DESIR

substantif masculin

[T-L : desir ; GDC : desir ; AND : desir1 ; FEW (III, 53a) : desiderare ; TLF (VI, 1286b) : désir]

A. -[Sens général]

1.Aspiration (vers un objet quelconque), souhait, envie.

Et le desir de ses subgez Qui en vouloir sont avuez A ce qu'il [le marquis] le soit [marié] haultement (Gris., 1395, 8)

Dure chose est a moy que ainsi me convient plaindre, mais plus dure et de mains de reconfort que vous, qui me devez soustenir, defendre et relever, estes adversaires de ma prosperité, et en lieu de guerdon querez ma destruction et l'avancement de voz singuliers desirs. (Chart., Q. inv., 1422, 12)

...et ainsi selon Avicenne le sens ou sentement vient du cervel, l'esperit et le vent viennent du cueur, le sang et le desir vient du foye (Gordon, Prat., c.1450-1500, VII, 1)

...il est tout notoire et evident que ceulx qui par orgueil si entreprennent guerre sur autruy, sont souvent frustrez de leur intencion (...) Et, s'il advient par aucune adventure qu'ilz parviengnent à l'accomplissement de leur desir et qu'ilz soyent hault eslevés et exaulcés en grant estat, neantmoins tousjours leur advient-il quelque esclandre et en la parfin maladventure (Bueil, I, 1461-1466, 121)

A vous complaire, c'est mon desir, Hé Dieu ! qui n'y prendroit plaisir ? (P. Jouh. D.R., a.1488, 25)

Ung autre grant desir avoit le roy d'Angleterre: c'estoit à l'accomplissement du mariage du roy Charles huictième, qui règne au jour d'huy, avecques sa fille (Comm., II, 1489-1491, 77)

Par ce moyen pourront estre assouvis Entierement voz desirs sur la terre. (La Vigne, S.M., 1496, 157)

Desir de qqc.

Et ainsi le magnanime a a considerer trois choses : c'est assavoir, les honeurs, le desir de honeurs et sa valeur. (Oresme, E.A.C., c.1370, 249)

A cest propos dit Saint Augustin que 'libido dominandi,' c'est a dire, trop grand desir de dominacion, est cause de guerres et des grans maulz qui aviennent en cest monde. (Oresme, E.A.C., c.1370, 471)

Mais qui monstre et declaire affeccion et desir de vaine gloire ou de plaisant delit (...) certainement cestuy ne scet le chant de nostre Seigneur (Foul., Policrat. B., I, 1372, 116)

Que dirons nous de la force et constance de saint Pol, et de son desir de justice ? (Gers., P. Paul, a.1394, 511)

...mais l'affection du bien publique peut estaindre voz desordonnances singulieres, se les voulentez se conjoingnent en ung mesme desir de commun salut et en souffrant leur fortune et les ungs vers les autres gardent pacience, peut a tous ensemble venir ce bon eur que chascun veult querir par divers remedes. (Chart., Q. inv., 1422, 64)

Après le sieuvoit le Jouvencel atout ses cent hommes en bel et plaisant arroy, qui bien sembloit avoir grant desir de bataille ou de faire aucun beau fait (Bueil, II, 1461-1466, 107)

Et comme ledict conte fut en train, le roy vint à luy et le conduysit jusques à Villiers le Bel, qui est ung villaige à quatre lieues près Paris, monstrant par effect avoir ung grant desir de l'amitié dudict conte, et tous deux y logèrent ce soir. (Comm., I, 1489-1491, 87)

Qqc. est le desir de qqn. Qqc. est l'objet des aspirations de qqn.

...les anciens sages desprisoient ceste vie, dont dit Lactance que la mort est le desir des savans. (Chr. Piz., P.V.H., 1416-1418, 25)

Desir de + inf. Souhait, envie, projet de.

