CRAINTE

substantif féminin

[T-L : crainte ; GDC : criente ; AND : criente ; FEW (XIII-2, 239a) : tremere ; TLF (VI, 411b) : crainte]

A. -Sentiment de peur.

1.Peur que l'on ressent devant une réalité menaçante, un danger réel ou possible ; peur que l'on inspire.

Auchunes sont chastes pour che que pas ne sont requises, ou pour che que la puissanche de mal faire leur est par terreur ou crainte ostee. (Daudin, De la erudition H., c.1360-1380, 408)

Et si a si mauvais renom, Avecques tout l'autre meschief, Que chacun vouldroit mieulx le chief A peu perdre qu'elle hanter, Ne ou elle est nul frequenter Ne vouldroit, je n'en doubte mie, Mais plus fuir qu'epidimie, Qui maintes gens mait en grant crainte, Encore est Povreté plus crainte, Car nulle riens tant on ne doubte Et celle crainte en Enfer boute Maint qui, pour paour de l'avoir, Acquierent maint mauvais avoir. (Chr. Piz., M.F., I, 1400-1403, 97)

Si [Amour] fait valoir Les cuers des bons et croistre leur vouloir Et mettre paour et crainte en nonchaloir Et de tous faiz honteux leur cuer douloir, Et si leur donne Le hardement et la voulenté bonne Qui par honneur croist en eulx et foisonne. (Chart., D. Fort., 1412-1413, 161)

A tes diz cognois je bien le vouloir de ton courage et que, quant tu pues et oses, tes faiz et tes parolles sont en rigueur, mais quant crainte te oste le hardement, encore demeure ton langaige aigre et poignant pour tousjours courre sus par detraction a meilleur de toy. (Chart., Q. inv., 1422, 40)

Le curé en grand crainte se despescha de le confesser. [Le pénitent est atteint de la peste] (C.n.n., c.1456-1467, 349)

Avoit aussi une crainte et doubte qui le destourboit et donnoit empeschement a executer son desir (C.n.n., c.1456-1467, 559)

...et ses hommes d'armes, qui estoient à cheval, se fourrerent dedans les ennemis sans peur et sans crainte (La Marche, Mém., II, c.1470, 297)

Et ne croy point qu'en ung tel acte et danger merveilleux ou il estoit, jamais depuis que le monde est creé fut veu ung tel personnaige comme luy plus virillement ne fierement donner dedens qu'il faisoyt sans paour, sans crainte et sans frayeur (La Vigne, V.N., p.1495, 288)

[La crainte opposée à l'amour comme façon d'agir sur qqn (dans une politique de conquête)]

Ja ne perdroit en vain ses peines, De l'une mer a l'autre mer, Ou, fust par crainte ou par amer, Tout conquerroit (Chr. Piz., M.F., II, 1400-1403, 213)

Car, ce que le prince veult avoir par constrainte, il estudie a soy faire doubter, affin que par crainte luy soit fait ce que par amour il ne peut obtenir, par quoy il fait contre justice, contre honnesteté, contre charité. (Fillastre, Traité Conseil H., c.1472-1473, 220)

Il vivoit l'espée ou poing et avec tous ses voisins, et ce qu'il ne povoit faire par amours, il le faisoit par crainte. (La Marche, Mém., I, c.1470, 132)

Sans crainte

Seigneur, nous le farons sans crainte. Nous y avons tous bon vouloir. (Pass. Auv., 1477, 205)

De crainte

Subst. + de crainte. Réalité qui inspire la peur.

...chemin de paour et voye de crainte mortelle. (La Vigne, V.N., p.1495, 285)

[Sentence] Mauvaise et perilleuse est peur ou crainte longuement gardee au coeur de l'homme

Car, comme dit Tule, male et perilleuse est pauour ou crainte longuement gardee au ceur de l'omme. (Fillastre, Traité Conseil H., c.1472-1473, 221)

Peur et crainte engendrent haine, et haine conspiration, et conspiration mort

Noiron et autres semblablement morurent chetivement, par quoy, en conclusion, pouons dire de telz cruaulx tirans que en persecutant autrui persecutent eulx mesmes, et commencent leur enfer dès en cestui monde, qui ja ne leur fauldra, car pour yceulx qui tant veullent estre cremus dit Juvenal que paour et crainte engendre hayne, et hayne conspiracion, et conspiracion mort. (Chr. Piz., Paix W., 1412-1413, 144)

2.Appréhension inquiète, source de prudence dans l'action (p. oppos. à orgueil).

