [de montrer le bien], Quant l'Aignel de Dieu descela ; En ce faisant pas ne mesfist (Villon, Poèmes variés R.H., c.1456-1463, 42)

La belle meschine (...) s'excusa si gracieusement que monseigneur en son courage tresbien l'en prise, combien qu'il amast mieulx qu'elle tenist aultre chemin. (C.n.n., c.1456-1467, 116)

Pour executer ce qu'elle avoit proposé et en son courage deliberé (...) elle print congé de son mary (C.n.n., c.1456-1467, 408)

...ne soiez ja si abusez en voz courages que je me repute si lasche que je la laisse villanner (C.n.n., c.1456-1467, 550)

...conceut en son courage une aigre et trespoignant doleur (C.n.n., c.1456-1467, 555)

Le bon seigneur, prevenu et anticipé, fut tout esbahy en son courage, combien que semblant n'en feist. (C.n.n., c.1456-1467, 574)

Sur ce, respondit le conte de Parvanchières : 'Messeigneurs, je croy que vostre parolle est la voix du Sainct-Esperit : car, en bonne foy, je le avoye ainsi deliberé en mon couraige et vous en vouloye demander vos oppinions. Dieu soit loué que vostre oppinion est la mienne !' (Bueil, II, 1461-1466, 4)

Tousjours, en voz couraiges, Rememorez la passion De Dieu (La Vigne, S.M., 1496, 571)

Remarque : Percef. III, R., t.1, c.1450 [c.1340], 61/137, 73/78.

Consentement des courages. Consentement des coeurs.

La premiere [perfection] est qui fait le mariage, c'est le consentement expres des couraiges par les paroles de present, et a ce n'est pas requise de necessité la copulation charnele. (Sacr. mar., c.1477-1481, 44)

Il y a conjonction espirituele par consentement des courages qui est dissolvee par mort espirituele, par laquelle l'home est mort au monde par l'ingression de religion. (Sacr. mar., c.1477-1481, 44)

Mettre en courage à qqn de + inf. Inciter qqn à faire qqc..

Et a ceste occasion, ledit suppliant a beu et mangié avec icelle chamberiere par deux ou trois foiz, en la depriant tousjours qu'elle voulsist admonnester et mectre en courage a sondit maistre de retourner avec ledit suppliant, son pere, et le mectre hors de ladicte plegerie (Chancell. Henri VI, L., t.1, 1424, 122)

Cestui mist en courage au roy Loys de mouvoir guerre aux Poictevins et y mener son excercite, incontinent après sa couronnacion. (Simon De Phares, Astrol., c.1494-1498, f° 124 r°)

Venir à/en courage à qqn (que). Venir à l'esprit de qqn (que).

...luy vint en courage, puis que sa femme restoit en santé, qu'il semondroit a disner ung jour ses parens (C.n.n., c.1456-1467, 137)

Pour ce entendez maintenant, Gabriel, Et vous aussi, familier Raphael, Ce qui me vient a cueur et a couraige (La Vigne, S.M., 1496, 208)

2.Conscience de soi, énergie vitale.

...Le doulx aspic et redolant cyprés Dont la santeur suyt les gens de si prés Que bien souvant le cueur s'en resjoÿst Et le couraige de lïesse joÿst. (La Vigne, S.M., 1496, 332)

Tel mal fut si soubdain prenant Vostre novice et telle rage De fievres que cueur et courage Luy faillit (La Vigne, S.M., 1496, 380)

Defaut de courage. Perte de conscience.

En flux femenin, spasme survenant ou deffaut de courage, est malvaiz. (Saint-gille, A.Y., 1362-1365, 87)

...spasme survenant ou deffaut de courage, c'est a dire deffaut de vertu qui est sincopis, ou sincopis propre (survient) qui est deffaut de vertu du cuer (Saint-gille, Comment. A.Y. L., 1362-1365, 135)

3.Ensemble des sentiments, des pensées, des dispositions, des intentions.

a)Ensemble des sentiments, des pensées.

