VIGUEUR

substantif féminin

[T-L : vigor ; GDC : vigor ; FEW (XIV, 446) : vigor ; TLF (XVI, 1148a) : vigueur]

A. -[À propos d'une pers. ou d'un animal, de sa constitution physique, de sa complexion, d'une partie du corps...] Force physique, énergie.

...car aucune fois en françois vertu signifie vigueur de corps. (Oresme, E.A.C., c.1370, 130)

Leur vie fut saincte et peneuse, Et après leur mort glorieuse A leurs tombeaux fist Dieu pour eulx Mains miracles aux langoreux, Qui la furent de leurs langours Guaris et obtindrent vigours (Desch., M.M., c.1385-1403, 162)

... il ot, grant temps après le trespas du roy Guion, un roy en Armenie qui moult fut beaulx jeunes homs et en chaleur de force et de vigour, et moult plain de sa voulenté, et de grant cuidier, et hardiz et aspres comme un lyon. (Arras, c.1392-1393, 302)

Le roy, qui estoit en sa droicte fleur de beauté et de vigour et en son cuidier, dist que pour certain il yroit et ne demanderoit que le corps d'elle. (Arras, c.1392-1393, 302)

Ainsi aage et grant sens acquis, Mais se j'eusse aussi bien requis Force et vigour en tout cel aage, Je l'eusse eu, mais ne fus si sage. (Chr. Piz., Chem. estude P., 1402-1403, 26)

Las, dolent ! bien me doix douloir De pourter tel langueur Dont je pers ma vigueur. Helas moy ! que feray ? Je croy que j'an moray, Bien le puis esprouver. (Pass. Semur D.M., c.1420 [1488], 142)

Il fault et est expédient Secourir au cuer patient Par saignier, ou commencement, D'un braz ou deux moult largement, Selon la force et la vigueur De cil qui seuffre la rigueur (La Haye, P. peste, 1426, 119)

Comme sapience et science et vertu sont habits de l'ame, force, vigueur, beaulté des membres et la disposition d'iceulz et la composition du corps sont habits corporelz. (Somme abr., c.1477-1481, 165)

...est signe de vigueur de nature sur la maladie (Prevost, Cir. Guill. Salicet, 1492, II, 5)

SAINCT MARTIN. (...) A mort mes membres se transportent, En vigueur plus ne se deportent Tant suis foible et debilité (La Vigne, S.M., 1496, 565)

[À propos de la végétation]

...les flourettes par l'humeur de la terre eschauffée et reprenant la vigeur de generation procedant des influences du solleil... (Bueil, I, 1461-1466, 19)

B. -Au figuré.

1.[À propos d'une pers.] Force morale, énergie, courage.

Or diron li aucun (...) Qu'il n'aroit point en moy coer, valour ne vighour D'attendre aucun debat, aventure ou estour (Flor. Rome W., c.1330-1400, 134)

Car scens, vigour et maniere perdoie, Si durement par ses yeus me sentoie Enamourez (Mach., J. R. Beh., c.1340, 74)

Et quant a par moy debatus Me fui assez et combatus, Et fait ma pleinte et ma clamour De Fortune amere et d'Amour, Des grans doleurs et des meschiés Dont j'estoie et sui entichiés, Qui m'orent volu travillier De geüner et de veillier, De soupirs en larmes noiez, Aussi fui com tous desvoiez De scens, de memoire et de force Et de toute autre vigour (Mach., R. Fort., c.1341, 54)

Pour ce, dame, je m'atour De trés toute ma vigour A vous servir Et met, sans nul villain tour, Mon cuer, ma vie et m'onnour En vo plaisir (Mach., R. Fort., c.1341, 127)

Et met cuer, corps, ame, vigour, Desir, penser, plaisence, honnour Dou tout en toy avec mon vivre, Com cils qui vueil morir et vivre En ton service, sans retraire (Mach., R. Fort., c.1341, 157)

Car sa douceur faisoit tel guerre Par sa force et par sa rigour A moy, que n'os scens ne vigour Que la sceüsse arraisonner (Mach., D. Lyon, 1342, 186)

...je vous prie que vous prenez cuer et vigueur et vous reconfortez en vous mesmes (Bérinus, I, c.1350-1370, 13)