...l'empereur Octe, allié et aidé du compte de Champaigne, et le roy d'Engleterre, conforté dez contes de la Marche et de Bretaigne, leur coururent sus par deux costés du royaulme, en une mesme saysson, a si grans ostz et efforcees, comme pour tout aggraventer a ung coup ; et eulx, a pou de gens espartiz en deulx lieux, desconfirent les deux a une foys, et a grant crainte gaignerent louenge et la force sur leurs orgueilleux menaceurs. (Chart., L. Esp., c.1429-1430, 147)

Touteffois tu scez que autant ay-je de droit en ce que je puis prendre et pillier parmy la mer en grant crainte et en grant povreté, comme tu as en tout le monde que tu vuelx conquester en grant orgueil et prosperité. (Bueil, I, 1461-1466, 123)

Car voulentiers ceulx qui font les choses en craincte donnent les bonnes provisions et plus souvent gaignent que ceulx qui y procèdent avec grant orgueil (Comm., I, 1489-1491, 121)

3.Crainte de qqn/d'un animal/de qqc.

a)Peur que l'on éprouve devant qqn/un animal/qqc..

...et dist que icelles [confessions] il fist par doubte, crainte et paour des questions et tourmans en quoy il fu mis audit lieu de la Ferté (Reg. crim. Chât., I, 1389-1392, 438)

Lequel prisonnier dist et respondi que dudit murdre il ne savoit rien, et que ce qu'il en avoit dit et confessé avoit esté et fu pour la crainte de la question, et que aussi plus, ne autre chose oultre ce que dessus avoit dit et confessé, il n'avoit mesfait, si comme il disoit. (Reg. crim. Chât., II, 1389-1392, 218)

Le roy Selodus fut moult courroucié de la response, et fait escarmouchier souvent et assaillir la cité et les descuere et griefve quanqu'il puet, car il voit et appercoit que ceulx de dedens se deffendent lentement ; et, se ne feust la doubte et crainte des nobles du pays qui la estoient, ilz se feussent rendus de fait. (Arras, c.1392-1393, 182)

Et pareillement se partirent de la ville de Paris plusieurs autres notables personnes pour la crainte des émeutes dessusdictes. (Monstrelet, Chron. D.-A., t.2, c.1425-1440, 361)

Et sembleroit que laschetté de courage le te feroit faire, paour et crainte que on diroit que tu auroies de tes adversaires (Juv. Urs., Aud. celi, 1435, 221)

...c'est assavoir de Pappe Urbain VIme, creé a Romme par crainte du peuple esmeu, que a fureur vouldrent avoir Pappe rommain ou au moins ytalien. (La Sale, Salade, c.1442-1444, 187)

...trop plus pour a pere et a mere obeir que pour crainte de sa mort vaincue, la pouvre fille se laissa ferrer. (C.n.n., c.1456-1467, 33)

Secondement ilz [les apôtres] avoient hardiesse en parler sans crainte de menaces ne de tourmens. (Somme abr., c.1477-1481, 120)

...c'est assavoir que les oyseaux domestiques comme paons, poulles, chappons, oyes, canes et semblables comme pigeons, se absenterent de la compagnie des hommes et allerent, suivant chacun son sexe, habiter ès lieux sauvages sans crainte de loupz, de regnards ou autres reptilles. (Simon De Phares, Astrol., c.1494-1498, f° 113 r°)

Nota que ce jour le prince de Salerne arriva a Napples, lequel avoit esté fugitif cinq ans pour la crainte du roy Alphons de Napples, et ce jour trouva ung sien petit filz, que le dict Alphons avoit tenu prisonnier (La Vigne, V.N., p.1495, 255)

[Anthoine de Chabannes (...) a Mons. de Bourgoigne] Très hault et puissant prince, se je vous escriptz chose qui vous desplaise et que ayez envye de vous en vengier de moy, j'espere que avant que la feste se departe vous me trouverés si près de vostre armée contre vous que congnoistrez la petite crainte que j'ay de vous, acompaigné de la puissance qu'il a pleu au roy me donner, qui n'est pas petite, pour la recongnoissance qu'il a eu des services que j'ay faitz au roy son pere, à qui Dieu pardoint et à luy. (Le Clerc, Interp. Roye, c.1502, 263)

Mettre qqn en crainte de qqc. Effrayer qqn avec qqc..