Or venez ça : grant desir ay De parler a vous en secré. (Mir. enf. diable, c.1339, 8)

Je n'ay ne talent ne desir D'ailleurs qu'en ma maison gesir (Mir. chan., c.1361, 170)

Se aucuns ont grant desir de boire de nuit, s'ilz pevent dormir dessus la dicte soif, c'est bonne chose. (Saint-gille, A.Y., 1362-1365, 83)

La tierce est ignorance et fatuité, car il ne scet distinguier entre ce que est fort et ce que est legier a savoir. La quarte est amour de verité et desir de savoir les causes des choses. (Oresme, C.M., c.1377, 406)

Desir de scavoir demande : Dy comment c'est que mortel est immortel, quer la Divinité ne peut souffrir ? (Gers., Annonc., a.1400, 230)

...en oultre qu'il a grant desir de savoir quelle provision et garnison a esté mise à Chartres (Fauq., I, 1417-1420, 257)

Se vous avez desir de faire justice vous la faictes (Juv. Urs., Verba, 1452, 295)

Et le samedi, tiers jour d'aoust, oudit an LXV, le roy, aiant singulier desir de faire des biens à sa ville de Paris et aux habitans d'icelle, remist le IIIIe du vin vendu à detail en ladicte ville au VIIIe (Roye, Chron. scand., I, 1460-1483, 76)

...puis retourné en Escoce et Ybernie et de là en France où je ne séjourné gueres, car desir me print de estudier en medicine et fuz à Montpelier III ans (Simon De Phares, Astrol., c.1494-1498, f° 156 v°)

Desir que de + inf. ou inf. subst.

Sy yssirent (...) pluseurs aultres, en grant desir que de rencontrer ces Anglois. (Froiss., Chron. M., XIV, c.1375-1400, 94)

Li rois de France (...) poursievoit durement les Englés en grant desire que dou trouver et dou combatre (Froiss., Chron. D., p.1400, 331)

Desir que + sub. au subj.

Cusançon avoie et desir Que je peüsse, a mon loisir, Aucuns lievres a point sousprendre, Par quoy je les peüsse prendre. (Mach., J. R. Nav., 1349, 154)

'...laissez l'advocassie, J'ay desir que la guerre feust ore commencie.' (Gir. Vienne D.B., c.1350-1400, 132)

...nous avons grant desir que nostre mere soit vengie de la desloyauté que nostre pere lui a faitte. (Arras, c.1392-1393, 12)

...des bons en est mains (...) qui (...) ont desir et grant envie Que soit Scisme osté (Chr. Piz., M.F., II, 1400-1403, 10)

...lesdis seigneurs estans à Vernueil et ceulx de leur conseil ont grant desir que toutes choses s'appaisent amiablement par l'assemblée et par les manieres dessus touchées (Baye, II, 1411-1417, 121)

...et envoya avecques luy de rechef ledict cardinal Ballue et messire Taneguy du Chastel, gouverneur de Rossillon, monstrans par leurs parolles que le roy avoit très grant desir que ceste veüe se feïst. (Comm., I, 1489-1491, 124)

Au desir de qqn. Selon le souhait de qqn.

Aprés je vous dy que nous feïsmes depuis un convent entre moy et lui, que je devoie avoir toute sa marchandise a mon desir et a ma voulenté, par telle maniere que je le devoie mener a mon hostel et il devoit choisir de tel avoir comme il y trouveroit, et je lui en devoie faire emplir ses .V. nefs (Bérinus, I, c.1350-1370, 82)

LE BOURGOIS. (...) Vueillez me regarder, et tant Que, par le vostre saint plaisir, Puisse avenir a mon desir : C'est que ligniee puisse avoir (Mir. enf. ress., 1353, 4)

Lors li promet, jure et crehante Que, s'elle lui veult pardonner, Du tout la laira ordonner A son desir, a son vouloir (Desch., M.M., c.1385-1403, 124)

Et pry Dieu que toutez vous gart, Et vous doint bons jours, ans et mois, A voz desirs, vouloir et chois (CH. D'ORLÉANS, Rond. C., 1443-1460, 334)

...et vouloit le Roy de France que je fusse mis en sa main, pour estre pugny à son desir de ce qu'il me mectoit sus que je avoie esté cause de la prinse du bastard de Rubempré, et aussi que le duc de Bourgoingne s'estoit party de Hesdin sans dire adieu au Roy de France (La Marche, Mém., III, c.1470, 4)

Achever son desir. Voir son souhait, son rêve se réaliser.

Se voyant, comme dit est, ce seigneur Ludovic si près de achever son desir, et qui estoit marié avecques la fille du duc de Ferrare, dont avoit plusieurs enffans, mettoit peyne de gaigner amys, tant en ladite duchié que hors d'Italie. (Comm., III, 1495-1498, 18)

Accomplir le desir de qqn. Réaliser le souhait de qqn.