Mais ta dame, qui est tenue Pour la millour et la plus sage Des dames, scet tout ton corage, Qu'Amours li aprent et enseingne Par la vraie et loyal enseingne Que nuls faus amoureus ne porte (Mach., R. Fort., c.1341, 66)

Car le nom de magnamité est dit ou signifie grandeur de courage. (Oresme, E.A.C., c.1370, 247)

Et qui repugne a franchise de cuer et est contraire a noblesce de courage. (Oresme, E.A.C., c.1370, 261)

Sus ces convenances s'en va La roÿne, qui retrouva Ethioclés d'autre courage (Chr. Piz., M.F., II, 1400-1403, 314)

Bernard, je vous vueil marié ; Aussy aure l'ay entrepris. Je vous donray dame de pris. Respondé moy vostre couraige. (Myst. st Bern. Menth. L., c.1450, 2)

...comme femme fresle, legere et muable de courage, ay baillé part et porcion a aultry (C.n.n., c.1456-1467, 424)

LE TIERS. Il te part d'ung maulvais couraige De t'armer contre ton seigneur. (Rapp., c.1480, 61)

Mes sotz, de couraige plaisant, Appellez-le, soit droit ou tort. (Sots, c.1480-1500, 268)

[Avec un adj. laudatif ou dépréciatif]

Si leur enorte Et deprie chascun qu'il se conforte ; Car se le cuer longuement tel mal porte, Il en porroit mors estre, et elle morte, Que ja n'aveingne, Mais chascuns d'eaus bon corage reprengne. (Mach., J. R. Beh., c.1340, 131)

LE COUSIN. (...) Ceste dame de bon courage Estoit, et preude femme fine (Mir. enf. ress., 1353, 50)

...vous avez mal fait, quant cellui qui vous avoit engendrees vous avez ainsi pugny par vostre faulx et orguilleux couraige (Arras, c.1392-1393, 12)

Se Gieffroy, vostre filz, a fait son oultraige par son courage merveilleux et fort, sachiez que de certain c'est pour le pechié des moines, qui estoient de mauvaise vie et desordonnee (Arras, c.1392-1393, 255)

De bon courage. De bon coeur, de plein gré.

DIEU. Sa virginité [Fiacre] m'a plevie De bon courage. (Vie st Fiacre B.C.P., c.1380-1400, 20)

Faire qqc. de bon courage

Biau filx, j'iray de bon courage ; Car onques mais de creature, Fors que Dieu, qui feist tel cure N'oy parler. (Mir. emper. Romme, 1369, 302)

Puiz la naissance Jhésu Crit L'an mil CCC quarante et huit, Régnant alors de bon courage Le Roy Phelipe, preux et sage, Sur les Françoiz notoirement, Comme est escript certainement (La Haye, P. peste, 1426, 11)

De franc courage. En toute liberté d'esprit, de plein gré.

O Dieu des cieulx que fiz les loys Par regle et poix, A toy me rens de franc coracge. (Pass. Auv., 1477, 180)

Declarer/decouvrir/dire/ouvrir son courage. Dire ce qu'on a sur le coeur.

Il (...) imaginoit que on li faisoit grant blasme, et ne descouvri mies là tout son corage ne ce que il penssoit. (Froiss., Chron. R., X, c.1375-1400, 126)

Et la nourrisse luy dit comment Pierre est venu devers elle et luy a demandé de Maguelonne tant qu'il luy a declaré son couraige et comment il est tant amoureux qu'il en meurt. (Belle Maguel. C., 1453, 15)

...porte ton mal le plus bel que tu peuz. Ce n'est pas icy que tu doiz dire ton courage (C.n.n., c.1456-1467, 253)

Pardonnez moy toutesfoiz que si fiablement vous ouvre et descouvre mon courage (C.n.n., c.1456-1467, 295)

Estre de double courage. Être hypocrite.

...la seconde [chose] si est que lezdites personnes ne soient pas suspectes, ne haineuses a ceulz qui font lez debas et riotes, la tierce si est que telles personnes ne soient pas fictives et de double corarge et que en l'art d'apaisier lez debas et riotes il aient verite en la bouche (Mézières, Sustance H., 1396, 69)

Les sentiments tels qu'ils se donnent à voir.