Alons nous enbuchier dedens aucun destour Si leur ferons dommaige a l'estraine magour, Car de leur bienvenue payer est ma vigour ! (Renaut Mont. B.N. V., c.1350-1400, 361)

Se vous iestes hardit, (...) Et que vous ayés cuer tel qu'avés le huée, Il convient que cascuns ait vigeur recouvrée (God. Bouillon R.B., t.3, c.1356, 14)

Pense au retour et aimme fort Et pren cuer, vigueur et confort, Et chasse hors le desconfort Qui en toy maint, Et tu seras tantost au port De pais, de joie, de deport (Mach., F. am., c.1361, 230)

Et se peut l'en avoir en autre maniere tele que l'en a victoire et que l'en seürmonte celles [passions] par lesquelles pluseurs seroient seürmontéz qui sont quant a ce de petite vigueur et ont peu de resistence. (Oresme, E.A., c.1370, 387)

Car raison est en eulz aussi comme destaincte, et en ont si peu et a si petit de vigueur que elle ne peut contre teles concupiscences (Oresme, E.A.C., c.1370, 381)

Adont se remist la bataille dou roi en vigheur, qui avoit de commenchement un petit branlet (Froiss., Chron. R., XI, c.1375-1400, 55)

...pour li donner ausi cuer et vigour par grace d'avoir pacience en ses darraines dolours corporelles et mentales et resister, a celle eure formidable, par grace singuliere en vraie foy, a ses enemis visibles et invisibles (Mézières, Test. G., 1392, 317)

Dedens lesquelz vindrent frapper les gens du roy estans en garnison audit Therouenne avecques plusieurs des compaignies des lances que le roy avoit en Picardie, dont avoit la conduicte le seigneur d'Esquerdes et autres cappitaines avecques luy, tous lesquelz, par grant vigueur et honneste couraige, frapperent dedens lesditz adversaires et ennemys, et tellement qu'ilz deffirent toute l'avant garde dudit duc en Autriche, à cause de quoy y ot grant occision des gens dudit duc, et y perdirent beaucop de biens, et furent menez chassans par lesditz gens du roy (Roye, Chron. scand., II, 1460-1483, 91)

...celluy a qui est deue Beauté, sapience et vigueur. (Feste roys, c.1475-1500, 311)

[Personnification]

Hardemenz l'engendra en Prouesce s'amie Et Vigours l'a norri tout temps en verselaige (Gir. Ross. H., c.1334, 133)

2.[À propos d'une chose abstr., d'une action, d'une conduite, d'un sentiment ...] Force, puissance.

La beaulté du viaire, les yeulx rians, les maxelles tacees de vermau, le aournement du chief, la lieure des cheveux et vestemens precieulx, la resplendeur des pierres precieuses, le bon odeur, et autres choses appartenans au monde feminim, sont griefves choses pour troubler le corage s'il n'est enclos de grand vigueur de chasteté (Daudin, De la erudition H., c.1360-1380, 372)

Et pour ce est en tel cas tres utile et tres proffitable gieu et esbatement pour teles sollicitudes deposer a temps, jusques a tant que la pensee soit aussi comme reposee et recrëee, et que les esperis repreingnent leur vigeur (Oresme, E.A.C., c.1370, 270)

Et ainsi il amesure sa debonnaireté par la vigueur de sa justice que sa langue si prononce vray jugement (Foul., Policrat., IV, 1372, 73)

Car celui qui te fist n'a pas voulu ta creation pour te voyr perir, mais pour toy aider et adresser ta fragilité par la vigeur de sa grace, que tu ne peulz deservir fors par travail en oeuvres meritoires, vainquant le monde charnel par l'espirituel puissance (Chart., L. Esp., c.1429-1430, 25)

Assés te doibt suffire ceste preuve a congnoistre ma vertu, et a esperer, par la vigour de mes armes, victoire contre lez passions humaines, et resistence aux envaissemens des tempestes du monde (Chart., L. Esp., c.1429-1430, 32)

Ta grant puissance maintient la vigueur de l'esperit, et ne te peult force tollir, ne violence fortraire. (Chart., L. Esp., c.1429-1430, -0)

...car amour sy pert sa vigeur la ou elle ne puet extendre son vouloir. (Crap., Cur Deus, De arrha B.H., c.1450-1460, 261)

Toutevoies Dieu puet estre comprins et congneut par foy aucunement en ce voiage. Comme dist Saint Augustin : le agument de l'entendement humain a tant petite vigueur en si excellente clarté qu'elle ne se puet affiquier ne adherdre en elle, s'elle n'est nettoiee par netteté de foy. (Somme abr., c.1477-1481, 133)

À/par vigueur. Avec force.