Sy vous prye mon chier maistre, si chier que vous m'amez, que vous me vueilliez acomplir mon desir, et du seurplus je vous lairay convenir du tout a vostre volenté, et octroieray quanque vous vouldrez faire et commander. (Bérinus, I, c.1350-1370, 160)

La, dame, te deprieray Tant que, s'il te plaist, tu m'orras Et mon desir acompliras. (Mir. emp. Julien, 1351, 216)

...'Certes, belle filhe, ce sont parolles qui me sont molt agreables, et bien estes amee de Dieu, qui telle inspiration ha mys en vostre cuer. Et je veulh bien acomplir vostre cuer. Et je veulh bien acomplir vostre desir.' (La Cépède, Paris Vienne K., 1432, 139)

...mais par adventure que Nostre Seigneur ne luy voulut de tous pointz accomplir son desir, pour aucunes raisons que j'ay dictes (Comm., II, 1489-1491, 175)

Être accompli de son desir par qqn. Voir son souhait réalisé par qqn.

Et prestement qu'il eust son emprise chargée, il envoya le roy d'armes de la Thoison d'or devers ledit Galiot de Baltasin, pour lui signiffier et dire de par luy qu'il avoit chargé et eslevé une emprinse en intencion de faire armes, et pour luy l'avoit il prinse et chargée, en esperant d'estre par luy accomply de son desir (La Marche, Mém., II, c.1470, 66)

Estre en desir de qqc. Avoir envie de qqc., de faire qqc..

Quant Robastre l'ouÿ adonc si demandoit, Car d'aider a Ernault devocïon avoit ; Et la pucelle ausi en desir en estoit (Hern. Beaul. D.B., c.1350-1400, 33)

Estre en desir de + inf.

Et Aigres qui estoit en grant desir de son pere delivrer, emporta tant de ce tresor, qu'il vist bien que jamaiz n'en pouoit avoir deffaute ne souffraite (Bérinus, I, c.1350-1370, 396)

Mettre qqn en desir. Susciter chez qqn le souhait, l'envie de qqc..

Ainsi, plusieurs, par tel lengage, Pour faire aux joennes gens plaisir, Les mettent en voye et desir, Dont l'effait maintes foiz s'ensuit Diffamable, qui trop le suit (Chr. Piz., M.F., II, 1400-1403, 52)

2.Volonté.

Et saiches que, se je savoye Tes desirs et ce que voulsisses, Avant que tu les me deïsses N'a autre personne qui soit, Mon cuer bonnement les vouldroit, Et de fait en acompliroye L'effect au mieux que je pourroye (Gris., 1395, 64)

...et combien que ce bon duc Phelippe fut son plus prochain parent, fut par mauvais conseil, par volenté ou aultrement, tousjours querut et pourchassa alliances dommageuses, contre le desir du duc, et, tendant de mettre celle seignourie en aultre main, se tira en Angleterre, querant de soy allier par mariage au duc de Clocestre, frere du Roy Henry le Concquerrant, qui tant fist de grans choses en France. (La Marche, Mém., I, c.1470, 91)

Faire le bon desir de qqn. Faire la volonté de qqn.

...me commendez faire et accomplir vostre bon desir (C.n.n., c.1456-1467, 566)

Estre du desir de qqn. Avoir la même volonté que qqn.

...toutesfoiz pour la bonne voulente que tu as eu et monstre des ta jeunesse que la sainte cite de Hierusalem et la Terre Sainte fussent delivrees de l'ydolatrie et souilleure de la faulcete de Mahommet et des ennemis de la foy (...) [Dieu] m'a mande pour toy reconforter et par consequent tous les predestinez a vie qui sont de ton desir. (Mézières, Songe vieil pèl. C., t.1, c.1386-1389, 90)

Faire qqc. de/par grant desir. (Faire qqc.) de tout coeur, avec empressement.

Chiére dame, de grant desir L'irons nous querre. (Mir. ev. N.D., c.1348, 73)

...par grant desir je [l'âme] couvoite a ly faire grant plaisir, quant je considere la grant charitey et amour qu'il aa moye (Crap., Cur Deus, De arrha B.H., c.1450-1460, 282)

Et adonc s'assirent et mengerent par grant desir à leur aise (Doolin de Mayence V, P., a.1500, 63)

3.Par métonymie. Chose souhaitée, désirée, ce que l'on souhaite obtenir ou accomplir.