Mais li lions, se Dieus me gart, Pluseurs fois vers moy regarda, Car il moy pris en sa garde a, Et me sambloit a son corage Qu'il me traisist en tesmognage Pour tesmongnier la verité De ce que j'ay ci recité. (Mach., D. Lyon, 1342, 179)

Monstrer courage de

...li Englois (...) monstrerent corage de vaillance. (Froiss., Chron. D., p.1400, 774)

b)En particulier. Disposition, intention.

Sa mére, qui preude femme est, Est vers Dieu de si bon courage Qu'elle a laissié son heritage (Mir. st J. Cris., c.1344, 266)

Tu qui seul cognois les courages Au par dedans et les pensées Ains qu'elles soient apensées (Mir. mère pape, c.1355, 380)

...afin de tenir les bonnes gens et habitans de Paris en union et seurté, et leur donner bon courage envers le Roy pour obvier, se besoin estoit, au duc de Bourgoigne (Baye, II, 1411-1417, 164)

...puis que (...) vostre courage est a cela que d'en faire vostre mary, a moy ne tiendra (C.n.n., c.1456-1467, 360)

Aucuns mots sont desquelz ne la signification ne la maniere de signifier est convenable a Dieu comme courir, aler, ambuler, car mouvement signifie une diverse inclination du courage en demonstrant les diverses affections d'icellui. (Somme abr., c.1477-1481, 153)

D'un courage. D'une même intention.

Et sur ce, tous ces barons, d'un couraige, vont contre ces Sarrazins et les hurtent et desrompent en bataillant sy courageusement qu'ilz vuiderent la place et les firent reculer pour une grant piece. (Bagnyon, Hist. Charlem. K., c.1465-1470, 117)

Avoir courage à/de + inf. Avoir l'intention de, être disposé à.

Dame, et se vous avez corage D'autre recevoir en hommage, Ou de moy tenir en penser, Qu'envers moy daingnissiés fausser, Ou de moy de vous estrangier Qui sui en vostre dous dangier, Pour Dieu, dame, tant vous fiez De moy, las ! que vous m'ociez... (Mach., R. Fort., c.1341, 153)

Amis, je te di sans doubtance Que la maniere et l'ordenance De ce vergier qui est ma dame Est tele qu'onques homs ne fame Qui ot corage de fausser En fait, en desir, n'en penser Vers amant, vers dame ou amour Ne pot sëans faire demour... (Mach., D. Lyon, 1342, 188)

...messire Jehan Bonne-Lance (...) grant couraige avoit de luy avanchier. (Froiss., Chron. M., XIV, c.1375-1400, 197)

Se j'avoie corage de fausser, Si preng je en vous si tres bon exemplaire Qu'il m'osteroit le faire ou le penser. (Mach., L. dames, 1377, 168)

Item maintesfoys a eu couraige de moy faire morir (La Sale, Sale D., 1451, 173)

Adieu, m'amour et mon cuer fin ! Adieu, affin Qu'a moy venir ayés coracge ! (Pass. Auv., 1477, 224)

N'avoir ne coeur ne courage de + inf.. N'avoir aucune envie de.

...par ma foy, je n'aroye cueur ne courage de vous faire bonne chere avec ces paillards houseaulx. (C.n.n., c.1456-1467, 157)

Changer/muer courage. Changer de disposition, d'intention.

Le jonne roy d'Angleterre, aux parolles et promocions de l'archevesque de Cantorbie s'enclinoit assez, mais quant le grant inconvenient que on lui avoit fait, si comme il disoit de decoller ses hommes et son conseil où il n'avoit veu que tout bien, luy revenoient devant, son courraige se muoit trop fort. (Froiss., Chron. M., XIV, c.1375-1400, 78)

SATAN. Maistre lucifer ne vous chault Car je vois fere si grant rage Que je feray changer courage Es crestiens tant les tempteray Qu'en enffer les amenneray (Oudin, St Genis M.S., c.1490, 99)

VALERIEN. Ton grant couraige de lyon Est il point changé ? Qu'en dis tu ? Des dieux aourer qu'en feras-tu ? Dis le moy tost en bref langaige. (Myst. st Laur. S.W., 1499, 271)

c)Dispositions formant un caractère.