Je m'en combateray à force et à vigour (Chev. cygne R., c.1356, 104)

...par vigour a hardement repris, Et tant qu'à sa piersone fut mout biel escondis (Geste ducs Bourg. K., c.1410-1419, 319)

Par telle/si grant vigueur que. Avec tant de force que.

Gieffroy les assailloit par telle vigour que, au costé ou il estoit, mal soit de cellui qui demourast en vaissel, que tost ne se traisist a terre. (Arras, c.1392-1393, 220)

... et s'estoit mis sur la douve du cavain, par dessus, et faisoit assembler pierres, et gectoit par telle vigueur contre la valee que il n'y ot si fort, s'il est actaint sur la couppe du bacinet a plain coup, qui ne soit tous estourdiz ou ruez du cheval par terre. (Arras, c.1392-1393, 202)

Dont c'est pitié de tel enfent Ainsi mourir, qui se deffent Par tel vigueur que tout detrenche Devant lui et sa mort bien venche (Chr. Piz., M.F., III, 1400-1403, 127)

Cleriadus tous les cinq abatit, l'un aprés l'autre, de une seulle lance si roiddement et par si grant vigueur que il sembloit que la chose ne lui coutast riens (Cleriadus Z., c.1440-1444, 433)

À toute vigueur. À toute allure.

Remarque : GRÉBAN, Pass. J., c.1450, 5770.

3.[À propos d'un document, d'une disposition, d'un ordre donné, d'une loi, d'une institution...] Effet, autorité.

...toutefois pour satisfaire a vostre requeste, laquelle envers moy a bon droit obtient vigeur de commandement, en delaissant l'ordre que j'avoie encommencié, je me sui hasté de composer icelle partie de l'euvre susdite qui appartient a la instruction et doctrine des enfans royaulx (Daudin, De la erudition H., c.1360-1380, 3)

Certes sa voulenté doit en ces choses tenir et avoir force et vertu de jugement, et selon droiture ce qui li plait en telles choses si a vigueur et force de loy, pour ce que sa volenté et s'entente point ne se discorde de pensee de justice et equité (Foul., Policrat., IV, 1372, 52)

...tout ce qui plait au prince si a grant force et vertu non pas tant seulement en droit par ordenance selon forme de justice faite du prince, mais tout ce qui li plaist si a en toutes manieres vigueur de loy. (Foul., Policrat., IV, 1372, 69)

Et volons que (...) nos presentes lettres et quanques compris est dedens, aient tant de vigheur, d'effect et fermeté comme aroient nes aultres lettres par nous prommises et baillies, comme dessus est dit (Froiss., Chron. L., VI, c.1375-1400, 46)

Pour ce semble que Valere repute comme a miracle que tant longuement le senat de Romme a esté en vigeur et en auctorité, et de tant de gens que de cent personnes ensemble, et toutesfois on ne treuve point que onques leurs consaulz feussent revelez. (Fillastre, Traité Conseil H., c.1472-1473, 179)

[D'une disposition légale] Avoir vigueur. Être en vigueur, avoir cours.

Car ou les lois auront vigueur Ou il vouldra reignier sans elles. (Martin Le Franc, Champion dames D., t.1, 1440-1442, 108)

Jadis furent trois genres d'affinité, mais pour le present le premier a vigueur. Le second et le tiers ne sont pas en cours. (Sacr. mar., c.1477-1481, 74)

[D'un arrêt] De nulle vigueur. Nul, caduc.

...c'est assavoir que, à l'ocasion du recellement de la depposition de Regnauld du Dresnay, chevalier, et autres causes à ce mouvens les seigneurs de ladite court, l'arrest donné l'an mil IIIIcLXIII contre ledit de Chabannes, conte de Dampmartin, seroit de nulle vigueur et totallement adnullé, et que la depposition dudit Regnault de Dresnay seroit mys devers la court ; et pour ce faire seroient regardez tous les moyens et diligences que faire se pourroient pour recouvrer laditte depposition (Le Clerc, Interp. Roye, c.1502, 213)