...jamais en Engleterre ne retournerons, si averés vous une partie de vostre desir. (Froiss., Chron. D., p.1400, 674)

Merciez Dieu, pensez de le servir, Il vous garde de tous biens grant montjoye Et vous fera avoir vostre desir Par bonne paix que brief Dieu nous envoye. (CH. D'ORLÉANS, Ball. C., c.1415-1457, 135)

Et se par le plaisir de Dieu fortune venoit en vostre ayde, emploiez vostre temps, soit en conquestes d'armes, soit en services de seigneurs, ou en estre servi, que vostre desir soit de acquerir l'amour de Dieu et de pluseurs amis (La Sale, J.S., 1456, 75)

B. -En particulier.

1.Aspiration à une relation amoureuse, affective.

Desirs (...) est uns grans brandons D'ardeur (Froiss., Joli buiss. F., 1373, 157)

Mon vueil et mon desir entiers Sont vostres, maugré tous dangiers (CH. D'ORLÉANS, Chans. C., c.1415-1440, 228)

[Personnage allégorique]

Pran du mariage la porte : Je suy Desir qui le t'ennorte Pour ton bien, et pis eschuer. (Desch., M.M., c.1385-1403, 327)

...j'ai bien la congnissance Que Desirs grant painne y rent (Froiss., Joli buiss. F., 1373, 86)

Desir le maine et Espoir le conforte, Et Plaisance le soustient et supporte (Chart., D. Fort., 1412-1413, 170)

Quant en mon lit doy reposer de nuit, Penser m'assault et Desir me guerrie (CH. D'ORLÉANS, Ball. C., c.1415-1457, 29)

«Desir, tousjours vous mocquiez vous De moy et des compaignons tous ? Beau sire, que vous ai ge fait ? Dictes le si j'ay riens meffait, Qu'ainsi chargez tousjours sur moy...» (RENÉ D'ANJOU, Cuer am. espris W., 1457, 90)

Vray est que fu jadis espris Par le mouvement de Desir De ceste dame de hault pris (Amant cord. M., 1490, 16)

Desir amoureux

...son gracieux cuer, (...) sentoit ardemment la pointure du desir amoureux qui tire les amans a couvoiter veoir leurs amours (Bouciquaut L., 1406-1409, 40)

Avoir desir à qqn. Avoir de l'affection, de la sympthie pour qqn.

...le Roy et monseigneur de Guienne avoient grant desir et affection à maistre J. de Vailly, qui nagueres avoit esté chancellier dudit monseigneur de Guienne (Baye, II, 1411-1417, 135)

Par métonymie. Personne qu'on aime, personne à laquelle vont les pensées, les aspirations de qqn.

Je vous choisy, mon treshaultain desir, Je vous choisy, mon joyeulx pensement. (Garenc., Poésies N., 1390-1400, 19)

De leal cueur, content de joye,Ma maistresse, mon seul desir, Plus qu'oncques vous vueil servir (CH. D'ORLÉANS, Chans. C., c.1415-1440, 220)

ANDROMETA. Et qui esse que vous querez Si chaudement, dame Aqueline ? AQUELINE. C'est Marie, nostre voisine, Qui a perdu tout son desir. (Gréban, Pass. J., c.1450, 128)

-- Et quant ilz furent au preau ensemble, elle en le tresamoreusement baisant lui dist : 'Mon tres loial desir, vous estes en l'aige de XVJe ans, et d'ores en avant estes trop grant pour estre paige...' (La Sale, J.S., 1456, 65)

Adieu, m'amour et ma plaisance ! Adieu, ma joye et mon desir ! Adieu, mon bien, mon esperance ! (Pass. Auv., 1477, 263)

...et quant il peut parler, il va regretant s'amye en disant : 'Ha ! dolent, tu es bien meschant, car tu as perdu tout ton desir...' (Doolin de Mayence V, P., a.1500, 42)

2.Aspiration vers un bien abstrait valorisé (souvent d'ordre spirituel).