S'ai deulz orselés d'un aage, D'une façon et d'un courage, Qu'ai trouvés en une monta[i]gne... (Mach., Voir, 1364, 638)

d)Par métonymie. La personne elle-même, caractérisée par ses sentiments, ses pensées, ses dispositions.

O tresredoutable et perilleuse acoustumance de voluptez et d'aises, o envieillie et enracinee norreture de pompes et de delices, tant avez bestourné et ramolly les courages françois que ceste subversion, dont Fortune nous fait ciseau de si prez, nous avez couvee et mise sus (Chart., Q. inv., 1422, 14)

Ha ! meschant courage, comment as tu mis en nonchalloir ce a quoy tu devois donner entente singuliere ? Jamais ne t'a pleu mariage (C.n.n., c.1456-1467, 556)

...jasoit ce que tresplaisante fust et telle pour qui ung jeune courage devoit tantost estre esprins et alumé d'amours, toutesfoiz le sage clerc jamais ne l'apperceut (C.n.n., c.1456-1467, 570)

B. -[Avec une valorisation intensive] Fermeté de sentiment, de disposition, d'intention, ardeur à agir fermement, bravoure, vaillance, courage.

...quant adversité couroit et venoit, le fort courage du loyal ami de Dieu le soustenoit (Foul., Policrat. B., III, 1372, 225)

...les mauvais et ceulz de foible courage (Foul., Policrat. B., III, 1372, 234)

...se vous estiiés de vostre peuple reprociés que, par defaute de corage et par paour, vous averiés laissiet aler le vostre, et vous seriés endurchis en ce pechiet, il le vous tourneroient en grant prejudisce et lasqueté de coer et diroient que vous ne seriés pas dignes de porter couronne (Froiss., Chron. D., p.1400, 230)

Se je veisse que par chevalereuses hardiesses de la guerre, dont vous faictes le bruit, les ennemis sentissent la perte et le dommaige, le mien en seroit plus aisié à soustenir, mais tousjours mal souffrir, quant il ne redonde a aucun bien, fait le couraige cheoir en desespoir et perdre pacience entierement. (Chart., Q. inv., 1422, 23)

Car, lorsqu'on frappoit sur luy, le couraige luy croissoit, et qui plus est, encouraigoit ses gens et leur faisoit enfler le cueur, tant par ses dictz que par ses vertueux faitz. (La Vigne, V.N., p.1495, 288)

Grand/noble courage

Ulixes fu de grant courage, Qui ausa bastir tel ouvrage. (Mach., Voir, 1364, 626)

...ce sont vaillans gens et de grant corage et conforté en lors besongnes (Froiss., Chron. D., p.1400, 778)

Pour ce, sont les hosts departies Jusqu'a l'endemain (...) D'ambedeux pars de grant corage Sont (Chr. Piz., M.F., III, 1400-1403, 221)

Si estoit en leur compaignie le jeune gentilhomme dont j'ay parlé (...) Si n'avoit ne cheval ne asne ; ainçois alloit à pié, dont j'avoie grant pitié ; car il avoit très hault et très noble couraige, et estoit tousjours le premier à faire les entreprinses. (Bueil, I, 1461-1466, 23)

Le roy avoit jà disné, lequel monstroit grant signe de joye et de ceste prinse et louoit fort le grant couraige et hardiesse dudict duc (Comm., I, 1489-1491, 163)

Et, après lesdittes lettres escriptes, tous lesdits capitaines, par grant vigueur, marcherent contre les batailles dudit duc très vaillamment et de grant couraige (Le Clerc, Interp. Roye, c.1502, 392)

Locution adverbiale. De grand courage. Vaillamment, hardiment.

'Hurtons de poittrine de cheval à la barrière ; car vous savez bien qu'elle ne tient point. Et que ces compaignons saillent tous à pié, qui derrière vous sont. Et, se Dieu plaist, vous verrés tantost beau jeu.' Ainsi le fist le Jouvencel ; et vindrent tous de grand couraige droit à la barrière. (Bueil, I, 1461-1466, 139)

Énergie morale, ardeur.