Et luy [ledit patriarche à monseigneur de Nemours] dist et declaira que ledit lieu de Molusson, ou au chasteau de Culant, ou sus les champs, on prendroit bien aisement le roy, et en l'espovantant et mettant en crainte des armées dessusditez et en luy remonstrant les inconveniens advenir, legerement il se mettroit en la main de monseigneur de Nemours, et auroit le gouvernement du roy (Le Clerc, Interp. Roye, c.1502, 188)

b)Peur pour qqc..

Crainte de sa vie. Peur que l'on a pour sa vie.

Car alés par tout le monde, vous ne trouuerés Iuifs qui ne soient en subjecion d'autruy, et qu'il ne soit iour et nuyt, en paour et en crainte de sa vie. Et pour ce sont ilz ainssi descoulourés comme vous vées. (Béthencourt, Canarien G., c.1490, 78)

Ne pas espargner crainte de vie. Ne pas hésiter à exposer sa vie.

Et quant ledit Reilhac ouyt qu'il se disoit avoir esté serviteur dudit conte Dampmartin, si se doubta bien qu'il estoit venu en court pour aucunes affaires, car il scavoit bien que le roy l'avoit en hayne du temps qu'il estoit daulphin, jaçoit ce que il l'eust bien et loyaument servi, sans y espargner crainte de vie en plusieurs lieux (Le Clerc, Interp. Roye, c.1502, 148)

4.Crainte de + inf.

On devroit bien vouloir savoir Dont telz estas viennent, pour voir, Et les aucuns sy chastoyer Que les autres en l'essayer Eüssent crainte et paour De prendre l'estat de majour. (Bouvet, Appar. Meun A., 1398, 61)

...il fault qu'ilz le facent par crainte d'avoir pis et pour sauver leurs blez, cest aoust prochain, et de paour de plus perdre (Fauq., II, 1421-1430, 356)

...elle respondit (...) disant que de bonne foy il luy faisoit mouvoir le sang du corps, de crainte et de paour qu'elle avoit de luy accorder sa requeste. [Un amoureux presse une femme de répondre favorablement à sa requête] (C.n.n., c.1456-1467, 387)

Pilate, par crainte d'offendre Cesar, fist Dieu crucifier, Lequel avoit voulu deffendre Par avant et pacifier, Mais par default de se fier En loyaulté, il se perdit, Com l'evangeliste expert dict. (Meschin., Lun. princes M.-G., c.1461-1465, 61)

Et en cest article, ay congneü au roy nostre maistre ung grant sens, car jamais prince n'eut plus grant crainte de perdre ses gens que luy. (Comm., II, 1489-1491, 133)

5.Crainte que/de ce que + sub.

...ce a esté et est pour crainte et doubte qu'il ne fust mené hors de Paris en prison (Baye, I, 1400-1410, 314)

...le vous rendrai en tel et si tresbon estat que par tout le pourrez seurement porter, sans avoir crainte ne doubte que jamais il vous puisse cheoir [Le gentilhomme propose à la meunière de remettre en état son 'devant' qu'elle risque de perdre] (C.n.n., c.1456-1467, 40)

...car il avoit faict ceste alliance pour craincte de ce qu'il veoyt audict duc de Bourgongne avoir si grant faveur en Ytalie. (Comm., II, 1489-1491, 110)

6.Par métonymie. Personne qui inspire la peur et la terreur.