Doulx Dieux, en vous sont mi desir (Mir. st J. Cris., c.1344, 268)

Or est au jour d'uy bien accomply le grant desir des anciens saincts patriarches et prophetes et de tous ceulx generalment qui attendoient delivrance des perilz de mort et de dampnation (Gers., Annonc., a.1400, 229)

O prince [Jésus] , c'est tout mon desir Que d'estre tout temps avec toy, Pour ce que clerement je voy Que tu puis tout bien eslargir. (Pass. Auv., 1477, 219)

Item apparut en l'essoufflure que fist nostre saulveur de son alaine aprez qu'il fu ressuscité pour demonstrer que l'affection, le desir et les passions et actions de la voulenté estoient rievlees es disciples par mortifiement et revivement, car la soufflure de l'alaine procedant de l'esperit de dedens, segnefie la vive vigueur de l'affection et du desir de la voulenté. (Somme abr., c.1477-1481, 120)

Mais en la simbolique Dieu est nommé par les creatures de dehors, [...] la mistique par les choses de dedens et par les plus dignes desirs et affections, lesquelz l'ame rechoit par dessus elle. (Somme abr., c.1477-1481, 154)

Sire, nous prions le benoist filz de Dieu que, par sa saincte grace, il vous doint très bonne vie et longue et acomplissement de voz très nobles desirs. (Le Clerc, Interp. Roye, c.1502, 223)

Mettre son desir en qqn (un être céleste)

En toy toute m'afeccion, Mon desir et m'entencion Met, royne de paradis (Mir. pape, 1346, 376)

Ie pourraye dilater ceste matiere qui est moult plaisant a ceulx ou celles qui quierent les choses qui sont en hault et qui selon lapostre [l. l'apostre] goustent par bons desirs et sainctes meditacions les choses celestielles (Cib., p.1451, 192)

3.[Dans un contexte religieux ou moralisant]

Desir(s) (humains). Appétits de l'homme pour les biens terrestres.

...tout pereceux est toujours en desirs, car oysiveté esr ennemie et adversaire de l'ame et enchace tous bons et vrais estufes de vertus (Foul., Policrat. B., I, 1372, 119)

...et gardés que point ne soit ars et bruis cest hostel, l'ostel Dieu et l'ospital du Saint Esperit, par les donmageuses flammes des faulx desirs et convoitises afin que tousjours mon ame vive avec vous sanz departir (Gers., Pent., p.1389, 75)

Ainsi tu ne te pues par raison plaindre et ne te veulx de bienfait louer, ne tu ne sceis mettre frain en tes desirs, sinon vouloir tousjours le contraire de ce que tu dois. (Chart., Q. inv., 1422, 42)

Regarde le monde et toutes choses qui en lui sont, car maintes choses y sont, de especes belles et illecebres, de grant biaulté superexcellent, quy attraient tous humains desirs et affeccions humainnes (Crap., Cur Deus, De arrha B.H., c.1450-1460, 258)

En particulier. Appétit sexuel.

Nient moins la charoingne chestive Encontre l'esperit estrive Et art par desir et remue Pour la belle que la voy nue. (Mir. chan., c.1361, 174)

...leurs masles et les hommes avoient delaissié le naturel usage de femme et estoient touz enflambéz et ardans de leurs desirs en faisant ensemble leur laidure hommes sur hommes (Foul., Policrat. B., III, 1372, 240)

...la laissa courre comme une lisse entre deux douzaines de chiens, et accomplir tous ses vouloirs et desordonnez desirs [Un mari que désespère l'inconduite de sa femme] (C.n.n., c.1456-1467, 520)

Desir charnel

Mal pourvoit a la rigeur dez loys qui donne loy a illegalité, et celle loy est contraire a rayson qui est favorable a charnel desir. (Chart., L. Esp., c.1429-1430, 122)

Entre tous les biens de creacion il ny a plus haulte chose ne plus digne en homme que franc arbitre, aussi il ny a riens plus proffitable ne plus secret que bon et salubre conseil, et rien plus enferme ny a en homme que desir charnel. (Cib., p.1451, 223)

Tant souvent fut visitée en la maniere dessus dicte, qu'en la fin sa concupiscence et desir charnel la vaincquirent, et fut du dart amoureux bien avant touchée. (C.n.n., c.1456-1467, 567)

Desir de habiter

Satiriazie est continue erection de la verge avec desir et appetit de habiter, mais priapisme c'est continuelle et immoderee erection sans appetit et sans desir de habiter (Gordon, Prat., c.1451-1500, VII, 2)