...car en gieu a un repos et une lacheté de courage. (Oresme, E.A., c.1370, 390)

Et s'il en y a aucuns qui aient eu (...) laascheté de courage de ne luy vouloir aidier (Juv. Urs., T. rever., 1433, 82)

Et plutost ennuyt que demain Vouldroye l'office executer, Car j'ay ung courage inhumain Pour vie des hommes persecuter. (Cene dieux, c.1492, 129)

Avoir courage de. Avoir la force de.

...affin que vous aiez courage de mieulx soustenir la trescrueuse et horrible bataille que Raison vous livre (...) je vous promectz et asseure, sur ma foy, que... (C.n.n., c.1456-1467, 167)

Avoir courage de lion

Bremons une hache tenoit, Dont grans et rutes cos donnoit. à tant de cops, tant d'ommes mors. Il estoit grans et lons et fors, Et plus vif c'un alerion, Et s'ot corage de lion. (Mach., P. Alex., p.1369, 73)

...la contesse de Montfort (...) qui ot tout jours corage de honme et de lion, ne s'esbahi noient, mais ordonna et entendi a ses besongnes mettre en bon point. (Froiss., Chron. D., p.1400, 504)

Bailler/donner courage à qqn

Dont la premiere [cause] est que toute dignité de roy a par decret ce previllege, et lui doit souffire de veoir ses gens combactre, pour aller, se besoing est, de l'un a l'autre et les resconfforter et donner coraige (La Sale, Salade, c.1442-1444, 237)

Bailler/donner courage à qqn de + inf. Donner de l'assurance, de l'énergie pour.

...la baisa deux ou trois foiz tres doulcement ; elle l'endura voluntiers, qui bailla courage au chevalier de proceder au surplus, dont il ne fut pas refusé. (C.n.n., c.1456-1467, 269)

Aucuns dient qu'il fut disciple à Pourtille, dessus nommé et donna courage à Hanibal de aller contre les Romains (Simon De Phares, Astrol., c.1494-1498, f° 64 r°)

Perdre courage

Quand il la vit couchée au lict, demanda si pour ung seul jour qui restoit avoit perdu courage. (C.n.n., c.1456-1467, 578)

(Re)prendre courage. (Re)trouver toute son énergie, sa vaillance.

Or veult l'amant faire dis et balades, Lettres closes, secretes ambaxades ; Et se retrait Et s'enfermë en chambre ou en retrait Pour escripre plus a l'aise et a trait, Et met une heure a faire un tout seul trait De lettre close. Un peu escript, puis songe et se repose, Puis efface pour mettre une autre chose, Et volentiers mettroit plus, mais il n'ose ; Or prent courage De adrecer bien sa lettre et son message. (Chart., D. Fort., 1412-1413, 168)

Reprenés le courage et vous mectés sus, et donnés courage a voz princes et gens (Juv. Urs., Loquar, 1440, 388)

A chef de piece, il print courage et, o l'ayde de sa femme, la Dieu mercy, il fut remis sur piez. (C.n.n., c.1456-1467, 52)

Au fort il reprint courage et dit bien a soy mesmes, s'il est jamais si eureux que de trouver sa dame en si belle place, elle ne partiroit pas comme elle a fait l'aultre foiz. (C.n.n., c.1456-1467, 195)

...il print courage en soy mesmes et mist et paour et crainte arriere dos (C.n.n., c.1456-1467, 350)

...dedans Escallon avoit beaucoup de vaillans gens ; et fut bien besoing qu'il arrivast à ceste heure-là atout son armée. à son arrivée, ses gens, qui estoient devant, prindrent couraige (Bueil, II, 1461-1466, 130)

Touteffois, quant Pietre entendit que sa terre devoit encorre recouvrer, il reprint corage, etc. ; print conclusion que assieger ne se laisseroit point (Simon De Phares, Astrol., c.1494-1498, f° 142 v°)

Homme de courage. Homme de grande valeur (par ses dispositions, son énergie, sa vaillance).

...ung homme de courage et vertueux, comme cestuy estoit, ne vivoit pas bien a son aise (C.n.n., c.1456-1467, 310)

Le chastel et la ville estoient moult fors ; les gens qui demouroient dedans estoient gens de couraige ; car aultres gens n'y fussent pas demourez. (Bueil, II, 1461-1466, 207)