...le tyrant se intituloit Atilla, filz de Zedebus, nourri et engrandi seigneur de la terre, crainte du monde et flael de Dieu, et quant le saint evesque ouyt le nom du flael de Dieu, ne lui sembla lieu de contrester par puissance, mais plus de soy soubmettre par humilité. (Chart., L. Esp., c.1429-1430, 146)

B. -Sentiment mêlé de peur et de respect.

1.[Envers un seigneur, une autorité]

Les pueples menus sans cesser S'estudient de mal parler De leurs souverains et clers ; Vecy mal dit, vecy mal vers, Quant subgiez n'ayment leur seigneur, Vers eulx n'ont crainte ne honneur Que les tiennent en justice, Pugnissent les maulx de leur vice. (Bouvet, Appar. Meun A., 1398, 7)

...si ay plus chier que on me porte crainte par amour que par raison de ma cruaulté. (Chr. Piz., Faits meurs Ch. V, S., I, 1404, 68)

Que ont il gardé des excellences seigneuriaulx, et retenu dez dignités des princes, fors seullement le nom faint et vain, dont leurs oeuvres lez desmentent et desdient ? Voulentiers reçoivent les reverences et la crainte dez subgietz avec l'emolument des terres, maiz lez faitz de bon gouvernement et la charche de transquilité et de justice, qui sont lez faitz de leur principal charge et office, ont ilz abandonné. (Chart., L. Esp., c.1429-1430, 66)

...naturelle vertu procree communement ses effectz semblables a leur cause, et lez bons peres engendrent raysonnablement lez bons filz. Lez sens et crainte dez vaillans parens se espart et communique a leur generation par usage de bien endoctriner, et par frequentation de haultes oeuvres. (Chart., L. Esp., c.1429-1430, 69)

Crainte et humiliation attraient misericorde, et mespris et murmure aggravent vengense. (Chart., L. Esp., c.1429-1430, 75)

...car il fault ces choses, especialement à gens d'armes pour bien les faire combattre, qui s'ensuivent, c'est assavoir : obéissance, crainte et amour à leur chief. (Bueil, II, 1461-1466, 33)

...et ay bien sceu que, se le duc eust esté bien actif ou bien servy, il eust eu grant part à ladicte duchié, car les Millannois l'avoient en grant amour et crainte, et furent les armes du duc de Savoye par les Millannois mises ès portes de Millan plus de douze jours (La Marche, Mém., II, c.1470, 116)

Il changeoit souvent de varletz de chambre et de toutes autres gens, disant que la crainte de luy et l'estime seroit entretenue par faire ainsi choses nouvelles. (Comm., II, 1489-1491, 292)

[Sentence] Nul amour n'est sans crainte

...mais, comme nulle amour ne soit sanz crainte, et souvent crainte est sanz amour, trop mieulz vault à prince estre amez que cremus. (Chr. Piz., Faits meurs Ch. V, S., II, 1404, 33)

2.En particulier. [Domaine religieux]

a)[Envers Dieu]

Le prince aussi doit cognoistre nostre Seigneur estre Dieu, au quel l'en ne doit point plus de paour ne de crainte pour cause de sa tres haute magesté que d'amour pour cause de sa tres douce pitié. (Foul., Policrat., IV, 1372, 68)

Et qui de Dieu le plus hault honneur tient Par seigneurie ou dominacïon, Plus est tenu et plus lui appartient D'avoir en lui entiere affectïon, Crainte et honneur, bonne devocïon Et vergoigne de meffait et de vice, Et faire tout en bonne entencïon Pour Foy garder et pour vivre en justice. (Chart., B. Nobles, c.1424, 396)

Esperance et crainte sont opposites aucunement, non pas contraires, en tant comme crainte est don du saint Esperit. (Chart., L. Esp., c.1429-1430, 103)

Maleureuse et trop pesant est la couronne aux roys, qui pour elle s'endorment en vaine gloire et s'enyvrent d'oultrecuidance, quant, en descongnoissant leur humanité, usurpent l'onneur divin, et pour la cremeur qu'ilz tiennent par force sur leurs subgietz, oblient la crainte qu'ilz doivent a Dieu par rayson. (Chart., L. Esp., c.1429-1430, 41)

Dieu n'est pas plus recongneu ne loué Qu'il estoit lors, mais sans tremeur et crainte Il est nié, juré, desavoay Et offencé par tout en façon mainte. (Cene dieux, c.1492, 114)

Crainte de Dieu

Pour tant qu'elle soit de la crainte Et de la paour Dieu atainte (Mir. st Alexis, 1382, 307)

A la treshaulte et excellente majesté des princes, à la treshonnouree magnificence des nobles, circonspection des clers et bonne industrie du peuple françois, Alain Charretier, humble secretaire du roy nostre sire et de mon tresredoubté seigneur monseigneur le regent, lointaing immitateur des orateurs, salut en crainte de Dieu, humiliacion soubz sa justice, cognoissance de ses jugemens et retourner a sa misericorde soubz la pointure de sa punicion. (Chart., Q. inv., 1422, 1)

Par ces solutions et decisions catholiquez demoura Entendement assis et rendu en plus doulz repos de conscience, car des secrés de sa pensée furent baloiez tous scrupullez sur lez jugemens divins. Et la crainte de Dieu, qui entre ces scrupuellez se tappissoit, moitié receue, moitié reboutee, demoura seulle victorieuse en la discretion d'Entendement. (Chart., L. Esp., c.1429-1430, 85)

...car se tu as ygnorance de toy et que tu nayes point de reflexion sur toy pour congnoistre ton estat et ton fait tu nauras point de crainte de Dieu en toy, et si nauras point de humilite en toy. Or pren garde comme tu peulx presumer de ton salut sans humilite et sans crainte de Dieu. (Cib., p.1451, 199)

Or fault donc conclure que la raison naturelle ny nostre sens ne la craincte de Dieu ny l'amour de nostre prochain ne nous garde point d'estre violentz les ungs contre les autres ny de retenir l'autruy ou de l'autruy oster par toutes voyes qui nous sont possibles (Comm., II, 1489-1491, 212)

Sous la crainte de Dieu. En révérant et craignant Dieu.

Pour ce doyvent les gens de guerre ensieuvyr à leur povoir bonnes querelles ; et ce qu'ilz entreprennent, le doivent executer en grant humilité et soubz la crainte de Dieu. (Bueil, I, 1461-1466, 121)

Avoir crainte en Dieu

...et aurez crainte en Dieu et serez amé du roy (Juv. Urs., Nescio, 1445, 452)

b)Don du Saint-Esprit qui accompagne la vertu théologale d'espérance.

Car chalenger le boneur sans pourchas et sans explect est plus presumption que esperance ; et soy frauder de esperance par crainte trop paoureuse et pusillanimité deffiee de Dieu est lacheté de courage recru de bonne foy. Esperance et crainte sont opposites aucunement, non pas contraires, en tant comme crainte est don du saint Esperit. Ainçois peuvent estre ensemble en ung mesmez subgiet. Car esperance eslieve l'omme a esperer sur sa propre puissance par confidence de la divine bonté, et crainte le fait retourner a doubter de soy mesmez par consideration de fraille nature. (Chart., L. Esp., c.1429-1430, 103)

3.[Dans le langage amoureux] Respect (mêlé de timidité).

Pres de ma dame et loing de mon vouloir, Plain de desir et crainte tout ensemble, Le cuer me fault et le parler me tremble Quant dire doy ce qu'il me fault vouloir. Seul dis, 'Belle, vous me faictes douloir' ; Mais au besoing Crainte mon propos m'emble, Pres de ma dame et loing de mon vouloir, Plain de desir et crainte tout ensemble. (Chart., R. Bal., c.1410-1425, 374)

A peine pourroye dire ne penser combien j'eu a celle heure grant et ardent desir entremeslé de crainte, disant a par moy et promettant a mon insatiable appetit que celles belles choses me seroyent par celle belle dame donnees. (Meschin., Lun. princes M.-G., c.1461-1465, 34)

[Sentence] Desir boute, crainte restreint. Le désir pousse en avant, la peur retient.

Si languissoit auprés du mire Et nuysoit a sa garison, Car qui art ne se puet plus nuyre Qu'approucher le feu du tison. Le cuer ens ou corps lui croissoit, D'engoisse et de päeur estraint, Tant qu'a bien peu qu'il ne froissoit Quant l'un et l'autre le contraint. Desir boute : Crainte restraint ; L'un eslargist, l'autre resserre ; Si n'a pas peu de mal empraint Qui porte en son cuer telle guerre. De parler souvent s'efforça, Se Crainte ne l'eust destourné (Chart., B. Dame, 1424, 337)